تابع
هذه الأبيات من شعر عبدالله بن دهيمش بن عبار أهداء للرجل الفاضل الرايف
الصقيري أبو ريان وجميع أهل الأستراحه : 321

نـويـت أوجـه جـزيــل الـشّكـر للـرايـف
شـرواه نـال الفخـر والمـرجـلـه كـفـوه
أبـو ريــان الـلي الـيـا جـالـه الـضايـف
يـبـهـج صـدر زايـره ويـرحّـب بـلـفـوه
مـا رافـق الخـايـب ولا عاشـر الهـايـف
الا ولا دوّر عـلـى الصـاحـب الـهـفـوه
مـع ربـع مـا سولفـوا بالمنطق الزايـف
بيض الضماير ما حصل بينهـم جـفـوه
مـا مـعـهـم الـلي لنفسه بالطغّـى شايـف
ولا يجـالسون الشقي جميعهم صـفـوه
جـليسهـم يـسـمـر مـع الـيـل مـتـكـايـف
مبسوط ما تـطـري عـلى بـالـه الغـفـوه
الـكـل مـنهـم بـفـعـل الـمـرجلـه نـايــف
ولا منهـم الـلي عـادتـه يشرب القـفـوه
والكـل منهـم عـن الماجوب مـا يسايف
مـن زارهـم حـتّى خـمالـه وجـب رفـوه
يـفـداهـم الـلي يمـوق لعـزوتـه عـايـف
يسرح ويـمـرح مـع الملسـون والأفـوه
مـن عـزوة تـدخـل المضيوم والخايـف
والـجـالـي تـزبـنـه حـتّـى يـجـي عـفـوه
مـثـل الجـبـل لاهـبهـب الـلافـح اللايـف
بـه ضـل بالقـيـض وبـه بالشتـاء دفـوه

قال عبدالله بن عبار هذه الأبيات يهني سعد بن زعل بمناسبة فوزه : 322

سعـد سعـد يا عسى الـلـه يسعده *** ويا عسى يعيش في عيشٍ هني
فـاز بالمـجـلـس وربـعـه مسنـده *** حـيـث صـف بجـانبـه كـل يـمني
ويــوم لـلـويـلان لــوّح فـي يـده *** حـوضبوا عـنـاز مـا فـيهم ونـي
خاض تلك المعترك ماهو وحده *** كـل عـنـزي لـه ولـد عـمن دنـي
أبـي أهني زعـل في فـوز ولـده *** ولوما عندي ظـرف والله لاعني
كـل مـن عـرفه شهد لـه وحمده *** لـو مدحته قيل عن مدحي غني

وقال عبدالله بن عبار هذه الأبيات يثني على الشيخ متعب بن عبدالهادي
الفققي حفيد مؤدب قبيلة السبعه والرجل الفاضل محمد بن عايد بن دوهان
لمواقفهم المشرفة حفيد المهوهي : 323

مشكور يا متعب على فعل الإحسان *** تستاهـل التمجيـد والمـدح بـك لاق
جـدك عـقيـد لعـزوتـه يـوم الأكـوان *** وله الأدب مبـطي عـلى جـمع دلاق
من عـلي الأول بالفخـر فعـلكم بـان *** يـنهـم عـلى نـمـرا تشابه جبل ساق
وأشكر محمد من صماصيم دوهان *** قرم العيال اللي على الطيب مشتـاق
نسل الذي بذراف مع جنـد عثمـان *** خاطر بغالي الروح يـوم العـدو بـاق
كبير سن وسامك العرش لـه عـان *** صان الشرف والمعتدي باد وانعـاق
وأعم في شكري هل القدر والشان *** شكراً جزيل من الضماير والأعمـاق
يشمل جميع الربع ذربين الأيـمـان *** لابـة هـل العـرفـا عـريـبين الأعـراق


قال عبدالله بن دهيمش بن عبار يسند على الشيخ متعب بن عبدالهادي الفققي : 324

وجهـت منظومي لقـوي العـزيمه *** الشيخ الـلي جـّده يكـف الطـلايع
أسند على متعب عسى الله يديمه *** ويحميه ربّه من شـرور الفجايع
أبـو عـبـدالـلـه من حمايل كريمه *** شيخ الدوام أهل الرباع الوسايع
أنشدك يا راعـي الفكـار السليمـه *** حـيثـك سلايـل حـافظين الـودايع
كيف الغضنفر صار ثعـلب نديمـه *** كيف الخزي لهـل الوجاهه يلايع
كيف الـدنـي هـبّـت هبايب نسيمه *** كيف الردي بالناس له علم ذايع
كيـف الغـني يسعى يـدور الغنيمه *** كيف يهـرف كنّه من الفقر جايع
كيف الـتقي مالـه وقـار وحشيمه *** كيـف الوقـار لكـل فـاسد وصايع
كيـف النقي ماله مع الناس قيمـه *** كيـف الفخـر نـالـه خبيث الطبايع
كيف أصبح التقدير لأهـل النميمه *** كيف أرتفع مـن كـان للحـظ بايع
كيف الخيانـه مـا تسمّي جـريـمه *** كيف أستعـز اللي يسوي فضايع
كيف الـبـري يتهم بظـلم وظـليمه *** كيف الوساطه خلّت الحق ضايع
كيف الغـريـم بظلم يفلج غـريمـه *** كيـف الضمير يباع مثـل البضايع
كيـف المحاجج ما يقابل خصيمه *** كيـف التحايـل والدجـل والخـدايع
كيف المحقق كـف سينه وجيـمـه *** كيـف البشـر مـا تحتـكم للشرايع
كيف الـرجل يقبل بغبن وهضيمه *** كيف ايتحمّل جـور والعـدل شايع
كيف الذي ما داس عيب وثليمـه *** كيـف أطبـاه الـلي يـدور الهـزايع
كيف الذي يضرب عميمه طميمه *** كيف استحث القوم مع كـل خايع
كيف المحرّض شب نار الجحيمه *** كيف أؤقـد الفتـنه بقـدح الولايـع
كيف يغوون أهل القلوب الفهيمه *** كيف الرجـل يخـدع وينقـاد طايع
كيف القروم أهل الفعول العظيمه *** كيـف أستخف أحفادهم كـل مايع
كيف الرجال الـلي تبوج الخريمه *** كيف انتمـوا للحلف مثـل النزايع
كيـف الحمايل ترتضي بالهزيمـه *** كيف الجدود اليوم صارت قـلايع
كيف أستعاروا جـد لابـه صميمـه *** كيـف جحـدوا تاريخها والـوقايع
كيـف التعـبّث بالأصول القـديـمـه *** كيف المـزّور منهجـه قـيـل رايع
كيـف أقـتناع الـلي افكاره حكيمه *** كيـف التجاهل بعـد كشف القنايع
قـلتـه وهيضني خـطـات اللخيـمه *** الظـالـم الـلي بالخـطأ لـه صنـايع
يا عـل مـن يظلـم تصيحه حريمه *** نطلب عسى تبكي عـليـه الـربايع

وقال عبدالله بن دهيمش بن عبار هذه الأبيات في الحث على اعتاق رقبة سعيد بن عواد الدمجاني : 325

الشيـخ نـايـف أصـدر الـيـوم نـشـره *** نسل أخو بقشه من صناديد الأجواد
شـيـخ الشـمـل يـحـث وايـل ويـشـره *** ينخى عـنزة لأجـل سعيد ابن عـواد
رهن السجن مطلوب خمسه وعشره *** قـريـبـكـم فـكـوه مـن سـيـف جـّلاد
يا ربـعـنـا مـا تـزهـق الـروح دشـره *** وبيـوت وايـل شامخه مثل الأطواد
أنـتـم مـلاذ الـلـي زمـانـه يـحـشــره *** بالمـال جـودوا يا عـريبيـن الأجداد
حـيـث الـردى كـلـن يـذمّـه بـقـشره *** والجـود يشعـر بالفخـر كـل من جاد

قال عبدالله بن دهيمش بن عبار هذه القصيدة يسند على هديس بن صبر بن دخين العريفي وهو من أفاضل رجال عنزه : 326

مـبـداي في ذكـر الـولي منشي الغـيم *** محـيي هـوامـيـد الجـذوع الميابيس
مـنزل هـواشيل السحايب مـن الـديـم *** بالمزن الـلي غيثه يغيث المغاريس
رب الـخـلايـق قـسّـم الـرزق تـقسيـم *** ولا عـادوا الـلي يطلبونـه مـفـاليس
باسمـه بـديـت أنـظـّم القـاف تـنظيـم *** وسجـلت مافي خـاطـري بالكراريس
يسنـد عـلى لـلي بالكـرم نـال تـنعيـم *** أن قيل من هو قلت أبو نايف هديس
الفـاهـم الـلـي يـقيّـم الـقـاف تـقـيـيـم ** ذكي وفـطيـن يـقيّس الهـرج تقييس
أبن صبّر صمم عـلى الطيـب تصميم *** وعلى المراجل كرس الجهد تكريس
من طلعته ماهـو عـن الموجبـه نيـم *** عسى فـداه أهـل الـوجـيـه المعابيس
صرنا يا أبو نايف غضاب ومكاضيم *** بأسباب حوك الكيـد وسط الكواليس
الـلـي يبـون لـبـاذل الـجـهـد تحطيـم *** الحـاقـديـن أشبـاه عـوجـان وغـليس
جهـدي عـليه مـن أهـل البـغي تعتيم *** الـلـه حسيـب مشربكيـن الـلـوالـيس
كـانـه جحـد بعـض الرجال الخماخيم *** أهـل الـدنس والـدنفسه والدحاويس
مجـدتـهـم مـابـي مـعـونـه وتـكـريـم *** غير الفـخـر فـي كاسبيـن النـواميس
كـرامـتي عـنـد الـرجـال الشـغـاميـم *** تعبير في صدق المشاعر واحاسيس
لاشك أبـي كـف الـهـروج الهـذاريـم *** الـلـي تـروّج مـن كـلام الـمـنـاحـيس
الـشـلـه الـلـي يـنـشـرون الـتعـاميـم *** سـود القلوب الـلي تعـلـواهـم إبليس
الـلـه حـسيـب الـلي يـدور المثـالـيـم *** قـلبه رعـاه الحسد والعقل بـه خيس
ياحيف أشوف اليوم حصن النواهيم *** صارت هـلايب ما تميّـز من السيس
ويا حيف يا فروخ الحرار الصواريم *** مـاكن مـجـنـاهـم مـواكـر قـرانـيـس
ويا حيف نسل اللي يقـود الـدواهيـم *** دنّس علوم شخوص الأجداد تـدنيس
الـلي نـريـده بالـفـزع يجـلـي الظـيـم *** دنّـق بـراسـه يستـشيـر الـهـلابـيـس
مـايـرفـع الطـامـن مـدايـح وتـفخـيـم *** ولا يطـمّن العـالي هـروج البـلاليس
مـن طـاوع الكـذبان عـلـط الـزراديـم *** سلك طريق اللاّش والنـذل والهيس
من كـان عنده سين عندي له الجيـم *** يـكبـح جـمـاح الـلي يضلـل بـتدليس
أصـل عـنـزه مـا هـو تلفّـق وترهيـم *** أصل أصـل ماهـو هـقاوي وتوهيس
مــن وايــل الأول وجــلان واهـمـيـم *** ضـد المعـادي فـي زمـان المتـاريس
فـوارس الهيـجـاء بـوقـت المـلازيـم *** عصر النضا والخيل والكنّس العيس
لـهـم مـفـاخـر يـوم بـوج المخـاريـم *** ولـهـم فـعـايـل بـالسنيـن المـرامـيس
عـزوة ربـيعـه مـن سلايـل إبراهيـم *** نجـد سكنوها من بعـد طسم وجديس
ومـن يجحـد التـاريـخ نعـطيـه تعـليم *** أصل عنـزه مـاهـو تحالف وتجنيس

قال عبدالله بن دهيمش بن عبار هذه القصيدة يثني على الرجل الفاضل
صاحب الكرم المعروف هديس بن صبر بن دخين العريفي أبو نايف : 327

أبـي أمـدح الـلي كامـلات وصـوفـه *** حاتـم هـل العـرفا هديس أبـو نايـف
هـو الكـريـم الـلي تهاشـل ضيوفـه *** يـكـرم ولا تـشكـل عـلـيـه الكـلايـف
دنـيـاه مـا يـبـدي عـلـيهـا حسـوفـه *** ينفق كـرم ماهـو من الفقـر خـايـف
جـور الزمن ما يشتكي من ظروفـه *** حيثه من اصحاب النفوس العفايف
مـا وفّـر الـلـي يـمـسكـنـه اكـفـوفـه *** ولا هـو بمـالـه ماكـر الجـود رايـف
مـن يـوم شـب الموجبه ما تطـوفـه *** ضـاري لتقليـط الشّحـم والـرغايـف
كم كبش حـنـا بأحمـر الّـدم صـوفـه *** جـاب السّميـن ولا يجـيـب العذايـف
دايـم يـجـيـه أجنـاب ماهي محفوفه *** تـدهـل مضيفـه مـن جميع الطوايف
مـفـتـوح بـابـه مـن يـمـرّه يـشوفـه *** ولـه مجلسٍ فـيـه العلـوم الطرايـف
يـفـرح بـزواره ونـفـسـه عـطـوفــه *** ولاهو من لـلي عـن لزومه يسايف
عـوايـده مـبـطي قـهـوتـه يـحــوفـه *** والـبـن الأشـقـر مـن يشفّـه تكايـف
غيـر الصخى ما ياجد الحقـد جوفـه *** ولا عاشر عفـون الرجال الهدايـف
خصـايلـه عـنـد الـرجـال مـعـروفـه *** دايـم عـن الـهـزلـه يـضـم الشفايـف
نفسه عـن عـلـوم الـرذايـل عيوفـه *** ولـه مـنـزلـه مـا طالهـا كـل هـايـف
مـرفـوع راس ولا تـدلـبـح اكتـوفـه *** ولاهو من الـلي ينتحل مجـد زايـف
القـاف تقصـر عـن مديحه حروفـه *** توصيف طيبه ما تحصاه الصحايف

هذه الأبيات قلتها شكر وثناء لأبناء عبدالعزيز المقبل حيث أنهم يكتبون
دعوة عامة في كل يوم بعنوان ( اقلطوا الله يحييكم القهوة زاهبة فقلت : 328
اهـل مضافـه كنهـا طـويـق مشرفـه *** رجـالهـم بالطـيـب تسمـو مـذاهـبـه
ديـوانـهـم مـفـتـوح والـكـل يـعـرفـه *** وفي كل وقت قهوة الأجواد زاهبـه
سـاس الـكـرم مـا حـسّبـوا للتكلـفـه *** رجـالـهـم ربـه مـن الطيـب واهـبـه
من نسل مقبل يقري الضيف منسفه *** الطرقـي اليـا جـاه يـمـلأ مـزاهـبـه
يـامـا نصـاه الـلي رحـولـه يـشعـفـه *** عابـر سبيل وحامي القيض لاهـبـه
يـوم السنـيـن القـاسيـات المجحـفـه *** عصر الجفاومن حصّل الفود ناهبه
جـدهـم قمقـومـه مـن البـن يعـلـفـه *** والنجـر يضبح تقـل ناقـوس راهبـه

قال عبدالله بن دهيمش بن عبار هذه الأبيات يثني على رجل الأعمال خليل بن
عايد البري والمهندس مشعل بن عبدالله العبار حيث لهم مواقف مشرفه : 329

هاضت شجـوني وسجـلـت القريض *** والـقـوافي بالمـعـاني لـه عـروض
أمـتــدح خـلـيـل بـالـخـط الـعـريـض *** والـكـلام أوضّـحـه مـابـه غـمـوض
أبـن عـايـد قـرم لـه صفحات بـيـض *** دوم راسه مرتفع ما هـو مخفوض
مـن طهارت مهجتـه مـالـه بغـيـض *** أشـهـد أنـه دوم رابـح ومحـظوض
مجهـد بـوقـت الشتاء وأيـام قـيـض *** مـا جـمع مـالـه عطايا ولا قـروض
يـوم خطـو الـلاّش ينـزل للحضيض *** عادته صوب العـلا ينهض نهـوض
أبـو عـبـدالـلـه فـخـرعـزوة فـريض *** طـيّـب وقـدره مـع الـرّبع محفوض
حـيـث نـبع الجـود من كـفّـه يفيـض *** بالكـرم مثـل الخمايل وسـط روض
ومشعل الـلي شع نـوره لـه وميض *** بالدجّـا ضـّوه عـن المشعل يعـوض
باللـّزم يرسي ولا يعـرف الفضيض *** عنده الواجب مثـل خمس الفروض
وأن تـكـلّـم مـالـمـنـطـوقـه نـقـيـض *** وفي هـذاريـم السوالف ما يخـوض
حيص في شيل الثّقل ماله جضيض *** كـنّـه بـلـيهـان فـي حـمـلـه يـنـوض
مـن ورد هـدّاج جـمّــه مـا يـغـيـض *** يـروي الظـامي ويـمـلأ كـل حـوض
ومن يـلـم الشمل لا يصبح شضيض *** يا بعد من هو عن الواجب ربوض
يـا عـسى يـفـداكـم الـفـض الغليض *** بـس يهـرف كنّـه الغلـث العضوض
الحـقـود وصاحب القـلـب المريـض *** مخبـث ويلسع مثـل لسـع البعـوض

قال عبدالله بن دهيمش بن عبار هذه الأبيات يثني على الرجل الفاضل خليل بن عايد البري
الضحوي احيث أن هذا الرجل له مواقف تشهد له في الكرم وبعد النظر وحبّه للجماعة : 330

رفع روسنا خليل أبن عـايـد البـري *** حميد السجايا بالمراجل ظهر علمه
من طريف للخفجي اليا ديرة المري *** تشهـد عـلى طيبـه الشياب والغلمه
كريم وصخي ما كان للمدح متحرّي *** من الخايب النمام ما يسمع الكلمـه
ما شانت اخلاقه ولا قيـل لـه شـرّي *** عزيزالمقام ومشتهر صدقه وحلمه
وعن واجبه ماهو لك الـلـه متوري *** الطيب والمعروف هوطبعه وسلمه
ماهو من الطّيب والمعروف متبري *** أبـو عبدالله للخـوي فـزعتـه ولـمـه
خليـل مثـل الحيـد بـه ظـل وايـذري *** شرواه تعتز بـه وقـت اللّـزم زلـمـه
يفداه الـلي بالناس شامت ومتزري *** الـلي القـرايب تتقي جـوره وظـلمـه
عفن الرجال اللي من الخير متعري *** يذكـر عيوب الناس ما بـرّق بثلمـه
أبي أمدح اللي لفعل الطيب متجري *** لـه الشكـر والسـن الحسّـاد منبلـمه
أبياتي اجهـر بهـا مـا أقولها سـري *** يـبـثـهـا مـنـتـج الأفـلام مـع فـلـمــه
ما نلبس الثوب كان الثوب متهـري *** ما يستر العضد والأردان منصلمه

يتبع

تابع
قال عبدالله بن دهيمش بن عبار هذه الأبيات يسند على الأخوين الرجل
الفاضل محمد بن عقيل العرثم العنزي والشيخ بدر بن محمد العساكر : 331

يا ابن عرثم دوم بجيوبك تذاكـر *** من عرفتك كـل يـوم بلك مطـار
مـا الومك وانا لك يالقـرم شاكـر *** مـع مـعـازيـبـك تجـوّل بالـديـار
مامضا وقتك على لعب الجواكر *** أنت جزل ولك حشيمه واعتبار
يامـن لـربعـك الـذ مـن السكاكـر *** عشت يا علك من طـوال العـمار
اسلـم وسلّم عـلى بـدر العساكر *** أخـو راشـد ننتظـر يصـدر قـرار
احـتـريـه وكـل يـوم اقـول باكـر *** لازم اصبـر لـو يطـول الأنتظـار
لـي أمـل مـا كنت للنسيان فاكـر *** كان يقدر مـا يجي منـه اعـتذار
الزعيم اللي لفخر المجـد حاكـر *** قـايــد الأمــه تـخـيــره اخـتـيـار
مـا يـعـيّـن بالوظيفـه كـل مـاكـر *** عيّـن بمنصب وزيـر ومستشار
حيث بـدر ما مشا بدرب المناكر *** فيه عقل وفيه عرف وله وقـار
شال في متنه ثقـل حمل الهناكر *** وصـار يـنـدب للمهمات الكـبـار
عند صيرم ماكره بأعلا المواكر *** حـر نـادر مـن صواريم الحـرار
مخـلبـه يشبه معاكيف الشناكـر *** يعـطب الصيده مخاليبه شطـار
نسل من خلاهبوب الريح ساكر *** حتّى صفى الجو من بعـد الغبار
الزعيم اللي خلا الحوثي خناكر *** باد أنصار الفرس ودمرهم دمار

قال عبدالله بن دهيمش بن عبار يدعي للرجل الفاضل محمد عقيل العرثم بالشفاء بعد أن المت به وعكه : 332

يـا مـحـمـد دعـوتـي يـزول شـرّك *** لـك دعـينـا بالسلامـه والعـوافي
يالصخـي ياعـل ربـي مـا يـضـرّك *** يا عسى تسلم لـنـا حيثك سنافي
مـجـتـهــد لـلـطـايــلات الـلـه درّك *** عن لوازم عزوتك ما كنت غافي
صوب مشموخ الفخـر دايم تحرّك *** شع نورك يوم نور اللاّش طافي
لـو ملكت المال جمعـه مـا يـغـرّك *** تـدي الواجب وفكرك دوم صافي
وتبر بربعك عسى المولى يـبـرّك *** يا عسى يرزقـك عالـم كـل خافي

قال عبدالله بن دهيمش بن عبار هذه القصيدة شكر وثناء بالشيخ المقدّم
فيصل بن بندر بن بتلا حيث له مواقف مشّرفه وأسدا لي معروف : 333

أرسـلـت للمـنـعـور فـيصـل بـريـدي *** عبـر التواصل يوصل الخط هلحين
فيصـل ياعـلّـه فـي حـيـاتـه سعيـدي *** أطلب عسى رب الخلايق لـه ايعين
أبـــوه بــنــدر نـال رتـبـة عـمـيــدي *** وجـدّه محـمد شيـخ شمل الغياديـن
بـنـدر أبـوه وعـم أبــوه الـحـمـيـدي *** مـع المـراجـل طـاهـريـن وتـقيـيـن
عـرفـتـهـم والـلـه عـلـيـه شـهـيـدي *** بهم الكرم والجود واللّطـف والليـن
وذعـار جـد أبـوه شـيـخ وعـقـيـدي *** شجاع ويطبّـق مـبـادي هـل الـديـن
هـذا أبـن بـتـلا لـلـقـرايـب وديــدي *** تفخـر بـه الأجـنـاب والـرّبع الأدنين
أنجـب سلـيـل المجـد ضـد العـنيدي *** فيصل كسب علم الفخر بالنّبا الزين
فيصل صليب الشـور رايـه سديـدي *** الهاشمي منسوب مـن جـدّه حسين
حفيـد الـلي قالـوا لـه الناس سيـدي *** المصطفى صلّـوا عـلـيـه المصليـن
تاريخهـم مـاهـو لـك الـلـه جـديـدي *** مشهور من عصر الجدود القديمين
للناصي العاني سعـيـف وعـضيـدي *** حيثـه مسمّى ومن حـمايـل مسمّين
شروى جنابـه باللـّزم هـو رصيدي *** الجـاه أفـضـل مـن رصيـد الملاييـن
يـحـق لـي أثـنـي بـمـدحـه واشـيـدي *** وأجهـر بفعلـه واشهـره بالدياوين
الـكـبـر مـا يـعـرفـه ولاهـو بـلـيـدي *** ولا يلتقـي ناصيـه بالخاطـر الشيـن
لـي أنتخى الشغموم وأدى الجهيدي *** سهـر طويـل الليـل والنـاس غافين
فيصـل رفـيع الشـان طيبـه يـزيـدي *** أذكـر تجـمّـل بـي قـبـل عـدّة سنيـن
من عادتـه عـن واجبـه مـا يحـيـدي *** بـه طـبـع دايـم مسفهـل الحجاجيـن
فـرحت ضمير الـلي برجلـه حديدي *** يـبي الفـزع ينخاه ضمن المساجين
مـثـل القـطـامي للجـزيـلـه يـصيـدي *** صيـده سمين اليـا كـفـخ بالجناحين

يكتب عندنا في توتر الشاب عبدالله المهّذب الرويلي وكل كتاباته متزنه
تدل على رصانة عقله وأرسلت له هذه الأبيات من ذات القافية الصّعبة : 334

يالمهـذب طـاب عـلمـك يالمهـذب *** يالـذي فـعـلـك يـطـابـق للمسمّـى
يـا فـتـى عـساك تـسعـد ما تـعـذّب *** دام عـزّك يا حـفيـد اخوان شمّى
يفداك اللي في صحيح القول كذّب *** مـا يشـوف الـواقعي مثل المغمّى
صـاحـبـه دايـم لعـرقـوبـه يـشـذّب *** يطعن وهو ما يساوي عنز جمّى

هذه الأبيات من شعر عبدالله بن دهيمش بن عبار مهداه للرجل الفاضل الإعلامي
الصحفي رمضان بن جريذي حفظه الله شكر وثناء على المقال الذي نشره : 335

يا رمضان اشكـر جنابك يـا رمضـان *** عـشت يالمنعـور يالشهـم النـبـيـل
يا رمضان اشكرك وأبـقى لـك مـدان *** والشكـر يالـقـرم فـي حـقّـك قـلـيـل
يـا أبـو مـهنـّد بالضمايـر لـك مـكـان *** لـك جـميـل وكيـف مـا أرد الجميـل
لـك فـضل مـا يـنسي طـول الـزمـان *** مستحـيـل انـسى كـلامـك مستحيـل
حـيـث في وضح النـّقى قـلتـه بـيـان *** بـالثـنـاء والمدح واللـفـّظ الجـزيـل
بـالـقـلـم عـبّـرت وبـنـطـق الـلـّسـان *** وفي اسلوبك معـتـدل ما فيـه مـيـل
وأنـت قول الصّدق تعـلن بـه اعـلان *** عـن هـدف معـناك وضّحت الدليـل
يا أبـو مهـنّـد طـاب منطـوقـك وزان *** تـكـتـب الـهـرج الـوكـاد ولا تـعـيـل
عـادتـك تـصعـد ولا تـحـب الطـمـان *** دوم تـرقـى بـعـالي الحـيـد الطـويـل
وعـادتـك تـنجـح بـوقـت الأمـتـحـان *** فـي عـلـو الشـان والـقـدر الجـليـل
قـلـت ولسانـك عـن الهفـوه مصـان *** يا عـسى يـفـداك مـن عـقلـه ضليـل
وأنت سامي ذات ما ترضى الهـوان *** بالمقـال أفصحت عـن تاريخ جـيـل

قال عبدالله بن دهيمش بن عبار هذه الأبيات يثني على أسرة الغرا أهل البدايع من حاضرة المطارفه : 336

النـعـم يـزهـالكـم يا عـزوة الغـرا *** ديـوانكـم دايـم تـوافـد جماهيره
يجمع رجال من البدايع ومن برّا *** بكم القرايب تفتخر وأهل الديره
رجالكـم للمرجـلـه طبعـه مضّـرا *** والكل منكم بـه حميه وبه غيـره
لعلكم يا نسل الأجـواد فـي سـرّا *** المتقي يكرم له الرب من خـيره
تكشف نوايا ردي الشان وايعرا *** والمحتـرم يلقا وقـاره وتقـديـره

هذه الأبيات من شعر عبدالله بن دهيمش بن عبار مهداه إلى الرجل الفاضل هزاع بن ناجم
وأبنه زيدان بن هزاع بمناسبة زواج عبدالعزيز بن زيدان ونقول ألف مبروك : 337

مـبـروك حـفلـك يالنبيـل أبـو زيــدان *** عسى الكـريـم مـن السعاده يزيدك
العـام بـه عـيـديـن فـي كـل الأوطـان *** والـيـوم هـذا يـعـتـبـر يـوم عـيـدك
وعساك دايـم يا أبن الأجـواد فرحان *** فـرحتـك يـا هــزاع تـفـرح وديـدك
تسعد ولاتشوف الكـدر كـل الأحـيان *** ونطلب عسى المولى يوفق حفيدك
عـبـدالعـزيـز بـفـرحـتـه حفـلكم زان *** يــربـي بـعــز وبـالـمـبـرّه يـفــيـدك
نجلك كسب عـلم الفخر عالي الشان *** زيـدان محـمـود السجـايا عضيـدك
زيـدان عـلـمـه بالكـرم والفخـر بـان *** هـو راس مالـك بالحـيـاه ورصيدك
دامـك يا أبن هـزّاع تذكـر بالأحسان *** يشـوقـني وسـط المجالس حـميـدك
يـوجـد عـلى طيبـك دلايـل وبـرهـان *** رمـت المراجـل والمـراجـل تريـدك
حيثك صعدت وعفت منزال الأطمان *** واصل مسيرك للعـلا وامش سيدك
فـتـح لـك المـولـى مـن العـز بيـبـان *** منصبك يـزهـالـك وربّـك شـهـيـدك
أنـت القـطـامي يـوم تلـفـح بجنحـان *** ترهي على القنّاص من جل صيدك
وافي وتحسب من مشاهير الأعيان *** عـسى ولـي الكـون يـقهـر ضديـدك

قال عبدالله بن دهيمش بن عبار العنزي هذه القصيدة يثني على الرجل
الفاضل الشيخ عبدالله الصمعاني أبو محمد من أعيان أهل بريدة : 338

يـا أبـو محمـد يـا سليـل الصماعيـن *** يـالنـادر الـلي سمعتك ترفع الـراس
سـمـعـت عـلـمـك فـي ملـم الدواوين *** ومدح الثنـاء يوخذ للأجواد مقياس
لا قـيـل عبـدالله ذكـر عـلمـك الزيـن *** عساك ماتشكي من الوقت هوجاس
ديـوان بـيـتـك للـّرجـال الحشيـمـيـن *** مجلس شرف مابـه للأنذال مجلاس
يجـمـع رجـال العـلـم والحلم والديـن *** ولابـه مـكـان لكـل هـايـف وهـلاّس
عـديـت الـلي شاهدت بمجرد العيـن *** ماقلت منطوقي هـقاوي ولا احداس
أثـني عـلى الطيّب ولامقصدي شين *** والـمدح مـا نـالـه هلابيج واخساس
مجنـاك من عـقـب القروم الكريمين *** من مارث أهل الطيب والعرق عسّاس
ساسك عريق ومن شخوص الوداعين *** مبطي ورثت الطيب من جدّك شماس
مـن زايـد الملطـوم عـزوة قحاطيـن *** بالأزد خـطـلان الأيـادي لـهـم ساس
زايـد مـن أحـفـاد الملـوك القديميـن *** تاريخهـم يـروي فـضيلـه ونـومـاس
عـزوة فـخـر تاريخهم لـه بـراهيـن *** من يوم سيل العرم يروى مع الناس
باسم الدواسر يجمع الحلف جمعيـن *** تغـلـب وزايـد طبعـهـم قـوّة الـبـاس
صـاروا بـوادي مـا تـجيـه المعاديـن *** دونه مقابيس الـوغـى دوم حـرّاس
فـازوا بعـلـم الطيب يوم الزمن شين *** بالعصر اللي فيه البلاوي والأتعاس
خـوال الـلي عـلى الجـزيـره سلاطين *** حكامنـا الـلي وحـدوا كـل الأجناس

قال عبدالله بن دهيمش بن عبار يثني على قاسم بن حبيب بن كتيران : 339

كل ما جيت القصيم أحـظـى بـداعي *** مـن قبـل قـرمٍ يسوي لـي كـرامه
مـا قـبـل عـذري ولا فـاد امتنـاعي *** وكـان مـا جـيتـه يحـملني مـلامـه
مـنـتـبـه لـلـغـانـمـه مــدرك اواعـي *** ذاك أبـو عبدالعزيز افهـم مـرامـه
قـاسم الحـمـاد طـيّـب واجـتـمـاعـي *** فيه لطف وفيه عرف وبه شهامه
دايـم يـعـاتـب اليـا طـال انقـطـاعـي *** وأن مسكني بالوعد يترك دوامـه
للـمـكـارم والـنـفـايــل دوم سـاعـي *** مـا يـدنّـق عـادتـه يـنـظـر أمـامـه
مـنـزلـه بالـطـايلـه فـوق الـرفـاعي *** يا عسى رب الملأ يـرفـع مقـامـه
صوب مشموخ العلا شبحه يراعي *** الكـرم لـه سلم يمشي في نظـامـه
مـاهـو محـابي ولا صاحب خـداعي *** منوته عن صاحبه دفع الغـرامـه
يتصّـف بالفهـم مـع وسع أطـلاعي *** ومن تواصيف المروّه بـه علامه

وقلت هذه الأبيات المتواضعه شكر لسعادة الدكتور صالح بن عبود : 340

لـك الشكر يا فاعـل الطيـب مشكـور *** ماهي غـريبه منـك يا نسل عـبـود
مشكـور يا مـدرك شهـادات دكـتـور *** مع الأدب يالقـرم مشهـور بالجـود
شهـم وكريـم وباللوازم لـك حضور *** مهما عملت من الفخر تطلب الزود
الأسم صالح وأنـت صالح ومنعـور *** أنـت النبيل الـلي عـلى فعلك شهود
ما يوم تذخر يا أبن الأجواد مذخور *** تـدي عـلى كـل المواجيـب مجهود
غـمرتـني بالطيـب يا صايب الشور *** أنـت الـذي طيبك ورثته من جدود
أطـلـب لعـلـك دايـم الـدوم مسـرور *** وعسى سنينك كلها افراح وسعود
الـلـه يفكك من هـل الكـيـد والجور *** الحاسدين قـلوبهـم بالصدى سـود

وقال عبدالله بن عبار هذه الأبيات رداً على قصيدة للشاعر مصلح بن سعد بن
صويلح البقمي عندما وجه قصيدة لمائة شاعر كنت من ضمنهم : 341

يا ابـن صـويـلح يالـوقـور المبـجـل *** مشكور يا مصلح عسى فالك الخير
يا مـرسـل المنظـوم عـبـر المسجّـل *** تسنـد لـمـائـة مـن كبار الشواعـيـر
حـاولـت فـي رد الـجـواب اتـعـجّـــل *** وأرسلت رد القاف من دون تأخيـر
جاكـم جـوابي كـاش مـا هـو مؤجـل *** حيثـك من قـروم الرجال المشاهير
مـن روس لابـه فـعـلـهـم مـا يخجـل *** ربـعـك صنـاديـد البـقـوم المنـاعيـر
كـان اعـتلـوا فـوق الجـواد المحجّـل *** عـاداتـهـم بالكون كسر الطـوابـيـر
كـم شيخ عـن صهـوة جـواده ترجـّل *** وقـع طـريح بـمـرهـفـات البواتيـر
مـا مـنـهـم الـلي لـلعـشـايـر يـهـجـل *** ولا هم من اللي يغرزون المواخير
والـلي يـشـيـد بـمـدحـهـم مـا يـدجـّل *** عـد الصحـيح بطيـبـيـن المخـابيـر

قال عبدالله بن دهيمش العبار هذه القصيدة يثني على سعادة العميد أنور بن طلب
الصخيري المصلوخي أبو خالد رحمه الله صاحب المواقف المشرفه : 342

نـويـت أبـوح بـمـا يـكـنّـه ضمـيـري *** وأثني على اللي سيرته خير سيره
أنـور ابـن طـلـب حـفـيـد الصخيـري *** الـنـادر الـلـي مـن كـرام الـعـشيـره
لـه طـبـع بافـعـال الـمكـارم جـديـري *** شهم وبشوش وبـه حميه وغـيـره
حيـث بقـطـاع الأمـن عـيّـن مـديـري *** الـلـه مـن اشـرور الخلايق يجيـره
الـقـرم أبـو خـالــد مـقـامـه كـبـيـري *** رقـي عـميـد وفـيـه فهـم وبصيـره
أنـور حـلـيـم وبـالـقـضـايـا خـبـيـري *** يـحـل صـعـبـات الأمـور الـعسيـره
مـن جـاه ناصي لـه عوين ونصيري *** شـرواه يـذخـر بـالـلّـوازم ذخـيـره
فضلـه عـلـي ولـه جـمـايـل بـغـيـري *** والـيـا بـدأ عـنـدي لـزوم استشيره
وقف معي وأوصى الزميل المطيري *** خالـد من أصحاب الوجيه السفيره
للطّيـب يسـعى وللـردّى مـا يسيـري *** الـعـاقـل الـطـاهـر نـقـي الـسـريـره
مـن طـاب يـبـقى للـرفـاقـه سفيـري *** ويجهـد لحـل عـقـود حبـل الجريـره
من يحتـري سعـيـه يجـيـه البشيري *** يفـزع مع الـلي ما بجـرمـه معيـره
ماهو من الـلي عـن لـزومـه ينيـري *** يفـداه الـلي ما ترجي الناس خيـره
نسـل الكريـم الـلي لضيفه عشيـري *** والجـار كـنـه فـي حـلالـه خـشـيـره
جـده قـوي البـاس عـلـمـه شهيـري *** فـيـاض يـذكـر لـلـمـعـادي نـحـيـره
هـو الشجـاع الـلي لـربـعـه أمـيـري *** الفـارس الـمـقـدام عـز الـقـصـيـره
كالحيد يـذري عـن سموم الهجيـري *** يفـرح بـه الـلي شـح زاده ومـيـره
من ساس عـزوة بالـزمان الخطيري *** أولاد حـسـن يـنـطحـون المـغـيـره
نـالـوا فـخـرهـم بالحسام الشطيـري *** بسيـوفـهـم يـرعـون فـي كـل ديـره
وأن كـان جاهم من عـداهم نـذيـري *** حـريـبـهـم دوم الهـزيـمـه مـصيـره
زبـن الـدخيـل وفـزعـة المستجيري *** يـوم القبـايـل بـيـن نـصـر وكسيـره

يتبع

تابع
قال عبدالله بن دهيمش بن عبار هذه القصيدة يثني على الرجل الفاضل المستشار أحمد بن
عبدالعزيز الربيش أبو ابو مشعل بمناسبة افتتاح مجلسه العامر في مدينة الرياض : 343

الـرسـايـل نـرسـلـه مـن دون زاجـل *** مـع جـهـازٍ نحـملـه وزنـه خـفـيـف
لا مع الراكب ولا مع شخص راجـل *** مـع أثـيـر الريح مع نسناس هـيـف
مثـل نـفح الـورد في وادي جـلاجـل *** خالطه ريح النّفـل والروض ريـف
سار لأحمـد يوصله شعـر المساجـل *** مع تبهـلـل حـاجـبـه قـلبـه نـضيـف
الربيش أحـمـد سلـك درب المراجـل *** أبـو مشعـل شـاد ديـوان ومضيـف
البخـيـل أن كـان شـافـه قـام خـاجـل *** يـبي مثله والفخـر صعـب وكـليـف
عـادت الشغموم تـقـلـيـط الـمهـاجـل *** بالصحون البيض مع رز ورغيـف
ماهـو من الـلي لسنهم مثـل المناجل *** بـه طبيعـه مـا يسير بـدرب حـيـف
كـنـه كـحـيـلان بـالـمـيـدان حـاجـــل *** باللقـاء يلكـد عـلى الجمع المخيـف
الـقـطـامـي مـا يــوكـر بـالـكـواجــل *** مـاكـر الصيرم عـلى الحيـد المنيف
مـن نـصـاه بـلازمـه مـاقـال آجـــــل *** فـرحـت الـعـانـي وللناخـي سعيـف
مـا يـعـاشـر كـل مـتـمـلّـق وداجــــل *** ولا يـلـوذ بمجـلسه كـود الشـريـف
مـن حمـايـل فعـلهـم بالطيـب عاجـل *** كـل منهـم صـيفتـه شهـم وعـفيـف
اهل العليا رجمعهـم للخـصـم نـاجـل *** يـوم كـان المجـد فـي شلفا وسيـف

قال عبدالله بن دهيمش بن عبار هذه القصيدة قلتها اثني على الرجل الفاضل
الوقور المستشار أحمد بن عبدالعزيز الربيش أبو مشعل حيث أن هذا الرجل
من سراة القبيلة وهو ممن يثمنون جهدي للقبيلة وهو دائماً يشيد بما عملت
لقبيلتي ويشكرني وله مواقف معي مشرفّه في الوجاهات : 344

يا قـريض القـاف مـا نـقبـل ركـودك *** ويـا قـلـم خـط القـوافي فـي مـدادك
كـل منصف في مديح أحمد شهـودك *** شد بأبو مشعل ولا تخشى انتقادك
أبـو مشعـل لـو حصـل كـايـد يكـودك *** الربيش أحمد عضيدك هـو سنادك
يا أبـو مشعـل عادتك تبـذل جهـودك *** تكسـب الطـولـه بـجـدّك واجتهـادك
يا أبو مشعل بالفخـر هبـت سعـودك *** لا تحوّل يا أبو مشعل عـن اشدادك
يا أبـو مشعل لا توقـف عن صعودك *** في مسيرك فوق راس الحيد مادك
يا أبـو مشعـل للكـرم ربـّاك عـودك *** الكـرم والجـود قـصـدك واعـتمـادك
يا أبو مشعل يشكرون الناس جودك *** حيـث كسب الغانمـه غـايـة مـرادك
عن بلـوغ المجـد مـا كلّـت عضودك *** حـر الـلي هـدّك تشبب مـن هـدادك
الكـفـو والـنـعّـم هـو كسبـك وفـودك *** والـجـمـالـه فـعـلـهـا يبـهـج فـوادك
ما كبيت بمـن نصاك وجـاء يـرودك *** دوم صـوب المرجلـه تلكـد جـوادك
للشـهـامـة والكـرم طـبـعـك يـقـودك *** ربـك مـن الخـيـر والإحـسـان زادك
الـديـوان الـلي بـنيـتـه مـن نـقــودك *** مـا خـشـيـت أنـه يـؤثـر بأقـتصادك
وافـي وصاحبك مـا يشكي صـدودك *** سلـمـك أنـجـالـك تـورثـهـا أحفـادك
قـلبـك الطـاهـر يـبـوح بـسـر مـودك *** ومـن صفاوت نيتك طـاب اعتقادك
بـالـكـرم محـيـط يـا مـبـعـد حـدودك *** وأنت الـلي في سمعتك تفخـر بلادك
بالظـروف القاسيه تـعـلـن صمودك *** مـا تـلـيـن ولا تـهـاون فـي عـنـادك
عـزوة الـربشان ربـعـك هـم بـدودك *** وأن بــدأ لازمـك مـا تـلـزم حـيـادك
نسـل الأربش تنحـدر منهـم جـدودك *** حـيـث عبدالله حفظته فـي اعـدادك
حـتّى عـلـيـا رويـل منهـا جـل ذودك *** وهم ذراك اليا نـوى العايل هجادك
ويا عسـاك الـلي شكيتـه ما يعـودك *** بالهـنـا تـسعـد وتـهـنـا فـي وسـادك
الـولـي يحميـك من نظـرت حسودك *** وأطلـب خـلاّق المـلأ يصلح أولادك

وهذه الأبيات كتبتها اثني على المقدّم المتقاعد حجاج بن علي بن دغمي
الرويلي بعد أن اطلعت على القروب الخاص به ووجدت الكثير من الشعراء
يثنون عليه وكان من الضباط الذين لهم مواقف مشرفه فقلت : 345

يا أبن عـلي حجـاج تـذكـر فعـايلك *** يا مكثـر الـلي بالكـرم يمدحـونـك
يا أبو محمـد طيـب فعلك مجـملـك *** تسلـم عسى يـقـوم رـبك بـعـونـك
قـريـت نظـم الـلي بشعره يراسلك *** اهـل القـصايـد كـلهـم يشكـرونـك
الـكـل يا حـجـاج يـذكـر مـراجـلـك *** دايـم عـلى العـليـا تـوجه ضعونك
أنـت الـذي عـلم الفخـر تملكه ملك *** وأنـت الـذي يالقرم تندا صحونك
الجـود يا حجاج من مـارث اهـلـك *** الـلي عـلى منهج جـدودك يبـونك
ما يـوم يا حجـاج ضاقـت محايلـك *** مـن مطلب الـلي باللوازم يجـونك
وأرجو السموحه ما حصلي اقابلك *** لـوصح لـي يالقرم ماقيف دونـك

قال عبدالله بن دهيمش بن عبار هذه القصيدة يثني على الرجل الفاضل
عواد بن يتيّم الناموس وعياله الكرام اصحاب المجلس الذي يجمع الجماعه
وقد اعتاد في كل ليلة خميس يقدّم ذبيحة للمسايير الحضور : 346

والـنـعـم فـي عـواد وعـيـال عــواد *** الـكـل منهـم نفتـخـر فـي مـديـحـه
بيض الضماير سالمين من الأحقاد *** اهـل المكـارم والقـلـوب النصيحـه
سلايـل الناموس من نسل الأجـواد *** ماهم من اصحاب اليدين الشحيحه
عـواد طـيـبـه طـول الأيــام يــزداد *** شـاد المجـالـس والبيوت الفسيحه
فـي مجـلسـه تـنـسـاق دلّـه وبـرّاد *** والعـود الأزرق فـاح نفحات ريحـه
وليل الخميس بجفنته يركـم الـزاد *** ويحـط مـن فـوق الصيـاني ذبـيحـه
أبو فهد مبطي عـلى الطيب معتـاد *** حيثـه من اصحاب الوجيـه الفليحه
رب الكلأ اصلح له شغاميم الأولاد *** أهـل العـقـول الراسخه والرجيحـه
بيض الوجيه لربعهم عضد واسناد *** نظهـر ثـناهـم في معـاني فصيحه
يحميهـم الرحـمن عـن هـرج نـقّـاد *** وعـن جور كيد مدورين الفضيحه
ومـني تحيـه مالهـا حصر واعـداد *** ترسل من الجـوال عـبـر الشريحه

قال عبدالله بن دهيمش بن عبار هذه القصيدة شكر وثناء للرجل الفاضل سلطان بن مرشد
الجلعود أبو مرشد صاحب قناة الشامخ حيث تكرّم بنقل زواجات بعض الأبناء مشكور وفي
هذه القصيدة تطرقت لبعض نوادر قبيلة الدهامشة ومنهم الشيخ سعود بن جلعود رحمه الله
راعي سميراء وهو من كرام الرجال الملقب ( بمبكي المسويات) : 347

مبـداي بالـلـه خالـق الأنس والجـان *** الـواحـد الـلي للمـخـالـيـق مـعـبـود
واعـوذ بالـرحـمن مـن كـل شيـطـان *** وألـوذ بـه مـن شـر مـارد ونمرود
باسمه بديت انظم من الشعر ما زان *** يهدى لأبو مرشد فزع كل مضهود
راعـي القـنـاه الـلي تصوّر بالألـوان *** قـنـاة عــز وفـلـمهـا عـنـه منشـود
قـنـاة الشامخ شامخـه مـثـل سلطان *** الدهمشي قـرم العـيال ابن جـلعـود
سجّـل محـافـل طـيّـب الفعـل مـجّـان *** لـو ما جبـر بالحلف ما ياخذ نـقـود
كـانـه سـمع بمنـاسبـه عـنـد ويـلان *** يـأتـي حـميه دون غـايـه ومقصـود
شارك جميع الربع في كـل الأحيـان *** عـنـد الـرفـاقـه دايـم الـدوم موجود
قـولـوا مـعـي لاهـان لاهـان لا هـان *** حيث أبو مرشد طيب الذكر محمود
فاز وكسب علم الفضيله والأحسان *** وعلم الفخر هوغاية الكسب والفود
نفخـر بعـلمه صاحب القـدر والشان *** قلتـه ودرب المرجلـه ليس مسدود
من طاب علمه في علوم الفخر بان *** مجهد ومع طول المدا يطلب الـزود
يجهد لخدمة عـزوته قـدر الأمكـان *** بـه طبع ما يذخـر عن الربع مجهود
ولاهـي غـريبـه منـه حيثـه كحيلان *** من ساس لابه مامشوا درب منقود
من علي الأول يجذبه عرق شجعان *** أولاد دهمـش مجـدهـم دوم مشيود
دهامشـه يـوم المـغـازي والأكـوان *** والهـرش حـد ابـيشة الخيـل مقيـود
عـوق الضديـد اليـا تلاقـوا بميـدان *** صابورهـم ينطـح طـوابـيـر وحشود
نـطـيـحـهـم يـعــود نـادم وخـسـران *** يرجـع معـيف ولا قـدر ياخـذ الـذود
منهم غريب الدار من عقب حمـدان *** ومنهـم بـواسل كنهم شامخ الطـود
زعـيـمهـم مجـلاد مـن نسل فـوزان *** قـاعـد وجبـر جدودهم منقع الجـود
منهم غـديـر المـوت والـد رهيمـان *** بـرجس يخـلي سربـة الخيـل يـبّـود
ومنهم مشايخ خلفـة الشيخ راكـان *** الكـل فعـلـه مـاضـي العـهـد مـاكـود
ومحمد التركي حـمل لـقـب سعـران *** حـيثـه شجاع وباللقاء ينطح الكـود
ومـن كثـر مـا فيهم نـوادر وفرسان *** يصعب عـلي العـد والعـرف محدود
من عـلي الأول من سويلم وسلطان *** تاريخهـم ثابـت وبالصّـدق مسنـود
ماضي فخرهـم مـا حصيتـه بقيفـان *** لهـم الفخـر من ورث والـد لمولـود
والـلي لهم في منتجع طـي مسكـان *** شادوا بلـدهـم بـيـن وديـان وحيـود
لهم بسميراء غرس مشتل وبستان *** غــيـدٍ ثـمـرهـا لـلمسايـيـر مـجـدود
عـسى يـعـل ديـارهـم غـر الأمـزان *** تلـك الديـار الـلي تـربّـى بهـا سعـود
يـامـا لفـالـه مـن تـحـاويـل ركـبـان *** وياما ذبـح للضيف حـايـل ومـفـرود
ولأجل الكرم لقب على نوح نسوان *** من كثر ما يلفي عـلى قصره وفـود
سعود بن جلعود يـوم الـزمن شـان *** يجـود يـوم الـزاد فـي نـجـد مفقـود
اعـتـز فـي مـدحـه ولا قـلـت بهتـان *** أهـل القصيم وأهـل حايل لـه شهود
وأهل سميراء طيبهم عـبـر الأزمان *** قبل الزمان الـلي بـه سهود ومهود
ومـن يمـدح الأجـواد ماقيـل غلطـان *** قـلته يا أبـو مرشد ولا يلـزم ردود
والهـرج الـلي ماله دلايـل وبـرهـان *** معـناه زيـف ويعتبـر هيـف وربـود
والخـاتمه أهـدي مع الشكر عـرفان *** عسى الـولي يحميك مـن كـل لادود
وصلّواعلى اللي جاه بالوحي قرآن *** جاب الحديث اللي رواه أبن مسعود

قال عبدالله بن دهيمش بن عبار هذه القصيدة ثناء على الرجل الفاضل محمد بن
زيدان البوهي الجعفري الذي أعفى عن مبلغ مليون ريال لرجال يطلبهم دين
وشكر للرجل الفاضل فرحان بن عيدان الشرقي أبو عدي الجعفري : 348

من يصنع المعـروف عـلمـه يفـوهـي *** وعلم الفضيله من نصيب أبن زيدان
اعـنـي مـحـمـد لـلـمـراجـل يـنـوهــي *** فـعـلـه يـنـومـس كـل عـزوة سليمان
اعـفى عـن الـلي من ديـونـه يسوهي *** وشـمـل بـعـفـوه بالـطـلـب كـل ديّـان
جـزم ولا هــاب الـخـسـاره ولــوهـي *** مليـون قـالـوا عـافـهـا عـالـي الشان
مـادام جـد الـقـرم مـن نـسـل بــوهـي *** ماهـو غريب الجود منهم والأحسان
مـنهـم الفـارس فـرز مـثـل المهـوهي *** الـلي فـتـك فـي قـايـد التـرك دوهـان
أبـي امـدح الـطـيّـب ولانـي وجـوهـي *** أمـدح محمـد والكـريـم أبـن عـيـدان
فـرحـان لـبّـى كـل مـطـلـب شـروهـي *** والكـل يفخـر فـي مـفـاعيـل فـرحـان
فـرحـان أبـن عـيـدان مـالـه شبـوهي *** الا هـداج الـلـي حـمـاه أبـن رمّــــان
يـفـداهـم الـلـي لـواجـبـاتـه زلـوهــي *** يـبي المديح ولا فـعـل طـيب كـوبـان
ويـفـداهـم الـلـي بـالـلّـوازم يـبـوهــي *** مايسعف العاني أن كان الزمن شان
مـن عـزوه اليا عـال خطـو معتـوهي *** خـلـوه يـرجـع ذاهـل العـقـل نـدمـان
قـصـيـرهـم طـول الـلـيـالـي دلــوهـي *** جـعـافـره مـا جـارهـم شـد زعـــلان
وبالكـون يـوم يـقـال للـنـوق دوهـي *** تفزع هل الجدعا على الخيل فرسان

وقال عبدالله بن دهيمش بن عبار هذه الأبيات يثني على المحامي مهدي بن حمد الحنيان الفدعاني صاحب قروب مجالس الويلان : 349

يا مهـدي حـنيـان يـا صاحـب الجـود *** شرواك يمدح يا بن الأجواد مايذم
بـاعـك طويل وبالمراجل لـك عـضود *** مثـل القـطامي صيدتـه خمهـا خـم
حبلك يا أبـو ناصر عـلى العد ممدود *** وافـي ولا تقصـر حبالك عـن الجم
عـن العـلـوم الغـانمـه مـالـك صـدود *** من حيث يالمنعـور جدّك بهـا مـلـم
وعـادات ربعـك يـوم طارد ومطرود *** تـذكـر فـعـايـلـهـم عـظيمات وارهم
يـوم الفخـر والمجد في كور مشدود *** أولاد سيف يجـرّعـون الـعـدو سـم
هم ستر من تنقض على متنها جعود *** عدوهـم يشكي مـن الغبـن والـغـم
لـك الـكـفـو والـنعـم مـثـني ومـردود *** شكـر وثـنـا يلهج بـهـا مقول الـفـم
حيـثـك مـن خـيـار الرجاجيل معـدود *** فكرك يا أبو ناصر لعلم الفخر ضم
تـجمـع نـوادر لابـتـك خـلـفـة العــود *** أولاد وايـــل بـيـنـهــم رابــطــة دم
عـزوة ضـنـا عـنـاز يجمعهـم جـدود *** والـحمـد لـلـه كـامـل الشّمـل مـلتـم
عـزوتك ماهم بس منصب ومسعـود *** كـل عنـزي يالوايلـي لـك ولـد عـم
الـربـع الـلي طـريقهـم لـلعـلا سنـود *** ما منهـم الـلي اغتاب ربعـة ولا نم
وأيـام دنيـانـا بـهـا البـيض والسـود *** ولابـد مـن يـومٍ نـقـول الـفـرج تــم
رحـمـاك يالـلي للمخـالـيـق مـعـبـود *** نـطلبـك يا راب المـلأ تـجـلي الـهـم
نـطلـب لـعـل يـربـع الضـان والـذود *** وريح النفل بالروض ينعش ليا شم
مـولاي يـكعـم كـل حـاقـد ومـنـكـود *** ويقضي على جميع حوثي وأهل قم
وانشدك عـن كاين تقـل زود مفرود *** فـي عـصرنـا مـا تنعـرف قيمته تـم
ضنـاه يـاكـافـي الـبـلا تـقـل جـلمـود *** سبحـان خـلاّق الـمـلأ شـفتـها صـم
تضرب بها الأمثال في حزّت الحـود *** اسرع من الـلي ساقها الموج باليم
يتبع

تابع
قال عبدالله بن دهيمش بن عبار هذه الأبيات من شعر الهجيني أهداء إلى شبكة منتديات السبعه أهل العرفا : 350

الـلي بـمـوقـع هـل العـرفـا *** نـوادر مـن خـلـفـة مـعـلاّ
رفـيـقـهـم خـمـلـتـه تـرفــا *** والضّـد عـن جمعـهـم ولا
ما حربهم في عصا الطرفا *** هـم عـز مـن يزبن مجّـلا
بالسيف والرّمح والشرفـا *** مـا يـفـتي الشيـخ والـمـلا
وأن جو على اللي تقل هرفا *** ادنـاهــم بـخـاطـره هـّلا
السفن ترسي على المرفا *** وحـديـدهـا صلـب مـا حـّلا

قال عبدالله بن دهيمش بن عبار العنزي هذه القصيدة يسند على الرّجل الفاضل
عمدة السالمية في بريدة ناصر بن إبراهيم الناصر السالم الفصيل : 351

أبــتــدي بـالــرّب مـولاي الـعـظــيـم *** جـل شـأنـه مـالـك الـملـك الـوكـيـل
يـا ولـي الـكـون يـالــرب الـرحــيــم *** لـك سجـودي كـل صبـح وكـل لـيـل
عـذت بـك يا رب مـن صلو الجحيـم *** تـغـفـر ذنـوبـي الـيـا حـان الـرحيـل
يالـلـه العصمـة مـن إبليس الرجيـم *** ومن شمات الهيس والنـذل الرزيـل
وبـعـد ذكـر الـلي بمخـلـوقـه عـلـيـم *** بالقوافي مـن ضميري هـاض قـيـل
فاض نبع القـاف من جـاش الصميم *** يـهـدى لـلي يحمـل الحـمـل الثقـيـل
الـجـواد الـفـاضـل الـصخي الـكـريـم *** نـاصـر العمـده مـن أحفـاد الفصيل
نـعـم أبـو إبـراهـيـم وقــور وحشيـم *** الـنـزيـه الـوافـي الـشـهـم الـنـبـيـل
بـه صفـات الجـود مضيـاف وحـليـم *** مـا يـجـي درب الـمـذمّـه مستحـيـل
مـن صفاتـه صاحـي الـذهـن وفهيـم *** مـع صـفـاوة نـيـتـه بـاعـه طـويــل
مـقـتـدي مـمـشـاه عـدل ومستـقـيـم *** عـن طـريـقـه مـا يـميـل ولا يـعـيـل
فـي بـريـده مـنـزلـه بـأرض القصيم *** يـكـرم الـعـانـي الـيـا شـح البـخـيـل
يـا عـسـى جـدوده بـجـنّـات الـنعـيـم *** يسكنـون الخـلـد فـي ضـل ومـقـيـل
حـيـثـه لأبـو بـداح صديـق وحـمـيـم *** دوم محـمـد يشكـره شـكـراً جـزيـل
صـار عـمـده لـلـمـواطـن والـمـقـيـم *** والـتـاريـخ يـخـلـده فـي كـل جـيــل
كـم لفـالـه ضيـف مـن بـعـد العـتـيـم *** مـا سهـج واجـب ولا بـار بـعـمـيـل
هـو صليـب الشور والـراي الحكيـم *** ومـن طبايـع عـادتـه زرع الجـميـل
أشهـد أن ناصـر مـن العايب سلـيـم *** مهمـا قـلـت المـدح فـي حـقّـه قليـل
مـا يـسـبّـه كـود مـسـفـوه وسـقـيـم *** ومن يسب أهـل الكـرم عقـله ضليل
وللرجال أوصاف تعـرف من قـديـم *** عـلمهـا عـنـد المـجـاور والـزمـيـل
بـه رجـل مـا تـأمـنـه عــدّه جـريــم *** انـتـبـه واحـذر تـحـطـه لـك خـلـيــل
وبـه رجـل نـادر وبأخـلاقـه زعـيـم *** صـر صديقـه مـا تـبي غـيـره بـديـل
وبـه رجـل يعجـبـك بالمنظـر وسيـم *** وأن بخنتـه مـا سوى نكاتـت سبيـل
وبـه رجل يفخر بالـلي عظمه رميـم *** ولا نـفـل لـو هـو من اسكندر سليل
وبـه رجـل مشهـور شجاع وعـديـم *** يرخـص بعـمـره اليـا هـاب الـذلـيـل
وبـه رجـل لـه تلتجي لـو جاك ظيـم *** سـاطـي وعـنـده حـمـايـه لـلـدخـيـل
وبـه رجـل مـا يفتهـم قـلـبـه غشيـم *** مـا يـنـاظـر للـخـطـأ خـبـل وهـبـيـل
بالبشـر صـفـوه مـثـل نـقـروح ديـم *** وبالبشـر مـثـل الحـثـالـه والحـميـل
والـمـكـارم بـالـرجـال وبـالـحـريـــم *** أنـشـد مـجـرّب عـلـى قـولـه دلـيــل
والـخـتـام اعـداد مـا هـب الـنـسـيـم *** صلّـوا عـلى صاحـب القـدر الجـليـل

قال عبدالله بن دهيمش بن عبار يسند على الشاعر خلف المحدى الغبين : 352

يا خـلـف أنت بواضح القول خاطبت *** تـبـي الـذي قـصّـر يـقـوم بـمقـامـه
عـن سـب ذربـيـن الفعـايـل تجـنبـت *** وتحث الشيخ الـلي تراخى حـزامـه
قـلت أنتهـض ياشيخ مـادام نـاوبـت *** عـن عـزوتـك خلـّك لربعـك دعامـه
بحقـوق ربعـك ليـت يا شيخ طالبـت *** الـوضـع يـبـي الـلي يفسّـر اكمامـه
عـن القـبـيلـه أبـعـد الـغـم والـكـبـت *** والـلي اشتكى يوليـه كـل اهتـمامـه
وكـانـك لـعـزّة لابـتـك مـا تـسـبـبّـت *** كلن يقول الـلي انسدح وش علامـه
قاله خلف يامن عـلى القـول عاتبت *** اعرف هـدف معنـاه وافهـم مرامـه
يا لايـم أبن خليف لـو كـان جـرّبـت *** قـلـت أبـو خـالـد مـا تطولـه ملامـه
عنـدك خـبـر من شبتي لـيـن شيّبت *** أمـدح جـدود الشيخ وأمـدح عمامه
بالمـدح أمجدهـم ولا يـوم عـذربـت *** والـكـل لـه قـدره وجــل احـتـرامــه
تعـبـت مـن جـمع البحـوث وتعذّبـت *** مجهد من أجل أهل الوفا والشهامه
وحتى الذي مدفون في رملة الخبت *** وحطّوا عليـه مـن الصفايح ردامـه
دونـت لـه تاريـخ ولسيـرتـه جـبـت *** ورفـعـت لـه رايـه بـراس الـعـدامـه
ولاحظت أنا الحسّاد مهما بهم طبت *** يشنون بأسبـاب الجهـل والغشامـه
ضدي تجمّع حلف لو كان ما أذنبت *** مـنهـم أحـفـاد جـدود قـادة جـهـامـه
لو كنت مذنب كان عن غلطتي تبت *** والحـق الأبلـج مـا نخـالـف نظـامـه
والله ما أذكـر يوم عن واجبي غبت *** وأشوف بعض الناس مثـل النعامـه
كتبـت عـن ماضي فخرهم وجاوبت *** عـلـى الـذي يـسـبـهـم فـي كـلامــه
عقب النجاح من الحوسيد حـوربت *** والـلي ظـلـم للشرع جـاز احتـكامـه
هـلّـيـت بـالـلي لـه دعـيّـه ورحـبـت *** والشرع يقـضي بـه زعيـم اليمـامـه
الـلي ظـلمـوا جابهتهـم مـا تهـرّبـت *** وحسيـبـهـم مـولاي يـوم الـقـيـامـه
كافحت الـلي جاروا عليـه ولا هبـت *** صامـد ولا تـطـري عـلي انهـزامـه
وأهـل الحسد والحقد منهم تحـزّبـت *** ولا ارافق الرديان وأهل الرخامـه
حيـث أنني لصحاح الألباب صاحبت *** أجـنـاب ولا عيـال عـم ورحـامــــه
وأهـل المكايـد من عملهم استغربت *** يـبـون الـلي سويـت تطخـم ارقامـه
عجبـت مـن أهـل الجحـود وتعجّبـت *** اهفـوا حقوق الـلي جـزاه الكرامـه
عـن الخـطـأ والعيب للنفس حاسبت *** والعـبـد بـالـرّب الكـريـم اعتصامـه
قلته ومن فضل الولي للهدف صبت *** ومـن جـنّـب الباطـل يعيش بسلامه
شعـري مـديـح بعـزوتي مـا تكسّبت *** ولانـي مـن الـلي يـدعـون بغـرامـه
عـلى جهودي عـنـد الأجواد وجبـّت *** وانصفني اللي من الرجاجيل هامه

قال عبدالله بن دهيمش بن عبار هذه الأبيات يبارك للرّجل الفاضل عبدالله بن
رحيّل الدعيدع بمناسبة أفتتاح مجلسه : 353

الـلـه يعـمـر يا أبـو فـرحان مجلسك *** وعـسـاك يـالـمـنـعـور بـالـعـز دايـم
المجلس الـلي عـز شانـك ونـومسك *** عـادتـك تـعـمـل لـلـنـشـامـا ولايـــم
انـت الـذي جـمـع الـرفـاقـه ينـوسـك *** وعليك من رحيّـل رسوم وعـلايـم
رب الـمـلا يـزيـل هـمّـك وهـاجـســك *** دعـيـت لـك فـي أول العشر صايـم
مجلسك اللي علمه مثل ريحة المسك *** مـا طـبّـه أهـل البلبـلـه والنـمـايـم
سـر للإمـام وسامـك العـرش حارسك *** ولا يبلـغ العـليـا ضعيـف العـزايـم

قال عبدالله بن دهيمش بن عبار هذه الأبيات يسند على البشري بن جبيلان
السويلمي الدهمشي صاحب قروب فرسان عنزة : 355

اشكرك واشكر جميع الرّبع يالبشري *** يا راعي العوجا وجودي ترحّب به
حيث أنـت يا سويلمي للغانمه تشري *** بقروبكم أقـرأ المواضيع وأكتب به
ما يجمع الا عـزيز النفس والعشري *** والحاقد الـلي يدور النّقص ما طبّـه
وحـنـا لـك الـلـه كلنـا بعنـزه خشري *** وافعال الأجواد نفخر به ونعجب به

قال عبدالله بن دهيمش بن عبار هذه القصيدة يثني على الشيخ سعد بن عوده بن رشدان الجعفري
بعد أن سجل مقطع اشاد بجهدي وذكر الواقع جزاه الله خير على عدله وأنصافه : 356

سمعـت منطـوق الشجاع ابن عـوده *** سعـد رفيع الشان من عقـب رشدان
ســعــد كـلام الـحـق قـصـده ومــوده *** صـدح بقول الصّدق مـا قـال بهتـان
سـعـد مـن أصحـاب القلوب الـودوده *** منصف ولا يظلـم من النـاس أنسان
سيـرت سعـد عـنـد الـرجـال محموده *** عسى يـفـداه الـلاّش والنـذل كوبان
قـول الحـقـيـقـه يـشـهـره مـا يـكــوده *** حيثـه رفيـع المنزلـه عـالـي الشان
مـن يسمعـه هـرج الخـطـأ مـا يعـوده *** شرحّه يـنبـه كـل مخطي وغـلطـان
والـلي عـن المجهـود يعـلـن جحـوده *** وضّح لمـن عنـده تـجاهـل ونكـران
مـاهـو مـن أصحاب القلوب الحقـوده *** حيثه من اللي طبعهم فعل الأحسان
يـشـيـد بـالـلي مـا ذخـر مـن جـهـوده *** فـي كتـب ولا فـي قصايـد بشرطان
والـلي حصـل مـفهـوم نـقصه وزوده *** ولا أقـول قـول بـلا دلايـل وبـرهـان
مـشكـور يـالـلي شـاد بـي فـي ردوده *** ما مال أبـو عوده مع فـلان وفـلان
الــوافـي لــلـي مـا يـخـالـف وعــوده *** أبـي اشكره في كل مجلس وديـوان
حـيـثـه عـريـب ويـنـتـبـونـه جــدوده *** أهل الكرم والجود من نسل شيخان
أدنـاهـم الـلـي تـذكـر الـنـاس جـــوده *** يفـرح اليـا جولـه مع الليـل ضيفان
والـكـل مـنهـم مـا تـراخـت عـضوده *** لاهاجت الهيجاء بالأكوان شجعان
يـوم الـرجّـال الـكـل يـفـخـر بــفــوده *** مكسبهـم الخلـفـات زيـنـات الألـبـان
مــفـاخــر الأمـجـاد مـاهـي مـحـدوده *** وشاهدهم الأفعال مـن قـدم الأزمان
نـسـل الـذي طـابـور ربـعــه يـقـوده *** طول المدى شامخ مثل ضلع عرنان
مـفـاخـر الـرشـدان مـاهـي مـعـدوده *** يـوم المجاهد بـيـرقـه فـوق الأمتـان
جـدّه سـعـد هـبـت هـبـايـب سـعـوده *** وحمـل البيرق يوم صولات الأخوان
ومـطـلـق تـقّـدم والـوثـايـق شهـوده *** بطـل وشجاع ومن صناديد فـرسـان
جــاهــد وجـمّــل بـالـفـعـايـل بــدوده *** بـه تفـتخـر عـزوة سـلايـل سليمـان
يـوم أن أبـو تـركـي يـجـهّـز جـنـوده *** خاضوا معـه بالكون فـي كل ميدان
ولـد سليمان أهـل الفخـر مـع جروده *** ضنـا عـلي وأيضـاً سلايـل عـلـيـان
صـقـر الجـزيـره كـان يجمع حشوده *** من ديرة الخفجي إلى شرق جيـزان
يـسـري ويـجـري والـمعـادي يـذوده *** مـن جده الـيا طريف لحدود نجـران
الـرايـه الـخـضـراء عـليـه مـعـقـوده *** رمز الفخر من دور مقرن ومرخان
ثـبـت زعـيـم الشّعب وأعـلن صموده *** يوم الفخر بالسيف والرّمح والـزّان
عـبـدالـعـزيـز الليـث حـصّـن حـدوده *** صان الجـزيـره مـن تجبّـر وطغيـان
وأنـجـب بواسـل مـن نـوادر فـهـوده *** سادوا بحكم الشّرع يوم السّعـد زان
والـيـوم كـلـن مـهـتـنـي فـي رقـــوده *** ننعم بضـل الأمـن في حكـم سلمـان
ومـحـمـد الــلي مـن أشـاوس أسـوده *** ضـد العنيد وضد من بالوطن خـان

قال عبدالله بن دهيمش بن عبار هذه الأبيات يثني على الشيخ سفاح بن
حمود بن شامان شيخ البجايده من السلقا حيث له موقف مشّرف : 357

ماهـي غـريبـه منك يا نسل شامان *** مـا تـقبـل الا قـول مثبـت ومسنود
الناس يا أبـو حـمـود بقلوبهـا ران *** نعـوذ بالله مـن سواد الصدى سـود
الحسـد يـوقـد بالمـعـالـيـق نـيـران *** والناس يا نسل الحمايل بها حقـود
ولا همني يا مسندي كيـد عـدوان *** ولا هم من يشهد على سرق مجهود
ماني لك الله من هل الّظلم زملان *** مـن راد يـفـتـن دونـه البـاب مـردود
اشره على جملة قرايب وصدقان *** والمنصفين اشـرح لهـم كـل مقصود
يشهـد عـلي الـلـه ما قلت بهتـان *** الـرّب يـشهـد والخـلايـق لـي شهـود
والحمد لله حاكـم الشعـب سلمـان *** مـا نـظـلـم وحـكـامـنـا عـزوة سعـود

قال عبدالله بن دهيمش بن عبار هذه القصيدة يثني على الشيخ كاسب بن
عشوي بن مطلق الرشدان من كبار مشايخ الجعافرة من ولد سليمان : 358

يا بن عشوي مشكور يالشيخ كاسب *** شهم وكريم ولـك مع الناس سمعـه
شيـخ ومـحـلّـك بالـمـكـان المنـاسـب *** وعلم الفخر لـك بـه هقاوي ورمعـه
ولـو تختبر بالمرجله ما أنـت راسب *** وشمل القبيلـة دوم تـفـخـر بجـمـعـه
المـجـد وعـلـوم الفضيـلـة مـكـاسـب *** ولالـك بغيـر الطيّـب يا شيـخ طمعـه
وأنـت الـذي لـلنـفـس دايـم تحاسـب *** علمـك شهيـر وللـرجاجـيـل شـمـعـه
يا نسـل الـلي لـعـداه بالسيف لاسب *** اليا هـاب حـومـات الوغى كـل أمـعـه
لا جـوا على الزرفات مثل العياسب *** والـكـل سـيفـه يـشبـه الـبـرق لـمـعـه
وأن جودلت عـوج القوايم سياسب مـن حافهـا حصّل عـلى الخشم قمعـه
شــاد بفـخـركـم كــل راوي وناسب *** وعـدوكـم يـذرف مـن الـظـيـم دمـعــه

قال عبدالله بن دهيمش بن عبار هذه الأبيات إلى الأخوة الكرام أسرة الشايعي
من المريزيق من الرباع من الحسني من السلقا بعد أن حظي بالحفاوة والتكريم
من الرجل الفاضل عبدالله الشايعي وأخوانه وأبناء عمه مشكورين : 359

الـشـكـر والـعـرفـان لـعـيـال شـايـع *** أهـل الكـرم والجود وافين الأبـواع
وأخـص عـبـدالـله كـريـم الطـبـايـع *** واخوانـه الـلي منهم السّلم ماضاع
وعـيـال عـمّـه فـعـلـهـم دوم رايــع *** لهـم عـلى العـليـا هقـاوي ومرماع
ديـوانـهـم مـا يـدهـلـه كــل صـايــع *** ولا طـب مجـلسهم منافـق وخـدّاع
منـزالهـم روس الحـيـود الـرفـايـع *** مـا ينزلون بـكـل طامـن مـن القـاع
وأن عـدوا الأجـواد هـم بالـطـلايـع *** أهل ضماير بيض وصدورها وساع
سـلايــل مـريـزيـق مـاهــم نـزايــع *** من حـمـد الأعـلى ومن نسل ربـاع
من أولاد حسـن مشبعت كـل جايـع *** العـزوه الـلي باللقاء تـوفي الصاع
وقت اللّزم يخضع لها الخصم طايع *** سـلـقـا كـعـام الضـّد بالكـون بـتّـاع
وأنـتـم منـازالكـم بـروس الـرفـايـع *** ما تنزلون بـكـل طامـن من الـقـاع
وجـدودكـم مـا يـقـبـلـون الـهـزايـع *** مبطي لهم في خب روضان منجاع
من حـريـمـلا حـلّـوا شمـال البدايع *** في ديـرة بـريـده مصايف ومربـاع
عاشوا مع الـلي جـربـوا كـل خايـع *** فيما مضى عـاداتهم بـوج الأريـاع
مـن كـل ديـره يحضـرون البضايـع *** يـوم البلـد شعبـه مهاجيف واجيـاع
سـاروا قوافـل بـيـن شـاري وبايـع *** ركـب العـقيلي كـنّـه الغـيـم الا زاع
غيـر الذهـب والمـال معهـم ودايـع *** والدرب فيه مقطّعت طرق واسباع
مـا هـابـوا الـلي يـدورون القـلايـع *** ولا اشكل عليهم كـل غـادر وطـمّع

قال عبدالله بن دهيمش بن عبار العنزي هذه الأبيات يشكر الشيخ مطلق ابن
شافي البريعصي المطيري على موقفه النبيل المشّرف : 360

يا أبـو فهـد نهدي جزيل الشكر لـك *** وأنـت الـذي يا شيخ تشكر مواقفـك
عادتك كسب الغـانمـه مـا بـهـا شك *** وطـاريـك مـع كـل القبـايـل يشرفـك
نـاداك جـارك دونـه الـبـاب منصـك *** يـنخـاك والـنخـوة تـثـّور عـواطفـك
بالسجن مـن دونـه شبابيـك وأبلـك *** يـوم التـزم من بـد غيرك استهدفـك
مغـرم سجيـن ومنهظـم ينتظـر فـك *** وفـزعـت لـه بالمـال لـو كـان كلفـك
فكيت من ضكه ظروف الزمن ضك *** وبذلـت مالـك مـا تحسّـب مصارفـك
الطيـب يـا مطـلـق ملـكتـه ويـمـلـك *** وأخـذت من سلم المهادي وصايفـك
حـقـك عـليـنـا نشكـر ونحتـفي بـك *** ونـعـد فضلك يا أبن شافي وننصفك
في بيت اللي معه على الطايله صك *** أبـو عـلي معـروف مـا بـه نعرفـك
هو مزبن الـلي الهم في خاطـره دك *** مـا أقـولها قـصدي تـملـق ولا أفـك

قال عبدالله بن دهيمش بن عبار العنزي هذه القصيدة يسند على سلامة الأشجعي أ
بو مشاري ويثني على قبيلة الأشاجعة من الجلاس فيقول : 361

راكب الـلي ما مسـك طـاره فـدامـه *** مـن طـراز الجيـب يشبـه للنـداوي
مـن طراز الجيب والسايق سـلامـه *** اللـبـيـب الـقـرم عـريـب العـزاوي
الـضـحـى مـداد مـن دار الـيـمـامـه *** وأتـجـه مشـمـل تعـنـى للـصـداوي
مع طريق رماح من شرق الثمامـه *** مقصده نـزل عـلى شوفه شفـاوي
عـانـي لأهـل الـمـروة والشـهـامـه *** نـافـلـيـن بـالـصـيـاني والـقـهـاوي
عـنـدهـم للضـيـف تقـديـر وكرامـه *** من نسل مشجع عطيبين الأهـاوي
بالقـصى رجالهـم يرخص طعـامـه *** جـودهـم مـبـطي حكابـه كـل راوي
مـا يـدق بساسهـم عـرق الرخامـه *** مـن بـني وايـل بعـيـديـن الهقـاوي
كـل منهـم بالفـخـر مشمـوخ هـامـه *** لـو أعـد شخوصهم ماني بـقـاوي
سـالميـن مـن الشمـاتـه والـمـلامـه *** كـلهـم صـفـوة قـليـليـن المسـاوي
كـل منـهـم بالـفخـر جـل اهـتـمامـه *** مـا يجـد خملات مـن دار الشناوي
كـل مـنـهـم حـاز قـدره وأحـتـرامـه *** وكـل منهـم بالفضيلـه لـه مـنـاوي
شامخيـن بـيـوتـهـم مـثـل العـدامـه *** مع بزوغ النور تسمع حس ماوي
يفتخـر من هـم خوالـه أو عـمامـه *** خـص كـانـه صـار بالهيـه نخـاوي
فزعت المضيوم كان الوقت ضامه *** ملـتجـأ وزبـن المجـنى والجـلاوي
بالمفـالـي نـوقـهـم يشـمخ سنـامـه *** دونـها الشجعان تسجـع بالحداوي
كان جاهم من تغطرس بـه غشامـه *** يرجع لرشده عقب ما كان غـاوي
مـن قـرب من ذودهم تـبلا عظامـه *** مـابـهـا تقـديـم للشـرطـة شكـاوي
كـل فارس بالـوغى جـرد احسامـه *** يـأخـذون الحـق بحـدود الـرهـاوي
يوم عصر الحرب يحمون الجهامه *** بالمشوك مـا يسوقـون الـرشـاوي
الجهل زوّع وجـاء عصـر الفهامـه *** من فضل رب الملأ جزل العطاوي
وأحمـد المولى عـلينـا الـعـز دامـه *** تحت حكم اللي على السنة حماوي
قـالهـا الـلي بطيبهـم يجهـر كـلامـه *** لا مـجـامـل بـالـكـلام ولا رجــاوي
الصخى والجـود لـه رمـز وعلامـه *** صـاحبـه مـنـهـوم للعـليـا هـواوي
الصخي حوش الثناء غايـة مرامـه *** كان بـار الـلي عـلى مالـه غـلاوي
ومن يدور العـز عـز الـلـه مـقـامـه *** والـردي كوبـان فـي مثـواه ثـاوي
مـن تـردى مكسبه عـيـب ونـدامـه *** ومن بغى الطولات يصعد للعلاوي
لا تحقرص وآخـر الملبوس خـامـه *** مـن قبل لا تحط بالبـرزخ خـلاوي
الـزمـن مـيّـال مـا يـعـرف نـظـامـه *** ولـو صفـت دنيـاك تنـذر بالبـلاوي
مـا صفـت للشاه عـريـق الـزعامه *** والخديوي ما صفت له والطحاوي
وأذكـر الـلـه فـي بـدايتـه وختـامـه *** ثـم أصلي عـلى مـن سـن الفتـاوي
يتبع

تابع
هذه الأبيات مهداه للرجل الفاضل الوجيه مرضي بن حامد الذرب
أبو فارس شكر وثناء على تكرار دعوته لي لزيارته فقلت : 362

لـك الشكر مدبـول يا مرضي الـذّرب *** تعـيـش يـا قـرم العـيـال ابـن حـامـد
أنـت الـذي بـزيارتـي فـارح وطـرب *** حيثك يابـو فارس على الطيب عامد
طبعـك كـريـم وعادتـك تذبح العـرب *** شحم الكباش بـوسط مقـراك جـامـد
أبـوك بـعـلـوم الفخـر قـال لـك أرب *** ربّـاك لـكـسـب الطـايـلـه والمـحـامـد
حلياك حـر اليا كفخ يعـطـ ب الخـرب *** مـن مضـرب المخـلاب خـلاّه هـامـد
نـادر صوارم كان هـو طالع السّرب *** هـذا عـطـيـب وذاك مـلـبـد وخـامــد
من عزوةٍ يوم المعارك على الشّرب *** عـنـد المـلاقـا جـمعهـم دوم صـامـد
زمان نهـم الغـوج في كلمة اجهـرب *** والسيف سلّـه ليس بالغـمـد غـامـد
ما منهم الـلي ينـزوي داخـل الـزّرب *** يقـدم عـلى خصمه ويوطا الجلامـد

الشيخ طارق بن ناصر العطية من أسرة العطية وهم حمايل من أعيان قطر كان والده
ناصر رحمه الله عميد أسرة العطية إذا جاء للرياض يشرفني بزيارة وبعد وفاته صار
التواصل بالتلفون مع أبنه الشيخ طارق وقد أرسلت له هذه الأبيات المتواضعة : 363

نويت أبـي اسجّل من الشعر طاروق *** واسندت منظومي على القرم طارق
مثـل القطامي حين يطلق لـه اسبوق *** ضـم الجناح وطـالـع الخـرب مـارق
اطلـب عسى يحماه ربّـي مـن العوق *** بالـمـرجـلـه مـابـه عـن أبـوه فـارق
الشيخ ناصـر طـيّـب الـذّكـر موثوق *** مـن سـاس عـزوة يتعبـون المعـارق
نسـل العـطيـه مجـدهـم بالعـلا فـوق *** سـاطـع فـخـرهـم كـنّـه البـدر شـارق
لهـم مقـام وعـز وانسـاب وعـمـوق *** وبهـم ذكـا يربـوا عـلى الفهم خـارق
مـا منهم الـلي طبعـه الغـدر والبوق *** ولا مـنـهـم الـلي لـغـرّة الـجـار دارق
ولابهم اللي عن واجبه غمّض الموق *** يـوم الـردي كـوبـان بالعيـب غـارق
ريف الخوي والضيف حمّاية النوق *** عـن كل غـازي يرغـب الفـود سارق
عسى الغمام اللي به المزن مسيوق *** بديـارهـم يـنسـاق مـع ضـوح بـارق

قال عبدالله بن عبار هذه الأبيات يسند على محمد بن دخيل الله السهلي : 364

الـلي انـتشـر فـي كـل قـريـه وهجـره *** كـورون سبـب للمخـالـيـق تـنـكـيـد
عــزّاه لأبـو بـداح يـسـكـن بـحـجـره *** يقضي بها اسبوعين بالوقت تحديـد
مـا يـقـرب المسجـد بظهـره وفـجـره *** حـتى يجيـه مـن الفحوصات تأكـيـد
يصبر عسى رب الملأ يضاعف أجره *** وعسى الولي يشفيه من عل كوفيد
يرتـاد مجـلس كـيـف يصبـر لهـجـره *** حيثـه تعـوّد عـلى السجّـات تعـويـد
يسـج مـا قـصـده عـلى شـان تـجـره *** لاشـك يـدلــه فــي قـبـال الأجـاويــد
والـلي انعزل لو صح له ضل شجره *** ينظـر حـزوم القاع في جرهد البيـد
الـلي وجـاره يعجـب الضيف سجـره *** وفـي مجلسه صفـر الـدلال البغاديد
عـسى فـداه مـن العـرب كـل عجـره *** سـود الضماير والختوش الرعاديـد

قال عبدالله بن دهيمش بن عبار هذه الأبيات يطمئن على صحة صديقه
محمد بن دخيّل السهلي أبو بداح عندما أصيب بكورونيا : 365

يـا محمـد بشـر عـن الصحـه *** عطنا الخبر يا عفيف الجيب
عـسـاك تـسـلـم مـن الـقـحّـه *** وياقـاك الـلي مطـلّع بالغـيـب
وتـروح عـن صوتـك البحّـه *** وترجع كما كنت مثـل الذيـب
وتسمر على الهيل والسّحـه *** وتـسـج لأبـو سـبـأ ولشعيـب

هذه الأبيات مهداه للرجل الفاضل الشيخ محمد المطوّع الجلعودي أبو أحمد بمناسبة ارساله
كل يوم مقاطع من الحكمة والموعظة عبر وسائل التواصل بعنوان ( همسه صباحية ) فقلت : 366

ابـدعـت بالقـول الصريّـح المنـوّع *** كـل يوم يا محمد تجي منك همسه
مشكـور يالشهـم الفهـيـم المطـوّع *** أثـّرت بصـمـه بالمواعـظ ولمسـه
هـرج الـزلـل لـو راج لازم يـقـوّع *** لاشك قول الصّدق ما جـاز طمسه
بعـض الأوادم لـو لصـدره تـشـوّع *** تلقابهـا من الـران عشره وخمسه
يخوض بأعراض البشـر وايتلـوّع *** ما طـاب لـه يومه ولا طـاب أمسه
الوقـت يا أبـو أحمـد ظروفه ترّوع *** مـن جـار بـه يـزداد هـمّه وعمسه
العصـر الـلي للجيـل الأول يـجـوّع *** والناس مـا تاجـد مـن البن حمسه
كـلـن يـسيـر لجـلـب رزقـه مـزوّع *** من الفجر يسعى لين تغيب شمسه
والـلي بعصـره للصحـاري يـبّـوع *** جاه المصير ولا بـقي كـود رمسـه
وحنـا بعـصر الـلي عجاجه يـثـوّع *** وكلن تقضّى مونتـه حـمـل جمسه
الـعـبـد مـهـمـا عـاش لازم يـكـوّع *** لابـد تحـت مصلفح الطـوب دمسه

قال عبدالله بن دهيمش بن عبار هذه الأبيات تهنئة بمناسبة شفاء الأخ سالم بن عبدالله الجهبل (أبوعادل) : 367

الحـمـد للمـولى تـشافى ابـو عـادل *** طـاب وتـعـافـى وزال مـولاه شـّره
عسى الـولـي يكـفيـه سـؤ البهـادل *** يـنـعـم ويـرفـل بـالـهـنـا والمـسّـره
سالم فـلـج فـي حجـتـه مـن يجـادل *** بـالـفهـم عـادات الـعـرب مـا تغـّره
وله عـزمٍ اقسا من صخور الجنادل *** وعـن واجبـه مـا حـاد مثقـال ذرّه
ناخـذ عـبـر من قـول شيخ العبـادل *** شعـر بـركات الـلي نظم عـقـد درّه
الطـيـب مـا بـيـن الـنـشـامـا تـبـادل *** والوصل فـي وقـت الشدايـد مبّـره
الـعـود يجـنـا مـن جـذوع الصنـادل *** من طيب ريحـه مـا بقي في مقـّره
مـا يحمل الحاشي خفيف المجـادل *** والحيـص مهمـا ثـقـل حملـه يـزرّه
والحـمـل كـانـه مـال للجنـب هـادل *** سبـب عـلى زمـل المحامـل مضّره
ومـن بـاد عـزمه ما تفيـده هـنـادل *** ولا يـّنجـب لسبـاق كـود ابـن حـّره
قـلـتـه وانـا لستـار الأشعـار سـادل *** الا عـلـى مـنـهـاج راعـي الصفـّره
تركّت نظم القاف في وصف جـادل *** وتوبت عن شعـر الغـزل فرد مـّره

قال عبدالله بن دهيمش بن عبار يسند على راضي بن سعد بن صليبي : 368

راضـي دعـاني وأرسـل الـخـط لـيـه *** ورفـيقـنـا عـن حـفـلتـه مـا نـغـيبي
الصـاحـب الـغـالـي حـقـوقـه عـلـيـه *** مـلـزوم الـبـي دعـوتـه واستجيـبي
نـويـت اسـاهـم فـي قــوافـي نـقــيــه *** وارسـلـت قـافـي بالتهـانـي نـديبي
ارسـل بـديـع الـقــاف مـني هـديــــه *** لـلـنـادر الـقـرم الـفهـيـم الـلـبـيـبـي
سـكـن بمـنـزل بـه مـجـالـس فـضيـه *** عسى يتهنـا بـه فسيـح ورحـيـبـي
الـلـي نـفـل فـي قـول يـا الـلـه حـيّـه *** يشفق عـلى الطولـه ويزداد طيـبي
شـبـحـه بـعـيـد ولا اهــدافــه دنــيــه *** أبـن سـعـد شغموم ما هو حضيبي
بـه شيـمـه وعـفّـه وبـه حـسـن نـيـه *** سفـر المحيـا مـا ىحجاجه غضيبي
يـحـمـيـه رب الـكـون مـن كـل سـيـه *** ويصونـه الـلـي للخـلايـق رقـيـبي
وعـسـاه يـنـعـم بـالـحـيـاه الـهـنـيــة *** الصافي الـوافـي خـلايـف صلـيـبي
نسـل الشـجـاع الـلي عـزومـه قـويـه *** الحـيـص شـيـّال الحمـول المنيبي
مـن ذربـة أهـل المـرجـلـه والحـميـه *** مـا مـنهـم الـلي بـالـلّـوازم يخيـبي
ولا ذكـر مـنهـم مـن يـبـوق بـخـويـه *** الـكـل منهـم مـا يـخـون الصحيـبي
الاسـم راضـي حـيـث نـفسـه رضيـه *** واخـذ مـن مسمّـاه أوفـر نصـيـبـي
عـلي المـضـوي جـاب مـثـلـه وزيـه *** ضـواويـه خـالـيـن مـن كـل عـيبي
عـلي نسـل محـمـود تـشعـل ضـويـه *** نـال الفخـر فـي شبـّتـه والمشيـبي
عـقّـب حـمـايـل كـل مـنـهـم حـلـيـــه *** عـدوهـم منهـم صـوابـه عـطـيـبـي
ساسه عـريـب وعـزوتـه جـعـفـريـه *** والنّعـم بالعـرق العـريـق العـريـبي
وأن صـار مـن عـوج الطلايب قضيه *** مـن روس لابـه يفلجـون الطليبي
بـهـم الـكـرم والـجـود والأريـحـيــــه *** مـن ضافهـم يلقـا شتيـل وعصيبي
وبـربـاعـهـم صـفـر الـدلال الـعـذيـــه *** مـع رايـب الفنجال ما هـو سريبي
وقـصيـرهـم مـا جـاه مـنهـم خـطـيـه *** ولاهم من الـلي يطردون الشريبي
الـلـي زبـنهـم عـدهـم لـه سـمـيـــــه *** أهـل السـلـوم مـدلـهـيـن الغـريـبـي
يـثـنـون دون الـلـي جـواده رديـــــة *** الـلي بحـومـات الـوغـى مستريـبي
عـصـر القـنـا والسيـف والبـنـدقـيـه *** مـا راعهـم وقـت المعـامع حـريـبي
تـشـهـد لمـاضيـهـم سـروج العـبـيـة *** قحص المهـار مـلافخـات السبيـبي
يـوم النضـا تجـفـل جـفـيـل الظـبـيـه *** لا ثـارت الجـدعـا لـقـاهـم صعـيـبي
افـعـالـهـم مـا تـنـحـصـي قـيـدنـيــــه *** مهـما نقـول مـن النعـوت ونجـيبي
والـخـاتـمـه مـنـي جـزيـل الـتـحـيّــه *** لـلـي تـعـنـا مـن بـعـيـد وقـريـبـــي
وصـلـّوا عـلى سـيـد الـعـبـاد ونـبـيـه *** اعـداد مـا يـومي جـريـد العـسيبي

قال عبدالله بن دهيمش بن عبار هذه الأبيات يثني على الشيخ حمد بن محمد بن سعد الدريس : 369)

يا حـمـد المشهـور يا خلـفـة أدريـس *** يالمدلجي مجنـاك من عـزوة حسين
تاريخكـم أسس عـلى المجـد تأسيس *** معروف من عصر الجدود القديمين
يـوم الـطـراد ويـوم جـدع المـلابـيس *** وانتم عـلى فعـل المراجل حريصين
زمـان عـصر الخيـل والكنّس العـيس *** عـلى التويم وعـلى حرمـه محامين
واليـوم في عصر الهنـاء والتوانيس *** بالسيره العـطـره كـرام وعـزيـزيـن
يحفظكم الـلـه مـن عـيـون المناحيس *** ومن شر كيد أهل الحسد والمعادين
كـسبتـم عـلـوم الفـخـر والـنـوامـيـس *** بكم الكرم واللّطف والصدق والدين
ما منكـم الـلي سـار فـي خـطة إبليس *** بيـض القـلـوب وطاهريـن وتقيـيـن
مـا قـلـتهـا قصـدي تـمـلّـق وتـدلـيـس *** الكـل يشهـد يـا حـمـد عـلمكـم زيـن
سجلـت منظـومي مشاعـر وأحاسيس *** أفـخـر بطاريكـم ولا مقصدي شيـن

أبيات من شعر عبدالله بن دهيمش بن عبار بالحفيد عبدالله بن محمد العبار : 370

يالـلاّفي القـادم نقـول ألـف مـبـروك *** مـبـروك لمحمـد ومـبـروك لـهـيـام
حي الحفيد الـلي عـلى الجـد سمـوّك *** مجناك من عـزوه شريفين واكرام
الأم تـسـعـد بـك ويـسـعـد بـك ابــوك *** واجدادك وتسعد خوالك والأعـمـام
تـلـفي بـخـيـر وكـل الأحبـاب حيّـوك *** عسى تصير من المشاهير الأعـلام

قال عبدالله بن دهيمش بن عبار هذه الأبيات من شعر الهجيني يثني على الشيخ حمود المطلق الجليدان : 371

يـسـلـم جـنـابـك يالشيـخ حـمـود *** منـصبـك بالمـحكـمـة قـاضـي
مـن طيـبـك دايـم مـعـي موجـود *** عـن الوجـب ما أنت متغاضي
فـيـك الـكـرم والصـخّـا والجـود *** مـن حيث جدود ك لهم ماضي
بارض الحـمـر قصرهم مشيود *** قـصـر الفـخـر بالـدجـا يـاضي
والبـاب فـاتـح مـا هــو مـردود *** طـول الليـالي مـا هـو فـاضي
بـالـجـوع يـوم الـلـيـالـي سـود *** يــعــود مـن زارهــم راضــي

قال عبدالله بن دهيمش بن عبار هذه القصيدة يسند على الدكتور صالح بن عبّود الرمضان حفظه الله : 372

ابـدي القـاف بالـلي فـي حـمـاه استجيـر *** نصر جيش الصحابه في زمان الفتوح
وأطـلـب الـلـه يـهـوّن كـل أمـرٍ عـسـيـر *** خلـق من طين آدم ونفخ بالطين روح
الـولـي جـود مـدّه بــه غـنـات الـفـقـيـر *** يغـني الخلق فضله كان شح الشحوح
ومن بعـد ذكـري الـلي في يديه المصير *** اغـرق أهـل الضلاله يـوم نـاداه نـوح
انـظـم الشعـر صافـي مـثـل جـم الغديـر *** كما الشهّد المصفّى أو درير المسوح
مـثـل هـداج تـيـمـا دوم نـبـعــه غـزيـر *** يروي الورد جمه فيض ماهو نضوح
وأهـدي الـقـاف لـلي بالمعـانـي خـبـيـر *** قصد معـناي واضح مايبي له وضوح
فـي زمـان الجوايح صـار وضعٍ خطيـر *** راح وقت الفكاهه مع سوالف مزوح
حـيـث كـوفـيـد نـكّـد مـع كبيـر وصغيـر *** والأمـل بـأذن ربـي بـان نـوره يلـوح
كان قررت سجّه مـا عـرف وين أسيـر *** مـا أمـيّـز طريقي كـني امشي طحوح
كـل مـا أبـي أتوجـه يـم صوب استخيـر *** كـم مــره نـويــت وثــم بـطـلـت أروح
كنت أسيّر على الـلي في اخلاقـه أميـر *** الكـريـم أبـو صالـح مـن بعـاد الشبوح
مجلس عبود عامر صاحبه وجه خيـر *** ودايـم البـن الأشقـر فـي دلالـه يفـوح
به صفات الشهامة عسى خيـره كثيـر *** فـيـه سلـم التـواضع والـفـؤاد النصوح
ولـه عـيالٍ نشامى مـا مشوا مع حقيـر *** كـل منهـم نبـيـل وبالفخـر لـه طمـوح
بهم الدكتور صالح من عفاف الضمير *** اطلـب الـلـه لعـلـه مـن نجوح بنجوح
من فعايـل يمينـه صـار عـلمـه شهيـر *** حـر والحـر يصعد فوق عال السطوح
شـاد بالـلي طبعـتـه فـي مطابـع سفيـر *** عـقب فحص الرقابه ختموا لـه فسوح
كـل منصف وعـادل يعتبـر لـي نـصيـر *** من على الحق ثابت ما يموج ويموح
ومن يحكـر المفاخـر كـن مـالـه خشيـر *** طايش وعـد نفسه مثل راع الضبوح
مـا تـفـيـده جـدوده والخـيـال الـنـضيـر *** بـالـعـلـوم الـرديــه دوم سّــده يـبـوح
من نجاح القرابـه شـب جـوفـه سعـيـر *** يطعن وبـه طبيعه لـه غبوق وصبوح
مـن عـمـوم المشاكل نـال شـر وشريـر *** كـل وقـتـه ينـاده مثـل خـطـو النبـوح

يتبع