السلام عليكم شكرا اخي على كتابتك القصيده ولكن هناك تعديل للابيات والقصيده وقائل القصيده هو مجحم النجدي
القصه :
غزا الجربا ومعه ابطال شمر وعقداهم واخذوا عدة اذواد للصقور وهم المكيتل من الجلال والموقع بنقرة الصيقال قريب للبريت العد المعروف
اما بيات الليل اخذوا شمر عدة اذواد من الجلال ومامعها جنب و وافقهم النبيقي العقيد المعروف ومعه مجموعه من الصقور والمصاعب
على حده وفكو البل التي وخذت في بيات الليل غير اللي معها جنب وهذا مالزم وتقبلوا تحياتي
القصيدة :
ياركبن من عندنا فوق هملان = عليه قراميش الخلاء واللواليح
ليا جيت عبد وعبدين الاخوان = وعبدالكريم اللي كسب هبة الريح
قله جونا الهيافا والسيافا وحدبان = وابن مصيول والعجرش وابا الميخ
يتلون قواد السبايا نسل فرحان = من ماكر تبعه يصيد المجاويخ
وحنا جنبنا بس تسعه وورعان = من دون زرفات العشاير ذوابيح
دون الكمي ماصدغوهن بالرسان = غاشن قطي الخيل مثل الشماريخ
من نقرة الصيقال ليا نقرة الخان = والخيل عزم بالوجيه المفاليح
تلقى فرسان الخيل نارت بشامان = طال المغار وكملت هبة الريح
اما بيات الليل ماعنه جحدان = حنا طلب شقح عليهن شراشيح
مثل لجات العجم بوسط الخان = هنف الخشوم مطربات السواريح


اخوك / ابو بدر الصقري