مداخله بسيطه

وردت قصيده ولاتزال تحيرني هذه القصيده ، وحولها تساؤلات واستفهامات كثيره ،

لنا بخيبـر غـارساتـن مامثلهـا
عليها من شغـل العبيـد أصنـاف
ولنا بيت ٍ بالفقره شمالي النخل
والمسجد اللي صار الكشاف يشاف
ولنا مرتع الناقه والحفرة و ما حوت
ولنا القليب اللي بخشم أرواف
خمسين قامه حفرته قبل ينهدم
عليه من خط المحوص أهداف
خليت ابن ملحم وسافرت للأحساء
أشوف في نجد عليها أجحاف
سافرت أنا ومعي رجالاً تعدهم
أبن ثنا والعيد والعياف
أما حمينا نجد بالسيف والقنا
وإلا عفناها وغيرنا من عاف

القصيده صاحبها كما يقال سعود بن مقرن بن مرخان والد محمد بن سعود اول حكام الدوله السعوديه الأولى ،
القصيدة طرق بحرها مايعرف بالهلالي القصير ، وهو مثل الهلالي الطويل الا انه يختلف وزنه بعجز القصيده بوزن معين يعرفه المترمسون من الشعراء ، اضافه لصدر البيت الاول فقط ،
وهذا الوزن قل النظم عليه في الازمنه المتأخره ، واكثر ماينظم عليه الأولين في القرن الثاني عشر وماقبله ، مع وجوده لدى من بعدهم ولكن بقله ،
وصاحب القصيدة توجه من خيبر كما يقول انه ترك ابن ملحم وسافر للحساء ولعله يشير لخلافات معينه في الدرعيه او الحكم، حيث ان سعود تولى الحكم في عام 1119 في روايات وفي روايات 1132 بعد خلع موسى بن ربيعه من قبل اهل الدرعيه ،
كما ذكر مناطق الان تسكنها قبائل عنزة على وجه العموم ، وذكر انه حفر قليب برواف وانه خمسين قامه قبل ينهدم ، مما يعني انه مندهم الان وحتى في وقت صاحب القصيده
وارواف ضليع على طريق الجهراء قبل الوصول للجهراء ، للي متوجه غرب وعقّب مركز الحزم واخذ له مشيويح ، يشوفه على ايمنه ضليع لحيّـله ، بحد الجهيّروات والصفا من الحزوم ، منه وجنوب وجنوب غرب الحزم المعروف حزم ابا دهيم ، وهو بله نقيره ،وشماله وايسر من الشمال الضلع المعروف برد .

القصيدة لااعلم مصدرها ولاادري ماوراءها ، وقبل الخوض في القصيدة يحبذ ان يعرف مصدرها وانا والله ماادري عنها لكني قد سمعت شايب كبير بالسن وردها مرة ، فهل مقيوله له تالي وقضبها لااعلم ، او انه حافظها من قديم ، لذلك قبل الكلام في محتوى الابيات يجب الوقوف على القصيده وقد كنت اود سؤال ابومشعل بارك الله فيه عنها الا اني نسيتها ولم تفطن علي الا الآن عندما اطلعت على المشاركات الاخيره في هذا الموضوع