الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه المركز البحثي لقبيلة عنزه المقالات والبحث العلمي
 

 
 
   
أدوات الموضوع انواع عرض الموضوع
 
Prev المشاركة السابقة   المشاركة التالية Next
قديم 06-28-2011, 12:34 AM   #1
مشرف قسم القصص والقصائد القديمه
 
الصورة الرمزية احمد بن محمد الحريميس
 
تاريخ التسجيل: Dec 2010
المشاركات: 275
افتراضي قصة ابن ضلعان وضيفه الغزاي

الضلعان من شيوخ الدهمان من الصقور من العمارات من عنزه وهم معروفين بالكرم والشجاعة وسوف اذكر لكم قصة تدلل على ذلك حيث إن ذكر الطيبين واجب علينا 0

والقصة هي انه كان هناك قبيلة معادية لقبيلة عنزه وكان فيها الشيخ وأخ اصغر منه ومره هذا يغزي بالعرب ومره الأخ الأصغر يغزي ولكن الصغير غير موفق وكل ما يغزي بالعرب ينكسرون ولا يكسبون شي فتشااءموا به وتجنبوه لا يغزي بهم ولا يغزي معهم فترك الغزو ولازم بيته0
وفي يوم من الأيام وهو نايم الضحى جوا الغزو وهم كاسبين وغانمين وهو نايم فجته زوجته وتبدأت لومه وهو قعيد نوم وتقول شف الرجال تغزي وتجيب وأنت بس مقابلني ونايم فقام وجهز ذلول عنده يبي يغزي لحاله وهو يركبها ويدور وما في احد قريب لهم الا الصقور من عنزه وبتحديد فخذ الدهمان من الصقور اللي شيخهم ابن ضلعان، فغزا عليهم العصر وشافوه جنب الابل وهم يغيرون عليه ويأسرونه ويجيبونه للعرب ويربطونه بعامود بوسط العرب قريب من بيت الشيخ وكان في وقت مربعانية الشتاء ومن المغرب لين أشرقت الشمس وهو مربوط وسن يطق بسن كل الليل لين غلب عليه النوم ونام وهو يقعد على شرقت الشمس فشاهدته أحد عجائز الدهمان وكانت قد قتلوا عيالها من قبل جماعة الرجل المربوط فخشي أأبن ضلعان أن تصيح المرأة فيقدم أحد على قتله فجاء إلى الرجل وكان معه فروه وفك وثاقه ولبسّه الفروه وأخذه للبيت واوقد له النار أوقراه وقال له راعي البيت سلمت الحمد لله سلمت وقاموا يسولفون ولا صوت الابل اللي روحت ولا راعي البيت يقول انطحن إخوانكن وهم يجون ثنين من العيال ويحبون رأس راعي البيت ومعهم هاك الصيد أرانب ويرمونهن قدام راعي البيت وهو يحطهن بها النار يشويهن ويقوم يقطع ويلقم ربيطه وشوي ولا نفس الطريقه صوت الابل ولا راعي البيت يقول انطحن إخوانكن ونفس اللي قبلهم صيد ويحبون رأس أبوهم ويروحون وعلى هالطريقه لأربع مرات يعني الابل أربع قطعان وكل قطيع معه ولدين من عيال راعي البيت وينشده راعي البيت منين انت قال انا ابن فلان من هاك العرب 0
قال راعي البيت حي الله خالي ويقوم ويجدد ناره وقهوته ويجيب ذلوله اللي أخذوه منه ويذبح له ويعزم ربعه ويتعشون ويتعللون وهو يعالجه ولا نشده راعي البيت عن شي لين ثالث يوم 0
قال راعي البيت يا خال وش جابك علينا قال القراده سالفتي كذا وكذا ويعلمه بكل العلوم قال راعي البيت انت ضيف عندنا قال ابي أهلي قال لين تطيب يا خال وياخذله أسبوع عندهم ويوم الديره طلبت أهلها وهم يتعللون قال يا معزب الرحمن ابي استأذن منك باكر ابي لأهلي قال يصير خير باكر تروح 0
ويوم أصبحوا قال يا خال نبي نمشي انا وياك الابل تبي تصدر ما تبي تشوفها معي قال أي بالله نبي نشوفها وهم يمشون ويوم صدر اول قطيع مرهم قال راعي البيت لعياله ما تبون ترضون خالكم وهم يعزلون اربع بكار له وهو يمرهم القطيع الثاني قال ارضوا خالكم يشينين وهم يعزلون اربع خلفات وهو يمرهم القطيع الثالث قال وانتم ما تبون ترضون خالكم وهم يعزلون بكرتين وفحل وهو يمرهم القطيع الرابع وقال وانتم وش لخالكم عندكم وهم يعزلوله خلفتين وبكرتين وهم يصدرون 0
قال يا خال هذيلن من العيال لخالهم قال ما قصرت ياطويل العمر والله يخليهم لك وانا ابي امشي وين اروح من عنزه قدامي وكل ها الابل معي وانا من هاك العرب اخاف يقولون محنشلها قال لا يهمك قل انا جيت من ابن ضلعان وتعد بوجهك لعربك وهو يودعه ويمشي وكل ما يمر عرب يقولهم انا جيت من ابن ضلعان لين اقبل على ربعه وهي تجيه أمرأته مستقبلته تبي تهلهل قال اقطعي الله لا يعطيك عافيه ذبحتيني لكن الله فكني والابل هذي مهي كسب هذي من ابن ضلعان هدوا لي انا ربيط صارلي اسبوع عندهم

وسلامتكم


جمعها وكتبها

اخوكم/احمد بن محمد الحريميس

ابومنصور

التعديل الأخير تم بواسطة عبدالله بن عبار ; 06-28-2011 الساعة 09:27 AM
احمد بن محمد الحريميس متواجد حالياً   رد مع اقتباس
 


أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 08:23 AM.


Powered by vBulletin® Version 3.8.8 Beta 3
Copyright ©2000 - 2022, Jelsoft Enterprises Ltd 
vEhdaa 1.1 by NLP ©2009