تحيتٍ احلى من صرف الجنيهات
واحلى من ريح النفل بارطوبه
تقل هنوفٍ في زمان الخطوبه
من اقصى الشمال الى الحفرللقريات
متواجدين وفيك نالو اعجوبه
حيثك امير للفضى انت بالذات
بدسكفري نلتو بعيد المسافات
سبعة ايامٍ يالامير محسوبه
وثلاث اقمار اطلقتها مع عرب سات
فوق الكواكب يوم طارت تيوبه
زوتنا بعلم وزود الاتصالات
ردت الفضى يامير واضهر غيوبه
انت اللي تدحم للدروب الصعيبات
يارائدٍ شلت الفخر للعروبه
من فيه غيرك بالفضا له شهادات
بين العرب واسلامها ماحكوبه
ماقيل هذا بالفضى له سجلات
من مشرق شمس الضحى ليا غروبه
ياعالمٍ جبت العلوم الغريبات
الصحف تشهد فعلكم والمجلات
وهذا الصحيح الي العباد شهدوبه
العلم يحقق للبشر كل خيرات
وللا الجهل مافيه غير العقوبه
والعلم يفتح للشعوب الطموحات
تفتح ابواب مغلقه في دروبه
وفهد ملكنا نشكره كل الاوقات
العز طبعه والمكارم اسلوبه
ولي العهد راعي الصخى والمروات
وسلطان قرمٍ بالوازم ينوبه
ونايف على اسمه نايف بالجمالات
حكام نجد يوم دور الاصيلات
شرق وشمال وغرب بويضا جنوبه
عبد العزيز اللي مشى بهدي ايات
داس الرواسي وخضعت له اهضوبه
اسس قواعدها ورسى البنايات
وزال الضلاله والجهل والحزوبه
صم الصحاري بدلت بالجنينات
والبنك يعطي والفلل شيدوبه
المملكه صارت نعامٍ وخيرات
عبد العزيز اللي فعوله عضيمات
عساه يجزى بالجنان النعيمات
في جنة الفردوس تمحى ذنوبه
اقولها من صدق ماهي دعايات
والعالم الله قابل كل توبه
والخاتمه يا امير ارجو السموحات
كاني مقصر بالكلام اسمحوبه
فرحتنا واسعدتنا بالزيارات
وشوفك سعيدٍ والحضور اسعدوبه
واختامها على النبي بالصلاواة