موقع قبيلة عنزه الرسمي: الموقع الرسمي لقبائل ربيعه عامه و عنزة خاصه - عرض مشاركة واحدة

09-27-2010, 01:00 AM


	الله يا صاحبي يغنيك000 وخلاق خلقه هو اولابه و الله يميتك و يحييك 000 والرزق والموت بكتابه اسمع كلامي وانا بناخيك000 وافطن تر باالناس كذابه بهم اللي يبيعك ويشريك000 حتى لو عدك من اصحابه من طرف لسانه حلا يعطيك000 و قلبه الله هو ادرابه و دنياك بريقها يغويك000 وهي دائما تشبه الغابه اوقات سكونها يسليك 000 وتلقى بها اسود وذيابه و ان ما وليت الاسد ياليك000 وتصبح عليلٍ من انيابه و العفن لو قالك اغليك 000 رجليك لا تاقف ببابه و اللي بمنه يبي يعطيك 000 عطاه متبوع بطلابه في كل مجلس يسولف فيك000 وطيبه لك يصير مهزابه و افطن النمام لا يباريك000 هماز لماز با اقرابه يشكي لك يوم وعقب يشكيك 000 مرض به الناس منصابه و الامعه لو هو يصافيك 000 يصير للناس ملعابه يمدحك و ليالقى معاديك 000 يا سرع ما يغير الجابه وباالحق من يزعلك يرضيك000 و عند الحاجه تهقوابه و راعي الدين ما يذيك000 ان طبق كتاب يقرابه واحفظ وصاتي ابي اوصيك 000 الجحر لا تنبش لدابه واحفظ لسانك قبل يرميك000 في جم بيرٍ تهلفابه عقلك على الطيبه يهديك000 و الردى للطيب مايشابه