قال الشاعر علي بن ثاني الطويلعي هذه القصيدة يسند على عبدالله بن دهيمش بن عبار :
ســلام شـمـوخـا وعــزا وتـكــريـــم *** قـلـتـة بابـن عـبـار مـرفـوع راسـي
في مـنـتـدى الـويـلان للـكـل تـسليـم *** مـن ابـن ثـاني والمـجـال امـتواسي
طـويـلـعي لا نـظـم الـقـاف تـنـظـيـم *** سـلام سـلـيـمـا مـن اي الـتـبـاســـي
مصمـمـن لـطـوال الاشبـار تصميـم *** مـالـة حـدود ولا لـحـجـمـة قـيـاسي
يـعـم جـمـيـع الـدول والاقـالـيــــــم *** لـعـيـال وايـل كـاشـفـيـن الـمــآســي
بعهودهـم وحـدودهـم يـبعـد الظيـم *** مـن لابـة مـثـل الـجـبـال الـرواســي
فـي صفحة الامجـاد لـهـم مـراسيم *** امـجـادهـم تـثـري ومـنهـا اقـتباسي
نـوادرا تـصـعـب عـلـى اي تـقيـيـم *** مـافـي حـمـاهـم مـلـجـاء للخساسي
محـطميـن ارقـام الامجـاد تحـطـيـم *** وباقي العـرب ماقول فيهم مساسي
كـل ديـرة فـيـهـا كـرام وشـغـامـيـم *** وكـلن عـلى ماقيـل عندة احساسي
وكـلن لـة اهـدافا وعـنـدة مفـاهيـم *** بـس اجـتـمـاع الـراي شيا اساسي
والاتـحـاد الــزم لـزوم الـمـلازيـــم *** وصـلى الـلـه وسلم سلاما سداسي
عـلـى مـحـمـد عـد رحـال ومـقـيـم *** وعد الحجار وعـد رمـل الطعـاسي
قال عبدالله بن دهيمش العبار هذه القصيدة جواب لقصيدة الشاعر علي بن ثاني الطويلعي :
مشكور يا مرسل جوابه عـلى الميـم *** عـلى أبـن ثـاني شـد بالقـاف باسي
تعـيش يـا نسـل الـرجـال الصـواريـم *** مـشكـور يالـقـرم الأديـب السيـاسـي
يا مرحبابك مـن أعـمـاق الصماصيم *** مـانـي لـرّدك يا أبـن الأجـواد نـاسي
ويا مـرحبابـك عـدد مـا ينـزل الـديـم *** ويحـيي الـديـار الـلي ثـراهـا يـباسي
وأعـداد قـطـعـان الـدبـاش الـدواهيم *** وأعـداد مـا نـال البشر مـن جـنـاسي
حـيـثـك مـن الـلّي يذبحون المـراديـم *** والحيـل تـوضـع بالصحون التباسي
طـوالـعـه ريـف الضيـوف المعـازيـم *** يوم الزمان الـلي عـلى الناس قاسي
وعصر المغـاري يقطعون المخاريـم *** عـلى النخـاوي يشهـرون الحساسي
اليـا ثـارت الملحـا خـلاف المجـاهيـم *** وبـدأ لـجـولات الـمـهـار احـتـواسي
والعج من وقـع الحـوافـر تـقـل غـيـم *** وصار الضحى كنّـه ظـلام الدماسي
في ساعـة بـه غـالـي العـمـر ماسيـم *** والـدم لـنـحـور الـرجـاجـيـل كـاسـي
طـوالـعـه مـثـل الـسبـاع المـضـاريـم *** عدوهم حدر تحـت الحوافـر يـداسي
يـوم المـراجـل فـوق حصن النواهيم *** عصر النضّى والخيل قبـل التكـاسي