 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
06-15-2021, 09:10 PM
|
#11 |
|
صاحب الموقع
تاريخ التسجيل: Mar 2008
المشاركات: 10,243
|
الحلقة الحادية عشره 150
وقال عبدالله بن دهيمش بن عبار هذ المقطع من قصيدة : نـفخـر بنسل عـطيـل شـم العـرانيـن *** الـلي فخرهـم صار مضـرب للأمثال موروث من عقب الجدود القـديميـن *** مبطي مـراجلهـم جـديـدات وسمـال مـن صلب لابـة يلحـقـون المخـلـيـن *** رجـالـهــم بـالـكـون لـلـروح بـــّذال عـزوة ضـنـا عـنـاز زبـن المجـليـن *** أولاد وائــــل مـلــتـجــأ كــل دخـــّال ويـلان بـالـلـقـوات سقـم الـمعـاديـن *** أفـعــال ماضيهـم مـفـاخـر للأنـجـال وإلى أعتلوا من فوق مثل الذوانيـن *** عـوص النجايب للخطر تهذل أهذال حـمـايـة السـاقـة سطـام الحـريـبيـن *** أدنــاهـم الـلـي كـان لـلـقـفــر نــّزال أولاد وائـل كـان صـار الـلّغـى شيـن *** كانوأ مدابيس الوغـى ضد من عال شجعـان وبـوقـت الملاقـا عـنـيـديـن *** يـوم المـنـاحـر وأحـمـر الـدم شـّلال وأن جالـت الخيلـيـن يـوم الأكـاويـن *** عـنـد الملاقـا مـا يهـابـون الأهـوال شجعان في عصر المراجل وصلفين *** فـرسان بـالهيجـاء صناديد وأبطـال كـل العـرب تشهـد لفعــل العـنـزتيـن *** يـا ما بهـم مـن كـل فـارس وخـيّـال يـا مـا بـوائـل مـن حمـائـل أمسـمين *** وياما بهم من لابس الجوخ والشال ولا أقدر أعد شخوص وائـل كثيرين *** راس القـرابه لا سمع مدحهـم طـال عـاداتـهــم ذبـح الـغـنم والـبـعـاريـن *** وذبح العـديـم إلى بطـل كــل عـّـذال دائـم لـفعــل الـمـرجـلـة مستعـديـن *** ضـد الخصيم اللي من الزوم يختـال وأن صارت أرواح النشاما نياشيـن *** رجـالهـم هـوشـه إلـى هـاش بخبـال جـهـالهـم بـالـكون مـثـل المجانـيـن *** وعـقالهـم في ساعـة الغيض جهّـال وإلى أختلط عج الرمّك بالـدخاخيـن *** نطيحهـم حـاش الهبا وأشهب الّـلال مـركاضهـم يشبع جياع السراحـيـن *** مثل النمور الضاريه تحمي الأدغال حمـوا أسباط المصطفـى يوم صفين *** وروس الرجال مرجمـه كنهـا تـلال صفـوة ربيعـه مـا بهـم قـول تخمين *** رجـالـهــم عـنــده حــمـيـه وزعــال يـوم الزعيم كليـب قـاد الـمضاعـيـن *** حرر بني عدنان من جـور الأغـيال أوقـد عـلى خــزاز بـالـلـيـل نـاريــن *** مثـل السعايـرضوحها يشعـل أشعال ويـوم المناذر جـو على بكـر لاجيـن *** جـوهـم صناديد العجم فـوق الأفيـال ذي قـار تشهـد بـانتصار الشيابـيــن *** وجـمع اللهازم سار للفرس صّـوال حاموا على الحرقـا هنوف المزايين *** هـاني ذراهـا سـتـر ربـات الأحجـال صالـوا وبـالروح العـزيـزة أمفاديـن *** مـا رابهم يـوم اللقـاء كثـر الأزوال مـفـاخـر الـويـلان مـبـطي وهـلحيـن *** معـروف بـالتـاريـخ والـمجـد لازال أفـخـر بـتمجيـد الـرجـال العـريـبـيـن *** حيث الضراغـم مثلها تنجب أشبـال أفخـر بـهـم والنـاس بـالفعـل داريـن *** مـا ينجحـد تاريخهـم عـبـر الأجيـال عـنـاز مـن خيبـر إلـى حـدود حطين *** الجـمع واحـد والمعــادي بـه أخلال وش عـاد لـوهـم بـالمنـازل بعـيـدين *** مـن صلب وائـل كلهـم عقـب رجـال مـن لا أعـتـزا كنه كسير الجنـاحيـن *** كوبان مثـل العوشـزة ما لهـا ضلال وحنـا بفعـل أهـل الفخـر مستعـزيـن *** ولا هـمـنـا مـن كـان لـلـهـرج نـقـال 151 وقال عبدالله بن دهيمش بن عبار هذ المقطع من قصيدة : وحـنا رعينا من وراء ضلع سنجـار *** وفـي ديـرة الشنبل حمينـا المكايـل نـرعـا من الحـرة إلـى ديـرة انشـار *** نرعـابها بحـدب السيوف الصقايـل مـن صلـب لابـة هـابـهـم كـل جـبـّار *** عـنـاز مـا نـخـتـار عـنهــم بــدايــل ترعى بهـم وقت الخطر كـل معطـار *** يـوم الـبـوادي بيـن صايـل وجـايـل تـلقـا ضنـا عـنـاز في كـل الأمصـار *** لهم الفخـر موروث مـا هـو هوايـل نجمع شتات جذوعهم بس باشجـار *** دلـيـل لـلـي فـي نـسـبـهـم جـهـايــل 152 وقال عبدالله بن دهيمش بن عبار هذ المقطع من قصيدة : قـلتـه وانـا ربعـي شغـاميم وأنـمـور *** بـهـم القـبـايـل يضـربـون المثـالـي خصيمهـم بـأمـر الولي دوم مدحـور *** وحـريـبهـم قـلـبـه يصيبـه أجـفالـي قطعـانهـم بالحمض مـا ترتـع الهـور *** مـن خـيبـر الحـره لـقـرن الشمالـي وبـبـيـوتهـم تـلـقـا معاميـل وأنـجـور *** ودلال مـركـيـه عـلـى جـال صـالـي فنجالهـن يصبغ تـقـل ورس غـندور *** أشـقـر مثـل توصيف عـلي القبالـي وزيـن النبـا وتقليط مـا كان ميسـور *** بالجـوع يـوم الـزاد صعـب المنالـي يا الله تجعـل عرض الأجواد مستور *** صـيـد الحـمـايـل طيـبـيـن العـمـالـي 153 وقال عبدالله بن دهيمش بن عبار هذ المقطع من قصيدة : منجوب ساسه من صماصيم جلعود *** من علي الأول من سلا يل حضيري لابة هل ( الريشا ) صناديد وأفهـود *** صـيد الرجال اللي فخرهـم شهيـري دهامشـه لهـم الفخـر مـارث أجـدود *** مـن هازهـم عـن نـيـتـه يستـخيـري أمجادهـم ما تنحصي مـالهـا أحـدود *** وأعـتـز في تـمجيدهـم مثـل غـيـري من دور تحديد الجمل نضوة الـقـود *** عـاداتـهـم يـروون حــد الـشـطيـري 154 وقال عبدالله بن دهيمش بن عبار هذ المقطع من قصيدة : نـعـم بسلايـل حـافـظيـن الحـقـوقـي *** يـذكـر فخـرهـم بـالسنيـن العـتـاقـي هـل الفـخـر مـا طـبهـم كـل سـوقـي *** ولا مـنهـم الـلي يـتـقـي بـالمـتـاقـي الـيـا بـار بالصاحـب قليـل الوفوقـي *** رجـالهـم وافـي عـلى العـهـد بـاقـي نـزر وعـلى العايل شجاع وطفوقي *** لكـن عـلى الصاحب كريـم الخلاقــي أدنـاهـم الـلي بـه مـديـحـي يلـوقـي *** وأعـلاهـم الـلي بقـمـة المجـد راقـي بالعصر الأول يـوم نشف الحلوقـي *** وقـت الحـرا مـا خـيـبـوا كـل هـاقـي أن جاهم الـلي من الزمان مخنوقي *** وصلـت معـه من فـوق حد التراقـي لضيوفـهـم دم الـكبـاش أمهـروقـي *** والـنـار تـوقـد بـالمساء والشفاقـي مـع طلع غـرس مـدليات العـذوقـي *** الـلي لـهـن مـن طيّـب القـنـو نـاقـي 155 وقال عبدالله بن دهيمش بن عبار هذ المقطع من قصيدة : جعل نسل العـود يسلم كل منطوقه تمـام شهـم وأقواله جزيلة والإشـارة صابهـا لابتة سقم المعادي لا غشى البيداء كتام مـن قبـيلـة مـا تدنـق للخصـوم أرقابهـا بـالرماح السمهرية طعنهم يفـرا العظـام مـن غـزا عنـاز حّـرم دوم مـا يشقابهـا كان نار الحرب شبّت والوقايد له ضـرام لا بـتي خاضوا لهبها وأحرقـوا شبابها كم مقـدم جننوه وصـار بـه تقل أنفـصام منهم العـدوان تبشر بأنهيار أعصابهـا أشهد أنك مـن قبيلة حظها يا حمود قـام كــل دار أولاد وايــل ذودهـا يـرعـابهـا نعـتـزي باولاد وائـل باجتهـاد وبهـتمام ما نجامـل يا ابن نايف من بغى يغتابها نفتخـر باولاد وائـل مـا علينا مـن اللئام مالنـا ومال العفون الـلي تعاف أقرابهـا كـم واحـد ما نظـر لتـراث جـده والعمام مـا يشوف القوم قامـت تطعنه بحرابهـا ومن تكاسل عـن لزومه تركه خله ينام بس تسمع لـه شخير وحربته بجرابهـا 156 وقال عبدالله بن دهيمش بن عبار هذ المقطع من قصيدة : من راس لابـة يـوم عصـر المثارات *** إلى أعتلـوا من فوق قب الصهاوي سقـم المعـادي باللـقـاء والـقـوامـات *** عـوق الحـريـب ومبعدين العـداوي فـوق النجايـب يقـطعـون المسافــات *** فـي مهـمـه فـيهـا يضيـع القطـاوي لابــة محـددت الجـمـل بـالـحـرابــات *** بـايـمـانهـم قـوت السبـاع المقـاوي أولاد عـلـي مـن سـلايــل عـمـــارات *** يتلـون أخـو هـوا عـريب العـزاوي 157 وقال عبدالله بن دهيمش بن عبار هذ المقطع من قصيدة : الشك عنكـم بـعـد حايـل عـن الديـر *** من ساس لابـة مـا نشك بضفـرهـا لابة غـريب الـدار عـوق الطـوابيـر *** يا ما أشتكت عدوانها من ضررهـا ما قصروا يوم السلف والمضاهيـر *** واليـوم كلـن حصـل الخـيـر وأرهـا نـدري بـكـم يـا طيـبـيـن المخـابـيـر *** ربعـك غريب الدار مصدر فخـرهـا خلفة فلاح حبـوس سـتـر الغنـاديـر *** إلى نقضت هنف العـذارى شعرهـا عـاداتـهـم يـثـنـون دون الخـواويـر *** بالكون يـوم النوق تـرعى وبـرهـا لا تسمعـون التـايـحـة يـالمنـاعـيـر *** الـلـه حسيب الـلي بـداهـا ونشرهـا 158 وقال عبدالله بن دهيمش بن عبار هذ المقطع من قصيدة : أبن مناحي قـال في منطقـه مـا زل *** ورحـب ضميري بالقـوافي وقـايلها ربعـه ولـد سليمان من يلتقيهـم ذل *** إلى صارت الهيات يمشون باولهـا عدوهم بالكون من ضربهم يخـتـل *** إلى هاجت الهيجاء وبادت عواذلها يالخصم يالمقرود أذلـف وراك أول *** كان أسم الجدعاء ثار فـنك أتقابلها دخيلهـم محشـوم كـنـه بـعـالـي تـل *** عكـف الشوارب دوم دونـه أتفتلهـا 159 وقال عبدالله بن دهيمش بن عبار هذ المقطع من قصيدة : ما أقدر أعـد افضالهم حيثهـا أكثـار *** جميعـهـم عـن المـدايـح غـنـيـيـن وأخـص نسل الوايلي سـر وأجهـار *** من مارثـت عـنـاز مـا هـم خفييـن نسل الرجال اللي على الكود صبـار *** وقـت اللـوازم ينطحون المغيريـن هـزازنـة يـوم الحـرايـب والأشـرار *** كانوا على من دور الشر شرسين يوم المغازي من نطح جمعهـم نـار *** لديارهـم مـن كـل الأضداد حاميـن يـوم المغـازي فـوق زينات الأكوار *** بالكون ضد اللي على الدارغازين هـزان من دور الصحابة والأنصار *** عـلى بريـك وبرك كانـوا سلاطيـن تشهد لهم بالطيب سكـان الأمصـار *** تشهـد تميـم ويشهدون القحاطيـن يشهـد سليمـان العـفـالـق بالأخبـار *** وعبيد يذكر فعلهم من هاك الحيـن حـامـيـن واديـهـم بـصـارم وبـتــار *** عدوانهم شـدوا عـن الـدار مقفيـن الـلابـه الـلي عـلمهـم عـم الأقـطـار *** أهـل نـعـام بـدار الأجـداد مبـطـيـن لـهـم بـواديـهـم مـغـاريـس وأبـيـار *** حطوا فلايح غرسهم بين ضلعيـن اللابـة الـلي جمعهـم مـلـي الأنظـار *** من صلب وايل بالمناسب عريبين من لا بنى جداره على ساس ينهار *** صم الصخر ما يشبه لرمل يبريـن عسى يعـل ديـارهـم وبـل الأمطـار *** مـنـازل الـلـي يلحـقـون المخـلـيـن منـازل الشجعـان بالمـوقـف الـحـار *** هزازنة دايـم على الخصم صلفين يا ما بـهـم من كـل فـارس ومغـوار *** فوق الأصايل يودع الخيل خيليـن تلقـا مضايفهـم بهـا ابهـار وأكـتـار *** ويرجعون الصاع للخصم صاعين 160 جاني قوافي صاحب الطيب والكار *** عبـيـد الله بـن جهـاد خـلفـة عبـيـه اللابـة الـلي تـذري الضيف والجار *** وزبـن الدخيـل الـلي عـليه الجنيـه ما هاب لو جرمه كبر ضلع سنجار *** عـفـو الضهر ما كن سوى خطيـه يرقـد قهيدي ما خشي طالـب الثـار *** زبـن سـمـيـة حـي هـاك السـمـيـه لا بـة هـل البلـهـا من أحفـاد عمـّار *** سـلـقـا كـعـام الـضـد مـاهـم نـزيـه صوت اليتاما عندهم رمـز وأشعار *** نخـوة عـلى العـدوان في كـل هيـه لا قــيــل بـلـهـا ثــّوع الــدم نــثـّـار *** حـل القضى عـزي لـراعي الرديـه نـطيحهـم يـدبـر وبـه كسـر تـعـبـار *** أقـبـل يـدور الفـود وأخلـف نـويـه يتلـون ابن شامان من عقـب نصّار *** صفـوة زبون الحرد ملحق خويـه بجايـده شجعـان في ماضي الأدوار *** مـن عـزوةٍ عـن الـمـدايـح غـنـيـه 161 وقال عبدالله بن دهيمش بن عبار هذ المقطع من قصيدة : نسـل الشريفي يـوم عصـر الدبايـل *** كنعـان عـلمـه بالمجـالس سمعنـاه مـن روس لابـة علمهـم دوم طايـل *** كـواكبـة بـيـن القـبـايـل لـهـم جـاه يـوم السيوف ويـوم عـصر الفتايـل *** شاهدهـم التاريخ فـرسان وأرمـاه حـمـر الـنـواظـر ذلـلـوا كـل عـايــل *** من هامهم ما رد من عقب مغـزاه 162 وقال عبدالله بن دهيمش بن عبار هذ المقطع من قصيدة : ولابـتـه فـي دور عـجـلات الفـديـد *** مـن اهـل البـلهـا فـوارس وأعـقـدا مـن زمـان قـنـي يحمـون الطـريـد *** مـن يــدور الـبــاج مـنـهــم مـا ودا خـصمهـم لـو كـان جـبـار وعـنيـد *** مـا ربـح نـطـيـحـهـم كـان أعــتـــدا ويـوم قـوت الباديـة تـمـر وجميـد *** مـالـهــم غــيــره فــطـور ولا غــدا ما نسـوا يالقـرم سلـم ابـن الوليـد *** والــعــوج خـلــوه لـلـحــق أهــتــدا 163 وقال عبدالله بن دهيمش بن عبار هذ المقطع من قصيدة : حيثك من اللي ما يتغالون الأعمار *** تاريخهم كتـب السديـري شهيـده الطيب مبطي عندهم سلم واشعـار *** من دور أهلهـم وارثـينـه عـقيـده اليا جاهم الطرقي ولـو كـان مـرّار *** ملـزوم يـاخـذ لـه لـيـالي عـديـده تـفـارزوا عـنـد الـمـعـزب بالأدوار *** والكـل منهـم ما ذخـر من جهيـده شوفي بعيني بالصحن يـوم تنـدار *** مثـل الطعوس فطاح حيل مشيـده إلـى بـار بـيـاع الـكـرامـة بـديـنـار *** الـلي جـلـب عـزه يـدور المفـيـده عن الطفاس نفوسهم شـم وأكبـار *** رجـالهـم غـيـر الفخـر مـا يـريـده رجالهـم مـا همتـه غـلـوا الأسعـار *** يبي الفخـر لـو كـان دينـه يـزيـده مـن قـو عـز نفوسهـم تـقـل تجّـار *** مـا حسبـوا للمـال يـنـفـد رصيـده ضعيفهم يصبر عـلى العـوز جبـار *** ويلقا المصاعب بالعزوم الشديده نعـم بهـل الجدعـا شغاميم الأخيـار *** بالمـدح ما يحصي ثناهم جـريـده من روس وايل مابهم قول شبشار *** من مارثـة عنـاز صافي الحديـده وصفـهـم النجـدي بتـدليهت الجـار *** فـي مـا مضى والجـد بـلغ حفيـده يـقـول حـنـا مـن قـديـم لـنـا كــــار *** حـرام مـا نخفي عن الجار صيـده نـرفى خمالـه رفيـت العـش بالغـار *** ونودع لـه النفس القويه هويـده ودخيلنا نصون عرضـه عـن العـار *** الا ونـعـده مـن حسـاب الـبـديـده 164 وقال عبدالله بن دهيمش بن عبار هذ المقطع من قصيدة : الجعـفـري يعـتـز مـن طيب مجنـاه *** قـرم العيـال الـلي بجهـدي يشيـدي حيثه من شخوص الرجال المسماه *** أهـل العـزوم الـلي تـفـل الحديـدي جـعـافـرة مـثـل الـحـرار المـضـراه *** الـلي لـجـزلات الحـبـاري تصيـدي يـروون حـد الـمـرهـفـات المحـنـاه *** شجـعـان مـا فـيهـم ذلـيـل وبليـدي سجيـت للـويـلان سـجـة وتـفـضـاه *** عـلى طـريق البيـب وجـه مـديـدي مـن ينـتبـه وايـل لـنـا عندهـم جـاه *** جـميعـهـم لمـلـوم دون اتـحـديـدي بني وهـب وجلاس نفخـر بطـريـاه *** وباسم العماري نعتـزي والعبيـدي 165 وقال عبدالله بن دهيمش بن عبار هذ المقطع من قصيدة : بأمجاد وايـل تـدري الـروم والتـرك *** وايـل ومن وايـل ملـوك الممالـك يـوم السبـايـا بالمعـامع لهـن عـرك *** تـاريخـهـم يشـهـد بـدورٍ مضالـك ومن لا أفتخـر يدبل فوادك ويقهرك *** اليا قام بـه خطو الهلاسه ايعالـك 166 وقال عبدالله بن دهيمش بن عبار هذ المقطع من قصيدة : بـلـغ تحـيـاتـي عـلـى كـل مـنـعــور *** وبـلغ جميع رويـل شكـري شملها الـبـدو منهـم والـذي يسكـن الـدور *** اللي حـوالي الجوف واللي نـزلهـا ما جاملـوا مع كـل عـاقـه ومـثبـور *** ولا ايقدرون اللي القصيرة ختلهـا مـن زايد اللي ماكره ماكـر صقـور *** مـن هـد منهـم بـالحـبـاري قـتـلهـا عـدوهـم يرجـع مـن الـذل مقـهـور *** مـا هـو بخيـر الـلي اشنابـه فتـلهـا أقبـل يـدور الفـود وأكتـف مذعـور *** ويمنـاه صابهـا الخـدر من كسلهـا وأبا الضهور أن سار يتليه صابور *** ساروا مع العطفة وساقوا جملهـا والجمع عن عليان موقف ومقهور *** وتوزعت خمس الجموع وعـزلها أهل الخيول الشهب تأتي تقل سور *** يا ويـل ويـل الـلي عـليه امحملهـا 167 وقال عبدالله بن دهيمش بن عبار هذ المقطع من قصيدة : حيثـه من اللي كان صارت جريـره *** لابـة هـل العـليـا حمـاة المعـاشيـر نقـوة رويل أهـل الجمـوع الغـفيره *** والنعم يشمل كل خمس الصوابيـر وأن شـدوا المركـب ودرهـم بعيـره *** خلـوا طـوابـيـر المعـادي شنـانيـر يرعـون من شرق النفـود لسميـره *** ومـن ديـرة البلـقـا لبغـداد لضميـر مـقـدمهـم الـلي للـمعـادي نـحـيـره *** زعيمهم مـن دور شعلان وغـريـر الـلـي لـهـم وقـت الـلـوازم ذخـيـره *** الشيخ ابـن نايـف طويـل الأشابيـر وقـت اللـزم مصيرهم مـن مصيـره *** يوم الشرور ويوم كسب الخواوير 168 وقال عبدالله بن دهيمش بن عبار هذ المقطع من قصيدة :رايتهـم البيضـاء بـروس العـناقـير *** الـلابـة الـلي كـل منصف شكـرهـا نـعـم بـكـل رويـل سـتـر الـغـنـاديــر *** اليا نقضت هنف العذارى شعـرها وأن جاء نهـار فيـه صوال ومغـيـر *** وأن شلت القطعان فزعوا باثرهـا منهـم ملـيح الـلي يـروي البـواتيـر *** وسـنـد الـلي قـب السبايـا ذعـرهـا ولـو أبي اعـد من الرجال المغاويـر *** يـتـيـه فـكـري بالعـدد مـا حكـرهـا يا ما بهم مـن عطـر الشلف تعطيـر *** شجعان يخشون العدا من خطرها يـوم الطـراد ويـوم شلع الخـواويـر *** صديـق عينـك مـا يجـرب قشرهـا صمع القلـوب وللحرايـب مساعيـر *** رب الملأ عـلى الأعـادي نصـرهـا 169 وقال عبدالله بن دهيمش بن عبار هذ المقطع من قصيدة : نرسل سلام عـداد من بالثرى سـار *** مني لأهـل زلـوم وهديب وصويـر ومـن يعتـزي برويـل نهديـه تكـرار *** شكر وثنا يوصل لهم دون تأخيـر حمـايـة الـعـليـا هـل الـفـعـل والكـار *** تاريخهم معروف ما ايريد تشهير نـفـخـر بمـاضيهـم قـديمـات الأدوار *** اليوم وبعصر السلف والمضاهير مبطـي فعـايـلهم عـظيمـات وأكـبـار *** فـوق السبايا معسكرات المسامير قطعانهم تـرعى المخاطـر والأقفـار *** مـن ديـرة الـجـوبـة لبغـداد للـديـر لعيـون حصه ذبحـوا نسـل الأمهـار *** والكـل يقسـم مـا يمص المواخيـر صال الدريعي فزعتـه تغدي الأمرار *** شهـل من الشنبل وأدلا بـبا القيـر يـوم أعتـزت بـه بنت زيـزوم عمـار *** خـلا على العدوان مثل المعاصير صالوا هل العليا على سروج وكوار *** وقع الحوافر مثل زلزال أغـاديـر عـدوهم مـن طعنهم شـاف الأضرار *** شـاف الغباين والنـدم والتحاسير بهـم افـتخـر مـا هـمني طـافـي النـار *** ولاني بحال محجر الفكر تحجيـر 170 وقال عبدالله بن دهيمش بن عبار هذ المقطع من قصيدة : نـرسـل لدسميـن الشـوارب مناديـب *** سلام يشملهم من اكبار واصغـار مـني لأهـل زلـوم وصويـر وهـديـب *** ولأهل هدبان أهدي تحية وتعبـار ولأهـل النظـايـم سالميـن العـذاريـب *** وجميع ما بالشويحطيه من أنفار وأهـل الزبارة مـع جميع الأصاحيب *** واللي بخوعا من محبين وأنصار والنعـم بالـلي ينطخـون المصاعيـب *** لابـة هـل العليا صواريـم سنجـار يـا مـا رعـت قطعـانهـم بالمـزيريـب *** يرعون من تدمر إلى حد الأغوار تـدلـه بهـم الـلي زهـيـت بالدبـاديـب *** شقـح العشايـر دللـوهـا بالأقـفـار يـروون حـد المـرهفـات المحـاديب *** ما نال فود اللي عـلى ذودهم غـار يتلون نسل اللي تسمى على الشيب *** الشيـخ ابن شعـلان قـدامهم سـار من ماكر الصيرم شطيـر المخاليـب *** يرمي جزيلات الحبـاري اليا طـار شعـلان لرقـاب المعـادي قصاصيب *** بالسيف واحدهـم للأخصام جـزار زيـزوم لابـه باللـقـا جـمعهـم هـيـب *** يوم المغازي والحرايب والأشرار بالعـصـر الأول يـوم لـوط الـتلابيـب *** نطيحهـم تتلـف اعصابـه وينهـار التعديل الأخير تم بواسطة عبدالله بن عبار ; 07-16-2021 الساعة 07:05 AM |
|
|
|
06-16-2021, 11:23 AM
|
#12 |
|
صاحب الموقع
تاريخ التسجيل: Mar 2008
المشاركات: 10,243
|
الحلقة الثانية عشرة هذه الحلقة والحلقات التي تليها فيها شرح عن نسب عنزة الصحيح وذكر جدها الصحيح ونفي ما كتب من كتابات وأقوال باطلة وذكر جانب من أمجاد ومفاخر قبيلة عنزة : 171 وقال عبدالله بن دهيمش بن عبار هذ المقطع من قصيدة :
الجعـفـري مجـنـاه مـن وكـر عقبان *** حـلـيـاه صـيـرم مطـلـقـاتٍ سبـوقـه مدحت أبن زيدان هـو وأبن عـيـدان *** والشّعر لـه في مدح الأجواد لوقـه ورد الثـنـاء بسـم الـذي علمهم بـان *** نسل الرجال الـلي عـريبـه عموقـه يـوم الجـيـاد الـلي تـطـارد بـمـيـدان *** والـكـل غـوجـه ملجـمـاتٍ شـدوقـه جعـافـره بالسيف والـرمـح والـزان *** عـدوهـم عـن شـف بـالــه تـعـوقــه مـن دور عـلي مـع شقيقـه عـلـيـان *** بالكـون يعـطـون المعـادي لـعـوقـه يا ويل من جاهم على الفود شرهان *** يرجع من الخـرعـه يجدّع علـوقـه وأن ثارت الجدعا ودور القضا حان *** في ساعةٍ ريـح الفـرنجي نـشـوقـه جـعـافـرة فـيهـم حـمـيـه وشـجـعـان *** يـوم الـوغى الأرواح تجلب بسوقه ما منهم الـلي في بنـود العهـد خـان *** رجـالـهـم مـن صـادقـه مـا يـبـوقـه وأخبرك يالمنعور عـن كـل مـا كـان *** بـيـت القبـيـلـه مـا نـوسـع فـتـوقـه مـن قـال أبن عـبّـار بالقص غلطـان *** حسيبه الـلـه والـي العـرش فـوقـه مـصـادر التـاريـخ وأقـوال شـيـبـان *** مـا صنّـفـه حسب مـزاجـه وذوقـه عزوه لها عشرين قرن من الأزمان *** مـاهـي قـبـل خمسين عـام مخلوقه 172 وقال عبدالله بن دهيمش بن عبار هذ المقطع من قصيدة : وايـل جـديـلـه فـي ضـنـاه الـتـقـيـنـا *** بالـجـد أسـد الـغـاب بـه سـلسلـونـا وحـنـا بـغـيـر جـدودنـا مـا رضـيـنـا *** نـرفـض ولا نـقـبـل بتـغيـيـر أبـونـا حـنـا لـوايـل جـدنــا مـا نـسـيـنــــــا *** ما نطيع اللي لبعض الجدود انسبونا حـنـا عـلـى درب الأوايـل مـشـيـنــا *** واجـدودنـا بـأنـسـابـنـا عـلـمــونــــا حـنـا عـنـزة بأرض المجازه نـشينا *** مبـطي هـل التاريخ فـيهـا اذكـرونـا ومنهـا عـلى الـدار الخصيبة نـوينا *** عـيـن التـمـر ديـرة جـديـلـة أخـونـا فـيـهـا بـعـصـر الجـاهـلـيـة ربــيـنـا *** لـكـن بـني العـبـاس عنهـا ابعـدونـا ثـارت بـهـا الفـتـنـة وعـنهـا جلـينـا *** وبـحـدود دار الـمـصطـفى نـزلـونـا ومـن حيـنهـا بـوديـان خيبـر بقينـا *** الـلـي لـنـخـلـهـا جـدودنـا ورثـونـــا ومـن خـيبـر لـنـجـد الـعـذيـه لـفينـا *** هي ساس دار جدودنا الـلي انجبونا زدنـا وكـثـرنـا بـدار نـجـد وقـويـنـا *** وكـل القبـايـل والشعـوب اعـرفـونـا مـن ديـرة البصره إلى حـدود سينا *** صلـنـا وجلـنـا والعـدا مـا أرهـبـونـا ولـنـا حـواضـر بـالـقـرى ساكـنـينـا *** منـذ القـدم نـدري بـهـم مـا خـفـونـا طـلـنـا وبـأفـعـال الـجـدود اكـتـفـينـا *** نـالـوا فـخـر بـأفـعـالهـم شـرفـونـــا هـذا القصص والـلـه يشهـد عـلينـا *** ومـن عـرفـوا التاريـخ مـا كـذبـونـا 173 وقال عبدالله بن دهيمش بن عبار هذ المقطع من قصيدة : عـن السنـع مـا عـلـت مـقـدار مـلّي *** ولانـي بـحـال الـلي تخـبّـط بالأنساب مـصـادر أنسـاب الـعـرب يـشهـدلـي *** ومـن لا يـعـد الحـق هـايـف وكـّذّاب أكتـب فخـر وأمـجـاد عـن عـزوتـلي *** ودونـت كـل تـراث الأجـداد بـكـتـاب صيـد الحمـايـل مـا حصاهـم سجـلي *** لو أبي أعد شخوصهم مالها حساب مـن قبـل عصـر الفاطـمي والصّقلي *** تشهد لماضي مجدنا عصم الأشناب سـاس عـنـزة مثـل الجبـل مـا يـزلي *** اشم واشمخ من شواميخ الأهضاب عـنــاز وايــل عـزوتـي مـحـزمــلـي *** لا زال فـيهـم مـثـل أبـو زيـد وذيـاب مـن طـاب منهـم هـو ذرايـه وضلـي *** عن الهجير الـلي من الشوب لهـّاب والمجـد الـلي لـروس القبيلـه يعـّلي *** فـعـل الـرجـال الـلي تكنـّوا بالألقـاب مصـدر فخـرنـا فـي زبـون الـمتـلـي *** يوم المعازم والقـرى شلف وحـراب نـفـخـر بـعـلـم الـلي بضيـفـه يـهـلي *** منصى لهتاش الخـلا وقـت الأجـداب ونـعـتـز بـالـلـي خـاطـره مـسفـهـلي *** يضحك حجاجه يوم تشتد الأعصاب ونـعـتـز بـالـلي لـلـمـشـاكـل يـحـلـي *** لا جـاء لـزومـه مـا تـعـّذّر ولا غـاب ونـعـتـز بـالـلـي جـارهـم مـا يـمـلـي *** نفخـر بطـاري علمهم عنـد الأجنـاب ومـن كـان فـض وقاسي القلب خلي *** يـفـقـد شغـاميـم الـرفـاقـه والأقـراب والـرس مـا يـبـهـج ضميـر الـمـدلي *** نبعـه شحيح وقاعت الـرس جبجاب 174 قال عبدالله بن دهيمش بن عبار هذا المقطع من قصيدة : عـلـم النسب مـا يتقنـه كـود عـرّاف *** الـلي شهـد لـه في بياض الصحيفه الـلي نـقـل حـمـل الأمانـه بالأكتاف *** يـعـتـز بـالـعـزوة ونـفسـه عـفـيـفـه من طاب حظّه منهجه عدل وأنصاف *** ولا يـظـلـم الأجـواد كـود الهـديفـه دولـة بـني عثمـان وشيوخ الأشراف *** بعـصورهـم تـعـرف قبيلـة مخيفـه حـنـا عـنـزة يـوم المغـازي والأنكاف *** رجـالـنـا يـنـحـى عـدوه بـسـيـفــه حنـا عنزة يوم الضعن يتلي الأسلاف *** مـا نـنـزل الا بـالفيـاض المـريـفـه الصقري النجـدي وصفنـا بالأوصاف *** نـلـنـا المفـاخـر بالفـعـال الشريفـه صلـنـا مـن الشنبل لـيـا ديـرة خساف *** ومن شرقي الحاوي لوادي حنيفه فـي كـل ديـرة دوجّـت حـم الأشعـاف *** ترعى حمـاهـا بالسيوف الـرهيفـه يجنب لها الـلي ما تزحزح ولا خـاف *** غوش لهم دحـر المعادي وضيفـه 175 وقال عبدالله بن دهيمش بن عبار هذ المقطع من قصيدة : مجـد عنـزة مشتهـر بـيـن العـرب شايـع والـلي عـبـث بالنسب بالـزور مـا أنطيعه أعـتـز فـي عـزوتـي بـواجـت الـخــايــع مـوحش فجـوج الفـلا يمشون مع ريـعـه أهـل الـبيـوت الـذي يـفـرح بهـا الجـايـع ويــلان رجـالـهــم يـبـعــد مــرامــيـعــــه شجعـان يـوم الحـمـر من خصمهم ثـايع مـا نـال مـن جـمعـهـم مـن راد تـرويـعـه 176 وقال عبدالله بن دهيمش بن عبار هذ المقطع من قصيدة : عـزوة الـويلان مـاهي مستعـاره *** وأبن وايل ما ايتسمّى بغير جده ماضي التاريخ وضّح في اخباره *** مـن قديم العهد ما هـي مستجدّه قـلـتـهـا والحـر تكـفـيـه الأشـاره *** من تبرّى من القبيله خاب سـدّه من تعّبث بالنسب وأصدر قراره *** عـن مقاصـد غـايتـه لازم نـحـدّه من تعـبّث بالنسب نقصر مساره *** صاحب التزوير عن قصده نرده وايـل الـويـلان رديـت أعـتـبـاره *** والـرجـل يعتـز فـي ساسه وبـدّه وايـل عـنـزة مـحـلّـه بالـصـداره *** ومن غلط ملزوم يوقف عند حدّه من وصف جـد القبيلة بالحـقـاره *** ماضي التاريخ هو خصمه ونّده جدنـا مثـل الجبل صلب الحجـاره *** شامخٍ فـوق السهال المجـرهـدّه ومجدنا الموروث ما نقبل دماره *** للخصيـم عـيـال وايـل مـستـعـده والجد الـلي بزعمهم تم أختيـاره *** كـل من سلسل جـدوده مـا يـعـّده المـديح لعـزوتي مـاهـو خسـاره *** يـوم عصر السرّج وأيـام الأشدّه نفتخر بأهل الشجاعة والجساره *** والـعـلـوم الـزايـفـه بـابـه نـسّـده المـوّقـر محـتـرم يفـرض وقـاره *** والخـزي كـل الخلايـق مـا تـوده 177 قال عبدالله بن دهيمش بن عبار هذا المقطع من قصيدة :فـي ضميري هاض مكنون الـروابـع *** وابتـديت الشـور مـن تفكيـر راسـي اكـتـب الـتـاريـخ وانـشـر بالمـطـابـع *** وأشـرح الـواقـع وأذكّـر كـل نـاسـي القصـر لـه ساس والـمـاء لـه منابـع *** والنسب ثـابـت مـثـل شـم الـرواسي الـقـبـيـلـه مـا نـســبـهــا بـالـتــوابـع *** النسـب بـالـجـد مـاهـو بـالجـنـاسـي فـي زمـان الجـوع وحـفـاة الضنـابع *** نـجـد والحـرّه هـي المـلـك الأساسي مـاضي التـاريـخ بالبـصمـات طـابـع *** مـا حـصـاه أنسان بالـوقـت القياسي والشراع الـلي مـن العاصوف قـابـع *** يلـزمـه مجـداف مـن أجـل التـواسي مـن تـوثـق مـا عـليـه مـن الـزوابـع *** لو تـلـوذ اعـداه بأصحـاب الكـراسي خـطـو جـاهـل مـا يـعــد لـجـد سـابـع *** يـدعـّي بـاغـلاط والمقـصـد سياسي الغـضـنـفـر مـا يـخـومـر بالمـضابـع *** والوحش سرحان ما هـاب العواسي 178 وقال عبدالله بن دهيمش بن عبار هذ المقطع من قصيدة : ذكـر عـنـزة مبـطـي مثـبّت ومـنشـور *** مـن يـذكـر ويـقـدم وجـلاّن وهـمـيـم اسـم أمهـم في كتب الأنساب مـذكـور *** سلمّى وأخوها بالنسب يـذكـر سليـم يـذكـر ويـقـدم خـالهـم نسـل منصـور *** مـن قيس بن عـيلان مبطي مقـاديـم هـذا الوكـاد الـلي مسجل لـه عـصور *** بكتـب النسب مـاهي هقاوي وتوهيم عـزوه عـريقه مابهـا نقص وقـصور *** ولا نطيـع من رهّـم لها جـد تـرهـيـم بـشـر وضـنـا مسلـم لـتـاريخهـم دور *** مـن ديـرة الحـرّة الـيـا شرقي قـديـم 179 وقال عبدالله بن دهيمش بن عبار هذ المقطع من قصيدة : مـا نطاوع الـلي لنسب عنـاز باتـر *** حـنـا بـني وايـل ومن نسل عـامـر عـلـم النسـب بالمجتمع لـه دكـاتـر *** ولا يفرض المخطي علينا الأوامـر الـجـد يـورث مـنـسـبـه بـالـتـواتـر *** مـاهـو طـمع يسبق عـليـه المغامر مجـد عـنـزه وأنـسـابها بـالـدفـاتـر *** وعـلـومهم سولف بهـا كـل سامـر عـلى النـضّـا قـبـل وجـود المواتـر *** باجوا من الحـرّه اليـا ديـار حامـر شجعـان فـي يـوم الكريهه عـنـاتـر *** بالكـون يصلـون العـدا بالمجـامـر وعـنـد اللقـاء مـا يختفون بسواتـر *** والنعـم والـلـه بالـرجـال الغشامـر والضيـف يقـرونـه ضخيـم الفتـاتـر *** لا ضافهم جوفه من الجوع ضامر ويوم الجفـا والجوع للناس غـاتـر *** صـوت ونـادى بالـعـشا جـد ثـامـر 180 وقال عبدالله بن دهيمش بن عبار هذ المقطع من قصيدة : صحيح النسب موروث من جيل يملأ لجيل يـدرّس مـن الأجـداد لأحـفـادهـم تـدريس مـصـادر نسـبنـا لـيـس بـمسلسـل التـمثيـل جذور الأصل تأصيل والساس له تأسيس ثبوت النسب بالحـمـض مـا يلـزمـه تحليـل عـنـزه لـهـا تـاريـخ مـن دور طـي وقيس مـسـلـم وبـشـر دوم مـا يـقـبـلـون الـمـيــل الـلي جالهـم صوال يـدبـر عـقـب ما ديس قـبايـل وهـب وجـلاس وعـبـيـد ثـم سهيـل أهـل نـخـوة وفـزعه وعـنـد اللقاء فـرّيس زمـان مـضى لعـناز تشهـد سـروج الخـيـل ويشهـد لهـم مـا شد فوق النضى والعيس أقـولـه وأنـا وضحـّـت بالشـرح والتفصيـل اكـافـح ومجهـودي يكـرّس لـهـم تكـريس أقـدر ثـنـاء المنصف على الجهد بالتبجيـل ولا يجحـد المجهـود كـود النـذل والهـيس 181 قال عبدالله بن دهيمش بن عبار هذا المقطع من قصيدة :يـا مــدّاح عــيــال وايــل لا تــهـــوّل *** مـن قـديـم افعـالـهـم مـاهـي جـديـده كـل عـنـزي يـفـتـخــر بـالـجــد الأوّل *** عـامـر الـلي بـاد خصمـه بالحـديـده أشجع من الزيـر وأوفى من السمّول *** من أسـد الغـاب مـن هـاك الـولـيـده عـقّـب الـلي من سببه الجـمع صـوّل *** من غـدر بـه بالحـدب قصّوا وريـده ثـوّع الـدّم الـحـمـر والـضـول ضـوّل *** مـن خـزيـمـه يـوم صـرّح بالقصيده مـا رضـوا بالظيـم والقـارض يـغـوّل *** سجّـل الـتـاريـخ مـفـعـول الـبــديـده نـذكـر الـواقـع مـا هــو قــول يـقــوّل *** حيـث افـعـال جدودنا مبطي مجيـده مـا انـتسمّى بـالـجـدود ولا انـتسـوّل *** فـعـلـنـا المشهـود يـكـفيـنـا رصـيـده حـنـا عـنـزه عـن نسبنـا مـا انتحـوّل *** والـجـد الـلي بـالأعــاره مـا نـريــده مـا نـخـيـل اشـبـاح بـالـبـيــدا تــزوّل *** نـعـتـمـد مـا ورّث الـجـد لـحــفـيــده مـا نـسـيـنـا كـل مـسـتـشـرق تـجـوّل *** مـن عـناويـن الفخـر سجّـل بـقـيـده ومـن يحـرّف بالنسب مـاهـو مخـوّل *** مـار مـا ينقـص فـخـرنـا ولا يـزيـده والصحيـح الـلي لعنق الـراس طـوّل *** من فعـل اللي علومهم راحت بـعيـده ومـن ركـب كـور الشـداد وثـم حـوّل *** هـقوتـي سـمعـة جـدوده مـا تـفـيـده مـثـل مـحـثـول الحميل أن كـان ثـوّل *** ثـنـوتـه مـا يـنـتفـع بـه مـن يـعـيـده يصعـد الـلي أكـتـال بالـعـز وتـمــوّل *** ومـن يحـوش الطايله يظهـر حميـده وأحـمـد المولى تحـت ضـل الـمعـوّل *** حافضيـن الـديـن وأركـان الـعـقـيـده 182 وقال عبدالله بن دهيمش بن عبار هذا المقطع من قصيدة : وش يـبـون الـلي نسبنـا حـرفـوبـه *** كيـف وايـل مـن جـديـلـه جـايبـينـه أبن قاسط يا جـماعـه كيـف جـوبـه *** مـنـهـم الـلـي للـقـبـيـلـه نـاصبـينـه عـلمـوني جـدنـا وش هي عـيـوبـه *** واخـبـروني لـيش وايـل عـايـفينـه قـالـوا أنـه كـان نـكــره مـا دروبــه *** وأبن قاسط منـذ خلـقـوا عـارفـينـه جـد عـنـزه وش بـلاهـم حـقـروبــه *** وصفـوا وايـل بالأوصاف المشينـه من عـذرايب النقايص وش لقـوبـه *** كـيـف يا مجاف المحن مستنكرينـه وايـلـي مـاقـيـل بـه خيـبـه وكـوبـه *** وايـل الـلـي عـزوتـه مـتـوارثـيـنـه جـد عـنـزه كـل الأجـيال اعـتـزوبـه *** مـوطـنـه مبـطي بـحـرات المـدينـه جـدنـا الـلي ضنـا عـنـاز فـخـروبـه *** شبـل أسـد الـغـاب مـربـاه بعـرينـه خاب من يسمع كـلام الـلي حكوبـه *** جـد فـي كـل الـمـصـادر ذاكـريــنـه ما دروا من عاف جـده لـه عـقوبـه *** الـرسـول وكـل صـحـبـه لاعـنـيـنـه كـيـف تـقـل بـوايـل الجـد مهـزوبـه *** مـع عـراقـتـهـا نسبـهـا مـزوريـنـه وايـل الـويلان مـهـمـا شـهـروبـــه *** جـد عنـزي عـاش مع وايـل سنينه حـيـث تغييـر الحقايـق بـه صعـوبه *** ولا ذكـر جـد الـقـبـايـل مـشتـريـنـه يـشهـد بـمـا قـلـت تاريخ العـروبـه *** كـل مـنـسـب بـالـكـتـاب مـدونـيـنــه 183 وقال عبدالله بن دهيمش بن عبار هذ المقطع من قصيدة : عـلـم النسب تـورثـه جـيل مـن جيل *** وأصل عـنـزة ثـابت ولا فيه شكّـات ما فيه اللي يرغب عن الساس تبديل *** حنـا عنـزة منـذ العصورالقديمات بـني وهـب وجلاس وعبيـد وسهيل *** من صلب وايل والحقايق لها أثـبات والحاضره مـنـا شخوص ومشاكيل *** مبطي لهم في نجد صولـه وجـولات 184 وقال عبدالله بن دهيمش بن عبار هذ المقطع من قصيدة : ولا الكتاب الـلي بـه جذوع وفـروع *** فـخـر وتـفخـر بـه قـبـايـل ربـيـعـه الحـمـد للـمـولى مـوزّع ومـطـبـوع *** والقـول مـن دون الحقايق خـديـعـه أبعـد عـلى الحسّاد من حبّـة الكـوع *** لـو حـرضـّوا ضـدي يـبون الوقيعـه يشمل نسب عزوه جماعات وربوع *** دوم لبعـضهـم كـالحصـون المنيعـه المنسب الـلي لجـذم عدنان مرفـوع *** مـا بـينهـم مـن دور عـامـر قطيعـه فيه الـذي يـوم الوغى تنطح جموع *** من هـازهـم ضاقـت عـليه الوسيعه وفيه الذي لا صار جـردات وفـزوع *** بالـكـون تـلـقى جـمـعـهـم بالطليعـه مادام جهـدي شـاد بـه طايـل البـوع *** وبـه يفخرون أهل الهداف الرفيعـه والـلي بصدره أسود الـران مزروع *** أهـل العـقـول الفـاهـمـه مـا تطيعـه حكي الخطأ ماهو مصدقّ ومسموع *** لـو روجوه أهـل العـلـوم الوضيعـه من فضل ربـي دابـر الشـر مقطـوع *** الـظـلّـم يـأتـي بـالـعـلـوم الشـنيـعـه 185 وقال عبدالله بن دهيمش بن عبار هذ المقطع من قصيدة : عـنـاصـر الأنـسـاب صـارت كــوادر *** ومـن زوّر الأنـسـاب مـا يمنعـونـه الـلي نـوى لمـجـد القبـيـلـه يـصـادر *** عـنـاز واجـب خـطّـتـه يـرفضـونـه من قبـل قيل الضرس لـو كان خـادر *** مـا أظـن يبـرى كـود هـم يقلعـونـه مـن يـظــلـم الأجــواد لـيـتـه يـغــادر *** لاخـيـر بالـلي عـزوتـه يكـرهـونـه مـهـمـا يـحـاول كــل ظـالــم وغــادر *** مقصودهـم هـيهـات مـا يحصلونـه عـنّـاز مـا عـاشـت بـجـزر الـفــوادر *** كـل الـعـرب تـاريـخهـم يـذكـرونـه والـلي جهـل يـلقـا الخبـر بالمصادر *** بـلـدان نـجـد جــدودهـم يــنـزلـونـه مضـر وقضاعـة مع رجـال الجحادر *** تـشهـد لـهـم والحـق مـا ينكـرونـه يـامـا بضنـا وايـل شخوص ونـوادر *** عـنـد الـلـقـاء عـدوهـم يـوصلـونـه الـلـي عـلـى عـلـوم الـفضيله تـبـادر *** والطيـب مبطى والفخـر يـدركونـه الحيص ما عـزمـه عن الشيـل فـادر *** والحـر مـا يـرضى بـذل ومـهـونـه والـلي عـلى الأنصاف والعدل قـادر *** سلمـان هـو عـز المواطن وعـونـه الـحـاكـم الـلـي لـدم الأضـداد هـــادر *** أبـو فـهـد شعـب الجـزيرة يصونـه يـدعـس عـلى خشوم العـدا بالكنـادر *** وأولاد وايـل تـنصـره مـا تـخـونـه 186 وقال عبدالله بن دهيمش بن عبار هذ المقطع من قصيدة : من خط حرف الغلط لابد من شطبه *** من حيث موروثـنا ما جاز تحويره موارث جدودنـا هـو كيف يغـلط به *** لاشـك مـن حـرفـه ملـزوم تحذيـره حنا عنزة مجدنا ما احد أيتخبط بـه *** وايل لنـا عـزوة وبالمجد لـه سيره من خيبر الحرة اليا شرقي الرطبـه *** لسلوك تشهد لنـا السكان والديـره كـم ديـرة ذودنـا داج وتـمـغـط بـــه *** من طور سينا نبوج لقبلي مغيـره يا اللي تلم الحطب بالليل لا تحطبـه *** صعب بظلام الدجى جمعه وتغميره العـلم مثـل البحـر من قـال حوطبـه *** غـلطان مـا يـدركه لـوعـد تقـريـره 187 وقال عبدالله بن دهيمش بن عبار هذه الأبيات ملخص قصيدة : مـن قـال ابـن عـبـار فـرّط بـوايــل *** حـظه ضعيف وتايـه البصر غـادي لا تصدقونـه يا شخوص الحمـايـل *** مالـه سنـد يمشي عـلى غيـر قادي الـلـي كـتـبـتـه لـه اسـنـاد ودلايــل *** مـن واقـع التـاريخ عـنـدي مبـادي الصـدق يـبقـى دوم والكـذب زايـل *** ولا يـحـرف الـتـاريخ درد ودوادي مـانـي بحـال الـلي يـكـن الدغـايـل *** اهـل الـدسايـس والكـدر والنـكـادي دونـت جـزلات العـلـوم الصمـايـل *** والـلي تجاهـل مـا يشوف اجتهادي ما جبت من عندي علـوم هـزايـل *** وخلـط النسب مـا يعتبر شي عـادي وايل من عصور الجـدود الأوايـل *** الـعـزوة الـلـي دوم دونـه نـفــــادي هو جدنا اللي بذكره الراس طايـل *** معـروف عـنـد الحاضرة والبـوادي وعتيـق مـن أسلم ويـذكـر سلايـل *** نسل عـنـزة هـذا الصحيح الوكادي حـنـا عـنـزة بـشهـود كـل القبـايـل *** لـنـا الـفـخـر مـنـزالـنـا بـالـشـدادي تاريخنـا أبيض في جميع الفـوايـل *** نـاصع بـيـاضه مـا غشاه السوادي وبـكـرٍ وتـغـلـب طـيـبـيـن الفعـايـل *** أولاد عـم ويـدحـرون الـمـعـــــادي والـلـي يـدوّر عـن اجـدوده بـدايـل *** مثـل الـذي يـتـبع سـراب الحـمادي التعديل الأخير تم بواسطة عبدالله بن عبار ; 07-16-2021 الساعة 07:09 AM |
|
|
|
|
06-17-2021, 10:10 AM
|
#13 |
|
صاحب الموقع
تاريخ التسجيل: Mar 2008
المشاركات: 10,243
|
[SIZE="6"][CENTER]
الحلقة الثالثة عشرة 188 وقال عبدالله بن دهيمش بن عبار هذ المقطع من قصيدة : حنـا عنـزة ما هـي تخامين وظنون *** مـن صلب وايـل من سلايل ربيعــه ما مجدنـا بفـلـم المهلهـل وشيبـون *** ولا صيتـنـا بتعليق خطـوا المذيعـه تـمثيـل فـلـم الـلي تمكيـج بصالـون *** فـي شاشـة التـلـفـاز يجـهـر لميعـه تاريخنـا مبطي لـه الـنـاس يـقـرون *** والـلي تـخبـط بالنسب مـا نطيـعـه القـرطـبي يشهـد لنـا وابـن خلـدون *** مـثـل الجـبـال الـراسـيـات المنيعـه مـرويـن من دم العـدى كـل مسنـون *** والـلي يـنـاطحنـا يـعـود بفـجـيـعـه أولاد وايـل بالـلـقـاء تـقـحـم الكـون *** وأن عـدوا الأبـطـال هـم بالطـليعـه الصيـد مـنهـم بالـفـعـال يـتـبـاهـون *** معهم من شخوص الحمايل وديعـه وديعـة مبطي لهـا عصـور وقـرون *** مـا يـقبلـون الـمخطيـة والهـزيـعـه وأنـا مـن الـلي للقبـيـلـة يـحـامـون *** وأفـخـر بالـلي لـه الحـميـه طبـيعـه أقـولهـا ومـن جنب الحق ممهـون *** لابـد مـن كشـف الـدجـل والخديعـه الحـر مـا يصبـر على الذل والهـون *** يشفـق عـلى رقـي الجبال الرفيعـه عـلى الكتاب أجـواد عـنـاز يـثـنـون *** ولاني بحال أهـل الهداف الوضيعة ولا العفون عفون من ماكر عفـون *** مـن يـبذل المجهـود تـنكـر صنيعـه من غير خلاق الملأ ما طلب العون *** ومـن لـه قضيـه يحتـكم للـشريـعـه 189 قال عبدالله بن دهيمش بن عبار هذا المقطع من قصيدة :سـر يا قـلـم خـط الرسالـه وطرشّهـا *** للعـزوه الـلي في ضميري معزتهـا الـعـزوه الـلي لـلـمـراجـل تعـطـشّهـا *** يوم المغازي ترهب القوم نخوتهـا كـم من عقـيـداً عتات الهجن ليشهـا *** دايـم عـليهـا سـراة القـوم يـذعتهـا روس الأعـادي فـي حسامه يفقشها *** وشلفاه يروي حزت الكون حربتها عـنـاز تضهـد باللقاء من يهاوشهـا *** بالكون عـدوانهـا تخـشى عداوتهـا عـدوهـا الـلي حـداه الـزوم وابلشها *** عقب العـداوه صار يطلب صداقتها ستـر الهنوف الـلي تلامع غـوايشها *** برواحهم يفـدونهـا يـوم صرختهـا والقـوة الـلي فعـل الأبطال خارشهـا *** كانت تهاب جموعهم رغـم قـوتهـا الدولـه الـلي جيشها الناس طفشّهـا *** مـا يخضعـون أولاد وايـل لسلطتها تـدوج بالصحراء وتدعس هوايشها *** مـاهـمها حضف الأفـاعي وحـيتهـا وجـودهـم فـي ديـرة القـوم ينعـشهـا *** تنعم بأمن وهـاجس الخوف فاختها عـنـاز حـتى ديـار الأفـرنج تدهشهـا *** تكتـال من ميـرها وترجع لديـرتهـا بـالـحّـره السمرا مـرابـد عـرايـشهـا *** خـيـبـر مـقـر أولاد وايـل ومـنبتهـا نخيـل خـيبـر زمـان الجـوع عيشهـا *** كـل عنزة تجني من اثمار غرستها جـميع مـن ألـف بـوصفـه تـناوشهـا *** سجـل فخـر مجـدها وشاد بحميتها مـن غـش سـادات القبيلـه وخيشهـا *** قصده يبي يخلف نسبها وعـزوتها ما نطاوع اللي علوم الزيف حوّشها *** أصـل عـنـزة كـل المصادر تـثـبتها كيـف عـنـزة جحـد فخـرها وهمشّها *** عـبـث بتاريخهـا وحـطّـم كـرامتهـا فـرّق شعـبهـا بالـقبـايـل وطـششـهـا *** بـالـزعـم صنفهـا شـراذم وشتـتهـا كـل عنـزة من منصب المجـد فنّشها *** حـاول يقـلـل شانهـا عـقـب هيبتهـا من ضـاع ملـزوم المصادر يفتشهّـا *** نـقـولـهـا وأنـظـار الأجـواد نلفـتهـا من خاض بأنساب القبيلـه وناقشها *** الألسـن الـلي حكـت بالـزور سكّتها عـوج الهروج اللي سمعها يطنشها *** سود الضماير ما يجـب رفع قيمتها والمنصفه ما طاوعت مـن يحرّشها *** الحـق تصـدح بـه وتـبـدي مـودتها قـولـوا لمن هو لهيب النار يوحشها *** يردم عليها من الحطب لجل شبّتها الـلي الفتن ما بيـن الأقـراب ينبشّها *** حـيثـه يحرّض يـبي تفكيك وحدتها الـلي جـداه لحـوم الأمـوات ينهشها *** يسـب بـجـدود الحـمـايـل ويشمتهـا الـلي السوالف دون علـم ايتخمشها *** حكي الخطأ يسمج علومه ويبهتها 190 وقال عبدالله بن دهيمش بن عبار هذ المقطع من قصيدة : يـا جـمـاعـه مـا بـدا الـتـاريـخ تـوّه *** ولا أخبـر جـد القبيلـه صار سلعـه ساسنـا عـنـزة ويـا نـعـم الـسـمـّوه *** مثـل حـيـد طويق ما يهـتـز ضلعـه ذكر عنـزة مـن قبـل عصـر النبـّوه *** والعـروق الثـابـتـه مـا جـاز شلعـه عـزوتـي تـاريخـهـا مـا هـو مشـّوه *** نترك الحلف الضعيف بألف قـلعـه الـقـبـايـل بـيـن ضعـف وبـيـن قـّوه *** والـزمـن يأخذ بهـم نـزلـه وطلعـه بعـنـزه تـلـقى الشجـاعـة والمـرّوه *** بالـمـلاقى خصـمهـم يـزداد هـلـعـه مـن صعد راس الطويله مـا تـمـوّه *** يرقـب المـرقـاب مـا يخـمـر بتلعـه مـا أنـتسمى بالـجـدود ولا انـتـفـّوه *** وحنا ستر الـلي لبس بالجيد دلعـه وأن عـلا صوت المنـادي والمـدّوه *** باللقـاء والـريـق مـا ينطـاق بلـعـه كـان نـيـران الـمعـامـع شـب ضـوّه *** نـقـتـرب منهـا وتطـفي كـل ولـعـه نـرشـد الـلي تـاه عـن منهـاج نـّوه *** لا يـقـطـّع عـزوتـه تسعـيـن مـلعـه لـيـت من حـرف نسـبنـا كـف سـوّه *** ما نبي يظهر براس المجد صلعـه عـن لـغـا الشامـت نسـدد كـل هـوّه *** والمغطى نـتـركـه مـا نـريـد جلعـه والرجـل يعـرف صديقه مـن عدوّه *** مـا يصادق من جفـاه يـريـد خلعـه 191 وقال عبدالله بن دهيمش بن عبار هذ المقطع من قصيدة : يا أبـو عـمـر موقـع العبّـار نـوّر *** يوم وافيته يا أبن صنعا مسيّـر التقي لوهو من الحوع ايتضّور *** ما يجـامـل لا بشـيـر ولا بشيّـر مـن جهّـل مجناه للتاريخ حـّور *** ولا يضم العـلم من عقله صغيّر ما نـقـر الزيـف والقول المزوّر *** حيث حبل الكذب يا عالم قصيّر من جهـل ملـزوم يقـرأ ويتـنوّر *** ومن تجاهل عزوته يمكن يعيّر مهمـا زاد العـلم والعالـم تـطـّور *** النسب ثـابـت ولا ظـن يـتغـيّـر مـن تكهّـن أو تخـيّـل أو تصـوّر *** لـو طـلـب دليـل يبلش ويتحيّـر أنصح اللي قل عـرفه لا يتهـوّر *** بالجـدود الفـانـيـه كيـف يتخيّـر يجحد اللي كان قبس الملح ثوّر *** من يشاهد جمعهم هاب وتذيّـر هـم عنـزة كـان قـدر الشر فـّور *** بالمعـامـع يحتـمون أم الحويّـر الفخـر بـه طايلـه مبـطي يـدوّر *** مثل فعـل الباز بالسرب المطيّـر 192 وقال عبدالله بن دهيمش بن عبار هذه الأبيات : العاقل من الناس يفرق عن الجلف *** ومن حـّرف التاريخ يحتاج خازم الـصدق يبقى والغـلط ينقلف قـلـف *** والحق يا أهل العرف للظلم هازم خل الذي ضحكه مثل دقـّت السلـف *** نـوبٍ لـك يـكـشّـر ونـوبٍ يـبــازم أبي أخبر اللي قلوبهم بالجهل غلف *** لابد من موقف عن الـزور حـازم الـلي على وايـل جديلـه بهـم ولـف *** حنـّوا كمـا حنّت قـلوص العـرازم ماهرجهم به صح واحد من الألـف *** والكل فـي تحريف الأنساب جازم الـلي يعود أربع عشر قـرن للخلف *** يبي عنـزه تدخل مع الحلـف لازم حنـا عنـزة مـا ننتحل جـد بالحلـف *** هـامات مـا حـنـا لـك الـلـه لهـازم حنا عنزة لا غـط بالغـارب الضلف *** حـنـا مدابـيس الـوغـى بالمـوازم حنـا سطام الضـد بالموقـف الكلـف *** لنـا الفخـر عنـد اكتـراب المحازم ولا سمك عج الرمك بالهوا الصلف *** والخيـل تـرهـم والعشايـر تـرازم اليـا تلاقوا عصم الأشناب بالشلـف *** قمنا على حدب السيوف انتعـازم 193 وقال عبدالله بن دهيمش بن عبار هذا المقطع من قصيدة : هـو كيف نرضى يلفق جدنا الزايـف *** وشلون نقبل تصير العصبه أعصابه ما نطاوع الـلي لوايـل جـدنـا عـايف *** من عاف جده تحمّل لمز اللي عابـه 194 قال عبدالله بن دهيمش بن عبار هذه القصيدة يوضح بعض النقاط : من زمان الصنادق قبل خمسين عام *** التـقي في مجالس بـني وايـل عموم وأتلـقّى الحقايـق مـن صدوق الكـلام *** كل رجلٍ مجرّب عن الكذب محشوم أحتفظ بالمصادر عـن شمات الـلئّـام *** من نجح في مسيره حاربوه الرخوم كـل خفّـاش يكتـب بالدجـاء والظـلام *** في مهـاجيه كاذب والخطأ مـا يـدوم وأحـمـد الـلـه مسيري متجّـه للإمـام *** ومنتبه وأتحـرّص عـن حقـوٍد يلـوم أجتهـدت وجهـودي ثمنـوهـا الكـرام *** أفـتخـر بالحمايـل وأعتـزي بالقـروم لـي مـلاحـم طـويلـه قـلتهـا بأهـتمـام *** في مديح الشخوص وناقلين الختوم ومن طعن بالحمايل في كتاب وكـلام *** الحقوق محفوظـة والجميع محكـوم من طعن بالحمايل حاز عيب وحـرام *** هم حجا من نصاهم في نهار اللّزوم مـن يسـب القبـايـل يـرتـدع بالنـظـام *** الزعيم أخـو نـوره رد كيـد الخصوم قلت في مدح عـزوه من عيال العمام *** عـزوة أولاد وايـل حافظين السلـوم عـزوة أولاد وايـل بـالقـبـايـل سـنـام *** بالفخر منزلتهـم فوق سطح النجـوم فـي زمـان المعـامع كـان ثـار الكتـام *** ضـد من هـد صايـل مـر كبـده يـزوم يوم كسب المفاخر بالنمش والحسام *** مـن يـجّـرب لقاهم منكسر ومهـزوم نسـل عـنـاز فـيـهـم كـل بـطـل هـمـام *** يدحرون المعادي كان صار الهجوم مثـل مسواط بقعا راعي الجوفا دهام *** شيخ عـزوة صليبه لا تناخوا بـروم 195 قال عبدالله بن دهيمش بن عبار من شعر التصدي للحمله المغرضه :يالـلي تلـوم أن كنـت غـلطـان لمـني *** أن كـان قـولـك حـق مـاني بلايمـك وكـانـك بتحـريـف النسـب تـتهـمني *** لـومك عـلى الـلي بالهرابيد وهمّـك مـن يـفهـم أنسـاب القبيلـه فـهـمني *** وأن كنـت جاهـل بالحقايـق انعـلمك جـميع منصـف بالمشاعـر دعـمـني *** غيـر أنـت يا قطاع زندك ومعصمك يا حيف أنا بك خـاب ظـني وخـمـني *** أنـكـرت مجهودي عسى الله يسلمك الـلـي حـفـظ أمـنـك تـكــفّـل بـأمـنـي *** واللي حكمني قاضي العـدل حاكمك كانـك تريـدني أحتـرمـك احتـرمـني *** أعرض وشين الهرج لا يلفظه فمك الـلـه حسيب الـلي بـقـولـه ظـلمني *** الـلي جـداه الـزور والهيـف والنمّـك هـرج التجني والخطـأ مـا هضمني *** ولا اوافق اللي يدمكون النسب دمك عـن الـزلـل رب الخـلايـق عصمني *** الـلي سماه بـلا عمـد سامكـه سمـك 196 وقال عبدالله بن دهيمش بن عبار هذ المقطع من قصيدة : يالـلي تقـولون أن عـنـزة منقـرضه *** وتـبـون في زعـمكم قـومٍ تعـوضها نعيـذهـم بالـذي مـد وبـسـط أرضـه *** ما تـنقـرض لابـتي مولاي يحفضها من فرض رأي الخطأ مانقل بفرضه *** ما نسمع اللي علوم الزور يلفضها والـلي عبـث بالنسب لابـد نعتـرضه *** مـن زوّر أنسابنـا دعـواه نـرفضها اليعربي منسبه يحسب مثل عـرضه *** نعـتـز بجـدودنا والـروس ننهضها ما جالنا المجد بالتسليف والقـرضه *** وكان عنـزة نايمه ملـزوم نيقـضها أن كان دقت طبول الحرب بالعرضه *** وتلاقت جموعهم وإبليس حرضهّا فيما مضى المعتدي نفناه وانحرضه *** واليـوم ربـي دعـاة الشـر قوضها أهـل القلوب الـذي بالحقد منمـرضه *** سود الضمايررموز الظلم نبغضها 197 وقال عبدالله بن دهيمش بن عبار هذ المقطع من قصيدة : واليـوم كلـن صـار مثـل أخـو شمّى *** يبي الفخـر ولـراحت الكـف باسط حـنـا بـغـيـر اجـدودنـا مـا انـتسّـمى *** حنـا عنـزة ما ننـتحل نسب قاسـط يالـلي مسامعـكم عـن الحـق صـّمى *** ما تعـرض جدود العرب بالمباسط الـزيـف يـبـطـل والحـقـايـق تـنـمّى *** والبيـت ما يبنـا عـلى غـيـر واسط والـلي عـن المعقول بصره مغـمـّى *** طـاع الـذي مقـول لهـاتـه يـمـاسط مثـل الـذي فـي مظـلـم اللـيـل ومـّى *** بالحنـدس الـداجي يدور المواسط 198 قال عبدالله بن دهيمش بن عبار هذه الأبيات لتبصير من تأثر بالأشاعات : في كـل محفل نستمع هـرج ما يليق *** عـوج السوالـف بالوسايل يـذاعـن راجـت عـلـوم ملفّـق الهـرج تلفيـق *** أفـكـاره لـبـدع الخـرافـه انـصاعـن كيـف الخبـر ينشر مـزاري وتعليـق *** ويـروج ويصدّق بـشاعـات شاعـن بعـض العـلـوم تفـرّق الشمل تفريق *** مـظمـونـهـا خـلا القـرايـب تـلاعـن أنـسابـنـا مـاهـي تحـالـف وتلصيـق *** من وقـتنا الحاضر لعصر الفراعـن مـن زل سـديـنـا عـلـيـه المنـاطـيـق *** ولولا الكفاح أمجاد الأجواد ضاعن الصّـدق يـعـرف عـنـد كـل المخاليق *** حيـث الحقايـق بالنـواظـر يـراعـن فـخـرنا بالـلي زبنـّوا ناشف الـريـق *** حـمـوا بـنـاتـه يـوم بـالـدو سـاعـن هاني دخـيلـه زبـنـه سـاعـة الضيق *** وشيخ اللهازم قطع بطن الضواعن خوض المعامع بالـرماح المزاريـق *** وبحدود صفحات الهنادي مطـاعـن أفـعـال شجعـان الـقـروم الـهـداليـق *** يـوم الغـوالـي كـالجـلايـب يـبـاعـن النصّر ماهـو براحـة الكـف تصفيق *** بالشلف الـلي لقلوب الأبطال راعن مـا نفتخر في قول ما يخوف الهيـق *** ولا يجفـّل الـلي بالحضايـر يعاعـن 199 قال عبدالله بن دهيمش بن عبار هذه الأبيات من شعر التصدي للحمله :وش مقصـد الـلي في نسـبنا يتلاعب *** ويـحـط مـابـيـن الـقـبـيـلـه فـوارق تاريخ ماضينـا عـلى الغـيـر صاعـب *** مثل القمر نوره على الكون شارق عـنّـاز سـتـر المحـصنات الكـواعـب *** يـوم الفشق لآجساد الأبطال حارق كان الخصيم لسابق الهجـن شاعـب *** وقـت المعـامع يكسرون البـيـارق الجمع الـلي لجموع الأضداد راعـب *** عـوق الضديد مطوعت كـل مـارق أولاد وايـل يـلـتـقـون الـمـصـاعـــب *** فرسان وأن لاحوا بسرج المعارق بالـكـون يـكـدون العـتـاه الجـراعـب *** فـوق الـذي تسبق شراع الـزوارق يوم الحمـر من مطعن الرمح زاعـب *** أركـوا عـليـهـم حـاميات المطـارق ويـوم القـرى يـوزن بصاع المثاعب *** والوقـت مقحط ما لمع فـيـه بـارق من ضافهـم يرتاح عـقـب المتـاعـب *** يفـرح بهـم يوم الجفاء كـل طـارق [color="navy"200 وقال عبدالله بن دهيمش بن عبار هذا المقطع من قصيده :
يــا عـــزوة الــويـــلان لابـــد لابــــد *** لابــد نـيـقـض كــل مـن كــان راقــد وش مقصـد الـلي زوروا لعـنـزه جـد *** صـار أيـتـعبّـث بـالنسـب كـل حـاقـد زيّـف وغـر رجـال مـا عـنـدهـم عــد *** الـلي عـلى التـوقيـع مـعـهـم تـعـاقـد الـكـل يـنـشـد عــن خــطـايـه ولا رد *** حـيـث النسـب مـا يتـقنـه كـود نـاقـد الكـذب قـوّع وانكشـف خـافي السّـد *** ومـن زوّر الـتـاريـخ لـلـعــلـم فـاقـــد مـفـاخـر الـعـزوة قـديـمـات واجــدد *** عــدوهــم نــيــران قــلــبــه تــواقــد والـعـزوه الـلي بالـقـاء للعـدو ضـد *** خـصيمـهـم كـنّـه مـن الـشـري زاقــد الـكـيـد والـتـنـكـيـد والـظـّلـم لـه حـد *** هـاقـد بـان وصحـصح الـحـق هـاقـد كـان الـقـضيـه بـالـوسـايـط لـهـا لــد *** يصعب عليه ومجلس الشرع عـاقـد التعديل الأخير تم بواسطة عبدالله بن عبار ; 08-21-2021 الساعة 11:45 AM |
|
|
|
|
06-17-2021, 07:48 PM
|
#14 |
|
صاحب الموقع
تاريخ التسجيل: Mar 2008
المشاركات: 10,243
|
الحلقة الربعة عشرة 201 وقال عبدالله بن دهيمش بن عبار هذ المقطع من قصيدة :
عـزوة ضـنـا عـنّـاز وايـل لـهـا جــد *** والجـد الـلي بالحلف ما تنتسب لـه عـنـاز يغضب عنـدها من لهـا امـّود *** ولا عـاف وايـل جدّهـا كـود الأبلـه والـلـي يـشـك بـجــدهـا كـلـمـتـه رد *** عـلـم النسب مـاهـو درابيـك طبـلـه حـيـث العـلـوم بـلا سنـد دربهـا سـد *** والكـذب يقـصـر دون مـدلاه حـبلـه الـوايـلي سـلـسـل جـدوده الـيـا عـد *** وعـقـولـهـم مـاهـي بـليـده وخـبـلـه هـي عـنـزه مبطي لها فروع وابـدد *** مـن عـصـر تاريخ المنـاذر وجـبلـه يـوم الحـرايـب باللـقـاء للعـدو ضـد *** قـلـب الخصيـم أولاد وايـل تـهـبـلـه يوم الدّبش يمنع عن الريف وايصد *** قـطعـانـهـم تـرعـى زمالـيـق ربـلـه لـهـم الفخـر بالأمس واليـوم والـغـد *** ياما بـهـم فارس مثـل شوق عـبلـه صغيـرهـم يـحمـي قـطـيعـه اليـا مـد *** والنمـر يـبـقى سـيّـد الـغـاب شبـلـه 202 وقال عبدالله بن دهيمش بن عبار هذ المقطع من قصيدة : اتـرك الـلي في سبـات النـوم شاخـر *** غـارق ولـو يسمع الناده كفش بـه وأعتـزي بـأهـل القهاوي والمباخـر *** والعـفـن لابـد يـنـدّم مـن لـبـش بـه أفخـر بـعـزوه لـهـا أمـجـاد ومفاخـر *** القـفـر بسيوفهـم يـرعـون عـشبـه من جبـل عطوى اليا حدود المناخر *** كـل خايـع ذودهـم زاع ودخـش بـه قـالـوا الـلـي مـالـه أول مـالـه آخـــر *** والـردا مـاهـو لفعـل الطيـب يشبـه كان في عرق الجذوع السوس ناخر *** تذبل اغصانه إذا سوسه نهش بـه 203 قال عبدالله بن دهيمش بن عبار هذه القصيدة كفاح وتوضيح :مـن شك فـي جدنـا مـا نقبل اشكوكه *** الـجـد الـلي طـعـن عـدوه بمعـكازه طـعـن عـدوه وخـلا دمـاه مسفـوكـه *** خصمه وقع من طعنته بالثرى جنازه عـامـر فخرنـا وراية العـز مسموكه *** لـقـّب عـنـزة جـدنا والفـخـر حـازه والـلي زهـد بـه فكرته غير مبروكه *** كـل العـرب بجدودهـم مالـنـا عـازه أسـد دونـه مـالـنـا أنـساب مشروكه *** ويشهد عـلى تاريخنا نجد وحجازه جـميـع مـن سجّـل التاريخ في بوكه *** يـذكـر فـعـايـل ضـنا عنـاز ممتـازه حـنـا بـني وايل بحلـق العـدو شوكه *** مـن يعتدي نفضخ عيونـه بخـّرازه ما نطاوع اللي يلوك الهرج بحنوكه *** ولا خير باللي لأهل الزيف منحازه كـيـف المصـادر والأسانيـد متروكه *** والكل يكتب كـلام الـزيـف بجـهـازه اللي علومه بالعرب صارت اضحوكه *** كـلام زور ومنطق الزور من جازه الـلي بـتزويـر النّسب ينسج حبوكـه *** هرجه سرابٍ ضح في هضبة عنازه واشوف فم خطو الرجل تقل بازوكه *** يـنـفـث صديده بالدياوين وخـنـازه عـلـم النّسب مـاهـو زبايـر ولا لوكه *** نسب نسب ما ينعجن عجن خبـّازه واللي استعاض بفروة الراس باروكه *** مثل الـذي يلهث وراء كـل غـمّازه 204 قال عبدالله بن دهيمش بن عبار هذه القصيدة من الكفاح والتوضيح :من خاض بأنساب القبايل وهوجاهل *** تـاه الدليل وصادق العلم ما حاطه دامـه من علوم المعارف ماهو ناهل *** ليته حفظ ما خط من علـم بشناطه مفهوم من شال الأمانه على الكاهل *** ملزم يـزيل الخطأ وايعـدّل اغـلاطه والصامت اللي بنسب عناز متساهل *** يسكت عن اللي فتقّ الجرح ماخاطه أهـل المكـايـد حـمانـا منهـم العـاهل *** تلك المخطـط أمـر سلمـان بأحباطه وعـنّـاز للمـدح والتمجيـد تستاهـل *** لهم القبـايـل بطـيـب الفعـل غـبّـاطـه اليعتلوا في صهوة المرهم الصاهل *** كم من منيٍع بالوغى شـدّوا ربـاطـه بالكون عقل العدو من طعنهم ذاهل *** أدبـر يصيح ويرهـج النـزل بعياطـه يـوم الجحافـل تحتـدي مابهـا ماهل *** عاصوف موج ودال بشراع فرقاطه وقـت المعامـع جمعهـم للعدو داهل *** صالوا بنمرا كنها حصون غـرناطـه الجمع الـلي باللقاء للمعتدي زاهل *** لا ولـعـت نـار الـحـرايـب بشخـاطـه 205 قال عبدالله بن دهيمش بن عبار هذه الأبيات : يـالـبـاحـث بشـان الـقـبـيـلـه تـرفـّق *** تـرى مهمة بحـث الأنساب صعبـه مـن زوّر وزيّــف وحــرّف ولــفّــق *** لومي على اللي صدّقه وانخدع به الـلـي عـبـث بـأنـسابـنـا مـا تـوفّـق *** صنّـف وتـاريـخ القبـيـلـه رثـع بـه لأسم عنـزة يا حيف صرنا أنتشفّق *** مـع الأسـف تـاريخنـا صـار لـعـبـه ندخل على الله عن شمات المطفّـق *** الخـالـق الـلي شـاد بـالـبيـت كعـبـه حتى الـذي في راحـة الكـف صفّـق *** قالوا هـزم جيش المعادي وشعـبـه الـدّم مـن طـعـن الـشلافـي تـدفّــق *** وجيش العدو حارث وهاني فدع به 706 وقال عبدالله بن دهيمش بن عبار هذ المقطع من قصيدة : من فضل رب الملا ماتنوجد غلطه *** أنـسـاب عـنـاز بالتاريـخ مضبوطـه أصل القبيلة صريح ولايجب خلطه *** مـع لابـه أخبارهـا بالكتـب مبسوطـه أولاد وايل هل الخطمات والقـلطـه *** مـن خيبـر الحرّة إلى ديـرة الغـوطـه 207 وقلت أيضاً هذه الأبيات : اللي ماهو مسند نحطّه على جنب *** الـزور عيـب ولا تجيـزه رقـابـه اللي تسمى بغير جده كسب ذنب *** خـالـف تعـاليـم النبي والصحابـه ما جـدنـا قاسط ولا جـدنـا هـنـب *** حنـا بـني وايل والأسماء تشابـه جـدودنـا بـدوان مـاعاشوا بـكنب *** عربان لهم أنساب ماهم عصابه بيت عنزة ما ينقشع به ولا طنب *** بـيـت عـتيـق وكـل فـاهـم درابـه 208 قال عبدالله بن دهيمش بن عبار هذه الأبيات لتوضيح نسب عنزة :النسـب عـلـمـه كـمـا البحـر المحيـط *** يلتطـم مـوجـه ويغـرق من يخـوضه بــه تـعـبّـث كـل مـن عـرفـه بـسـيـط *** وأصبح التحريـف والتزويـر مـوضه مـن يـجـيـد الهـرج ولسانـه سـلـيـط *** يرتقص فـي كـل مجلس فيـه فـوضه يحـسب أنـه بالقصص مـالـه غـلـيـط *** مـا درى الأنساب بالكتـب محفـوضه 209 وقال عبدالله بن دهيمش بن عبار هذ المقطع من قصيدة : شيـابــنـا بـانـسـابـنـا عــندهـم رس *** عـن ماضي التاريخ يعطوننـا دروس قلـنـا لمن حرّف صريح النسب بس *** ساس عنزة من دورعامروهم روس صـار التلاعب وأكثر القوم ما حس *** ما فكروا باللي يحوس النسب حوس نسمع كـلام الهمـز واللّمـز والـدّس *** وجـد عنـزه حطـوه هـافـي ومدنوس 210 وقال عبدالله بن دهيمش بن عبار هذ المقطع من قصيدة : مـن وضـع جـد القبـيلـه بالتـلـهـزم *** ضـمهـا لـوايـل جـديلـه بالتـبـني ومـن تسمّى بغيـر جـده دوم يهـزم *** لـو تعزوى ما كسب غير الهبني مـا تحيـزم من يحـط النكـث محـزم *** ولا سقاك اللي صميله جرد شني 211 وقال عبدالله بن دهيمش بن عبار هذ المقطع من قصيدة : بعـض السوالـف باهـتـه مابها ملـح *** هـذر بمجالس من سمعها سمجها الكذب هـو والصدق مـا بينهم صلح *** والعـوج تـبي الـلي يعّـدل عـوجها الـلي يبي يشلح علـوم العـرب شلح *** ونص المراجع والمصادر سهجها الحـضر والشويان والـبـدو والفـلح *** عنصر قـبايـل لـو تخـالـف الهجهـا عرب وعـرق غصونهم مابها كلـح *** ولا نستـمع لـلي الحـقايـق طعـجهـا والتـايـه المنجـوم مـا يشبح الطـلح *** دربـه عـفـاش وكـل ظـلمه ولجـهـا 212 وقال عبدالله بن دهيمش بن عبار هذه الأبيات حول أثبات الأصل :كـل عنـزي ما يقبل الطعّن في اصله *** ولامن قبيلـة تـبي تغيـير عـزوتهـا لاشك اللي حرّف نسبنا من ارخصله *** أولاد وايـل تـعـرف جـذور منبتهـا جميع مـا عـقّب ربيعـه قـطع وصلـه *** عـشر القبايل يا حول الـلـه مـوتها غـرّه كـلام الـلي يطبّـل ويـرقص لـه *** كيـف عـنـزة ضمّت ربيعه برمتهـا الصّدق يبـقى والخـطـأ ينبغي فصلـه *** وش مقصد اللي ضنا عناز شتتها ما دام حـنـا من الـرّدى ما بنا خصله *** مجـد القبيلة والفخـر هـو كرامتها 213 وقال عبدالله بن دهيمش بن عبار هذه الأبيات :عـناز حازت عـلى التعظيم *** والمجد مبطي ماهـو تـوّه عـناز مـا مجـدهـا تـرهيـم *** بشهود الـلي يـدفع الخـوّه حمينا اللي يلتجي من ظيم *** وحمينا اللي سيق بالقـوّه والـلي بحقّـه صـدر تعميم *** زبـن عـلينـا وصفـى جـوّه مـع الحـفـاوه لـه التكـريـم *** مـا اقـولهـا دس واتـمـوّه مـا نسلّـم الملـتجي تسليـم *** يـوم المشّـوك قـدح ضـوّه من حمد منشي ثقيل الغيم *** نعـرض عن النّم والسّـوه والـلي يـبي لعنـزه تحجيـم *** قـصـده لتـاريخهـا يـشّـوه ما نقبل الضعف والتحطيم *** وعـلى نسبنـا بـنـا حـمّـوه 214 وقال هذه الأبيات من الهجيني :يالـلي تـدوّر عـلـي العـيـب *** خسيت يالأربـد الهايـف عنّاز مبطي تحوش الطيب *** يلجأ لها الجالي الخايف ما فـيـه شكّـه ولابـه ريـب *** ولا نقبل المنطق الزايف دخـيـلنـا يـاجـد التـرحـيـب *** ويـبـات آمـن ومتـكايـف 215 وقال عبدالله بن دهيمش بن عبار هذه الأبيات :كثـر اللغّى واللّغـط والهـرج واللّمض *** وصف الحروف اللي يعدونها بحوث علم النسب ثابـت قبـل يطلع الحمض *** كـل البشـر ساسـه مسجّـل ومـوروث يـا معتـزي جـهّـز التوقيع ثم امض *** لسن الفـصاحه واضحـه مـابـهـا لـوث ترى الشّكوك تسبب الغبن والغمض *** لا تـحـتـزم يـا طـيّـب الـسـاس بنكـوث من سار حافي تحرق اقدامه الرّمض *** وحيص الزمل يوذيه نامس وبرغوث 216 وقال عبدالله بن دهيمش بن عبار هذ المقطع من قصيدة : يـالـلـي حـرّفـت الـنـسـب خـلّـك نـزه *** واعترف ترى على قولك محاسـب وش نكـون أن كـان مـا حنـا عـنـزه *** غـيـر عـنـزه مالنـا اصـل ومناسـب مـن تـحـاقـر اصلـنـا إبـلـيس نـغـزه *** اشـهـد أنـه فـي مجـال العـلم راسب جــدنــا وايــل عـلام الــلـي انـقـزه *** وجـاب جـد يحسبـه فـود ومـكاسـب حـطـوا الـعــزوة تـقــل لـون خـرزه *** اخـتـفـت بالليـل بطعـوس السياسب وش الـلي عن منطق الحـق حجـزه *** قـلتهـا ولا اشكل عليـه كـل لاسـب 217 وقال عبدالله بن دهيمش بن عبار هذ المقطع من قصيدة : حـنـا رجـعـنـا لـلـحـقـايـق وعــدنـــا *** وتـاريخـنـا ثـابـت مـن الـجـاهـلـيـه يـهـمـنـا تـجـديـد مـاضـي عــهـدنــا *** والـحـمـد لـلـه عـنـدنـا حـسـن نـيـه نـخـاف عـقّـال الـعـرب تـنـتـقــدنـــا *** والصّـدق والأخلاص مـا فـيـه زيـه أبـي أنشد أهـل الـرأي وش استفدنا *** أن مـا حرصنا عـلى مـجـد السمّيـه حيـث الصحيـب لصاحبـه دوم يـدنـا *** حـقـي عـليـه ولـه حـقـوقٍ عـلـيــه وش عـاد مهما عـن بعضنا ابتعدنـا *** لابـد مـا نـرجـع ونـمـشـي ســويــه نـسـعـى نـدور الـطـايـلـه مـا رقـدنـا *** ومـن عـاف جـدّه مـا حياتـه هـنيـه 218 قال عبدالله بن دهيمش بن عبار هذه الأبيات من شعر التصدي للحمله : قـال الـذي أصـول الأنـسـاب لـمـهـا *** نـسـب بـني وايـل يـوصـل روابطـه عـزوة ربيـعـه فـي بحـوثـه يعـمهـا *** فّـرع نسبهـا وبالسجّـلات ضـابـطه الأصــل ثـابـت دون تـحـلـيـل دمـهـا *** اسـم عنـزة أكبـر تواصـل ورابطـه مـن كـمّـل أنـسـاب القبيلـه وتـمّـهـا *** مجهـد ولا هـمّـه حسـوده وغابطـه كـل عـنـزة مـبـذول جـهـده يهـمهـا *** عـزوة فخر ماهي وضيعه وهابطـه والـلي خلطهـا مـع جديلـه وضمهـا *** جاهـل وغارق بالجهـل من يشابطه الـلـي خـرافـات الـحـكـايـا يـخمـهـا *** مسيـر عشوا بحندس الليـل خابطـه ومـن كـان مقصوده جهودي يدمهـا *** عـاد بفـشل نـدمان والنفس حابطه كـل الحـيـايـا الـرّقـط مـاتـت بسمهـا *** مـا عـاد هـي بمشوك الناب عابطه غـرفـت مـن صافـي نقـاريح جمهّـا *** وخليـت الـلي فيـه الدغـاليب لابطـه 219 وقال عبدالله بن دهيمش بن عبار هذه القصيدة توضيح :الـمـجـالـس كـنـهـا مـنـاغـط قـطـا *** وكـل منهـم بالنسّب دلـى يخوض يـالـذي لاحـظـت بـكـتـابـي خـطــا *** لوسمحت أذكـر خطايه يامحفوض أعـجـل بــرد الـجــواب بـلا بــطــا *** عـن كلامـك لا تروغ ولا تجوض مـن يخـم العـلـم مـن هـرج اعبطـا *** ينخـدع بأقـوال هافين الحضوض والـذي صـنّـف ومـن فـكـره نـطــا *** هـرج يشبه للسراب بـحـد روض مـا ذكـر جـديّـن بـالـنسـل اخـلـطـا *** ولا خبرت جدود توخذ بالقروض والهرج الـلي بخاطر الجاهل سطا *** مـن حكابـه مـع عـلابيه مقبوض ينكشـف قـصـده ولـو دس بـغـطـا *** والحقايق واضحه مـابـه غموض من صعـد مـا أظـن ينـزل في وطـا *** ومن وقع بالقاع ما يقـدر ينوض لـو أصحـاب الظّلـم ينخون وسطـا *** الجمل ما جض من لدغ البعوض يشهـد الـلـه مـا أبـي مـنهـم عـطـا *** مرزقي عنـد الـذي سن الفروض 220 وقال عبدالله بن دهيمش بن عبار هذ المقطع من قصيدة : حـنـا عـنـزة مـا تـونـا نـخـلــق الآن *** والصدق واجـبنـا نـعـده ضروري حـنـا عـنـزة تـاريـخـنـا ورث جـدان *** ما أصلنا يعـرف عـراقي وسوري أولاد وايـل بـالـفـخـر عـلـمهـم بـان *** نعـلـن مفاخـرهم بصوت جهـوري دونت هرج الصدق واعلنته اعلان *** واللي جهل نشرح له العـلم فـوري وحنا عنزة مبطي بيـارق وسلفـان *** قـبـل يـجـي يا فـلان دورك ودوري مـا نـنـتـحـل جـد الأراقـم وشيـبـان *** ننسب لجـدن مـن طـوال الشبوري 221 وقال عبدالله بن دهيمش بن عبار هذ المقطع من قصيدة : يالـلي مـديـحي للمـنـاعـيـر يـقـهـرك *** تشمت وعن قول الحقيقه عماوي قل لي وش اللي من التغاريد حيّـرك *** مجـد عـنـزه ماهو ظنون وهقاوي لـجـولـهـم أرمـن ولـجــولـهـم تــرك *** وحـتّى الخديوي جالهم والطحاوي ومن جالهم يـوم القبايـل لـهـا عـرك *** يـأمـن ويسلـم مـن جميع البـلاوي لـو تنشـد التاريـخ عـلمـك واخبـرك *** تـاريخـهــم يـرويــه راوي لــراوي التعديل الأخير تم بواسطة عبدالله بن عبار ; 08-08-2021 الساعة 06:32 AM |
|
|
|
|
06-18-2021, 06:25 AM
|
#15 |
|
صاحب الموقع
تاريخ التسجيل: Mar 2008
المشاركات: 10,243
|
الحلقة الخامسة عشره 222 وهذا ملخص من قصيدة مربعة وهي سبعين بيت منها قولي :أبـي أخـبـر الـلي يـرغـبـون الحقايق *** عـندي عـلى ما قلـت صدق الوثايق جـل الـعـلـوم الـمـسمـلـه والـدقـايـق *** نجهـر بها بعلو الحساس الجـهـوره نشـهر كـلام الـصّـدق مـانـي مخـفيّـه *** والـفـاهـم الـمـدرك يـمـيّـز مـعـانـيـه ولـيـه عـلى رجـال القبيـلـه مشاريـه *** المنصفيـن أهـل النفـوس الشكـوره اسـنـد كـلامـي لـلـفـهـيـم الـلّـبـيـبــي *** ولاشره على الخايب ردي النصيبي أبـوح بـالـواقـع ولا اشـمـت قـريـبي *** ويـمنـا بـلا يـسـرى تـكـون معسوره نــوادر الـعــزوه تــثــمّــن جـهـودي *** وجميع منصف عن حياضي يذودي يـنفـون منطـوق الحسـود الحـقـودي *** ولا يصـدّقـون الـلي خـمـالـي يـدوره وضـّحـت مقصـود المعـاني للأجـواد *** ولا اقول قول ألا لـه اثبات واسنـاد والـلي هـدف قصده منـاحـاه وعـنـاد *** مهـمـا تخـفّى تسبـر الـنـاس غـوره الـصّـدق عـنـدي بالـحـقـايـق دلـيـلـه *** والحق تشهـد بـه شخوص الـقبيلـه ومـن يجحـد المجهود مـالـه وسيـلـه *** مـصـادر التـاريـخ مـاهـي مغمـوره ما يقنعـون أهـل المقاصد والأهـداف *** لاشك اللي يمشي مع الحق ما خاف أهـل الضماير عندهم عـدل وأنصاف *** ولا يواخذون المجتهـد فـي قصوره جـهـدي لـربـعي طـول مـدّت حـياتـي *** ولانـي بحـال الـلي جـحـد منجـزاتي الـمـدعـي مـا نـال كـود الـشـمــاتـي *** الـلـه كـفـانـي شــر كــيــده وجــوره مـن فضـل ربـي مـا جنيـت المعايـب *** آخـذ صمال الهـرج مـن قـول شايب عـبـر السنيـن أجـمع تـراث القـرايب *** يــوم الـذيــن يــجـادلــونـي بــزوره حقي عـلى العزوة شخوص الحمايـل *** مـا أظـن يـنسـون الـمـلاحـم بـوايـل أفخـر بالـلي سويـت والـراس طـايـل *** حاميـت لـو مـاهـي عـلي محـكـوره والـحـمـد الـلـه مـا تـعـرقـل مـسيـري *** الـلي عملـت لعـزوتي عـمل خيـري ويشهـد عـلى جهـدي نـقي الضميري *** والعـود تعـرف ريحته من بـخـوره الـبـحـث والـتـألـيـف مـاهـو جـريمـه *** مـا حـرمـوه أهـل العـقـول السليمـه والـحـمـد لـلـه لـي كـرامـه وقـيــمــه *** عـنـد الـذي مـثـل السبـاع الجسوره يشـمـل كـتـابـي كـل عــزوة ربـيـعــة *** أسـد وثـم أكـلـب وايـضـاً ضبـيـعــه يـوم العـمـر يجـلـب بسوق المبـيـعـه *** من عـال دقّـوا بـالـمـراهـيـف زوره مـجـدت بـالأفـعــال والـنـاس يـدرون *** أولاد وايـل بـالـلــقـاء مـا يـهـابـون يـوم القبـايـل بـيـن طاعـن ومطعـون *** فـي وقـت كـان لصالي الملـح ثـوره الـلي أدعـى ماهـو مـن الجهـد ذاخـر *** ضـد الكتـاب الـلي يـضـم المـفـاخـر يـشـمـل قـدامـى عـزوتـي والأواخـر *** صرح المعـالي لـوحـوا فـوق كـوره والـلـي يـبـي جــد الـقـبـيـلـه أعــاره *** لـومـه عـلـى الـلي وهـمـه بالعبـاره تـاريـخـنـا مـن دور هـاجــر وســاره *** جميع بـاحـث سجـلّـه فـي اسطـوره الـلي نسـب نـفسـه عـلى غـيـر جـدّه *** وش الــذي لـمـخـالـف الـديـن حــدّه الشّـرع عـن زيـف السـوالـف يـردّه *** ولافـيـه بـالـعـالـم جـدود مـخـشـوره تسعة عشر قـرٍن وحنـا اسمنا عنـوز *** حـنـا عـنـزة مـنـا مشاهيـر ورمـوز عـنـا حديث المصطفى خـزن وكـنـوز *** وكـل المفاخـر بالحـروف محفـوره بشر وضنـا مسلم لهـم مجـد مشهـود *** أحفـاد وايـل صـدق والـعـلم ماكـود لـهـم سـلاسـل بالنسـب مـارث جـدود *** واضح نسبهم من سوابق عصوره حـنـا بـني وايـل شـريـفـيـن واعـزاز *** نـفـخـر بـعـزوتـنـا صنـاديـد عــنّــاز عوق الخصوم اليا بدأ طراد والـزاز *** كـان العـدو بـانـت طــلايـع اسـبـوره حــنــا عــنـزه لـنــا بـوايـل عــزاوي *** يالـلي عـن التاريخ جـاهـل وغـاوي عـلـم الـنسـب يـرويـه راوي لـراوي *** وكـل العـلـوم الـلي ذكـرت مخبـوره أولاد وايـل كـيـف نـنـسـى حـسبـهـا *** مـن مـاضي التاريخ ما أحـدٍ هـزبهـا مـن نـسـل عـامر مـا تـغـيّـر نسبـهـا *** والغـرس غصنه من منابت جـذوره يالــلـي لـتـاريـخ الـقـبـيـلـه مـتـابــع *** حــلـّوا بــديـره سـيـلـهـا لـه مـنـابـع خـيـبـر بـلـد عـنـاز مـن قــرن رابـع *** بـشـر وضنـا مسلـم تقـاسـم حـيـوره مـجـد عـنـزه كـلـن يشـوفـه بعـيـنـه *** مـا يـخـتـفـي كـل الـعـرب خـابـريـنـه خـيبـر بـلـدهـم فـي حـدود المـدينـه *** بالغـرس وأنـواع النخـيـل معـمـوره من يجهـل التاريخ يحتاج لـه شـرح *** منـزل ضنـا عـنـاز في عالي الصّرح ماضي الزمان بكل ديـره لهـم سرح *** بالصحصح الخـالي تـحـاوم طـيـوره عـزوة ضـنـا عـنـاز مـاهـي نـبـيـتـه *** تاريخهـم مشهـور عـلـمـه وصـيـتـه بالـكـتـب عـنهـم كـل مصـدر قـريـتـه *** والـلـي يــزوّر بــان زيــفــه وزوره 223 وقال عبدالله بن دهيمش بن عبار هذ المقطع من قصيدة : يـا مـحـمـد الـهـرج مـالـي بـه *** لاشــك أبــي أذكّــر الـنــاسـي تـاريـخ عـنـاز مـا اخـطــيـبــه *** ولا اطيع الـلي للنسب حاسي تـاريـخـنـا الـنــاس تـدريـبـــه *** حـفـظ بـسـجّـلات قـرطـاسـي يشهـد لـنـا الـلي نفض جيـبـه *** والـنـاس مـن كـل الأجـناسي والـجــد مــا جـاز تـنـصـيـبــه *** لـو هـو مـن قـريـش عـباسي الــجـــد وايــل نــمــاري بـــه *** هـو جـدنـا مـعـرّب السـاسـي لو كـثـّروا مـن عــذاريــبــه *** مــابــه عــذاريــب وادنـاسـي مـا تـاجـد الـلـي ذكـر عـيـبـه *** حـيثـه سـوات الـجـبـل راسـي مـبـعـد عـن الـشـك والـريـبــه *** عـريـق ولـلـعـيـب مـا داسـي أنـجـب قـبـايـل لـهــا هــيــبـه *** لا دق لـلـحــرب الأجــراســي بشـر ومسلـم مـن مـجـاذيـبـه *** شجعـان يـوم الـزمـن قـاسـي وهـب سـكـن خـيـبـر وطـيـبـه *** وسـهـيـل وعـبـيـد وجـلاسـي 224 وقال عبدالله بن دهيمش بن عبار هذ المقطع من قصيدة : تـنـبـهــوا لأنـسـابــكـم يـالــرفــاقــه *** حـاذور لا يلـعـب بـهـا كـل مطفـوق اللّـعـب بأنسـاب الـقـبـيـلـة حـمـاقـه *** والـزور والتزييف بـاطـل وممحوق وايـل جــديـلـه مـالــنـا بــه عــلاقـه *** مـن دون أسـد بمنسبه مالنا عروق مـن حـطـنـا لـوايـل جـديـلـه لحـاقـه *** عـيـب أنتسمّى بجـد هاني ومفروق نــفـخـر بـوايـل جـدنـا لـيـس عـاقـه *** ومـصـادر التـاريخ للمفتـري عـوق مـن سجّل أسمـه في سجـل البطاقـه *** يـنـظـر لـجـدّه بالسـجـلات مـرفـوق مـن دون وايـل جـدنـا هـوش ساقـه *** كيـف عـنزه في جدها مالها حقـوق دام السمـاء أزرق مـا تـغـيّـر زراقـه *** لأ مـا نـبـدّل جــدنـا بـكـل مـخـلـوق وايـل مـن عـنـزه تسلسـل اعـمـاقـه *** يحشم عن الهزلات والغـدر والبوق حـنـا عـنـزه يـوم المـراجـل شفـاقـه *** بـافـعـال أهـلنـا روسنـا ترتفع فـوق أردى ضـنـا عـنـاز يـحـمـي نـيـاقـه *** يشهد لهـم مشعان وجـديع وصفوق 225 وقال عبدالله بن دهيمش بن عبار هذ المقطع من قصيدة : مـا يسـمع العـاقـل تلافـيق واكـذاب *** حـنـا عـنـزه مـا جـدنـا بـالأعـاره حـنـا نـعتـز بجـدنـا عـبـر الأحـقـاب *** وايـل عـنـزه مـا رضـينـا بغيـاره الـجـد مـاهـو سـلـعـة عـنـد جــلاّب *** ولا تاجـد الـلي يصنّفـه بأختيـاره الجـد ثـابـت مـن مـواريـث شـيّـاب *** والـزرع يجنا من غـرايس بـذاره 226 وقال عبدالله بن دهيمش بن عبار هذ المقطع من قصيدة : أنظـر تـراث الـربع بقطـوف الأزهار *** وأنساب وايل من عصردولة قريش نكتب نسـب عـنـّاز فـي كـل الأقـطـار *** الـلي عـداهـم مـن لقـاهـم مخـاريش ولـفـتـهـا وأبـرز مـفـاخـر هـل الـكـار *** ولاني بحال أهل القلوب المغاشيش وثّــقـت مــا دوّنـت مـن قــدم الأدوار *** ولاهمني مـن حـرّش القوم تحريش أن كـان قامـوا ضدنـا عـوج الأشوار *** الـلي لهـم بـلحـوم الأجـواد تنهـيش 227 قال عبدالله بن دهيمش بن عبار هذا القصيدة رسالة لكل عنزي منصف : يـا نـديـبي جهـز الخـط المـزرّف *** وارسله يالقـرم لـرجال الشهامه وزعـه لـعـيـال وايـل لا تـطــّرف *** من عموم الربع أومقدم جهامـه بـلـغ الـشيّـاب والصـبي المتـرّف *** وقـل أبـن عـبـار يهديكم سلامـه مـن حـبـا يا لابتي كوعه تجـرّف *** ومن يدلبح ذل يوصف بالرخامه مـن تدّنت شوفتـه مجـده تـقـرّف *** ومن ترفع نـال قـدره واحترامه عـيلـم الهـداج نـبعـه مـا يـغـرّف *** والحسو والرس ما غزوا مقامه المجالس تهترش مثـل المهّـرف *** مـن يـرّوج للدعايه وش علامـه من تمسك بالخرافـة قـيـل خـّرف *** ومن جهل مجناه تغشاه الملامه كـل جاهـل قـام يكتب وايتصّـرف *** والتعـبّـث بالنـسب يـرث نـدامـه العلوم الزايفه توضع على الرّف *** والنسب مـايتقنه من به غشامه أورق أغصان المشجّر ثـم ورّف *** منبته ثـابت وجـذعـه لـه دعامه أفـخـر بتـأليـف كتـبي واتـشّـرف *** وأحمد الله منهجي عـز وكـرامه لـوبهـا تـزويـر أو قـول محـّرف *** والـلـه أنـي لا أحـذفهـا بالقمامـه جدنـا وايـل ما هـو نكره معـّرف *** مـا مكانـه لهـزمـه لاشـك هـامـه 228 ومن شعر عبدالله بن دهيمش بن عبار هذه المقطع من قصيدة : قـال مـن يـفهـم مباهيـم الرمـوز *** يدرك المقصود والغايات ماهي مـا يعسره حـل صعبـات اللغـّوز *** والخـفا والسر يعـلـم بـه إلاهي ما نصرب يابس الضرع الغروز *** قـانع بمـد الولي والخيـر راهي الشرف والعـز اغـلا من الكنـوز *** والرذيلـة للفضيلـة مـا تضاهي مـن حفـظ عـزه مكـرم ومعـزوز *** مستقيم ولا يهمـه هـرج واهي النبيل الـلي على الجـزله يحـوز *** والدروب العوج ما فيها تبـاهي من طمن ممشاه ما ظـني يفـوز *** يدرك الطولات من هام المناهي الدروب العايـزه عنهـا محجـوز *** ولا خبـر للحيف يممت اتجاهي قلـتها وأعـتـز فـي عـز العـنـوز *** عنـد ربعي عارف مقدار جاهي دام معي مـن الـرجال ثـقال روز *** أتـرك الـلي ما يطاوع كـل ناهي المنـاكـد والمهـارش مـا يـجـوز *** المجادل عيب مالي بـه مشاهي أنـذر الـلي يودع اللابـه حـزوز *** ولا بعض القول ما ثار انتباهي 229 قال عبدالله بن دهيمش بن عبار هذه المقطع من قصيدة : تشكـر عـلى الـلي للعنـزتين سويـت *** بـذلـت جـهـدك والـردا مـا فـعـلـتــه كـفـيّـت بالـلي قـمـت بـه ثـم وفـيّـت *** تـشهـد لـك الأجـواد بـالـلي عـملتـه هـذي شهـاده من حمايل لهـم صيت *** مثـل الوسام الـلي بصدرك حـملتـه قـلتـه وأنـا لغيـر الـولي مـا تـرجيـت *** مجهـد وحملي فوق الأمتان شلتـه وفـي جـمع تـاريخ القبـيلـة تقصّيـت *** وعـن الحقـايـق كـل راوي سألـتـه مـا جبـت غـيـر الـلي موثّـق بتثبيـت *** كـلام صـدق مـن المصادر نـقـلـتـه والـلي تـخـبّـط بالنسـب لـه تصديـت *** نـفـيـت هـرج الـزور والحـق قـلتـه لـيـت الـذي يهـمّـه الصّـدق يا لـيـت *** لـيتـه يـوضح مـا خـفي أو جهـلتـه 230 قال عبدالله بن دهيمش بن عبار هذا المقطع من قصيدة :من عصر هشام هو والأصفهاني *** ثم أبن خلدون وضّح والجزيري يشهـد التاريخ بـمـا خطّه بـنـاني *** ليت من حـاك المكايد يستخيري النسّب أوضح من سهيل اليماني *** والضلاله تعمي عيون البصيري من تغاضوا عن جزيلات المعاني *** قلت فيهم مثـل مـا قال السديري ومن طمن ممشاه ينزل بالطماني *** من حسد يشب في جوفه سعيري التعديل الأخير تم بواسطة عبدالله بن عبار ; 08-09-2021 الساعة 08:50 AM |
|
|
|
|
06-18-2021, 11:23 AM
|
#16 |
|
صاحب الموقع
تاريخ التسجيل: Mar 2008
المشاركات: 10,243
|
الحلقة السادسة عشره 231 قال عبدالله بن دهيمش بن عبار هذا المقطع من قصيدة :الحـر مـا صـيـده جـراد وجـخـاخـي *** لاشـك دم الخـرب مـن مخـلبه ضـخ كـم ضايـع طـب بحضوضا وصاخي *** والـلـي يـفــّرق لابـتـه يـلـزمـه نـخ الـزيـف مـا يـاجـب عـلـيـه التـراخي *** ولا يقبل التحـريـف رجّـال بـه مـخ حـنـا لـك الـلـه بالنسـب مـا نـداخـي *** حنا عنزة الـلي قـال لهـم النبي بـخ ما اشكل علينا اللي جـداه الصراخي *** لـو ينصبون أهـل الحسد ضدنا فـخ 232 قال عبدالله بن دهيمش بن عبار هذا المقطع من قصيدة :كـل جـاهـل يـاخـذ الـعـلـم ويـطــفـّـه *** يحسب أنـه يفتهـم والعـرف طـافـه الغشيـم الـلي كـمـا الأطـرش بـزفـّه *** جـنـب الـواقـع وصـّدق بـالـخـرافـه هـو بضفـه والحقيقة صـوب ضـفّـه *** الحـقـايـق بـيـنـهـا وبـيـنـه مسـافـه لـيـت شّـره عـن ضنـا وايـل يـكـفّـه *** الـخـطـأ مـا يـنـقـبـل والـكـذب آفـــه مـن يسـب أهـل الفخـر بقـعـا تـلـفـّه *** فـاز مـن هـام العـلا والهـون عافـه من حكى بأنصاف بـه شيمه وعفّـه *** ومـن ضميـره حـي يكفيني أنصافـه قـالـوا الـوافيـن راعـي الحـق وفـه *** صاحـب الـذمـه عظيم الجهـد شافـه مـن نـوادر لابـتي مـا شـفــت حـفـّه *** عـندهم لـي عـز مع حسن الضيافـه صبّـت السـنبـل نصفـى عـنـه غـفـّه *** نـاخـذ الصـافـي ولا نلـقـط اعـذافـه 233 قال عبدالله بن دهيمش بن عبار هذا المقطع من قصيدة في عزّة النفس :قال من يلفظ بحـرف الـدال والـرّا *** والعـلـوم الصاملـه مـا يسمجنّه أطـلـب الـلي بـاح باسمه كـل قـّرا *** كافـل ارزاق العباد أنسه وجنّـه منـزل الغـيـث المغيـث بديـم غـرّا *** مـن هـماليـل الفـيـافي يـدهجنّـه ما يخذل اللي على الشيمه مضرا *** عـن عموم الناس مكنونه يكنـه مـا تشـكّى ولا تـرجّـى ولا تـحـرّا *** ألا لمن يعطي العطايا بغير منّـه مــا تـوسـل لـلـعـبـاد ولا تــجــرا *** يطلب الفـزعه لـو ظـروفه حدنه قـانـع ويخـشى مـلام الـلـي تـزرا *** والشهـامـه والكـرامـه يـمنعـنـه معتزل عـن مجلس الحقران بـّرا *** والعـفاف بمذهـب الأجـواد سنّـه مـن يـعـز النفس يفـعـل مـا تـورا *** يسأل المعبـود وارزاقـه يـجـنّـه ومـن يخـادع بالـدجـل لازم يعـّرا *** لـو تخفّي اسلوب طبعـه يكشفنه الصديق الـلي من الصاحب تبـرا *** من عناله في لـزومه خـاب ظنّه عـادت الأنسـان يـأمـل وايـتـطـرا *** والأمـانـي فـي حـيـاتـه وهـقـنـه الـعــمـر لـو طـال يـبـلا وايـتهـرا *** مثل سمال الثوب ولا جـرد شنّه وين اللي ترعى بذراهم كل عـرا *** فـوق سرد الخيل يرخون الاعنه 234 قال عبدالله بن دهيمش بن عبار هذا المقطع من قصيدة :أطلب عساني عند الأجـواد مستور *** والمـرجلـه تحتـاج صبـر وجساره والحـمـد لـلـه تـابـع الحـق منصور *** ومن سـار بالباطـل تعـرقـل مساره من خـاف ربّـه جنّب الكيد والجـور *** ولا ينجح الـلي فيـه خبـث وقشاره من يشمت المخلوق خايب ومثبور *** والـلي يحقر الناس جـاز احتقـاره مـا دام جهدي شاد بـه كـل منعـور *** الـلي انكـره ما اشكل عليـه انكـاره أهـل القلـوب الطـاهـرة تطلع النـور *** ومن لـه فضايل تحتفظ فـي وقاره نعوذ بالـلـه من هـل الظلـم والـزور *** أهـل الضغـايـن والحسـد والنغـاره والعـبـد مـهـمـا عـاش لابـد مقبـور *** وخسران من شـال الكتاب بيساره 235 قال عبدالله بن دهيمش بن عبار هذا المقطع من قصيدة :مـن عـزوه اليا عـال خطـو معتـوهي *** خـلـوه يـرجـع ذاهـل العـقـل نـدمـان قـصـيـرهـم طـول الـلـيـالـي دلــوهـي *** جـعـافـره مـا جـارهـم شـد زعـــلان وبالكـون يـوم يـقـال للـنـوق دوهـي *** تفزع هل الجدعا على الخيل فرسان 236 قال عبدالله بن دهيمش بن عبار هذ القصيدة شكر وثناء للأخ عطالله بن ثاني الجعفري على أشادته بجهدي وأنصافه والشكر موصول للأخ فرحان المطرفي على استظافته : الشكـر مـني لأبـو تـركي عطالله *** أبن ثاني شاد بي وأظهر ثنايـه جعفري عد الصحيح وراقب الله *** غير قول الحق ماله كـل غـايـه منصف بشهـادتـه مـا قـال زلّـه *** من حسن ذاته أعبّرعن رضايه سـنّـع الـلي تـاه دربـه مـا يـدلّـه *** من تجاهل مقصده يبحث خفايه عسى من سـب القرابـه فدوتلـه *** بالهروج السامجه ينشر فوايـه أشهد أن الحسد بالمخلوق عـلّه *** من حقد يشنا ولايوضح خطايه مـن بـذل مجهود كلـن شاهـدلـه *** والخبـر معـلوم مـا تفيد الكمايه يشهـد الرحمن وقـتي راح كلّـه *** بالبحـوث وبـالكتـابـه والقـرايـه أكـتـب أمجـاد القبيلـة بالسجّلـه *** وبصمت أعمالي أخلدها لضنايه يا أبو تركي من جداه اللّوم قلّـه *** يرجع لأصل المصادر والروايـه لا يشيل العلم من هـرج المظلّـه *** ولا نـبي ينقـل أشاعـة كـل بـايـه قـلته وعـقـد البلش ربـك يحـلـه *** ماعتزي بأهل البلايس والوشايه والشكر فرحان من عندي وصلّه *** عسى أبن ضبعان ما تأتيه سايه اشهد أنه مقتدي ما عال لـل لـه *** حيث بروز أفعال ربعه له هوايه الـرفـيـق الـلـي قـبـالـه مـا تملّـه *** واجـب إنـا نـرفـع لشرواه رايـه 237 قال عبدالله بن دهيمش بن هذه الأبيات يثني على موقع أهل العرفا السبعة :الـلـي بـمـوقـع هـل الـعـرفـا *** نـوادر مـن خـلـفـة مـعـلاّ رفـيـقـهـم خـمـلـتـــه تـرفــا *** والضّـد عـن جمعـهـم ولا ما حربهم في عصا الطـرفـا *** هـم عـز مـن يزبن مجّـلا بالسيف والـرّمـح والشرفـا *** مـا يـفـتي الشيـخ والـمـلا وأن جو على اللي تقل هرفا *** ادنـاهــم بـخـاطـره هـــّـلا السفن ترسي على المرفا *** وحـديـدهـا صلـب مـا حـّلا 238 قال عبدالله بن دهيمش بن عبار هذا المقطع من قصيدة :عنـدك خـبـر من شبتي لـيـن شيّبت *** أمـدح جـدود الشيخ وأمـدح عمامه بالمـدح أمجدهـم ولا يـوم عـذربـت *** والـكـل لـه قـدره وجــل احـتـرامــه تعـبـت مـن جـمع البحـوث وتعذّبـت *** مجهد من أجل أهل الوفا والشهامه وحتى الذي مدفون في رملة الخبت *** وحطّوا عليـه مـن الصفايح ردامـه دونـت لـه تاريـخ ولسيـرتـه جـبـت *** ورفـعـت لـه رايـه بـراس الـعـدامـه ولاحظت أنا الحسّاد مهما بهم طبت *** يشنون بأسبـاب الجهـل والغشامـه ضدي تجمّع حلف لو كان ما أذنبت *** مـنهـم أحـفـاد جـدود قـادة جـهـامـه لو كنت مذنب كان عن غلطتي تبت *** والحـق الأبلـج مـا نخـالـف نظـامـه والله ما أذكـر يوم عن واجبي غبت *** وأشوف بعض الناس مثـل النعامـه كتبـت عـن ماضي فخرهم وجاوبت *** عـلـى الـذي يـسـبـهـم فـي كـلامــه عقب النجاح من الحواسيد حـوربت *** والـلي ظـلـم للشرع جـاز احتـكامـه كافحت الـلي جاروا عليـه ولا هبـت *** صامـد ولا تـطـري عـلي انهـزامـه حيـث أنني لصحاح الألباب صاحبت *** أجـنـاب ولا عيـال عـم ورحـامــــه عجبـت مـن أهـل الجحـود وتعجّبـت *** اهفـوا حقوق الـلي جـزاه الكرامـه عـن الخـطـأ والعيب للنفس حاسبت *** والعـبـد بـالـرّب الكـريـم اعتصامـه قلته ومن فضل الولي للهدف صبت *** ومـن جـنّـب الباطـل يعيش بسلامه شعـري مـديـح بعـزوتي مـا تكسّبت *** ولانـي مـن الـلي يـدعـون بغـرامـه عـلى جهودي عـنـد الأجواد وجبـّت *** وانصفني اللي من الرجاجيل هامه 239 قال عبدالله بن دهيمش بن عبار هذا المقطع من قصيدة :مـبـداي بـالـلي كـوّن الـروح بجـمـاد *** رب الـمـلأ محـصي جـميع العـبـادي الـلي بطش فـي قـوم شـداد بـن عـاد *** ودمّـر أرم بـالـريـح ذات الـعــمـادي وأهلـك ثـمـود الـلي تمـادوا بالالحـاد *** مع قوم لوط أهـل الدنس والفسادي الظـالـميـن أهـل الطّـغـى والأستبـداد *** سؤ الغضب جاهـم صباح وهجـادي مـن ظلمهـم رب الخـلايـق لـهـم بـاد *** مـا ضـل غيـر رمـوسهـم بـالـبـلادي قـلـت وطـرالـي بالمثـل قـول قـصّـاد *** قـال الـدعـاء مبطي مجـادع هـوادي يالـلـه يا مـرسي شـوامـيـخ الأطـواد *** يـارب مـاغـيـرك عـلـيـه أعـتـمـادي يا واعـد المظلوم في صدق الأوعـاد *** طـالـبـك يـالـمـولـى تـحـقـق مـرادي حـل الـقـضـايـا بـالـتـفـاهــم والأوداد *** بـالـرفـق مـاهـو بـالعـيـا والـعنـادي كانـه جحد جهـدي هـذالـيف الأوغـاد *** مـا هـمني هـرج الكـذوب الـربـادي تـثـني عـلى جهـدي شغاميم الأجـواد *** عـيـال وايـل حــضـرهـا والـبـوادي 240 قال عبدالله بن دهيمش بن عبار هذا المقطع من قصيدة :يـا الـلـه أنـي طـالبـك يـا رب غـوثـي *** تنصر الـلي يالـولي فـيـك استـغـاث مـا يضيـع الحـق لـو طـال المـكـوثي *** ولا يصوغ الساس بالـقـاع الـدمـاث ينعـثـر مـن كـان سلمـه سلـم حـوثي *** وينكشف ستـر المنـاحيـس الخـبـاث من فضل مولاي واثـق مـن بحـوثـي *** يـوم بـعـض النـاس بالأنساب عـاث مـن نـوي مـجـد القبـيلـه لـه يـدوثي *** مـا قــدر لـعــروق عــنـاز اجـتـثــاث كــل جــد مـن الـقـبـايـل لــه وروثـي *** والمصـادر وضـحّـت أصـل الـثـلاث الأشـاعـه بالمـجـالـس لــه بــثــوثـي *** ولالــه بـتـاريـخ عــزوتــه اكـتـراث يـخـفي الـزيـنـه ولـلـشيـنـه نـثـوثـي *** وعـن كـلام الحـق بـلـسـانــه لّـــواث مـا نطـيـع الـلي سـوالـفـهـم نـكـوثي *** أنـكـروا مـاضـي فـخـرنـا والـتــراث 241 قال عبدالله بن دهيمش بن عبار هذا المقطع من قصيدة :كالحيد يـذري عـن سموم الهجيـري *** يفـرح بـه الـلي شـح زاده ومـيـره من ساس عـزوة بالـزمان الخطيري *** أولاد حـسـن يـنـطحـون المـغـيـره نـالـوا فـخـرهـم بالحسام الشطيـري *** بسيـوفـهـم يـرعـون فـي كـل ديـره وأن كـان جاهم من عـداهم نـذيـري *** حـريـبـهـم دوم الهـزيـمـه مـصيـره 242 قال عبدالله بن دهيمش بن عبار هذا المقطع من قصيدة :عـزوة ضـنـا عـنـاز يجمعهـم جـدود *** والـحمـد لـلـه كـامـل الشّمـل مـلتـم عـزوتك ماهم بس منصب ومسعـود *** كـل عنـزي يالوايلـي لـك ولـد عـم الـربـع الـلي طـريقهـم لـلعـلا سنـود *** ما منهـم الـلي اغتاب ربعـة ولا نم 243 قال عبدالله بن دهيمش بن عبار هذا المقطع من قصيدة :عـرفـت أذكـّر الجاحـد عـلى مجهودي وكـدي عـرفت أفطـّن الناسي عجب هو كيف ناسيني عرفت اللي جحد جهدي حسود ومقصده لدي الـلي عـن خـدمة اللابـة يـريد يكتـّف يـديـني عـرفـت مثـوّر الفتـنه يجيـب الهـرج ويـودي تـوخـه يـا ولـد عـمي لا يـفـرق بـينـه وبـيني عرفت مـفـرّق اللابـه حـقـود وقـلبـه مصـدي ثقيـل النفس مـا أحبـه خيـالـه تكـرهـه عـيني عرفت اللي يناصرني صديـق ودوني يفـدي عرفت النحس وأبغضته لو أنه من فداعيني عـرفـت الحملة الشعواء اللي يلزم لها تصـدي ذكرت الواقـع وعـقـلي عـن الـزلات نـاهيني عرفت القصد والغـاية جليت الشك فـي ردي كره من كان يكرهني وفرح من كـان يغـليني عـرفـت أوضح المنهج وأجادل كـل متحـدي عـرفـت الحـق والباطـل غيـور ولاني دويـني عرفت أعرض عن الجاهل لأنه ليس هو ندي وأقول لمن جحد جهدي شهـود الحق تكفيني عـرفـت أمشي وأنا واثـق لـدرب الحق متقـدي ذكـرت الـواقع المسنـد ولا طاوعـت مغـويني عرفت وليس مستغرب تصرّف من وقف ضدي دلـيـل أن العـمـل نـاجـح يـغـثـه مـن يهـنيـني عـرفـت الـلي يـقـدرني أعـزه وأمـنـحـه ودي أصادق من يصادقـني وأعـادي مـن يعـاديني عـرفـت أوثـق بـحـوثي بحثـت بليـلي وغـدي ذكرت أفعال اللي زالـوا عسى الذكرى تعزيني عرفت أسجل الماضي وأفاخـر في ضنـا جـدي أنـافح عـن حسب قـومي قديم المجد يغـريني عـرفـت أمجاد ماضيهم عليهم دوم مـا ابـدي أمـجـدهـم وأنـا مـنهـم فـخـر عـنـاز يـعـنيـني عـرفـت أكـافح الحـملـة وأنـا والـلـه مـا ودي ولكـن زوّر الـواقـع وهـرج الـزور يـؤذيـني عرفت أن النسب ثابت كتبت الصح في يدي دليل الصدق بالمصدر ذكـرتـه في براهيني عـرفـت أوضح الواقع قـديماتي مع أجـددي وأسندت لخلف المحدى نبيل وساسه غبيني 244 قال عبدالله بن دهيمش بن عبار هذا المقطع من قصيدة :فـكّرت فـي وضـع البشـر وأنتبابـني *** كـثـر العـجـب بالـلي يـريـد الهيمنـه فــكـّرت بـالـلـي عــادتـه يـغـتـابـنـي *** ياخـذ مـن ذنـوبـي ويعـطين احسنـه الكذب سهـمه لـو رمـى ما صابـني *** ومـن لا يـعـد الصّدق مـا ننشد عـنـه قـلتـه وأنـا مـا هبـت مـن لا هـابني *** لـو هـو حـفيـد فـلان مـن هانك هـنـه مجهـد ولا أحـدن بالتـكـّلـف نـابـني *** ومــن يــبــرز حــمـيّـاه هـذا ديـدنــه 245 قال عبدالله بن دهيمش بن عبار هذه الأبيات يوضح الواقع : الحمـد لـلي بـقـدرتـه يـبهـل الضّرع **رب الـخـلايــق يـطـلـبـه كـل داعـي والشكـر لـلي قـوموا منهـج الشـرع ** فـي حكمهـم ما يظلم الشيخ راعي الظـلـم غـبّـه يهـلـك النسل والـزرع ** ولا يـربح الـلي بالقشر لـه مساعي من يعتدي مر الشرى يجرعه جرع **يشرب مـن العـلـقـم وسـم الأفـاعـي وجذع الشجر هيهات ما ينقلب فرع **ولا ينجحون أهـل الدجل والخداعي 246 قال عبدالله بن دهيمش بن عبار هذه الأبيات :يـالـلـه يـا رحـمـن يـا خـالـق البشـر *** يا مـطـلع بـالغـيـب والسـر عـالـمـه يامجيب دعوة من شكالك من القهر *** يا منصف المظلـوم مـن ظـلم ظالمـه نعـوذ بك من صاحب البغي والقشر *** مـنـه النـكّـد والكيـد بـانـت معـالمـه الـلي مرامـه دوم يبحث عن الضرر *** نفسه عـلى تشويه الاجـواد حـالمـه بحكي النـقيـلي ينشر العلم والخبـر *** يـنطـق بـزور ولا يـجـد مـن يكالمـه من لاعدل ما يدرك الفوز والضفر *** مصـاعـد الـبـاطـل تـحـطّـم سـلالـمـه ماحصّل المعروف والمجد والفخر *** كـود الـنـبـيـل الـلي حـمـيّـاه والــمـه 247 قال عبدالله بن دهيمش بن عبار هذا المقطع من قصيدة :لا تـلـومـونـي ولــو فـكـري تـعــيّـف *** مـن سوالـف تنتـقـل عـبـر الشريحه أبـغـض الـثـرثـار والجلـف المهـيّـف *** بالمجالـس هـرجته مـاهـي صحيحه الــذي الـيـا حــل بـالـديـوان جــيـّـف *** مـن كثـر هـرج النمـايـم فـاح ريحـه مـن يـحـوك الكيـد بالهـرح المـزّيـف *** لـو نصحـتـه مـا تـسمّـع لـلنـصيحـه يـغـري المسكين والـدلـخ الضـعـيّـف *** مـع قـشـر فـعـلـه يشيدون بمـديحـه 248 قال عبدالله بن دهيمش بن عبار هذا المقطع من قصيدة :يـا خـالـقي مـلـجـأ لـغـيـرك ولا الـوذ *** الخـلـق خلـقـك وأنـت مالـك ملـوكـه أعـوذ بـك من صاحب الظـلم واعـوذ *** مـن سـؤ شـر الـلي يـسجّـل أبـوكـه حـقي مـن لـلي حجـتـه ظـلـم ماخـوذ *** مهـمـا النكـد والكيـد ضـدي يحوكـه الـلي ظـلـم مـن قاضي العـدل منقـوذ *** لـو خـطّـّت الظـالـم عـليـه محبـوكـه يالـيـت عـرق البوق والغـدر مجـذوذ *** سـاس الخـيانـه مـا يـغـيّـر سلـوكـه عـن كـل مقصد تـايـة البصر محنـوذ *** لـو شـك مـا يشكـل عـلـيـه اشكوكـه مـاجـيـت مـستـرفـد لـمـده وشـاحـوذ *** لـو ثـروتـه تـمـلأ خــزايـن بـنـوكـه ولا هـمـني بالـقـول منطـوق مـنبـوذ *** الـلـي كـلامـه بـالـمجـالـس يـلـوكـه خـاب الـذي طبعـه سفاهات واشـذوذ *** مـثـل الغـليـث الـلي تـراقـل حـنوكـه قـبـايـل الـويـلان فـصّـلـتـهـا فـخــوذ *** وتشهدعلى الماضي وثايق صكوكه هـم الـخـلال بـلـوزة الحـلـق مـنـفـوذ *** وهـم الـذي بعـيـون الأضداد شوكـه 249 قال عبدالله بن دهيمش بن عبار هذه الأبيات :صليـت لـلـه خمس ركـعـات بالغـلـس *** وطلبـت ربـي والـخـلايـق بـغــفـوه عن كيد ظلم اللي صدع ذهنه الخلس *** أشكي على اللي تطلب الخلق عفوه أنـه يجـازي صاحب الكـذب والهـلس *** ذاك الـذي يـفـرح اليـا شاف هـفـوه يفخر اوجهـه بالصدّى منطلس طـلس *** حيثه وضع مابين الأصحاب جفـوه خطو الرجل لو كان ما يساوي الفـلس *** أصبح يخوض بعـلم مـا هـو بكفوه يغـري قليل العـرف بالمنطق السلس *** تـوّه لـفـالـه عـلـم الأنـسـاب لـفـــوه له ملسن مسمم مـثـل شـوكة الملس *** حسيـبـه الـلـه كـدّر الخـبـث صـفـوه التعديل الأخير تم بواسطة عبدالله بن عبار ; 05-17-2022 الساعة 04:24 PM |
|
|
|
|
06-19-2021, 08:32 AM
|
#17 |
|
صاحب الموقع
تاريخ التسجيل: Mar 2008
المشاركات: 10,243
|
الحلقة السابعة عشره 250
قال عبدالله بن دهيمش العبار هذا المقطع من قصيدة : اقسمت مـا اوكّـل عـلى حـقي محامي *** ألا ولا ابحث عن وسيط يتوسط لي كيـف أقبـل الظـلم وآل سعـود حكامي *** كيف أترك الحق والعايل يخطط لـي سلمان يكعـم من عـن الحـق متعامي *** رمـز العدالـه سليـل الباسل البطـلي الحـاكـم العـادل صـدر أمـره السـامي *** يـقـول مـن يشكي ظـلايـم يقلـط لـي المعـتـدي يـرتـدع بالشـرع الإسلامي *** والـلي ابتلا بالجرب لابـد هو مطلي يشهد لجهـدي كـل فهـمان واعـلامي *** وينكرني الـلي به خباثه وبه سطلي تشهـد ربـيـعـه مـن الأهـواز للشامي *** لحدود بيشه ديار الشيخ أبن جطلي سـادات مـن وايـل يـنـادون بـكـرامي *** وأعلنت عذر لكل منعـور يصفط لي 251 قال عبدالله بن دهيمش بن عبار هذه الأبيات مما استجد من شعره : الحسـد يـعـلـق بالضـمـايـر حـريـقـه *** فـي مهـجـة الحاسـد يـولـّع لهبـهـا والـلي أبـتـلا بالحسد يشعـر بضيقـه *** مـن حـيـث نـفسه مـا تحقق طلبهـا يصعب عـليه مـن الكـدر بـلع ريـقـه *** فـكـره تـلـوّث والـذنـوب ارتـكـبهـا الحسـد مـا بـيـن الشقيـق وشقـيـقـه *** يـفـتـن وكـل المشكلـه هـو سبـبهـا والـتـايـه الـلـي مـا يـقــدّي طـريـقـه *** يمشي ورجـلـه خـيّـب الـلـه تعبهـا والـجـاحـد الـلـي مـا يـعـد الحـقـيقـه *** يكـمـا الشهـادة والحقايـق حجبـهـا والهـايـف الـلي مـا اقـوالـه وثـيـقـه *** خـم العـلـوم المـسمـلات ونـهـبـهـا والـرجـل تـعرف سيـرته مـن رفيقـه *** صقـر الصوارم مـا يـرافـق حقبهـا ومـن لا تـمسّـك بالسـلـوم العـتيـقـه *** طـمـن وبـأفـعـالـه جـدوده هـزبـهـا والـكـاتـب الـلي مـا اقـوالـه دقـيـقـه *** مـا تـعـتـمـد مـقـولـتـه لـو كـتـبـهــا هـرج المغالـط والخـطـأ مـا نـطيـقـه *** يا مـزّور العـزوة مصـادرك جـبهـا مـن خاض في تاريخ عـزوه عريقه *** الـواجـب أنـه مـا يـحـرّف نـسـبـهـا 252 وقال عبدالله بن عبار هذه القصيدة : بعـض الرجاجيـل للتاريـخ مـا يـقـرا *** لوتنشدونه مايعرف جـدّه الخامس يمشي كـما قيـل مع الخيـل يا شقـرا *** ما يفهم وقـلبـه بواد الجهل طامس ومن لا يقـدّم عـزيـز الجـاه والمقـرا *** لا يفتخـر بالـذي مـدفـون بالرامس هيهات ما يفرق الهـداجّ من صقـرا *** وغلطان من شبّه العيسوب للنامس 253 قال عبدالله بن دهيمش بن عبار هذه الأبيات من قصيدة : الـلي وقـف ضـدي ويـشعـر بـنـشـوه *** حيثـه مـع أصحاب المكايـد يخـاشي كانت عـلى عيونه عن الحـق غـشوه *** وفي مسلك الباطل مجودل ومـاشي مـثـل المومي بالـدجى عـقـب عشوه *** صابـه صمم مـا أظـن يسمع نقاشي والضـرس ما فـاده عن القـلع حشوه *** ما دام سـوسه بالعـصب تـو نـاشي أحـرق ضميـر الـلي يعاديـك واشـوه *** لـوكـان جـدّه مـن شخوص البواشي 254 وقال عبدالله بن دهيمش بن عبار هذه الأبيات :الشمس بالغـربال مـا تنحجب حجب *** وحيد الجبل صعب انقشاعه وعفسه والتبع فـرخ أحرار لكن ماهـو نجب *** صيـده ضعيـف من الهـزيلات طفسه والكبـر والغـرور والـزهـو والعـجب *** توجد مع الـلي ما عـرف قـدر نفسه والمنحرف كـان انعوج يلزمه شجب *** ويحتاج لـه بـيـن الحجاجين رفـسـه 255 وقال عبدالله بن عبار من الأبيات يثني على الشاعر فالح فويز الشيباني عندما سمع شخص تعرض لي بكلام فتصدّى له وسكّته : الـشـكـر تـستـاهـلـه يـافـالـح فـويّــز *** مشكور يا مجـادل المغتاب بغيابـي صدحت بالحق لكن مـا أنـت متحيّـز *** قـلت الحقيقه ولا تجامل ولا تحابي لو تنشد الـلي يقول الصّدق وايميّـز *** انشد هـل الـذّمـه ولا تنشد الهـابـي خطو الرّجل يدفع بـه الحقـد وايديّـز *** أنشد وتلقى عـلومه وين هو رابي 256 قال عبدالله بن دهيمش بن عبار هذه الأبيات :هذا الكتاب اللي عرضته عـلى لجنه *** لـو بـه خطأ ما تـم فسحه وتوزيعه والمخطي كتابه بـدرج الكبت سجنه *** حيث أن تزييف الحقايق مواضيعه ما عـنـه منشود مهما طـوّل برجـنه *** ومن يزرع الفتنه خساره مشاريعه الكاتب اللي يحوس الهرج وايعجنه *** مـا فـاد مـدحـه بالوسايل وتشجيعه وسيطه اللي يبوس الخشم والوجنه *** فاشل ويدري حاكم العدل ما يطيعه وشعاد لو هوبل وهيجن على هجنه *** مـا نـال مقصوده وخابـت مراميعه 257 وقال عبدالله بن دهمش بن عبار هذه الأبيات :حتى الـذي مثـل النعجه الربيضه *** دلا يسـوي بالمجـالـس ضـواضي اللاش ما يشكل عـلي اتحريضه *** ايبس لحاضه قبـل ييبس لحاضي خله عسى ياطاه سكس العويضه *** عشرين طون حمولته بالمقاضي 258 قال عبدالله بن دهيمش بن عبار العنزي هذه القصيدة :يا الله يالـلي جميع الخلـق تركع لـه *** تسجد لوجهه كبار الناس واصغاره يا الله يا رب مـن يدعوك تسمع لـه *** توحي صدى دعوته ياعالم اسراره يا الله يا مـواعـد المظلوم تفزع لـه *** وتبطل مكايـد حايـك الكيـد وانصاره فرعون طغا وجته الأسباب من فعله *** ونشرت على كل الملأ جملة خباره حيثه صدح بالطّغى وإبليس طاوعله *** رب العباد اهلكـه ثـم خـرّب ديـاره واللي ظلم واعتدي قولوا معي جعله *** يتوب عـن غلطتـه ويعـدّل افـكاره لاشـك الـلي حظـه تـوطـاه فـي نعـله *** لـو اعتذر عذره عـن الذنـب كفّاره الحسد نـاره بوسط الجوف له شعله *** بفواد راعي الحسد ما تنطفي ناره لومه على اللي من الهرابيد يجمعله *** بالكيد وأعمال النـكّـد قـام بـأدواره العي الـلي درب الهدى ما يسانع لـه *** غلطان من يقبل مهاجيه واشواره والتايه الـلي من الخواريف يصنعله *** شوّه نسب مابـه معـايـب ومعيـاره هـذا يـحـز وذاك بالمـوس يقطع لـه *** والكـل منهـم لعـنـزة يعـلـن انـكـاره العـزوة الـلي مكـان القـفـر تـنجعلـه *** دار العـدا تـرعى مفـاليـه وأشجاره جمع القبيلـه أولـف عنه وأطبع لـه *** وأعتز بالـلي بالفخر شاعت أذكـاره وأصبح كتابي طالب الصّدق يرجعله *** مصدر نسب ما تنقده ناس قـمـّاره والمجتهد زيـنـات الأعـمال تشفعلـه *** ولا يجحد ألا الذي طبع الغدر كـاره والـيـا ظـلـمـنـا ولـي الأمـر نـرفـعله *** بحكم الشريعه ترتدع نـاس غـّداره الشرع حـق وساير الناس تخضعله *** واللي مشى معتدل ماتقصر اشباره واليـوم كـلـن رصيـد البـنـك يـدفعله *** والـكـل يـمـلـك عـلـى فـلّـه وسياره الحـر الأشقـر شاامـخ الحيـد يطلعله *** والبوم ينغـط طويل اللّيل فـي غـاره 259 قال عبدالله بن عبار هذه الأبيات :مامن بشـر عـن الخطـأ نال عصمه *** غير الرسل ما ينوجد شخص واحد قـلتـه والـلي مـالـه مـآثـر وبصـمـه *** يحسب مع المدفون في جرف لاحد وجميع ظـالـم والـي العـرش خصمه *** الـلـه حسيـب لكـل شـاني وجـاحـد خطو الرّجل فعـله من العيـب وصمه *** فـاجـر وصحبه كـل أبوهم مـلاحـد 260 قال عبدالله بن دهيمش بن عبار هذا الملخص من قصيدة طويله :كـل القبـايـل مـا نـفـت من ربـا معـهـا *** الـلي حالـفهـا يعتبـر مـن عشـايـرهـا لـو اسمهـا مـاهـو مضـاف بتـوابعـهـا *** سلم العـرب ما ينهـزب من يجاورها واللي العبث بأنساب الأجـواد شجّعها *** مـا قـابـل شخوص القبيله وشاورهـا أنـسـابـهـم مـانـي لـك الـلـه صـانعـهـا *** يلـزم دلايـل مـن بغى النفى يحضرها ماهي هقـاوي بحـدس الظّـن نـرمعهـا *** كـل العـلـوم أخـذتـهـا مـن مصادرهـا مـا ازيـف أنسـاب القبيلـة واخادعـهـا *** ولا آخذ علوم اللي السوالف يزورها مـا اصاحب اصحاب المكايـد والايعهـا *** ولانـي رفيـق الـلي المعايب يدورهـا لـي نـفس حـرٍ صنتهـا عـن مطامعهـا *** أبـلـّغ نـظـاف الـضـمـايـر وابـشـرهـا والعـز فـي عـف النفـوس وتواضعها *** وعلـم الفضيله هـو خزاين جواهرهـا كتـبي فخـر يفخـر بهـا مـن يطـالعـهـا *** عـنّـاز دونـت مـاضيـهـا وحـاضـرهـا أولاد وايـل كـتـابـي صـار مـرجـعـهــا *** هـذي حقيقـه كـل منصـف يناضـرهـا كـل عـنـزة شـافـت بحـوثـي بموقعهـا *** وضحّـتـهـا والكـل بالكـتـب خـابـرهـا مـن الـذي فـي خمسة عـقـود يجمّعها *** تـعـب عـلى جمعها وكلفـة خسايرهـا ومـن الـذي جـميـع الأفـخـاذ فـرعـّهـا *** الجالـيـات وبـدوهـا مـع حـواضـرهـا ومـن الـذي شـيّـاب عـنّـاز راجـعـهــا *** وأخـذ عـلـوم بصفحة الكتب ناشرهـا ومن اجتهـد وبحوث الأنساب وسّعهـا *** بأخـلاص والـدولـه يطبّـق أوامـرهـا كـم لـيـلـه اسـهـر والعـبـاد بمهاجعهـا *** مـع المـراجـع والمصـادر اسـامـرهـا يـمـنـاي مـا تبصـم أنـامـل أصـابـعـهـا *** من كثـر ما حـروف الكتابه أسطرّهـا حيـث الـرجـال الـلي رفيعـه مواضعها *** تشهـد ولا تجحـد جهـودي وتنكـرهـا أفـعـال تـشهـل بالحـمـايـل وتـرفـعـهـا *** وأفـعـال بـقـعـور الـهـبـايـا تـحـدّرهـا والـلي عـبـاتـه عـن المتنيـن يخـلعهـا *** يشظى الشمل يـبي القبيلـه يدهورهـا 261 قال عبدالله بن دهيمش بن عبار هذه الأبيات من قصيدة :يا أبـو فهد جاني كلام أهـل الأنصاف *** أهـل الفخـر وأهـل العلوم الطرايـف لـك الشكـر واشكـر بعيديـن الأهـداف *** اللي اعلنوا شكري بلفض الشفايف اثـني عـليهـم واجهـر المـدح بالقـاف *** نـوادر الـويـلان بـيـض الصحـايـف الـلي ضمايـرهـم عـفيفـات وانضـاف *** الـلي لهـم فـعـل الجمايـل وضـايـف ماهم من أصحاب البلابل والأرجـاف *** ولا خمّوا المضمون من كـل هايـف صـافـيـن مـا فـيـهـم مـخـادع وبـلاّف *** ولا يسمعون القول من هرج زايف حيث الرجال اشكال والوان واصناف *** أنواع يا دغيّـم مثـل ما انـت شايـف وكـل العـرب لـهـم تـقـاليـد واعـراف *** والطيب يوجـد فـي جميع الطوايـف فيهم شخوص وبه هذاليف واعـذاف *** وفيهـم أهـل عـفّـه وفـيهـم هـدايـف جـهـدي يثمـن عـند زاكين وأشراف *** وعند الصّدوق اللي من الرّب خايف ما يجحدون اللي قضا العمـر طـوّاف *** صابـر عـلى كـثـر التعـب والكلايـف وجمعت اللي مع غيرهم ماهم أحلاف *** مـن مـارثـة عنّـاز ماهـم لـفـايـــف 262 قال عبدالله بن دهيمش بن عبار هذه الأبيات من قصيدة :الـرفـيـق الـلي عـقـب عـرفـه تنـكّـر *** وأن سمع طـاري مديحك ما يسـرّه كـان شـيـد بسـمـعـتـك جـوّه تـعـكّـر *** وأن ذكـرت بـخيـر يشعـر بالمضّره وأن وجـد هـفـوه بنشـر العـلـم بكـّر *** وأن نشر عـلم الفخـر جوفه يحـرّه أن عـمـلـت الغـانـمـه بـه مـا تشكّـر *** يـجـحـد المعـروف لـو مهـما تـبـرّه وكـان هـاتـفـتـه وقـلـت ألـوه سـكّـر *** مـا يـبي يسمع حـديـثـك فـرد مـرّه مـن تـجـاهـل لـو ذكـّرتـه مـا تـذكّـر *** صـد عـنك عـمـاد مـا قصـده مـغـرّه اسـتـمـع مـنـي خـذ الـعـلـم وتـفـكّـر *** جـنـب الحـاسـد كـفـاك الـلـه شـرّه لا تـعـلّـق بـه تــرى فـكــره تـهــكّـر *** اخـصـره واتـرك عـتـابـه لا تـشّـره الـقـطـامـي فـوق راس الحـيـد وكّـر *** والـحـجـل بـالـغـار مـربـاه ومـقـرّه 263 قال عبدالله بن دهيمش بن عبار هذه القصيدة : نفخـر بالأجـواد ونوصف محاسنهم *** بالمـرجلـه لـيس بالهندام والسكبـه فـعـل الفخـر طبعهم والطيب ديدنهم *** ولاخاب من سلم الحمايل تمسّك به راموا طريق العـلا من طيب معدنهم *** يكفيهم الـرب شـر الغـلـب والنكبـه العـزوه الـلي موطـن العـز موطنهم *** غلطان من حرّف نسبهم وشكك به عـزوه فخـر من ضدّه الضد يزبنهم *** بالوقت اللي سرد السبايا تعارك به عـدوانـهـم تـكثـر غـلايـب غباينهـم *** وقطعانهم فـي كـل ديـره تحـرّك بـه مـن يعـتـزي بالـلي بالأكفان كفنهـم *** كان أتكل جملة المخلوق تضحك به أنصحك يا صاح خاو رجال تبخنهم *** وجـه السعد سفـر المحيا تبارك بـه صيد الرجال أن ظامك الظيم خادنهم *** أدناهـم الـلي مقـام العـز يسمك بـه خلّك مع الـلي مـا يجيك الخطأ منهم *** والخايب المذموم حذراك تشبك بـه أبعـد عن الـلي بادع الكذب يشحنهم *** في كل مجلس قرين السؤ يبرك به وأهـل المكايد والعفون أبتعـد عنهـم *** النذل والهيس والهلباج وشلك بـه وأهـل الغـدر والبوق حذراك تأمنهم *** مثل المرض لاعاث بالجسم يفتكبه عوج الدروب اللي شطيره ملاسنهم *** كالجرب تعدي بالجرب من تحككبه وأفطـن تـرى الحسّاد مهما تهادنهم *** أكـبـر خـطأ بمهادن الخصم ترتكبه وترى الحظوف مسممه لـو تلاينهم *** خذ الحذر عن قشعة الداب مالك به عـز أصـدقـاك وبالملمـات عـاونهـم *** واسع بطريق الخـر لا تثني الركبه واليا زعلت أخز الشياطين والعنهم *** من فقد رشده عقله بليس شارك به 264 قال عبدالله بن دهيمش بن عبار هذه الأبيات :قال من يهدي على ربعه سلامه *** يبلغ الوافي ويسهج كل حاقـد كل منصف ما تجي منه الملامه *** ومن توقّع مـا يذمـه كـل ناقـد من يحـوك الكيد ما يبلغ مرامه *** ولا يفيده لـو مع الزمّره تعاقـد أحمـد المولى على عز وكرامه *** والحسود النار في جوفه تواقد والحقير المـدح مـا يرفع مقامـه *** دام هو للطّيب والإحسان فاقد البـغـي والظـلـم تـالـيهـا نـدامـه *** والبشر لـه هـادم اللّـذات زاقـد والجزاء عند الولي يوم القيامه *** يوم يبعث من مقـرّه كـل راقـد 265 قال عبدالله بن دهيمش بن عبار هذه القصيدة توضيح وهي تعبّر عن فحواها : قال الـذي صاغ القوافي عـلى النون *** قـرايـضٍ مـن فــن بـدعــه بـداهــا أهـديـه لـلـي بـالـعـهـد مـا يـبـوقـون *** أعـنـي نـوادر عــزوتـي وافهمـاهـا جميع الـلي من ساس عـنّـاز يعزون *** قـولي يـعـم شخوصها واوجهـاهـا الـلابـة الـلـي بـالـفـعــال يـتـبـاهـون *** بـهـم اتـفـاخـر وأعـتـزي واتـبـاهـا وأنـا مـن الـلي عن حماهـا يذودون *** أذكـر مفـاخـر عـزوتي مـن غـلاهـا أذود عـنـهـا كـل هـاجـي ومـلسـون *** وأكبـح جمـاح الـلي القبيلـه هجاهـا ولا أسـب غيـر الـلي لربعي يسبون *** ومن يشمت الويـلان جعـلـه فـداهـا الـعـزوه الـلـي بالـلـّزوم يـتـحـامـون *** تـربي عـلى علـوم المراجل ضناها الـلي عـلى الفعـل الجميـل يتواصون *** رجـالـهـم روس الـمعـالـي رقـاهـا رجالهـم باللّطـف والطـيـب مبـخـون *** نـزيـه عن طرق الـردى ما مشاها الـلي بـوقـت الـلّازمـه مـا يـتخـفـون *** أهـل السلـوم الـلي تـعـز اقصراهـا أهـل النفـوس الـزاكيـه مـا ايتعالون *** أجـواد يـعـرف بـالعـرب مستـواهـا عـن الظـروف الطاريـة مـا يغيبـون *** الـلي نـهـار الكـون تـقهـر اعـداهـا زبن الـذي من جايـر الوقت يشكون *** ومـلاذ الـلي جـور الليـالـي حـداهـا عـصر النقاء يـوم الرجال يتناخـون *** فرسان كـان الحـرب دارت رحـاهـا يـوم الدبش يحجـر معـقّـل ومرجون *** أذوادهـم مـا يـربـح الـلـي غـزاهــا أفعالهم شاعت لهـا عصور وقـرون *** أمجـاد لـو طـال الـزمـن مـا محاهـا العـزوه الـلي بغيـرهـم مـا ايتسمّون *** الاسـم والـفـعـل الـمشـرّف كـفـاهـا الـعـزوه الـلي بـالـهـواشـل يـهـلـّون *** مـع الـكـرم للـضـيّـف حـلـوٍ نـبـاهـا عزوه على علوم الفضيله يحرصون *** يصعب عـلى جـمع المعادي لقاهـا عـن الـلـوازم طـبعـهـم مـا يصـدّون *** ولهـم ضمايـر ناصعـه مـن صفاهـا العـزوه الـلي فـي جهـودي يشيدون *** وراعي الوفاء يجهـر بها ما كماها المنصفين الـلي عـلى الجهد يثنـون *** ومن يعـمل المعروف يلقى جـزاهـا شاكر من اصحاب العـدالـه وممنون *** ومن كـل منصف وقفتي مـا نساها مـا يـجـامـلـون وللحـقيـقـه يـعـدّون *** حصـن الـرجـال الـلي بـعيـٍد مـداهـا الـلي اليـا شـافـوا خـمـال يتغاضون *** ومن شاف غرّه ما جلع عن غطاها أهل القـلـوب الطاهـره مـا يغـدرون *** ولابهـم الـلي فعـل الخيانـه نـواهـا أهـل التـقى الوافين بالخيـر يدعـون *** دعـواتهـم بالنـاس يـدوي صداهـا كـل الـرجـال المنـصـفـه يستـعـزون *** بالـلي أجتهد وأمجاد ربعـه حصاها لاشـك قيـل النـاس هيهـات يرضون *** مهما بذلـت الجهـد يصعب رضاهـا عـنـدي يـقـيـن الـلـي لكتبي يـذمّـون *** أكـثـرهـم الـلي تـجهلـه مـا قـراهـا عـلى الـدعـايـة يشمتـون ويلومـون *** ولا منهم اللي شاف وش محتواها ولا اطاوع اللي دون خبره يقصّـون *** وأعارض الـلي أمجـاد وايـل نفاهـا بعض الرجال الـلي بالأنساب يفتون *** بهـم الـذي من دون مصـدر رواهـا قلت الصحيح وكـل الأجـواد يـدرون *** ضـنـا عـنـاز أفـرادهـا وأزعـمـاهـا قلته وأنا لساني عن السب مسجون *** وانصح الـلي شين المهاجي حكاها والـلي يـبـون لـمـا بـنـيـتـه يـهـدون *** مـثـل الـشـوامـخ مـا تـهـدّم بـنـاهـا والـلي بـلمـات المجالـس يهـرجـون *** تقليـد قـول الـلي العـلـوم افـتـراهـا لومي عـلى الـلي للدعايات يصغون *** بعـض الحكي شمـل القبيله شظاهـا خاب الـلي خـلاّ عزوته مـا يتدانـون *** تبـاغضت عـقـب الغـلا مـا تـشاهـا نحتـاج الـلي لجمع الجماعه يلمـون *** جـمـع الـرفـاقـه مـا نـدوّر سـواهــا والـلي جـداهـم للمـكـايـد يـحـوكـون *** من فضل ربـي خـيّـب الـلـه رجاهـا والـلـه ما أعلم قصدهم وش يريدون *** أطـلـب عـسى رب العبـاد يهـداهـا الـلـي بـغـيـبـة كـل غـايـب يـنـمــوّن *** مـا دريـوا أن الـلـه رقـيـب يـراهــا الـلي يـدورون القشـر مـا يحـوزون *** عـلـى مـقـاصـدهـا وغـايـة مـنـاهـا يبطون عـن نيـل الهـدف ثـم يبطون *** عـوج المقاصد مـا تـصـل مبتغاهـا والـلي بـوجـود الخـطـأ يستـشكّـون *** تـدور نقـص بمنهـجي مـن عـنـاهـا الحـمـد لـلـه كـامـل الحـق مصـيـون *** حـكـم الـعـدل كـل الحقوق يحمـاهـا نمشي عـلى منهج شريعـه وقانـون *** ومـن لـه قضيـه توصلـه منتـهـاهـا يـالـيـتـهـم عـن الـظـلايــم يـتـوبـون *** وأهـل الخطـأ ياليـت تمنـع خطـاهـا ياجـب عـلى الـلي للحقايق يعرفـون *** عـقـالـهـا تـمـنـع هـيـاط اسفـهـاهـا كـل الـعـبـاد مـفـتحـيـن ويـشـوفــون *** ألا الـلي عـيـونـه غشاهـا عـمـاهـا الـنـاس فـي شبح النواظـر يراعـون *** ولا يشجعون الـلي الخلايق شناها بعـض الـرجـال لكـل ناجح يحسدون *** يا نـاس وش مطلوبها وش بـلاهـا والـلي بجـوفـه أسـود الـرّان مكنون *** نفسه عن دروب الغـوا مـا نهـاهـا حسيبـهـم رب الـمـلأ مـبـدع الـكـون *** الـلي جـميـع الخـلـق يعـلـم خـفـاهـا ماجـيـت ناصيـهـم أبـيـهـم يـقـطـون *** ولا يـوم مـديـت الـيـديـن لـعـطـاهـا الحـمـد لـلـه مقتـنع واطـلـب العـون *** مـن بـاسـط البـيـدا ورافـع سمـاهـا ومـن صـدّق بهقوات نـاسٍ يـظنـون *** فـشل وبـاطـت كـل هـقـوه هـقـاهـا ومن فوهوا بالكذب ما حصّلوا لـون *** أبـقى عـزيـز وهـم عليهـم خـزاهـا 266 قال عبدالله بن دهيمش بن عبار هذه الأبيات في احقاق الحق : الحـق الـلي للحق جاحـد ونـافي *** ربـه حسيبه كيف يجحد وينفـاه الحـق لـلي عـنـده الحـظ هـافـي *** الغاشم الظالم عـن الظّـلم ينهـاه الـحـق لـلي بـان جـوره كشـافي *** لابـد يعود ويقتدي بأمـر مـولاه الحق ما نوره عن الناس طافي *** ومن يتبع الباطل عن الجاده تاه الحق واضح منهجه ليس خافي *** ما يجهله لكود من تاهت أريـاه الحـق في شبح النواظـر يشافي *** الا لمن حقده عن الواقع اعـماه الحـق لـلي كـان عـنـده انصافي *** يشيد بالمعروف ما أظـن ينساه الحـق مـنـهـج كـل قـرم سنـافي *** ومـن خالفه كلن يسبـه ويشنـاه الحق حق الشّرع من لـه يعافي *** ينـزع وتـنـزل قيمته كـان خـلاّه الحق يـوم الكـل عـاري وحـافي *** مابه مناصب لا مراتب ولا جاه الحق يوخذ في هاك اليوم وافي *** واللي ظلم ربّه على الّظلم يجزاه التعديل الأخير تم بواسطة عبدالله بن عبار ; 08-08-2021 الساعة 07:05 AM |
|
|
|
|
06-19-2021, 08:50 PM
|
#18 |
|
صاحب الموقع
تاريخ التسجيل: Mar 2008
المشاركات: 10,243
|
الحلقه الثامنة عشره 167 قال عبدالله بن دهيمش بن عبار هذا المقطع من قصيدة :
ما يـنـفـع الـنـادم تضـجّـر وحـسـره *** ولا يرجـع الماضي اليا فـات حتنـه ومن خار عـزمـه كـل جهده يخسره *** والـلي عجـز مـا شال حملـه بمتنـه والـلي صعيـبـات الـمـراجـل تعسـره *** يـطـيـر مـجـده مـثـل دخـان تـتـنــه ولابـه نـجـاح ألا بـتـفـانـي وجسـره *** واليا عملت استنظـر الفـوز واتـنـه بعـض الرجال الجمع يرغـب بكسره *** الخبث شين وريحـة الخبـث نـتـنـه والـلـي يـفـرّق بـيـن أسـره وأســره *** مـغـتـاب ومـحـرّض وثــوار فـتـنـه 268 أبيات من شعر عبدالله بن دهيمش بن عبار من ذات القافية الصعبة :يا صاح تـوّب للـولي واتـرك الهـمـز *** وخـل النمايم لا تصيـر مـن أهلهـا يا صاح ما تجـني حصيله من اللّمـز *** ترى العبـاد المخـطية مـا اتحملهـا يا صاح مـالـك بـالأشـارات والغـمـز *** وش السبب بعـراض الأجـواد تلها يا صاح خل القـفـز والنقـز والقـمـز *** حـيـد الشوامخ لا تغـربـش جبـلهـا يا صاح حاذورك من التوز والتـمّـز *** تـنقـاد في حبـل الـرسـن قـود بلهـا يا صاح خلّـك بالعـرب تعـتـبـر رمـز *** طـيـب الفعـايـل ما نـدم من فعـلهـا يا صاح ضـد الـلي يضدك وثـم أمـز *** بـطـن الـذي غـثّـك وكـبـدك دبـلهـا 269 قال عبدالله بن دهيمش بن عبار هذه الأبيات من القصائد القديمة أثناء رحلاته يسند على منادي الطويلعي رحمه الله ويثني على بعض رجال عنزة في القريات : اشكرك واشكر جميع الربع يا منادي *** عايد وفليّح وأبن عشبان مع جمعه وعيال سالم والـلي عـزوتهم نجـادي *** وجميع عنـاز أهل الصيت والسمعه مقـصـود شـفي أعـد الـكـل ومـرادي *** لا شك فكـري عن التعبير بـه زمعـه والنعم يشمل هل الطولات الأجـوادي *** هم القـداوة هـم النبـراس والشمعـه أولاد وايـل لا حـدا بالـلـقـاء الحـادي *** فرسان هيجاء ولا هم للعـدو طمعـه للملتجي حرز عن باغـيـه واسنـادي *** والعـايـل المعـتـدي عـاداتهـم قمعـه الطيب موروثهم من عصر الأجدادي *** والكـل منهم بعيد الشوف والرمعـه يوم المغازي في هاك العصر لاعادي *** والسيف يجهر من يحد النظر لمعه وان كان نوشح مكيل المير والزادي *** أرداهـم الـلي يخلط العيش بالخمعـه ريف الهواشل عزازالضيف والبادي *** والجار ذوده بورده ماخشي صمعه وأن سار من عندهم ولديرتـه عادي *** عينه تغـورق من العـبرات بالدمعـه أولاد وايـل كـرام وطـبـعـهـم هـــادي *** أجواد فيهم خـصال الطيب مجتمعـه 270 قال عبدالله بن دهيمش بن عبار هذا القصيدة وهي نخوه للتكاتف لدفع ديه : سجـّل التاريـخ بسطـور الصحـيـفـه *** وبـالـفـخـر مـيّـز ضنـا عـنـاز قـمّـه الـويــلان أعـمـالـهـم دايـم شـريـفـه *** يشهـد الماضـي وتـشهد كـل الأمـه بـالـمـغـازي مـا يـعـرفـون النكـيـفـه *** كـل مـنـهـم جـاد فـي روحـه ودمّـه يـوم كـلـن مـرتـدي رمـحـه وسيفـه *** مـا تـحـضـرنـا نـسـيـر بـكـل يــمّــه مـا بـنـا الـلي عـادتـه يـنكـر حـليفـه *** مـن زبـن مظيـوم نحـميه ونـظـمّـه من نـصـانا وسار معنا طـاب كيـفـه *** صـار يـشـعـر بـالأمـان وزال هـمّـه مـا نـقـول لـمـن يـرافـقـنـا هـديـفــه *** نـحتـفـي بـالـجـار والخـملـه نـدمّـه كـل عـنـزي صـار لـجـدوده خـليـفـه *** جـاه سلم الطيـب من خاله وعـمّـه يكـرم العـاني ويـقـري مـن يضيـفـه *** وينصر الخايف اليا صارت مطـمّـه وكان شان الوقـت وسنينه مخـيـفـه *** مـثـل داجـور الـلـيـّول الـمـدلـهـمّـه عـادة عـنـزه يـشـيـلـون الـكـلـيــفـه *** يـجـهـدون بـكـل عـزم وكـل هــمّـه حـيـث لا زالـوا عـلى تلك الوصيفـه *** مـن وعـد مـنهـم مـواعـيـده يـتـمّـه الشهامـه عـنـدهـم مـبـطي وضيـفـه *** والبخـيت الـلي شمـل ربـعـه يـلمّـه ومـن يـدور الطايلـه يسعـف سعيفه *** مـا نـشـد عـن قـيمة المطلوب كمّـه مبـلغ المـدّى عـلى العـزوه خـفيـفـه *** وعـزوة الـويـلان مـا منهـم مخـمّه فـكـوا محـمـد مـن حـدود الـرهـيفـه *** وأعــتـقـوه لأخـوتـه وأبــوه وأمــه 271 قال عبدالله بن دهيمش بن عبار هذا المقطع من قصيدة يحث القبيلة على التكاتف :يا عـيـال وايـل يالـرجـال الصنـاديـد *** أمـجـادكـم غـيـر الـقـديـمـه جـدايـد تـاريـخ مـاضيـكـم حـقـايـق وتأكـيـد *** حاشا نقـول المجـد في عـهـد بـايـد تـكـفـون يالـويـلان مـابـه تـصـاديـد *** مـا منكـم الـلي عـن لـزومـه يحايـد يـا أهـل السلـوم الطـيّـبـه والتقـاليـد *** جـمع الشمّل نصّـت عـليـه العـقايـد والمقصد الـلي أولاد وايـل لـه تـريد *** هـو الـتـكـاتـف فـيـه عــدّة فـوايــد مـن بـه حـمـيـه مـا ثـنـوه اللـوّاديـد *** ومن طـاب فـعـلـه للرجاجيـل قـايـد لا تسمعـون أقـوال شـور المـقـاريـد *** الخـامـلـيـن أهـل الـعـزوم الـبـلايـد والـلي عـن الماجـوب دايـم رواقـيـد *** مامـن فخـر في نـاعـمات الوسايـد مـن طـاح يلـقى بالحمايـل مـجـاويـد *** والـحـمـد لـلـه لـلـحـمـايـل شـرايـد من جـاد يستـاهـل مـدايـح وتمجـيـد *** نـظـهـر ثـنـاه ونـشـكـره بالقـصايـد وأجره على معيد الغصون الهواميد *** مـحـيي هـشـايـم بـالـيـات الجـرايـد 272 قال عبدالله بن دهيمش بن عبار هذه الأبيات رد على الذين ينفون نسب قبيلة بني هزّان من عنزة ويدّعون أنهم من طسم من العرب البائدة فقلت : عـزوة بـني هـزّان ما ساسهم طسم *** من نسل وايل مالهم عـرق بجديس هـزان مبـطي بالمصادر لـهـم رسـم *** مـن مارثـة عـنـاز مـاهـم هـلابيس حمايـل وفـي كـل مصـدر لـهـم أسـم *** ولاهـم بـحـال الـلي يضلـل بتدليس والـلي طعـن بانسابهم يلـزمـه عسم *** يقـدح ومنطـوقـه حـقـاره وتدنيس لـو يسحـب الـلي سـب هـزان للقسم *** ما يطعـن الأجواد خـلـف الكواليس الشـرع قـايـم والقـضيـه تـبي حسـم *** والـلي ظلـم لـيتـه تعـوّذ من إبليس يا ربعـنـا مـا نقـبـل الطّـعـن بالجسم *** الهرج الأقشر مثـل وخـز الدبابيس لاصار ما هرج الرجل مقصده دسم *** الـلي سـوالفهـم رخـيصـه مفـاليس من أنتحا عن عزوته واخلف الوسم *** خايب ولا عنده مشاعر وأحاسيس 273 قال عبدالله بن دهيمش بن عبار هذه الأبيات بحفل أفتتاح ملتقى الفدعان بالدمام في 20 رجب عام 1439 هـ أثني على الرجل الفاضل خليل بن عايد البري : حضرت في حفل الرفاقه وأبي اقول *** أبيات من فيض الخواطـر تصانيف أبي اشكر اللي شال في متنه حمول *** حـيثه تـبـرّع فـي جـميـع التكاليـف خليـل أبـن عايـد لـه الشكـر مدبـول *** ينفـق ولا تشكـل عـليـه المصاريف من نسل بري مـا نزل بالوطأ نـزول *** من شب يصعـد عاليات المشاريف والشكر مـنـا لجملـة الربع موصول *** الـلي بملتقـاهـم تـشّـرفـت تشريـف العـزوه الـلي مـن قـديـمٍ لهـا افعـول *** حـمـر النواظـر ما خلطهم هـذاليف خـويـهـم مـا يشتـكي ضيقـة الجـول *** وقصيرهم مصيون ما يلحقه حيـف ودخيلهـم يحشم عـن الظيـم مكفـول *** ويـوم الجفـا ببيوتهم ينعـم الضيف عزوة فـخـر ما فعلهـم كـان مجهول *** تاريخهم معروف ما يريـد تعـريـف مـا أقـدر أعـد افـعـال حمّايـة الشول *** عصر السبايـا والبكـار المـزاهيـف كنـا نجـوب البـاديـة فـوق مـرحـول *** واليوم عصر العـز والأمن والكيف بـقـيـادة الـلي بالمعالي سمـك طـول *** عاهـل وطنـا يردع الخصم بالسيف 274 وهذه مقاطع من قصايد قلتها في بعض أمجاد ومفاخر قبيلة الفدعان : بـديـت اوصّف عزوتي بالوصايـف *** واعتز وأفخـر في رجال الفـداعين هم حـربة الويلان ستـر العـفـايـف *** مـاهـم عـلى كـل القـبـايـل خـفيـيـن تشهـد لهـم بالطيـب كـل الطوايـف *** مبطي عـلى فعـل المراجل مضرين يـوم الغـزاه ويـوم عصر النكايـف *** يرعون في حـد الحسام أبو حـدين فـوق النجايـب موميـات السفايـف *** فـي كـل يـوم لـدارالأضـداد غـازين قـبـل المـرازق تنحصر بالوظايـف *** داجوا بـدارالكرد وارض السلاطين اهـل العـلوم المسملات الطـرايـف *** مضرب مثل والناس بالفعـل دارين تاريخهـم مـا ينحصي بالصحـايـف *** مبطي عـلى عـلوم المراجل معيين أولهـن الـلـي بالسنين الـعـجـايـف *** الصوت لأبن مهيد يوم الزمن شين والثـانـيـة يـوم العـطـايـا عـذايـف *** جـزل العـطيـه سنهـا خـلـفـة غبيـن والثـالثـة عـن عايـزات الحسايف *** صغيـرهـم شـرب المغـر بالـدياويـن والـرابـعـة بـوج الـديـار المهايـف *** فـي كـل ديـرة يدلجـون المضاعيـن والخامسة يزبـن لهـم كـل خـايـف *** حـمـر النـواظـر يدحـرون المعادين والسادسة يثـنـون دون العطايـف *** الـروم مكـديـن الـعــدا بـالـمـيـاديـن من بشر ابـن عـنـاز ماهـم لفايـف *** مـن نسل وايـل بالمناسب عـريبين هـذا الوكـاد ولا نـبـي مجـد زايـف *** ما قـلـت تمجيـدي هـقاوي وتخمين والمدح مايزها العـفـون الهـدايـف *** يستاهـل التمجيد من يفعـل الـزيـن 275 قال عبدالله بن دهيمش بن عبار هذه الأبيات وبها أشارة لمعركة ذي قار : كـل العـرب تفخـر بـوقعـة نـهـاونـد *** يوم الزمان اللي به احداث وحروب وبالقـادسيـه نـفـخـر بـقـايـد الجـنـد *** ذاك المثنى الليّث من بـكـر منسوب وهاني أبن مسعود سيفه حمى هند *** يوم أن أبوها لحاكم الفرس مطلوب لاذ بـنـمـر مـا لاذ في ثـعـل واخـلنـد *** والحيد به ملجأ عن البرد والشوب علم الفخـر ما يدركـه خـامـل الّـزنـد *** يـوم الحـرايـب نارها كـان مشبوب نعـمان أبن زرعـه ذلـولـه تقـل لـنـد *** أسرع يبي يقضي على بكر بالنوب هــدد أبـن سـيّـار ثـم أنـتـخـى عـنـد *** عـند القبيله مـا سمع نصح مندوب منـدوب كسرى عـلمّـه بـأول الـبنـد *** الصلح عيب وعندنا ليس مرغـوب ويوم أقبلت قوات كسرا تحنـد حـنـد *** صالـوا وعاد الكل جافـل ومرعوب بـذي قـار جرعـوا المعادين رهـونـد *** بكر وعنـزه وكـل ما صار مكتـوب غامـر وكنّـه غاص في مدرج السّند *** وطـفـه مـن التيـار بالموج سالوب 276 ومن شعر عبدالله بن دهيمش بن عبار هذا المقطع من شعر الدحّه : يا ربـعي يـا عـزوة وايـل *** أنـتـم مـن روس الحمايل عـادتـكـم تـكـدون العايـل *** أهـل الهـيـبـة والـبسـالـه يا ربـعي يا أهل الفضيله *** أحـيـوا تـراث الـقـبـيـلــه الدحـه مـن ماضي جيلـه *** عـقـبـهـا الـوالـد لأنجـالـه الـدحـه مـبـطـي دحـتـنــا *** عـادات أهـلـنـا وعـادتـنـا هـي الموروث لعـزوتـنـا *** أصحـاب العـقـل المـيـالـه الـيـا عـرضـنـا ودحـيـنـا *** نبهج صـدر الـلي يرجينـا يـبشر بالفـزعـه داعـينـا *** الـكـل يـبـاهـي بـافـعـالـــه الـدحـه سـلــم الـقـرايــب *** يلعـبهـا الصبي والشايـب وأن حضر وقت الحرايب *** الـفـزعـه هجـن وخيـالـه يا أهل النخوه والشجاعه *** كونـوا مع جمع الجماعه تـفـريـق الشمـل قـطـاعـه *** ولا ربـح مـن شـذ لحـالـه تـرانـا أن مـا تـكـاتـفـنـــا *** جسّرنـا اعدانـا وضعـفنـا نحـمي قـيمنـا وشـّـرفـنـا *** والكـل محـاسب بأعمالـه والـلي مـا يعـتـز بـربـعـه *** سلمـه باطـل مـا نـتـبـعـه الطـيّـب مـا يـغـيّـر طبعـه *** مـا يقـفي لـو يكثـر مـالـه الـطـيّـب بالـيـوم الـفـادح *** يـجـود ويـزهــاه الـمـادح والـردي يـعـرض للقـادح *** يـبـرز عـلـمـه بـالـنـذالـه نـفـخـر بـطـاري طـيـبـنــا *** الـلـي مـفـعـولـه يعـجبنـا بـيـت الـقـبـيـلـة مـا يـبـنـا *** ألا بـرجـال الـشـكـالـــــه 277 ( خاطره من شعر عبدالله بن دهيمش العبار )هـيـهـات مـا فـاد الـتـوجــد تـمـاضـر *** عـلى الـذي حطوه فـي برزخ الخلـد وجـدي عـلى الفدعان حمـر النواظـر *** من ضنا ماجد أو ضنا محمـد الولـد عـقـب النـزول بـكـل روضٍ مخاضـر *** مـرتع قـفـر فـيـه البكـار تحلـد حلـد الـوقـت فـرقّـهـم وصـاروا حـواضــر *** مسكنهـم الحـارات بالـمـدن والـبلـد كـلن بـدأ يشـكي مـن الوقـت جـاضـر ** عقب الفخـر والعـز والمجـد والتلـد يـوم الحـدب شامـان للعـمـر غـاضـر *** مـا هـابـوا الباشه ولا هـابـوا الفـلـد دولـة بـنـي عـثـمـان تكـتب محاضـر *** بالـلي عزايمهم سوات الصخر صلد وأن جـالـت الخيلين وإبليس حاضـر *** ما كـان طعـن رماحهم مشح بالجلـد 278 وقال عبدالله بن دهيمش بن عبار هذه الأبيات : كان الحماس بروس عناز هـدّى *** ياجـب عـلينـا حـثهـم بالقصيده يا عـيـال وايـل فعـلكم مـا يشدّى *** ألا بفعـل أهـل الهـداف البعـيده ينخاكم الـلي لـه زمـانـه تـحـدّى *** يـبي الفزع والكل منكم عضيده ينخاكم المسجون مطلـوب مـدّى *** وأنتـم قرايب كلكـم مـن بـديـده ينخاكم اللي أن ما فزعتم يـودى *** للموقع اللي به شطير الحديـده ينخاكـم الـلي واجـب أنـه يـبـدّى *** حتّى تجي لأبـوه بشرى سعيده ينخاكم الـلي صار عـمره يـفـدّى *** بالمال حيث المال بـه فـك قيده والـلي تغاضى وبأبن عمّه ترّدى *** لاخيـر في مالـه ولافي رصيده 279 ومن شعر عبدالله بن دهيمش بن عبار هذا المقطع من قصيدة : يـا بـنـي وايـل تـرى كـلـن حـمـدكـم *** اسمعـوا منـظـوم مـن بـيـّح كـنـينـه لا تـراخـون أبـذلـوا أقصى جهـدكـم *** ومـن سـعى بالطايـلـه ربّـه يـعيـنـه أهـل نـخـوة والـولـي كـثّـر عـددكـم *** من شمـال سـلـوك لحـدود المـدينـه يا أهل الجدعا ترى ما أنتم وحدكـم *** مـعـكـم الـويـلان والـطلـبـه هـويـنـه كـل جمـع عـيـال وايـل هـم سـندكـم *** وضنـا عـبيـد الـلي عملكم خابرينـه ما ذخرتـم عـن لـزوم الـلي قصدكـم *** فـضلكـم يحـفـظ ولاهـم جـاحـديـنـه من شكى مصيبه من العزوه وجدكم *** مـن شـرابيـك المصايـب مسعـفينه عـلى السمعـه نايـد الناس اتحسدكم *** كـل عـلـم مـن الفضيـلـه مـدركـينـه مـن فضل مـولاي ما يطـفي سعدكـم *** أنـتـم الـلي مـن زبـنـكـم محـتمـينـه كـان قـامـوا بالـوفـاء جملـة ابـددكـم *** فـي تـكـاتـفكـم تـفـكّـون الـرهـيـنـه ورثّـوا عـلـم الـفـخـر لـلـي بـعـدكــم *** مـثـل مـا أنـتـم مـن سلفكم وارثينـه 280 هذه الأبيات مقطع من شعر عبدالله بن دهيمش بن عبار : يا أهـل الفـزعات يـا ستـر المحـارم *** الـتـكـاتـف يـنـهـي الأمـر الـعـسـيـر يـالـديـاقـا يـالـنـشـامـا يـالـصـيــارم *** يـا كـعـام الـضــد بـالـيـوم الـكـبـيــر يـا أحـفـاد الـلي لعـقـد المـجـد بـارم *** يـا حـجـا مـن لاذ عـن لفـح الهجيـر كـل مـنـكـم كـنـه الـصـنـديـد ضـارم *** أو شـبـيـه الحيـص لا جـالـه هـديـر أنـتـم الـلـي تـفـزعـون لـكـل غــارم *** والـتـعـاون فـيـه أجـر وفـيـه خـيــر مـن بـلاد الـشـام لـديـار الحـضـارم *** كـلـكــم عـــزوة وعــددكــم كــثـيــر التعديل الأخير تم بواسطة عبدالله بن عبار ; 08-05-2021 الساعة 11:14 AM |
|
|
|
|
06-20-2021, 06:17 PM
|
#19 |
|
صاحب الموقع
تاريخ التسجيل: Mar 2008
المشاركات: 10,243
|
الحلقة التاسعة عشرة 281
قال عبدالله بن دهيمش بن عبار هذا المقطع من قصيدة : ومـن يجـتهـد يا زيد تكثر خصومـه *** ولا خـيـر با اللي بواجبه ما يقـومي وأهل الحسد من جاد هـدوا عزومـه *** ولا يثني المخلص شمات الرخومي والـلي عـلى الباطل يـركـز هجومـه *** لابــد بـامـر الـلـه يعـود مـهــزومـي مـا هـمـنـا الـلي طايشات اسـهـومـه *** يطعـن ورمحه مـا ينوش الهدومـي عـدواننـا بأمـر الكـريـم امـخـزومـه *** ولا أشكـل علينـا كـل غاشم ظلومي نفس البشر يا زيد ما هي معصومه *** والنـاس تبحـث عـن مثالـب ثلومـي فـكـري شـقـا يـا زيـد بعـلـوم قومـه *** مـغـرم بـذكـر الـطـيـبـيـن القـرومـي والمعـتزي فـي لابـتـه مـن يـلـومــه *** يـا مـا بـهــم مـن طيبـيـن السلومـي تـاريـخ اهلنـا نـفـتخـر فـي عـلومــه *** لـو الـمـعــزة والـفـخـر مـا يـدومـي الـمـجـد الأول مـا تـخـفـت ارسومـه *** مـجـد تـلـيـد ولا اتحصـاه الرقـومي يلبق على بيض الصحايف اختـومه *** عـند العـرب والفرس مع كل رومي ولا اقول هـم خير البوادي عمـومـه *** الـطيـب يـوجـد بالـقبـايـل عمـومـي 282 قال عبدالله بن دهيمش بن عبار هذا المقطع من قصيدة :نويت أواصل وأجعـل الشوك ديباج *** ما كن لـو رقط الحضوف اقرصتني والـلي يـمـدون الحـبـايـل بـالأنـواج *** لـو يـنصبون أشراكهم ما أخدعتني أجهـد لعـل ارتـاح مـن هـرج هـراج *** واهـل القلوب الحاقدة مـا اعذرتني ولاهـمني منطـوق فـاسـد وهـلـبـاج *** الـلـي الـيـا لاحـظ خـمالـي شـمتـني الـلي لهـم صجـه ولـجـة وصـرنـاج *** لجـت حساس أصواتـهـم دوخـتـني وش عـاد لـو تقـدح منافيخ الأوداج *** المـرجفيـن اقـوالهـم مـا ازعـلتـني لـو يجحـد الـلي مذهبـه سلم حـّواج *** يكـفي شغـاميـم الـرجـال انصفـتـني اعرض عن الداشرولا واخذ الـداج *** واهـل الحسـد غـايـاتهم مـا خـفتـني بعـض الـزلايـب للعـدو يدفـع البـاج *** لكـن عـلى الصاحب صريمه وفتني ولاني بحال الـلي عـن الحق ينعـاج *** خـدمـت حـمـايـل لابـتي شـرفـتـنـي لاشك انا شبهت حالي عـلى سـراج *** اضـوي لغـيـري والفتيـل أحـرقـتني جـربـت بالـدنيـا بـهـاديـل وازعــاج *** هـدت عـزايـم قــوتـي وأرهـقـتـنـي عن نقل حملي من تهقويت به ماج *** حـمـلي ثـقيـل وشايلـه فـوق مـتـني الـلـه كريـم وسامـك العـرش فـراج *** قـلـتـه وطـول الـتـجـربـه عـلمـتـني ذكـرت مجـد الـلي تعـلـوا بالأبـراج *** صـيـد الـقـروم عـلـومهـم ذكـرتـنـي اللي بهـم عـن ظيم الأضداد ملواج *** شفـت اختلاف احفادهـم وأغمضتني وكان الصقور بوكرهـا طيـر دراج *** مـا صـقـرت غـيـري ولا صـقـرتـنـي 283 قال عبدالله بن دهيمش بن عبار هذا المقطع من قصيدة :قـلتـه ومـنطـوق الخـطـأ مـا نـريـده *** غـلطـان مـن حـطه وسيلـه وعـاده هـرج المغـالـط مـا لـنـا بـه مـفـيـده *** والقـدح مـا يفـرض علينـا أعتمـاده مـا نـشمـت الفـاني ونجـرح حفـيـده *** نـحـط مـن دون الـذرايـع أســـداده نـبـي الـعـلـوم الـمسـنـده والـوكيـده *** والهـرج يوخـذ صاملـه مـن وكـاده مـادام لـتــراث الـحـمـايـل شـريــده *** نـجـمع شتـاتـه عـن دواعـي نـفـاده مـا ودنـا يـذهـب ضـيـاع وفــقـيــده *** حـيـثـه فـخـر تركت مشايخ وسـاده أهـل الـفعـول المسـمـلات الجـديـده *** مـن طـاب منهـم ينـتـبـونـه أجـداده مـثـل الـحـيـود الـراسيات المحـيـده *** عـنـهـم سجـل الـعـز ثـبّـت اسـنـاده بالعـصر اللي عسى الولي ما يعيـده *** لـهـم بـجــزلات الـفـعــايـل ريــــاده الـلـي لـهـم عـز ومـفـاخـر تـلـيـــده *** وضــحـتـهــا لـلـي يـبــون الأفـــاده جـمـعـتهـا مـا أريـد دخـلي تــزيــده *** ولا لـي طـمع مـقـدار حـبـة رشـاده قصدي فخـر بأهـل الفعـال المجيـده *** نـعـتـز بـالـطـيـّب ونـذكـر أمـجـــاده نـفخـر بـذكر أهـل الخصال الحميـده *** ونـشـيـد بـالـلـي يـستحـق الأشـاده وكـم واحـدٍ فــن الخـطــابـه يـجـيـده *** وربـه عـطـاه المـوهـبـه والجـواده لـكـن عــن الـلابــه أقـلامــه بـلـيـده *** مـا سـال فـي ذكـر القـبـيلـه أمـداده والـلي تـجـاهـل خـدمـتي لـلـبـديــده *** الجـهـد يشـكـر مـا تـفـيـد الجـحـاده يـبغـي يعـوق الـلي يـواصل فـديـده *** والمرجـلـه تـحـتـاج صبـر وجـلاده يـفـرح بغـلطـات الـرفـيـق الـزهيـده *** يشمـت عـليـه ولا يشوف أجتهـاده شبـحـه قـريـب ولا أهـدافـه بـعـيـده *** عينه على الصاحب سوات الجراده جـوده عـلى خطـو القرابـه عضيده *** وأن جـت مـن الأقصين يلزم حيـاده مـثــل الـذي يـرعـى بـدايـد لـبـيــده *** حتى سطى بعـظـم الغـوارب شـداده لاخـيـر بالـلي مـا يـنـاطح ضـديـده *** مـا يـطـول العـمـر القصير الشـراده كـانـه غــيـور ودون حـقـه ولـيــده *** يـذود عـن حــد الـحـمى والـسـيـاده 284 قال عبدالله بن دهيمش بن عبار هذا المقطع من قصيدة :بغيت اخوض البحر والموج يقـذفني *** وخشيت مـن مركبي يجنح بـربانـه ونويـت احـث السرى بالبيد واتلفني *** والحـر مـا يرتفع مـن دون جنحانه أكتم غضب مهجـتي ماريـد يكشفـني *** خطو البغيض الـذي يوذيك بلسانـه خطو البغيض الذي بالقول يقصفـني *** يقـدح شرار اللهب من فوح بركانه يسعـدني أنـه من القامـوس حاذفـني *** حيثه يكن الحسب من قشر وجدانه بـسهـومـه الطايشة كوبـان يقـذفـني *** لكـن دليل الهـدف ما صاب نيشانـه الحـاقـد الـلي بـمنطوقـه استهـدفـني *** قلبه رعاه الحسد والنفس مرضانه شوف الحقود الردي بالعين يطرفني *** النذل اللي موقفه مع صف عدوانه صيد الحمايل بهرج الصدق تنصفني *** واللاش مـا هـمني بالقول جحدانـه ما عشت من سفرته ولا بي يضيفني *** ولا ريـد من خـزنته لو كثر ميلانه اجمع فـخـر لابـتي مـن قـبـل لا يـفني *** والهـرج مـا نقبله من غير برهانه من غيض قـلبه بحدس الظن خالفني *** لا شـك مـا يختفـي زوره وبهـتانه عـن طـاري الموجبه قـصده يكتفـني *** يجحـد ثنـا صاحبه ما يشكراحسانه تجري الهبايب بما لا ترغب السفني *** والـرزق عند الولي مولاي سبحانه مهما العـراقـيـل فـي دربي تصادفني *** لا بـد بامـر الولي تصبح سمهدانـه 285 قال عبدالله بن دهيمش بن عبار هذا المقطع من قصيدة :نـفخـر باللي مسعاه للربع مظمون *** ربعه على حـل المشاكل يـجونـه ونعتـز بالـلي من الرجال يتحامون *** من أجـل مجد جدودهم يبعثونـه ولا الردي لو كان من نسل هارون *** ينـزل مقامه والعـرب يسمجونه مانطاوع اللي لشمل عناز يشظون *** الـلي هـدفهـم جمعـنـا يفـرقونـه الشمـل يشظـونه هـلابيج وعـفـون *** الـلي القـرابـه واجبـه يسهجونه بعض الرخوم المجتهـد لـه يسبون *** يصعب عليهم مسلكه يوصلونـه أهل الفضيلـه في جهـوده يشيدون *** وأهـل القلوب الحاقده يشمتونـه عـلى النسب صبيـان وايـل يعيون *** والجـد كـانـه منتحـل مـا يـبـونـه لومي عـلى اللي ينتفخ تقل بالون *** اللستـك الـلي بالـهـوى ينفخـونه عـليـه عوجـان المشاور يشيرون *** عـلـى اتجـاه اهـدافهـم يبرمونـه يسمـع كـلام الـلي بـربعـه ينمـون *** والحق الأبلج ما تشوفه عيـونـه وش مقصد اللي للدعايه يطيعون *** واللي كلامه صدق مـا يسمعـونه لا جاهـم الـلي بالـدعايات مفـتون *** يصـدح بهـرج الـزور ويصدقـونه من ينخدع في طهبلت كل ملسون *** اللي على الأقراب تضرس سنونه الظلـم جـرم وغامط الحق ملعـون *** والمفـتـري كـل البشـر يـلعـنـونـه 286 قال عبدالله بن دهيمش بن عبار هذا المقطع من قصيدة :والشكّـر لـلي بمجهودي يـشيـدي *** مـن ضنا عـناز وافـيـن الصفات من عمل معروف يزهاه الحميدي *** حاد عـن درب المسبّه والشّمات من تعـزّه عـزوته حظّـه سعيـدي *** ولا يوفق من جعـل شملـه شتات دوم في صدري غلا ربعي يزيدي *** أفتخـر واعـتـز بأهـل المكـرمات مجدهـم كـلّـه مـدوّن فـي قصيدي *** فـي مـلاحـم بالـكـتـاب مسجـّلات أعـتـزي باسم العماري والعبيدي *** مع وهب وجلاس ستر المحصنات عزوة الويلان ربعي هـم رصيدي *** هـم سنـادي لا تناخـوا بالخـوات حنـا عنـزه عن نسبنا مـا نحيـدي *** لـو يـزولـن الجـبـال الـراسـيـات ساسنا ثابـت مثـل صلب الحديدي *** مـا تـزحـزحـه الـريـاح العاتيـات مجدنـا وتاريخنـا مـاهـو جـديـدي *** وارثـيـنـه مـن سنيـن مـسمـلات 287 قال عبدالله بن دهيمش بن عبار هذا المقطع من قصيدة :النسـب بالشرع تـغـيـيـره كــفــر *** من ترك جـده حصل سب وهجـا ساس وايـل مـا يهـده مـن حـفـر *** حيثه أرسا من جبل سلمى وأجـا أفـتخـر بـأهـل المعـامـيل الصفـر *** ربـعي الويلان لـي سـور وحجـا من نسل وايل بهـم طيب وضفـر *** لابـتـي زبـن الـدخـيـل الـيـا لـجـا لا تـنـاخـوا بـالعـمـاهـيـج العـفـر *** زغـدت لـجـمـوعـهـم كـل دعـجـا 288 قال عبدالله بن دهيمش بن عبار هذا المقطع من قصيدة :من كـان عنده سين عندي له الجيم *** يـكبـح جـمـاح الـلي يضلـل بـتدليس أصـل عـنـزه مـا هـو تلفّـق وترهيم *** أصل أصل ماهـو هـقاوي وتوهيس مــن وايــل الأول وجــلان واهـميـم *** ضـد المعـادي فـي زمـان المتاريس فـوارس الهيجـاء بـوقـت الملازيـم *** عصر النضا والخيل والكنّس العيس لـهـم مـفـاخـر يـوم بـوج المخاريـم *** ولـهـم فـعـايـل بـالسنيـن المـراميس عـزوة ربـيعـه مـن سلايل إبراهيـم *** نجـد سكنوها من بعـد طسم وجديس ومـن يجحـد التاريـخ نعـطيه تعـليم *** أصل عنـزه مـاهـو تحالف وتجنيس الـلـي يبـون لـبـاذل الـجـهـد تحطيـم *** الحـاقـديـن أشبـاه عـوجـان وغـليس جهـدي عـليه مـن أهـل البـغي تعتيم *** الـلـه حسيـب مشربكيـن الـلـوالـيس كـانـه جحـد بعـض الرجال الخماخيم *** أهـل الـدنس والـدنفسه والدحاويس مجـدتـهـم مـابـي مـعـونـه وتـكـريـم *** غير الفـخـر فـي كاسبيـن النـواميس كـرامـتي عـنـد الـرجـال الشـغـاميـم *** تعبير في صدق المشاعر واحاسيس لاشك أبـي كـف الـهـروج الهـذاريـم *** الـلـي تـروّج مـن كـلام الـمـنـاحـيس بعـض الـذيـن يـنـشـرون الـتعـاميـم *** سـود القلوب الـلي تعـلـواهـم إبليس الـلـه حـسيـب الـلي يـدور المثـالـيـم *** قـلبه رعـاه الحسد والعقل بـه خيس ياحيف أشوف اليوم حصن النواهيم *** صارت هـلايب ما تميّـز من السيس ويا حيف يا فروخ الحرار الصواريم *** مـاكن مـجـنـاهـم مـواكـر قـرانـيـس ويا حيف نسل اللي يقـود الـدواهيـم *** دنّس علوم شخوص الأجداد تـدنيس الـلي نـريـده بالـفـزع يجـلـي الظـيـم *** دنّـق بـراسـه يستـشيـر الـهـلابـيـس مـايـرفـع الطـامـن مـدايـح وتـفخـيـم *** ولا يطـمّن العـالي هـروج البـلاليس مـن طـاوع الكـذبان عـلـط الـزراديـم *** سلك طريق اللاّش والنـذل والهيس من كـان عنده سين عندي له الجيـم *** يـكبـح جـمـاح الـلي يضلـل بـتدليس أصـل عـنـزه مـا هـو تلفّـق وترهيـم *** أصل أصـل ماهـو هـقاوي وتوهيس مــن وايــل الأول وجــلان واهـمـيـم *** ضـد المعـادي فـي زمـان المتـاريس فـوارس الهيـجـاء بـوقـت المـلازيـم *** عصر النضا والخيل والكنّس العيس لـهـم مـفـاخـر يـوم بـوج المخـاريـم *** ولـهـم فـعـايـل بـالسنيـن المـرامـيس عـزوة ربـيعـه مـن سلايـل إبراهيـم *** نجـد سكنوها من بعـد طسم وجديس ومـن يجحـد التـاريـخ نعـطيـه تعـليم *** أصل عنـزه مـاهـو تحالف وتجنيس 289 وقال عبدالله بن دهيمش بن عبار العنزي هذا المقطع من قصيدة :وصل القرايب يعبّـر عـن تكاتـفـهـا *** وجمع الشمل يفرح المهجه ويبهجها والتفرقه تفرق العصبه وتضعـفهـا *** تـذهـب قـدر هيبـة العـزوة وتسمجها من يلطم الخشم نون العين يطرفها *** تنثـر مـن الـدمع لو بالكحل يدعجهـا أفخـر بعـزوة بني هـّزان وأنصفهـا *** شكر الثناء في مجد الأجـواد نلهجها عزوة فخـر نفخر بماضي سوالفها *** ما هـي دعـايه خبـيـر الـفـن روجهـا هـّزان من عـزوه التاريخ يعـرفهـا *** ضمن القبايـل سجـل المـجـد يدمجهـا هـّزان يـوم الجفا تقـري مضايفهـا *** ضيـانهـم يـجـذب الهـاشل تـوهـجهـا وأنسابهـم من قبـل الإسلام ولفهـا *** هـشام بـكتـابـه المشهـور مـدرجـهـا من ساس عزوه تزبّن من يحالفها *** دخيـلهـم يغـلـب أخـصامـه ويفلجهـا كـم دار قــوم بـنـي وايـل تصيـفهـا *** تسيـد قـطعـانـهـم مـا أحـدٍ يـهجـجها زمان يـوم العـرب كانـت وضايفهـا *** بالسيف ويـن الـذي يـقـدر يـرمجها 290 قال عبدالله بن دهيمش بن عبار هذا المقطع من قصيدة :يوم بعض القوم يلجأ لكـل حـيلـه *** من كتـب مجـد القبيلـه يشتكونه الحقـود الـلي النمايم لـه وسيـلـه *** ينكرالمعروف والصاحب يخونه مايشوف الجهد من نفسه عليلـه *** كـل مـا سمع الثناء يزداد كونـه من يكـن الحسد ما يبـرد غـليلـه *** ولا يطيع أقـوال نـاس ينصحونه مـا يـدل الـدّرب مـن ضيّع دليلـه *** حيث نورالحق ما تشوفه عيونه مـن تـمـادا بالخـطآ ربـه وكـيـلـه *** من فضل رب الملأ خابت ظنونه من يفـّرق عـزوتـه ربـي يـزيلـه *** يـقـمح المنكود والـلي يدعمونـه ما يسود أنسان وعلـومه رزيلـه *** الهـديـفـه لـو تـخـفّـي يكشفـونـه السديري قـال في مضمون قـيلـه *** قصراً عداه الذرى تهدم ركونـه مـن بـرز بالطّيـب مـنّـا وننتميلـه *** والـردي كـل الـرفاقـه يكرهونـه وأحـمد الله عندنا شخوص نبيلـه *** منصفيـن وكـل جـهـد يـثمنـونـه نـفتخـر بالـلي لـه اعـمـالاً جليلـه *** الـذي بـالـخـيـر دايـم يـذكـرونـه ونفتخر في صاحب اليمناالطويله *** النبـيـل الـلي الـرجـال يقدرونـه ونفتخـر بالـلي حمل ربعـه يشيله *** من ثقيل الشيل ما كـلّـت متونـه ونمـدح الـلي بالمواقف لـه فعيله *** لا حصل لولاس ربعـه ينجبونـه قـلـتهـا والحـق مـا نرضى بديلـه *** والتمادي بالخطأ اسبابه رعونه مجهـد وقـدّمـت للعـزوة حصيلـه *** في كـتـاب المنصفين يطالعـونـه مـا تـغـيـر عـنـدنـا دم الفـصيـلـه *** ولا نطيع الـلي نسبنـا يحورونـه مـا خبـرت الجـد يستهمـل هميلـه *** مـاضي التاريـخ لازم يفهمـونـه كيف حطّـوا جـدنـا وايـل جـديـلـه *** وكـل وايـل فـي نسبنـا ينكرونـه مـن دفـن تـاريخنـا تحـت النثيلـه *** المـرام الـلي يـريـده حيـل دونـه دام حكم الشرع يرفض كل عيله *** مـن تعـدى عـن نـويـه يمنعـونـه 291 قال عبدالله بن دهيمش بن عبار هذا المقطع من قصيدة :لـيــت الـمـنـيــة والــفـنــا لـكـل لـــوّاص المسرف الـلي مـن الـرجـاجيـل منقـوص الـلـي هــذاريـمـه تـخـامـيـن وأخـــراص الحـقـد كـبـده بـالـغـثـاء مـاصـهـا مـوص مـا يـفـهـم الـمـقـصـد ولـلهـرج خـبـّاص قـلـبـه خـبـيـث وهــرجـتـه كـلـهـا لــوص هـذاّر بـالـمـجـلـس ولا عـنـده اقـصـاص قـلـبـه عـليـل ويـرتـقـص تـقـل مقـروص الـلـي قـهــوتـه تـالـي الـلـيـل بــقــلاص فـاسـد ويـفـخـر فـي فـعـايـل هـل العـوص كـوبـان هلـوس والسبب يـبلـع أقـراص خـاب وخسـر وأصبح يلـوّج تـقـل صـوص التعديل الأخير تم بواسطة عبدالله بن عبار ; 11-02-2021 الساعة 11:46 AM |
|
|
|
|
06-20-2021, 06:45 PM
|
#20 |
|
صاحب الموقع
تاريخ التسجيل: Mar 2008
المشاركات: 10,243
|
الحلقة العشرون 292 وقال عبدالله بن دهيمش بن عبار هذه القصيدة يسند على الدكتور حسين بن علي الطويلعي : يا حسين راجت بـالمجالس دعـايـه *** مضمونهـا مفهـوم قـصـده ومعـنـاه فـاهـت من الـلي يفـوهون الفـوايـه *** وقامت تـناقـلهـا الملاسن والأفواه وأحجمت عـن مـن بـثهـا بالـبـدايـه *** عسى يجي ناصح عن الظلم ينهـاه ولاحـظـت كـلـن يستـمـع للـوشايـه *** ويـصن لهـروج النمايم اليـا أوحـاه ومـن لا يـعـد الحـق مخطي وتـايـه *** ولا كل مـن سولف تصّـدق حكايـاه الـثـرثـري يـلـزم لـسـانـه وكـايـــه *** لازم نـقـول لصاحـب البـلبـلـه صـاه قالـوا رعـاع القـوم ويش الحكايـه *** وش علم أبن عبار بالقص وش جاه قلت افـقهـوا يا ناس وشو خطايـه *** من حاك هـرج الـزور بانت نـوايـاه يـا نـاس تـرديـد السوالـف كفـايـه *** الهـرج الأجـوف مـا نقـره ونـرضاه يـا نـاس حـطـوا للتـكهـن نـهـايــه *** بعـض العلـوم المحدثـه مـا سمعنـاه مـن حيـث تـزويـر الحقايق جنايـه *** وتحريـف واقـعـنـا مهـازل ومـزراه مـن خـط مشهـد يجـدعـه بالنـفـايـه *** ما يغيّـر التاريخ ختمه ولا امضاه السـاس ثـابـت مثـل ساس البـنـايـه *** هوج العواصف مـا تـزيله وتمحاه عـلـيـه مـن كـل الجـوانـب حـمـايــه *** صرحه منيع ولا أحد يقـرب احماه والـلي يخوض بدون علـم و درايـه *** مـا يـتقـن التـاريخ مـثـلـه وشرواه أسنـدت فـي قولي صحيح الـروايـه *** سند على من وضّح الـقول وأمـلاه نـبـراس لـلي مـن صلايـب ضنايــه *** يبقى دلـيـل لسـايـر الـنـاس تـقـراه ولا اقـول أنـا قـولـي مـنـّزل بــآيــه *** أنـا بشـر والخلـق يـا مكـثـر أخطاه ولـو بـه نقيصه لـدعسه في حذايـه *** المبحـث الـلـي مـا يـشّـرف بـليــاه تدوين مجد أهـل الفخر لي هـوايـه *** اكـتب عـلوم الصدق والباطل أنفـاه ذكـر الشخوص الصيد غايـة منايـه *** ولا خيـر فـي رجـل قـليـلـه احميـاه أبعـدت عـن عـوج المقاصد مـدايـه *** ولاني من اللي مقصده ملي مخباه ولاني مـن أهـل الـدلبحه والحبـايـه *** أهـل الخديـعـة والـدجـل والمحابـاه مـن عـز نـفسه مـا خضع بـنحنـايـه *** لا عاش مـن طمّن مـن الذل علباه ومـن فـكـر أنـه لـه عـليــه وصايـه *** غـره شويـره تايه الـرأي وأغــراه فـي ظـل حـكـم الـلي أشـاد الـولايـه *** الحـاكـم الـلـي كـلـنــا مـن رعـايـاه والـلي مـرامـه بـس يبحـث خفـايـه *** خـاب وخسر ما صح لـه مـا تمنـاه وكان الجحـود بـمـا عـملته جزايـه *** عنـد الذي ربـه عـن الصايب اعماه عـنـدي شهايـد من قـروم زملايــه *** أشعار لي من بيض الألـباب مهـداه تـشهـد نــوادر لابـتي وأخـويــايـه *** بـالجهـد الـلي لـعـيـال وايـل بـذلـنـاه يـا كثـر الـلي لهـم مواقـف معـايـه *** ومـن يـصنـع المـعـروف لابـد يلقـاه وقـف بجنبي مـن أعــز أصـدقـايـه *** من كان لي عـنده معـزه ولـي جـاه صديـقي الـلي فـي ضميـره غـلايـه *** مواقـفـه بالطيـب مـا يـمكـن أنـساه يغتاض من غيضي ويرضا لرضايه *** ويـفخـر بعلمي كل ما جيب طـريـاه منهـم جـنـاب حسيـن ذخري ذرايـه *** عون الرفيق اللي شكا جـور دنياه لا قـلـت ويـن حسين يـسمـع نـدايـه *** منصاي عز اللي مـن الظيم ينصاه ضميـره أصفى مـن قـزاز المـرايـه *** ترياق للصاحب وحنضل على اعداه الـفـاهـم الـلـي يـفـتهـم كـل غــايــه *** أبـو عـلي ربـه عـن الـعـيـب عـذاه مـا سار بـدروب الدنـس والغـوايـه *** ولا عاشر الخايـب ولا يـوم خـاواه شهم وشجاع وبـالصخى لـه كنايـه *** حـاش الفـضيـلـه والنفيـلـه بـيمنـاه وأن صـار بمنيـب الزوامـل خـلايـه *** جض وثـقيـل الشيل مـا عـاد يقواه بـرك تـقـل بـالـقـاع لـه طـق شـايـه *** عجز ينوض وجاوب الحشو برغاه حطـوا عـلى متـن البليـهي حـوايـه *** الحيص يحمل كايد الحمل مـا اعياه لو كان غـط الضلف حدر الـوقايـه *** يصبر لو أنـه غاص بالمتن وأدماه هـذا شبـيـه حسيـن لا جـتـه سـايـه *** أطلب عسى المولى يحفظه ويرعـه يـفـعـل وعـن فعـلـه يـريـد الكمـايـه *** مـا تـاق للتمجيـد لـو كـان يـزهــاه هـو الصديـق الـلي يعـادي اعـدايـه *** عسى الردي واللاش والنذل يفـداه ويـفـدا جـنـاب الـوايـلـي كـل بـايــه *** العفـن اللي يشمت قـريـبـه ويشناه ويـفـداه الـلي ينكـر بـربـعـه نكـايـه *** حـاقــد حسـود ولا يـدانــي دنـايــاه ويفـداه الـلي قلبـه ضهـر قيح دايـه *** المفسد الـلي شمل الأقـراب يشظاه الطيّـب أرفـع لـه مـن الشكـر رايـه *** واللاش شـف البـال بـعـده وفـرقـاه 293 قال عبدالله بن دهيمش بن عبار هذا المقطع من قصيدة :العـاقـل الـمـدرك بـعيـده مشاحيـه *** شبحه على روس الجبال المشاويل من طـاب فعـلـه مـا يطمن علابيـه *** والهـرج مـا يلـفـظ بـلـيـا دوالـيـل مفهوم قصد مفـوه الهـرج تفويـه *** قولـه نفذ عند أبـلـه القوم وخبيـل الـلي يريـد لفاعـل الخيـر تشويـه *** ضوح القمر ما هو سوات القناديل من شـوه التـاريخ مـاني مـداريـه *** أبي أنذره يقصر كلامه ولا ايطيـل من خالف الواقع عسى الله يهديه *** بالأصـل مـا نقبـل تـدلس وتضليـل يا ليـت لـوهـم ينصحونـه بنيخيـه *** عـن الخطـأ لا يـبـدّل الجـد تـبـديـل مـا نـتـبـّع رأي الغشيـم وهـقـاويـه *** لازم نـعــدل تـايـه الـراي تـعـديـل الـلي تمـادا ولا سمع قـول نـاهيـه *** غـروه قـوم يـنـصبـون المحـابيـل من عـال نبـراس الحقايق ايقـديـه *** الـلي عـلى الجاهل يهـوّل تهاويـل والهرج الـلي مالـه براهين مابيـه *** أبي أذكـر الواقع قبل يطفح الكيـل ما جـدنـا سلعـه يبـيعـه ويـشـريـه *** صفوة ربيعة من سلايل إسماعيل حلف الضعافة مـا نـبي دوم نتليـه *** حنا عنزة والراس ما ينتكس ذيـل حنـا عنـزه والجـد نفخـر بماضيـه *** لـنـا عـلى روس الشوامخ منازيل هذا الوكاد وصاحب الصدق ينجيه *** ما هو مخادع بالسوالف وتدجيـل يامن تحـوك الكيـد والحـظ تهـفيـه *** ادخل على الله رب موسى وجبريل حـذراك من جـور الزمان وبلاويـه *** مـا كـل وقـتـه فـيـه ورد وأكاليـل مـا داومـت دنيـاك للبـاش والـبـيـه *** ولا مهـلـت لـدهام شيخ الجلاليـل 294 قال عبدالله بن دهيمش بن عبار هذا المقطع من قصيدة :يا أبو عمر دونت ما نالت أيـدي *** افخر بماضي لابتي من غلاها يوم الذهان مقيله في ذرى الفي *** تذكـر زميلك كـل مـلـه صلاهـا والـلي عـذاريـب الملأ حطها بي *** هو الذي شمل القبيلة شظاهـا اللي خلط يا مسندي ذيك مع ذي *** شتت بني وايل وقـلـّع مـداهـا والـلـه ما خـليت يا مسندي شي *** لو دار كسرت هوبرة ما لقاهـا عثيت بالناضج وخليت أنـا الني *** نترك حكاك قدروها لمن بغاها انهـل من الصافي نقاريح بـدلي *** وبقي حثايل من غثاريب ماهـا اشوف ناس بكل محفل لهم زي *** حتى رذال القوم هبهب هواهـا نسل الكرام اللي تشابه كرم طي *** دمـدم مكارمهـا فعايـل ضناهـا من يارد الحسيان لا يرتجي ري *** صدر وشوله تجتلد من ظماها كـل الـقبـيـلـة عـدهـم اخـوة لـي *** مخلص ولا اقبـل خديعه وبوقـه 295 قال عبدالله بن دهيمش بن عبار هذا المقطع من قصيدة يسند على الشيخ متعب بن عبدالهادي الفققي :يـا أبـو عبدالـلـه خـدمـتي للسـميــه *** ما هـي مجـرد كتـب حبـر بقـرطاس لاشــك مـالـحــت الـغــثــا والأذيـــه *** ولا مـر يــوم ألا تـعــرضـت لـولاس كـتبـت عـن وايـل عـلى حسـن نـيـه *** وقامـت تناهشني شطيرات الأمواس الـكـل مـنـهــم يــدعـي بـأقــدمـيـــه *** لأجـل العظام الباليـه تحـت الأرماس لاشـك مـا جـاب الـغـضنـفـر حـلـيـه *** وش حيلتي والليث عـقب له بساس أذكـر فـخـرهـم يـوم يـفـطـن عـلـيـه *** يطري مثل عصر المهلهل وجساس يـا الـوايلي مشكـور لا جـتـك سـيـه *** حيثك سلايـل لـيـث والعـرق عساس 296 قال عبدالله بن دهيمش بن عبار هذا المقطع من قصيدة يسند على عيسى الجاسر الأيدا:القرم نسل اللي بفخـرهم أسترسلـت *** يـديـان ستـر الـلي تـقـض الجديـلـه بحثت فـي ماضي الفعـول وتهـولـت *** حصـر المفاخـر مـا لـنا فـيـه حيـلـه شرق وجنوب وثم غربـت وأشملـت *** أبـحـث ولـو كـان المصـادر قـلـيـلـه والـلي ذكـرتـه واقـعـي مـا تـخــيلـت *** يشهـد لهـم كخـيـا البـواشي وفيـلـه خلـوا جيوش المعتـدي تنهـزم فـلـت *** وجابـوا سلاحه عقـب تحطيم ريلـه قـلـت الـجـواب ولـلـقـوافـي تـقـبلّـت *** أختـار عـذب القـاف وأكتـب ذبـيلـه والحمد لله سامك العـرش مـا عـلـت *** ولاني بحـال أهـل العـقـول الضليلـه سـرت وعـلى رب الخلايـق توكـلـت *** ولا يخـذل المخلـوق والـلـه وكيـلـه 297 قال عبدالله بن دهيمش بن عبار هذا المقطع من قصيدة :يا من تشيد بما عملت من الأصدار *** كـتـب النسـب بالعـزوة الـوايـلـيـه لأجل الـذي شرواك وافين الأشبـار *** ولا هـمني أصحاب النفوس الدنيه جحـادة المـعـروف دقـاتـهـا اكـبـار *** تـرمـي الـتـهـايـم لـلعـبـاد الـبـريـه حنـا بذلنا الجهـد من ضمن الأنفـار *** ومن واجب المسلم يحفظ الوصيه نخشى الملامة يابن الأجواد والعار *** وندرى الحسود اللي يدور الدعيه أكتـب مفاخـر لابـتي مـا بهـا أنكـار *** ولا نـي حـراوي عـنـدهـم للعطيـه واليـوم أشوف بتالي الوقـت تغيـار *** يـا مسنـدي خـل العـلـوم امغـطيـه قـلت الوكـاد ولا لـنـا بنبشت الغـار *** أخـاف تـلـدغـني مـن الـغـار حـيـه وأفطن ترى الدنيا لها أقبال وادبار *** مـثـل المحـالـة فـوق جـال الركيـه ورب الـمـلأ لمـدور الـستـر سـتـّار *** الـلـه يـكـافــيـنا الـبلا والـبـلـيـــــه من روس لابـه طيبهم مـابـه أنـكـار *** كـواكـبـه مـرويـن حـد الـرهـيـفــات كانه كسف نور السماء واعتم غبار *** والخـيـل تـقـبـل بالمنـاعـيـر دكـلات رجـالهـم يـدحـم عـلى صـالي الـنـار *** وأرواحهـم دون الكرامـه رخيصات أفـعـالـهـم تـذكـر عـلـى مــر الأدوار *** أمـجـاد تـورث والمـفـاخـر قـديمات 298 قال عبدالله بن دهيمش بن عبار هذا المقطع من قصيدة :ولابـتـه فـي دور عـجـلات الفـديـد *** مـن اهـل البـلهـا فـوارس وأعـقـدا مـن زمـان قـنـي يحمـون الطـريـد *** مـن يــدور الـبــاج مـنـهــم مـا ودا خـصمهـم لـو كـان جـبـار وعـنيـد *** مـا ربـح نـطـيـحـهـم كـان أعــتـــدا ويـوم قـوت الباديـة تـمـر وجميـد *** مـالـهــم غــيــره فــطـور ولا غــدا ما نسـوا يالقـرم سلـم ابـن الوليـد *** والــعــوج خـلــوه لـلـحــق أهــتــدا والـزمـان الـيـوم لـه سـلـم جـديــد *** صـاروا الـمـخـلـوق لـلحـق أجحـدا 299 قال عبدالله بن دهيمش بن عبار هذا المقطع من قصيدة :مـن صلـب لابـه يقطعون الخريمه *** نـطـيحهـم منهـم يصيـبـه اجـفـالـي عـدوهـم هـج وتـزبـن حـريـمـــــه *** مـن ضربهـم كنـه خريش الغـزالـي جـعـافـرة مـا يـقـبـلـون الهضيـمـه *** والـطيب بـاقـي عـنـدهـم لا يـزالـي وثـقــت مـا دونـت والخـصـم للـنـار *** والشك في شمس الحقيقة جليتـه يا ما مضى ليلي مع الطرس سهّـار *** أقـرأ المصادر والـدجى مـا غفيتـه مـانـي مـع الـلي بالملاعيـب سمّـار *** القـلب عـن كـل الملاهـي عضيتـه بـيـن الـمـراجـع عـادتـي تـقـل دوار *** أبحـث عـن الـلي فاتـني ما وليتـه تجمعـت عـنـدي كـراريس وأسـفـار *** مـن حـر مـالي يالزميـل أشتريتـه كلـه عـن اللي مقصده يبي الأضرار *** يـزرع كـداد بـكـل دربٍ مـشـيـتـه من فضل ربي صاحب الظلم ينهار *** صابه قهر والحسد حطم اعصابه 300 قال عبدالله بن دهيمش بن عبار هذا المقطع من قصيدة :وش عاد لـو روّج دعايات وأفكار *** الكـذب بـاطـل والـتجـنـي خـيـابـه عندي دليل الصدق والجد ما أيعار *** أنـا خصيـم الـلي يـريـد الـطـلابـه عيب أنتحال الجـد نقـولهـا اجهـار *** أقـولـهـا عـن لابـتـي بـالـنـيـابـــه من اعتزا بعزوة ربيعه لنـا أنصار *** أما النسب ما فـيـه مـزح ودعابـه كثّر التخبط بالنسب يجلب اضـرار *** ويلـزم لمـن زوّر نـسبـنـا مجـابـه والـلي تخبـط بالنسب منهجـه بـار *** وايـل أبـن قاسط لنـا كيـف جـابـه وايل بن قاسط بالأنساب مـا صـار *** مـا هـو لـعـنـزة جـد لـكـن قـرابـه جـد عنزه مشهور من قدم الأدوار *** والجـد الـلي بالحلف مـا يعتـزابـه الحلف ما نرضاه واجدودنا احرار *** حلـف الضعافه نـتـركـه مـا لنـابـه حنا عنزه نحشم عن العيب والعار *** نـنسب لـوايـل والأسـامي تـشابـه حـنـا لك الـلـه ما عـن الجـد نختـار *** لا حـلف يجمعنا ولا هـو عصابـه الـحـمـد لـلـه جـدنـا عـامـر اخـيـار *** سليل من سمي عـلى ليـث غـابـه نسـل ربـيـعـة مـن صماصيم نـزّار *** وأحـفـاده التـاريخ سلسل أنسابـه بـشـر ضنـاه عبـيـد وعيـال عـمـار *** هـم الـذي منهـم تسلسل اعقـابـه ومسلم ضنـاه أثنين وافين الأشبار *** أنجب وهب وجلاس يا نعـم لابـه 301 قال عبدالله بن دهيمش بن عبار هذا المقطع من قصيدة :نشـدتـني يالقـرم عـن بعـض الأفـراد *** الـلي يـدورون الـفـخـر بالتحـايـل يـبـون سـرق جـهودنـا ماروش عـاد *** النـاس تـدري بالعـلـوم الصمـايـل حـنـا لـهـم فـي كـل منـفـذ ومـرصـاد *** الـكـذب والـتـزويـر كـالـظـل زايـل والـلي لكـتـبي يـا فـتى الـجـود نـقـّاد *** قصـده حسـد لاشك مـا نـال طـايـل لـو بـه حـمـيـه عـن حـمى لابـتـه ذاد *** ما هو على ابـن العم يأتيه صايـل 302 قال عبدالله بن دهيمش بن عبار هذا المقطع من قصيدة اسند على فايز بن فرحان السويلم :فايز سليل أهل الفخر سامي الـذات *** ابـن سويلـم مـن معـامـق أصيـلـه الغـضـوري مـن لابـة بـالـحـرابـات *** عـاداتـهـم دحـر الـعـدا بـالـدبـيـلـه كان اعتلوا فوق المهـار الأصيلات *** صارت على العدوان كدرا سحيلـه لابة عيال العود بالعصر اللي فـات *** لـهـم بـمـيـدان الـمـعـارك فـعـيـلــه وكان انتخوا بالعود وقت الملاقـات *** عـدوهـم تـمـرج ركـابـه وخـيـلـــه مشكور يا راعي البيـوت العـذيـات *** هرجك صحيح وكلمتك ينصغي لـه وأن كان سجلت الفخـر بالسجـلات *** أمجـاد ربـعي خـاطـري مهـتـويلـه لي الشرف واعتز رغم اعتراضات *** بعض الرخوم اللي عملهم فشيلـه مـا هـمـهـم لـكـود جـمـع الـريـالات *** ما ايشجعـون الـلي اهـدافـه نبيلـه أقـولـهـا ولا هـمـنـي كـل شـمــــات *** الـحـاسـد الـحـاقـد يـمـوت بغـليلـه بعض الرجال اللي تـثير الحـزازات *** سود الضماير والخبـاث الـرزيـلـه هـذاك يـبلـش صاحبـه والـقـرابـات *** وأن جت من الأجناب مثل الحليله مـاني بحـال الـلي عـلـومـه رديـات *** مـا دام معي أهـل الهداف الجليلـه ما دام معي أهـل القـلوب النظيفـات *** مالي ومـال أهـل الحسد والدغيله مـار الـعـرب بـهـم مقاريد وأبخـات *** ومن طـاب حظه مـا يجي للهزيلـه بهـم الأشـم الـلـي اهـدافـه بعـيـدات *** عـنـد الـلـوازم مـا يـبـور بعـميـلـه 303 قال عبدالله بن دهيمش بن عبار هذا المقطع من قصيدة :الـوايـلي مـا طبـش القـيـل تطبيش *** عـنـده عـلى بـدع المثايـل شطـاره مـن لابـة يـوم الشـوارب مكـالـيش *** الـلـي يـنـاطـحـهـم جـداه الـنـيـاره يـوم المـوازر صـوتها لـه لـواليش *** دلاق هـم عـوق الخـصيم ودمـاره واسنادهم جـمع البطيني هـواويش *** سقـم الحريـب وبالحرايـب سعاره اللابـه الـلي يـكـرمـون الهـواتـيش *** يـوم بـه الـمـسـعــر قـلـيـل دبــاره عـاداتهـم مـا يـذبحـون الكـرافـيش *** كـود السمين الـلي عريض فـقـاره ما يحضرون الكيل في قـلة الخيش *** يـوم الـردي كيسه يجّـود اصـراره ان كان تذكربالعـرب من بهم طيش *** اهـل المفاسـد والحسـد والـقمـاره سـود القـلـوب مقبقبين الفـرافـيش *** بـيـن القـرايـب يقـدحـون الشراره لـو جمعـوا من زايـد الهيف حتيش *** مـا هـمني راعـي الحسد والنغـاره مـا احب كثـر الطهبلـه والقروايش *** والجاهل المجهول ماابغي شجاره مـن لاعب السنور صابه مخاميش *** يصبر على مضرب مخالب ضفاره خطو الرجل ما يفتهم كود تجحيش *** تـاه الـطـريـق ورام درب القشـاره ما اينظف المدنوس يالقرم ترويش *** مـا ظـني الصابون يجـلي سمـاره 304 قال عبدالله بن دهيمش بن عبار هذا المقطع من قصيدة :مـن لابـةٍ تفـزع عـلى خيل وركـاب *** يـوم الحرايب فـي زمـان الجهالـه العـزوة الـلي طبعهم حـل الأصعاب *** ولا تـدرك الطـولات كـود ابـسـالـه والحـاسد الـلي صـار للنـار شبّـاب *** الـلي يـبـي عـنـاز يـقـطع اوصـالـه يلفـظ كـلام ولا يحسـب لـه حسـاب *** والحق يظهـر لـو يـبـون اغـتيـالـه عـنـاز مـا تـقـبـل حكـايات نـصّـاب *** الـلي يحـوك السالـفـه مـن خيـالـه وايـل ولا وايـل عصابات واحـزاب *** نسل عنـزة معـروف جـده وخـالـه اقـولـهـا ولا هـمـني هـرج الأذنـاب *** مـا يـجحد المعروف كـود الحثالـه 305 قال عبدالله بن دهيمش بن عبار هذا المقطع من قصيدة :تـاريـخ لابـه عـلـمـهـا مـا شنـاهـا *** لا بالبيوت ولا على ظهور الأمهـار الضيف واللي شاف ظيم ونصاهـا *** والجـار مقحم قـبلنـا وصـّف الجـار ذكرت مجـد شخوصها واعـقـداهـا *** وفرسانها وشيوخهـا وكـل الأمـار نجهد عسى نـوفي القبيلـه جـزاهـا *** الـلابـه الـلي صيتهـا عـم الأقـطـار وأطـلب ولي الكـون يصلح ضناهـا *** بالعصر اللي تغيـّر الوقـت وانـدار 306 قال عبدالله بن دهيمش بن عبار هذا المقطع من قصيدة :كـل مخـلص للقبـيلـه فـزعـتـه يـالـقـرم لـيـه وأنت تدري كل باطـل صاحبـه دوم مغـلـوب من فضل مولاي مجهد وأكتب أمجاد السميه لـو تـشـدّق بـالـمـجـالـس كـل هــّذار وكـذوب يا أبـو فهـد مـا نلـوم الـلي مقـاصـدهـم رديـه ما يهم الهرج الأجوف من بعض عوج الدروب من تجمّع في ضميره طبع حسد وشين نـيـه ما يقول أدخل على الله ولا يعرف نفض الجيوب بـارعـيـن بـالـمهـايـط والـنـوايـا شـقـلـبـيــه كل منهم يحسب أنه عن بـني جنسه يـنـوب الردي لـو عد نفسه مثل الـلي حمى ضريـه الزعيم أخو المهلهل أو مثـل شيخ العتـوب يدركون الناس وصفه بالشبـه مثـل الحطيـه مشتقي بعيوب غـيـره والبـلا بـه والعـيـوب خـاب مذموم السجايا صاحـب النفس الـدنيـه من عمل معروف يمدح والردي دوم مهـزوب بالـرجال أنـذال وأيضاً فيهـم شخوص شفيـه وفيهـم هدوس وزلايب كنهم بالوصف عـوب 307 قال عبدالله بن دهيمش بن عبار هذا المقطع من قصيدة مجاراه لقصسدة الشاعر نواف بن عبدالله بن حدجان المريبد العدواني البجيدي : ماهي غريبه من نسل مكرم الجـار *** نسل الجـدود الـلي تشّرف ضناهـا جـده مريبد لا ركـب فـوق الأكــوار *** عـقـيـد يـدلـي كــل ديـره غـزاهــا يدحم عـلى ذود المعادي الـيـا غـار *** قاد قاد المسيرة والجهامة خذاهـا يسري ويجري يقضي الليل سهّـار *** والجيـش تـسمع بالفيـافي رغـاهـا فارس شجاع أن طالع القوم سبّـار *** وربعه هـل البلها تخـوّف اعـداهـا كـفـو اليتامـا النعم مـرات وأمـرار *** أهـل بـيـوت عـز مـن هـو لـفـاهــا العود الأزرق وأشقر الهيـل يـنـدار *** بربـاع مـن ضامـه زمانـه نصاهـا مزبان ملهوف عـليـه الـزمن جـار *** أهل الكفوف اللي غـزيـر عـطـاهـا يتـلـون شيـخ فـي دوانـيـه مـا بـار *** مخلص وربعـه صادقه فـي ولاهـا الشيخ أبن شامان مشهور الأذكـار *** نسـل الـرجـال الـلي بعـيـد مـداهـا وقـبـل الخـتـام أكـرر الشكـر تـكـرار *** لـلي الـحـقـايـق بـالـنـواظـر يـراهـا شبهـتـني للـدرع يـا نـسـل الأخـيـار *** ومـن يصنع المعـروف يلقا جـزاهـا أنـا بمـديحـك يا أبـن الأجـواد فـخـّار *** وأنـا بـمـثـلـك أفـتـخـر وأتـبـاهـــــا لاشـك أنـا يالـقـرم فـرد مـن الأنـفـار *** أفـخـر بمـاضي لابـتي مـن غـلاهـا ودرع القبيلـة من يطيب مـن الأمـار *** وأمجـادهـا بـفـرسانهـا وأومـراهـا من طاب منهم درع وحجاب واستار *** ومن خاب دنـّق والمراجـل رمـاهـا عند أبـو حسن لـي كـرامـه وتعبـار *** ولا هـي غـريبـه من خلايف مهـّنـا التعديل الأخير تم بواسطة عبدالله بن عبار ; 08-05-2021 الساعة 11:21 AM |
|
|
|
|
«
الموضوع السابق
|
الموضوع التالي
»
|
|
|
|
|||||||||||||||||||||||||||||||||||
|
|||||||||||||||||||||||||||||||||||||
|
|
|
|
|||||||||||||||||||||||||||||||||||
| أدوات الموضوع | |
| انواع عرض الموضوع | |
العرض العادي
|
|
الساعة الآن 01:35 AM.
 |
|
 |
