البارحه سهران وغيري ارقود
والقلب ضايق وهمومه ثقيله
***
طرالي صاحب الكرم والجود
اللي من بعده الروح عليله
***
اخذت انا يوياه عشرين وزود
قضيتها تقل ثواني قليله
***
ماشفت انا فيه عيب ولا منقود
اعلومه كلها ياعرب جميله
***
احبه وحبي مايبي اشهود
عزي لمن مثلي فقد خليله
***
عيوني كن بها غرس عود
دمعها ماجف من يوم رحيله
***
تبكي على اللي طيب ومحمود
اللي اجناسه اليوم قليله
***
عساه بجنة الفردوس موعود
وبأنهارها وقصورها وشجار ظليله
------------
كلمات الوادي
ابو عبدالعزيز
عبدالرحمن عبدالعزيز الخمِيس
1436/10/20