الأخ صفوق لو لم أرى إسمك أنت بالذات في هذا الموضوع وبعد مداخلة الأخ العزيز أبو غريب لكنت لم أدخل هذا الموضوع كثر ما دخلته وشاركت فيه سوى للقراءة والإطلاع فقط ، فبوجهة نظري الخاصة فإن مثل هذا الموضوع ومثيله إنتخاب الشيوخ لا يغير في الواقع شيء فالردي حيشاكم ما أنت رايح تزرع الطيب بقلبه مهما حاولت وجربت والطيّب يهاب الكلام الشين ولا يقرب ويجزع منه ..
فالكلمة الزينه والطيبة وأنا إخوك مهما كانت وفي أي موضوع ٍ كانت فهي مفتاح للقلوب المغاليق ..
وبعد قراءتي لمداخلتك حضرتني أبيات طريفة عن بيت الشعر والتوجّد عليه حين تحول البدو من السكن به الى البيوت العصرية الحديثة وهذه القصيدة التي قالها الشاعر عواد اخو شقرا الرويلي رحمه الله برحمته الواسعة ، حيث قال :
البيت يومنّا هـلٍ للبيـت=له ربعـةٍ ما حـلا ظلـه
على الجماعة إليا سجيت=تلقـى سوالـف وتـعلله
قلي ياخوك وش سويـت=يومنّـك سكنـت بالفلـه
السمن تعوّضه بالزيـت=والمي البارد صبوحٍ لـه
وتشري وتاكل دجاجٍ ميت=ماتدري منهو حـلالٍ لـه
والشاعر الكبير رضا بن طارف الشمري الله يعطيه الصحة والعافية قال عندما رأى الإبل مسجونه ومحابيس حتى البر ما يتهيّا لها وما يحصل لها ولا تسرح وتأكل من أوبارها بالرغم من كثرة الخير والنعم في هذا الزمان حيث أن الإبل يصيبها حاله نفسية إذا إستقرت وسجنت فقال :
قال الذي فـي دفتـر القيـل ذاكـرّ=جنك بنات الفكـر يـا قلـب نآجـه
مثايـلٍ ماهـي تقالـيـد وصــورّ=من كهرب العسرات صيغـة لحاجـه
ولا هيضـن حـب الغناديـر ياعمـرّ=عنهن خلوج القلـب هـوّن خلاجـه
أسباب ماحرّك علـيّ هاجـس ٍ ضرّ=أثّر على جسـمٍ بـه الـروح لاجـه
شفنـا بهالدنيـا غيـارات وعـبـرّ=(سفن الصحاري نـزّل الوقـت تاجـه)
تنـوض بشبـوك المهونـه وتقـهـرّ=وتزعج حنين والطنى ، فـي حجاجـه
وبعيونهـا لعيـون مــولاه تنـظـرّ=وتطلب من الـرب الكريـم انفراجـه
وليا بغت درب عـن الـدرب تقهـرّ=تلوج بوسط الشبك مثـل الدجاجـه
ومن الطنـا عبـرّه بصـدره تكسـرّ=هـذا سبايـب علّـتـه وانحـراجـه
تبكي على وقتٍ مضى لـه مـع البـرّ=ترعـى ويرعونهـا ( سبـاع الزراجـه )
بـدوٍ علـى قفـر المراعـي تغـاورّ=ماجيب له من كـل صنـف خواجـه
واليـوم كـلٍ مـن حلالـه تخسـرّ=لو يجلبـه مـا حـدن يجيـه لحراجـه
ياحـيّ ياعـزّ العـرب زينـة الـدرّ=متروكـةٍ لـو كـان تركـه سماجـه
من عقب مـا نرعـاه بالبـرد والحـرّ=وكـلٍ يسـوي للرحـول الحداجـه
اليـوم بعـض النـاس عنهـا توخـرّ=مدري ردى والّا صحيـحٍ إحتجاجـه
البـل هلـه راحـوا وقتـه تغـيّـرّ=اللي هفا واللـي طبـع فيـه ساجـه
ويامـا غـزو يمّـه بقـومٍ تجـاكـرّ=يوم الزمـان اللـي يخيـف ارتجاجـه
فوق الركاب اللي لهـا القـاع تهجـرّ=يتلـن عقيـدٍ ديـرة القـوم باجـه
وعقب المسير اللي بـه الهجـن تَفتـرّ=الخيـل حفيـن والمساميـر سـاجـه
خذوا سبـور القـوم قدامهـم فـرّ=وشافوا هل البل يوم وصلـوا مداجـه
جابـوا خبـر طـرشٍ عزيـبٍ تذيّـرّ=الخيـل دونـه بالمناعـيـر راجــه
وقـال العقيـد إلّآبتـه يـوم عمّـر=غيـروا عليهـم والسعـد بالمواجـه
تواجهـوا عنـده علـى قـرحٍ غـرّ=مثل الجمال اللـي علـى أول هياجـه
وردن وقـفـن بالمناعـيـر صــدّرّ=وغـدا لهـم عنـد التوالـي لجاجـه
وكلٍ علـى حـوض المنايـا تحضّـرّ=سباعٍ تسن ضروسهـا يـوم صاجـه
ونـار الحرايـب ولّعوهـا المسـطـر=واللـي دنـى يومـه منايـاه راجـه
وصار الفخر لأهل الفخر ساعة الشـرّ=وبنت الردي ماحدن يجيهـا لزواجـه
وذكرٍ ذكرتـه يافتـى الجـود يخبـرّ=والمـا قراحُـه بيّـنٍ مـن همـاجـه
واليوم شفنـا قاصـر البـوع يزمـرّ =اللي مـن اول يعطـي النـاس باجـه
مـن فضـل حكـام الجزيـرة تحـررّ=ويجاكـر العالـم بــوارد كـراجـه
(وان قلت لوه وشلون كيفك ليـا مـرّ=يقـول لـك كيفـي تغيّـر مزاجـه )
وذكرٍ ذكرتـه يافتـى الجـود يخبـرّ=والمـا قراحـه بيّـنٍ مـن همـاجـه
ويطول شرحـه لـو تطرّقـت لنمـرّ=ما أحصي ثمر تاريـخ طـيّ وخفاجـه
مار يا الله بنوٍ يبعث القـاع مـن غـرّ=برقـه يشـوم ومخيـلـه بإلتعـاجـه
يأمـر الولـي ينشـي ومزنـه تزبـرّ=ويسقي ديارٍ تشتكي من عجاجه ( آمين)
حتى خشـاش القـاع فيهـا تدهـورّ=ارض مريضـه والمطـر هـو علاجـه
عمـارهـا نــوٍ مـزونـه تـزبـرّ=يملى الفياض وما طمـن مـن هباجـه
وعسى الحيا بديـار الأجـواد يكثـرّ=وجميـع روضٍ يمتلـي مـن نتـاجـه
واديارنـا مـن خيـر ربـي تعـطـرّ=ويزهـي نواويـر البختـري بفاجـه
ونرتـاح والشّطـه حبـالـه تبـتّـرّ=ويطيب كيف البدو عقـب انزعاجـه
وتمت بذكر اللي لـه العبـد يذكـرّ=فـردٍ صمـد مالـه شريـك بحاجـه
سامع دبيب النمـل بالليـل الاسمـرّ=ربٍ ولّـع سرجنـا مـن سـراجـه
وختم الكلام أزكـى صـلاةٍ تكـررّ=علـى شفيـع الخلـق يـوم المواجـه
وواحد ينصب له عند وحده ويوم شافها أنها ما هي يمّه ولا تبيه قال :
يابنت عقلك هدب خرجي=وإمعلقٍ فوق زرفاتي
لاواحلولات ياهرجي=ما ينّكس عقب ما فاتي
والشراري قال ياليت حلقي حلق نعامه كان الكلمة أللي ما أبيها أردها ..
خلنا نستآنس بس وأنا إخووووووووك وخلق الله لها من يكازيها ..
وإن شاء الله وأنا بنآخيك يزين الوقت وتسيّر علينا وألا نآخذ لنا مع البر سجّه وتمرنا وانتشرف بشوفك ..
وأسأل الله لنا وإياكم أجمعين ستره وعفوه ورضاه فوق الأرض وتحت الأرض ويوم العرض ..
ونراكم بخير .