ياابو مشعل النصيحه تشرى قبل وانت عارفن هاالامور والناصح هو الرجل اللي يواجهك بأخطائك بينه وبينك ولا يعرضك للغؤغائيين من الناس والرجال اذا يبي يتسمع للوشاه واهل النميمه وقيل وقال يتعب وانت رجل اخذت من الشهره مايجعلك تتعرض لبعض الحاقدين الضعفاء اللذين لايستطيعون المواجهه والنقاش وجه لوجه0 فيستغلون المجالس للتجريح بالاخرين ولكن انت يكفيك شهادة اهل العلم والمؤرخين والضالعين بعلم الانساب والعقلاء من عنزه وهم كثر والحمد لله 0 وقبل البدو بعض الرجال طيب وشجاع ولكنه ليس من اهل الراي اما لكونه عاطفي اكثر من اللازم او لكونه اندفاعي او لكونه جاهل 0 فالرجال انواع
رجل كرم 0 ورجل شجاعه 0 ورجل اعلام 0ورجل غوغائي0 ورجل موقف0 ورجل فكر اوراي 0 يعني تخصصات 0

	خطو الولد عند الملاقى تمناه 000 بوقتٍ به يشين اللغى تحتميبه وخطو الولد تقطر من السمن يمناه 000 خيره على القاصي ويشمل قريبه وخطو الولد في كل الاوقات ماذاه000 من وين ماوجه يسوي مصيبه وخطو الولد رايه يحير به اعداه 000 تحتار به اهل النفوس اللبيبه وانت من الي رايه على الخير يقداه 000 تشهد لكم شيابها و الشبيبه رجمٍ رقاه الوايلي محد يرقاه 000 والحر له نظرات ما هي قريبه ومن لاضميره عن أذى الناس ينهاه000 يجني فشل اخر حياته و خيبه وكلب الرمي يحتار مايقدي خطاه 000 نوبٍ يسند نوب يحدر شعيبه