سنة الخالـق علـى المخلـوق مكتوبـه=المـوت حـقٍ رب السمـاوات كاتبهـا
العبـد يذكـر فـي تعازيـه ماجـوبـه=سنّة محمـد تقـوم ناسٍ بواجبـهـا
مرحوم ياشيخٍ كـل الأصحـاب عزوبـه=المحبـة بيـن ربـعـة دوم كاسبـهـا
الشيـخ دلّـي ما عمـر ربعـه تحاكوا بـه=عزيـز نفـس ودوم نفسـه يحاسبـهـا
ما عاش بالباطـل ولا شيخـات مكذوبـه=ولا جاب كذبـه علـى العربـان جالبهـا
أنا اشهد إنـه صـادق ماجمّـع ذهوبـه=ولا اهتـم بالدنيـا ولا غـرّه مكاسبـهـا
ولا طق باب الحاكم على الشحذات بالنوبه=ولا شكى الخالق على المخلـوق يكسبهـا
بِشـوش دايــم راضــي بمكتـوبـه=ولا عمر نـم بأطـراف ربعـه يعذربهـا
لا كبـرت القـالـه يـاقـف بماجـوبـه=تصغـر بعينـه الكبيـرة مـع سبايبهـا
يوم المصيبة ماجابـوا حاكـم وزاروبـه=بيده الشريفة رقـع شقـوقً ومقاطبهـا
أصـدق عفـو يـوم الأسـرة تماشوا بـه=يفـرح الصدقـان والعـدوان يغضبـهـا
أقسـم لـو المنايـا تبـدّل ومطلـوبـه=أسكـن بقبـرة واحـط فوقـي ترايبهـا
أجرك على الله يابو مممـدوح محسوبـه=تفـوز بالجـنـة وعليـيـن تكسبـهـا
ياشيـخ المزاهيـف واجبهـم وقاموبـه=مبطـي مزاهيـف لـو نعـدد مناقبـهـا
كم مرةً حقهـم علـى العـدوان عيوبـه=وكـم وقفـةً نميّـل الكفـه ونكسبـهـا
لو هو على الموت أرواحهم دوم مجلوبه=يشهـد التاريـخ والاشـعـار كاتبـهـا
توثيق علمي ما هـي سواليـف مقلوبـه=مـن منافـق فـي هـروجـه يقلبـهـا
شيختك ماهي من احدى الاطراف موهوبه=ورثٍ ورى ورثٍ للاحـفـاد واهـبـهـا
نشوف ناسٍ بامـراض العصـر مكلوبـه=قامـت تزيـف والحقـايـق تحاربـهـا
راع الـردى يشـرب المـاي بعـذوبـه=وراعي الشيمـه تكـدرت لـه مشاربهـا
الديرة الي بها حـق الأجـواد مسلوبـه=جعلهـا تبلـى بمثـل هيلاكـو يخربهـا
وصلاة ربـي عـد ما بالحرميـن صلوبـه=على الرسول جـود للعـروة مقاضبهـا