أسباب معركة البدع 10-12-1237هـ ( عند ابن بشر سماها هزيمة الترك في حاير سبيع ص465 ج1 حوادث سنة 1237هـ)
وقت الصلح بين الأمام عبدالله بن سعود بن عبدالعزيز بن محمد بن سعود (أنفصل الصلح الاربعاء 7-11-1233هـ ) وابراهيم باشا ( الصلح الجمعه 9-11-1233هـ) هرب تركي بن عبدالله بن محمد بن سعود وأخوه زيد من الدرعيه إلى رماح (لقبيلة سبيع الغلباء وأميرهم مسلم بن سلامه الأدغم وولده سياف)وذكر ابن بشرفي حوادث 1234هـ ص437 أن ابراهيم باشا بعد المصالحه ركب غازيا على بوادي سبيع ومعه رجال كثير من أهل نجد(وذكرها سادلير في رحلته أنها شهر 5أو6 عام 1234هـ) ومع ابراهيم باشا الترك وهزموهم سبيع الغلباء وبقى زيد أخو تركي عند سبيع وتركي راح للغار في عليه وتزوج هويديه بنت غيدان بن جازع آل شامر العجمان ثم رجع لأخوه زيدعند سبيع الغلباءوراح هو وأياه لأبن معمر في الدرعيه يناصرانه (بن معمر تؤمر في الدرعيه آخر عام 1234هـ ذكر ذلك ابن بشرفي حوادث سنة 1234هـ وسنة 1235هـ من ص441 إلى ص444)وفي ص445 قدوم مشاري بن سعود إلى الدرعيه في 10-6-1235هـ وابن معمر يبايع له وتركي بن عبدالله يعضد مشاري بن سعودوفي ص446أبن معمريستعيد الدرعيه وص447 تركي بن عبدالله يدخل الدرعيه ويمسك بابن معمروص448تركي يستولي على الرياض ويقتل ابن معمر وابنه مشاري في آخرربيع الاخر 1236هـ ص449 وص451دخلت السنه 1236هـ الترك يهاجمون الرياض وتركي بن عبدالله يتصدى لهم وص452 تركي يفر من الرياض(فهرب من القصر في الليل وحده والصح معه أخوه زيد وراحوا في الصيف لبني عمرسبيع الغلباء في القاعيه والدجاني وأميرهم مسلم بن سلامه الأدغم وولده سياف وجأهم فيصل الدويش بألترك يبي تركي راعي الاجرب اللي مزبنه سياف بن مسلم وقال فيصل ياسياف والله اني ادرى اي اخاف على نساء بني عمر مثل ماأخاف على نساءالموهه سلم هذا الحصان الاصبح يقصد تركي للدوله اي للترك فرد عليه سياف والله لوفيه ولدذبح أبوه يعني كنك ابوي مسلم وابوك وطبان كنه جدي سلامه ماترجع انت وحميرك الحمر يقصد الترك اللي مع فيصل الدويش وطردهم وفي الصفري أو الربيع راحوابني عمر سبيع الغلباء للبياض جنوب الحلوه جنوب الخرج واميرهم مسلم وولده سياف ومعهم رفيقهم تركي راعي الاجرب واخوه زيد ثم الدويش فيصل وابراهيم كاشف رئس الترك العسكرجاؤا لامير الرياض ابن ناصر العائذي وقالوا له وش أخبار سبيع(يقصدون العزه اهل الحاير) فقال ابن ناصر لهم جانا طاحوس بن شعيفان امير العزه واللي معه وشرهناهم يعني عطوهم فلوس وجانا ابن شبيب العزه وعطيته أخاوة الرياض فزعلواعليه( لان سياف طاردهم قبل كم شهربالقاعيه والدجاني بالصيف يوم جوه يبون تركي فقال سياف لفيصل الدويش تقلع انت وحميرك الحمر اي العسكر)وقال ابراهيم كاشف وفيصل الدويش لامير الرياض ارسل لهم فارسل اميرالرياض لطاحوس بن شعيفان امير العزه وربعه وذبحوهم في 10-12-1237هـ ثم مشوا لحرب العزه بالحاير وذبحوا العزه عليهم خيل فقالواخلوهم بعدين نروح لبني عامر بالبدع عند العفجه وبعدهم نروح لبني عمر بالبياض جنوب الحلوه جنوب الخرج اللي معهم تركي راعي الاجرب ثم نرجع للحاير وانذروا العزه بني عامر وبني عمر وانتصروا سبيع الغلباء على الترك كماذكرنا بالموضوع اعلاه وقصد سعد الهياف من آل شبيب العزه يبشرون تركي ومسلم الادغم وولده سياف وبني عمر بالنصر على الترك:-
قال العزيزي والذي ولف البنا. تهيض فواده عن ضيقة حظاير
واللي مهيضني من الترك سيره يشدون براق من الصيف حادر
تنحروا من رؤس غلباء قبيله. عوامر تسي العدو المراير
ذبحوا ابن قنور بخضراء ضويحي مع وجه ربع يلبسون الشهاير
وركبواعلى جرد السبايا ودبروا. وفرسانافيهم تسوي العباير
على الروم من باب الحميري كسيره. لاباب منفوحه به الكسب عاير
والكسب منهم كل قبا طليعه وسيوف هند ونازعات الذخاير
وانا ذبحنا الشيخ ولدابن ناصر شيخ على ذبحه نسوق البشاير
ذبحه ابن شبيب بيمنا شطيره يمنا لامست عليها الجباير
ضربه سحاب الشلايا من يد لالجفه من حد القديمي عراير
ذبحناه وساح المال من عقب ذبحته ووطينا على راس العدو المزاير
من غير ابن مزروع مقري ضيوفه تدوسه الظفران بين العواير
ومن عقب ذا ياراكب صيعريه تشدي لخفاق الجناحين طاير
ركابها يسري ويلفي شيخنا تركي اليا عمست جميع البصاير
ويلفي زيزوم السرايا مسلم شيخ الشيوخ اللي فعوله شهاير
هو ذخرنا لامن هم ضيقوابنا والذخر يلقى في الجبال الوعاير
ويلفي لسياف زبون المجنا. ماطاع في شوره مشير وشاير
هاذي فعايلنا وهاذي سواتنا وهاذي عوايدنا على كل باير
وقصد كذلك سلطان بن ربيش من الضعفه بني عامرعن ضويحي العماني شيخ بني عامر:-
الروم جونا من شمال بصوله من كثرهم ضاعت جميع الفكاير
تنحروا من روس غلباء مثل اعلاه
إلى ان قال:-امدح محمدالعماني ولا استحي جواده يعرضها لهوب السعاير
سأكتب القصيده بالمشاركه القادمه