وهذا مقطع من أحد الملاحم الوائلية :
يقـول ابـن عـبـار في نظـم الأشعـار *** القـاف من فيـض القريحة يـزودي
وأولاد وايــل كـنـهـم حـيـط واجــدار *** ذخر لبعضهم رغم أنف الحسودي
عـدوهـم مـهـمـا تـكـاثـر بـالأنـصـار *** يصير من عقب الشجاعة شرودي
عـاداتـهـم يـثـنـون بـالموقـف الحـار *** شجعـان بالروح العزيـزة تجـودي
تـاريخهـم معـروف في كـل الأقـطار *** صالوا وجالوا فـي جميع الحدودي
من معد من عـدنان من صلب نـزار *** صفـوة ربـيعـة من قـديم الجـدودي
عـزوة ربـيعـة لابتي صيـد الأخـيـار *** مبـطي فعـايـلهم عـلـيهـا شـهـودي
الـلي جـبـل خـزاز شـبـوا بـه الـنــار *** عـقـد سـناهـا يـشتعـل لـه وقـودي
الـلـي حـمـوا دخـيـلهـم يـوم ذيـقــار *** وكـتايـب الهامـرز جـتهـم حشودي
جاهـم من جنود العجـم جيش جـرار *** فيهم ملاحـد مع مجوس ويهـودي
وتـجـمعـوا للشـور صلبيـن الأشـوار *** وتعـاهـدوا مـا بـينهـم بالصمـودي
وقالـوا نريـد المـوت ما نبغـي العـار *** دون الكـرامـة والـمحـارم نــذودي
وحاموا على عـز العرب والعدو نار *** عيـوا على الجار الدخيل الطرودي
هـذي فـعـايـل لابـتي ماضـي الأدوار *** وفخر العرب من دورعاد وثمودي
والـيـوم عـادوا سابـق المجـد تكرار *** المجـد يـبـقـا والـمـفـاخـر تـعـودي
ربعـي لـهـم بـالطيـب تاريخ وأذكـار *** يـوم المراجـل مثـل رقـي السنودي
أولاد وايـل كـان عـج الـدخـن ثــــار *** سقم الحريـب وصادقين الوعـودي
يـرسون بـالهـيـه كمـا يـرسي جـدار *** أعــز وأمـنع مـن شواميخ طـودي
بشر وضنا مسلم هـل المجـد والكـار *** يوم العـرب كلـن لـواه أمـعـقـودي
مـنهـم هـل الملحـا مبيديـن الأشـرار *** ولادعــه لـلـخـصـم دايــم تـكــودي
بمركاضهـم تشبع مجيعـات الأطـيـار *** إلى طار ستـر منقضات الجعـودي
ومـنهـم بني نـبهـان مرذين الأكـوار *** ضد العـدا إلى زام غيض الكبودي
اللابـة الـلي تـكـرم الضيـف والجـار *** تـذري وتدخل من نصاها محدودي
ولابة بني شرعب يدوسون الأخطار *** يهـاب سطوتهـم قـوي العـضـودي
عــدوهـم كـانـه سـمـع طـاري أنـذار *** تسهـر عـيونـه بالدجـا مـا تنـودي
ومنهـم هـل العـليـا طـويليـن الأشبار *** رويلات لا هـاب الـذليـل الهبـودي
ما هـو بخير الـلي على ذودهـم غـار *** ما يهـتني عـينه تعـاف الـرقـودي
ومـنـهـم محلـف كان لاحـو بـالأكوار *** يـردون لحياض المـنـيـه أورودي
سـوالـمـه تسـقـي العـدو مـرالأمـرار *** وعـيال عـبـدالـلـه نـوادر فهـودي
وعيال مشجع لا اعتلوا قب الأمهـار *** شجعـان ما منهـم بـليـد الـزنـودي
ومنهم عـيال سهيل مـن صلب عمار *** سلقا وجبل لا جـا نهـار الحشودي
ودهامشـة كـان الجـمـل حـد بهـجـار *** نطيحهـم شاف الكـدر والـزهـودي
ومنهـم عـيال عبيد لا صار مـا صـار *** يـروون حـد مصـقـلات الهـنـودي
لابــة هـل الـعـرفـا وبــواجـت الــدار *** وسـلايـل سليمـان مثـل الحـيـودي
أولاد وايــل مـا بـهــم طــق شبـشـار *** ومن يدرك المجد التليد أمحمودي
يا ما قطعـوا بالسيف من راس جبـار *** عـليه خمشن العـذارى الخـدودي
نـطيـحهـم بـأمـر الـولـي كـود يـنهـار *** يـقسـم يـميـن لـدارهـم مـا يـرودي
هـذي فـعـايـل لابـتـي مـابـهـا أنـكــار *** أفخـر بهـا ولا ني بحال الجحودي
نـفخـر بـمجـد الـلي لبسنا لـه شعــار *** تاج الفخر في ظـل حكم السعـودي
يحماهـم الـله مـن صواديـف الأقـدار *** حاموا على السنة شبال الأسودي