تابع
*- من شعر الشاعر ساكر بن ناصر الخمشي أيضاً :
الـلـه مـن قـلـب عـذلـتـه ولا طــاع *** مـتـولـع بـالأجـنـبـي مـن هـبـالـــه
الأجنبي يـرث عـلى الكبد الأوجـاع *** عـقب العسـل يسقين مـر العـزالـه
المسعد اللي ما هـرج له بالأصباع *** والـلي جـرالي بالهوى مـا جـرالـه
ما ذاق وجد فراق زينات الأطبـاع *** يـوم الـذرا يطـوي بوسطه حـبـالـه
اغضي عنـه وانا له القلب مـولاع *** مـن خـوف لا تدري نـوادي رجالـه
الا وأنـا قـلـبـي رزيـن بـالأوقـــاع *** اجـنـب الـمـشـكـل لـدرب الـشكـالـه
اقـفـوا لـبـراق سـرالـه تــلــمـــاع *** عـلى مصيـف العـام يوضي خيـالـه
وقال ساكر هذه الأبيات :
شـفـت الغـضي متـقـنع بالـوريسي *** متمشلح فوق الوريسي سمل جوخ
يا عـود صفصاف بوسط الغريسي *** ينبـت بـه الرمـان والتيـن والخـوخ
كـلامـه احـلا مـن الحـلاوه بكيسي *** وأحـلا من السكر مع الـدر مطبـوخ
بـالـظـن ولا مـا عـرفـنـاه قـيـسـي *** عـسـيـرة بـنـت الأجـاويـد وشيـوخ
وقال ساكر بن ناصر الخمشي هذه القصيدة في الوجد والغزل :
أمس الضحى عديت راس الجذيبـه *** الـلي الوحـوش فـروخها يدهلـنـه
عـيني عـلى درب الحـبـيّـب رقـيبـه *** كـمـا رقـيـب الخـلـف لـعـيـالـهـنـه
اقـنب قـنيب الذيـب واهـذب هـذيبـه *** ذيـب بـغـى الحـولات مـا وافـقـنـه
وايـق وشـاف الجـو خـالي شعـيبـه *** يـبي النجـوع الـنـازلـه وافخـتـنـه
لـجـت ضلـوعـه يـوم جـر بـطنيـبـه *** معـه الضواري حسهن جضورنـه
هـنـيـت مـن هـو دالـه بـالـلـبــيـبــه *** مـا سأل عـن ذولا ولا سيـل عـنـه
ما يفتهـم بالوقـت ويـن أيـغـدي بـه *** دالـه ولـوعـات الـهـوى جـنـبـنــه
ماهـو سوات الـلي جروحه عطيبـه *** بـيـض الـخـدود بـحـبهـن ولـعـنـه
وجدي عـلى خطـو الشناح العجيبه *** مـا هـي مـن الـلي ثوبهـن خبنـنـه
اشقح بياضـه ما بعـد جـاب صيبـه *** ودك عـن الشمس الضريره تكـنـه
هي كيـف نفسه ما عـليها غصيبـه *** غصـبٍ عـلى المثبـور مـا تستمنـه
من حب لـه زول تجي مـن نصيبـه *** ويلـتم شمـل اهـل القـلوب المحنـه
ومن شعر ساكر الخمشي هذه القصيدة يتوجد :
الـلـه مـن عـيـن قـزت مـن منـامـه *** عـيـّت تـنـام وصار للنوم سامـوح
يا عـيـن يا عـيـن الخـطا والندامـه *** سهرتي ولالك من السهر مصلوح
الـنـوم عـنـهـا نـايـرٍ بـانـهــزامــــه *** تحـط مـن دونـه نواطير واشبـوح
عـلى الـذي مشهـات قـلـبي كـلامـه *** حبه بمكنون الحشا صاغ بنصوح
حبـه صبغ في ضامري تـقـل شامه *** عقـب يدينـه واشبع الروح للروح
يـا قـو صـبـرٍ صـابـريـنـه عـزامـه *** عـزالـلـه أنـي لـو تصبرت مسدوح
صبري ودبـرات الـولي والتـزامـه *** راعي الهوا قلبه من الـود مجروح
النفس مـن وجـدي تـزاول طعامـه *** كـمـا تـزاول لـلـقـدم ذاهـبـة نـــوح
العـيـن عيـن الـلي زريـقـه حمامـه *** نشدت أناراعيه قبل امس مطروح
يا شبـه حـمـراء زام نـابي سنامـه *** ترعى بضف اللي بالأكوان ممدوح
بحجـاجـه يا زيـن ردعـت اوشامـه *** كتب الحروف مخططينه هل اللوح
وهذه الأبيات من شعر ساكر الخمشي يقول :
يا فاطري مدوا هل الهجن قبل أمس *** الـزاد مـعـهـم والأهـالـي بـعــيـــده
الـلـه يجيـرك يا ذلولي عـن الحمس *** بـعـيـدة الـمـرواح وأنـتي وحـيـده
مع سهـلة تـدمس معـابينهـا دمـس *** راسـي وراسـك والـردى بالحديـده
أن كان ما جيناعـلى طلعت الشمس *** يـا فـاطـري عـنـا تـزل الـوعـيــده
وقال ساكر الخمشي من قصيدة :
غـديـت مثـل الـلي بـدا بالمشاريـف *** ضـاعـت ذلـولـه بـالفـلا ما لقاهـا
جـاه الظـلام ولايـعـتـه الـصـواديـف *** مـن حـر مابه صاب نفسه غثاهـا
عـلى عـشيـرٍ نـتـّف القـلـب تـنتيـف *** تـنـتيـف شقـران الحـرار لعشاهـا
أقـفـا مـع الـلي ينزلـون الأطـاريـف *** هـل المهـار الـلي تساعـر احذاهـا
مـنـزالهـم بالخـوف يـم الحجـاريـف *** الـلـي يـودون الـعـشـايـر هـواهـا
دار جـفـت سيـد الغـنـاديـر يا سيـف *** لـعـلـهـا يـاكـل دبـاهـا حـيـاهــــــا
وقال ساكر الخمشي أيضاً :
يا اهـل الركايـب ما ذكرتـوا هـولي *** الـلـه يـذكـر ذاكـره بـالـسـعــــودي
لـوا عـشـيـري كـل مـا قـلـت زلــي *** الـلـي يـوطـيـنـي مـراحـه قـعـودي
أضحـك مع المخـلوق كـوده يسلي *** كثـر الحكي يفضح ولا منـه زودي
أطـارد الـحـذرات فـي بـنــدق لــي *** ولانـي بسالي عـن حـلي العـنـودي
خـلـه لـعــلـه مـا فـعـل بـي جـزلـي *** أنـا الـذي بـطـيـت عـيـنـي بـعـودي
وقال ساكر الخمشي من قصيده أخرى يقول :
كريـم يا بـرق مخيلـه عـلى الغـدف *** عـله عـلى الوديان ينثـر وسايمـه
أنـا وراء الشيطيـن وأخـيـل بـارقـه *** اليا ما غـدا مثـل المفاخـر كتايمـه
جـعـل عـلى دارٍ ربا فيهـا صاحـبي *** تـسعيـن لـيـلـه بـس ديـم مـدايـمـه
تصبح زمالـيـق البخـتـري مـنـوره *** طرابيش حجـاج تطـوي عـمايـمـه
غـدا بقـلـبي غـادي الحـظ والبخـت *** خـلـوه يـدي لـي ويـاخـذ خـدايـمـه
يـامـن لعـيـن مـا تـهـنـت بـنـومهـا *** تسهـر لـيـالـي والمخالـيـق نـايمـه
كبدي كـما بالقيـظ عطشانة القـطـا *** الـجـو مـارودٍ وهـي زاد حـايـمـــه
هـي مبيض والمـاء بعـيـد أوروده *** والقـيـظ شاويهـا بحـامي سمـايمـه
أن كان هو مقفي فـانا عنه سامح *** ظـبـي الـعـفـا مـا يحملـنـه قـوايـمـه
وقال ساكر هذه الأبيات من قصيدة يثني على الشيخ ضاري بن طواله :
كـنه هـديب الشام مـن زمـل عـانـه *** الـلي تحط ابها القـلايد والاجـراس
شيـال وزنـات الـردي مـع اوزانـه *** زمل التخت اللي عدمها بالاضراس
يـا زبـن غـوج قـام يلـفـظ عـنـانـه *** بادن يدينـه وأرتخى عـقـب مـرواس
وقال ساكر الخمشي يسند على الشيخ ضاري بن طواله أيضاً :
يالـلـه طالبـك يا عـزال لـيـل ونهـار *** يـوم بـيع الجلايـب لا يـبـور جـلبي
اعتزي باخو صلفه شاكي له جهار *** كيف خلي خذاني وانابوسط عربي
لاعني ياخو صلفه لاع قلبي وطـار *** مثـل ما لايع الحـدرات ولـد حلـبي
لاعني يوم شفته مع شعيب الغـتـار *** مـرة يـدرق لـي ثـم نـوب ايـحـبـي
حين أرمش بعينـه طاح جل الجـفار *** صابني مثـل ما صابه بـرش حلبي
يا اريش العين خذ علم عليه المدار *** كان مذهبـك يالغـالي عـلى مذهبي
خل هرج الغبا واهرج بهرج القرار *** ياصخيف الحشايالترف منته غبي
كان خلي تنكر عـقـب هـرجه وبـار *** كـلما ساعـفت لي رد لي وش تـبي
شمت عما خفا مثـل شومت عـرار *** ما شرب من حثاله شينـة المشربي
عـيت النفس عيـت ما تريد السمار *** كـود عـذرا مـدامعهـا مـدامع ظـبي
وقال ساكر الخمشي هذه القصيدة يمدح الشيخ ضاري بن طواله أخو صلفه الأسلمي الشمري
الشجاع المعروف بعد أن فقد طيره ووجده عند أبن قنور وقد رفض أن يسلمه له فقال :
يا راكـب من عنـدنـا فـوق مذعـور *** جـيـش اللحـاوي جـدتـه وأمهـاتـه
يـا راكـبـه مـنـا عـلـى فـجـة النـور *** بالـركـض مـا تـنهج فـوات قطاتـه
لا جيت جـو غـنيـم لا جـاك عـاثـور *** لـزوم أبـن غـانـم تـعـشّـى جـلاتـه
تـلـفي بـيـوت كـنهـن شـمّخ الـقـور *** لا جـاهـم المـدمي تفـّرش عـبـاتـه
تلفي لخوصلفه من الغوش مسطور *** يـا كـثـر عـنـده قـول وده وهـاته
يا ضارب العايـل على مشة الـزور *** لا قـربـت عـنـده تـشـفـق حـيـاتــه
أبـي أخبـرك الطير عنـد أبن قـنـور *** أبيـك عـنـد النـاس تـركـز جـنـاتـه
وطيري اللي لاصبح الحزم ممطور *** والطرش من يمه شرب من فلاته
لاقوضن من خطوة الروض دعثور *** لا ادلـى مـن اللبـة تـسدك هـواتـه
يتبع