التجارب علمتنا - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

01-30-2021, 04:00 PM

التجارب علمتنا

الـمقـدر قـالـوا انـه يـرتـسـم فــوق...الـجـبـيـن = مـايـلــده رمــح فـارس يـرتــدي..درع وحسـام
والحــذر ياهـل المعـاني واجـبً ....والله يعـيـن = والثقـه فـي بعض ناسً .تـنعطي عـيـب وحرام
والوعـي للمــرء درعً يحــتـمي فـيــه ويـعــيـن = واعـرف ان العـلـم نــور.ويرتـفـع فيــه المقـام
والجهل سـاس التخـلّف والفـتـن والظـلم شيـن = شـفـت في زحـمة. زماني ناس تمشـي بانتظـام
وشفت بالعالم فصيح وشـفت من هرجه رطين = وشـفت ناسً...فـوق ناسً مايـجـيـدون الكـــلام
واكتشــفت الخـايـن اللـي ينقـصــه ذمـه وديـن = النفـاق اليـوم اصــبح يرتــقي فـــوق الـســنـام
رزّهـم وقــت الـغبينه واختلف مجرى السـنيـن = واخـتـفى نـور الحـقيـقـه فـي...دياجـير الـظـلام
واختصار الهرج يغني. عــن كثيره .يالفـطـيـن = الـتجـارب عـلمـتـنـا درس والــدنـيـا .....زحـام
والـمقـدر قـالــوا انــه يـرتـسـم فـوق...الجبين = ما يـردونــه خــوال ولا يــردونــه .....عــمـام
قـدرة الله فوق كـل شــي والزم العـلم اليقـين = ولايـصيـب المــرء الا ما اكــتـب لــه.. يالكـــرام

بقلمي /
محمد بن سوعان الربيّع