السلام عليكم ورحمة الله وبركاته
القصيد يتحدث عن معانات الشاعر
اليكم .........
يا لله ياعالم خفيات الاسباب *** ياالواحد اللي كلنا نتلتجيله
يارب عطفك يوم تقسيم الابواب *** يافارجا ليوب من ما جريله
من بعدها سار القلم نكتب كتاب *** انقي جزيل الشعر وترك هزيله
لشاعر اللي للجزيلات كساب *** نطاح صعبات البحور الجزيله
سلام ياقرما سكن راس مرقاب *** يافرخ حرا معتلي بالطويله
ي عبيد ابو صايل ترا الجرح ماطاب *** كل مايطيب الجرح ياتي بديله
ابطيت اكافح كل طعنات الاصحاب *** وقول فدوه والليالي تزيله
اصحابي اللي كل ظني بهم خاب *** ياللاسف ما عاد باليد حيله
خليتهم مابين جفني والهداب *** بين الرموش الوافيات الظليله
وين الصديق اللي على الدين يذياب *** يفز لامن شاف همي يشيله
وين القرايب كنهم صاروا اغراب *** وقفاتهم وقت البلا مستحيله
ناب القرايب لا لدغ يذبح الداب *** ولا صديقك لا لدغ ياحليله
لا تامن الدنيا ترا الوقت دولاب *** نوبن يقفي ونوب يازين ليله
فكرت بالماضي انا بنمر ابو عقاب *** لا ضاق صدره قام عمر سبيله
ياشيشتي جري على غير ماطاب *** لزالت همومي ترا انتي وسيله
وختامها صلوا على سيد العراب *** المصطفى راع الصفات النبيله
اخوكم الشاعر عبدالعزيز بن عواد الجراح