عــــزالله انك يابن عبـــــار وافــــي & بجهدك ومجهودك على كل حــــزه
شـربـه قـراح ومنبع المي صـــافي & ولاسمع قول اللي يبي يســـتفــــزه
قولـــه تمـــام ولا عليه اختــــلافي & ونـــزيـه عن درب الخطأ ومتنـــزه
راع النمايم كل الأوقــــات هـــافي & حكي الرخاء كبســـه على رز مــزه
تلقـــاه فـــي وقــت الشدايــد عوافي & مسيــدن مهيــدن لأم عامر تجـــزه
ساس الردى نوره عن الطيب طافي & دخـــان غليونـــن مع الي يمــــزه
ولاانــت في كل المواقيف تــــافــــي & حكــــــيم راي ولايبـــي من يكـــزه
وش عاد لو صارت عجاج وسوافي & والحر مايشبــــه مــــثل فرخ وزه
الناس تـــعرف ماعليــها خـــــوافي & ومن لايعــــزك مابشـــوفه معـــزه
ومن يجــحد المعروف ماهو سنافي & مخــيول شاوين وراء البــيت غزه
قال عبدالله بن دهيمش بن عبار هذه الأبيات جواب لقصيدة الشاعر دعسان بن غنام البجيدي :
سر يا قـلـم بالطرس وأكتـب قـوافي *** رد الـجـواب الـلي لـي الـقـرم كــزّه
دعسان الـلي شرواه عنـده انصافي *** يـشيـد بجهودي عـسى الـلـه يعـزّه
أشوف بعـض الناس صدوا مقـافـي *** تـفاخـتـوا ونـفـوسـهـم مـشـمـئـزّه
مـا يـذكـرون الحـق يالـلـه اتـكـافـي *** ويـاكـثـر الـلـي يفـتـن ونـاره يـوزه
والسـفـن مـا تـرسي بـلـيـا مـرافـي *** وصرح الجبل ما كـل عاصف يهّـزه
نـعـتــز بـالـطـيّـب بـعـيـد الـهــدافـي *** ولا الـمـخـمـه مـن صـفـالـه ابـتـزه
والحاسد الـلي في ضميـره ارضافي *** خـلّـه بـجـوفـه تـلـتـهـب نـار قـــزّه
والـلي عن الماجـوب نـايـم وغـافي *** عـاف المـراجـل لـو عـلـيـهـا تـلـزه
والخـل الـلي لـو تـلـتـزم لـك يجـافي *** هـذاك عــدّه مـن وراء ديـار غــزّه
والـلي ضميـره يا أبن غـنّـام هـافـي *** مـالـه قـدر لـو كـان كـشـخـه ورزه