لقد هيضتم راسي ياعيال وايل .... وكل عنزي مافيه غيرة لقبيلتة مافي خير لاهلة وهذا الكتاب بان الله سوف نكلم اصحاب الشأن ان يقدموا اعتذار اولا ... ومن ثم يمحى من الكتاب كل تلفيق حصل على قبيلة عنزة


هذي علوم جـدودنا الأولينا ....... وحنّا نورّثهــا لجــيل بعــد جـيـــــل
ما هي غريبة يوم يطلع حدينا ...... افعولنا ابين من الجدي وسهيـل
فيهم نشــدّ حــزامنا ينتوينا ....... هم ذخــرنا عــند المـلمّات بالحيــل
فيهم سند لظهورنا اليا إرتخينا ....... يوم انها بالرمح والسيف والخيل
ياما بهم روس المعالي رقينا ....... عدوّنا من فعلـهم يجـرع الويــل
واليا ضقنا عدوّنا ما رضينا ....... ركضاتنا تبــري الكـبود المغاليـل
واليا وفا معنا صديق(ن) وفينا ..... نشعل له أطراف الأصابع قناديل
قـصيرنـا عدّه حدا والدينـا ....... نرعــاه رعـي عيـوننـا بالمـناديـــل
نبلّ كبد اللي وقف يحترينا ........ مثل السّحاب اللي تحرّى به السيل
تاريخنا في نجد يا جاهلينا ....... حتى العمى يقــراه ماهي تماثيــل
في ديرة الحايط بيوت(ن) بنينا ....... فيها لنا ربع وبساتين وانخيل
راحوا جميع ربوعنا به بقينا ........ يضوي لميع سيوفنا حالك الليل
تطحن رحانا من بغى يبتلينا ...... ونشبع طيور(ن) بالبراري مهازيل
ظلم القرابه فجّر الغيض فينا ........ والجور يرِّث بالضماير ثواليـــل
كم راس شيخٍ يا بغانا رمينا ........ وكم طامعٍ فينا قليل المحاصيـــل
والشيخ قاعد مزبن الخايفينا........ في نجد سوّا من الفعايل تهاويل
نسرح ونمرح والله اللي يعينا... نجير ناس وناسٍ نمرس لها الويل
عينيك يا راعي قعود(ن) تبينا .. نرضيك ونغضب اليا حصل ميل
إمامنا صدّق بنا المغرضينا ....... اللي يحوكون الشَّرَك والمحابيـــل
والله يالولا حشمته ما مشينا ...... بانت عقب ذلك جميع التفاصيـــل
وجينا على وضح النّقا يوم جينا ...... ناطا الخطر ما نتّقي بالدحاميل
نمشي كشاف وندحر المعتدينا ....... تدله بنا شقح البكارالمداليـــل
واللي تعرّض دربنا له وطينا ...... تدري بنا العربان قبل المراسيل
ثٌمّ(ن) عبرنا شطوطها ما هبينا ..... تدفع لنا راوه زكاة المحاصيــل
نمشي ولا نخشى عدو(ن) يجينا ... وبالشّام جينا ربعنا سبيع ورويـل
وعدنا على الوديان ثمّاً لتقينا ...... بربوعنا اللي قبلنا شدّوا الشيـــل
اليا تجمّعنا معاهم غدينا ...... مثل الـجـبال الراســيات الـمثاقيـــــــل
من حمص للفيحاء الياشرق لينـا.. ومن راس وديان المهنّا اليا الهيل
عشرين عام وفوقها ما انثنينا ...... ويعطيك دحام في قصيده تحاليل
حتى رضيع الديد يلحق علينا .. ويصير رجل(ن) من حساب الرجاجيل
ونعم بكلّ أحفادهم أجمعينا ....... اللي على الشّدات دايــم حــلاليـــل
ومن قال حنّا بالعراق اكتفينا ...... مخطي ولا عنده لقوله دوالــيل
على حدود المملكة قاطنينا ... نوب(ن) جنوب ونوب نرحل تشاميل
حنا سعوديين رحنا وجينا ....... نزكّي ولو كنا شـمال الطــريبيـــل
نطيع أمر ملوكنا ماعصينا ....... وناقف بوجه اللي عليهم مغاليل
تاريخنا حق ولزوم(ن) علينا ...... يبقى على روس القبيله اكاليـــل
والحاضر اللي دون ماض(ن) حسينا ... ماينفعك لو جمّلته التشاكيل
وختامها على النبي الأمينا ........ أزكى صلاتي مع سلامي وتبجيــل

معاكم \\\\\\\\\\\\ ابن قبلان