وهذا مقطع من الملحمة الوائلية الثالثة
يـقـول ابـن عـبـار فـي نـظـم قـيفـان *** أعربت من عـذب القرايض أعرابي
فكـرت بالدنـيا وبـالعـصر الـلي كان *** وسجلـت مـاضي لابـتي فـي كتابـي
الـلابـة الـلـي بـالـقـبـائـل لهـم شـان *** مـجـد الكهـول أستورثـوه الشبابـي
عـقبان تنجب عبـر الأجيـال عـقبـان *** فروخ الصيارم ما خلطهم غـرابـي
مـن نجـد للبلقـاء إلـى حـدود لـبنـان *** يرعـون قـفـر وجمعهـم مـا يهابـي
يشهد لهـم تدويـن موزل ورضـوان *** وابـن سـنـد يشهـد لهـم والشهابـي
شاهدهم التاريخ فـي ماض الأزمان *** وأمجـادهـم مـا تنحصي بالحسابـي
لو شملهم في خمس الأقطـار شتان *** مـا قيـل عنصرهم مع الغـيـر ذابـي
بشـر وضنـا مسلم مدابيس الأكوان *** مصدر فخرنا ولا على الناس غابي
منهم وهـب وجلاس ذربين الأيمان *** وعـبيـد وعـمـارات صفـوة أقرابـي
من صلب وائـل ما بهم قول جحدان *** مـن مارثـت عـنـاز زاكـي الجـنابـي
كـانـوا ولا زالـوا لـلأمجـاد عـنـوان *** أفعـالهـم تـدعـي الـفخـر والعجابـي
ويلان مـن ويلان مـن ساس ويلان *** من هازهـم عـن طاري الكون تابي
من معد من نزار مـن صلب عدنـان *** صفـوة ربيعـة ساسهـم مـا أيعـابـي
يـا مـا بربيعـة مـن مقـادم وشيخـان *** ويا مـا بهـم مـن كل بطل وصحابي
مـنهـم نـعــد كـليـب قـواد الأضـعـان *** حامـي مقـر نـزول مـزن السحابـي
أوقـد عـلى خـزاز بـالحـرب نـيــران *** بـراس الشفا غـدا لسناها ألتهابـي
ومنهم عدي الزيرمروي شبا الـزان *** رد اللنقا وأعطب خصيمه أعطابي
والحارث اللي من مشاهير الأعيـان *** له صولة من هولهـا الطفـل شابـي
ومعـن نـدي الكـف يذكـر بالإحسـان *** وقعقاع مسقي اعداه مـر الشرابـي
ومـنـا الـمـثـنـى لـلـمعـاديـن طـعــان *** وأبـن طريـف سقـام حـمـر العلابي
وبسطـام ذا الجـديـن مقـدام شيـبـان *** وعـمرو ابـن كلثـوم نسـل العتابـي
وابن مسعود اللي أنتخا عند نعمـان *** بذي قـار طفى نجم كسرى وغابـي
وأذكر حريبين الـدول نسـل حـمـدان *** حـكـام بالشهـبـاء حـماهـم مهـابـي
مـاضي ربيعـة بالفـخـر ورث جـدان *** أثـنـي عـليهـم وأفـتـخـر بانتسابـي
وحنا عنـزة مـن دور يـذكـر وجـلان *** ساس الفخر يـوم المراجل تعابـي