الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه المكتب الإعلامي أخبار أبناء قبيله عنزه
أخبار أبناء قبيله عنزه يختص بالأخبار المميزه لأبنائنا
 

إضافة رد
 
   
أدوات الموضوع انواع عرض الموضوع
 
قديم 05-23-2022, 07:02 AM   #1
صاحب الموقع
 
تاريخ التسجيل: Mar 2008
المشاركات: 9,891
افتراضي الشيخ طراد بن راكان المرشد في ذمّة الله

الشيخ طراد بن راكان المرشد في ذمّة الله

أنتقل إلى رحمة الله تعالي الشيخ طراد بن راكان المرشد شيخ قبيلة السبعة من ضنا عبيد من بشر من عنزة نسأل الله له الرحمة والمغفرة وأن يدخله جنّة النعيم وإنا لله وإنا إليه راجعون وبهذا المصاب الجلل نعزي أخوانه وأنجالة وأحفاده وأبناء أخوانه وأسرة المرشد الكرام وقبيلة السبّعة وقبائل عنزة عامة بفقد هذا الشيخ وحسب معرفتي للشيخ طراد وتواصلي معه فقد وجهت له عدة قصائد في مناسبات شتّى وهذه القصيدة قلتها اثني على الشيخ طراد بن راكان المرشد :

سيّـرت يـم الشيـخ مـن نسـل ثـلاب *** مالي مقاصـد جيـت بالخيـر أمسيه
الشيخ اللي يلقـا الهـواشل بترحاب *** طـبـعـه إلـى جـاه المسيـّر أيـحيـيـه
والـقهـوجي تـلـقـاه للهـيـل صـبـّاب *** واللي قلط من حين يجلس يقهويه
مـن دلـةٍ فـنـجـالـهـا كـنـه اخـضـاب *** عده على توصيف هايس امسويه
مـن كـيـس قـرم دوم للـنـار شبـّـاب *** كيف النشاما بغالي السعـر يشريـه
ما مقصـدي بالكيـف سـايـز وقـلاب *** هـذاك ترتكته عسى الهجـر يلويـه
الـكـيـف فـنجـال المـهـيـّل الـيا راب *** مـر وحلـوا يـنـدار والـعـود قـافيـه
ومن عقبهن قـلـط مفاطيح الأذنـاب *** عـيت الهـرافي ما تفـارق صيانيـه
أبـوه قـبــلـه كـان لـلحـيـل قـصــاب *** طبعـه ولـو شان الزمن مـا يخـليـه
يـمـنـاه تـبـذل كـنـهــا ديـم سـحــاب *** ينفـق وربه سامك العـرش يعطيـه
حـيثـه تـعـّود للمـكـارم وهـو شـاب *** نفسه عـلى فعـل المراجل اتهقويـه
يـقـود داهـوم مـثـل ضـلـع ديــراب *** هاك الجموع الـلي إلـى سـار تتليـه
الحـر ينجب حـر مـا ينجـب غـراب *** حيث الذهب من معدنه يسبك جنيه
جيت أخو عشواعنده الربع حضّاب *** والكل يمشي فـي لـزومه ويقضيـه
نعـتـز بالـطيـب ونـفـخـر إلـى طـاب *** ونجزع إلى شفنا الجفاء والمزاليه
ولا نقـرب اللي دوننـا يغـلـق البـاب *** ومن لا يقـدرني تـوقـفـت ما جـيـه
والبيت بلا عمدان وأوتاد واطـنـاب *** مخطر من العاصوف يقشع مبانيه
تـحـرصـوا عـن كـل نـاقـد وهــزاب *** ومن بـه حميـه واقـع الأمـر يعنيـه
ومن يقطع الغبه عـلى لوح اجـراب *** لا زم عـلى الجـزره يعـبّـر دوانيـه
أقـولـهـا ولا نـي حــراوي وشــلاب *** ما غير ربي سامك العرش راجيـه

* في أحد المناسبات قلت هذه القصيدة أثني على الشيخ طراد بن راكان المرشد :

فـاض عـذب القـافـيـه ما بـه لـواث *** صـافـي المنـظـوم مـا طبـه بحـيـث
نـصـه الـلي بالـفـخـر مـجـده وراث *** ريـف لأصحابـه ولخصامه غـثيـث
قـاد ربـعــه بـاهـتـمـام وبـاكـتـراث *** سـار صـوب العـز والعـلـيـا حثيـث
أبـو مطشـر يـبعـث الـمجـد ابـتعـاث *** وأحمـد الله في عـرين الليـث ليـث
صـفـوة الـلـي صـادقـيـن بـالحـنـاث *** نسـل أخـو عشوى ملاذ المستغيث
فـعـلهـم بـاقـي وهـم تـحـت الجـداث *** ومـجـدهـم قــديـم مـا تـوه حـديـث
فعـلـهـم عصـر الحـرايـب والحـداث *** يدركـون الطـايـلـه مـن يـوم حيـث
مـا يصوغ السـاس بالـقـاع الدمـاث *** ولا يطيب الغرس غير من الجثيث
ومـن طـمـن فعـلـه لمجـد الجـد داث *** لـو تسلسل منسبه مـن دور شيـث
به رجل محسوب من عرض الأثـاث *** لـو جـدوده دمهـم يـبـري الغـليـث
ومـن تـسـمع لـلمـناحيـس الـخـبـاث *** يـنبـث ويـرجع عـلى راسـه نبيـث
ومـن أيـفـرق لابـتـه مـثـنــا وثـلاث *** كــنـه المـلـهـوف دايـم لـه لـهـيـث
والـنـقـيـلي كـان بـيـن النـاس عـاث *** بالعـرب يفتـك كـما الـداي الخبيـث

وهذه القصيدة قلتها عندما فصّل الشيخ طراد بن راكان المرشد رحمه الله صينية طولها ثمانية أمتار وعرضها أربعة أمتار وهي على كفرات وطلب مني بعض الرجال الحضور عند الشيخ
أن اتوقع كم تاخذ من الطعام والذبيائح وهم يريدون أن اقول قصيدة بالصينية فقلت اسند على الشيخ سلطان بن راكان المرشد رحمه الله وأثني على الشيخ طراد وأصف الصينية :

جينـا نبـارك لأخو عشوى بالأعيـاد *** عـسـاه يـنـعـم بالهـنـا كـل الأحـيـان
أبـو مـطـشـر دوم جـعـلـه بـالأوجـاد *** تـوازنت لـه وأستوت والسعـد زان
شاد الخيـام الـلي مثـل شـم الأطـواد *** شرق الثمامه شامخه تقـل ضلعـان
مضايفـه لأجـل المـراجـل لـهـا شـاد *** مـلـم لشخـوص الـرفـاقـه وديــوان
مجلس شرف ما داج بـه كل سرماد *** يجمع نوادر من شغاميـم الأعـيـان
مجلس فخر به ينشرح صدر وافواد *** فـواد من قلبـه عـلى الربع شفقـان
وشاهـدت جفـنـه بارزه كنهـا احفـاد *** ما مثـلهـا بكـل الصياني والأجفـان
صينيتـه فيحاء لـهـا أطـوال وابـعـاد *** ثـمـان بـأربـع دون زايـد ونـقصان
تاخـذ قـدر خمسين فـرده مـن الـزاد *** ومن الغنم خمسين مع عشرقعـدان
قالـوا تخيـّـل وصفها بعـض الأفـراد *** واجـب تقـول بجفنـة الشيخ قيفـان
قلت اسمعوا منظوم شاعـر وقصّـاد *** يفخر بطاري مفني الحشو والضان
نـعـتـز بالطـيـّب ونـفـخـر الـيـا جـاد *** والجود يضهـر لـه دلايـل وبـرهـان
فصلها أخوعشوى وله شف ومراد *** قـصـده يـبي ينهـج مناهيـج راكـان
أبـوه قـبـلـه كـان لـلـطـيـب مـعــتـاد *** لو شان وقته خاطره دوم مـا شـان
حيثـه تسلسل من صناديـد الأجـواد *** شيـخ وتحـّدر مـن نحانـيح شيخـان
لهـم الفخـر من دور مرشـد وعـواد *** ومن مضحي وثلاب وأبنه سليمان
وبشير ابن مرشد عـلى لابتـه سـاد *** ومـا عـقبـه مرشـد كـرام وشجعـان
حفيدهـم يـمشي عـلى سلـم الأجـداد *** حاشى تزول أمجادهم مع خبر كان
واليوم ما حاش المفاخـر والأمجـاد *** لكـود مـن يسعى لـربـعـه بالإحسان
الشيخ ما يحـمل ضغاين ولا أحـقـاد *** ويبـذل جهود لعـزوته قـدر الأمكان
عـصـر التسلـط راح دوره ولا عـاد *** والـلي تـكبّـر يـفـقـد القـدر والشـان
علم الفضيله بان في روس الأشهاد *** ومن رام فعـل المرجله بالفخر بان
من طاب يستاهـل بـه المـدح يـنشاد *** ولا الردي يقصر عن المدح كوبان
ضرب المثل به للملأ نصح وأرشـاد *** والخط ما يرسل على غيـر عنـوان
مثـايـل مـن الـقـاف نـظـمتها اجـداد *** ولا لـي هـدف بفـلان وفلان وفـلان
أسندت منظومي لأبـو فيصل اسنـاد *** أهـدي جـديد القـاف للشيخ سلطان
واختـام قـولي يـفـعــل الـلـه مـا راد *** والمعـذره كـاني بالأقـوال غـلـطـان

وهذه الأبيات قلتها بالشيخ طراد بن مرشد عندما أصدر بيان ينفى اشتراكة مع الشيوخ الذين وقعّوا ضدي واهدا لي درع وهو من الذين يثمنون جهدي للقبيلة :

أشكـر الشيـخ الكـريـم أبـو مـطشّـر *** أخـو عشوى بالفخـر نجمـه تعـلى
درع ربـعـه كـان نـاب الوقت كشّـر *** لـلـرفـاقـه كـنـه الـشـهـد المـحـلّـى
مـن نصى بـلازم سمع قـولـه تبشّر *** وأن لفـاه الضّيف رحّب بـه وهـلى
يا عسى عـمـره طويـل ولا ايتقشّر *** شيـخ لابـة بالظـفـر زبـن المجـلـى
مـا ذكـر رجـالـهـم لـلـطـيـب دشّــر *** يكسبـون الطـايـلـة خـلـفــة مـعّـلى
هـل العـرفاء كـان جاهم دايـر الشر *** شاف مـا يرعـب ضميره ثـم ولـى
يكعـمـون الـضـد والعـايـل ايـهـشّـر *** مـن يـناطح جـمعهـم راسـه تـدلـى
لـلـمـجـاور مـا أحـد بـالـقـول فـشّـر *** جـارهـم يـدلـه ضمـيـره وأيـتسلى
عبدالله بن عبار متواجد حالياً   رد مع اقتباس
قديم 05-23-2022, 09:31 AM   #2
عضو جديد
 
الصورة الرمزية أبو نايف
 
تاريخ التسجيل: Apr 2022
المشاركات: 7
افتراضي

الله يرحمه رحمه واسعه ويغفر له ويرزق أهله الصبر و السلوان
أبو نايف متواجد حالياً   رد مع اقتباس
قديم 05-23-2022, 02:25 PM   #3
نائب صاحب الموقع
 
تاريخ التسجيل: Dec 2007
المشاركات: 1,258
افتراضي

الله يرحمه ويغفر له .صح لسانك اخينا واديبنا ابو مشعل اطال الله بعمرك سباق لحفظ مكارم الرجال
متعب الفققي متواجد حالياً   رد مع اقتباس
قديم 07-14-2022, 02:53 PM   #4
عضو منتديات العبار
 
الصورة الرمزية ابو خالد الوايلي
 
تاريخ التسجيل: Jun 2017
المشاركات: 65
افتراضي

صح لسانك يا ابو مشعل وعلا شأنك
قصائدك كالمعتاد جزله ومعبرة وتظهر ما تكنه

ويستاهل الشيخ طراد المدح شيخ ولد شيخ

ورحمة الله رحمة واسعة هو وبقية المرشد كافة

وأنت وافي معهم ولا يستغرب منك هذا الوفاء


__________________
<font size=7>الوايلي</font>
ابو خالد الوايلي متواجد حالياً   رد مع اقتباس
قديم 07-14-2022, 02:56 PM   #5
عضو منتديات العبار
 
الصورة الرمزية ابو خالد الوايلي
 
تاريخ التسجيل: Jun 2017
المشاركات: 65
افتراضي

ما مقصـدي بالكيـف سـايـز وقـلاب *** هـذاك ترتكته عسى الهجـر يلويـه


كأن فيها حرف ( ت) زائد
__________________
<font size=7>الوايلي</font>
ابو خالد الوايلي متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
أنتقل إلى رحمة الله الشيخ عبدالعزيز بن طراد الملحم رحمه الله عبدالله بن عبار الركن الخاص بقصائد الشاعر عبدالله بن عبار العنزي 0 10-26-2020 07:09 AM
مع خالص تحياتي اهداء للشيخ خالد راكان المرشد حفظه الله النويبعي الشعر الشعبي المكتوب 2 09-19-2015 02:13 PM
أول مدرسة للعشائر بسوريا باسم الشيخ راكان المرشد ممـــدوح الميهوبي استفسارات القصص والقصائد القديمه 0 11-05-2012 10:29 PM
:: تنعى قبيلة السبعة الشيخ سلطان بن راكان المرشد :: محمد بن دوهان المنتدى العام 11 03-31-2012 01:27 PM
الشيخ راكان المرشد والشيخ محمد الباشا في صورة قديمة ممدوح الميهوبي المستشرقين 0 06-17-2011 10:25 PM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 04:58 AM.


Powered by vBulletin® Version 3.8.8 Beta 3
Copyright ©2000 - 2022, Jelsoft Enterprises Ltd 
vEhdaa 1.1 by NLP ©2009