تابع
* وهذه القصيدة للشاعـر الخيبري أحـد موالي الشيخ نواف بن النوري ابن شعلان يتوجد على الشيخ نواف حاكم الجوف
سابقاً ويسند على الشيخ فواز بن نواف الشعلان والشيخ طراد بن سطام الشعلان فيقول :الـبـارحـة وسـط الحـشـا دك دكـاك *** بالصـدر نـار وبـالـنـواظــر شـرارا
على الشيوخ اللي يقولون لي هاك *** غـابـت نجـوم مضلـلـيـن القـصارا
يا جوف عقب مبيّد الهجن عفـناك *** الا أن ضهـر سلطان مثـل الـمنـارا
راجـت ذلولـه تـقـل شراب تـنـبـاك *** مـا لقـت كـود الخيـبـري والـعـذارا
راجــت عــلـى ذولا وذولا وذولاك *** وأقـفـت تحـن ودمـع عـينـه نـثـارا
لاجت على الماء راسها تقل شبّاك *** مـع ظـن بـالـي غــادي لــه حـوارا
أنـتي غـدالـك حاشي تـقـل مجكـاك *** أمــا يـمـيــن الـبـوش ولا يــســارا
وأنـا غـدالي مـدبـس الخيـل فكـاك *** فـك الطـريح مـن الجـموع الكـبـارا
يـا عـم يا نـواف مـا والـلـه أنساك *** يـا كـود يـنـسـن الـرجـال الـعـــذارا
يـهـل دمـعـي كـل مـا حـل طـريـاك *** ثـلاث وأربـع فـوق عـيـنـي تـبــارا
يا طـراد يا عـز الخوي لا عدمناك *** الـحـر مـثـلـك يـفـتـهـم بـالأشــــارا
فـواز لامن عسكر الريش يشفـاك *** يـا عـل مـا يـنـثـر عـلـيـه الـغـبــارا
وأن كان ما أنت اتسيّل الدم يمناك *** راحت ربـوعي يا أبو سامي فـرارا
لانـي أبــو عـيـلـه ولانـي بـمــلاك *** ولانـي مربـوط ولا برجـلي هـجـارا
حملي خفيف وخالقي حل الأشراك *** والـذل يـبـرك فـوق راس الحـبـارا
وصـلاة ربـي عــد مـا دار الأفـلاك *** وأعــداد مـا دار الـقـلـم وأسـتـدارا
* وهذه الأبيات من قصيدة طويله قالها عتيق بن مطلق بن رمال يمدح الشيخ النوري بن هزاع الشعلان ويعم الشعلان وقبيلة الرولة فيقول :
جينا لشيخان على الحـرب عاصين *** حامـينهـا عـن كـل خـوف ومـذلـه
يـا حـي والـلـه قـربـكـم يالشعـاليـن *** قـريـبـكـم مـا جـاه ظــيـم ومـمـلـه
قـريـبـكـم مـا قـيـل ديـور ولا شـيـن *** يـدلـه مـع الـويلان مـا أحـدٍ فطلـه
يا مدلهيـن الجـار مـا أنـتـم خـفييـن *** شيماتكـم بـدت عـلى النـاس كـلـه
حـكـام فـريـس شـيـوخ وسلاطـيـن *** والـكـل مـنـكـم لا أخـذ الـرمح بلـه
وفهدكم الـلي صيدتـه نـادر العـيـن *** والـيـا مـدحـتـه صـيـدتـه فـاطـنلـه
أبـو نـواف اللي على الخيل نعميـن *** إلـى ركـب فـوق الجمـوح السملـه
ويا عـلكـم طـول الليـالي عـزيـزيـن *** بجاه الرسول وجاه من يطلب الله
ولا قـلتهـا قـصـدي مـدور تـثـاميـن *** الـرزق مـن ربـي وأنـا خـاضعـلـه
وصلوا على اللي بيّن الحق والدين *** المصطـفـى شـفـاع لـلـنـاس كـلـه
* وهذه القصيدة للشاعر فايز بن سمران بن خلف العنزي قالها يثني على رحيّل بن فياض الجميشي الرويلي وذلك بعد أن دفع مبلغ من المال عن أحد الغارمين وأخرجه من السجن ومن منطلق ما جاء بالأثر من لا شكر الناس ما شكر الله فقد تجمل الرجل الذي اخرج من السجن فأكرم رحيّل ورد ثناه بحيث زوجه وهكذا عادة الرجال الكرام فقال فايز :
هات القلم سجل على البوك ياحسين *** حـيـث أن خـطـك ينـفهـم بالأشـاره
عن الخطأ ندخل على القاف تحسين *** وأنـت عـليـك الخـط ضبـط مسـاره
يـم الجميشي وصـل الخـط هـلـحيـن *** بـيـدك الـيـميـن ولا تـمـد بـيـسـاره
تـلـقـا المهـيّـل والـم والـنـبـا الـزيـن *** عطـه الجواب وهرجتـك بختصاره
عطـه الجواب الـلي نظمته بتوزيـن *** للخـيـّر الـلي جـودتـه مـا استـعـاره
موروث لـه من جد لجـدود مبطيـن *** جـزل الـمعـانـي مـن منـابـيـع كـاره
قـرم العـيـال الـلي يـفـك المساجيـن *** نسـل الجميشي مـا يهـاب الخسـاره
عـلـيــان مـد ومـدتـه بـالـمـلايــيـن *** يــوم أن كـل مـلـتـهـي بـالـتـجــاره
يا أم السجين الـلي مع الليـل تبكين *** الـيـوم روضـك زاهـي فـي خضـاره
الغـايـب الـلي غـيبتـه عـدت اسنين *** كفلـه الجميشي يـوم جت لك اخباره
دفع لهـم عـن مظلم السجـن تأميـن *** والـلـيـل عـنـهـم بـدلـه فـي نـهــاره
أعني رحيّل ريف مـن ظامـه الديـن *** عـن الـرذيلـه سامك العـرش جـاره
أبـوه قـبـلـه مـلـحـقـن لـلـمـخـلـيــن *** فـكـاك ربـعـه وأن تـنـاخـوا بـغــاره
وجـده لعب بالقـوم لعـب السراحين *** تـلــقـا الـرجـال مـجـدعـه بالـمعـاره
من راس قوم لكسب الأمجاد ضارين *** طـرق الـمـراجـل لابـسيـن اشـعـاره
عز الله أنه يرفع الراس يا حسيـن *** عـنـدي وعـنـد الـنـاس زايـد وقــاره
يتبع