هذه القصيده للشاعر محمد ناوي العميم المصربي – ابوفايز موجهها الى معالي الفريق – عبيد غثيث العنزي يستفزعه في موضوع
ياراكب اللي سعد من هي ذلـــــوله = من صنعت الألــمان كلن حمدها
بنزن جـديد مــابعـــد تــم حـــــــوله = مــن وارد الجفال نادر عددهــــا
ســـــواقها اللــــــي للشكـاله ميــوله = مــاقدم الأعذاراليا جــــا وعدها
غــير الرســاله مــاعليها حمـــــوله = عنيتها لـــعبيــــد غــــاية سندها
زحل مجرب من ســــــلايل زحوله = من لا بتــن ياسعد منهو قصدها
أبو زياد القــــرم بـانت فعـــــولــه = بأفعالـك الـويـلان يكبر سعـــدها
مبطي لكم بالطيب صــــوله وجوله = يكفي قديم فعولكم عن جـــددها
النعم مـــع طاريك كلـــــن يقــــوله = أهل الجمايل ماربح من جحدها
فيك الوفاء والطيب وايضا الرجوله = وعين العدو أنتم عماها ورمدها
واليوم ابشرح وضعنا وأفطنــــو له = مـرت علينا سنين ذقنــا نكـــدها
عن حقها الويلان شـــــــبه معزوله = معزولتن لو كان تسكن بــلدها
متقاعدين بـــلا معاش وعمــــــوله = وأهل الحسد شنت عليها حسدها
الـوضع مزري كان طــالت حلوله = تلعب بنا أهل الزيف محدن نشدها
منكم نبي الفزعه تجينا عجــــــوله = يومن بعض شيوخنا ماوجـــــدها
اليا نخاهم واحدن مــــــــا فزعوله = عزاه يالـويلان طاحت عمـــتدها
ياعبـيد هذا الوضع عرضه وطوله = وأن مافزعت اليوم رحنا بيــــدها
الفقر عندي قــــام يرقع طبــــــوله = والهم حالي يالسنافي حصـــــدها
افزع ترى نفس العريف معلــــوله = الجيب فـــاضي والوظيفه فقــدها
وسلامتكم وتقبلوا فائق أحترامي فهد السلاهده - ابوسامي