أبيات مرسلة عبر وسائل التواصل شهادات أنصاف

هذه الأبيات وصلت عبر الواتساب من أحد الأخوات تسند على عبدالله بن دهيمش العبار :

يـالأديـب الـوايـلي لـك مـنـا احـتـرام *** لك شكـر وايـل يا عـريـب السلايـل
عـبـدالـلـه العـبـار لـك جـزل السـلام *** سـجـلـت تـاريـخـن بـكــل الـدلايــل
اظـهـرت مـجـدن قـفّـت بـه الأيــــام *** وحـفـظـت تـاريـخـن لـعـيـال وايــل
الـلـه درك يـا أبـو مشعل لـك وسـام *** وسـام الأدب تـستـاهـلـه والمـثـايـل

قال عبدالله بن دهيمش بن عبار هذه الأبيات جواب لأبيات الأخت :

حي الـلـه هالمنظوم من بنت الكرام *** مرويـن حـد الـمـرهـفـات الصقايـل
كريمة الشجعـان والطيبين الحشام *** حـمـايـة الـخـلـفـات يـوم الـدبـايــــل
جـدك عـزيـز الجـار مقباس الظـلام *** يـوم العـرب مابيـن صـايـل وجـايـل
اطـلـب عـسى يحفظك خـلاّق الأنـام *** وتمضي صعيبات السنين السحايـل

هذه الأبيات عبر توتر قالها الأخ عبدالمحسن المحيسن يثني على عبدالله بن دهيمش العبار :

معـروف أبن عبـار راعي الجمالات *** ينظم فريد الشعر في عذب الأشعار
شاعر غزيـر الجـم والشعـر رايـات *** لـك بـصـمـة بـالشعـر درر ومـدرار
بينت معنا الشيخ في جزل الأبـيـات *** وضحـتهـا بـالحـيـل شـرح وتـذكـار
يستـاهـل التـقـديـر قـرم المـهـمـات *** لـك سمعـة بلمجـد مـابـيـن الأقـطـار
صوتك زما مسموع وسط القـنوات *** راعي الوفاء والطيب والبن والكـار

وقال عبدالله بن دهيمش العبار هذه الأبيات جواب لأبيات الأخ عبدالمحسن المحيسن :

يا أبن محيسن لك جـزيـل التحيـات *** مـع السلام أهديك شكـر أبـن عـبـار
كـزيـت جـزلات الـبـيـوت العـذيـات *** حيثـك قطامي من صواريـم الأحـرار
قـرايـض تـشبـه لـنـقـد الجـنيـهـات *** نظمتهـا يـا طـيّـب السـاس باصخـار
وأنـا اعتبـر قولك وسام وشهـادات *** يفداك من هـو يجحـد الجهـد بأنكـار
بفضل الولي رفّـاع سبع السماوات *** تــبــّت يــد الــلـي لـلـمـثـالـيــم دوّار

قال نهيّر بن محمد الحجر هذه الأبيات يسند على عبدالله بن دهيمش العبار

تحيه لأبن عبار *** نهديها للشخص البار *** ابو مشعل هالمختار

راوي وشاعر قديم

نحيي عبدالله حيل *** وبقروبنا تساهيل *** ونقدم له ورد وهيل

ابن دهيمش هالحليم

فارس ضيف للفرسان *** وانرحب به بالديوان *** عبدالله هو العنوان

ابو مشعل هالرحيم

قليلا مثله رواه *** وتاريخ عنزة سواه *** وتعب بجميع اخطاه

من صغره وهو فهيم

لا تهمك بعض الحساد *** ولا تهمك بعض النقاد *** ما عندهم والله وكاد

والأريا بعضه سقيم

بعبدالله لازم نشيد *** مجملنا عند البعيد *** لازم يعطى ما يريد

يستاهل كل التكيم

وقال عبدالله بن دهيمش بن عبار جواب لأبيات نهيّر بن محمد الحجر

يا ابن حجر يالمغوار *** تسلم يا عزيز الجار *** الفخر مبطي لك كار

يا نسل الشهم العديم

يسلم بوحك يالحلحيل *** واشكرك الشكر الجزيل *** جدك فوق سروج الخيل

على القواسم زعيم

تسلم يا نسل الشجعان *** يوم الصوله بالميدان *** ربعك يكدون العدوان

لا حضر إبليس الرجيم

تسلم يا فيع الجاه *** ابياتك حتني مهداه *** ومثلك نفخر في شرواه

وأبي اشكرك من الصميم

تسلم يا نسل الأجواد *** حيث أنك عريب اجداد *** قرم وللجزله معتاد

يحفظك المولى العظيم

يا نهيّر هرجك سديد *** لعلك دايم سعيد *** مثلك يزهاه الحميد

عزيز وقدرك حشيم

قال الشاعر نهيّر بن محمد الحجر هذه الأبيات من الهجيني يسند على
زميله عبدالله بن دهيمش بن عبار :
يا قـروب هـون عـلى العـبـار *** عـبـدالـلـه هـو جاكم مسّير
راعـي مـولـف مافيـه غـبـار *** بـدا بجـمـعـه وهـو صغـيّـر
وعـن القبيلـة يجيـب اخـبـار يـبـدي جـهـوده ولا يـغـيّــر
ألـف بـحـوث عـليـهـن سـار *** يـتعـب عـلى كـلـمـة الخـيـر
جـاكـم لعـرعـر يشوف الدار *** فـي شـوفتـه صـار متحـيّـر
والــدار الأول هـو المخـتـار *** لـو مـره وجـايـه مـسّـيــــر
من الـدار الأول تجيه اذكـار *** قالوا له عـرعـر ترى كبيّـر

قال عبدالله بن دهيمش بن عبار هذه الأبيات جواب لأبيات الشاعر
نهيّر بن محمد الحجر :
تـعـيـش يـا صيـرم الأحـرار *** جـنـي مـبـاديـك يـا نـهـيّـر
اشكـر جنابـك عساك مجـار *** وافهـم هـدف فكـرك النيّـر
يا أبو قاسم ما أخبـر معيـار *** بـيـه لـلـي قـصـده يـعـيّــر
المعـتـدل مـنـهـجـه مـا بـار *** جـنبـت الـلي حبلـه قصّيـر
أنشر فخر عزوتي بأصخار *** ولانـي عـلى العالم مصّيـر
يـوم أنني من شباب اصغار *** ما اغبط اللي بنومه متيّـر
اكتب نسب وأنظم الأشعـار *** ولا زلـت جـاهـز ومتهـيّـر

قال الشاعر فواز بن مفلح عويدات المقشعر الجعفري هذه الأبيات يثني
على عبدالله بن دهيمش بن عبار :

سـلام يـا رمـز الـرجـال الـعـزيـزيــن *** ويسلـم لسان الـلي بـشعـره يـقـولـه
هـذاك ابـو مشعـل سلـيـل الكـريميـن *** ستـر الهنـوف وعـز منهـم عـنـولـه
مـن عـزوة الفـدعـان ربـع شجيعيـن *** رجـالـهـم بالكـون مـا أحـد يـطـولـه
اهـل الكـرم عـز الضعوف المساكين *** واهـل الفزع واهل السطر والبطوله

قال عبدالله بن دهيمش بن عبار هذه الأبيات مجاراة لأبيات الشاعر فواز بن
مفلح عويدات المقشعر الجعفري :

مـشكـور يـا فـواز يـا أبـن المسميـن *** مـن نسـل فضـل بالمـراجـل زحولـه
اشـكـر جـنـابـك يـا سليـل العـريـبيـن *** سادات مـن عـقب المقشعـر شبولـه
من ساس عزوه يوم عصر الأكاوين *** ضـد الـعـدا لاصـار لـلـخـيـل جـولـه
أرسـلـت لـك مـردود الأبـيات هلحين *** حـيثـك من أهـل المرجلة والرجوله