من فضل الله سبحانه وتعالى ما يمضي أسبوع ألا يرد إلى جوالي قصائد من شعراء منصفين يشيدون بجهدي لقبيلة عنزة والناس شهود الله في أرضه مع الشكر الجزيل للأخوة الذين اكرموني بمشاعرهم الفياضه من خلال ما عبروا عنه في طيات هذه القصائد :
قال الشاعر صالح بن محمد المضياني هذه القصيدة بحفل زواج محمد وأحمد أبنا
زميله عبدالله بن دهيمش بن عبار :
هـب القصيـد وهـز هاجوس الأفكـار *** وقامـت تمايـل لـه ورود الخـمايـل
يا صاحبي وينك ترى ما اقبل اعذار *** انـت الـذي مـتـنـك يشيـل الثـقـايـل
تـعــال أنـا وأيـاك بـنـروح مـشــوار *** وخـذ لي معك لا رحت عـدة رسايل
اقـبـل عـداك اللّـوم في بـاقـة ازهـار *** فـوق الخيـول المسرجات الأصايـل
نـبـغـي نـبـارك بالحـفـل لأبن عـبـار *** أديـبـنـا الـغـالـي كـريـم الـخـصـايـل
أديـبـنـا الـلـي لـه مـعـزه ومـقــــدار *** عـنـد عـنـزه ربـعـه وعـنـد القبايـل
مـرجـع ونـسـابـه وبالشعـر بـيطـار *** واليـا هـرج كـنّـه صـدوق المخايـل
عـبـدالـلـه الـلي كلنـا كبار واصغار *** مـا بـيننـا قـدره عـلى الـراس طايـل
الـلي لنسب وايـل غـدا الوالد البـار *** وسـمٍ عـلى الـلي وسط قـلبه غـلايل
مبطي وأبو مشعل لنا درع واسوار *** ويـا كـم حفظنـا لـه بـديـع المـثـايـل
أهـل الشعـر والـلي يقـولونـه اكثـار *** ولا كـل مـن قـالـه يجيـب الجـزايـل
مـاكـنـه الا بـيـنـهـم ضـلـع سـنـجـار *** أنـا اشـهـد أنـه عـز لـعـيـال وايـــل
نهـديـك مـا بصدورنـا قـبـل الأشعار *** مـن الـمـحـبـة يا عـريـب السـلايـل
ربـعـك هـل الطـولات بواجـت الـدار *** فـدعـان لا عــدو خـيـار الـحـمـايـل
اللاّبـه الـلي باللقـاء تهـدي الأعمار *** لا ولـعـت بالحـرب روس الـفـتـايـل
أهـل الشجاعة كان عج الرمك ثـار *** وحـمي الـوطيس وفـرعـن الحلايـل
أنـت هل الوقفات من ماض الأدوار *** وأهل الوفاء والطيب وأهل الجمايل
الـلي مدحكم مـا عـلى قـولـه اغـبـار *** والـقـول مـا يـثـبـت بـلـيـا دلايـــــل
امجادكم في وصفها كيف مـا احتـار *** وتـاريـخكـم مـا يـدركـه قـول قـايـل
فيكم مصّوت بالعشاء زاكي الأذكـار *** الـلـي عـلـى بـيتـه تسـاق الـرحايـل
شيـخ بـذكـر الجـود لا جتك الأخبار *** تـلـقـى لـه اسـمٍ بالصفـوف الأوايـل
لا عـدوا أبـن مهـيـد وافين الأشبار *** يغـنيـك عـن طـول الحـديـث الفعايـل
يلـفـون ضيفـانـه عـلى بـن وابهـار *** وعـلـى فـقـار مـعـبـسـات الشمـايـل
وفرسانكم كان اعتلوا قـب الأمهـار *** بسيـوفهـم يلـقى الـدواء كـل عـايـل
منكم رخيص الروح دحّـام الأخطار *** كـلـن عـرف فـعـلـه نـهـار الهـوايـل
ومسواط بقعا سعد من يطلب الثـار *** يزبـن عـليـه الـلي ضلوعـه هـزايـل
أنتم هل النخوة ذرا الضيف والجـار *** الـلـي نـصـاكـم مـا يـدوّر بـدايـــــل
بـيـرق مفاخـركـم عـلى راسـه النـار *** يا ريـف من وقته من الجور مايـل
يقـولـه الـلي لأصـدق القـول يخـتـار *** ولاهـو مـدوّر مـن وراهـا حصايـل
شاعـر مضياني لأجـل قـدركـم سـار *** بـيـن الفيـاض المعشبـه والمسايـل
منهـا انتقي القيفان يا نسل الأحـرار *** وأقـبـل لكـم مشتـاق والشـك زايـل
للمحفـل الـلي جـوه من كـل الأقطـار *** الـلي لغـلاكم يا أبيض الوجه شايل
قصيدتي تـهـدى لـكـم يا أبـن عـبـار *** يـامـن نـعـدك رمـز لـعـيـال وايــــل
قال الشاعر غصاب التواجره المضياني هذه القصيدة يسند على عبدالله بن دهيمش بن عبار :
أنتتـاج فكـري والعـمل مـن اشـرافي *** والعين نعـمه بـس قـضّوا نظـرهـا
والـلي يـقـول الحـق قـولـه انصـافي *** تـدوم نـعــمـة كـل واحـد شـكـرهــا
الجـو عندي يا ابيض الوجـه صافي *** والبـل خلقها الـلـه وزيـّن صورهـا
ابـكـار شـرّد تــوهــا مـن عـسـافـي *** مـثـل الـذهـب حمـار لـونـة وبـرهـا
ساجت حبالـه يـوم صارت اعجـافي *** غـزلان صيد وحس رامي ذعـرهـا
جـزيـات ذره صـار فــيـه الـتـنـافـي *** صـار التـنافـي يـوم بـيّـن خـطـرهـا
هـاك الـرسالـه وصلـه يا أبـو وافي *** لأكـبـر شـاعـر ابـيـه يـقـرأ خبـرهـا
عـنـدك يـا أبـن عـبـار كـل القـوافـي *** وكـل عـنـزة تـقـول أنـك بـحـرهــــا
اكـبـر شـاعـر وكـاد وهـذا اعترافي *** امـواج بـحـرك كـيـف حـنـا انعبرها
لاجيت والـلـه يا أبيض الوجـه لافي *** الـربـع تـفـرح فـيـك يـوم تحضرها
والضيف عنـد الـربع يـاكـل هـرافي *** ولـه الـذبيحـه كـود يـدرج حمـرهـا
واذا تـعـشّى الضيـف قـلـنـا عـوافي *** كـلـمـة وفـاء مـا نريد حاجه باثرها
الطـيـب فـطـره بـس فـعـلـه يشـافي *** الضيف يـقـرا الضيف والله سترهـا
والـجـار عـنـد الـجـار نفعـل ونـافـي *** والـجـار فـيـنـا كـل زيـنـه ذكــرهــا
نـودع لـه نـفـوس قـويـه ضـعـافـي *** والنـفس عـنـد الجـار حـنـا انحقرها
مضيـان مـنـا الخـيـل ولـت مـقـافي *** وخـيولـنـا طـاح العـدو فـي نحـرهـا
مضيان مـثـل السيـل يلـطم وضافي *** الأرض قـوه يـوم سـيـلـه حـفـرهـــا
أيـام دور السيـف ويـوم الـشـلافـي *** فـريـس كـل الـقـوم حـنـا نـحشـرهـا
منـا العـدو منحاش يركض وحافي *** ياطـا شخانيب الـرضـم مـع وعـرهـا
الــورع مــنـا نـذبـحـه لـو يـخــافـي *** لـوهـو يخاف عـروق حلقـه بترهـا
يا أبـو مشعل يا ذيـب هـذا اكتشافي *** وكـل الليـالي البيض ساطع قمـرهـا
شـاعـر انا يا ذيـب وارمـي اهـدافي *** واعـرف بطـن السالفه من ضهرها
جـو الشـمـال الـبـرد طـبـه لـحـافـي *** يا زيـن عـرعـر ديـرتي مع شجرها
مـنـك العـذر لأخطيت والعـذر كـافي *** شاعـر حـكيـم وداخـل العـقـل درهـا
قال الشاعر حسن بن سماح النومسي هذه القصيدة يسند على زميله عبدالله بن دهيمش بن عبار :
ياقاف حث الطرق بحساس واشعور *** واصخر من الجزله يامال العوافي
وهيض هواجيسك قبل طلعت النـور *** عـلى سكـون اللـيـل والكـل غـافـي
خـابـر براسي عـلم من أربع شهـور *** عـلمـن يـنـومسني ولاهـو بخـافـي
لأجله نظمت بيـوت الأشعار مسرور *** ولأجـلـه اسجـل بالقصيد اعتـرافي
لاصار لـي صاحب محنّـك ولـه دور *** من يـوم عـرفي لـه إلى اليوم وافي
محزم ظهر منصا عرب طايل شبور *** ويفـرق عن الـلي بالمهمات هـافي
استاذ له وزن وله مكانه ولـه شـور *** وله منزله من فوق روس النوافي
المـدح يزهى الوايـلي صايب الشور *** شـرواه يـذخـر للسنـيـن العـجـافـي
أن قيل منهو قـلت والـراس مسطور *** شـاعـر مـؤرخ دنـدنـي يـا قـوافـي
شغموم مـن ماكـر قرانيس وصقـور *** فدعان ريـف الضيف لا صار لافي
عـبـدالـلـه العـبـار بالطـيـب مـذكـور *** اسمه عـلـم معـروف ماهـو بخافي
يا منومس الـويـلان يا طايـل شبـور *** الـلي ذخـر شـرواك مـابـه خـلافـي
خوتك مثل الغيث والروض ممطـور *** مـثـل القـراح مـن الغثاريب صافي
اشهـد شهادة حـق مـا أقـولهـا زور *** انـك فـخـر للشعـر وجـزل الـقـوافي
صدق الدلايل بالنسب شعشع النور *** كـتـاب مـا يـلـقـا عـلـيـه اخـتـلافـــي
مـجـد مـخـلـد مـن قـديـم لـه دهــور *** عـنـوان لـلـتـاريـخ فـوق الـغـلافـي
حنا عنزة بالحاضر وماضي عصور *** وبـيـوتـنـا لـلـضـيـف دايـم مـلافـي
قـصـيـرنـا يـامـن ولا يـلحـقـه جـور *** وعـدونـا تـسـفي عـلـيـه السـوافـي
مشكور يا أبو مشعل اليـوم مشكور *** أنا اشهد أنك يا أبيض الوجه وافي
/font][/b][/color]
قال الشاعر خالد بن عبدالرحمن بن مسيب هذه الأبيات يسند على عبدالله بن دهيمش بن عبار :
سلام مثل العسل حالي * اطلب من الله الوايلي * سبحانه ربي العالي
يحفظك بحفظ الرحمن
حيثك بافعالك مشهود * لعنزة باذل مجهود * تسهر بالليالي السود
تشهد لك كل الويلان
مجهد علمك بالنسايب * والعرب وقت الحرايب * هزايمهم والكسايب
بالقصايد والبرهان
علمك مابه عذاريب * أنت الشاعر والأديب * كلامي ماهو غريب
منقوش بنقش الجدران[/center]