السلام عليكم ورحمة الله وبركاته

هذه القصيدة رد من الوالد حفظه الله
على شعراء الفتن
الذين لايتورعون عن إثارة المشاكل .
نبدأ بإسم الله نختار الكلام ***
منجين ذا النون من بحرن ظليم
دول الخليج خوال وعمام ***
الله يصلح شانهم ربن كريـــــــــــم
الأمل بالله يزيل الغمام ***
ثم بحكمة شيخنا ذاك الزعيـــــــــم
المليك الشهم رفيع المقام ***
خادم البيتين الرزن الحكيــــــم
وكلهم غالين رجالن كرام ***
عيال زايد والخليفه مع تميــــــم
أنتم للتوحيد ضمان وسلام ***
لايفرق شملكم خبثن أليــــــم
يا شعارن للفتن جاكم ملام ***
الله يقطع شعركم ماهو سليم
المزايد بينكم كذب وحرام ***
تشعلون النار بوقاد الهشيــــــــم
من سخافة شعركم ما أنتم حشام ***
فاقدين الذوق بالشعر العقيم
وملينا من شعركم ياذا الهرام ***
المهايط بينكم واضح سقيـــم
أتركوا ذرب السياسه يالغشام ***
خلكم مابين شله وصوت ريم
من حرك الفتنه وأهلها نيام ***
يعاقبه الله وتصلاه الجحيـــــــــم
مكتفين أجراح أحزان والآلآم ***
وضعنا مابين سين وبين جيــــم
ياشعار اليوم أكثركم عوام ***
إختلاف الراي لايصبح خصيـــــــم
أنظر لحال العرب حرب وهدام ***
أفهم يافهمان وإصحى ياغشيم
أختصر وأقول للدنيا السلام ***
يوم صار الشعر بأفواه الحريــــــم
التسرع واضحن منها شمام ***
بالمعاني غيها فيها يهيــــــــــم
المسبه للبشر ظلم وحرام ***
حتى لو إن جاك من ندن غريم
دينا دين التسامح وإحترام ***
يغفر الزلات الرب الرحيـــــــــــــم
إدعوا للإصلاح وحب الوئام ***
وإسئلوا وش صار بأصحاب الرقيم
خليف بن سعيد