كريم يابرقاً سحابه مخيل = يضوي من المنشا مزونه مقابيل
عسى مصبه فوق راس الشليل = يسقي القلات اللي بوسط الغراميل
وحلوان مع لغف الطرايف مسيل = منزل عرب مشعان هم والعباهيل
مريت حروة دارهم واتخيل = زوعة ظعنهم يوم دور المراحيل
ماشفت نزل بيوتهم واتويل = بس الهوادي والمنازل مساميل
وفيض على مندا قليب الرحيل = وبطن الخرم والخنذوه ضفه السيل


..........

... كريم يابرق الحيا يوم ناضي = برقاً نخيله يم ابا الهيل وشبيح
مزننً تحدر للحفر والرياضي = ماخلت برقه لو مزونه مراويح
ان سال واسقى يابسات الاراضي = وادي الدواسر فاض سيله على السيح
خلا سكان القرايا فضاضي = قدّ الحزوم وطفح القاع تطفيح ...


.... وهي اطول من ذلك ......

وقال في رجل من جماعته :

يافلان يابن فلان ظنيت بك ظن = واطلب عساها ماتخيب الظنوني
يابن الذي عن المواجيب ما كن = جزام عنده كل صعباً يهوني
أنا نصيتك يوم رجلي عجزن = وعجزت لا الحق بشت ثوبي متوني
كلن شرا يوم الاراضي يباعن = وانا أتحرا بالسنه صرف شوني
نبي مساحه ارض نبني ونسكن = بلشت بمسكن عيلتي وابلشوني
حنا عقب مشعان نشره على من = كحيلان لو انه فقيد العيوني
قل تم ياهداج تيما تبينّ = خل الجماعه كلهم يشهدوني
جتك المثايل واتلا الاخبار ماجنّ = باللي ليا لحق الطلب ينزلوني
تلافتن شقح العشاير وفرحن = وتطابحوا قدامهن ينتخوني
وحوارهن جاه الفرج عقب ما حنّ = بملكاد جمع موسعين الطعوني ...


..... وسلامتكم ,,,,,,,,,,,,