الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الشعر الشعبي المكتوب
الشعر الشعبي المكتوب خاص بالشعر الشعبي لقبائل ربيعه
 

إضافة رد
 
   
أدوات الموضوع انواع عرض الموضوع
 
قديم 03-30-2022, 12:22 PM   #1
عضو منتديات العبار
 
الصورة الرمزية ناجي الصقار العنزي
 
تاريخ التسجيل: Mar 2012
المشاركات: 48
افتراضي عــزة الــنــفـس

عزة النفس

لو جرعوك العلقم المُر بالكاس=ودنياك ضاقت مثل خيط بمسلّه
وتوغل بصدرك من الهم هوجاس=ما لك عضيد ولا سند أو مظلّه

بعض البلاوي جاتك وكنت محتاس=زود المصايب فيك مليون علّه
وابليس يظهر لك على شكل وسواس=يعرض عيك ان المشاكل يحلّه

لا تشتكي همّك ولو صابك اليأس=واصبر على جور الزمن لا تِمِلّه
ولا تسمع قوال الأباليس الأنجاس == الي يحدونك على كل زلّه

الله خلقنا الوان واشكال واجناس=والي يخافون الله اليوم قِلّه
إلأنبياء الله ابتلاهُم ولا باس====إن ابتلانا كلنا تحت ظِلّه

وصبرك على نفسك ترى درع ولباس=من زمرةٍ أفكارهُم مضمحله
سرك ولا تفشيه حتى لقرطاس = واحشم لسانك عن سوالف مُمِلّه

والي فشا أسرار بيته ولا قاس=====بعض البشر تسمع له وتستغلّه
صيت الغنى أكرم عليك من الأفلاس=ومن لا ستر حاله عن العيب قِل له

الي يقع ما بين الأقدام ينداس=وانت العفيف أبيض وناصع سِجلّه
خلك عزيز النفس شامخ وحساس = لو يسألوك تقول دنياي فُلّه

ولا صرت بعيون المخاليق نوماس=ولك مجلسٍ كل الخلايق تِدلّه
أفضل من الي يملك التبر والماس=وله مجلسٍ مقفول محدٍ يصلّه

بعض المجالس ما بنوها على ساس=إرفع مقامك عَنّها فوق تلّه
ولا تجلس الأ في صدر خير مجلاس=وجنب مكان الغير لا تستحلّه

واظهر شديد العزم والحزم والبأس=ما في على السانك سوى الحمد لله
وان كنت ثوب الطيب والعز لباس ===== حديثك بذكر الله بتستهلّه

تفخر بعزة نفسك وترفع الراس=شانك عظيم وتازن الكون كِلّه
وخلك عزيز وبين الأجواد نبراس==كل الخلايق تحترمه وتجلّه

ولا تبوح في سرك لو تعد الأنفاس=الصبر مفتاح الفرج في محلّه
غير الشماته ما يطولك من الناس==شكوى لغير الله عار ومَذلّه

ومحمد الي عد ما هب نسناس=صلوا عليه الخلق من كل مِلّه

الشاعر ناجي الصقار
.

ناجي الصقار العنزي متواجد حالياً   رد مع اقتباس
قديم 03-30-2022, 04:45 PM   #2
صاحب الموقع
 
تاريخ التسجيل: Mar 2008
المشاركات: 9,614
افتراضي

صح لسانك يالشاعر ناجي كلام يلامس العقل ويعبّر عن مشاعر كل رجل عفيف ومن قصيدة لي من ظمنها بيت توارد خواطر وهو قولي :

أرجي الفرج مابين ساعه وسـاعـه *** من الواحد اللي كل عقده يحلّه
والـنـفـس مـا عـودتـهـا لـلـدنـاعــه *** وشكوى الكـريم لغير ربه مذلّه

ولا ياجب خضوع الرّجل وانصياعه *** ألا لـربـه مـالـك الـكـون كـلّــه

التعديل الأخير تم بواسطة عبدالله بن عبار ; 03-31-2022 الساعة 05:20 AM
عبدالله بن عبار متواجد حالياً   رد مع اقتباس
قديم 03-30-2022, 08:02 PM   #3
عضو منتديات العبار
 
الصورة الرمزية ناجي الصقار العنزي
 
تاريخ التسجيل: Mar 2012
المشاركات: 48
افتراضي

اقتباس : المشاركة الأصلية كتبت بواسطة عبدالله بن عبار [ مشاهدة المشاركة ]
صح لسان يالشاعر ناجي كلام يلامس العقل ويعبّر عن مشاعر كل رجل عفيف ومن قصيدة لي من ظمنها بيت توارد خواطر وهو قولي :

أرجي الفرج مابين ساعه وسـاعـه *** من الواحد اللي كل عقده يحلّه
والـنـفـس مـا عـودتـهـا لـلـدنـاعــه *** وشكوى الكـريم لغير ربه مذلّه

ولا ياجب خضوع الرّجل وانصياعه *** ألا لـربـه مـالـك الـكـون كـلّــه


صح بدنك وصحت أنفاسك يابو مشعل
انت مدرستنا وانت معلمنا لا هنت يالغالي
والنفس ما تنطاع وانا اخوك لأن النفس أماره بالسوء
والي يطاوع نفسه ينطبق عليه المثل الي يقول : من جاب نفسه للردى لا يلومها
أكرر شكري وامتناني لسمو قلمك
دمت ودام هذا العطاء

.
ناجي الصقار العنزي متواجد حالياً   رد مع اقتباس
إضافة رد

 
الكلمات الدلالية (Tags)
الشاعر ناجي الصقار, ناجي الصقار
 


أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 10:03 AM.


Powered by vBulletin® Version 3.8.8 Beta 3
Copyright ©2000 - 2022, Jelsoft Enterprises Ltd 
vEhdaa 1.1 by NLP ©2009