تابع
*- وقال ماضي بن صبر النومسي العنزي يسند على عبدالله بن دهيمش ابن عبار العنزي : 331

يا راكب الـلي ما تصـور ولا صـار *** مـثـلـه بـدقـت صنعـتـه وأبـتـكـاره
بنـزٍ مصرح ما وجـد لـه بالأقـطـار *** مثـلـه ينافـس شهـرتـه وأعتبـاره
صدامـه الخلفي عـن المقدم أمتـار *** عشره وتسع أذرع مقاس الغماره
من مصنعٍ فاق المصانع بالأطـوار *** عراقـته هي سر دعـوى أشتهاره
آخـر مـديـل البنـز جهـز بـمـشـوار *** مرسل بخط ويحمل أسمى عبـاره
ينقل على الطبلون عنوان واشعار *** شكراً لمن كان الوفاء هو أشعاره
عـليـه قـرم مـن الرجاجـيـل جـبّـار *** حاز الشجاعة والوفـاء والمهـاره
من لابـة النومس عريبين الأوكـار *** أولاد عـايـد زايـديـن الـضـفــــاره
الـلي لهـم بالمجـد مـورد ومصـدار *** تـاريخهـم يشهـد لهـم بالـصـداره
عـز الصديق وعـز للضيف والجار *** وضـد العـدو الـلي براسـه نعـاره
يا نـاشـدٍ عـن فعلهـم مابهـا أسـرار *** أعـطيـك عـنهـم نبـذة بأختصـاره
عن فعلهم مع عيد ما جتك الأخبار *** يوم أن بن نومس كسرهم كساره
شربوا من السم الحمر حامي حار *** لـعــيـون مـن وجـه نـدالــه وزاره
يقـول شاعرهم عقب عـد ما صار *** نومسك ابن نومس بفهم وشطاره
شهايـدٍ مـن عـندهـم ما بهـا أنكـار *** والعـلـم يكـفي فـيـه رمـز الأشـاره
ورشيـد لـه بالضـد مطلع ومحـدار *** الـلي سمـاهـم طـيّـر الـلـه اغبـاره
ما جاك عن مجـرى تفاصيل للعـار *** الـلي لـبـس ثـوب الـمـذلـه بـداره
يوم أخلف الموعد وغروه الأشرار *** مـنـا خـذا درس الـظـلام ونـهـاره
والطعس يشهد يوم عج الدخن ثار *** مـع لابـة الـويلان يـوم الخـسـاره
يوم أنهم ركبواعلى قحص الأمهار *** اللي يخوضون الوغى بكل غـاره
يوم أن شاعـرهم يقـول أنـه أحتـار *** من بين عشره ضيّع الله أخمـاره
هـذي عناويـن خـفيـفـات وأصغـار *** والـلي جـهـل فـينـا ينشـد أكـبـاره
من ضاحية لبـده قبـل فـج الأنـوار *** قـام النـديـب وثـم واصـل مـسـاره
والتاسعه بالضبط عند ابـن عـبـار *** المكـرم الـلي يجـذب الضيف نـاره
ترفع له البيضا على طيب الأذكـار *** هـذاك أبـو مشعـل عـرفـنـا وقـاره
عبدالله اللي بـان علمـه بالأمصـار *** الـوايـلي عـلى الـفـضـيـلـة مـداره
من لابـة الفدعـان وافيـن الأشبـار *** لابـة مصـوت بالعـشـا فـوق قـاره
أهـل الكرم والطيب والسلم والكار *** تشهد لهم البدوان وأهل الحضاره
ثم أعـلم المندوب يا نجـم الأشعـار *** لـلي بـرع بالمـرجـلـة والجـسـارة
تمشي بدرب الحق يالقرم باصرار *** غصب على اللي ما براسه نمـاره
أنت الذي سطرت بالخـط الأسطـار *** حتى أتضح ليـل الدجـا من نهـاره
هـذا جـميـل وتشكـره كـل الأحـرار *** تـجـارتـك بـالطـيـب نـعـم التجـاره
هذا الذي يبقـا عـلى مـر الأعصـار *** فعـل الجـميـل ومـوجـبته الغـيـاره
يا كاتـب التاريخ يا صافـي الأفكـار *** حيـث العـمـل يحتـاج فـن ونـداره
عـسـاك عـز لـلـقـبـيـلـة ومـفـخــار *** تفخـر بـك الأجيال عـنـد أفتخـاره
وآخـر كـلامـي لـك مـعـزة ومـقـدار *** بنفـوسنـا ما هـو بـمكـر وعـيـاره
أجـمـل تـحـيـاتـي تعـطـر بـالأزهـار *** عـنـبـر وريـحـانٍ وورد بـغــزاره
تهدى لأبو مشعل وتنعم بهـا الـدار *** الـلي رجينـا الـلـه يطـّول عـمـاره
يفـداك يا راعـي الوفـاء كـل ثرثـار *** ولنـا طـلب منـك الوفـاء بالزيـاره
لا تعـتـذر مـا عـاد نـقـبـل بالأعـذار *** تلزمك وأنت الوقت منك أختيـاره
النـومسي مـاضـي يحيـيـك تـكـرار *** واللي حضر يشهـد عـلي بـقـراره
واختامها صلوا عـلى سيد الأبـرار *** نـبـيـنـا الـلـي فـاز بـآخـر بـشــاره

* وقال عبدالله بن دهيمش بن عبار رداً على ماضي بن صبر النومسي : 332

سـمـيـت بسـم الـلي لـلأفـلاك دوار *** رب العـبـاد الكـون يعـلـم أسـراره
يـدري بكم أرزاق عبـده والأعـمار *** مـن مولـده حـتى يحين أحتضـاره
خـلاقـنـا رزاقـنـا مـجـري الأنـهـار *** الـلي من الظالم حما عرض ساره
حمـاه مـن فرعـون حمـال الأوزار *** صـان الخليـل ومـن بلاويـه جـاره
رب المـلأ منـزل همالـيـل الأمطـار *** يسـقي ثـرى البيدا وينبت خضاره
جـل الولي يحيي ميابيس الأشجار *** والخلـق تجني من غرايس أثماره
حـتى الـذي يفلح من القـاع هكتـار *** يقطف حصيله من قـليل الشكـاره
ديـم السحايب هـل بالمـزن مـدرار *** خـمـايـل الـريـضـان يـطـلع بـذاره
حـتى البهايـم تبتهج بـه والأطيـار *** وكـل الكـبـود اليـابسـه بانـتـظـاره
بسم الولي سجلت منظوم الأشعار *** وجنبـت منطـوق الخـطـأ والأثـاره
نعـوذ بـه مـن شـر كاهـن وسحـار *** وإبلـيس أخـو مره عليـه أندحـاره
وخلاف ذا شديت ما يطـوي القـار *** صنع الخبيـر المخترع من أفكـاره
الحـاذق الـلـي بالتصاميـم بـيـطـار *** مـن جرج الأول منسبه وأنحـداره
أصهب أبـش وساعـده تـقـل جمّـار *** أشهب شنب خالط بياضه شقـاره
ما بـاد عـزمه طول وقـته ولا خـار *** هو ريس المصنع وهو مستشاره
خبيـر وأعمالـه صعيبـات وأعسـار *** شغـلـه نـقـي ما مهنتـه مستعـاره
مـرابـحـه بـالـيـوم مـلـيـون دولا ر *** بالشركـه الـلي يستحيـل انكسـاره
بـرع بتصميم الشبح شيخ الأموار *** وهـو السبب في شهرته وأختياره
صار الشبح سعره خيالي بالأسعار *** صنعـه سبايـب قـيمتـه واحتكـاره
مـا يشتـرونـه كـود سـادات وأمّـار *** ولا الوزيـر الـلي يروس الـوزاره
يخـتص بـركـوبـه مشايـخ وتـجـّار *** سعـره عـلى الشراي يبني عماره
كم واحـدٍ سامه وشاف الثمن حـار *** حـيـث أن مصـروفـه قـليـل دبـاره
ولا نشمت اللي من غلو قيمته نار *** عـن قـربـه المفلس جـداه النيـاره
يستاهـله مـن خـزنتـه حول مليـار *** في درجـه الشيكات مثـل الضباره
عـداد طبلونه موقـف عـلى اصفار *** وينـوز حين السلف يقدح شراره
بنـز الشبح تبـارك الـلـه إلـى سـار *** كـنـه كـروز بحيـن تضغـط أزراره
حسب كلام اللي أعتلوبـه بالأسفار *** ولا تــرى مـا يـوم لـفـيـت طـــاره
عـنـاه ابـن عبـار سجــه ومـسيـار *** سار وتوجه صوب ماضي زيـاره
ابن صبر ريـف الـذي جـوه خطـار *** النـومسي فـرحـت خـويـه وجـاره
من ساس لابـه باللوازم له أنصـار *** نـوامسـة تـكـدي العـدا بانتصـاره
عـدوهـم يشـرب قـراطيـع الأمـرار *** وخصيمهم فاجوه فـي عـقـر داره
يـا ابـن صـبـر لا بـد نـأتـيــك زوّار *** ولا من حواجز بين حاره وحـاره
نقـلـط بديـوانـك عـلى بـن وابـهـار *** حيثـك أتـرحـب بالرفيـق ابحـراره
لا شك تمهلني ترى اشغـالي اكثـار *** حتى المـدارس ينتهـون أختبـاره
ولا تـرى ما مـن تكاليـف وأضـرار *** الـكـبـش عـاداتـك تـقـلـط فـقــاره
وصلوا على اللي للمخاليق مختـار *** على الرسول أعداد رمل الزبـاره

*- قال عبيدالله بن جهاد البجيدي يسند على عبدالله بن دهيمش بن عبار : 333

بسم الـذي نركع لوجهـه بالأسحار *** خوف وطمع وأيمان وأخلاص نيه
نطلب رضاه ونستجيـره مـن النـار *** يوم الحساب ويـوم كشف الطويـه
أملي القوافـي بالمضامين وأخـتـار *** ما هـان مـنـهـا بالمـعـانـي غـنـيـه
أبيـات شعـر ومـن مـواليـد الأفكـار *** مضمونها الشكـر الجزيـل وتحيـه
مقـرونـةٍ فـي بـاقـة ورود وأزهـار *** تـفـوح فـي عـطـر الـورود النـديـه
تهدى على قـرم العـيال ابن عـبّـار *** شكـر عـلى ما أهـديتنـا مـن هـديـه
هـديـةٍ فـيـهـا الطـرايـف والأخـبـار *** مـثـل الفيـاض المعـشبات المّـريـه
تسـرد لـنـا تاريـخ وافـيـن الأشبـار *** عـبـر السنيـن المـاضيات القصيـه
قـومٍ لهـم بالمجـد مـورد ومـصـدار *** كـمـا لـهــم فـي كــل مـبـدأ مـزيــه
شاعر وأديب وعندك العرف ينـدار *** وأدلـيـت دلـوٍ بالـمـنـاسـب رويــه
ألـفـت بـالأنسـاب وألـفـت الأشعـار *** بـالـنـص تـثـبــت والأدلــه قــويــه
يا ما رويت أخبار وأحـداث وأذكار *** واطلعت أمورٍ تحت الأنقاض حيـه
وأزلـت مـنهـا كـل تعـتيـم وأغـبـار *** قـد لـفـتـهـا وأدرجـتـهـا بـالـهـويـه
من بين مد وجزر فيك الذكى سـار *** عـلى ضفـاف الـمعـرفـة والـرويـه
جنبت اللي فيها حزازات وأضـرار *** وأحـراج يفسد مـا بـرز من قضيـه
كـم راحـت الأيـام باشـرار واخيـار *** وكلـن بـقـي لـه فـي سجـلـه بـقـيـه
تصـيـر لـه بـالنـاس رمـزٍ وتـذكـار *** فـي سـلـبـها وأيجـابهـا لـه مطـيـه
والـوقـت لـو زانـت ليـالـيـه تـنـدار *** تلـقـح وتنتـج بيـن صبـح وعشيـه
دنيا وأهلها لو بـدوا غـزو الأقمـار *** بين الفضاء والأرض روحه وجيه
مصيـرهـم لا شـك بكفـوف الأقـدار *** عبـر الزمـن مـا بيـن شمسٍ وفيـه
يا حظ من فيها غرس حلو الأثمار *** تعطيـه مـن كـل الصنـوف الشهيـه
فـي موقـف ما فيـه درهـم وديـنـار *** عـملـة بنـوكـه بيـن حسنـه وسيـه
حتى ولا بـه مـن محامين وأنصـار *** كـلـن بشـأنـه تحـت رحـمـة ولـيـه
ولا الذي يغرس بها شوك وأمـرار *** شـرٍ مـقـيـم وغـصـةٍ فـي مـريــــه
هـذا بعـض يـا طيّـب الفـال مـا دار *** في خاطري وأوحى بـه الفكـر ليـه
بغيت أقصر طول شرحي ولا صار *** تـداعـت الأفـكـار غـصـبٍ عــلـيــه
تـواردت في كـل تصميـم وأصـرار *** بـاثـر بعـضهـا مـثـل ورد الـظـميـه
والمعـذرة لـو فيه موجب للأعـذار *** فـي مـا ذكـرتـه يـا كـريـم السجـيـه
أنـت الـذي عندك مقاييس وأعيـار *** والحـرف تكشف مايلـه من سويـه
وختامهـا مـني عـلى خيـر الأبـرار *** أحـمـد شفـيع النـاس خيـر البـريـه
والختـم صلـوا عـد هـتـان الأمطار *** وعـدة نـجـومٍ بـالـمـجـرة مـضـيــه

* وقال عبدالله بن دهيمش بن عبار رداً على عبيد الله بن جهاد البجيدي : 334

بسم الـذي ينزل من المـزن مـدرار *** يـنـقـع مـصـبـه بـالـديـار الفـضيـه
غيث المطر ينبت هواميد الأشجـار *** ويحـيي مغـاريس الفياض العذيـه
واحـد أحد والي عـلى الكون جبـار *** يـعـلـم بمكنـون القـلـوب الخـفـيـه
رب الـملأ عـنـده مقاديـر الأعـمـار *** مـن مـولـد ابـن آدم ليـوم الـمنـيـه
من بعد ذكر اللي على الخلق قهـار *** يـا مرحبـا براعـي الكفوف النديـه
يا مرسل القيفان بخلاص وأصخار *** مشكـور يا راعي النقـاء والحميـه
جاني قوافي صاحب الطيب والكار *** عبـيـد الله بـن جهـاد خـلفـة عبـيـه
اللابـة الـلي تـذري الضيف والجار *** وزبـن الدخيـل الـلي عـليه الجنيـه
ما هاب لو جرمه كبر ضلع سنجار *** عـفـو الضهر ما كن سوى خطيـه
يرقـد قهيدي ما خشي طالـب الثـار *** زبـن سـمـيـة حـي هـاك السـمـيـه
لا بـة هـل البلـهـا من أحفـاد عمـّار *** سـلـقـا كـعـام الـضـد مـاهـم نـزيـه
صوت اليتاما عندهم رمـز وأشعار *** نخـوة عـلى العـدوان في كـل هيـه
لا قــيــل بـلـهـا ثــّوع الــدم نــثـّـار *** حـل القضى عـزي لـراعي الرديـه
نـطيحهـم يـدبـر وبـه كسـر تـعـبـار *** أقـبـل يـدور الفـود وأخلـف نـويـه
يتلـون ابن شامان من عقـب نصّار *** صفـوة زبون الحرد ملحق خويـه
بجايـده شجعـان في ماضي الأدوار *** مـن عـزوةٍ عـن الـمـدايـح غـنـيـه
وأشكرك يا مرسل عذيات الأشعـار *** عـبـر الجهـاز الـلي يروح أنقريـه
عبر الذي يرسل بعد لمس الازرار *** الفـاكس مـا فـي بالـمـراسيـل زيـه
عجبت كيف الخـط من عندكم طـار *** بالثـانيـه يطـوي مسيـر اضحويـه
جاني خطابـك وأثـني الشكر تكـرار *** والنـفس والله من طرفكـم رضيـه
يا من تشيد بما عملت من الأصدار *** كـتـب النسـب بالعـزوة الـوايـلـيـه
لأجل الـذي شرواك وافين الأشبـار *** ولا هـمني أصحاب النفوس الدنيه
جحـادة المـعـروف دقـاتـهـا اكـبـار *** تـرمـي الـتـهـايـم لـلعـبـاد الـبـريـه
حنـا بذلنا الجهـد من ضمن الأنفـار *** ومن واجب المسلم يحفظ الوصيه
نخشى الملامة يابن الأجواد والعار *** وندرى الحسود اللي يدور الدعيه
أكتـب مفاخـر لابـتي مـا بهـا أنكـار *** ولا نـي حـراوي عـنـدهـم للعطيـه
واليـوم أشوف بتالي الوقـت تغيـار *** يـا مسنـدي خـل العـلـوم امغـطيـه
قـلت الوكـاد ولا لـنـا بنبشت الغـار *** أخـاف تـلـدغـني مـن الـغـار حـيـه
وأفطن ترى الدنيا لها أقبال وادبار *** مـثـل المحـالـة فـوق جـال الركيـه
ورب الـمـلأ لمـدور الـستـر سـتـّار *** الـلـه يـكـافــيـنا الـبلا والـبـلـيـــــه
تـمـت وصـلـوا عــدد مـا زار زواّر *** عـلى الـنبي هـادي العـبـاد ونبـيـه

*- وقال عبدالكريم بن فرحان الريّس التميمي من أهل الجوف هذه القصيدة يسند على عبدالله بن دهيمش بن عبار : 335

يقول ابن فرحان بالشعـر لا غاص *** مـن بعـد ذكـر الـلـه رب العـبـادي
مثايلـه مثـل العسـل داخـل أقـلاص *** أبيـات والـلـه من صميم الفـوادي
المال شفته غيّر نفوس الأشخاص *** لوهـم عـلى مشط اللحـا بزديـادي
ما هي مخليتك على منصبٍ خاص *** ولا هـي مخـليـتـك رئـيس لـنـادي
لا تتبع اللي قربهم ضعف وأنقاص *** جعـل ارضهـم ما تنبت الا كـدادي
ولا تـتبع الـلي بالـردا دوم قـنـّاص *** هـذاك مـن بـد الـعـرب مـا يـرادي
خلك مـع الـلي نيتـه كلهـا أخـلاص *** هـذاك قـلـبـه مثـل لـون الـزبـادي
يا راكب من عندنا عـدلت الشـاص *** من مصنع الألمان معطا اعتمادي
بـنـزٍ جـديـده لونهـا لـون الأجـاص *** تطـوي مسافـاتٍ طـويلـه ابعـادي
سـواقـها فـي فـنها عـنـده أبخـاص *** لا كـيّـم الطـبـلـون جـابـه وكـادي
تلفي لأبن عبار في هون وأحراص *** سـلـّم وقـل وش رايكـم بالمبـادي
سـلام مـنـي عـد طـيـات الأمحـاص *** واعداد ما هب الهوى من برادي
سلام أغلى من الجواهر والألماص *** وأخـن وأنوج من غرايس بلادي
تـمـت وصلى الله عـلى سيـد نـاص *** يرشد على درب الهدى كل غادي

* قال عبدالله بن عبار رداً على عبدالكريم بن فرحان الريّس التميمي : 336

يا راكب اللي ما تشبه على الباص *** بنز الشبح منجوب شف المـرادي
من وارد اللي سلعته مابها رخاص *** هيهات ما يخشي عليها الكسادي
لكن قليل المـال لـو سامهـا حـاص *** ما يشتريها بالعرب شخص عادي
ومن يشتريها دين ما فيه مخلاص *** من غلوها يصعب عـليه السدادي
إلى تلامس كهرب السلف بالماص *** تسمع مثـل دن الجـنيـه الرشـادي
بخلافها حذف الحجر تقل رصاص *** تسبق مع الزيـزاه صوت المنادي
ما يسمع المندوب ما لحّن العـاص *** ولا يلتهي مع كـل مطرب وشادي
يسمع لتـرتيـل المثـاني والأخلاص *** بـأذاعـة الـقـرآن عـبـر الــروادي
ما صابته دوخه ولا يحمل أقراص *** سافـر يريد الجوف بأدنا الحمادي
يلفي على قرم له أرماع وأخراص *** منصاه ابن فرحان زاكي الجدادي
عبدالكريم اللي للأضـداد مفـراص *** من روس لابة يقحمون الطـرادي
فندهم ابن صقيه بعلوم وأقصاص *** عـد الأصول ويـفتخـر بـالـمجـادي
ماكر صوارم مااستكنت بالأقفاص *** عكـف المخالب ضربهـا بالثـنـادي
وأن كان تبي الرأي للشعر فحّاص *** قافـك سلـيـم ولا عـلـيـه أنتـقـادي
قافك كما الياقوت من صيد غواص *** سـر لـلأمـام وخـل رايـك سـدادي
مبداك جزل ولا أنت للشعـر خبّاص *** أصدح بقافـك بين حاضر وبـادي

*- قال عبدالله بن دهيمش بن عبار هذه القصيدة وقد نشرت بمجلة شيحان الأردنية الصادرة في 15/ 4/ 1998م : 337

زرت البلاد اللي لها القلب شفقـان *** أحـبـهـا وأرغـب تـقـالـيـد أهـلـهـا
احـبـهـا مـن حـد أربـد إلـى مـعـان *** ودي بشـوف جبالهـا مع سهـلـهـا
أشتـاق لـلـزرقـاء وأفـرح بـعـمـان *** وترتاح عـيني يـوم تـنظـر جبلهـا
أحـبـهـا والـلـه مـن بــد الأوطـــان *** حـبـيـتهـا مـن شـان حـي نـزلـهــا
دارٍ بـهـا نـفـنـوف ريـح وريـحــان *** ريعـانهـا يـا زيـن شـمـت نـفـلـهـا
تزيل عن قـلبي هواجيس الأحـزان *** وتجلي عن النفس الشقيه زعلها
ودي أزور بـلادهــا كــل الأحـيــان *** مـن زارهـا نفسـه تريّض عجلهـا
دار الزعيم الهاشمي نسـل عدنـان *** سبط الرسول اللي الأمانة حملهـا
هو راس فهرهو فخر قيس عيلان *** ولـه منزلـه بالمجـد محـدٍ وصلهـا
هل الفخر من دور هاشم لهم شان *** الـهـاشـمـي كـل المفـاخـر كـفـلهـا
الهاشمي مشهور فعـلـه بالإحسان *** اللي حمى أمجـاد الجدود وحفلهـا
مـن صلب حيدر مابهم قول بهتان *** نجـل الـبـتـول معـربـه مـن بعـلهـا
نـوادر الـتـاريـخ بـالمجـد عـنـوان *** وأفعـالهـم بالطيب ما أحـدٍ جهـلهـا
مدحي صحيح ولـه دلايل وبرهـان *** مـن نظـم ابـن عـبـار فكـره بذلهـا
من فـن بدعي سجـل الفكـر قيفـان *** نـاخـذ جـدايـدهـا ونـتـرك سملـهـا
مـني تحـيـة وانشـروهـا بشـيحـان *** فيـض المشاعـر مـا نـدّور بـدلهـا

* وقد رد الشاعر محمد بن فناطل الحجايا من أهالي سد السلطاني في منطقة معان : 338

حيــيـت يامـن كاتـب زيـن الألحـان *** تجلي عن النفس السقيمة اعللها
نظم أبـو مشعـل يـا بعـد كـل فـنـان *** كـاتـب معاني مثـل صافي عسلهـا
الـوايـلـي يـوزن أقـوالـه بـمـيـزان *** عقـداً من الجوهـر سبايك اجملهـا
عـزيـز نـفـس ولا تـقـّـول ابـهـتـان *** بابيـات شعـر معـذيـه عـن زلـلهـا
مـن لابـة لا شبت الحـرب شجعـان *** كسرى شكى يـوم الملاقى ثـقـلهـا
جـاروا عليـه وعززوا بنت نعمـان *** وذيقـار تخبـر من نشدها وسألهـا
ربع لهـم في هامة المجـد مسكـان *** عـلى سـنـام المـجـد بـنـّوا فـلـلـهـا
هـذا لأبـو مشعـل تشكـر وعـرفـان *** مـن خافقي صدق العواطف نقلهـا
عـواطفي مـا قـلتها مـرتجي شـان *** ولالـي مقاصـد طـامـع فـي مثـلهـا
بالـلي عطـاني خالق الخلق قنعـان *** ونفسي حطام الفانيـه مـا شغـلهـا
الشكـر لك يا نسل عطبين الأيمـان *** حيثـك مدحـت الـلي للأردن أملهـا
مدحت من هـو نال بالمجـد تيجـان *** وذكـرت داره بالـمـكـارم وأهـلـهـا
مدحت صقر قريش ماكنت غلطان *** الهـاشمي روس المعـالـي دهـلهـا
جــده مـحـمـد خـاتـم كــل الأديـــان *** ورسالـتـه فـي عـون ربـه كملهـا
أسمـه مـع أسـم الله يسمع بـالآذان *** وسلالتـه أشـرف سلالـه جعـلـهـا
وريـّث مجـدٍ راسـخ فـوق سيسـان *** ليث العـرب روس الأعادي ركلها
حـر الحرار اللي جمع كـل الأخوان *** وكـل المشاكل ساعـي فـي حللهـا
عـزز وطـنـا عـن طمـع كـل فـّـتـان *** والـدار مـن بحـر المـذلـة نشـلهـا
الهـاشـمي يحـلـم عـلى كـل إنسـان *** وأبـنـاء شعـبـه بالمكـارم شمـلهـا
حكيـم وفـي حـل الصعيبات فهمـان *** وكـل العلـوم بصغـر سنـه نهـلهـا
وأزال نزعـات التخلـف والأضغـان *** وجـروح ما قـد فـات حلمه دملهـا
يشهد عـلى ما اقول حضرٍ وبدوان *** من يمدحه صدق الحقايق صقلها
الهاشمي حـر شهـل فـوق عقـبـان *** والطلع ما هو مثـل شامخ نخـلهـا
ومني تحيـه لأبـو مشعـل بشيحـان *** مثـل الشهد جانيـه طايـف نحلـهـا
والحـمـد لـلـه كـلـنـا ربـع وأعـوان *** والطـيـبـة نـفـخـر بـرجـلٍ فـعـلهـا
وأبـواب الأردن فاتحة كل الأحيـان *** بـوجـه الصديق مرحبـه لا دخلهـا
وأرجـوك تـكـرار الـزيـارة لعـمّـان *** بمـجـالسـك عـن هـم الأيـام نـلـهـا
يا اللي حديثـك ريح عطرٍ وريحـان *** ومسك تخـالـط مـع روايح نفـلهـا
في ديـرة حـزمه مـن الغيث رويان *** سـجـادةٍ خـضـرا مـلاوي رجـلـهـا
نـوارهـا يقـطع ظـمـأ كـل عطشـان *** رويـانـه وغـيـث البـداري هطلهـا
الله سقاهـا مـن غـزيـرات الأمـزان *** ولبست بعون الباري أبهـا حللهـا
والمعذره هاضت خفيات الأشجـان *** والقـافـيـة عـالـفـكـر ركـز هلـلهـا
عـواطـف جتـني وأنـا كنـت بلشـان *** مـا هـو تفنـن مـار ربـك عـقـلهـا
وصلاة ربي عـدد عيدان الأغصـان *** وأعداد ما لعب الهوى في قذلهـا
وأعداد ما يمشي على القاع ركبان *** عـلى رسـول خـيـر سنـة عـملهـا

*- قال الشاعر متعب بن لافي الرويلي هذه القصيدة يسند على عبدالله بن دهيمش بن عبار العنزي : 339

قال الـذي من خاطـره ينظم أقـوال *** أبـيـات تلـفـظ مـن بـديع الكـلامـي
ما قـلت قـافي في عـذيات الأقـذال *** ولا هـمني يا القـرم عدل القـوامي
قـلبي يا أبو مشعل من الهم يجتال *** بين الجنوب وبين شـرق وشـامي
كن الوقايـد بالحشـا تشعـل اشعـال *** اصبـر عـلى حـره ولا زلت كامي
وليلي يا أبن عبار ساعـاتـه طـوال *** وعـيني بهجعـات الملأ ما تـنامي
وجهـت لـك يا مسندي عـدة أمثـال *** وأشكي على اللي ترتجيه الأنامي
قـلتـه ولك بقـلـوبـنـا الـواو والـدال *** نعـتـز فـي طاريـك حيثـك اقطامي
ويا الآدمي دنياك مـا ترحم الحـال *** كـم لـوعـت طـفـلٍ بسـن الفـطـامي
أن أدبـرت بـقعـا تـوريـك الأهـوال *** وأن اقـبلـت تـلـقـا المعـزة شمامي
دنـيا الشقـا تأتيـك بالوان واشكال *** يـومٍ سفـر وأحيان تقـلب ضلامي
أحــدٍ تـجـرعـه الـمـذلـة بـمـكـيـال *** وأحـدٍ تـذعـذع لـه براس العـدامي
وأحـدٍ تسكنـه الخـرايـب والأطـلال *** وأحـدٍ تحـطـه فـوق عـال الغمامي
كسابهـا خسـران لـو يجـمع المـال *** تـقـلب حقـايقها بسرعـة أوهـامي
دنـيـا الشقـا شبهتهـا كـنهـا اظـلال *** ولا السراب بصحصح البيد زامي
وصـلات ربـي عــد مـا هـل هـمّـال *** عـلى الرسول اللي لمولاه صامي

* قال عبدالله بن عبار رداً على الشاعـر متعب بن لافي الرويلي : 340

سميـت بسـم المعتلي ملـتجـأ الـذال *** الخالـق الـبـاري جـليـل الاسامـي
أرسل رسوله بالهدى يرشد الضال *** وقـاد العبـاد لخيـر قصد ومرامـي
بسم الـولي سجلت مـا ينظـمّ البـال *** أبيـات من منبع غـزيـر الجـمامي
أرسل جواب معـّرب الجـد والخـال *** متعـب بـن لافـي رفـيع الـمـقـامي
يشكى من الدنيا وتقـاليب الأحـوال *** ومن صكته سود الليالي يضامي
أصـبـر وخـلـك للصعـيبـات حـمّـال *** خلـك صبـور ولا تصيـر انهـزامي
تـرى الـزمـان الشيـن لا بـد ينـزال *** ومن جاهـد بدنياه سمي اعصامي
لـو كان ما تملك على فلس وريـال *** أخـيـر مـن ملـيـار درهـم حـرامـي
لـو الذهب يا مسنـدي عـز الأنـذال *** وبـه أرتفع قـدر الرزيـل الخـمامي
الله يخـونـه يـودع الهـيـس رجـال *** ويحـط عـفنيـن السجـايـا حشـامي
أحدٍ تشوفه يلبس رثـوع وأسمـال *** ويسكـن بيـوت الزنك ولا الخيامي
وأحدٍ شمخ بيته مثـل نايف الجـال *** وزهـاه بنقوش الحجـر والرخامي
بنزه جديد ومرتدي بشت وأعقـال *** ومـن كبـر نفسه ما يـرد السلامـي
وإلى مشى من زايـد الكبـر يختـال *** مغـويه كثـر المـال والفكـر عـامي
الـلـه يـقـديـنـا عـلى خيـر الأعمال *** وصلوا على المختار مسك الختامي
بتبع

تابع
*- قال عبدالله بن عبار يسند على يوسف بن راضي القراري رحمه الله : 341

راكـب الـلي مـا تبـاريــه الدداسـن *** يسبق الفكسار وجيـوب السفـاري
لـو تـبـارن بالمماشي مـا تـواسـن *** مع مسيرالقـار أو خـط الصحـاري
الشبـح فـيـه المـواتـر مـا يقـاسـن *** غـيـر روز الرايز ماله من يماري
سار من حـي النظيم إلـى محاسـن *** سـافـر المنـدوب منصاه القـراري
يا نـديـبي وصّـل المكتـوب راسـن *** للكـريـم الـلي لفعـل الطيب ضاري
يوم ولـد اللاش فـرشه ما يداسـن *** عـن مفاعـيل الفخـر ما كـان داري
للكـرم يـوسف أفـكـاره ما تـناسن *** أبـو راضي مشتهـر عـلمه جهاري
ما حكـابـه بالـردى ذرب الملاسن *** ولا تـعـرض لـلـمسبـة والـمـزاري
يـوم سـرد الخيل تكعـم بالمـراسن *** مـن حمايـل تأخذ حقوقـه اجبـاري
هجـنهـم تشكي حفـاهـا بالفـراسن *** مـن سواهيـج القـوايـل والمساري
والـركايـب والسبايا اليـوم خـاسن *** عصرنـا عصر التكاسي واللواري

* وقال يوسف بن راضي القراري رداً على عبدالله بن دهيمش بن عبار : 342

راكب الـلي عـشقوهن بالفـتناسـن *** كـنهـن شـيهـانـتن تـطـرد حـبـاري
لـلنـظيـم مـوجهـيـنـه مـن محاسن *** صوب من يحظى بقدري وأعتباري
دون ابـن عـبـار لحظـه لا يتماسن *** بستر ربـي توصلـه تالـي النهـاري
شعره وصـل نجد وديار الغساسن *** يبـدع القيـفـان مـن انهـار جـواري
الـبـيـوت الـلي لفـنـا بحـرف آسـن *** مثـل فوح الـورد في جـال الخباري
كـن قـافـك منـبـعـه مـن مي ماسن *** بالجـواب أحتـار فكـري وافـتكاري
ويـوم حرب القاف نيـرانـه تلاسن *** تعـتـفـر من دون ربعـك مـا تـداري
لـك تـليـن قـلـوبـنـا مـهـما تـقاسن *** فـزعـتك بالسلم أو وقـت الخطاري
والعلـوم اللي نوحيها من حساسن *** لو تعالت قـولهـا من الصح عـاري
روسنـا مثـل الرواسي مـا يـراسن *** ما هي بالقرطاس وعلوم الهكاري
وقـت لولاس القضايا اليا انحاسن *** ما انتعـذر عن حلولـه وأنـت داري

* وقال عبدالله بن دهيمش بن عبار رداً على يوسف بن راضي القراري للمرة الثانية : 343

راكـب اللي مع سمـاح القاع عـاسن *** من هجاهيج النضى جيش الشراري
كنهـن هـنـف العـذارى يـوم هـاسـن *** حـافـلات وقـرطـن حـمـر الـهــبـاري
مـا يـبـن لـوحـه ولا مـعـهـن لياسـن *** جـاهـزات مـجـهـزات لـكـل طــــاري
من الرياض العاصمة مدن وجـاسن *** شرقـن يبـن الحسا وهـاك المحـاري
الفجـر حـزت شـروق الـنـور نـاسـن *** رامـن الممشى قبـل سجع القمـاري
مـدن مـن الصبح والمغـرب ايماسـن *** عـنـد يوسف بركـن وقـت الغـداري
سـافـر المنـدوب مقـصـوده أسـاسـن *** يـوصـل المـنعـور ردي وأعـتـذاري
يـا أبـو راضـي للبشر مهمـا تحـاسن *** حيـن تـقـفي يطعـنـونـك بالـشبـاري
الـليـالـي يـا أبـو راضي مـا ايساسـن *** والـزمـان الـيـوم بـه دفـن الأثــاري
كـيـف بـدلـوا العـصـايـب بالـبـراسـن *** والحـضـارة غـيـرت سلـم الـذراري
والخشـوم الـلي من الـعــزة ايبـاسـن *** ذيك أنوف أهل الدراهم والمصاري

*- قال محمد القويعي الخريصي يسند على عبدالله بن دهيمش بن عبار : 344

يا راكـب الـلي ما تدرج على تـراب *** من نـوع ميـق الـلي شبيهه قـليلي
صنعت خبير صاحي الذهن ما غاب *** قـامت تـدرس خـبـرتـه كـل جـيـلي
ملاحها في عقـل شايب وهـو شـاب *** يـاخـذ جـواب يـوصـلـه للأصـيلـي
يوصل لأبن عـبـار مكتوب منصـاب *** ذاق الـمـرار بعـيشـتـه والغـلـيـلـي
يا الوايلي يا عزوتي زاكي الأنساب *** وش حـيلـة الـلي سـاهـر كـل ليلي
وجدي على اللي ما تختل بالأطنـاب *** سهـرت من شانه ولا أحـدٍ دريلـي
عـليـه عـضيت الشـفـايـا بـالأنـيـاب *** الجـادل الـلي بوجـدهـا تشتكي لـي
الزول عود الحور ينبت بالأهضـاب *** مـن ويـن مـا هـب الهبـايب تميلـي
منـزالهـم يالـقـرم للشمس مـغـيـاب *** عندي قريب وهدهـد الوجـد حيلـي
قـبـلي تـولع بالـولع قـيس وعـقـاب *** مشفق على قـربـه وهـو يحتريلـي
أبـي الـفـزع يالقـرم فكـاك الأنشـاب *** بجاهـك عسى جاهك لهمي يزيلـي

* قال عبدالله بن دهيمش بن عبار هذه رداً على محمد القويعي الخريصي : 345

سميت بسم الله مديـر الهـوا الهـاب *** منشي المـزون اللي خياله يخيلـي
الـخـالـق الـلـي يـطـلـبـه كـل طّـلاب *** الـواحـد الـفـرد العـظيـم الجـلـيـلـي
ومـن بـعـد ذكـر الله سجـلت بكتـاب *** رد الجـواب اللي وصل من زميلـي
الـلي شكالي وجـد تـلعـات الأرقـاب *** هيـف الخواصر طاهـرات الشليلـي
الـوجـد يسـطي يالقـويعـي بالألباب *** قـبـلـك تـبـعــتـه ثـم ضـيـّع دلـيـلـي
واليوم أنا عن ذكرهن خاطري تاب *** عـن وصفهـن مبطي تـقـّدم مديلـي
عـفيـت مـا ودي قـرنـبع وسـكـراب *** وجـديـدهـن مـا اظـنهـا تستـويـلـي
والبيـض مـا يبغـن مديـلات شـيّـاب *** والمنتصـف عـنـد العـذارى ذليلـي
ولا تأمن الدنيا تـرى الوقـت غـّلاب *** دنـيـاك عـادتـهـا تـبـوق العـمـيلـي
أن كان لي مقدور نسعى بالأسباب *** أبـذل لـك المجهـود والـلـه وكـيـلي
أبشـر وجمع الولـد كلـه لـك أقـراب *** والـروم تفـزع لـك وولـد الكحيلـي

*- قال الشاعر سلامة بن حجي الحايطي هذه الأبيات يسند على عبدالله ابن دهيمش بن عبار : 346

دن الركاب وصخر القـاف تصخيـر *** بنصى الكريم اللي في الضيف حيّا
رجـل أيـتبسـم لا لـفـوه الـمسـايـيـر *** يـفـرح بهـم لا جـوه صبح وعشيّـا
يـأخـذ أمـوره لا نـصـيـتـه بـتـدبيـر *** ويـاقـف بـجـنـبـك لا أبـتـلتـك البليـا
هـذا هـو اللي من الرجال المغاويـر *** لـلـي كـواه الـقـيـض تـلـقــاه فــيــا
قـل لأبو مشعل لا لفيتـه بما أيصيـر *** والـلي غــرق تــراه يـبـي الـنجـيـا
أخـرج سـلامـة واقـع بجـمـة البـيـر *** غـريــق هــم ومـدركــتـه المـنـيــا
شفت الأوادم يا أبو مشعـل طوابيـر *** وأهـل المـواقـف يالسنافـي شـويـا
الـلـه فـرق بيـن البشـر بالتصـاويـر *** وبالعـرف والأدراك ما هـم سـويـا
عـنيـت لـك نـاصـي ولابـه مـعـاذيـر *** حـالي طـواه الهـم يـا الـقـرم طـيـا
جرم السما نوب يحصل فيـه تفجيـر *** لو هو وقـع بالأرض ما فيـه حـيـا
يحـدث زلازل بالبسيطـة وأعـاصيـر *** تـهــز هــذا الـكــون هــزه قــويــا
واليوم أنا جيتك أن كان أنـك أتجيـر *** ولا أظن اللي شرواك بالجاه عـيـا
أنصـاك حيثـك من قـروم المناعـيـر *** وتـذكـر لي أنـك تتصـف بالحـمـيـا
ضاقت عـلي وأغديـت كـل التدابيـر *** والهـم وسـط القـلـب يـكـويـه كـيــا
وأنت الـذي تنصى بوقـت المعاسير *** عـن الـردى والبـوق نـاصع نـقـيـا

* قال عبدالله بن دهيمش بن عبار رداً على سلامة بن حجي الحايطي : 347

سـميـت بـالـرحـمـن رب المـقـاديـر *** مجـري الكواكـب والقـمـر والثريـا
سبحان خلاق السماء رازق الطيـر *** يعـلـم بـمكـنـون البـشـر والـخـفـيـا
باسمـه بديـت وعبّـر الفكـر تعبـيـر *** والبـال مـا يـرفض إلـى قـلـت هـيّـا
هاض القريح ورد قـول الشواعيـر *** منظـوم ابن حجـي وصـلـني هـنـيـا
بديت أسطر مجمـل القـاف تسطيـر *** جضيت من شكوى بشوش المحيـا
سلامه أسند لي وأنا أبغي له الخير *** لا شـك مـا كـل المـطـالــب تـهــيــا
ما دام مـاني ذات منصب ولا أميـر *** ولانـي مـن الـلـي يسكنـون العـلـيـا
ولا لاعـب تركض وراه الجمـاهيـر *** يجـرون خـلـفـه عـجهـم لـه أغـبيـا
راعي الأدب ماله مع الناس تقديـر *** عـزي لـحـالـه راح حـقــه اغـشـيـا
أنظر تشوف اليـوم بالوضع تغـييـر *** هـيهـات ويـن الـلـي بـضـلـه تـفـيـا
صـار الـفخـر لـلي بجـيـبـه دنـانـيـر *** ودنـيـاك للـمـفـلس تحــدرج بـلـيـا
بالمال تستصقـر ضعـاف العصافيـر *** وقـلـه يخـلي الـبـاز يصبـح احـديـا
ولا دامـت الـدنـيـا لـعــرار وعـميـر *** وحتى الخفاجي فـاخـتـه وجـد ريّـا
قـلتـه ولا قصـدي بـواجبـك تقصيـر *** لـكـن عـسـرنـي مـا عـلـيـكـم كـنيـا
وقـمـت أتبصّـر بالمواضيع تبصيـر *** أنـهـض وحـظـي قـال خـلـك بـذيــا

*- قال مبارك بن جوال بن وايل رحمه الله هذه القصيدة يسند على عبدالله بن دهيمش بن عبار : 348

قال الـذي عـدا عـلى ضلعٍ امنيـف *** ضلـعٍ عـلى كـل المشاريـف نايـف
بالفكـر عـديـت الجبال المشاريـف *** والقـلب ساج وداج سابح وطايـف
بين الهموم اللي غـزتني مراديـف *** مـن كـل ديـره غـازيـتـنـي ردايـف
غـزوٍ مـقـابـيـل وغـزوٍ مـنـاكـيـف *** مـا كـنـهـن الا سـكـون الـعـفـايـف
حاربتهـن حتى غـدن لي مواليـف *** ويـوم أذعنن صارن لقلبي ولايـف
سايرتهن حتى غـدن لي معاطيـف *** واليوم هن مثـل البكـار العطـايـف
ومليـت من در البـكـار المغـاريـف *** سجلت من قافي وجبت الصحايف
جبت الدفاتـر والقـلم والمضاريـف *** ونقيت جزلات البيـوت الضرايـف
بعض المعاني ما تجي بالتواصيف *** عن ما لجأ بجوفي تعجز الوصايف
ما هيضت قـلبي مهـاة المخاشيـف *** لـو عرضت لي ما عليها حسايف
متذكـرٍ عصـر الفخـر والغطاريـف *** عصراً بـه الويـلان فـوق الزرايف
عصراً بـه الويلان نالوا تشاريـف *** فـوق المهار وفوق حـم الشعايـف
لا صيّح الصيـّاح جـولـه مزاهيـف *** يأتـون من فـوق الركايـب ردايـف
لو كنت في ديره بعيده ورا السيف *** لا صحت للويلان جولـك خفـايـف
العزوة اللي تكرم الجار والضيـف *** والمـرجـلـه لأولاد وايـل وضـايـف
أهـل الكـرم ما حسبّوا للمصاريـف *** دون الكـرامـة يـدفعـون الـكلايـف
مدحي لهم مابه شوايب وتحريـف *** ومنطوقـنـا مابـه عـواج ولفـايـف
ثنتين ما يبغن شهـود وعـواريـف *** أنشـد تواريخ العـرب والصحايـف
الـمـنـذريـة يـوم جـوهـا مخاويـف *** بـذيـقـار وايـل بـيـدت كـل حـايــف
الـدم سـال وقايـد القـوم مـا شيـف *** من طعن اللي يثنون خلف العفايف
والجابرية يـوم جوهـا الخواطيـف *** رده عريب الساس والخصم شايف
رده حكيم الراي بالرمح والسيـف *** وأقفـا الـردي عنهـا ذليـل وخايـف
ما حـركتـه جموعهـم والأراجيـف *** مثـل الجبـل ما هـزهزته الرجايـف
سيف العرب فهد عديم التواصيف *** فـي حكمتـه خـلا الأعـادي ولايـف
هذي فعول الليث ما هي سواليـف *** تشهـد عـلى فعـله جميع الطوايـف
فهـد كعــام الـلي براسه زعـانيـف *** ينقض حبال أهـل الحيل واللفايـف
ومن بعد ذا يا معتلين على مخيف *** مـراتـبـه تـعـجـبـك زل وقـطـايــف
جيب مجهـز للسهـل والحجاريـف *** راعيه ما هو من الغرازات خايـف
توه ورد فيه المكيّف عـلى الكيـف *** مـن يـركبـه عـده بجـو المصايـف
فـي دبـرة الرحمن شّـرق بتكليـف *** سـافـر من بريـدة ولطويـق هايـف
هايف عـلى دار الرجال المواليـف *** مـن دون ابـن عـبـار مالـه نكايـف
الوايلي ما حـّرف الهـرج تحريـف *** جـاب المعـاني والعـلـوم الطرايـف
سجل عن الويلان مجـد وتعاريـف *** وجمع حتى اللي بالقبايل عـرايـف
مجـد القبيلة سجلـه دون تسويف *** وشهد له اللي بناظر الحق شايـف
ابن عباريصرّف الشعـر تصريـف *** عسى الولي ياقـاه من كـل هـايـف
أودع عسيرات القـوافي مهاديـف *** يا جـعـل تـفـداه العـفـون الهـدايـف
ما كل من هو يبدع القاف حريف *** والعـرف يلـقـا بالرجـال العـرايـف
تبحر ابحر العلم من دون تجديـف *** خضت البحـور ولا ثنتك الكسايـف
وبنيت بالتاريخ لـك قصـرٍ امنيـف *** قصر المعزة نفت بـه وأنـت نايـف
عسى الولي ياقاك شر الصواديف *** ويحفظ لك اللي عقبكم لك خلايـف
وصلاة ربـي عـد ريـح النفـانيـف *** على الرسول اعداد ما هب طايـف

* وقال عبدالله بن دهيمش بن عبار العنزي هذه القصيدة رداً على أبو ماجد مبارك بن جوال بن وايل
بعد وصول قصيدته وبرفقها قصائد رثاء بأخيه جدعان بن جوال بن وايل يرحمه الله : 349

يا راكب اللي ما دخل فـيه تزييـف *** صناعت الـلي بصنعتـه دوم نايـف
زرع كفراته شوكهن له حراشيف *** ما جاه من جـور الدريول كسايـف
كنـه خطات الميق تقلع من جنيف *** وتحـوم بـالـقـارات بـخـلال فـايـف
ولا كما الشختور بين الشواحيـف *** تـقـفـتـه هـوج الـريـاح الصـلايـف
لو مد من نجـران ممساه بطريـف *** يـودع بعـيـدات الفيـافـي قـصايـف
وإلى تحرك عنده الخرج واجفيف *** أقـرب مـن البطحـا لحي العـطايـف
خلف كفراتـه مثل جدع المحاذيف *** وجلد الحصى بالقاع مثل القذايـف
نستد به عن كورعوج السراعيف *** عيرات الأنضى موميات السفايف
يطوي الفيافي والحزوم المهاييف *** يمـد مـا عـاقـه لـو القيض صايـف
لا شـك دربـه ما يثير العـواصيـف *** مـن مهده في حالت الشعب رايـف
أسلـك طريقـك دون لفـه وتوقيـف *** وأحـذر تطوفـك يالنديب الـزرايـف
أنص الـذي عنده كرامه وتشريف *** يضحك حجاجه كل ما جاه ضايـف
الـوايـلي وبـل الكبـود المـلاهـيـف *** ما هو من اللي عن لزومه يسايف
لـو شام ضيفه يدركـه بالمحاليـف *** مـع البشاشـة والهـروج اللطـايـف
المنصح الـلي مـا بقـلبـه لغـاليـف *** لـولا الكرم ما شاد مبنى المضايف
بيت أبو ماجد ما تجيـه الـملاقيـف *** اليـا جـاه دوار الـونـاسـة تـكـايـف
فنجال بن وحيـل فـوق المناسيـف *** وعلى العصيب يفرشون الرغايف
جـده طـوابيـر العـدا ردهـم عـيـف *** مـن روس لابـة زبنـوا كـل خايـف
لا صيّح الصياح دون الهـراجيـف *** يـومٍ بــه أرواح الـنـشـامـا تـلايـف
يركي على كبد المعادي مراضيـف *** مضراب سيفـه ما تضـبه سنايـف
عـلي وتـركي ينـزلـون الأطاريـف *** وجـوال يـكـرم بالسنين العجـايـف
حـرٍ إلـى صـف الجناحين تصفيف *** يـودع ذعاع الريش شتى ونتايـف
اليا هـوى خـلا الحبـاري مشانيـف *** مخـالـبـه مـثـل الشنـاكـر عكـايـف
منكم لفاني يا أبـو ماجـد تصانيـف *** مثل الذهب مشخول ما به عذايف
قيفـان مـا فيهـا تكـلـف وتصحيـف *** من جوهـر المحار لـب الصدايـف
دونك مرد القاف ما بـه عجاريـف *** ناقـيه مـن منطـوق لفـظ الشفايـف
من ريهجان القاف ولفـت توليـف *** وغـرفت من بحر القوافي غرايـف
ينبوع جمـه من غميق التجاويـف *** فـوار نـبـعـه مـا يصيـبـه نشـايـف
يـعـل يـفـدونك عـفـون الهـذاليـف *** لا يستـفـزك كـل مسـرف وجـايـف
خلك صبور وخفـف الهـم تخفيـف *** والحمـد لله لـك عضـود وسنـايـف
ولا تأمن الدنيا تراها على جريـف *** ولا أنت يا مبارك مجرب وشايـف
كانك فقـدت الـلي يشيـل التكاليـف *** ما أحـد يلومك لـو رقيت النـوايـف
ما لاع قـلبك هـافيـات السراجيـف *** ولا قـلـتهـا بالـلي ثـمـانـه رهايـف
قـلته باللي صعد طويل الشفاشيف *** عـن رقيهـا مـا عـوقـتـه المهايـف
وأنا كذلـك قـلت يا حيـف يا حيـف *** على الذي من صار للهون عايف
عساه بالجنـة عـلى العـز والريـف *** هـي المـقـر وريـف دنـيـاك زايـف
دنياك يا مشكاي تشبه هوا الهيف *** أوشبـه حـلـم الليـل بالنـوم طايـف
ما وفرت محسن زعيم الكراشيف *** ولا خلـدت مشعـان والشيخ نايـف
أحيـان تصبح كنهـا حـافي اللـيـف *** وأحيان تنعـم مثـل قطـن النـدايـف
مـن عـاش فيهـا يقـتنع بالتفاتيـف *** عقب النشاط السير حبي وزحايف
وصلاة ربي عد من شاهد الخيـف *** على المدثـر فـي جـديـد اللحـايـف

*- قال الشاعـر أحمد بن صالح القصيّر الرباعي الحسني هذه القصيدة
يسند على عبدالله بن دهيمش بن عبار العنزي : 350

بـدعـت قـافـي وأذكـر الـلـه بمبـداه *** وأستفغـر الغفـّار وأرجـي عوافيـه
طالبـك منهاجي عـلى الحـق تقـداه *** وأنت الذي ما خاب مخلوق يدعيه
ومن بعـد ذا سجـلت قـولي بمعنـاه *** وأرسلتهـا لـلي بـه المـدح يزهـيـه
يا راكـب الـلي من وكيلـه شرينـاه *** مـن وارد الـيـابـان مـالـه تـشـابيـه
جيب جديـد من آخـر الـوارد أتـلاه *** عبداللطيـف محـرره باسـم راعـيـه
عليه قرم إلى مشى النوم مـا جـاه *** يوصل سلامي لأبـو مشعـل ويأتيـه
وإذا وصـلـتـه يـا نـديـبي بـمنصـاه *** يضحك حجاجه حين توصل وتأتيه
تلـقـا معـاميلـه عـلى النـار مـركـاه *** بالزعفـران وهيـل والعـود يـتـلـيـه
وامفطح فوق الصحـن كـود تلـقـاه *** أكـرام ضـيـفـه لا لـفــا عـادةٍ فــيـه
متوارثين الطيـب سـاسـه ومـربـاه *** من صلب وايـل مبعـديـن المناويـه
عـطـه الرسـالـة والبيـوت المنـقـاه *** نعـمٍ بأبـو مشعـل إلـى حـل طاريـه
حـيثـه كتـب تـاريـخ وايـل بـيـمنـاه *** يـوم الـردي عنهـا تونـت خطاويـه
مشكور عنـوان الشرف والمـرواه *** ترفع له البيضاء على راس عاليه
عـبـدالله المنعــور يحـمـيـه مـولاه *** مـن شـر حساده ومن شـر أعاديـه
هذاك أبن عـبـار يـفـرح بمـن جـاه *** نـثـني عـلـيـه وكلـنـا نـفتخـر فـيـه
مـن لابـةٍ تـثـني نـهــار الـمـثــاراه *** تـاريـخهـم بالكـتـب سجلـت باقـيـه
وبينت فعـل الـلي يهـابـونـه أعـداه *** وأفعالهـم مـاهـي كذايـب وتـفـويـه
عـلى اللنقا والصدق مابـه حـيـالاه *** قـولـك صحيح منـزه القـول تنزيـه
ولـفـت ديـوانـك وتـعــلـن خـفـايـاه *** للجاهل اللي فعـل الأمجـاد خـافـيـه
الجاهـل الـلي مجـد وايـل تـنـاسـاه *** وأنساب وأصل اللي يدوّر عزاويـه
حتى وسـوم الـبـل أهـلـة وعـرقـاه *** وضحت وسم النوق يوم المداويـه
وتنصح عن كلام الخطأ والمهاجاه *** وعـن كل هرج بـه مذمـه وتشويه
وعملك ما تطلب بـه المـال والجـاه *** تبغي أضهار الحق عن كـل تمويه
أنا أشهـد أنك قمـت بجهـدٍ شكرنـاه *** عسى السعـد دوم الليـالي يـباريـه
وحنـا بضل الـلي وفـاهـم عـرفـنـاه *** حكامنا الـلي حوزت الديـن تحميـه
صفوة سعود أهل العطايا الجزيـلاه *** نسل العـديم الـلي عـريبه مجانيـه
عبـدالعـزيـز محـرر الـدار وأحـمـاه *** يا الله بالفردوس الأعـلى تجازيـه
وعيـالـه الـلي حكمهـم بالـمـسـاواه *** بالشرع والـقـرآن والعـدل بـاقـيـه
يا عـل بالتوفـيـق والنصـر مـمشـاه *** ويكفيهم الأشـرار والـلي يـعـاديـه
وكتـاب قطـرات الشعـر لـه مـزايـاه *** بـمسـاجـلات مـع بـعـيـده ودانـيـه
بـه تـعـلـن الـتـوبـة وأنـابـتــك لـلـه *** والله وعـد من تـاب للخيـر يهديـه
والـلـه فـرحـنـا يـوم تـوّب لـمــولاه *** ونطلب عسى الله في ثباته يقـويه
والمـغــفـرة عـن كـل زلـة كسبـنـاه *** وحسن الختام ورفعته عنـد واليـه
تـم الجـواب الـلي بـقـافـي نظـمنـاه *** والمعذرة عن كـل عايز ظهـر فيـه
وصـلاة ربـي عــدد رمـل بـمــذراه *** على الرسول أزكى سلامي بتاليـه

* قال عبدالله بن دهيمش بن عبار هذه القصيدة رداً على أحمد بن صالح القصيّر : 351

سميت بسم الـلي جـزيلـه عطـايـاه *** الـواحـد الـلي مـا تـعـدد حـسـانـيـه
خـلاقــنـا مـن مـد جـوده طـلـبـنــاه *** كـل العـبـاد مكـوّن الكـون تـرجيـه
مـد الفيافـي والجبـل فوقها أرسـاه *** وشاد السماء من غيرعمدان يبنيه
أستغفره وأتوب له وأطلب أرضـاه *** ارجي عسى قـلبي من الغل يشفيه
الخاسر اللي طاوع إبليس وأغـواه *** والـرابـح الـلي نـال توفيـق باريـه
فكـري تهيّض بالروابع من اقصـاه *** ونظمت قافي من ضميري مسويه
قـم يا نـديبي هـات لي بـوك وأدواه *** والباركر مـن جـرت الحبـر أعبيـه
القاف هاض وفاض بالصدر مجراه *** من جم نبع البال تجـري سواقيـه
جـاني قـوافـي مع مكـاتيـب مـهـداه *** خط الزميل الـلي تشـرف مهاجيـه
أحمـد بـن صـالـح جـوابـه قـريـنـاه *** منطـوق لفـظـه يعـجـبني معـانـيـه
قـريـت قـافـه مـن خـتـامـه لـمـبـداه *** حكيم راي وصـافـي القـاف ناقيـه
أطلب عسى الرحمن بالخير يجـزاه *** الـعـادل المنصـف نـعـزه ونغـلـيـه
شـاد بعمـايلنـا عسى اللاش يـفـداه *** اللاش يجحـد مـا تطولـه مشـاريـه
الـلاش خـلـه يـنكعــم عـنـد عـذراه *** لو رام درب الطيب طاحت هقاويه
واشكرك يامن صوبي الجيب عّـناه *** جاني من الشقـة عسى الله يحييـه
لـو كـنـت داري بالطـريـق أتـلـقـّـاه *** أستقبـل المندوب مـن عـز راعيـه
لا شك صـارت جيتـه لـي امفـاجـاه *** ورجع سـريع ولا يـبي مـن يلهيـه
حّـرم يـمـالـح كبـشـنـا لـو ذبحـنـاه *** حـتى كـذلـك مـا تـمـكـنـت أقهـويـه
قـال القـصيـّر مشفـق الـرد يـبـغـاه *** قـلـت أبلغ المنعـور مـالـه مـزاليـه
وشديت هـاف مـن الوكالـه نجبنـاه *** تـوه ورد مـكـيـنـتـه كـنـهـا جـنيـه
من مصنع اللي حط بالصدر عرقاه *** رمـز الصليب مطوقـه مع علابيـه
ما هو مديح له عسى الرب يمحـاه *** لا شـك نـمـدح سلعـتـه قـل والـيـه
تصميم ملعون الجدف مالها اشبـاه *** ما لوم من يرخص حلاله ويشريه
إلـى مـشـى مـا فـيـه مـوتـر تـعـداه *** الا الشبح بالـقـار يمـكـن يمـاشيـه
سافر مندوب ويا عسى الرب ياقاه *** مـنـي رسـالـة لـلـقـصـيـّر يــوديـه
مقصوده الشقـة وهي راس منهـاه *** ملفاه لأحمد ريـف ضيفـه وناصيه
سلم على اللي منشأ الأجواد منشاه *** وسـلـّم عـلى كـل الحمـادا بنيخيـه
اللابـة الـلي عـلمهـم بـالـفـخـر فـاه *** عند العرب معروف تاريخ ماضيه
مـنـهـم نـوادر بـالـفـعـايـل مـسمـاه *** عسـاف وإبـراهيـم مبـطي مـداليـه
وحـمـود ومحـمـد بـطيـبـه ذكـرنـاه *** وعبدالعزيـز الـلي تشـرف مباديـه
عساف نال الطيب من طيب مجنـاه *** في عين صيد الـوايلي شـاد ناديـه
وكل القصارى طاب ساسه ومرباه *** شيخـان بالشقـة وشـادوا مبـانـيـه
وكـل الحمـادا حقهـم مـا هضـمـنـاه *** لا شك نقصر فعلهم كيف نحصيـه
قـلته ولا قصـدي لـك الـلـه محـابـاه *** ومن لا سمع للحق ماني مـداريـه
مـن عـزوة الـربـاع للخـصـم مـاذاه *** أولاد حسن مـرذيـة نضـوة الـتيـه
سلـقـا الـيـاثـار الـدخـن بـالـمـلاقـاه *** عـدوهـم بالـكـون تـكـثـر تـعـازيـه
وصلوا على اللي عروة الدين قواه *** المصطفى نـوه عـن الحـق تنويـه
يتبع

تابع
*- قال الشاعر عبدالعزيز بن عطا بن رويعي من أهل قرية الدفيانه بالأردن
هذه القصيدة يسند على عبدالله بن دهيمش بن عبار : 352

يا راكب اللي لا مشى زيـن ممشـاه *** جـمس يجـيـب العـلـم بـلـيـا ونـيـه
جمس جـديـد مـن الـوكـالـة نجبنـاه *** هـو منوة اللي منتوي صوب نيـه
يقطع بعيد الدرب من سرعة أخطاه *** متـعـود لـمشي الـدروب الفـضيـه
إلـى ركـبتـه تـل قـلبـك مـن أقـصـاه *** واللي حصل له يغـتني عن خويـه
فـوقـه غـلام مـا تـوصـف حـلايـــاه *** يطـوي المسافة والعـزيمـة قـويـه
يـا راكـبـه خـذ لـي بـيـوت مـنـقـّـاه *** نـاقـيـه عـن هـرج الخـطأ والأذيـه
مـن الـدفـيـانـه لـلـدمـيـثـة وخـــلاه *** خـلاه خـلـفـه في مسيـر أضحويـه
وعـبـر حـدود المملكـة فـي نـوايـاه *** يـطـوف بـلـدان وسـيـعـة عــذيــه
صوب الرياض ولأبن عـبار مغـزاه *** الـوايـلـي مـنجـوب زبـن الـونـيـه
الـقـرم أبـن عـبـار يـعجبـك طـريـاه *** من صلب وايل نعـم والـلـه سميـه
قـرم يـهـلـي بـالـمـسـيـّر إلـى جـــاه *** والـيـا وصـلـتـه بـلـغـه بـالـتحـيـه
من ضـافهـم يبشـر بحـلـو المنـابـاه *** عـز الـصـديـق وللعـدو سـم حـيـه
يا الـوايـلي مشكور قـولـك سمعنـاه *** عـلى النسب مع البيوت الصخيـه
أصـدق دلايـل واضـح حـيـن تـقـراه *** مـن وقتنا الحاضر إلـى الجاهليـة
كـل الأمـور مـبـيـنـه كـان تـبـغــــاه *** بجهود أبـو مشعـل ولا هي خـفيـه
فـنـد لـنـا الـويـلان والـشـرح وفـّـاه *** ثـمـان جـمـوع وتـنتسب وايـلـيـه
الـجـد واحـد حـامـلـيـن امـسـمـــــاه *** ومتوارثين الطيب وأيضا الحميـه
يـوم الـعـصـور أيـام دور الـمـثـاراه *** قطعانهم ترعـى الـرياض الخـليـه
كـم شـيخ لابـه شـال سيـفـه بيمنـاه *** بسيـوفـهـم ورد حـيـاض المـنـيـه
ما قـلت شي من الضمايـر بدعـنـاه *** تـشهـد لهـم كـل العـرب بالسـويـه
واخـتـامـهـا نـخـتـم كـلام بـديـنــــاه *** سـلام لـلـويـلان صـبـح ومـسـيــه

* وقال عبدالله بن دهيمش بن عبار هذه القصيدة رداً على عبدالعزيز بن عطا بن خلف الرويعي : 353

سميت بسم اللي برا الكون وأنشـاه *** رب الـمـلأ خـلاق كـل الـبــريـــــه
شاد الشوامخ خالق الكون وأرسـاه *** ومـد الـفيـافـي سهـلـة جـرهـديـه
وأجرا النهور وشق دربه ومجـراه *** والروض ينبت بـه أعشـاب مريـه
وخـلا البهايم بـاذر الغـرس ترعـاه *** مـن رحمـة الرحمن صارت غنيـه
ومـن بعـد ذكـر الـرب قـافي كتبنـاه *** نكـتب جـواب من البـيـوت النـقيـه
جواب شعر اللي لنا الجمس عـنـاه *** عـبـدالـعـزيـز الـقـرم ذيـب الشليـه
أبـن عـطا منظـوم شعـره فهـمـنـاه *** أخـتـاره الـمـنـعــور وأهـداه لـيـــه
يا مرحبـابـه عـدد مـا داس مـاطـاه *** وأعـداد مـا بـالـدو سـارت مـطـيـه
والـرد كـزيتـه عـلى جمس شـرواه *** مـن حيـن جـمسه مـد جـبنـا حليـه
شـد الجـميح وبـويـتـه كنهـا أمـراه *** مـنجـوب عـاداتـه يـبـوج الـدويــه
شرق الرياض أول مسيـره ومبـداه *** والصبح مـر المجمعـه فـي مجيـه
والـغـاط والـزلـفي يحـطـه بيـسـراه *** صوب الحفر ممشاه لا جتـه سيـه
والظهر في رفحا عسى الرب ياقـاه *** والعصر فـي عـرعـر يباريـه فيـه
وعقب العصر بطريف حروة مغداه *** وقـّـف دقـايـق ثـم سـار بـنـويــــه
والمغـرب خـزانـه من النبك عـبـاه *** وأهـل الحديثـة مـالـهـم بـه دعـيـه
خّـرج جـوازه وأعتمـد يـم مشحـاه *** ودخـل حـدود الـدولـة الهـاشـمـيـه
ومـديـنـة الأزرق بـدربـه تـمـثــنـاه *** وتقـاطع الـزرقـا يـجـيـه عشـويـه
عـبـر عـلى وادي الضليـل وتـعــداه *** حـتـى تـجـاوز قـريـة الـخـالــديـه
ومدينة المفرق بها الفـرض صّـلاه *** وأم السـرب قـدام مـا هـي خـفـيـه
قصـده الدفيانـه وهـي راس معـنـاه *** يـلفـي عـلى قـرم العـيـال الشـفيـه
عـبـدالـعـزيـز بـربـعـة البيـت تلقـاه *** عـطـه الـرسالـة والعلـوم الطـريـه
وقـلــه يــبـلـغ بـالـتـحـيـة دنــايـــاه *** أبـن جـلاد وعـزوتـه والـسـمـيـــه
عـطـالله الـلي عـادتـه يـذبح الـشـاه *** الـلـه يـفـكـه مـن سـهـوم الـمنيـه
وأبن شبيب الوايلي ريـف من جـاه *** ركــاد مـا داس الــدروب الـرديــه
وسلّم على ربعك هل القـدر والجـاه *** وجميع مـن هـو عـزوتـه وايـليـه

*- قال الشاعـر أحمد بن علي النصيري من النصيرات أهل درعا هذه القصيدة
يسند على عبدالله بن دهيمش بن عبار : 354

أهـدي لـعـبـدالـلـه تـحـيـه وتـقــديـر *** ومن قطف زهـره نالني كـل نايـل
قـريت كتـاب مسطـر القـاف تسطير *** صفحات تحكي عن تواريخ وايـل
بشـر وضنـا مسلـم وعـنـّاز تحـديـر *** تـحـدرت منـهـم شـعـوب وقبـايـل
تـكـاثـرت كـثـر الـزهـر والـنـواويـر *** وفندها أبو مشعل فروع وحمايـل
عـد الـبـوادي كـلـهـا والـحـواضـيـر *** وجـمع بـتـألـيفـه ألـوف العـوايـل
قـال الحقايـق مـا بـقـولـه أسـاطـيـر *** وبانسابـهـا ورد صحيـح الـدلايـل
وسلسل بني وايل من كليب والزيـر *** وذكـر فـعـايـل طـيـبـيـن الـفعـايـل
مشكـور فـي مدحـه لكـل المناعـيـر *** بالجهد ما قصّـر عـريـب السلايـل
وبالشعـر نظمـه مثـل نقـد الدنانيـر *** حكيـه عـدل مـا قـال بـه كـل قـايـل
يا الـلـه عساه ميسر الحـال تيسيـر *** وكـل ما نوى جعله يحوش النفايل
وعسى حيـاتـه بالمسـرات والخيـر *** يعيش أبـو مشعـل حميد الخصايـل
ودونك عنواني كان ترسل تحاريـر *** بـديـار درعـا كـان عـنـي تـسـايـل
أحمـد بـن عـلي ومـن خلفـة نصيـر *** وعنواني أبطع كان تكتب رسايـل
الـلـه يـفكـك مـن جـمـيع العـواثـيـر *** ويحميـك ربـك مـن بلا كـل عـايـل
وصلوا عدد من حج فوق الخواوير *** واعـداد مـن شـدوا لمكـة رحـايـل
على الرسول أعداد ما غـرد الطيـر *** المصطفى المختار راعي الشمايل
الـهـادي الـلـي نـّور الـديـن تـنويـر *** شفيعـنـا عـن هـول يـوم الهـوايـل

*وقال عبدالله بن دهيمش بن عبار رداً على أحمد بن علي النصيرات : 355

سميـت بـسـم الـلـه ولـي المقـاديـر *** رب الملأ منشي صـدوق المخايـل
ومـن بعـد ذكـره عبـر الفكـر تعبير *** وبـديـت أسـجـل كـامـلات المثـايـل
جتـني رسالـة من كبيـر الشواعيـر *** أحـمـد بـن عـلي هـروجـه جـلايـل
أحمد عريب الساس من لابة نصير *** ربعـه فخرهم يودع الـراس طايـل
عـوق العـنيد الـيـا تلاقـوا صوابيـر *** مرويـن حـد المرهفـات الصقـايـل
من ديرة الغوطة اليا حـد أبا القـيـر *** ومن حلة الموصل الياحدود حايل
مدهال نـوق رويـل شعـل ومغـاتيـر *** سـتـر العـذارى ناقضات الجـدايـل
يتلون مقباس الوغى صفوة غريـر *** الشيخ ابـن شعـلان حامي الدبايـل
مـوزيـل خـلـد فعـلهـم بـالـتصـاويـر *** ووليم يسجل من فخـرهـم فـوايـل
قـلته وأنا من ساس حمر النواضير *** تاريخهـم معـروف مـابـه جهـايـل
جاك الجواب وجـاش بالبـال تفكيـر *** قـولـك تمـام ولا عـلـومـك هـزايـل
وأسمح لنا يالقرم عـن كـل تقصيـر *** الـوقـت سـاعـاتـه عـلـيـنـا قـلايـل
ما القصد والله عـن مردك معاسيـر *** لا شـك نسعى بالمسـاء والقـوايـل
نجـري بـدنـيـانـا سـوات المـداويـر *** ومـن هـد حـيلـه ما يشيل الثقـايـل
أدبـر زمـان السجسجة والمسـاييـر *** وأقـفـا مع الـلي يكرمون النـزايـل
ولا سال سيل من الندى والقواطيـر *** والعـبد والـلي يجـمع العـبد زايـل
واليـوم يـا أحمـد ما تفيـد المعـاذيـر *** كـل مـا نسد افجـوج تفـتح خلايـل
والخاتمة صلـوا عـن الذنـب تكفيـر *** عـلى النذير اللي عـلومه صمايـل

*- قال عويد بن صران الوثيري يسند على عبدالله بن دهيمش بن عبار : 356

سـميـت بسـم المعـتـلـي وأتـرجــاه *** وكـم واحد لمـولاه يـرفع اكفـوفـه
ومن بعد ذكر الله سجلت مـا ابغـاه *** والقيـل بالقرطاس نضبط حروفـه
أجـيـد بـدع القيـل وأعـرف معـنـاه *** والبـدع والـتـرتيـب مـابـه كلـوفـه
يـامـل قـلـب عــذبـه جــور دنـيــاه *** والهـم والـهـوجـاس دايـم يـلـوفـه
ويا راكب الـلي لا مشى مـا تمـالاه *** جـمس جـديـد وضابطـيـن بـلوفـه
إلـى مـشى يـسـر بـالـك بـمـمـشـاه *** مثـل السهم بالقار ما أحـدٍ يطوفـه
فــوقــه غـلام مـا تــونـى ولا تـــاه *** يوصل كتابي شوق ناقض زلوفـه
يوصـل كتابي لأبـو مشعـل ويقـراه *** الـوايلي المنعـور مقـري ضيوفـه
حـيثـه مـن قـروم الرجال المسمّـاه *** مـن لابـة بالطيـب دوم امعـروفـه
أنـخـا جـنـاب الـوايـلي لا عـدمـنـاه *** وكـم واحـدٍ للقـرم يشرح اظروفه
يـا مسنـدي خـلي كـوانـي بـفـرقـاه *** الصاحب الـلي عايـزات أوصوفـه
الصاحب اللي تل قـلبي من أقصـاه *** وامركـزٍ بأقصى الضماير سيوفـه
أبـو جديـل فوق الأمتـان مـا احـلاه *** والعنق عنق الريم قايـد اخشوفـه
والـخـد بــراق الــدجـى كـنــه أيــاه *** عين أشقر جول الحباري يحوفـه
والـلي كمـا بـيض الحمـايـم مـعـذاه *** فـي راس شوهاق بعـيده ارفوفـه
الزول عود الحور يشرب من فـراه *** فـي وسـط بستان تـدلـت اقطوفـه
هذي وصافه كيف يالقرم أبا أنساه *** والطيف يرسم لـي خيال الهنوفـه
بـيني وبيـن صـويحبي واد الأميـاه *** والبعـد شتت شملنـا كيف أشوفـه
مـن صـد عـني مـا تـمـنـيـت لامـاه *** وأقـول يا مشكـاي جعـلـه ذلـوفـه
ومـن لا تـمنـا صحبـتي مـا اتـمنـاه *** ومن لا بغاني ما عـليه الحسوفـه
وصـلاة ربـي عـد حـرف كـتـبـنــاه *** عـلى مـحـمـد عـد بـرق نـشـوفــه

* قال عبدالله بن دهيمش بن عبار رداً على عويد بن صران الوثيري : 357

سميت بسم الـلي جـزيلـه عطـايـاه *** وحنا برجـا رب الخلايـق وخوفـه
قـال المعـنى مـن بـعـد ذكـر مـولاه *** أبيـات مـن كـل العيـوب امحفوفـه
أهدي الجواب لمن لنا قافـه أهـداه *** وأختـار من عذب القوافي صنوفه
وجـه لـي عـويـد جوابـه وشكـواه *** يشكي غـرام الـلي عـذيـه اشنوفـه
أن كان دونـه حـال يالقـرم مظماه *** ونفسك تريده عـنه ما هي عزوفه
شد الهميم ونحـره صوب مشحـاه *** وخـلـه يحط سهيل باوسط اكتوفـه
بخط الشمال ولا عن البيب منحـاه *** ولا تـوقـف ألا زول خـلـك تشوفـه
أن كـان بالسنـة ولـيـه لـك أعطـاه *** زفـه بشرع الـلـه ما هـي خطوفـه
أن كـان والي صاحبك يقبـل الجـاه *** هــيـا نـزوره والأتـعـاب مخـلـوفـه
لكـن زمـيلـك منحـرج يـوم تـنخـاه *** بعض المسائـل يالسنافـي تطـوفـه
ومن عذبه طرد الهوى له وعـزاه *** الـلـه يجيـره مـن بلاوي صـدوفـه
كـم واحـدٍ يشكي مـن الوجـد عنـاه *** الـمـر والـجـنـزار مـالـح سـفـوفـه
ومن يتـقي ربـه عـن الغـي يحمـاه *** ما تلعب بقـلبـه خطـات امهفـوفـه
صديـق عينـك مـا يسـوي سـوايـاه *** لا حصلـت غـيـره تميـل وتعـوفـه
خلـه عـلى ما قيـل حقـه ومـا جـاه *** مثـل المطفح يـوم يضـرب ادفوفـه
من عقب ذاك الولـف عـدك تحـلاه *** ما عاد يسوى عندها عذق صوفه
ولا أنت حـر ما أنت يالقرم شرواه *** والحـر فـرق الصيـد دايـم يـلـوفـه
الحـر مثـلـك تعـطب الصيد يـمـنـاه *** مخـالبـه مثـل السيـوف امعكـوفـه
كفـه يشق الجـوف والصدر يفـراه *** أبـرق جـنـاح بمخلبـه شـق جـوفـه
يـا مسنـدي مـن هـد بالحـر عشـاه *** عـن الطيور الجارحـة فيـه نـوفـه
وعلى الرسول اللي ارشاده قريناه *** صلوا عـدد ما هب ذاري اشحوفه

* وقال الشاعر عويد صران على لسان عبدالله بن فرحان العنزي هذه
القصيدة يثني على عبدالله بن دهيمش بن عبار : 358

يـا الـلـه يـا الـلي عـالـم بالخـوافـي *** أسألـك عفـوك يالعظيم الرحـومـي
ومن بعد ذكر الله صنعـت القـوافـي *** من خاطرٍ يبدي اليا جاء اللزومي
مـهـديـه لـلـي بـالـمـهـمــات وافـي *** عـبـدالـلـه العـبـار نسـل القـرومي
مشكـور يـالجـار العـزيـز السنـافي *** والـلـه مـا قـصـرت جعـلك تـدومي
أسعـفـتـني بالـنـور والـنـور طـافي *** أنـا أشـهـد أنـك لـلمعـالي تـرومـي
الطيب من عصـر السنين المقـافي *** أهـل المعـاني حافـظيـن السلـومـي
لـك لابـة مـبـطـي تـبـوج الـفـيـافي *** مـثـل الحـرار الـلي تعلا الرجومـي
علـم ظهـر يـوم السنيـن العـجـافـي *** منهـم مصّـوت بالعشـا بالحـزومي
وفرسان في يـوم اللقـا مـا تخـافـي *** عــدوهـم لازم يـعــود مـهــزومـي
عقـاقـرة لا صـار ضـرب الشـلافـي *** مثـل الأسـود الكاسـرة بالهجومـي
عـز الله أنـك يـا فـتى الجـود تـافـي *** لا دبّـر الـخـايـب ردي الـعــزومـي
أمـدحـك والتـمجيـد مـا هـو بكـافـي *** أفعـالكـم مـا تـنحصي بالـرقـومـي
أهـديـك أنـا التقديـر بآخـر مطـافـي *** والورد والريحان ومسك يعـومـي

* قال عبدالله بن دهيمش بن عبار رداً على عويد صران العنزي : 359

بديت بسم اللي على الكون ضافـي *** مجري الكواكب والقمر والنجومي
محـيي هشيم القاع عـقب الجفـافي *** بغيـث المطر من مدلهـم الغيـومـي
غـرفـت جـم مـن النقـاريح صـافـي *** من ريهجان القـاف نبعـه يطومـي
جاني كتاب مـن الفهيـم الصحـافـي *** وبديت أسجل من قرايض علومي
الـقـرم عـبـداللـه بـعـيـد الهـدافـي *** ياعـل يفـدونـه عفـون الرخـومي
يمدح هـل الـعـادات ريـف الملافـي *** يثني على الفدعان ضد الخصومي
يعيش أبـن فرحـان عـد الـوصافـي *** وربعه هـل العـرفا عنان العزومي
عـاداتـهـم تقـليط عـيـت الـهـرافـي *** حـمـايـة الساقـه كـبـار الخـتـومـي
عـدوهـم مـا يـمـرح الـلـيـل غـافـي *** وإلـى رقـد تدبـك عـليـه الحلـومـي
قـصـدك تجـملـني بـمـدح اضـافــي *** وأشكرك يالمنعـور شكر اعمومـي
الـلـه يعـطـيـك الـهــنـا والـعــوافـي *** تمدح عـلى التيار وأصله حكومـي
مـالـي فـخـر مـا دام مـامـن كـلافـي *** أنـت الـذي تدفع جميع الرسومـي
ولا فـيه واجـب يستحق اعـتـرافـي *** مار أعتذر لك عـن بـواقي ثلـومي
لـولا الحمـول الـلي تشيله أكتـافـي *** والـلـه مـا هـذي مـرامـيع هـومـي
لا شـك زيـنـت الـلـيـالـي عـسـافـي *** وصبرت لـو يلفح عـلي السمومـي
جـاك الجـواب ولا بهـرجي هيافـي *** والجـار عنـد الغـانمين محشـومـي
وصلوا على اللي للخلايق أسعافي *** المصطفى ذكـره يـزيـل الهمـومـي

*- وهذه القصيدة نشرت بمجلة اليمامة للشاعر عبدالرحمن بن دابس المرخان
من أهل الجوف وقد أسندها لعبدالله بن دهيمش بن عبار يقول : 360

صرختي من ظلمها صرخة غريـق *** فـي عميق المـاء ولا أحـدٍ يسمعـه
صرخـتي دوى لهـا البعـد السحيـق *** وصرخـتي صوبـك تـروح مقطعـه
يا وسيع الصدر لو صدرك يضيـق *** كـان قـلـت الـغـدر ربـي يـقـطـعـــه
أحتـرق من حرقـتي قـلب الصديـق *** والـعـدو الـيـوم حـصـل مـطـمـعــه
تـنثـر الفتـنـه عـلى جنـب الطـريـق *** قـلبي المجـروح قصـدك تصـرعـه
تـنثـر بكـفـك عـلى الـرمـل الدقـيـق *** والدقيق مـن الثـرى كيـف أجمعـه
بـاح سـدي وانتـشـر بيـن الفـريـق *** والحـظيـظ الـلـي يـجـرب مبـضعـه
بـالـقـيـود تـريـد تـقـيـيـد الـطـلـيـق *** مـا تـفـرق بـيـن شـر ومـنـفــعــــه
لـو ظلمتك ما اعتقـد نفسـك تطيـق *** مـار لـي ظـلـمـك تـبـيـن اتـجـرعـه
مـن غـدر بالحـب والعهـد الـوثيـق *** لـعـنـة الـعـشـاق يــوم اتـشـبـعــــه
أن عطش خـدي لها وانجـف ريـق دمـعـي الـمـنـثـور يـروى مـدمـعـه
ليـت ابـن عـبـار عـبـار الـمـضيـق *** يـنـقـذ الـمـركـب وشـكـي يـقـطـعـه
ما حملت الظيم لـو هـو من شقيـق *** والـبـنـا لا مـال لـو شـبـر اقـشـعـه
ما أشتكيت الا وأنـا جـوفـي حريـق *** ولا لبسـت الجـرد لـو كنـت بسعـه

* قال عبدالله بن دهيمش بن عبار رداً على عبدالرحمن بن دابس : 361

يا ابن دابـس صرختـك منهـا يفيـق *** تـيـقض الـراقـد ويتـرك مضجـعـه
صـرختـك دوت عـلى قـمـة طـويـق *** ومن صـداهـا لـج وادي المجمعـه
لاع قـلـبـك صاحـب الـقـد الـرشيـق *** كـن نـور الـبـدر شـع بـمـفــرعــه
فـي ليالي البيض بالقمـرا الـزريـق *** جـل مـن صـافـي جـبـيـنـه لـمـعــه
مـن طـواه الوجـد مـا يـقـدر يـلـيـق *** ومـن ظـمي لمع السرايـب يتـبعـه
عـزتـي لـه يـحـتـمـل مـالا يـطـيــق *** وكـم والـه مـا حصـل لـه مـرمـعـه
قيس قبلـك هـام فـي وادي العـقيـق *** مـرقـب الـتـوبــاد دايــم يــطـلـعــه
قيس ذاق الـمـر مـن بعـد الـرحيـق *** وشـق جـرحـه مـا لقـا مـن يرقعـه
والـعـشـيـق الـلـي تـنـكـر للعـشيـق *** مـن قـبـل يصفـعـك لازم تـصفـعـه
من غـدر بالحـب والعـهـد الـوثـيـق *** اقـلـعــه ثــم اقــلـعــه ثـم اقـلـعـــه
تـشتـكي لـي واعـتبـرني لـك رفيـق *** والـرفـيــق أجــل قــدره وأرفـعــه
كـان لـي قـدره عـلى فـك الوسـيـق *** لـو قـدرت أعـيـد حـقـك وارجـعــه
واسـتـعـيـن بـوالـي البـيـت العتيـق *** الـولـي مـن يـلـتـجـي لـه سـنـعــه
الـولـي يـاقـاك عـن عـايـق يعــيـق *** الـكــريـم الـشـر عـنـكـم يـدفـعــــه
نطلب الـلـه يضهر الحـق الحـقيـق *** ومـن يـدور الـكـيـد ربـي يـنـزعــه

*- وهذه الأبيات قالها الشيخ مفلح بن مرشد الشريفي يثني على عبدالله ابن دهيمش بن عبار : 362

أنـت الـذي جـمـعــت تـاريـخ وايـل *** وبديـت تجـدد سابق المجـد تجـديد
تـفـخـر بـوايـل وأنـت فخـرٍ لـوايـل *** وأولاد وايـل تـفـتـخـر بـك بتـأكـيـد
سخـرت لـلـتـألـيـف كـل الـوسـايـل *** يطول عمرك يا أبن عبـار وأيـزيـد
مـاني بخيـص بشـد قـاف المثـايـل *** لـكـن بـقـلـبـي لـك مـودة وتـأيـيـــد

* قال عبدالله بن عبار رداً على الشيخ مفلح بن مرشد الشريفي : 363

يالشيخ مفـلح يـا عـريـب السلايـل *** معدنك صافي من حمايـل وأجاويـد
منسوب جـدك مـن رفـاع الحمايـل *** ما هو من رخوم الرجال الرعاديـد
شكـرت جـهـدي يا ذريـب الفعـايـل *** أشكرك حيثك تمدح الجهد واتشيـد
يفـدى جنابـك مـن يـدور الـرزايـل *** يفدونك ضعـاف النفوس الحواسيد
مـا هـمـهـم ذكـر الـفـعـول الأوايـل *** لـكـن بـلاهـم يـالسـنـافـي محـاقـيـد

*- وقال الشيخ داغش بن مرشد الشريفي هذه الأبيات يثني على عبدالله بن دهيمش بن عبار : 364

يـا الـلـه يـا خالـق شعـوب وقبـايـل *** فـي محكـم التـنـزيـل بينـت معـنـاه
يـسـر لأبـن عــبـار كـل الـوسـايــل *** حـيـثـه نـزيـه ولا يــدور مـكـافــاه
عـكـف عـلـى تـاريـخ لأولاد وايــل *** وبنى على الواقع مسيره وممشـاه
كتـب مع الأنساب روس الحمـايـل *** ونزه عن التزييف كتب بها امضاه
دوّن كـتـاب ودوم لـلـحـق قــايــــل *** ياخـذ ثميـن الهـرج والكـذب ينفـاه
تشكر يا أبو مشعـل ولـك الجمـايـل *** عـلى بني وايـل من أقصـاه لأدنـاه
وضـحـت بـكـتـابـك جـميع الـدلايـل *** للجيل الـلي حاضر وجيل أنترجـاه
وصـلاة ربــي عــد بــرد وقــوايــل *** عـلى الرسول اللي طريقـه تبعنـاه

* وقال عبدالله بن دهيمش بن عبار هذه الأبيات رداً على الشيخ داغش ابن مرشد الشريفي : 365

يـا الـلـه يـا منـشي ثـقيـل المخـايـل *** تعـلم بمكنون البشر وأنـت مـولاه
بالخير تجـزأ الـلي يحـوش النفايـل *** داغش ابن مرشـد جـوابـه قرينـاه
نسـل الشريفي يـوم عصـر الدبايـل *** كنعـان عـلمـه بالمجـالس سمعنـاه
مـن روس لابـة علمهـم دوم طايـل *** كـواكبـة بـيـن القـبـايـل لـهـم جـاه
يـوم السيوف ويـوم عـصر الفتايـل *** شاهدهـم التاريخ فـرسان وأرمـاه
حـمـر الـنـواظـر ذلـلـوا كـل عـايــل *** من هامهم ما رد من عقب مغـزاه
داغـش يشـجع بالـكـلام الصـمـايـل *** ماهو من أصحاب الريا والمحاباه
أعـتـز بـالـلابــة ولا نـي مـسـايـــل *** وأفخـر بجـدك يالسنـافي وشـرواه
أشفـق عـلى تسجيل مجـد العـوايـل *** لو كان جاني من خطو لاش ماذاه
وصلوا على اللي نال كـل الفضايـل *** المصطفى دينـه عن الشرك عـذاه

*- قال الشاعر لافي بن شخيّر الجعفري هذه القصيدة يسند على عبدالله ابن دهيمش بن عبار : 366

بـديـت بسـم الـلـه قـبـل الـنـشـيـدي *** منجـي سفينة نـوح والـلي ركبهـا
يـا خـالـق خـلقـك عـلى مـا تـريـدي *** يا خالـق الدنيـا ومحصي احسبهـا
وخلاف ذا شديت صافي الحـديـدي *** من نـوع شبـح تـو باسمـه كـتبهـا
إلـى مشـت بالقـار تـدني البعــيـدي *** يا سرع ما توصل محـاري طلبهـا
تلفي عـلى اللي نال عـلم الحميـدي *** عـبـداللـه العـبـار نـاطـح اصعـبهـا
من سـاس لابـة ينطحـون العنيـدي *** إلـى هاجت الهيجاء وحامي لهبها
الـلابـة الـلـي بـكـل ديـرة تـسـيـدي *** هـج الـمعـادي مـا قـدر يـقـتـربـهـا
يا مؤلـف التـاريخ كـنـز ورصيـدي *** من جـوهـر النيروز صافي ذهبهـا
كـنـز يـورث مـن حـفـيـد لحـفـيـدي *** تقرابـه أصناف البشـر فـي أدبـهـا
وأنـت الـذي مـن خبرتك نستفيـدي *** أحصيـت كـل أفـعـالهـا مـع نسبهـا
أجهـدت في جمعـه ورايـك سديـدي *** ويستاهل الطولات من هو كسبهـا
عسى أبـو مشعـل كـل يـوم سعيدي *** والـعـز غـايـات النـفـوس وطلبهـا
وعـن الـحـقـيـقـة دايـم مـا يحـيـدي *** يمشي عليها الـوايلي مـا اجتنبهـا
وصـلاة ربـي عـد لـبـس الجـديـدي *** على رسول الخلق صفوة عـربهـا

* قال عبدالله بن دهيمش بن عبار هذه القصيدة رداً على الشاعر لافي بن شخيّر بن سالم الجعفري العنزي : 367

بـديـت بـالـلـي تـرتجـيـه العـبـيـدي *** الـلي أرزاق الخلق يجـري سببهـا
نعـوذ بالـلـه مـن جحيـم الـوقـيـدي *** ومن شر تكدير النفوس وغضبهـا
وخـلاف هـذا زان بـدع الـقـصيـدي *** ما نـذخـر المنظـوم حـزت وجبهـا
جتني رسالة فـوق عجـل الفـديـدي *** قـال الرسالـة جـبتـهـا قـلت جـبهـا
مندوب لافي سـار عجـل المـديـدي *** لو سافر من الجوف ممساه بابهـا
جـانـي ورجـعــتـه بـرد الـبـريــدي *** يسـري ويجـري مـا يهـمـه تعـبهـا
وقريت منطوق الفخرمن عضيدي *** لافـي بـيـوتـه مـن ضميـره نجـبهـا
مشكور ياللي في جهودي تشيـدي *** قـلتـه فخـر بالـلي يشـرف لغــبـهـا
بـذلـت مجـهـودي وربـي شهيـدي *** ولا كـل مـن هـام المـراجـل نهبـهـا
ودنياك صارت مثل عود الجريدي *** أشـوف يـا لافـي تـراقـل خـشـبـهــا
شفت الغضنفـر للثعـل قـال سيـدي *** والثـعـلـب أسـود الـبـراري سلـبـهـا
والليـث الأروع صـار شبله بليـدي *** الـلي صنـاديـد الضـراغـم رعـبهـا
فرخ القطامي ما حصل له يصيدي *** خـلا الـمـواكـر للبـواشـق نـصبـهـا
يـمنـا بـلا يسـرى تخـور وتـبـيـدي *** عن طاري الفرسة ترخى عصبهـا
وصلـوا عـلى شفيعـنـا بالوعـيـدي *** الـلي انـقـذ الأمـة وخـلـص نشبهـا
يتبع

تابع
*- قال محـّرق بن غيلان بن مغامس الأشجعي رحمه الله هذه القصيدة يسند على عبدالله بن دهيمش بن عبار : 368

يا الـلـه يا عـلام بـالغـيـب يا معيـن *** أنـت الفـزع وأنت الرجا يالكريمي
يـا غـافـر ذنـوب العـبـاد المصلـيـن *** يـا قـابـل الـتـوبـات لـلي يصيـمـي
سهل أمور اللي على السفر ناويـن *** المـتـكـل عـلـيـك وأنـت العـلـيـمـي
يا راكـب الـلي رفـرفت بالجنـاحيـن *** صنـاعـهـا بالفـن مـا هـو غشيمي
مسافة ألـف ونصف بالكيل ماشيـن *** يـم الـريـاض وخـاصـة للنظيـمـي
الشـارع العـرضي مقـاسـه ثـلاثيـن *** تلفي على اللي ينطحون العديمـي
تلفي على المعروف دون العناويـن *** عبدالله الـلي جـاب فعـل القـديمـي
جـاب الأفعـال الـلي عليهـا براهيـن *** عـن لابـة الويلان عوق الغـريمي
الوايلي علمه عـلى الراس والعيـن *** والشـاهـد الله قـلتهـا مـن صميمي
دايم عـلى العليـا يحـث المضاعيـن *** حيثـه على المرقاب مشيه هميمي
مـن لابـة الفـدعـان مـا هـم خفييـن *** خـويـهـم بـالـكـون مـا يستضيمـي
اللي عـلى فعـول المراجـل مقيميـن *** تـقـليـدهـم يمـتـاز مـالـه لـطـيـمـي
وعـمـلـك لـلـويـلان مـالـه تـثـاميـن *** تاريخ فخر الشيخ هـو والزعيمي
يا ليت يوصل ما وصلـت الغلاميـن *** يـا كاتـب التـاريخ مجـده عـظيـمي
أرسلت لـك صـورة وكزيـت بيتيـن *** باغيك عـن بعض الهفاوي تشيمي
أبي أختصـر يالعـارفيـن الفهيميـن *** وأهـديـه لـلي بمنهـجـه مستـقـيمي
وصلوا عـدد ما سار ركـب الملبين *** عـلى الرسول أعداد ما هـل ديـمي

* قال عبدالله بن دهيمش بن عبار هذه القصيدة رداً على محرق بن غيلان بن مغامس الأشجعي : 369

سميت بسم اللي له النـاس راجيـن *** الـواحـد الـفـرد اللطيـف الرحيمـي
الـلـه يـثـبـتـنا عـلى الحـق والـديـن *** ويستر علينا من عـذاب الجحيمي
ومن بعـد ذكـر الـلـه رب الأكاويـن *** فكـري عـلى نظـم القـوافي يهيمـي
جني قوافي صاحب المنطق الزين *** الـقـرم أبـو بـاتـع بـلفـظـه حكيمـي
عـلى الهميم اللي تفوق الشياهيـن *** فـوق الـمـدرج مثـل ربـد الظليمـي
مـلاحـهـا يـفـهـم جـميع الـقـوانيـن *** درس بواشنطـن وساسه قصيمـي
لفـاني المنـدوب في شهـر تشـرين *** مرسل من القرم الشجاع الحشيمي
جاني شريط اللي يصيب النياشيـن *** من قـاف ابن غيلان حيثـه فهيمي
قـرايـضـه تشبـه عـبيـر الـرياحيـن *** مثـل النفل بفياض روض البريمي
أعني محّرق ريف من جوه عانيـن *** يا ما ذبح من عيت حيـل النعيمـي
عـزاه للي شاف وجـه الزمن شيـن *** ودنيـاه محـدٍ مـن غـثاهـا سليمـي
دنياك يا محّرق على العسر واللين *** قـبلـك شكـاهـا الـوايـلي والتميمـي
مالت على الباشات هم والسلاطين *** وعندك خبر جـار الزمن بالدليمـي
أحيان يسفـر نـورهـا لـه ضياحيـن *** وأحـيـان تحـلـك بالـظلام العـتيمـي
سمعت توجيدك على الربع الأدنين *** تندب على اللي صـار طفله يتيمـي
الـمـوت يـفـرق بيـن كـل المحبـيـن *** ولا يرجع المدفون نوح الحريمـي
والـلي يلومك للقشر وأشنع البيـن *** يـعــل مـن لامــك تـشـقــه قـديـمـي
وصلوا على المختار سيد الملايين *** عـلى الرسول اعـداد لفح النسيمي

*- قال طلال بن غانم العنزي هذه الأبيات يسند على عبدالله بن دهيمش بن عبار العنزي : 370

تكفى يا أبو مشعل تعنيت وأنخـاك *** أنخـاك أنا يالقـرم يا ذرب الأيمـان
عـنـد اللـوازم ينخي مثـل شـرواك *** وأنت الذي عند الأجاويد لك شـان
عسى الردي يالقرم واللاش يفداك *** لعـل ربـي يحفظـك طـول الأزمـان
الطيب طبعك وأنت للطيـب مـدراك *** شكيت لك يا نسل الأجواد حيـران
عسى يحفظك الخالق مدير الأفلاك *** عندك بيوت الشعر توزن بميـزان
أبغي بيوت الشعـر من خـط يمنـاك *** حيثك على سطـر القوافي كحيلان

* قال عبدالله بن دهيمش بن عبار هذه الأبيات رداً على طلال بن غانم : 371

أصبر يابن غانم عسى الرب ياقاك *** وحاول تلافى السالفه قدرالأمكان
ولا تشمت الـلي من دواني دنايـاك *** وكانـه غـدر تلقا بدالـه اليـا خـان
أطلب عسى الخيره بما أراد مولاك *** والعبـد حظه بيـن زايـد ونقصـان
لـو الشعـر يقضي لزومـك عطيناك *** لا شـك مـا تقضي لـوازمك قيفـان
كما ترى صار البشر مثـل الأسماك *** تاكل بعضهـا كنها وصف حيتـان
وأوصيك فكر في مسيرك وممشاك *** وبعض المسالك بـه كداده وبـلان

*- قال الشاعر محمد بن لطيّف بن عويدات البجيدي هذه القصيدة يسند
على عبدالله بن دهيمش بن عبار : 372

بسم رب الكون ذو العـرش المجيد *** واحــدٍ مــا فــيــه لــه كـفــواً حــدا
وبـعـد ذكـر الـلـه خـلاق الـعــبـيــد *** الـخـبــر يـصـيــر قــبـلــه مـبـتـــدا
يـم أبـو مشعـل عسى عمـره مديـد *** شـاعـر وفـيـه الـعـوارف تـشـهــدا
يا صليـب الـراي يا شيخ القـصيـد *** أبـو مـشـعـل فـي قـصـيـده يـحـمـدا
بـادع الأبـيـات بـالـعــقــد الـفـريــد *** بـالـحـكـم والـمـدح وأيـضـاً بالحـدا
عـن بـنـي وايـل تـلـقـيـت الشـديـد *** تـجـهــد ولا راح مـجـهـودك ســـدا
مـا يـهــمـك كـل شـيـطـان مــريــد *** لــو تـفــوه فـي لـسـانــه مــا بــــدا
قـيـل مـا فـك الـحـديـد الا الـحـديـد *** وانـت شـعـرك للمـفـاصـل يـفـصـدا
يـا بـعـد خـطـو الهبـيـل المستشيـد *** شـاف نـفسه واعجبـه طـول المـدا
تــايــهٍ لا يـسـتـفـيـد ولا يــفــيــد *** خبـط عشوى يـوم عـن قـافـه غـدا
مـا فهـم بالمدرسـة درس النـشيـد *** ويـنـقـد الـشـعـار جـعـلـه لـك فــــدا
مـا اعـرفـك لاشك شفتك من بعيـد *** والـتـعــرف مـقـصـدي مـالـي جــدا
فـي زمـان ضـيّـع الـراي الـسـديـد *** وصـاحـب المعـروف يجـزأ بـالـردا
والـنخـل فـيـهـا تـبـرأ من الجـريـد *** والـقـصـيـر ايـطـاول جـبـال الـهـدا
وأعتـذر أن كان في هـرجي زهيـد *** وأدمـح الــزلات جـعـلـك تـسـعــــدا
وجــل ربـي مـالـك يـوم الـوعــيــد *** والـصــلاة اعـــداد مــا لــبـي نـــدا

* قال عبدالله بن دهيمش بن عبار هذه القصيدة رداً على محمد بن لطيّف ابن عويدات البجيدي : 373

أبتـدي فـي محـيي الجـذع الهـميـد *** مـنـبـت الأعـشـاب مـن طــل ونــدا
وبـعـد ذكـر الـواحـد الـرب الحميـد *** قـال ابـن عــبــار بـلـحــونـه شــدا
لـفـوة الـمـكـتـوب كـنـه يـوم عـيـد *** قـاف محمد فـي ضميري لـه صـدا
وأرسل المردود مع ساعي البريد *** سـافـر الـمـنـدوب والـقـاع اسـهـدا
خـذ جواب لصاحب العقـل الرشيـد *** والــده فــاهــم وهــو فـيـه أقــتــدا
مـن لـطـيـّف والـده حـظـه سعــيـد *** لـبـسـه ثـوب الـشـرف لـه أرتـــــدا
مـنـهـج عـويـدات ورثـه الـحـفـيـد *** ومـن ربـا بـالطـيـب نجـلـه لـه لـدا
ولابـتـه فـي دور عـجـلات الفـديـد *** مـن اهـل البـلهـا فـوارس وأعـقـدا
مـن زمـان قـنـي يحمـون الطـريـد *** مـن يــدور الـبــاج مـنـهــم مـا ودا
خـصمهـم لـو كـان جـبـار وعـنيـد *** مـا ربـح نـطـيـحـهـم كـان أعــتـــدا
ويـوم قـوت الباديـة تـمـر وجميـد *** مـالـهــم غــيــره فــطـور ولا غــدا
ما نسـوا يالقـرم سلـم ابـن الوليـد *** والــعــوج خـلــوه لـلـحــق أهــتــدا
والـزمـان الـيـوم لـه سـلـم جـديــد *** صـاروا الـمـخـلـوق لـلحـق أجحـدا
الــرجـل مـع لابـتـه كـنــه وحــيــد *** وضاع حـق الـلي بالأسـوار احـددا
والـبـشـر قـامـت تـمـارا بالـرصيـد *** ولا يـنــال الـعــز مـن حـظــه كــدا
ومن بجيبه مال لـو عـقـلـه هـريـد *** يـحــتــرم لـو كـان قـريـب مــعـــدا

*- قال الشاعـر جزاع بن عبيدالله العيدي النومسي هذه القصيدة يسند على
عبدالله بن دهيمش بن عبار : 374

هات القلم وأكتب جوابي بالأشعـار *** وأكتـب لأبـو مشعـل سلام جزيلـي
سـلام أحلا مـن لبـن شقح الأبـكـار *** وأحلا من الشهد المصفـا الأصيلي
لا هنـت يا شهم الرجال ابن عـبـار *** يا أبن دهيمش جعل عمرك طويلي
في طاعـة المعبـود عـلام الأسـرار *** اللـه يجيـرك عـنـد وقـت الـرحيلي
عساك بالدنيـا مـن النـاس الأبـرار *** وبـالآخـرة مـع الصحـابـة نـزيـلـي
حيثك ذكرت الحق وأطلعت الأنـوار *** الـلي طمسهـا قبـل فعـلـك بخـيـلي
وأجهدت واتعبت القلم هو والأفكار *** وجـمعـت شتـانـه وبصّـرت جـيلي
أول كـتـاب وثـانيـاً رسـم الأشجـار *** الشـجـرة الـلي مـا تـمـل المـقـيـلي
نشكرك شكر بعـدد الرمل واحجـار *** حيثك وضعـت لعـقـب وايـل دليـلي
نيابـة عـن عقب نومس بالأسطـار *** أنـوب لـو هـم مـا انصبوني وكيلي
من حيـث بالطيـّب يقرون الأخـيـار *** بـالـلي يـقـال مـن الكـلام الجميـلي
وأنته من الأخيار يا نسـل الأحـرار *** والشكـر فـي مـن مثلكـم يستويـلي
ولا الـردي دايـم اشـكـوكي وهـذار *** يهـرف بـمـالا يـعـرفـه مستحـيـلـي
ويقـول أنـا دكتـور بالعـلـم بـيـطـار *** والعـلـم كـايـد مـا يعـرفـه هـبـيلـي
والمرجلة والعلم مصدر هـل الكـار *** الـلي يعـرفـون الجـدد والسمـيـلـي
واختامها صلوا عـلى راعي الغــار *** عـد النجـوم وعـد مـزن المخـيـلي

* قال عبدالله بن دهيمش بن عبار هذه القصيدة رداً على الشاعر
جزاع ابن عبيدالله العيدي النومسي : 375

سميـت بسـم الله ونظمـت الأشعـار *** رد الجـواب الـلي لـفـا مـن زميلـي
جـزاع وجـه لـي مبـاديـه بأصخـار *** مشكـور يالعـيـدي فـداك البخـيـلـي
بالخيـر تدعي لـي وبالجـهـد شكـار *** وأطلب عسى اللي تذكره يستويلي
فكري شقا بتراث صلبين الأشـوار *** مجهد وعنـه أبحـث نهـاري وليلي
ولا يثني عـزومي هلابيج الأشـرار *** ولا همني هـرج الخبيـث الرزيـلي
والمجد ما حاشه قصيرين الأنظـار *** عفـون المزايا مـا وراهـم حصيلي
لا شـك مـن يعـطـا تحـاذيـر وأنـذار *** يحتاط مـا ينـزل بجـوف المسيلـي
واللي يبي يفضخ عيونه بالأضفـار *** ما هي غـريبه كان عـقـله ضليلي
الـديـن سـاوى بالبشـر كـل الأنفـار *** ولا يفتخـر مـن كـان ساسه قـبيلي
الـفـرق بـالتـقـوى وللطيـب تعـبـار *** وفعـل المـراجـل مـا عـليها كفيلـي
واليوم من يكتب عن الناس يحتـار *** هـذا عـدو وذا صحيـب وعـميـلـي
وأن كـان مركانا على حيط واجدار *** مـا نستـمع لـلي يـشـيـل النـقـيـلـي
من يبني اجداره على الرمل ينهـار *** والطعس من لفح الهواجـر يهيلي
نـبـوع مقـيـاس المسافـة بالأمـتـار *** ولا انـتـجـاوز حـدنــا قـدر مـيـلـي
والعاقـل الـلي لـه حشيمـة ومقـدار *** مـا يقـبـل العـيـلـة ولا هـو يعـيـلي
ولا تأمن الدنيا تـرى الوقـت غـدار *** وعـلى النـبي صليـت بختـام قـيلي

*- قال الشاعر دحيم بن شايم النومسي هذه القصيدة يسند على عبدالله بن دهيمش بن عبار : 376

بسـم الكريـم الـلي رسـولـه كليمـه *** الـواحـد المعـبـود منـشي الخـيالـي
الـلـي بـعـث بـآيـات ذكـرٍ كـريـمــه *** الخـالـق الـرازق عـظـيـم الجـلالـي
فـرض فروض الواجبات العظيمـه *** ووضح لنـا درب الطريـق الحلالي
ونها بشرعـه عـن طريق الجريمه *** وبـيـّن مساليـك الهـدى والضلالـي
أبـدا بـتـرتـيـب البـيـوت الحـكيـمـه *** ولا أحيـد فيها عـن سلوم الرجالي
الطرس نادى يا أبـن وايـل نـديمـه *** نادى اليراع وجاء لشعـري مجالي
والشعـر لـه مـغـزا ومعـنـا وقـيمـه *** وهـرج بـلا معـنا عـطـاه الـزوالـي
أهـديـك مـن قـافي عـلـوم قـديـمــه *** أبـيـات شعـر وبالمعـانـي أجـزالـي
يهديك من صاغ القـوافي صميـمـه *** تحـيـة الأقـصى وشـكـر الـمـوالـي
وأطلب عساك بحفظ مذري نسيمـه *** وعسـاك دايـم دوم منـزلـك عـالي
يالـوايـلـي بالـطيـب تملـك قـسيمـه *** ورثـت طيبـك من عمـام وخـوالـي
والطيـب لـه عـادات تـبقـا امقيـمـه *** مـا تنمحـي عـبـر الـزمن والليالـي
عـبـدالـلـه الـعــبـار ربـي يــديـمــه *** الـلي كسـب بالطـيـب فـعـل مـثـالي
مشكور يا شيخ القصيـد وزعيـمـه *** قـلت الحقيـقـة والحقيـقـة اتـقـالـي
نهضـت بالـواجـب بجـد وعـزيـمـه *** وتنوض في شيل الحمول الثقـالـي
رايـه سلـيـم ولـه عـلـوم سـلـيـمـه *** ومن طيب ساسه ما يحب الهزالي
يفـدونـه الـلي هـروجهـم بالنميمـه *** الـلـي لـغـاهـم بـس قـيـلٍ وقـالــــي
ويـفـداك حكـاي العـلـوم الـوخيـمـه *** مـنبـوذ مـالـه بيــن ربعـه مجـالـي
يخلف نوايا اهـل العقـول السقيمـه *** عنـد الـرخوم الـلي سواتـه اتلالـي
هـذاك مـالـه عـنـد شـرواك سيـمـه *** حيثك تروم صعود روس الجبالـي
حيثـه عـلـوم المـرجلـة مـا تظيمـه *** ولا الهاه عن فعـل الجميل الريالي
مـن ساس لابه يكسبون الغـنيمـه *** نـالـوا سلـوم الطـيـب بـأول وتـالـي
منهـم مصـوت بالعشاء والوليمـه *** الشيـخ أخـو قـطـنـه كـريـم السبالي
أبـن مهيـد الـلي ضيـوفـه حشيمـه *** لـه الـكـرم مـع مـتـعـبـات الـدلالــي
الـلي يجـيـه بشـر يلـقـا الهـزيمـه *** مـن روس لابـة ما تهـاب القـتـالـي
وصـلاة ربـي عــدد مـا هـل ديـمـه *** عـلى النبي كثـر الحصى والرمالي

* قال عبدالله بن دهيمش بن عبار هذه القصيدة رداً على الشاعر دحيم بن شايم النومسي : 377

سميت بسم الـلي احكـامـه قـويمـه *** خـلاقـنـا مـنـهـاج شـرعـه عـدالـي
منشي غمامـه مـن مراكيـم غيـمـه *** ساقه على القبله هبـوب الشمالـي
كـنـه ديـاجـيـر الـليـول الـعــتـيـمـه *** طـهـا ربـابـه مـثـل شـم الـجـبـالـي
يفـيـض بـارزاق البشـر والبهيمـه *** ويحيي الجـذوع الهامدات البوالـي
بسـم الكريـم القـاف نـبـدع نظيمـه *** رد الجـواب الـلي مـن دحيـم جالـي
القـرم أبـن شـايـم قـوي الشكيـمـه *** الـنـومسي نسـل الـرجـال المـدالـي
مـن صلـب لابـه يقطعون الخريمه *** نـطـيحهـم منهـم يصيـبـه اجـفـالـي
عـدوهـم هـج وتـزبـن حـريـمـــــه *** مـن ضربهـم كنـه خريش الغـزالـي
جـعـافـرة مـا يـقـبـلـون الهضيـمـه *** والـطيب بـاقـي عـنـدهـم لا يـزالـي
يا دحيم ما قـلت الزلـل والـوهيمـه *** منطـوق لفـظـك يالـزميـل ايحلالـي
حـطيتـني شيخ القصيـد وزعيـمـه *** والشعـر وهـبـه مـا ملكـتـه لحـالـي
ومـن ايتخطـرا الناس لمـا لميـمـه *** يرخص ولو هو عند الأجواد غالي
الـلـه يجـنـبـنـا الخـطـا والظـليـمـه ويـفـكـنـا مـن مـدوريـن الـجـدالــي
ومن عـد نفسه يالسنافي صريـمـه *** لابـد يـبـرز مـوقـفـه بـالـنـضـالــي
النـاس فـي كـل الحقـايـق عـليـمـه *** لا شـك لـلـرب الـكـريـم الـكـمـالــي
مـا اتحصـل الـلي ما ذكربـه ثليمـه *** ما فيـه مخلوق مـن العـيـب خالـي
غير النبي الـلي رضع مـن حليمـه *** والـرسـل زاكيـن البـدن والعـمالـي
دونك مـرد القـاف سـينـه وجيـمـه *** بـديـت والـمـولـى عـلـيـه أتـكــالـي
يا دحيـم عـينـت الرجـال الفهيـمـه *** الـلي يـدورون الـفـخـر والمـعـالـي
تفلهمـت بعـض العـقـول الغشيمـه *** والذيب خـاف من الكباش الدغـالي
وشو مـرام أهـل الخشوم الوريمـه *** مـا نشدوني لأجلهـم وش جـرالـي
صاروا بصف أهـل الطباع اللئيمـه *** والكـل مقصـوده خطـاي وخـمالـي
الـلي ضمايرهـم عـن الحـق نيـمـه *** مـن قشـر نـيتهـم يبـون أعـتـزالـي
خطو الرجل تلقـا صحيبـه غـريمـه *** مقـول لهـاتـه ما فتـل لـه عـقـالـي
سيله لطـم يضرب عميمـه طميمـه *** لا شـك مـا يـرقـا الحيـود العـوالـي
والـحـمـد لـلـه مـا دلانـا وذيــمــــه *** والبـيـر جـمـه يـوصلـنـه احـبـالـي

*- قال محمد بن فهد بن النومسي يسند على عبدالله بن دهيمش بن عبار : 378

جاش الفواد وشاقني يا أبن عـبـار *** قـافٍ بـصـفحـات المجـلـه قـريتـه
قريت منظومك على زين الأسطـار *** رســمٍ يـدوّن لـلــتــراث أهـتويـتـه
ايخلـد الذكرى عـلى نـفس الأحـرار *** تخـلـد الذكـرى عـلى وسـع بـيـتـه
أنـت الحكيـم الـلي للأشعـار بـيطـار *** وأنت الفهيم اللي شهر ذكر صيته
مشهـور صيتـك ما شريتـه بـدينـار *** صيتـك بتـاريـخ الـقـدايـم حـمـيتـه
دوّن له الماضي على طـول الأدوار *** قصـرٍ عـلى تعـزيـز ساسـه بنيتـه
مدحك بني وايل عـلى ماضي صـار *** ما تـنجحـد صفحـاتـه الـلي بديتـه
بعهـد الذين حجـروا بـيض الأطيـار *** محجـرت بـيض القطـا ومحتميتـه
مدحتهـم يـا وافـي الشبـر باصخـار *** مدحك لهـم ذكـرى سلفهـم حكيتـه
أسلافهـم تسـري عـلى كـل الأذكـار *** كـلـن حـكـا مـاضـيـه حـيـه وميتـه
أذكـارهـم تـطـاولـت فـيـه الأخـبــار *** مشهور بـيـن العـارفـة والصنيتـه
تاريخهم معـروف في كـل الأقـطـار *** من الشرق للقطب الشمالي رقيته
اولاد وايـل مـا بـتـواريـخهـا أنكـار *** قـمـة شـواهـيـق الجـبـال أعتـليتـه
مـرقـاه للقمـة عـلى روس الأطوار *** طـوراً الـيـا عـديـت راسـه لـقـيتـه
قـمـة جـبـل منـهـا يفيضـن الأنهـار *** حوض الرواء من كل ساقي مليته
قولك صحيح ولا أنت بالقول مكـار *** يالـوايـلي مـنـظـوم قـافـك نـقـيـتـه
وصفك بني وايل على قب الأمهـار *** بشيوخهـم نبـراس شعـرك هجيتـه
عـلى مكارمهـم نـما جـني الأثـمـار *** ثمـر زهرهـا مـن شجـرهـا جنيتـه
صـفحـاتـهـم غـرا عـلى نـور تيــار *** تجلي الدجا عـن مـن تعـثـر مبيتـه
صفحات بيضا من ثمينات الأشعـار *** تثميـن قـيمتهـا شـرف مـا شريتـه
ثـمـنـت كـار مـدلـهـت حـم الأوبــار *** والـلي أعـتـزى بالـوايـليـه نخيتـه
تنجي الدخيل وتحتمي شيمة الجـار *** مـكـارمـن كـل الشـرف محتـويتـه
يصعب على كتب القلم عـد الأخيـار *** مهمـا حضـر تعبيـر قـولك سديتـه
وأرجع وأزف ارسالتي لأبـن عبـار *** بـرسـالـتي شبـل المعـنى نصـيتـه
نـجـّبـت مـنـدوبـي لحكـيـم الأشـوار *** من فـوق جمس صافي نـور ليتـه
من مصنع التركيب طبلونه أصفـار *** ما لـّوث العـادم صـفى لـون زيتـه
البلـف صـافي والـدرقسـون كسـّار *** وكـالـتـه عـن الـخـلـل مـحـتسـيتـه
ملـفـاه عبـدالله بـعـد طـول مشـوار *** يـا حـي ملـفـا مـن نصيتـه وجيتـه
اليـامـن بـن الهـيل مـن بـينكـم دار *** عطه جواب النومسي يا خو صيته
وقـلـه تـرانـي منـتظـر رد الأخبـار *** وقـتي بساعـات أنتـظـاري قضيتـه
حالي تقـل يا القـرم تنشر بمنشـار *** تـقـل منـاشيـر الخـشـب مـوتـليـتـه
تقـول يعـمـل داخـل الصـدر نـجّـار *** شـيـّن تـقــّوت قـوتــه مـا قــويـتـه
أبي أشتكي للوايلي بعض الأسرار *** نـوع غـثـاه أيـذكـر الـلـي نـسـيـتـه
رجوا رجو مدّين مديون الإعسـار *** أشـبـاح مسـراهـا طـريقـه غـويتـه
غـويت دربـه يـوم كنـا بـه صغـار *** لـقـب الخـطـا رغـم خـطاه ابتـليـتـه
سبب جهل واليوم ما تفيد الأعذار *** صار الجهـل سبب خصيم وشميتـه
بـمـصـارع الأيـام حـايـر ومحـتـار *** كـم ساعـةٍ حـّزت فرجهـا احتـريتـه
متى يجود الوقت من والي الأقدار *** حـتى تفـوز أهـل الحظـوظ البخيتـه
دعـيـتـهـم سـابـق ولا زلــت زوار *** واحبـالـنـا ورد الـروى مـرتـويـتـه
سبق نخيت صقور وافين الأشبـار *** حـملي عـلى حضرة جنابـه شكيتـه
صـقـرٍ نخيتـه للهـدد سـر وأجهـار *** والحـر بـه صيـد الجليـلـة هـقـيـتـه
مـن نـدرن صقـارهـم يشعـم النـار *** كـم جـايـع عـلى كـرمـهــم غـذيـتـه
صقارهـم من جـزل الأطيار يختـار *** طـلـق السبـوق الـلي بكفـك لـويتـه
الشيـخ صـالح للمـواجيـب مغــوار *** دلـيـل غـدراء بـدو دربٍ سـريـتــه
حـرز الدروع اللي تورد بالأخطـار *** بـابـه عـلى حـرجـات وقـتي لفيتـه
مـن راس لابـه باللـقـا كارهـم كـار *** أمـجـادهـم تأسيس مـا هـي نبـيتـه
عـوجان لا ركبوا على قب الأزوار *** كـم شيخ قـوم الغـربـلـه محتـريتـه
اليا وجهـوا للخصم يعطونـه أنـذار *** أسـود غـابــات الأسـود الـعـنـيـتـه
مـا يـدرقـونـه بالـغـدر درق غــدار *** يعـطـونـه الأنـذار عـن قـول لـيتـه
قـلـتـه ولانـي بـالـتـمـاثـيـل هـــذار *** تصحيح صح القافيـة مـاأفـتـريتـه
هـذا وتـم الـقـيـل بـالـوزن مـــدرار *** قـافي عـن أزعاج الشوايب بريتـه

* قال عبدالله بن دهيمش بن عبار هذه القصيدة رداً على الشاعر محمد ابن
فهد بن حريميس النومسي : 379

بـديـت بـالـلي لـه خـضع كـل جـبّـار *** رب الـمـلأ يحـيي العـبـاد ويميتـه
سـبـحـان ربـي لـلمـخـالـيـق سـتـار *** اللي حمى من صاحب الفيـل بيتـه
من موقـد السجيـل يـرميـه بحـجـار *** حـتى غـدا عـظـم المعـادي فـتيتـه
طـالـبـك يـالـلـي للشيـاطـيـن حشّـار *** يالبـاري الـلي كـل خـلقـك بـريتـه
بريت يوسف من دنس وصمة العار *** وأيـوب عبدك من سقامه شفيتـه
وناداك يونس صاح بالصوت محتار *** ومن شر مظمون الثلاثـة وقيتـه
أدعـوك بأسمـك بالعشية والأسحـار *** عـن كاهلي حمـل الخطايا محيتـه
يا رب تحمينـا مـن شـرور الأشـرار *** ولا ضاع مخلوق بحفظك رعيتـه
بسمك بديت القاف من فيض الأفكار *** نسج القصيد من الروابع سديتـه
وشديت اللي يقطع مناهيج الأسفـار *** جـاهـز مجـهـز للفـيـافـي عبـيتـه
الجمس نطـوي بـه ملاييـن الأمـتـار *** صالون رامه خاطـري واشتهيته
صنع المريكي ناب عـن كـل مذعـار *** ويقـوم فـي دور الخيـول الكميتـه
تـوه وصـل بالباخـرة عـبـر الأبحـار *** مثـل الشبح يا سعد من هو ونيته
لا شافـه المفلس مـن الحسـد يغتـار *** مـالـه جـدا لكـود يـجـذب نهـيـتـه
وده يـسـومـه بـس مـا فـيـه ديـنــار *** يـسـوج وايـعـمـر زقـايـر بكـيـتـه
ينظر على اللي شوفته شف الأنظار يا صاحب الصالون ليتـك غميتـه
تـبـارك الـلـه لـه مـع الـريع مطمـار *** لـو ما شبحته شوف عيني نفيتـه
أسرع من الـلي وجهـه مـوج رادار *** خطر خطر من حد صوته خشيتـه
كنه كروز إلى أنطلق عقـب الأنـذار قبل وقوعه بالهـدف صاح صيتـه
مـن وارد العيسى قـبـل مطـلع أيـار *** تـوه جـديـد وباغـتـه فـي مكـيـتـه
القـيـر مـا يبغـي تعـاشيـق وأغـيـار *** يعجبـك عقـب التجـربـه ما شنيتـه
قـيـره أنبيـر ولوحتـه خمسة أنمـار *** شـده ومـدبـول الـتـوانـك مـلـيـتـه
سافر طلوع الشمس من عندنا سار *** وأن يـسـر الـمـولـى بجـده مبيتـه
يلفي محمـد ريـف مـن جـوه خطـار *** قـدم لـك التـرحيـب حـيـن التقيتـه
سـلـم عـلـيـه وعـلمـه بـالـذي صـار *** الخـط مـن كـف المـوزع خـذيـتـه
قـلـه وصـل كـل الرسايـل والأشعـار *** عسى مـرد الـقـافـيـه مـا عـزيتـه
مشغول من كثـر المشاغـل ومحتـار *** عـليـك ظـرفي نشرحـه ما كميتـه
جـملـة ظـروفي حبـلهـا صـار جـرار *** تـلـولـست يالـقـرم مـثـل العميتـه
ولا أنت منظومك مثل قطف الأزهار *** وبالطيـب درب الغانمين أقـتفيتـه
لك الشكـر مـني عـلى المـدح تكـرار *** ومن يفعل المعروف مثله جزيته
أظهـرت لـي عنـدك كرامـة ومقـدار *** وشرواك ذخـري باللـزم لا نعيتـه
ولا ردي الـشـان مـا مـعـه مخـشـار *** لـو جـاه هـاشـل يمنعـه مـا يقيتـه
من شال قلبه حقد انجس مـن الفـار *** لـو جـاء كتـابـه بالقـمايـم رميتـه
وبعض الخلايق يا فتى الجود قمـار *** هاص الورق ما يفرقه من سبيته
والـحـر مخلابـه تـقـل لـون شنـكـار *** عـرفـت فعـله ما جهلـت وشويتـه
ولا كـل طـيـر لـه مخـالـب ومـنـقـار *** مقناص وكـره بالمحابـل غـزيتـه
طيـر الرخم والبوم في كفـه أضفـار *** لا شـك ما يتـرك خمـولـه وهـيتـه
وأهل الفخر والجود في مظلم الغـار *** هيهات ويـن الـلي بقـولي عنيتـه
الـلي سـوالـفهـم عـظيمـات وأكـبـار *** صـارت ذراريهـم لـك الـلـه فليتـه
قـلتـه ونـفحـات الخـطأ فيحهـا حـار *** وجمـر التجـني يالسنافـي صليتـه
ما صح لي عن جارف السيل معبار *** والخوض بعماق البحـر ما بغيتـه
والجـرب ما تبـغي أشاعـه ومنظـار *** طـب الجـرب قطـران كانك طليتـه
حكي الخطأ كنه على الكبـد مسمـار *** والـلي ايجـادل للحـقـايـق دعـيتـه
ولانـي مـداري بالـعـرب كـل ثـرثـار *** قـلتـه وأنـا غيـر الولي ما رجيتـه
وثـقــت مـا دونـت والخـصـم للـنـار *** والشك في شمس الحقيقة جليتـه
يا ما مضى ليلي مع الطرس سهّـار *** أقـرأ المصادر والـدجى مـا غفيتـه
مـانـي مـع الـلي بالملاعيـب سمّـار *** القـلب عـن كـل الملاهـي عضيتـه
بـيـن الـمـراجـع عـادتـي تـقـل دوار *** أبحـث عـن الـلي فاتـني ما وليتـه
تجمعـت عـنـدي كـراريس وأسـفـار *** مـن حـر مـالي يالزميـل أشتريتـه
كلـه عـن اللي مقصده يبي الأضرار *** يـزرع كـداد بـكـل دربٍ مـشـيـتـه
والخاتمة صلـوا عـلى سيـد الأبـرار *** عـسى طـريـقـه بـالهـدايـة تـليتـه

* وقال الشاعر محمد بن فهد بن حريميس النومسي هذه القصيدة
يسند أيضاً على زميله عبدالله بن دهيمش بن عبار : 380

خـط وصـل بـازكى التحـيـة ختـامـه *** فوجئت بوصولـه عـلى غير ميعـاد
مشتـاق لـه والقـلـب زاد أهـتمـامـه *** وقـريـت عـنـوانـه تـراديـد تـعـــداد
خـط الصديق الـلي جـوابـه كـرامـه *** رمز الفخر جوّد على عصر الأجداد
عـن طايش المنطق تشـدد احـزامـه *** لـه مع هـل العـليـا مكانـه ومـقـعـاد
رحـبـت بـه تـعـداد رش الـغــمـامــه *** واعداد مـن لبس الجدايـد بالأعـياد
وأعـداد مـا سـاد الفـرح بابـتسـامـه *** بأهل الأخلاق السامية بين الأجواد
يهـدى عـلى اللي قـدر الـلـه مقـامـه *** عـبـدالـلـه الـعـبـار شغمـوم الأولاد
من سـاس لابـة يحتمـون الجهـامـة *** فيما مضى بسنان واعنان واشـداد
لـلـضـد سـيـف ولـلـكـرامـة كـرامـه *** وفرسان لا ركبوا على هجن وجياد
من لابـة الفـدعـان بـيض العـمـامـه *** حـريبهـم يشكي الـنـدامـه والأنكـاد
يرمز لهـم رمـز الشرف والشهـامـه *** ما أقول قول بـدون تثبيت وأسنـاد
مجـد الفـخـر يـرقـون قـمـة سنـامـه *** مجد الفخر طاوع لهم طوع وعنـاد
مـنـهـم مـصـوت بالعـشا بالـتـزامـه *** مـومي لهشـال الخلا صابهـا جهـاد
ريف الـذي وقـتـه مـن القـل ظـامـه *** حـده دجـا الظـلما عـلى حـزم جـلاد
ابـن مـهـيـد الـلـي تـفـوق نـظـامــه *** الكـل يشهد له عـلى روس الأشهاد
يغـني عـن التعـريـف زود احترامـه *** هـداج تــيـمــاء يـدهـلــه كــل وراد
شيخ ورفـيع المجـد يلبس اوسامـه *** فخـر الكـرم جوده على جودهـا زاد
رصيـد مجـده مـا تـلاشى انعــدامـه *** تـوارثـتـه أجـيـالهـم حـتى الأحـفــاد
تـمـت بـقـول النـومـسي فـي كلامـه *** عــّذا جـوابـه عـن مـنـاقــيـد نــقـاد

* قال عبدالله بن دهيمش بن عبار هذه القصيدة رداً على الشاعر
محمد بن فهد بن حريميس النومسي : 381

بـديـت بـالـلـي زال داجـي ظـلامــــه *** رب الملأ يفعـل عـلى كيـف مـا راد
الـقـاع مـهـدهـا سـهـول وعــدامــه *** وأرسى قواعدها على شم الأطواد
يامـن نـصـر بأمـره سـريـة أسـامـه *** وعانه على اللي دينهم كفر وألحاد
يـا رب ثـبـتـنـا نـهـار الـقــيـامــــــه *** يوم الحشروالخلق عارين الأجساد
بحسنـاك لا تجـعـل اعـمـالي نـدامـه *** طالبـك حسن الخـاتـمه بآخـر المـاد
وخـلاف هـذا رام فـكـري مـرامـــــه *** رد الجواب اللي من أشعـار قصّـاد
لـلـي وصـلـنـي بـالـرسـالـة سـلامـه *** مـحـمـد بـن فـهـد لـعـلـه بـالأوجـاد
قـريـت شعـر النومسي فـي تـمـامـه *** منطوق لفظـه ما نقص بـه ولا زاد
ما هو من أصحاب الجهل والغشامه *** الـلي سعـوا بالنمنمـه بيـن الأفـراد
مـولاه مـوهـبـه الـذكـى والـفـهـامـه *** يـفـداه مـن هـو لـلـمـقـفـيـن جــلاد
يـكـرم جـنـابـه مـا تـطـولـه مـلامــه *** سـوالفـه مـا هـي هـذاريـم سـرمـاد
ما دك بـه عـرق الـردى والرخـامـه *** من ساس لابـة فعلهـم سـم الأكبـاد
وأن ثـار عـج الخيـل يسمـك كتـامـه *** نـوامسـة لـهـم عـلى الخيـل ملكـاد
مـا عـقـبـه عـايـد لـسـاسـه دعـامـه *** عـايـد ولـد نومس على لابتـه عـاد
مـا قـلـتـهـا غـيـبـة ولا هـي نـمـامـه *** مـار أخبـر اللي عـن مجانيه نشّـاد
ولا أحـط مـابـيـن الـقـرايـب عـلامـه *** والحـمـد لـلـه كـلـنـا ننطـق الضـاد
الـحـر يـنـدر والـحـمـامـه حـمــامــه *** ولا كـل بـاز ولـه جـنـاحيـن صيّـاد
والـنـاس كـلـن يـدعـي بـالـفـخـامــه *** ولا هم سوا من دور شداد بن عاد
وصلـوا عـلى الـلي ضللتـه الغمامـه *** شفيعنا المختـار عن جمـر الأوقـاد
يتبع

تابع
*- وقال الشاعر عطية بن حماد بن عرجون هذه الأبيات يثني على عبدالله بن دهيمش بن عبار : 382

شفت الكتاب وما أحتونه اسطـوره *** وقـريت عـن تاريخ وأنساب وايـل
وقـدمـت شـكـري للـمـؤلـف ودوره *** حيثـه تقصى فـي جميع المسـايـل
قـال وتقصى وأعتـذر عن اقصوره *** وقسّـم بـني وايـل فـخـوذ وقبـايـل
كتب على التاريخ صفحـة وصـوره *** وكـل ما ذكـر فعـل ذكـر لـه دلايـل
عـدد افـعــول لـلجـمـيـع امـخـبـوره *** وأثـنى عـلى فعـل الجدود الأوايـل
حـنـا هـل الأمجـاد وأهـل المشـوره *** وحنـا اهـل التاريخ وأهـل الفعايـل
كــم يــوم عــزٍ قـاطـفـيـن ازهــوره *** تـاريخـنـا فـيـه العجـب والهـوايـل
تاريخ تشهد له مـواضي اعصـوره *** من دون نقـص فـي جميع القبايـل
ذكـر الـفـعـايـل لـلـقـبـايـل ضـروره *** لـمـجـرد الـتـذكـيـر والـشـك زايـل
وصلوا على من شاع علمه ونوره *** المصطفى المختار جـاب الرسايـل

* قال عبدالله بن دهيمش بن عبار رداً على عطيه بن حماد العرجون : 383

حـي الـذي بالقـاف يبـدي أسـروره *** ويثـني عـلى مجهـودنـا بالـمثـايـل
القرم ابن عرجون نشكـر اشعـوره *** عـطيـه الـحـمـاد وافـي الخصـايـل
الصـدق يا أبـو زيـد مبـطي نـدوره *** والنـاس تـدري بالعـلـوم الصمايـل
وكـل العلـوم المسملات امحضوره *** عـنـد الـعـرب لـهـا سجـل وفـوايـل
يوم الزمان الـلي كفى الله اشروره *** كـل الحـمـايـل مـا بهـم قـول قـايـل
مـار الـزمـان الـلـه يكـافيـك جـوره *** الـيـوم أشـوفـه بـالأجـاويـد مـايــل
كيف الرجال الـلي سـوات النمـوره *** صـاروا مجـال لشـايليـن النـقـايـل
ذل الشجـاع الـلي طـويلـه اشبـوره *** وعـز الذليل وساعـده صـار طايـل
يـوم الرجـال أهـل الحميـا الغيـوره *** حيـيـن مـا حطـوا بعضهـم هـمايـل
واليـوم بعض الهـرج ردد انشـوره *** الجـمع صـار يـوزعـونـه فصـايـل
أقـولهـا ولا أحـب نخش الجحـوره *** ولا خير بأصحاب النكـد والدغايـل
الفـضـل لـلـه والفـخـر لأخـو نـوره *** يردع عـن دروب الخطأ كل عايـل

*- أما الشاعر والأديب أحمد بن عبدالله الدامغ فقد كان ينوي تأليف كتاب
عن عالم الجن وأرسل هذه الأبيات للشاعر عبدالله بن دهيمش بن عبار : 384

عقب التحية يا أبن عبار أبي أسألك *** يـوم أن نـجـمـك طـالع فـي سـعـوده
لـو وافـقـك بالـدرب جـنـي وداولــك *** فـي بـعـض أمور عن طبايع جنوده
ولا أعـذرك وطـالـبـك ثـم حــاولـــك *** كـنـه صـحــافـي بـلـيــنــه وكــــوده
يبغـيـك تميّـز بـيـن أهـالـيـه وأهـلـك *** أيـاهــم أصـدق نــيـة فــي وعـــوده
وأياهـم الـلي ينوثـق بـه مـن الهلـك *** لا خــايـف غــدره ويـنـفـعــك زوده
هـل تـا تـذم الجـن وتمـدح أمهـملـك *** فـي راس مظمـاة عـديـمـه أعـدوده
أو تـا تـذم الأنس والخـوف معمـلـك *** مـع هـاتـف الظـلمـا تـزورك وفـوده
هـات الأجابة حيـن هالقـول ياصلـك *** وعسى العواقب والأمـور امحمـوده

* قال عبدالله بن دهيمش بن عـبـار رداً عـلى أحمـد بن عبدالله الدامغ : 385

حيـيت يالمكتوب والـلي لـي أرسلـك *** جـاني كتـاب أحمـد برفقـه أنـشـوده
مشكور يالـدامغ عـلى فـكرتـك تـلـك *** تـبـغـي عـلـوم الجـن تـفـهـم بـنـوده
الجن يجهلني مثـل ما انـت يجهـلـك *** عـالـم خـفـي وآيـات ربـك اشهــوده
العـالـم الـلي بـالخـرايـب لـهـم مـلـك *** مثـل الخيـال ونعـتـرف فـي وجـوده
طريحهـم لـو كـان مـا يقـطع السلـك *** سـلاسـل الـبـيـشـة يـفـصـم أزروده
وخـبيـثهـم ملعـون بالـكـيـد يزعـلـك *** نـقـرأ عـلـيــه إلـى تـجـاوز احـدوده
ولـو شفتهم بالعيـن غابـت مراجلـك *** تـقـفـي معـيـف ودارهـم مـا تـعـوده
ولـولاي يالـدامغ بالأشعـار أجاملـك *** مـا أحـب طـاريـهـم بنـقـصـه وزوده

*- قال الشاعر صالح بن دخيل بن مغرا هذه القصيدة يسند على زميله عبدالله بن دهيمش بن عبار : 386

عـبـدالـلـه العـبـار يـا فـارق السـوم *** نـظـرتـك بالجـزلـة محنـك ومقـدام
لـك في مـدار الفكـر مفهـوم وعلـوم *** تنهـل من الماضي ونظـرتـك قـدام
قـالـوا ولا طالـوا وأنـا أقول يـا قـوم *** مـا لـشـكـالـة كـود فـارس وعـّلام
معروف يجزأ بالردى وأنت محشوم *** ضاعت رسوم الطيب عام بعدعام
في خاطري عـلم عـن الخلـق مكتوم *** عـلـم كـوتـني كـنـتـه سـبعـة أيـام
من سبتـه جفـني عن النوم محـروم *** لا قـام حـظ مـلـقـح الـكـبـر لا قــام
مذموم راعي الكبـر بالخلق مذمـوم *** ومن بـه كبر خالف تعـاليم الإسلام
عـن الشكالـة فـاسـد الطبـع منجـوم *** يدور عـن عـلـم النواميس مهـزام
وقـت الرخى عـده مثـل باشة الروم *** ووقت الشدايد عد من حمر الأنعام
ولا يا أبو مشعل وأنا أقـول مقسوم *** وقبلـه زمـان البحتـري وأبـو تمـام
وأشوف وقت اليوم يزرع به الدوم *** فـي منـزل الطيـّب وبالشارع العـام
الطيب يزرع بـه ويحصد بـه الثـوم *** والمرجـلـة مفهومهـا لبس مـرزام
أوجـزت لا ظـالـم ولا كـنـت مظلـوم *** لاشـك نـبغـي حـل تـفسيـر الأحـلام
فكـري وفكرك يا صريح الـنبـا تـوم *** صالح حزامك وأنت بالكايـد حـزام

* قال عبدالله بن دهيمش بن عبار هذه القصيدة رداً على الشاعر
صالح بن دخيل بن مغـرا العنزي : 387

قـال الـذي يبدع من الشعـر منظـوم *** سـجـل عـذيـات الـقـوافـي بالأقـلام
قـم يا نديبي دونـك الضرف مختـوم *** وده تـرى مضمـون مكتـوبـنـاهـام
تلفي على اللي ما ذكـر فيـه مثـلـوم *** صالح نزيـه الـذات عـن لـوم لـّوام
صالح ابن دخـيـل بالطيـب لـه هـوم *** مـن روس لابـه زبنـوا كـل منظـام
المكـرم الـلي عـادتـه يعـطي الـكـوم *** حيثـه نـدي الكـف بـالـجـود جـزام
طبع الصخي دايم على البذل منهوم *** عـن منهجه ما طاع زاجـر ونهـام
جـاني كتـابـك والـذي قـلـت معـلـوم *** حـل الـرمـوز وكـل تفـسيرالأحـلام
يا أبن دخيل القصد واضح ومفهوم *** وكل المعـاني ما بها لبس وأدغـام
هيضت مكنـوني وأنا كنـت مهمـوم *** مـن واقع الدنيا لي اسنين وأعـوام
جـور الـزمن بـيـّد شغـاميم واقـروم *** ولا دامـت الـدنيـا لهـاني وبسطـام
وأبـو فـراس التغـلبي وأبـن كلـثـوم *** وكليـب والـزيـر المهلهـل وهـمـام
وجديع ونايـف والدريـعي وعمعـوم *** وصالح أخـو ثنيه وجدعان ودهام
ويـن الـذي لـهـم تـواقـيـع واخـتـوم *** حـمـايـة السـاقـه حشيمين وأكـرام
بـربـاعهـم من صنع رسلان قمقـوم *** والنجر يضبح بالضحى تقـل دمـام
من دونهم حالت سماهيد واحـزوم *** تحت اللحود البالية رمس واعظام
أن كان علم الطيب ممحي ومطخوم *** العـز الأقـعـس والفخـر زال مـادام

*- قال الشاعر حجي بن لافي الولدعي العنزي هذه القصيدة
يسند على عبدالله بن دهيمش بن عبار : 388

يـا ونـتـي ونـيـت ونــه ابـتــكــرار *** ونـت طعين منشضي عظـم ساقـه
غـديت منها يا فـتى الجـود محتـار *** كـني وحـيـد الـيـوم مـالـي رفـاقـه
مـالي جـدا لكـود تـنـظيـم الأشعـار *** كل ما شريت البوك تقضي أوراقه
يا راكـب الـلي لا توسط مـن القـار *** يـسـوقـه الـلـي بــارع بـالسـواقـه
مـتـعــنـي ومـعـنـاه يـم أبـن عـبـار *** عطه الرسالـة وأقرها فـي رواقـه
قـلـه تـرن صبـار عـدي عـلى نـار *** كـني سـجـيـن ولا للأبـواب طـاقـه
أشكي عليك الحال ياوافي الأشبار *** خـلي بعيـد وصـار شوفـه أشفاقـه
الصاحب اللي حـط بالكبـد مسمـار *** وخوفـي أنـه خـان عهـدي وبـاقـه
صابـر عـلى بعده ولا جتني أخبـار *** كثرت اهموم القلب ساعت افراقه
والله لو ماخاف من كشف الأسرار *** وأخـاف نقـل الهرج مع كل عاقـه
لاكتب سمي الزين في كل الأسطار *** أكتـب سـمي الـزيـن زيـن اللياقـه
سـمي خـلي دوم يـوجـد بالأشجـار *** وتـراه بعض النـوب يـأتـي بفاقـه
وترى سميـه يضهره هـل الأمطـار *** وينبـت كـذلـك بالحـزوم الـرقـاقـه

* وقال عبدالله بن دهيمش بن عبار العنزي هذه القصيدة رداً على الشاعر حجي بن لافي العنزي : 389

سـر يا قـلم وأكتـب مباديع الأفكـار *** سجـل صمال الهرج وأترك نفاقـه
لفـاني المكتوب من صاحـب الكـار *** منطـوق حجي مـا خفـاني مساقـه
يـقـولـه الـلي يفتهـم كـل مـا صـار *** معـنـا الكـلام نـميـزه مـن نـطـاقـه
حي الذي سجـل قـوافي بالأسطـار *** حيثـه صديـق ولـه نكـن الصداقـه
الـلي شكـالي فـي تناظيـم الأشعـار *** قـلبه على المجمول صابه حماقـه
كانك تريـد الشور نعطيك الأشـوار *** أدحم على المجمول وأدفع سياقـه
ازم يجيك العون من كل الأنصـار *** والـلي بـقي عـلى الرفـاقـه غلاقـه
وأنـا عوينك كان فيـك الزمن جـار *** والله ما أذخـر لـو رهـنت البطاقـه
ولا تـتبـع الـلي صـاد عنـك بادبـار *** أفطن تـرى المقفي صعيب لحاقـه
أحذر يا أبن لافي من الوجد تنهار *** الحيص مع حملـه يشيـل الوساقـه
وأنـا كذلك صاحـبي دونـه أمصـار *** زيـن الحـلايـا الـلي عـذيـه خلاقـه
هجرت داره والوعد عقب الأفطار *** وأقفيت أنا مـا عـد لي بـه عـلاقـه
يا ما بسبب خلي تجرعت الأمـرار *** وعـزاه لـلـي عـلـقـم الـمـر ذاقـــه
واللي يلومك يا فتى الجود لشهـار *** عسى يا قـاك الـلي قـويـه احلاقـه

* وقال حجي بن لافي العنزي يسند على عبدالله بن دهيمش بن عبار : 390

عـديت راس العـان وقـت العشيـه *** رجـم عـلى كـل الـمـراقـيـب عـالي
وفـي مـرقـبـه ونـيـت ونـه قـويــه *** منهـا خطيـر القـلـب عـزي لحـالي
ولـوف قـلـبـي لـوف دلـو بـطــيــه *** وأن تلهـا السنـاي فـوق المحالـي
عـلى العـدود الـلي عـليهـا ظـميـه *** دلـو الـسـواني يـوم ورد الحـلالـي
جـربـت لـوعـات الحـيـاة الشـقـيـه *** وفطنـن عـلـيـه نـايـفـات الجبـالـي
ويـوم أتـذكـر بـالـفـيـاض الـعـذيـه *** يـعـل يسـقـيـهـا حـقـوق الخـيـالـي
فـارقـتهـا يا القـرم غصـب عـلـيـه *** ولا ضـل عنـدي حـيلـة وأحتيـالـي
أصـبـر عـلى تـدبـيـر رب الـبـريـه *** مـن الـهـلال إلـى غـلاق الـهـلالـي
تكـفـا يا أبـن عـبـار زبـن الـونـيـه *** فـدني بـرايـك يا عـريـب الخوالـي
تكـفـا يا أبـن عـبـار حـل القـضيـه *** صرحت لك يا القـرم باللي جـرالي
وأرجو السموحة كان قـلنا خطيـه *** أرجـوك تسمح كان شفت الخمالي

* قال عبدالله بن دهيمش بن عبار هذه القصيدة رداً على حجي بن لافي : 391

سـر يا قـلـم وأكتـب سلام وتحـيـه *** هاض الفكـر والقاف جالـه مجالي
حـجي كتـب مكتـوب مهـديـه لـيـه *** يشـكي عـلـيـنـا كـايـدات الـلـيـالـي
يا مسنـدي هيضـتـني بـالـشـكـيـه *** وأبـي أبـذل المجهـود لـلي شكالـي
لا بـاس يا شاكي ظـروفـه عـلـيـه *** رهن الطلب يا القـرم حالي ومالـي
أن كـان تـبي الشـور مـني هـديـه *** نصيحـةٍ مـا أبـغـي عـليـهـا ريـالـي
أمـش بكـتـاب الـلـه وسـنـة نبـيـه *** رب العباد الـلي عـلى الناس والـي
وخلـك صبـور اليـا بلـتـك البـلـيـه *** ومن لا صبر ما نال صرح المعالي
أصـبـر كـفـاك الـلـه شـر الـدهـيـه *** حـتى تـحـقـق لـك جـمـيع الأمـالـي
شـف الـعـذارى بـيـن فـيـه ومـيــه *** ولا الأعـمـال الـشـاقـة للـرجـالــي
وخـليـف دايـم بـيـن نـزل السميـه *** مقصور عن كسب العلوم الجزالي
هـيـهـات مـا كـل الـلـيـالـي هـنـيـه *** وأظـن كـل الـلـي جـرالـك جـرالـي
لـو شفت راسي صار مثل النصيـه *** الشيـب لاح وبالعـوارض ايـلالـي

* وقال أيضاً حجي بن لافي العنزي أيضاً هذه القصيدة يسند على
عبدالله بن دهيمش بن عبار : 392

هات القلم والبوك يا مسندي هـات *** هـات القـلم نكتـب بـيـوتٍ جـديـده
هـات القـلم نكتـب بيـوت جـديـدات *** نـكـتـب سـلام وثـم نكـتـب قصيـده
أسجـل المكـتـوب يـحـمـل تـحـيـات *** أسـجـل المـكـتـوب لـكـم وأعـيـده
حـال العجـل نرسل عليكم جوابـات *** وأرجـو يا ابن عـبـار رد النشيـده
يا راكب اللي ما وضع فيه لوحـات *** شـف الغـريب الـلي ديـاره بعـيـده
صـنع المـريـكي كـامـل بالـمـعـدات *** توه عـلى التمرين صافي الحديده
عـاني لأبـن عـبـار زبـن الـونـيـات *** ذخري عضيدي بالسنين الشديده
غديت مثل الـلي عـظامه كسيـرات *** مهمـا تعالـج ما حصـل لـه مفيـده
من واهسي بالصدر جريـت ونـّات *** وجـر قـلبـي جـر قـوس الجـريـده
شكيت من وجدي عيوني سهيرات *** شفاتي الـلي زاهـي النقـش بأيـده
ما أنساه لو بيـني وبـينـه مسافـات *** أغـليه وجـروح الضماير شهيـده
والله لـولا العيب وأخشى الخطيات *** وأخـاف من هـرج العفون البليـده
لأكتب سمي الزين فـوق العلامـات *** وأسجـل أسمه بالـورق والجريـده
اسقاني مـن مـر الحناضل بكاسات *** مـن عـلـقـمٍ خـلا فـوادي مــريــده
يـوم اتـذكـر مـا مضـالي ومـا فـات *** أصيـر مثـل الـلي مقـصـر بـقـيـده
أجحـد همـومي بالضمايـر خـفيـات *** والقلب بيّح مـا خـفي مـن سديـده
يا سعد من ياخـذ مع الربع سجـّات *** متـريّـح ومبسـوط وسـط البـديـده

* قال عبدالله بن دهيمش بن عبار رداً على حجي بن لافي العنزي : 393

سميت بسـم الـلـه بديـع السمـوات *** الـواحـد الـخـلاق رازق عـبـيــــده
عـلام سـر الـغـيـب رب الـبـريــات *** جـيـلٍ بـدأ خـلـقـه وجـيـلٍ يـبـيـــده
سبحان خلاق الملأ محيي الأموات *** محـيي جـثـاميـر الهشيـم الهميـده
ومن بعد ذكر الله بديت انظم ابيات *** من فيض ينبوع العـدود الصميده
قـافـي نقـدتـه مثـل نـقـد الجنيهـات *** ونظـم الشعـر ميراث جـد لحفيـده
فكـري تخيـّر مـن جزيـل العبـارات *** جـواب الـلي نظـم القوافي يجيـده
يا راكـب الـلي صمموه الخواجـات *** هـاف مـع الـزيـزاه تـوحي جليـده
جمس حمر مـا ورده شركـة فيـات *** راعيـه يـدفـع قيمتـه من رصيـده
مرسـل لحجي شـال رد الجـوابـات *** قـرم العـيـال الـلي افعـالـه حميـده
الـلي اشتـكى كثـر العـنا والتنهـات *** يشكي عـلينـا مـن فـراق الـوديـده
الجادل اللي من أجلهـا جـر ونـات *** بـلاه الـلـي مـثـل المـهـاة الفـريـده
أوصيك لا يمضي زمانـك بنوهـات *** الوجـد يشـرك بالعـقـول الرشـيـده
وأنـا كـذلـك ساهـر الليـل مـا ابـات *** من عـقب خـلي ما حيـاتي سعيـده
جربت ما جربت وأغضيت بسكات *** خـلـي بـعـيـد ولا وصلـنـي بـريـده
الصاحب اللي حط بالجوف طعنات *** جرحـه بقـلبي دوم ينـزف صديـده
أقـفا وخـلاني بـلـوعـة وحـسـرات *** وعـقـلي غـدابـه ما بقالـي شريـده
ما شفت مثله في جميع الخونـدات *** من ساحـل الخفجي لـديـرة بريـده
زين الحلايا من العذارى العفيفـات *** سبحان مـن مثـل قـوامـه وجـيـده

*- قال الشاعر الحميدي بن حمد بن نفجان الحربي هذه الأبيات يسند
على عبدالله بن دهيمش بن عبار العنزي : 394

نامـت عيـون مصرفين الهـروجي *** وأنا عن عيوني لذيذ الكـرى طـار
سهـران أفكـر في وسيلة خروجي *** مـن غـبـة فـيـها يضيعـن الأفـكـار
دخـلت مع بـاب وسيع امهجوجـي *** لكـن مـدخـل راعـي الـنـار والغـار
لا شك ضاقت بي وساع الفجوجي *** وطاول عنايـه والهنا صـار تذكـار
الـلي بـنى حـبـه بـقـلـبي بـروجـي *** الياس دونـه لاح لي يا أبن عـبـار
عـلـيـه كبـدي صـار فيهـا فلوجـي *** والروح ذابت ذوبت الشمع بالنـار
أحـن مـن وجـدي حنين الخلـوجي *** فكري مع اللي فارق الـدار منـدار
عسى برايـك يا أبن وايل تبـوجـي *** ريع الفرج للي عليـه الـزمن جـار
يـفـداك مـن هـو للـوازم سهـوجي *** مـا يـفـزع الا بـابـتسـامـه ومعـذار

* قال عبدالله بن دهيمش بن عبار العنزي هذه الأبيات رداً على
الحميدي ابن حمد بن نفجان الحربي : 395

قـم يا نديـبي فـوق جمس يفـوجي *** نسناس ذعـذاع الهبايب إلـى سـار
مثل الغمام الـلي حـداه الزعـوجي *** نفيض غيم وسايقه ريح الأعصـار
رهـن الأشـارة جـاهـز للـنهـوجـي *** لبو حمد عنيت أنا الجمس مشوار
أرسـل تحيـة مع عبيـر المـروجي *** رد الجـواب الـلي كتبتـه بالأسطـار
دليـت من شكوى زميلي أسـوجي *** أبـو حمد من حيرتـه صرت محتار
أبشر يا ابن نفجان كانك بحـوجي *** لا خيـر باللي من عقب نخوته بـار
لبيـك دامـك يالـزميـل امحـروجـي *** نبذل لك المجهود يا القرم باصخار
أن كان هجره له سبايب وصوجي *** وضح عسى نلقا وسيله ومظهـار
لا يكتشف سدك خطـات الرهوجي *** شاور على معناك صلبين الأشوار
أهـل النمايم هم خـراب الصنوجي *** سود القلوب اللي يذيعون الأخبـار
ما لوم لـو رجلك تسوج وتدوجـي *** ولا لوم لـو سجيت للتـرف مسيـار
الحب يطعن مثل سيف الرعـوجي *** نجـل العيـون اسهومهـا تقـل بتـار
الحـب عـذب معتـليـن السـروجـي *** صيد الفوارس ما يهابون الأخطار
عنتر شكى حب الهنوف الغنوجي *** وقيس الملوّح هام في كل الأقطـار
يتبع

تابع
*- قال الشاعر هادي بن حفيش القحطاني هذه القصيدة يسند
على عبدالله ابن دهيمش بن عبار العنزي : 396

البارحة سهران يالربع ما امسيـت *** وأعـايـس الأفــكــار مــنــا ومــنــا
كـل ما نعست عيني شويه توعيـت *** ولا أدري عـلام القـلب ما يرجهنـا
ولالي جـدى الا اقول يا ليت ياليـت *** وأظـن كـلـمـت لـيـت مـا يـنـفـعـنـا
وزودٍ عـلى ما قـلـت يالـربع ونيـت *** ولا أحـد يلـوم المشتحن يـوم ونـّا
عـز الـلـه أني عـن ديـاري تنحيـت *** الأقدار يا أهل العرف وين اقـلعـنـا
هـل رمضـان وذا تبـيعـه بتـوقـيـت *** وأنـا بقعـافـز بـيـن هـاجس وظـنـا
لـكـن يـا قـلـب الـعـنـا ويـن ولـيـت *** شـف الـبـدو قـطـعـانـهــم ربـعــنــا
ثـم قـال لـي مسموح لا منك زليـت *** أنـا غـرامـي هـاض وأنـتـه تـمـنــا
أنا دفعـت اخطوط من حين ماجيت *** وأظـنـهــن يـا قــلـب مـا يـاصـلـنـا
وكـم لـيـلـة لـردودهـن قـد تحريـت *** ولا زلـت صـابـر لـلـردود أتـتـنــــا
وصيـت يـا قـلب العـنـا ثـم وصيـت *** وظـروفـنـا يـا قـلـب مـا سـاعـدنــا
وكليت من كثـر المكاتيب وأزريـت *** وش حـيـلـتـي بـالـلـي بـرده تـّونـا
وكتبت لـه من خاطري مـا توريـت *** أبـيـات شـعـرٍ بـالـقـلـم سـجــلــنــا
وأسباب ما هيّض غرامي وغنيـت *** عـبـدالـلـه الـعـبـار ولـد الـمـعــنـــا
اللي يرحـب بـي إلـى شافني جيـت *** عسى اظعـونـه مـا تـفـارق ظـعـنـا
من آلاد عـنازٍ هـل الفعـل والصيت *** الـلابـة الـلـي أفـعـالـهـم يـعـرفــنــا
لـو الـمـنـا بـيفيـد قـمـت وتـمنيـت *** أنـي أنــا وأيـــاك نـنـهــج لـهــنــا
من خاطري يا القرم للقاف سويـت *** والـيـا لـفـنـا اردودكـم يــفـرحـنـــا
وصلاة ربي عـد من طـاف بالبيـت *** عـلى رسـول الـلـه خـتـمـنـا لحـنـا

* قال عبدالله بن دهيمش بن عبار هذه القصيدة رداً على الشاعـر هادي ابن حفيش القحطاني : 397

البـارحـة لجـت ضلوعي وجضيـت *** روابـعـي مـن خـاطـري فـطـنــنـــا
جتـني قصيـدة من زميـلي ورديـت *** أبـيـات مـن مـنـظـوم هـادي لـفـنـا
بالخـط والـلي سطـر الخـط حـيـيـت *** وسجلـت رد اخطـوطكم يـوم جـنـا
ياللي من ظـروف الليالي تشكويـت *** أنـا كـذلــك خـاطــري مـا تــهــنــا
أنـا كـذلـك عــن ديــاري تــنـحـيـت *** بـيـن الجنـوب وبـيـن ديـرة يـمـنـا
مـا مـن اجـازه لـو طلبت وترجيـت *** واليا هـربت هـروب منسي سجنـا
كانك عـلى ديارك توجدت وأشفيت *** قـلـب العـنـا يـا مسنـدي لا أيـتعـنـا
لا تشتحن لو كان عن دارك ابطيت *** أصبـر عسى الفرصة أمامك تسنـا
ولا هي حسافه يوم سرت وتعنيـت *** جـيـنـا نـدافـع عـن مـحـارم وطـنـا
لـوهـني الـلي اعـتلا فـوق وانـيـت *** احمـر بصبغ الـورس كـنـه امحـنـا
هـاف جديـد وتـو مـا غـّيـر الـزيـت *** والـيـا تـحـرك بـالـعـجـل مـا تـونـا
ودك الـيـا منـك تـوجهـت وأنـويـت *** تـنحـر بـيـوتٍ بـالـعــوالـي اتـبـنــا
نصـه على البدوان عـزك الياجيـت *** الـلابـه الـلـي يـدخـلـون الـمـجــنـا
تقلط على صحون يفطح بها العيت *** عـنـد الـذي بـعـلـم المراجـل تـكـنـا
وكان أنت بالبيت المـوالي تعشيـت *** كـلـن يـقـول الـدور نـبــداه حــنــا
وإلـى سكنـت بـدارهـم واستقـريـت *** أعـقــد قـران الـلـي جـديـلـه تـثـنـا
وترى الهوا ما يحتمل كان هاويـت *** من حـب ليلى صار في قيس جـنـا
توبه قضا نحبه من الوجد لا ابليت *** وعنتـر عـلى عبلـه غـدا تقـل شنـا

*- قال عبدالله بن دهيمش العبار يسند على عبدالرحمن بن عايد الطويلعي : 398

يـا راكـب الـلـي وارده تـوهـا جــت *** مـن نـوع ميـق ولا تشبـه بداكوت
جسمها أمنيم ما بها سيور واسبت *** ولا حـزمـوا آلاتـهـا بقنـب وجـوت
عـن الهـوا مكتومـه وجوفهـا غـت *** فـوق المدرج جاثـمه تقـل حانـوت
فـوق الــمـدرج درجــت ثــم هــدت *** ومن بعدها يسرع ويطلع بها أوت
تسمع وحيها كالصواعـق إلى صت *** كل الآذان لصوتها تصنت صنوت
تخـوي كمـا الـلي صيدته زتهـا زت *** تموج بفجوج الفضا كنهـا الحوت
وأنـا أذكـر اللـه كنهـا طلقـت أبـرت *** تبارك الرحمن أسرع من الصوت
تجـوب بالقارات في خمس أو سـت *** بالجـو ما طبت سماهيد وأخبـوت
سافـر بمـوجـات الهـوا سـنـد وكـت *** ومتـعـلـمٍ عـلى نـزول البـراشـوت
بالراس كاب وفـوق صدره قـرافـت *** يلبس قميص وبنطلون مع الكوت
تطيـر من نجـران وبخريص حطـت *** وركابهـا معهـم بطاقـات وأكروت
سافر بحفـظ الله ومـن عنـدنـا شـت *** يلفي لأبن عايـد بالأمجاد منعـوت
عطه الجـواب الـلي بنيتـه عـلى أت *** من فن بدعي سجل الحبر بالنوت
نـبـي انتسلا فـي تـمـازيـح وانـكـت *** يالقرم جاوبني ترى الفكر مكبوت
قـلتـه ومن فيـض القـوافي تـزودت *** ونظمت منظومي تقل عقد ياقوت
ولا ردي الـشـان عـقـلـه عـلى بـت *** ولا خيـر باللي بالمذمات مشموت

* وقال الشاعر عبدالرحمن بن عايد الطويلعي هذه القصيدة رداً
على عبدالله بن دهيمش بن عبار : 399

الفكر هاض وقـلت من كثـر ماهـت *** سجلت بالأبواك واعلنت بالصـوت
رد الجـواب الـلـي لفـانـي عـلى أت *** من كـز لي بيتين نرسل له ابيـوت
يا ما بنظم القيـل أصـدرت وأوردت *** وأعـوذ بالرحمن من كل طاغـوت
من عـزوةٍ فـي قـول ملحـا تعـزوت *** عدوهم راسه عـن المتن مزتـوت
عـلى الشجـاعـة والشهامـة تـربـت *** تاريخهم يشهد له الشيخ محروت
ولادعـة بـالـطـيـب ربـعـي تـحظّـت *** لا جاء زمان شين وسنين ووقوت
وترى السلف ممنوع عن قافنا بت *** بيني وبينك يا فتى الجـود مبتـوت
وش السبب يالقـرم للخط ما عـدت *** مامن حلا لا صار ناعت ومنعـوت
وأنـا الـذي وحـدي لـردك تـوحـدت *** عندي على قولي براهين واثبـوت
أرسي لخصمي دام أنا حي ما مـت *** وأن مت قبلي مات عنتر وشفلوت
مات أبو زيـد وكـب نجعـه امشتـت *** ومات العقاب وكب محبوبته نـوت
وأنشدك عن رجل له الناس تشمت *** مع القبـايـل عـقـب عيـال وابنـوت
عـليـه حـليـا واضـحـه وأن تـلـفـت *** أن طاب ولا خاب بالشين مذهـوت
من حل عنده يا ابن عبـار مـا شت *** وعسى يجـي لـه يالأجاويد لافـوت

* قال عبدالله بن دهيمش بن عبار هذه القصيدة يسند على عبدالرحمن بن عايد الطويلعي : 400

سار القلم يكتب على البوك بالزاج *** سجلت من فيض القريحه عبـارات
قـافي غـرفـتـه مـن نقـاريح هـداج *** جريه غزير وصافي عذب وأفرات
من فـن بـدع البـال نظمت الأنتـاج *** زان المجال وقـلت يا خاطري هات
من فوح صدري نافح القيل ينفاج *** وتحاضبن في خاطري تقل موجات
يالـلي تـبي للعاصمة سـرت نهـاج *** خـذ خـطـنـا وده لـزبـن الــونـيــات
تلفي لأبن عايد على فـلـة احجـاج *** تـلـقـا الـونـاسـة والـدلال الـعـذيـات
لغزك يابن عايد مثل ناصع العـاج *** يلحق على السبعة جميع القـرابـات
يـا مـل قـلـبٍ فـيـه لجـة وصرنـاج *** مـن دون شفـه حال بعـد المسافات
واتـل قـلبي تـل غـربٍ بها أمـراج *** تـلـت رشاها وبيرها عشـر قـامـات
طار الكرى يامسندي والقدم ساج *** ومضيت وقتي يافتى الجود سجات
شفي بقـرب الـلي دنيين وأشمـاج *** هـل الشهـامـة والفـعـال الحـميـدات
الابـه الـلي باللقـاء سور واسيـاج *** ستـر العـذارى بالسنين الصعيبـات
قـلته وأنا بنجـران جنـوب الأفلاج *** وشفي حماد طريف شرق القريـات

* وقال الشاعر عبدالرحمن بن عايد الطويلعي هذه القصيدة رداً على
عبدالله بن دهيمش بن عبار : 401

يا راكب الـلي بالسما تـدرج أدراج *** لفت وراجت بالهوا عشر روجـات
صنع الفرنسي من تصاميم ميراج *** إلى صعدت بالجو تسبق للأصوات
تروج روجات القطا وقت الأرواج *** توصل غرضها في دقايق ولحظات
طارت بتيسير الولي رب الأ فـراج *** تـاخـذ كـتـاب فـيـه مـنـي سـلامـات
تـلـفـي لأبـن عـبـار بـداع الأ نتـاج *** وإلـى وصـلـتـه بـلـغـه بـالـتحـيـات
قـلـه زمـيلـك عـلتـه مـالـهـا عـلاج *** الناس نامت وأنا عيوني سهيرات
شفي بربعي ريف من كان محتـاج *** مشتـاق لـسجـة بنـزل الجـمـاعـات
أن هاجت الهيجا وجنـت بالأهيـاج *** ربعي معطرت النـمش بالحـرابـات
وابيوتهم للضيف مسكن ومسهاج *** يشهـد لـهـم تـاريخهـم والسجـلات
من ولد عـلي مطوعت كـل منعـاج *** بمركاضهم تشبع وحوشٍ مجيعات
وأشيوخنـا اليـديـان لباسـت التـاج *** تـاج الشيـوخ مسيـسيـن الأمـارات
عـز الدخيـل الـلي عـلى بيتهـم لاج *** يديان مـن قـدم العصور القديمـات
دخـيلـهـم بالكـون يـبشـر بالأفـراج *** كان أعتلوا فوق المهار الأصيلات

*- قال عبدالله بن دهيمش بن عبار العنزي هذه القصيدة من شعر الوجد والتوجد أيام الصّبى : 402

يا الـلـه يا مفـرج عن أيـوب كربـه *** نلـوذ بـك عـن جايحـات المصايـب
تـفـرج لمـن مـضى شبـابـه بغـربـه *** بـعـيـد عـن دار الأهـل والـقـرايـب
الشيـب لاح بعـارضي وأستعـر بـه *** من جور وقـت يودع الشب شايـب
عـزي لحـال الـلي زمانـه غـدر بـه *** من جـور بقعـا شاف كيد وغلايـب
جـاهـد وميـلات الليـالـي صبـر بـه *** نصبر وعنـد اللـه حلـول النشايـب
من لا تصبر وأجتهد ما انتصر بـه *** عن مقصده ينحى على غير طايب
طير السمرمد ما ربح من صقر به *** وخسران من دار السبق بالهلايب
لا وا وجـودي وجـد من تـاه دربـه *** ضـاع بظـلام الليـل والبـدر غـايـب
بارض خلا مظماه ما أحدٍ شعر بـه *** بـايـام قيـض وفـاخـتـتـه الـركايـب
أيـقـن هلاكـه والمصيـر أفـتكـر بـه *** بـآخـر رمـق يـبي لنجـاتـه سبايـب
أو وجـد مـن خـلـوه بخلاف سربـه *** يـوم المغـازي والمـرازق نـهـايـب
بالساعة القشرى جـواده عثـر بـه *** مرمي بحومات الوغى طاح عايـب
مطعـون ما بيـن الثنـادي بـحـربـه *** صابـه صـواب مغـل بيـن التـرايـب
يسهـر طويل الليل من حـر ضربـه *** يجض مـن شلفـا عطيب الضرايب
وجدي على اللي ينعش البال قربـه *** هو مطلبي من بـد كل ما الحبايـب

* قال هادي بن عايض العتيبي رداً عـلى عبدالله بن دهيمش بن عبار : 403

حـي الكتـاب وحـي شـبـل ومـر بـه *** اعـداد مـا تـذرى نـسـيـم الـهبايـب
باللي فعـل فعـل الوفى وأشتهر بـه *** يـوم أن بعض الناس مثل الجلايب
حق الرفيق أن دوره ما أعتـذر بـه *** يبيـن طيبـه عـنـد عسـر النـوايـب
من رافـق الطيّـب وفـى وأفتخـربـه *** ومن صاحب الأنـذال ينقـال خايـب
وصحيح قول قـلت من غيـر جربـه *** الكـل يشـكي مـن فـراق الحبـايـب أ
حـدٍ ورد لـلـطيـب وأحـدٍ صـدر بـه *** والطيـب يـورثـه الأبـوي للعقايـب
كـم واحـدٍ فعـل الرجـال أزدهـر بـه *** كسـاب للبيضـا يـحـوش الكسـايـب
مثـل المهنـد يفتخـر مـن جـزر بـه *** أقطع من المصقـول يـوم الحرايـب
وكم واحـدٍ زار الردى وأعتمر بـه *** الطيـب يسـمع بـه ولا هـو بطـايـب
الطيـب فعـله من قـصر مـا قـدر بـه *** ما هـوب يفـرح متعبيـن النجايـب
الطيب مبطي ما خسر من تجـر بـه *** ولا الـردى راعيـه يكسب نشايـب

*- وهذه القصيدة قالها الشاعـر غياض بن معيّـل الرويلي يسند على
عبدالله بن دهيمش بن عبار العنزي : 404

سر يا قـلم وأكتب كلامي بالأسطـار *** من قيـل أبـن معيّـل بيـوتٍ بـدابـه
أكتـب جـوابي وأرسلـه لأبن عـبـار *** سـلام مـنـي لـلـصـديـق الـقـرابــه
وأهـده سلامي عـد مـا بالسما طـار *** وأعداد من روس الجبال اعتلابـه
وأعداد ما هـل المطر فوق الأقطـار *** وأعـداد مـا خـط الـقـلـم بـالكتـابـه
سلام خـالي من الشوايـب والأكـدار *** يـم الصديـق الـلي عـزيـز جنـابـه
أخبرك يا مشكاي وأعطيك الأخبـار *** عـن حال أبن معيّـل بيوم أنتـدابـه
في منطقة جيـزان عـدي عـلى نـار *** والـجـو يحـرقـني بـحـر الـتـهـابـه
مـن حـرهـا يـا مـسنـدي دمـنـا فـار *** فيهـا الـفـتى يـعـاف لـذت شـبـابـه
من حرها يا مسندي صـرت محتـار *** وعويت أنـا مع عـاويـات الذيابـه
وش لـون فيهـا يومنـا يعـادل أدوار *** وأسبوعنا يا القـرم تكثـر أوجابـه
بـاقـي ثـلاث شهـور يلفتـن الأنظـار *** وفاتن ثلاث اشهور ليـه وأنـا بـه
والله لولا العيب وأخشى مـن العـار *** وأخـاف يـلحـقـنـي مـلام ومعـابـه
لكود أفـر مـن رضهـا وأتـرك الـدار *** رزقي على اللي شامخات هضابه
وأنحـر ديـار جعلهـا لوبـل الأمـطـار *** من مـزنـة غـراء حقـوق سحابـه
هي ديـرة الأجـواد للضيـف والجـار *** والـلـي يـمسـه الـزمـان الـتجـابـه
غياض ولـف مـن بديعـات الأشعـار *** مرسل لأبـن عـبـار يرجي جوابـه
وصلاة ربـي عـد مـا بالـثـرى سـار *** عـلى الـذي درب الهـدايـة مشابـه

* وقال عبدالله بن دهيمش بن عبار هذه القصيدة رداً على
الشاعر غياض ابن معيّل الرويلي : 405

يقـول ابـن عبـار فـي نظـم الأشعـار *** أكتـب جـوابـي وأرسلـه بالنيـابـه
حي الكتاب وحي من خـط الأسطـار *** وحـي البريـد الـلي جوابـك لفـابـه
مكتـوبكـم يبقـا مـدى العـمـر تـذكـار *** من قـلب يا غـياض خطـك هلابـه
مشاعـري فـي لفـوت الخـط حضـار *** من فيض قرحي جاك رد الأجابـه
قافـك قريتـه وأفتهـم قصـد الأسرار *** ومقصد كلامك ما جهلني أعرابـه
تـشـكي لـنـا مـن ديـرة جـوهـا حـار *** عسى الـولي ياقاك شـر الأصابـه
أصبـر وخلـك يا فـتى الجـود صبـار *** عـلى الشقـا حتى يزولـن أسبابـه
مـن لا صبـر للكيـد والـكـود يـنهـار *** وشرواك بالشـدة تمالـك أعصابـه
زهـقـان مـن ديـرة وشفقـان لـديـار *** تـبي الـديـار الـلـي عـزيـزٍ جنـابـه
ديـرتـك مـن دونـه مـلاييـن الأمتـار *** يـوميـن للمـاشي شمـال اللـهـابـة
مار أستمع وأخبرك باللي لنا صـار *** قـلـبي مـن الـوجـلا تشلع اطنـابـه
حـنـا هنـا بنجـران مابيـن الأشجـار *** نمشي مع البيـدا ونرقـب هضابـه
عـدي خلاوي ما تقـل عنـدي أنفـار *** وقـلـبي تـذكـر بالـمـودة اصحـابـه
أسهر اليا جرهـد من الليـل مشـوار *** وأكافـح همـومي بعـزف الربـابـه
يـا أبـو مـعـيّـل وقــتـنـا تـقــل رادار *** يـفـتـل ويـاخـذ يالـزميـل انـقـلابـه
ومن لا حصل له واسطه بالملأ بـار *** لـولا الـوساطة بـار مثـل الجلابـه
يـا الـلـه تـفـرج همـنـا وأنـت ستـّار *** ما غيـرك أحـدٍ يـا الـولي يلتجابـه

* وهذه الأبيات مقتطفة من قصيدة طويلة للشاعرغياض بن معيّل الرويلي
يسند على زميله عبدالله بن دهيمش بن عبار : 406

يا مسندي جاني جوابك على الفـال *** وقـبلـه بساعـة قـلت يا الله تجيبـه
أصبر على ماصار يا شبل الأشبـال *** صبر الفتى يالقرم هو ساس طيبه
أصـبـر وخـلـك للصعـيـبـات حـمـال *** وحاذور مثلك يشتمت مـن نصيبه
أصبر على المقسوم لو البطـأ طـال *** والحي لا بـد يقـتـرب من صحيبـه
صـبـراً جـمـيـل وللشـرابـيـك حـلال *** وما قّـدر المـولى لعبـده رضي بـه
وعلـم الفخـر مـا يدركـه كـل رجّـال *** ومثلك بوقـت اللازمـة نقتـدي بـه

* قال عبدالله بن دهيمش بن عبار هذه الأبيات ملخص رده على
زميله غياض بن معيّل الرويلي : 407

يقـول أبـن عـبـار فـي بـدع الأمثـال *** قيفـان من منظوم فكـري غـريبـه
يا مرحبـا باللي مـن القـرم مرسـال *** حـي النديب وحـي مـن هـو نديبـه
فـرحـت بـه فـرح الطماميع بالـمـال *** كسـب عـثـوبـه بالسنين العصيبـه
ولا فرحهم بـالمطـر عقـب الأمحـال *** اللي جعل جرد الصحاري خصيبه
مكـتـوب قـرم لـلهــواشـيـل مـدهـال *** غياض ستـر الـلي تقض الذويبـه
مجنـاه مـن لباست الجـوخ والشـال *** قـبيلـتـه مـن سـاس وايـل صليبـه
رويـلات بالهـيـة ذريـبـيـن الأفـعـال *** اهـل الشهـامـة والفعـال الـذريبـه
أبــو زويـد بـالـفـخـر قـبـلـنــا قــال *** يا نعـم بالعـلـيـا ومـن يعـتـزي بـه

*- وهذه القصيدة قالها عليان بن جريبيع الربيلي العنزي يسند على
عبدالله ابن دهيمش بن عبار : 408

يـا مـل قـلـبٍ كـن يـصـلاه صــالـي *** مسجون والمسجون عده على نار
قـمـت أتـذكـر فـي زمـان مـضـالـي *** وجلست حيـران المحايـل ومحتـار
أجـلـس مـع الأفـراد كـنـي لـحـالـي *** مضيت ليلي يا فـتى الجـود سهـار
مـا زارنـي كـود الـربـوع الـغـوالي *** اللي ضحك لي ضحكت السن مازار
هيضت من جاش الحشى ما طرالي *** وأخترت زينات المثايل والأشعـار
قـم يـا نـديـبي بالعـجـل خـذ مـقـالي *** مـعـك أمـانـه وصـلـه لأبـن عـبـار
وأشرح له الموضوع باللي جرالي *** ثـم اخبره عن حالتي سر وأجهـار
وقل أسع لي بالجاه ضاقت احوالي *** مـا بيـن بـيـبـان وزلازيـل وأجـدار
أشكي لأبو مشعل عريـب الخـوالي *** والـلي شكالـه مـا بـدالـه بالأعـذار
وأشـكي لـربعي كـاسبيـن النفـالـي *** أولاد وايل مرخصت غالي الأعمار
أشـكي لـكـم يـا سـامعـيـن المثـالي *** وين الرفاقـه وين ربعي هـل الكـار
وصـلاة ربـي عـد منـشي الخيالـي *** عـلى الـنـبي مليـون مـره وتـكـرار

* وقال عبدالله بن دهيمش بن عبار هذه القصيدة رداً على عليان بن جريبيع الربيلي : 409

جتـني رسالـة مـن شجاع العيالـي *** عليان يشرح لي ظروفه وما صـار
حـي الزميـل الـلي بقـافـه شكـالـي *** وأسنـد لنـا شكـواه مـن بـد الأنفـار
والـلـه مـا أذخـر كـان ليـه مجـالي *** سعيـت لـه بالـواسطة عـنـد الأمـار
قلت أنهوا الموضوع طال المطالي *** قـالـوا تصبـّر قـلـت مـاني ابصبـار
قـالـوا يـبـات بـمـوقـعــه لا يـزالـي *** مسجـون حـتى فيـه نعيـد الأنضـار
ونصيت اللي شال الحمول الثقـالي *** فـرح رفيع الشان دواس الأخطـار
قـال أنتـهـت مـا عـاد فيـهـا جـدالي *** يطلـق صراح القـرم مع رد تعبـار
وجـيـتـك أبشـر يـا عـنيـد الرجـالي *** ابشر بتعجيل الفرج يا أبن الأخيار
وأرجـوك تسمح يالسنافي خـمـالي *** كاني معك قصرت بالموقف الحـار
سـرت وعـلى رب العـبـاد أتـكـالـي *** ولا خير باللي عند وقت اللزم بـار
وخطـو الرجـل يا مسنـدي هملالي *** وقت الرخا صاحب وبالضيق غرار
يضحـك معـك كنـه رفـيـق مـوالـي *** لا شك ما ينفعـك كـان الزمـن جـار
وصلوا على المختار عـد الرمـالي *** وأعداد مافوق البسيطة من أحجار
يتبع

تابع
*- قال عبدالله بن دهيمش بن عبار يسند على خلف بن سعود الخمعلي : 410

يا راكب الـلي فـوقهـا البعـد يـدني *** شف الغريب إلى انتوى صوب نوه
هـاف جديـد ومـن حفيـزه وردنـي *** من معرضه وصل لنا الجمس تـوه
يا سايـق الـوانيـت سافـر وعـدنـي *** حـث الـسـرى فـي كـل عـزمٍ وقـوه
عـجـل تـرانـي بانتـظـارك تجـدنـي *** هـات الأجـابـه مـن مخـوف عـدوه
أوصـل خلـف وعـن حوالـه أفـدني *** سـاس الشهـامـة والنـقـا والمـروه
أشكي عـليـه الحـال هـمي هجـدني *** عـزي لحـالـي مـن عـذابـه وسـوه
يا مسنـدي فـرقـا عـشيـري لهـدني *** والوجـد بـلـوا مـن زمـان الـنـبـوه
أشكي على أبو سعود خلي عقـدني *** عقـد الرشا كـان أنثنـا مـن اعلـوه
شفي باللي عوده من البيض لـدني *** من خيرت الأدنين مـا هـي اربـوه
خـلي فـقـدتـه يـالـزمـيـل وفـقـدنـي *** الصـاحـب الـلي بالـردى مـا تـفـوه
أبـعـدت عـنـهـم يـوم ربـي قـردنـي *** لا شـك عـلمي عندهـم مـا ايتشـوه
أرجـوك يـا المـنعـور لا تـنـتـقـدنـي *** مـن لا تـولـع بـالـهــوى وهــنــوه
قـلته وأنـا مرابط عـلى حـد عـدني *** ما أقـدر على النوهات مهما أتنـوه

* قال خلف بن سعود الخمعلي هذه القصيدة رداً على زميله عبدالله بن دهيمش بن عبار : 411

يا راكـب الـلي مـن أمريكـا وردنـي *** الـلـه يـسـهــل لــه طـريـقـه ونـوه
هــاف حـمـر حـدايــده مـا يـبــدنـي *** يلـفي لأبـن عـبـار سـاس المخـوه
والله مالوم اللي اشتكا من أم ردني *** شـي خـبـرتـه مـع بـنـات السمـوه
أن كـان خـلـك قـيمـتـه يـنـوجـدنـي *** هــذا الـحـلال ومـا تـوريـت ســوه
واليـا حظيـت بنـاعـم العـود تـدنـي *** أغـديـك تـاجـد عنـدهـم عـلـم تـوه
وأنـا بـعـد يـا الـقـرم خـلـي نكـدنـي *** حالـي هـفـت مـا عـاد بيـه امـروه
يـا حـن قـلـبي حـن خـلـج يـحـدنـي *** عـلـى ولـدهـن تــو مـا طـش بــوه
وأن ارجعن لهن المطارق سجـدني *** حـنـن ولاجـن وأيسـن مـن أوتـوه
عـلى ولـيـف فـات خـدنـه وخـدنـي *** يـا بـعـد جـوي عـن منـازيـل جـوه
البعـد عـن لا مـا عـشيري فـردنـي *** وأنــا كــذلــك مــا قــدرت أتــنــوه
واليا وصلتـه فـاز بـي مـا جحـدني *** وفي بوقـت الغـرات مالـه اضـروه
وصـلاة ربـي عــد مـا هــل ودنــي *** عـلى الرسـول الـلي اشـاع النبـوه

* وقال خلف بن سعود الخمعلي هذه يسند على عبدالله بن دهيمش العبار: 412

يا راكـب الـلي فوقـهـا الـدل يزهـن *** مـامـونـة مـن سـرعـهـا ناجـبـينـه
إلـى مـشى يـقـطع فيـاض يـهـابـن *** أسـرع بسيره مـن مسير السفينـه
يـلـفـي عـلى قـرمٍ مـبـاديـه يـطـرن *** لا جـيـت أبـن عـبـار ثـن الهجيـنـه
عطـه القوافي مـن زميلـه بـلا مـن *** ملـزوم خـطـي يمسكـه فـي يمينـه
وقـلـه زميلـك سـاطي فـيـه جرحـن *** طال الزمان ومبعـدن عـن خـدينـه
ألعـي كما الراضوع أو حايـرن ون *** عـقـب الرضاع وتـوهـم فـاطمينـه
وأعوي عـواء ذيب ضلوعه يلجـن *** أهـل الشـلايـا بالـوحي خـارعـينـه
وايبس حـالي يـا مـلأ يبست الشـن *** ولا خــلــوج بــوهــا جـادعــيـنــه
لـوا عـشيـري دونـه الـقـور يزمـن *** وراء القصيـم وحـايـل والـدفـيـنـه
ما هي من اللي في عهدهن يبوقـن *** الـلي وعـدهـن يـخـلـفـنـه ابحـينـه
مع البكار اللي على الحوض وردن *** وضح ولايـف باوسط الذود زينـه
حـالي بعـدهـن زي حالـت رضيعـن *** أمـه تـوفـت والـعـرب مـهـمـليـنـه
أصـبـر كـمـا تصبـر زمولـن ايدنـن *** والـكـل مـنـهـن للـثـقـل حاجـزينـه
وصـلاة ربـي عـد مــا نـاض بـرقـن *** عـلـى رسول مـسكـنه بـالـمـدينـه

* قال عبدالله بن دهيمش بن عبار هذه القصيدة رداً على زميله خلف بن سعود الخمعلي : 413

حي الكتـاب وحـي مـن ولـف الفـن *** يـا مـرحـبـا بـه عـدد رمـلٍ بـليـنـه
قـلبـي فـرح بـه والمعـالـيـق هـلـن *** تـرحيـب مشتـاق لشـوفـت ظنـينـه
يـا مـرحـبـا بـك دون شـك ولا ظـن *** حييـت يا راعـي العـلـوم السمينـه
يا أبـو سعـود خطوطكم يـوم يلفـن *** أفـرح بهـن والقـلـب هيـّض كنينـه
تشكي هوا اللي دونه القـور حالـن *** ومـن يبـتـلي بالحـب ربـه عـوينـه
نويت أغـني وأنـت يا مسندي غـن *** شكـواك زادت في ضميري غبينـه
تشكي وأنا قلبي على صاحبه حـن *** ولا يـنعــذل قـلــب تـزاود حـنـيـنـه
وأنا بعد دونـه عـواريض وأشطـن *** خـلي بـعــيـد الـدار ويـنـي اويــنـه
الـوجـد مبـطي حيّـر الفـكـر يا هـن *** وكلن شكى من حب موضي جبينه
إلى لمحت اشفاف وعيون واوجـن *** ينبـت مـن معـلـوق قـلـبي منـيـنـه
يا كثر من هو قبلنـا بالهـوى أفتـن *** ويا ما جـرى بيـن القـرين وقرينـه
باسباب ليلى قيس به مس من جن *** وجميـل يشـكي مـن محبـة بـثيـنـه
ومحسن تغزل بالغزل عود وامسن *** وبـصـري كـذلـك كلـكـم خـابـرينـه
المسعـد الـلي عن دليل الهوى كـن *** قـلبـه دريخ وتـقبـل الـنـوم عـيـنـه

* وقال خلف بن سعود الخمعلي يثني على عبدالله بن دهيمش بن عبار : 414

سلام ياللي شفت في صفحة اليوم *** يابن الكرام اللي على الطيب معتاد
رفيـق صادق عـزه الله عـن اللـوم *** وتشهد على قولي شغاميم الأجواد
عـبـدالـلـه العـبـار ميـراث شغمـوم *** مـن لابـة عـنوانها يـزهى الأمجـاد
أحـب عشـران الوفـاء دايـم الـدوم *** وأرفع مقـام النفس عـن كـل نـقـاد
أضحك مع المخلوق والسر مكتوم *** من شان يجهـل غـايتي كـل حسّـاد
سر الرجل لا باح دريت بـه القـوم *** والهرج سموه العرب شوك الأكباد
أن كنت لا ظالم ولا صرت مظلـوم *** أرتحـت مـن هـذرات ناشـد ونشّـاد
بعض الصداقة سرها صار ملغـوم *** مكشوفـة يا مسنـدي قـدم الأشهـاد
العـل مهمـا كـان واضـح ومفهـوم *** والمشكلـة تدري بها عجـم وأكـراد
يا حيف كيف البيض قدر لها سوم *** البنـت تجلب مثـل مـا يجلـب الـزاد
راعي البدل يختار قسمه من الكوم *** ويرضن به الخفرات لو كان هلباد
ملـزوم حـل الوضع يالقـرم ملـزوم *** حيث أنت مـن لابـه يفكون الأذواد

* قال عبدالله بن دهيمش بن عبار هذه القصيدة رداً على الشاعر خلف بن سعود الخمعلي : 415

سمـيـت بـاسـم المعتـلي حـي قيـوم *** سبحان رفاع السماء مالها اعمـاد
ومن بعد ذكرك يالولي قلت منظوم *** جـواب قـاف الخمعلي قـرم الأولاد
حي الكتاب اللي به الشعر مرسوم *** حـزت لـفـاني كـنـهـا أيـام الأعـيـاد
مهـديـه قـرم مـن شغاميم واقـروم *** خلـف سليل اللي بفعل الفخـر سـاد
فـكره غـزيـر وعنده القيـل معلـوم *** فـهـيـم فـي حـل المـعـانـي وقـصّـاد
سـده عـن الحساد بالشمع مختـوم *** ومن بـاح مكنونـه تعـرض للأنكـاد
يا خـلـف دنيانـا بهـا غـم واهمـوم *** ملزوم عن بعض العرب نلزم حيـاد
يا أبو سعود الناس ما تترك الزوم *** وأكثـر سقـاط الناس للناس حسـاد
أحـذر مـن الـلي بينكم ينقـل علـوم *** ولا يصغي العاقـل على كل سرمـاد
أقـولـهـا ولا نجـمـل النـاس لملـوم *** لكـن نخص بقـولنـا بعـض الأفـراد
مثل الطيور اصنافها الصقر البـوم *** ولا كـل طـيـر لـه مخـالـيـب صيّـاد
ودنـيـاك هـذي بـيـدت دولـة الـروم *** ولا وفرت يا القرم شداد ابـن عـاد

*- وقال عبدالله بن عبار يسند على لافي بن محمد بن عبدالدايم الجعفري : 416

سر يا قلم وأكتب عبارات بحـروف *** أكتـب وسجـل من عـذيات الأمثـال
يهـدى لقـرم دوم بالطيب موصوف *** لافـي عـريب الجـد والعـم والخـال
من عـزوة بالموزمة تقرب الخوف *** جعـافـرة بالكـون فرسـان وأبطـال
كم عايل جاهم من الزوم ما يشوف *** وأقفـا معيف ومارج العقل باذهال
بالمـرجـلـه لهـم سجلات واكشـوف *** ولا نتقـن التوصيف يا طيّب الفال
يا أبـو محمـد خـافي السد مكشوف *** أريـد افيدك كـان تنشد عـن الحـال
الراس صاراليوم بالشيب منصوف *** الـوجـد شيـبني وأنـا جـيلي عيـال
بلاي غـرو مـن العماهيج غطروف *** وجـدي على زين الحلايا والأمثال
مالـه مثيـل مـن الغـنـاديـر هانـوف *** ولا ايقـلـدنـه لـو تـزهـن بالأشيـال
والله يا لولا قولـت النـاس ملقـوف *** لا سوح مثل اللي خلط عقله اهبال
خـلي بعيـد وموطنه ديـرة الجـوف *** وأنـا بقعـافـز بيـن وديـان واجبـال

* وقال لافي بن محمد بن عبدالدايم رداً على عبدالله بن عبار : 417

حي الكتاب اللي به القيل مضيوف *** يـا مـرحبـابـه عـد مـا ركـب اخيـال
يا مرحبابه عدد طوف ورا طـوف *** حجـاج تطلب خالقـه حسن الأعمال
يردون زمزم حيث في ميها نـوف *** الـلـه مفـضـلـهـا شـهـالـيـل وأزلال
بالقرم ابن عبـار بالطيب معـروف *** الـلي مـدح ربعـي ذريـبيـن الأفعـال
مجناه من لابة أهل شلف وسيوف *** فـي ساعـة يـبـطـل بـهـا كـل عـّذال
عـدوهم ينحي عـلى مـدة الشـوف *** يا ما رموا في عصر الأكوان خيال
وأن كان خلك موطنه ديرة الجوف *** الـلـه يـدنـي بـيـنكـم قـرب الأميـال
لا تاخـذ الأيـام حسرات واحسـوف *** الـلـه يـبـدلهـا عـلى حسـن الأبـدال
ولا ينفع الهيمان لويصفق اكفوف *** وافطن تـرى دنياك نكبات وأهـوال
وصلاة ربـي عـد مـا هـب نفنـوف *** عـلى الرسول اعـداد ما هـل همـال

* وقال لافي بن محمد بن عبدالدايم ينتقد الذين يلعبون الورقة : 418

يا شيب عيني كل أبوهـم لواعيـب *** فازوا عـلى لعـب الورق يا خساره
ما فكـروا يا مسندي وشـو العـيـب *** العـيـب الـلي مـا يـلـتـقـابـه نـمـاره
العيـب عيـب وكـل عيـب عـذاريـب *** لعـب الورق يا نـاس مابـه سفـاره
لا صار ما تلاعب حسين التراحيب *** لـعـب الـورق يـرث بكبـدك مـراره
لا صار ما ترقـب بروس المراقيـب *** وتنظر على فياض تطارد خضاره
وتشاهـد الغطروف زيـن التعاجيـب *** وإلى حصل فرصة تجي له زيـاره
وإلى وصلت لصاحبك طاهر الجيب *** عـد الصحـيح ولا تـقـول القـمـارة
قـله عن اللي صار لك من عواقيب *** يـا زيـن بـعـدك بالضمايـر حـراره
حـتى يبـيـّن لـك جـمـيع المـواجيـب *** وإلى عـطاك العـلم عـطه الأشـاره
عطـه الوكاد ورتـب الهـرج ترتيـب *** والعـبـد وقـتـه مـا يجي باختيـاره
ولا كـل من هاوى البنات الرعابيب *** يـاخـذ شـفـات الـبـال بـأول نهـاره
ولا كـل مـن دار الشلايـا غـدا ذيـب *** الذيـب الـلي لا غـار ياخـذ اخيـاره
الذيب ذيب ويفهم الصوب وايصيب *** ما هو الذي يجبر ضلوعه اجباره
مـا هـو الـذي يطـلـب بلـيا مطاليـب *** الـلي عـلى الجـيـران يـشـب نـاره
الخايـب الـلي مـا يجيـب المكاسيـب *** تـمضي حـيـاتـه كـل يـوم بـعـزاره
عسى الذي جنب عـن الحق تجنيب *** عـلى صـفـات الحـق يـقـرأ قـراره
تكتـب عـنـاويـنـه ويـأتـيـه تـعـذيـب *** ويركى على جمرن تقادح شراره
وعسـاه دايـم مـهـزلـة لـلأجـانـيــب *** حـتى مـع الأقـراب تـنشر اخبـاره
أقـولـهـا ولا فـيــه شــك ولا ريـــب *** وزودٍ عـلى هـذا نسـوق الـبشـاره

* قال عبدالله بن دهيمش بن عبار هذه القصيدة مجاراه لقصيدة لافي بن محمد بن عبدالدايم : 419

قـال الذي يعـرب من القيـل تعريـب *** يخـتـار مـن زيـن المثايـل خـيـاره
يـا لافـي المنعـور يـا ماكـر الطيـب *** أسمـح لـنـا يـا عـز ضيفـه وجـاره
مـن قـلـة الونسة غـدينـا لـواعيـب *** لا شـك مـن يخـطي يجـوز اعـذاره
نـلعـب ولكـن مـا نـكـب المـواجيـب *** ونفهـم سلـوم الباديـة والحضـاره
أخيـر مـن لعبـه مماشي العبـاعيـب *** بالروض اللي تنعشك بنة ازهـاره
مع الفلا وتصعـد بروس الشناخيب *** ويمضي نهـارك بيـن قـاره وقـاره
وأخيـر من لعـبه تحـدي النواصيب *** إلـى تـلاقـوا عـنـد خطـو السمـاره
والكـل يبغـي حـظـوتـه بالمعـازيـب *** مثـل الجمال الـلي طليقـه اهجـاره
وأخير من لعبـه إلى رحـت خطيـب *** هويـان والمطلوب تقـدر احضـاره
تلقـا عشيرك يكرب الطنب وأيليـب *** مـشـتـاق مـا عـنـده لـودك نـكـاره
وأخيـر مـن لعبـه شطير المخاليـب *** مقـناص بالـلي مـن نـوادر حـراره
تعجـبـك هداتـه عطيـب المضاريـب *** راعـيـه مـبـطي عـوده لـلـصقـاره
وأخير من لعبـه محاظى المحاديـب *** يفرح بهن الـلي شبت النـار كـاره
فـي ربعـة تلـقـابهـا العـود والطيـب *** فيها الرجال اللي سوات السعـاره
وأخيـر من لعبـه ملاقى الأصاحيـب *** الـلي عـلى يـمـنـاه والـلي يسـاره
فـي مجـلس مـا يـلتـقـابـه أجـانيـب *** مـن عـزوة ما هـم هذاليـف حـاره
وأخير من لعبه إلى رحـت تغـريـب *** مـن فـوق هـاف مـا يـوني غيـاره
لـفـه شمـال ولا تـميّـل عـن البـيـب *** حـتى غـريب الـدار يوصـل ديـاره
ولالي على مـا قـلت يالقرم تعقيـب *** وأخيـر مـن كثـر الكـلام أختصـاره

*- وقال الشاعر هزاع بن زيدان بن محمد الهزاع هذه القصيدة
يسند على عبدالله بن دهيمش بن عبار : 420

مـبـداي بسـم الـلـه خـلاق الأكـوان *** رب العبـاد الـلي لـه النـاس ركّـاع
عـز الجلال المعتلي جزل الإحسان *** الجـن والإنسـان خـضع لـه وطـاع
سبحان رب الكون سبحان سبحان *** رب الملأ شـاد السما ومهـّد القـاع
أرسـل نـبـي الخـلـق بـآيـات قـرآن *** وعـذاه رب الكـون عـن كـل طماع
أرسـل نبي الخلـق هـادي للأيمـان *** أرسـل نـبي الخلـق هـادي وشفـاع
بـديـت بـالـلي للمـخـالـيـق رحـمـن *** ومـن بعـدهـا انظـم تناظيم الأبـداع
سارالقلم يكتب على الطرس قيفان *** أبـيـات شـعـر قـالـهـا فـكـر هــزاع
أكتـب سـلام بـكـل حشمـة اوقـران *** للخـال أبـن عـبـار سطرتهـا بسـاع
أكـتـب سـلامي مـع تحـيـه لـه الآن *** أكتب ردودي يا قـلم لـه بالأسـراع
سجل لـه المكتوب في ميز وأتقـان *** حـيـثـه فـهـيـم ولـلـتـمـاثـيـل بـّداع
بيـطـار للقـيفـان وللشعـر فـهـمـان *** أخـذ مع الشعـار جولات وأصـراع
يعرف معاني القيل باشكال وألوان *** يـبـدع وفـكـره لـلـتـمـاثـيـل طـبـاع
بـتـرتـب القـيفـان مـا كـان بـحـلان *** قافه كما التاريخ يشرح به أوضاع
جاني جوابك تقـل منظـوم مرجـان *** ورحبت بـه تعـداد مـا هـب ذعـذاع
حزت قريتـه نظـم الأشعـار لي زان *** نظمت أنا القيفان باشكال وأنـواع
نـوعـتـه ولانـي مـن القـيـل تعـبـان *** رتبـت مـا نـوعـت بـأبيـات اسنـاع
سار القـلم بالقيـل فـي عـد الأوزان *** يقول أومـر وأنـا لـك دوم مطـواع
سجـل جـوابي دون غفلـة ونسيـان *** والـقـلـب مـنـي كـن يـكـواه لـكـاع
دونـت رد الخـال والـقـلـب حـيـران *** يا خـال والـلـه مـا تهنيـت بهجـاع
سهرت طول الليل حتى الفجر بان *** بس القلم والطرس مابين الأصباع
من ظيـم غـرو صـار للقـلب فـتـان *** حـبـه تـبيـّن بـيـن كـل الـمـلأ وذاع
عيّن سفاراتـه مع اوفـود وأعـوان *** ركـز وعمـّر سور ما بين الأضلاع
من سببه يالخال ما شفت نصحـان *** بـحـبـه فـتـني وصـار للحـال قـلاع
ما أنساه لو ما بادل القـلب سهيـان *** لـو يعـذلون النـاس مـاني بسمّـاع
فجـر همـوم القـلـب تفجيـر بركـان *** وأشـعــل بـقـلـبي نـار قــزٍ بــولاع
أرجو السموحة كان بالقيل نقصان *** أعجـل لي بردك ترى قـلبي أنـراع
واختامها صلوا عـلى نسل عدنـان *** سـلام عـدد ما سطع نـور الأشعاع

* قال عبدالله بن دهيمش بن عبار هذه القصيدة رداً على هزاع بن زيدان بن محمد الهزاع : 421

سميـت بسـم الـلـه ونظمـت قيفـان *** رد الجـواب انسجله حـال الأسراع
جاني كتـاب وزال همي والأحـزان *** كـنـه قـراح ومـن شـهـالـيـل نـبـاع
قاف الذي ما قـال به هـرج بهتـان *** الوايلي وقـت اللـزم يـوفي الصـاع
تعـيش يالـلـي فـي معـانـيـه فـنـان *** أرفع نظرك وصوب برج العلا راع
وترى نبوغ الموهبة فكر والسـان *** وأحـذر تـدور فـي دوانيـك مهـزاع
حـنا بزمـان مابـه اسنـان واعـنـان *** كما تشاهـد مـا بـقي سيف وأذراع
يوم الفخر والعـز في رمح واسنان *** كـل البشـر تلقـابهـا راس وأكـراع
وخلاف ذا شـديـت صنع المريكـان *** ونـيـت هـاف ولـلـرهـاريـه قـطـاع
إلـى مـشى مـا يـلحـقـه كـل نيسـان *** ما ظنتي عطش الدريول ولا جـاع
سار الفجر مـداد من هضبة العـان *** من عندنا شرق طريقه على نطاع
وقبل الضهر ملفاه بحـدود خيطـان *** متعـني لهـزاع فـي تـلـك الأصقـاع
واليا وصلت لحد مشروع الأسكان *** كلن يقـول اقـلط هـذاك ابـن هـزاع
وصـل تحـيـاتي لـذربـيـن الأيـمـان *** وأخـص عــزو بـالـمـلازيـم بـتــاع
وبـلـغ تـحـيـاتـي لـشـيـب وشـبــان *** ربـع عـلى الشـدات للحـق مقطـاع
ود الجـواب الـوايـلي نـسـل زيـدان *** سـلايــل الـلـي لـلـمـعـاديـن قـمـاع
جـده محـمـد مـن مـقـاديـم عـربـان *** من لابـة يثـنـون كـان الدخـن ثـاع
وخالـه عمى عين المعادي لويـزان *** سبع تسلسل من صناديد واسبـاع
بالمرجلـه ينتبـك مـدعـج وعجـلان *** هـل الفخر يوم المغازي وألأطماع
مـن راس لابـة مـا تنـدق للأطمـان *** كبيرهم والـلي عـلى الديـد رضـاع
هزاع يشكي لي مـن الوجـد هيمان *** وكم واحدٍ عناه طرد الهوا وضـاع
الحـب دربـه بـه مـلاوي وشعـبـان *** درب الهـوا كلـه ضنـابيـب وأتـلاع
مثل السراب اليا بدا وأنـت ظميـان *** تجـري وراه وكـل مـا تقـربـه زاع
لا يجـذبـك يا مسنـدي كـل غـويـان *** أحـذر يكـون الغـرو بالحـب خـداع
يـا القـرم حب البيض للقـلب فـتـان *** كـم واحـدٍ مثلـك مـن الحـب ملتـاع
عندك خبرهن كيف سون بمـروان *** غلن بجرحه ما شكي حـر الأوجاع
أن كان تشكي يا فتى الجود بلشان *** أدحم وعنـد الله مناهيجهـا أوسـاع
حيث العذارى اليوم يشرن بميـلان *** أجـمع دنانيرك تـرى العـود طمّـاع
وأن كـان جيبـك بالـدنـانيـر مليـان *** أقـدم لها وأخطب ترى العـود بيّـاع
أرض أمهـا والعـود تلقـاه رضيـان *** وأدفـع مهـرها والخواتـم والأدلاع
واحسب عليه مثـل دانين الأعـوان *** بالمـال نبـذل كـان يالـقـرم لـه داع

* وقال هزاع بن زيدان بن محمد الهزاع هذه القصيدة يسند
على عبدالله بن دهيمش بن عبار : 422

سر يا قلم بالطرس من دون تأخير *** أكتب وأنا أمليك من نظـم الأشعـار
سطـر عـذي القيـل باجمـل تعـابيـر *** وأحذر تأخـر حين تبدي بالأسطـار
أبـد الكـلام بـكـل حشـمـة وتـقـديـر *** ازكـى سلامي نـرسلـه لأبـن عبـار
ومن بعدها بالقـاف نكتب أساطيـر *** للخـال أوضـح ما بدالي ومـا صـار
يا الخـال أقضي الليـل كلـه تفاكيـر *** تنـام خلـق الـلـه وأنا أديـر الأفكـار
أسباب الـلي خلا عيـوني مساهيـر *** من شفت زوله مفتتن فيـه محتـار
غـرو خـدوده زاهيـتهـا الـدواويـر *** ردع عـلى الخـديـن كـا طـلـع نـوار
زاهـي جمالـه خـدر القـلب تخديـر *** زينـه فـتـنـي وصـار للقـلب سحـار
الـلـه وأكبـر شفـت منـه المخاطير *** أسقاني المجمول جرعـات الأمـرار
واجروح قـلبي صابهـا منـه تأثيـر *** وعـزي لقلبي هـدده كثـر الأخطـار
جيت الطبيب وقال تبرأ عـلى خيـر *** سجـل أشاعـة مع شراب بالأجـرار
قـلت آه جرحي ما طلع بالتصاوير *** أيضاً ولا ينشاف لـو جبـت مجهـار
قـال أنتظر حـتى نشوف التقـاريـر *** ثـم قـام يحضر كـل ماسجل احضار
ممـا حصل يا القـرم بيّـنت وأشيـر *** أن الطبـابـة بالـهـوى مـا لـهـا كـار
والختم سامح كان بالهـرج تقصير *** أو جتك منا مخطيه يا أبن الأحرار
وصـلاة ربـي عـد سيـر المسافـيـر *** عـلى النـبي الهاشمي سيد الأبـرار

* قال عبدالله بن دهيمش بن عبار هذه القصيدة رداً على هزاع بن زيدان : 423

سميـت بسـم الـلـه ولـي المـقـاديـر *** رب الملأ عـلام في غيب الأسـرار
الـواحـد الرحمـن مجري الأعاصير *** رب الخلايق منزل مزون الأمطار
خـلاقـنـا رزاقـــنــا بـأيـده الـخـيــر *** المعـطي المـانع هـو النافع الضـار
أقـولـهـا تـهـلـيـل بـاسمـه وتكبـيـر *** وألـوذ بالخـلاق عـن واهـج الـنـار
باسمه بديت اصخر القاف تصخير *** تصخير رسم اللي بالأمثـال بيطـار
أمـثـال تـهـدى للرجـال المشـاهيـر *** صيد القروم الـلي يحبون الأشعـار
أهـديـتهـا لأهـل الوجيـه المسافيـر *** دونـتهـا وأخـص ربـعي هـل الكـار
مـن لابـة الفدعـان حمـر النواظيـر *** صفـوة فريض الـلي تكنـوا بعـقـار
هيـضني الشغمـوم نسـل المخاتيـر *** هزاع أبـن زيـدان صيروم الأحرار
صقر الحرار اللي يشوق الصقاقير *** طير السعد صاد الحباري اليا طار
مخـالـب الصـاروم مـثـل الشناكيـر *** فرخ الحرار اللي مخاليبها أشطـار
الـلي لهـا بروس العـوالي مواكيـر *** عـاداتهـا تـدمي عطيبات الأضفـار
أريد أشير أن كان تسمع من يشير *** لا تـتـبـع مـن صـد يالـقـرم بـأدبـار
خـذ الـكـلام ونــفــذه بـالـحــذافـيـر *** أخبرك طـراد الهوى غوص محـار
أحـد أن كانـه غـاص يـربح دنانيـر *** وأحـد يعـود وفايدتـه أربع أصفـار
يا مسنـدي حـذراك كـيـد الغـنـاديـر *** خـذ النصيحة من كـلام أبن عـبـار
قبلك محيسن شاف منهن مصاخير *** جرب وشاف وذاق من مرألامرار
وأطلب ولي الكون ربي لـك ايجيـر *** رب الملأ يحميك من كيد الأشرار
ثـم الخـتـام اعـداد مـا غـرد الطـيـر *** صلوا عـلى اللي للمخاليق مختـار

* وقال هزاع بن زيدان بن محمد الهزاع هذه القصيدة
أيضاً يسند على عبدالله بن دهيمش بن عبار : 424

سميت بسم الـلـه وأبديـت الأبيـات *** من حيث لي مقصود فيها ومرامي
أرسـل تحـيـاتي بـعـذب الـعـبـارات *** للـقـرم أبـن عـبـار نسـل الكـرامـي
ظمنتهـا التقـديـر وأيضـاً عـتـابـات *** عـتـاب شرهـة لا يـشـك بـكـلامــي
ودي أوضح ما حصل دون ميـلات *** أشرح لكم ما صار يا أبن الفهامي
ساعـة وصلني منك رد الجـوابـات *** رحـبـت بــه بـعــداد خـط القـلامـي
وأعـداد مـا ذيـع الخبـر بالأذاعـات *** وأعـداد مـا مسك القـلـم بالبهامـي
قـريـتـه وسـجـلـت رد الخـطـابــات *** ظمن الرسالـة مع مزيـد أحتـرامي
دونـتـهـا بالطـلح بـاجـمـل تحـيـات *** ممـزوجـة بـالـود وأنـبــل سـلامـي
أرسلتها يالخال في سـرع الأوقـات *** مـع طـارش يـدل شخصك تـمامـي
وصيته أنه دون مسكنك مـا ايبـات *** من دونكم يـا القـرم مالـه مقـامـي
شال الرسالـة من حساب الأمانـات *** يوصل لـك المكتـوب قبـل الظلامي
وفـاتـن ليـالي مـع ليـالـي كـثيـرات *** وأنـا أتحـرى الـرد منكـم اشمـامي
ما جـا جـواب ولا وصلني رسالات *** عسى السبب يالخال خيـر ونعامي
عسى الولي يكفيك شـر الفجيعـات *** تعـيش بـأمـن ولا تشـوف الألامـي
وضّح لي الأسباب عن كل ما فـات *** وأسرع بردك في عجل وأهتمامـي
وأقـبـل سلامي عـد نشـر المجـلات *** وأحـلا تـحـيـة للخـوال الحشـامـي
وصلوا على المختار سيد البريـات *** الهاشمي المبعوث هـادي الأنـامي

* قال عبدالله بن دهيمش بن عبار هذه القصيدة رداً على هزاع بن زيدان بن محمد الهزاع : 425

بسـم الكريـم أكتـب بيـوت عـذيـات *** من فيض جم القـاف بالفكر طـامي
جتني رسالـة مـن زبـون الـونيـات *** هـزاع بـن زيـدان نـسـل القطامـي
وفرحت بـه فرح العرب بالمخيلات *** وقـلبي عـلى رد التمـاثيـل ظـامـي
وكانـك تـبي عـن الرسالـة بيـانـات *** دونك جـوابي يا عـريـب العمامـي
الشاهد الله لك على الخال شرهات *** لا شـك خـالـك مـا يطـولـه مـلامـي
لـو جـاني المكتـوب رد الجـوابـات *** فـرض عليه مثـل فـرض الصيامي
رد الجواب اللي يجي منـك بالـذات *** ما أتـرك مرده لـو تركـت الدوامي
لكن ما جاني سوىالخط اللي فـات *** وجاكـم مـرده فـي سريع الـولامـي
تذكر لـي أنـك مرسـل خط وأبيـات *** مـع واحـدٍ يعـرف جـميع الأسـامـي
أقسمت لـك بالله رسالتك مـا جـات *** فتش عـن المندوب يمكن حـرامـي
بعض العرب عنده تضيع الأمانات *** والظاهـر أنـه يا فـتى الجود كامـي
أنشد مندوبك ثم هـات الخبـر هـات *** لعــلـنـا نـطـبـق عـلـيـه النـظـامـي
والـلي تعـاوج يستحـق الـجـزاوات *** ودك أداقش به عـلى البـاب زامـي
فـي كـل يـوم توقـفه سـت ساعـات *** على رجـل موقوف فـوق الـدرامي
وتكتب عليه من المحاضر سجلات *** حـتى يـتـوب ولا يـعـود اتـهـامــي
أقــولـهـا ولانـي لـلأجــواد شـمـات *** نسـل الرجـال معطـريـن الحسامي
وأن كان تشكي لي غرام الخوندات *** كم واحدٍ مثلك شكى مـن الغـرامي
عالج هموم القلب يالقـرم باسكـات ***ذ ولا تنخدع بمعـورجـات الوشـامي
يتبع

تابع
*- وهذه الأبيات من شعر خالد بن معيبر السحيم يسند على عبدالله بن دهيمش بن عبار : 426

سميت بسم اللي خـلق كل الأرواح *** الـواحـد الـمـعـبـود رب الـعــبـادي
أبـدي بذكره دوم وأدعـي بالأفـلاح *** والكـل يـا رحـمـن باسمـك يـنـادي
زان المجـال وصـار للشعـر ميلاح *** هــذا هــوا بـالـي وغـايـة مــرادي
قالوا قصيدك كنه الرس ضحضاح *** وسجلت من فيض القريحة نشادي
وبـديـت قـيفـاني عـذيـات وامـلاح *** أمـثـال تـشـبـه للجـنـيـه الـرشـادي
مـن جـم عـدٍ مـا نـزل فـيـه مـيـّـاح *** سيـلـه تحـدر مـن شنـاخيـب وادي
مثـايلـن نـاخـذ بـهـا لعـب وأمـزاح *** والقيـل نظمـه صـار شي اعـتيادي
أقـولـهـا ولانـي لـشـرواك نــطــاح *** حيثـك يا أبن عبـار قـولك سـدادي
نذخرك في وقت اللوازم لنا سـلاح *** عـز الـرفيـق وضـد كـيـد المعـادي
وصـلاة ربــي عــد مــا رايـح راح *** عـلى الـذي للخـلـق قـدوه وهـادي

* وقال عبدالله بن دهيمش بن عبار رداً على خالد بن معيبر بن سحيم : 427

حي الكتاب الـلي لفـاني عـلى نـاح *** أبيـات مـن فيض القريحـه أجدادي
كلام يوصـف بالبلاغـه والأفصـاح *** منظوم ابن معيّبر عـريب الجـدادي
والقلب كالصندوق من دون مفتاح *** مـا ينـدرى وش داخلـه بالـوكـادي
والـرب يعـلـم بالخسارة والأربـاح *** ولا خيـر في هـرج على غير قـادي
ومن دوّر الأمـداح يزهـاه الأمـداح *** ومن سار بالكوبة غشاه السوادي
من زان حظه يا فتى الجود ماطاح *** كان أعتدل حظه يحوش المجـادي
ومن لا شفاه الـلـه ما اشفاه جّراح *** عـبـرت لـك عـن نـيتي وأعتقـادي
عن الخمال أسمح لنا وأنت سمـاح *** سجـلـت منـظـومي بكـل أجتهـادي
ولا أنت بعلوم الفخر تلبس أوشاح *** يـا عـل يفـداك الـردي و الربـادي
وأختم كلامي بالـذي شـاد الأبطـاح *** شفـيـعـنـا المخـتـار يـوم الـتـنـادي

* وقال عبدالله بن دهيمش بن عبار يسند على خالد بن معيبر السحيم : 428

يا مـرحبـا حييـت يـا خلفـت سحيـم *** عـز الله أنك ياأبن الأجواد شغموم
يالصيرم اللي من مواكـر صواريـم *** ياللي حريبك ما تجي عينـه النـوم
جاك الجواب الـلي بنيته على ميـم *** وأبـغي مـرد القاف يالقـرم ملـزوم
أنشدك ويش اللي يزبن عـن الظيـم *** راعيـه يبقا بعـز لـو كـان مهـزوم
مـن يـملـكـه يـزداد قـدره بـتعـظـيـم *** لو كان عاقه صار بالقدر محشوم
من كثـر عـنده نـال حشمة وتكريـم *** وأن قـل صار من التقادير محروم
يعطيـه رفـاع السمـاء منشي الغيـم *** ويـمـنـه الـلـي للـمـخـالـيـق قـيـوم
لـكـن وجـوده فـيـه حـلٍ وتـحـريــم *** من عند خلاق الملأ فارض الصوم

* وقال خالد بن معيبر بن سحيم رداً على عبدالله بن دهيمش بن عبار : 429

يا راكب مـن فـوق عـذي التصاميم *** الفيـن ميـل يقـطعـه فـي قـدر يـوم
مثل النداوي يوم يخوي على الريم *** سافـر سريـع وسلـّم الخـط تسلـوم
مـلـفـاك قـرم مـا ذكـر بـه مـثـالـيـم *** عبـداللـه العـبـار مـا قـيـل مـذمـوم
جـاني جـوابـك فـيـه لـغـز وتعـاليـم *** حـي الكتاب اللي كما الـدر منظـوم
والـلي تقـول أنـه يزبن عـن الظيـم *** المال لغـزك يا فتى الجـود مفهـوم
خـلا كثـيـر النـاس صـارت مقـاديـم *** لـو فعـلهـا بيـن المخاليـق معـلـوم
نـاس تـفـخـّم بـالـريـالات تـفـخـيــم *** الـلـه يخـون المال يرفع بـه البـوم
ولا الـردي لـو كـان عـنـده دواهيـم *** ما ينحسب ذكره مع الناس مكتوم

* وقال خالد بن معيبر بن سحيم يسند على عبدالله بن دهيمش بن عبار : 430

سر يا قـلم وأكتب تناظيم الأوصاف *** أكتب وسجـل من حسين القوافـي
من واهس رقيت في راس مشراف *** رجـم عـلى كـل المـراقـيـب نـافـي
جبت القلم والبوك وبديت الأصناف *** ونظمـت قيـل مـن التعـابيـر وافـي
مهديـه لـلي في مجـال الفخـر نـاف *** مرسـل لأبـن عـبار حيثـه اسنافي
قله ترى ابن سحيم من حالته عاف *** من واهـس بالقـلـب زاود خلافـي
نمشي طحوح ولا وصلنا للأطراف *** مـثـل الـذيـن يـطـردون الـمـقـافـي
مـا ينرجع يا مسندي كل مـا طـاف *** والحـظ مـا يقعـد اليـا صـار غافـي
ودنياك هذي نوب خيرات وأريـاف *** وأحيـان تقحـط بالمحـل والجفافـي
وصلاة ربـي عـد مـا طـاف طـواف *** وأعـداد مـن زار الحـرم باعتكافي

* قال عبدالله بن دهيمش بن عبار رداً على خالد بن معيبر بن سحيم : 431

حي الكتاب وحي من عد الأوصاف *** يا مرحبـا بخـط الـرفيق المصـافي
جاني جوابك وأنت للشعـر صـراف *** مـثـل الجـواهـر غـاليـات اخفـافـي
تشكي لنا كيـد الليالي بهـا أعجـاف *** كـم واحـدٍ يـالـقـرم طـب المهافـي
أن اقبلت دنياك تركب عـلى الهـاف *** وأن أدبرت عزاه لك سرت حـافي
مـن قـل مـالـه قيـل خـايـب وبـلاف *** ومن كثـر مالـه فـاز لو كان هافـي
وترى الزمن جوره مثل جورهياف *** عـذب أسـيـره وأوثـقـه بالكـتـافـي
والحمد لـلـه يـا فـتى ما بنـا خـلاف *** بـسـط وعـدال وكـل شـي عـوافـي
أن تحملت الدين من أجل الأضياف *** مـا هـو خـسـاره لـو تـعـده الافــي
مـار الخسـارة بالتبـذر والأسـراف *** مثـل الهبـا يذهب عسى الله يكافـي
ولا الردي لو يجمع المال ما نـاف *** تـالـي مـصـيـره لـلـفـنـا والـتـلافـي

* وقال أيضاً خالد بن معيبر السحيم هذه الأبيات يسند على عبدالله بن دهيمش بن عبار : 432

بديت بسم اللي رفـع سبع الأطبـاق *** رب الملأ الرازق والعـبـد مـرزوق
ومـن بعـد ذكـر الله دونـت الأوراق *** من فن قافي سجل البـوك منطوق
كتبت لك مـن صافي الفكـر بقـنـاق *** حيثـك يا أبن عبـار مبداك موثـوق
أشكي عليك الحال والقلب محـراق *** كن الوقود بداخـل الجوف معلـوق
والله يا لو القـلب يجلـب بالأسـواق *** كود أشتري قلب بداله من السوق
وإلـى بغـيـت أرتـاح الفكـر مـا لاق *** مـا لاق قـلبي لـو كتمتـه بصنـدوق
أنشـدك عـن رجـل اليـاقـال صـداق *** وإلـى مشى يـدم أثاريـه مـن فـوق
ما فيـه عظم وناحـل جسمه ادقـاق *** يقـول ما يطريه من غيـر منطـوق
أنشدك عن أربع سريعات وأسباق *** وحـده تسير وغيرها ضل مفهـوق
ولـو ايتونـن كلهـن صابـك اخنـاق *** وجودهـن بيـن المخاليـق مشفـوق
وأنشدك عن شي له العين تشتـاق *** ياما جمع ما بين عاشق ومعشوق
ما ينتهي لـو كان تبـغي لـه افـراق *** متسلط وحكمـه عـلى كـل مخلـوق

* وقال عبدالله بن دهيمش بن عبار رداً على خالد بن معيبر السحيم : 433

سميـت بسـم الـلـه قـسـام الأرزاق *** الخالق اللي بأمره الغـيث مسيـوق
جاني كتاب القرم عساه ما ايعـاق *** حي الكتاب اللي به الشعـر مرفـوق
من خالد اللي وافر المدح بـه لاق *** مـا يـوم قصر طيـب العـلـم بحقـوق
من ساس لابـة ما تدنق بالأعناق *** يشهد لهم محروت ودهام وصفـوق
يتلون اللي صينيتـه عشرة حلاق *** مقدامهم ماهوعلى الصوت مسبوق
وأفطن ترى دنياك تسقيك تريـاق *** تسقيك عـذب وثـم تسقيـك مطـروق
ولا الرجال اللي كما قـلت صـداق *** هـذا القـلـم يالقـرم بالخشم مشقـوق
ولا البكار أن صح ظني بالأوفاق *** هـن العـواصـف يتبعـن كـل طـاروق
والشي اللي تذكرله العين تشتاق *** هـذا الرقـاد يـريـّح الجـفـن والمـوق
وأنشدك عن الـلي تعلى بالأطباق *** لا هـو جمـاد ولا يجـد روح مخلـوق
مـتعـلـق ولا يـاصلـه كـل سـّواق *** لـو سار طول الليل أو سار بشـروق
متعلـق يالقـرم مـن دون معـلاق *** لـه مـوقـع بـيـن الأكـاويـن مـرمــوق

*- وهذه القصيدة قالها عبدالله بن دهيمش بن عبار يسند على مفرس بن
عقاب الذيابي العتيبي : 434

شـنـتـي عـلـكـتـهـا بـالـجــاونـيــه *** يـالـمـطـوع لا تـلـوم الـلي لعـبـهـا
يالمطـوع شفـت بعـيـوني صـبـيـه *** شـاب قـلبي يالمطوع مـن سببهـا
شـفـت خـفـرة ليـتهـا قـربـه دنـيـه *** ليـت جـدي يالمطوع مـن عربهـا
ليت أبوها من المهـر يطلب عليـه *** ليت أعـد سياقها وأشـري ذهبهـا
لـيـت أحـصلـهـا عـلى سنـة نبـيـه *** ليـت حـظي يالمطـوع لـي كسبهـا
لـيـت سـاسـه بالمنـاسـب وايـليـه *** ليـت يـقـرب يالمطـوع لـي نسبهـا
وعذاب القلب ما هي من السميـه *** رحـمـة المـولـى عـلى جـدٍ نجبهـا
عـزي لـقـلـبي تـولـع بـاجـنـبـيــه *** مـن نظـرت لـزولهـا قـلبي رغبهـا
يعـلم الـلـه كنهـا شمس اضحويـه *** أشرقـت بالكـون مـا شـي حجبهـا
مـن لـمح جمـالهـا تخـلـف نـويـه *** كـن بـدر الليـل مـن حسنه وهبهـا
كنهـا الـلي قادت خشوف الظبيـه *** شافـت القـنـاص بالـريع ورعـبهـا
قـادت الـغـزلان بـالـقـاع الخـلـيـه *** وأنتحـا عـنهـا المبندق مـا قـربهـا
واعـذابـي يـوم تـبـسـم بـالـثـنـيـه *** هي منا نفس الولوع وهي طلبهـا
لـو نـوصـف بالحـلا ذبـل اشـفـيـه *** در بـكـره تـو بـالـطـاسـة حـلـبهـا
ولـلـه لـو ما تعتبـر عيب وخطيـه *** لا أنهب اللي بالهوى حالي نهبهـا
وهـني مـن لايـمـه قـبـل الـمـنـيـه *** نـار وجـدي حـرق فـوادي لـهبهـا
لو جلبت الروح من أجلـه ضحيـه *** قيس قبلي بالهـوى روحـه جلبهـا
والخـفـاجي هـام بـحـب الأخـيليـه *** سوج رجلـه مـا تملـل مـن تعـبهـا

* وقال مفرس بن عقاب الذيابي العتيبي هذه القصيدة ينصح زميله
عبدالله بن دهيمش بن عبار العنزي : 435

هـاضني خـطٍ كتـب باسـمي وليـه *** بـه حروف هيض الخاطر عجبهـا
خط ابـن عبـار شـوق الغشمـريـه *** من هوا المجمول جاعينه غضبها
كان شفت الزين في وقت العشيـه *** سـج قـلبـك فـي نحـاهـا وأرتكبهـا
ولا أنـا بـبـلادهـا مـالـي نـحــيــــه *** معرض قـلبي وفكري مـا رغـبهـا
شـف بـالـي ساكـن بـنجـد العـذيـه *** والله أعلم في هوى العين وطلبها
يـالـمعـنى كـان عـيـنـيـنـك شـقـيـه *** والكـرى لا طالـت الـمـدة حـربهـا
أستـمـع مـني نصيـحـة لـك هـديـه *** عـدهـا من بال نـاصح وأحتسبهـا
حـيـث لـك يـالـقـرم بـر ومـقـدريـه *** مقـدريـه للخـوي عـالـي عـتـبهـا
أنصـحـك يـا شـوق مجـلي الثـنيـه *** والنصيحـة لا تفـوتـك وأتعـقـبهـا
أنتبـه حـذراك مـن خـطـو الـدهيـه *** لا يـغـرك زيـنـهـا ولا تـنـتخـبـهــا
وكـان ودك تـتـخـذهـا لـك هـويـــه *** خصها يالقرم وأنشد عـن نسبهـا
ولا تـشــد خـيـالـةٍ قـالــوا رديــــه *** الهليبـة بالسـبـق يفـتـر عـصبهـا
لا تعـدي الشـوف فـي هـذي وذيـه *** دار ما نعـرف فحمها من حطبهـا
وأبـي أدلـك كـان تـبـغي لـك وديـه *** ساسهـا ثابـت وتجني من رطبهـا
لا تــمــنـا كـود هــانـوف زكـيــــه *** والـزكـيـة مـا تـنـدم مـن نـجـبـهـا
مـن بني عمـك وبالأصـل عـنـزيـة *** عينها يضفي على الوجنة هدبهـا
حسن خلق وزين زول وطيب نيـه *** والهواوي من حياتـه مـا قضبهـا
شـوفهـا يغـنيـك دام النـفس حـيـه *** هـي منا نفسك وهي غايـة طلبهـا

*- قال محمد المزعل العنزي هذه القصيدة يسند على عبدالله بن دهيمش ابن عبار : 436

قـال مـن هـو بالمثـل ما يستعيـره *** رتـب القيفـان وأعلـن مستشـاري
من صميم الجـاش أبـدي بتعبيـره *** خـأيـف من الناس تقول أستعاري
مـا أستعـيـره لا وعـلام السـريـره *** حيـث مالـي بالأعـارات أفتخـاري
الأعـاره قـولـهـا عـيـب ومعــيـره *** للرجل أن كان يدرى من المزاري
الأعـارة حـفـظهـا مـا هـو بـريـره *** مـن صحبها بين كل الناس عاري
الأعــارة لـو هـي دروبـه كـثـيــره *** ما تفيد أن كـان تيهـت المسـاري
ومـن شرح للناس أسـرار لغـيـره *** ما أستفاد الا العنا وكثر الهـذاري
ومـن هجا الأجـواد باقـوال حقيره *** مخـطـرٍ يـأتـيـه رجـل مـا يـداري
الـتسـرع لـلـرجـل شـر وشـريــره *** من تسرع شاف لوعات وعزاري
والـتـأنـي فـيـه لـلإنـسـان خــيـره *** مـن تـأنى سـار فـي درب مـنـاري
ومـن تـعـلـم للـمثـايـل مـا تحـيـره *** كـان فكـره صاحي وللقول ضاري
ومن كتم عـن المخاليق السريـره *** ذاك كـل النـاس تهـديـه الـوقـاري
ومن يدور الفانيه عـنـد القصيـره *** عـسى داره لـلـزلازل والــدمـاري
عسى ربي يجعـل عيونـه ضريره *** جعـل حـظـه بـيـن بـيـاع وشـاري
ومـن يـدور الغـانمـة يلقـا نظيـره *** والفخر والطيب له شكل ومواري
قـلتـها وبـديــت بابـيـوت شهـيـره *** للفهيـم أهـدي جـوابي وأعتبـاري
راكب الـلي مـا تـونى فـي مسيـره *** سار بأمن الله ولا خاف المـداري
رنج روفر ما احترق فيه الضفيره *** لا تحـرك عادتـه قطع الصحـاري
أن مـشى بالقـار ما تـوحي زفيـره *** وأن تحـدر بالسهـل ثـار الغبـاري
والشكامن لا مشى تسمع صفيـره *** مكمـل التركيب منجوب أختيـاري
وده الـلي بالنقـا صـافـي ضـميـره *** أنص أبن عبار من دون أنتظاري
توصل المنعـور من قبل الظهيـره *** أوصل المنعور في مبـدأ النهـاري
هـات رد القـاف وأحـذر لا تحيـره *** مـن قديـم قـولنـا فـيـه أختصـاري
قـل زميلك صار في تسعين حيـره *** والسبايـب منـك يا ذيـب الغـداري
لـيـه مـا رديـت خـطـي وأتـعبـيـره *** يـوم شفت الخط نصفه مستعاري
يا أبو مشعـل كـان متشابه كثيـره *** جاء لك المكتوب مع كامل خباري
ليت لـي أرسلت ملحوظة قصيـره *** ومن غلط يالقرم يلزمه اعتـذاري
نبـغي توضيح الصغيرة والكبيـره *** وأنـت ليـه بالنصيحـة مستشـاري
مستشـاري بالقـوافـي يـا مـديـره *** أستشيـرك كـل مـا أطريـت طـاري
أن غـلطنـا بـيـن بـحـرٍ أو بحـيـره *** أو غـلـطـنـا بيـن لـيـل أو نـهـاري
من أشارك تخبـره من دون غيـره *** عن جميع الناس اكبار وصغاري
وبـالـخـتـام أهـديـك تحـيـة عبيـره *** من صميم القلب لو طال أنتظاري

* قال عبدالله بن دهيمش بن عبار رداً على محمد بن مزعل العنزي : 437

راكـب الـلي بالخطـر يشـر انبيـره *** يسبق النسناس مع ريح الذواري
مـن مصانع دولـةٍ مـا هـي فقيـره *** مـا ربـوا سكـانهـا فـي جـو قـاري
وارد نيويورك جي أم سي مديـره *** صمـم الوانيـت وأنـواع الـلـواري
بالصنـاعـة صممـه شـراب بـيـره *** من سلايل جرج ما يدرى النكاري
سبرمـان وقـام فـي حوفـه خبيـره *** كـنـه الشيهـان لا شـاف الحبـاري
سايقـه صنديـد واعلـومـه شهيره *** بالسفر صبار مـا هـاب المسـاري
كان دق السلف وشغل بـه سميره *** كنـه السكران ما يخشى الخطاري
يطـوي الأقـفـار فـي مـدة قصيـره *** يوصل اللي في حولي له محـاري
أوصل أبن العـم وأبـده بالسريـره *** وبـلـغ المنـعـور ردي وأعـتـذاري
قـدركم يـا مسنـدي عـنـدي كبيـره *** مار ظرف اعمالنا شي أضطراري
غـارق بظـروف ومشاغـل كثيـره *** ورغـم هـذا ملـزم بـردك أجبـاري
والعذر يا شوق من ينقض جميره *** الهنوف اللي كما الظبي الحياري
لا تـطيع الـلي يـبي شـن المغـيـره *** قولـه من الصح يالمنعـور عـاري
العـلـوم الـزايـفـه مـا هـي بـريـره *** لا يـغــرك مـن يـدورون المـزاري
ودي أن القاف مـا توقـف مسيـره *** أترك أهل الثرثرة وأهل الهـذاري
من تعلـت سمعتـه يـرفـع عشيـره *** والفخر والطيب تظهر لـه مواري
ومن تدانت سمعتـه ينعـاب غيـره *** بالعـرب معـدود مـثـل أم العبـاري
وكـان فـكـرك صايـرٍ مني بحـيـره *** لا تطيع ظنـون فكـرك والطـواري
قالها اللي لـك معـزه فـي ضميـره *** قـول صدقٍ وأنت بالمكنون داري
بالـكلام الشين لك ما جبـت سيـره *** وأن ذكرتك باعتزازي وأفتخـاري
حيـث الـلي شرواك نعـده ذخـيـره *** درعي الواقي عن طعون الشباري
ساعدي زنـدي اليا عميت مطيره *** عضدي الأيمن اليا صار الجواري
باللـزوم أبغيـك لأخصامي نحيـره *** وأنت تفخر بي وبعلـومي أتمـاري
يـا بـعـد كـوبـان يـفـداك العـثـيـره *** الـلي فـتح للـردى مكتـب عـقـاري
للسـوالف جالس فـوق الحـصـيره *** مقـصـده بـيـّاع للمهـروج شـاري
يفـرح إلـى قيـل بـك كلمـة معـيـره *** وأن سمع بـك مـدح يـدم الأثـاري
رافـق كـرام البشر وأتـرك دشيـره *** والضراغـم مـا تشبـه للضـواري
الهدوس هروجـهـم دايـم حـقـيـره *** الـردي خـلـه عـسى مالـه ذراري
دام صافي الجم تشرب من غديره *** أتـرك الأوحـال واطمـال الخبـاري
صاحب اللي قلوبهم بيضاء منيره *** وأتـرك اللي قلوبهم مثل الغـداري
وخـل دون اللي كره لقياك صيـره *** ومن هجر خله مثل قدر الجعاري
والختام أهديك من شور المشيـره *** أرتـفـع وأحـذر تـتـقـا بـالـمـذاري

*- قال الشاعر محمد بن هلال العميان يسند على عبدالله بن عبار: 438

يـا ونـتـي ونـيـتهـا حـمس باللـيـل *** ونـت كسير طاح في تـالي القـوم
وتساوطن عليـه من سبـق الخيـل *** عطب صوابه بالضماير ومسموم
أسهر يابن عبار إلى طلعت سهيل *** وأون أنـا يالقـرم فـي دايـم الـدوم
لـي صاحب عيت تجيـه المراسيل *** وأنـا بوصله يا أبـن عبـار ملـزوم
وأن ما وصلته يا أبن عبار عزيل *** حلفت بالمولى عن الزاد لا أصوم
الوجـد أشقـاني ولا مـن محاصيـل *** كنت برجـاه مـن أول العـام لليـوم
والـلي أطناه الوجد لو قال يا ويـل *** يمكن يا أبن عبار ما هـو بمليـوم
ودنياك ما دامـت لساجـر ومنديـل *** واللي أبتلا بحب الغناديـر مظـلوم
أشكي لأبن عبـار قـرم الرجاجيـل *** وش حيلت اللي ما لفا عينه النوم
سبايب الـلي حـال دونـه عـراقيـل *** لـوهني مـن شاف خلـه ولـو يـوم
والمعذرة لا أوضح القاف بالحيـل *** وضحت لك لولا السما كلها غيوم

* قال عبدالله بن دهيمش بن عبار رداً على محمد بن هلال : 439

سر يا قلم وأكتب مبادي من القيل *** جواب قـرم من الرجاجيل شغموم
يشكى محمد من عشيره غـرابيـل *** عـزاه لـه من جايح الوجد مهموم
قبلك أنا من الوجد شفت البهاديـل *** كـم ليـل مضيتـه سميـر أم كلثـوم
أسهـر وأجـاوب صوتها بالتعاليـل *** أنـدب وليفي موقعه شرقي الكوم
وأن كان خلك حـال دونـه عراقيـل *** أصبر تـرى ما قـدر الـله مقسـوم
دور من البيض العفاف الغـراميـل *** تلقا غـرو مثله بألأوصاف معدوم
أبـد لـوليـه ثـم جـب لـه رجـاجيـل *** وأطلب بسنة الولي وأترك الهـوم
كانـه يجي بالقـاف صغـنـا تماثيـل *** كتبت له من صافي الشعر منظوم
حقـك عـلينـا نبـذل الحـال والحيـل *** وأن ما قدرت أفـّزع الولد والروم
وأنخا هل الردات لابة ضنا كحيـل *** الابـة اللي ترخص الروح بالسوم
ولا بة هل العرفا قروم المشاكيـل *** الابـة الـلـي تدحـر الخصم بهجـوم
أصبر عسى للحـل ناجـد مـداخيـل ** جاك الجواب ولا بهـا سـر مكتـوم

* وقال محمد بن هلال العميان يسند على عبدالله ببن دهيمش ن عبار : 440

البارحـة دمعي تحـدر مـن أقصـاه *** يـهـل دمـعـي مـا تـوقـف ولا يـوم
وجدي على اللي سافر القلب وياه *** خـلي شبـيهـه بالغـنـاديـر معـدوم
إلـى طـرالـي هـلـت العـيـن تـنعـاه *** وأفـز من طرياه من غرقت النـوم
وتهـل عـيني دوم من حـر فـرقـاه *** وإلى ذكرته أزعج الصوت وأقوم
لوا عشيري كيف يالقرم أباانساه *** أسمه ورسمه داخل القلب مرسوم
كيـف أتناسى فـرحتـه حيـن نيتـاه *** يالقرم عده يضرب القلب بسهـوم
خلي يا أبن عبار يا صعـب فرقـاه *** والحب يا مشكاي عادات واسلـوم
يا مسندي دونه حواسيـد واعـداه *** ومـن دون خـلي لابتـه كلهـم قـوم
ما فيـه عيب فـي هـوانـا أرتكبنـاه *** ولا صار جـرم بيننا يوجـب اللـوم
وش حيلتي يالقرم والهجر ماقواه *** هـذا مـن المولى مقـدر ومقسـوم
أفـزع لنـا يالقـرم بالشـور والجـاه *** والقـلب من فـرقاه يالقرم مسموم
الصاحب اللي دوم صابر برجـواه *** وأن مت من حبه يقولون مرحوم
وأن يسر الله يا فتى الجود جينـاه *** يا سعد من شاهد عشيره ولو يوم
وقلب العنا ما طاع من كان ينهاه *** القـلب مـا يقبـل نصايح ولا علـوم
زين الحلايا الـلي فـريـده مـزايـاه *** متمسك بواجب صلاته مع الصوم
وكم عاذل وحاسدٍ حكابي اليا جاه *** لا شـك مـا يسمع هذاريـم مذمـوم
لا شك خلي صادق الحب ما أبـداه *** وقبلي تولع بالهـوى كـل شغمـوم
الـرأي عـندك يالمعنى وأنـا أبغـاه *** والناس مبطي بين ظالم ومظلـوم
أبـديـت لـك يالـقـرم سـر كـتـمـنـاه *** وأبـيـه يـبـقـا بـيـنـنـا دوم مكتـوم

* وقال عبدالله بن دهيمش بن عبار رداً على محمد بن هلال العميان : 441

قـال الـذي خـط القـوافـي بـيـمـنـاه *** من قاف أبن عبـار بالفكر منظوم
رد البيوت اللي مـن القـرم مهـداه *** محمد شكى ليه من الوجد مهموم
يا محمـد ابن هـلال قـافـك قـرينـاه *** اللي شكا من الوجد ما هـو بلـوم
قـيس الملـّـوح قبلـك الحـب عـنـّاه *** ساح بسماهيد البراري بلا اهدوم
وجميل طاروق الهوى قبلك أشقاه *** وعنتر ابن شداد بالوجـد مظيـوم
ولو شفت توبه قـلت لـه لا وعـزاه *** أبن الخفاجي راح بالحب مرحوم
وطريح عفرا ليت لو شفت ما جاه *** عاف الحياة وسلـّم الروح تسلوم
وأبن ربيعـة جـرب الحـب باصبـاه *** عصى عـواذل لابته بني مخـزوم
وذريح من وجد الهوى قال ويـلاه *** صبر وغـل الغلب بالقلب مكضوم
كلـن شكى من حـب هنـده وليـلاه *** وريا ومي ومن يشابه لهـا اليـوم
تشـكي وأنـا مثلـك طعـنـي بشلفـاه *** سهـم النواظـر كنها حـد صـاروم
أنـا كـذلـك لي مـع البيـض مشهـاه *** سهرت حتى دوبح البدر وانجـوم
وأن كان مولى صاحبك يقبل الجاه *** أبذل من أجلك كامل الجهد وأقوم
هـيـا مـعـي نـنـصى ولـيـه ومـولاه *** ونجيب له زورات من كل زيزوم
واللي حسد يالقرم عندي له أهواه *** لا جاء على الصابر نلطـه بقـدوم
ومن لام راعي الوجد يا عل تنعـاه *** أمـه وجعـله طايح بأوسط القـوم
هـذا كـلامي وأنـتـبـه كيـف معـنـاه *** وضحت لك ماهي فوازير وحلوم
والخـاتمـه يـا مسنـدي يـا حـلـولاه *** أن الـفـرج يأتيـك مـن حـي قيـوم
وصلوا على من علم الخلق بهـداه *** الهادي الـلي ما ذكـر فيـه مثلـوم

*- وقال عبدالله بن سالم بن بختان يسند على عبدالله بن دهيمش بن عبار : 442

يا الله يا مسـقي الكبـود الحيـامـي *** يا خالـق الإنسان مـن طين قاعـه
أنت الذي برجواك في كـل عـامـي *** يـا واحـدٍ حـظي عـليـك أرتفـاعـه
يـا الـلـه يالمعـبـود ترفـع مـقـامـي *** يا رازق الـداب العمى في متاعـه
يا الله يـا منـزل سحـاب الغـمـامـي *** ترفـع عـن الإسلام شر المجاعـه
وخلاف ذا شديـت عجـل الـولامـي *** جمس يـودي العـلم بخلال ساعـه
تسمع وشيمه يوم يرقى العـدامـي *** وشيم اللي برقـه تلاعـج شعاعـه
ملفـاك أبـن عـبـار هـاك الغـلامـي *** اللي على الواجب طويله اذراعـه
يمه سريع الجمس يوصل سلامي *** مـع الكلام الـلي يجـوز أستمـاعـه
يا القـرم أنا طيبي نهـار الزحامـي *** ماني مـن الـلي طيبهـم بالدنـاعـه
هـذي صفـاتي يـا شبيـه القطامـي *** وأنا أعتبرها من صفاة الشجاعـه
وبتجـلع الـروقـات مـالي مـرامـي *** عـزيز نـفس ولا عرفـت الخلاعـه
أنـا عـشـيـر الـطيـبـيـن الـكـرامـي *** عز الخوي والجار ريف الجماعه
ولالي هوايـه في دروب الحرامـي *** والكذب ما أحطه لنفسي بضاعـه
أرغـب سوالـف مبعـدين العلامـي *** وأكـره مجالس عاشقيـن اللكاعـه
أهـل النميمـة حامـليـن الـوسامـي *** مـا أحبهـم لـو كـان فيهـم بـراعـه
بعـض الأوادم مـا عـليهـم ملامـي *** كـلامـهـم واجـب عـلـيـه ضيـاعـه
عـلـومهـم بالعكس مثـل الحلامـي *** مـار الرجل ما ينمسك من كراعـه
يرمون رمي ما يصيب الخصامـي *** ثـعـالـب مـا فـيـهـم الا الطـقـاعــه
أن جيتهم محتـاج وقـت المظامـي *** زادوا ظمـاك وعيفـوك الطمـاعـه
أبي انصحك لوأنت بالعـرف رامي *** عن عشرة الأنذال وأهل القطاعه
الـعـمـر مـا هـو دايـم لـك دوامــي *** لا تطيـع هـرج مصورين الأشاعه
وأسمح وسامح يا عشير الفهامي *** كلـن عـلى كيفـه يرتـب أشـراعـه
وتمت بذكـر الـلي أمـر بالصيامـي *** للخـالـق المعـبـود سمـع وطـاعـه
وصـلاة ربـي عـد رمـل الحزامـي *** عـلى رسـول الله راعـي الشفاعـه

* وقال عبدالله بن دهيمش بن عبار رداً على الشاعر عبدالله بن سالم البختان : 443

سـر يا قـلم وأكتب مبـادي كلامـي *** أنبيـك والمطلـوب عجـل أسراعـه
جـاني جـواب منظـمـه بالتـمـامـي *** الـقـرم هـرجـه نستـلـذ بسـمـاعـه
عبدالـلـه السالـم عشيـر الكـرامـي *** المـجـد يصعـد قـمتـه وأرتـفـاعـه
عاف الغـزل بمرودعات الوشامـي *** عن الغزل ينصح وعنـده قـناعـه
الـوجـد عـذب بالـرجال الحشـامـي *** عقاب العواجي جايح الحب لاعه
وعنتـر مروي مرهفـات الحسامي *** أعلـن لعبـلـه طاعتـه وأنصياعـه
ومجنون ليلى من الهوى ما ينامي *** عـزاه لـه مالاق لـو ربـع ساعـه
وفهيـد ابـن شعلان صابـه سقامـي *** سـوى بصملان الرفاقه فضاعـه
يـالـلي تـقـول أن المحبـة حـرامـي *** الحـب بلـوا والطـواعـه طـواعـه
من يطعـنـه يالقـرم سهـم الغـرامي *** لا بـد يشكي مـن بلاوي صداعـه
وترى الهوى يا مسندي والهيامي *** عـل خـفـي مـا يلـتـقـا بالأشـاعـه
وكم واحـدٍ من لوعت الوجد كامي *** ولا تاجـد اللي عنـه عنده مناعـه
نـرسـل لأبـن بـختـان رد السلامـي *** الـلي نصحني بالهـدى والوقاعـه
التقي اللي يخشى الخطأ والأثـامي *** ولا هومن أهل الدنفسه والدناعه
أرسـلـت لـه تـحـيـتي وأحـتـرامـي *** ونظم الشعـر وزنت مكيال صاعه
ونصيحـتـه قـبـلـتهـا بـاهـتـمـامـي *** النصح عنـد الناس مثل البضاعه
ينصح عن مرافق خطات الهلامـي *** العفن اللي عنده تضيع الوداعـه
حيث الردي ما أظـن ينفـع دوامـي *** عنـد اللوازم مـا رجيـت أنتفـاعـه
مـا يفهـم سلـوم العـرب والنظامـي *** نقـل النمايـم حـرفـته والصناعـه
الـلاش والهيس الرزيـل الخمـامي *** ما ارافـقـه يالقـرم حيثـه رعاعـه
خـلـه يـولـي عـسـى داره هـدامـي *** هـلـبـاج مـا ودك تـقـرب لـقـاعــه
والعـذر يالمنعـور قـبـل الخـتـامـي *** الفكـر عبـر من صميم أختـراعـه
وأنت الذي معـناك والقصد سامـي *** وحبل الموده مـا تريـد أنقـطاعـه
وصلوا على المختار سيد الأنامـي *** باعداد منبوت الشجـر والزراعـه
يتبع

تابع
*- قال مايح بن عويجان المضعان يسند على عبدالله بن دهيمش بن عبار : 444

يا راكب الـلي مـد وقـت الصباحـي *** هو منوة اللي للسفر جاب طاريـه
يمشي نهـار العـيـد يـوم الفـراحـي *** وايعـايـد الـلي دايـم القـلب باغيـه
الـلي قبـالـه مثـل شـرب القـراحـي *** الـوايـلي عـز الـذي يفـتـخـر فـيـه
عـز القريب وعـز مـن جـاه ناحـي *** الـلي عـلوم المرجـلـه مـا يخـلـيـه
هـذاك أبـو مشعـل بعيـد الشبـاحـي *** شـبـحـه بـعـيـد وطيـبـات معانـيـه
راعي الدلال اللي بها الهيل فاحـي *** الـوايـلي بـالجـود طـالـت يمـانـيـه
ذبـاح حـيـل وخـاطـره بانـشـراحي *** هـذي مفـاعـيـلـه وهـذي مـبـاديـه
عـبـدالـلـه الـعـبـار طـيـر الفلاحـي *** عسى الولي عن كل عاثور يذريه
الحـر الأشقـر كـان ضـم الجنـاحـي *** يعجبك مضرب صيدته يوم يرميه
ونـعـمٍ بـربـعـه طيـبـيـن المـراحـي *** ويلان وأن شان اللغى عند راعيه
عاداتهم وأن جاء نهـار الصياحـي *** خيـالـهـم مـن ناطحـه كـود يـاذيـه
أن ثارت الجدعا ترى الموت لاحي *** فرسان كـان الكون ثـور مثـاريـه
عـدوهـم يصبـح كسيـر الجـنـاحـي *** يـوم بـه الخـفـرات تكـثـر نعـاويـه
الـلي مـنـازلـهـم بـروس البـيـاحـي *** ريف الضعيف اللي قليله مواشيه
حيثـك بفعـل الطيب تلبس اوشاحي *** تستاهـلـه يالوايلي وأنـت راعيـه
يا عـز مـن ضاقـت عليـه المنـاحي *** وضيّع طريق كان يالقـرم ماشيـه
يا ريـف ضيفـه بالسنين الشحاحي *** عز الرفيق أن كان باحت عزاويه
قافك كما الهداج مـا هـو ضحاحـي *** أنا أشهد أنـه دوم تروى ظواميـه
يـزوم زومـات الـبحـر يـوم زاحــي *** الـلي بـه المينـاء ثـقيلـه رواسيـه
وأنت الذي قافك كما النـور ضاحي *** ومن تاه عن درب الحقيقه اتقديه
وصلاة ربـي عـد مـا الطيـر ناحـي *** عـلى محـمـد كـل مـا حـل طـاريـه

* قال عبدالله بن دهيمش بن عبار هذه القصيدة رداً على الشاعر مايح بن عويجان المضعان : 445

جـانـي كـتـاب زاد فـيـه أنشـراحـي *** مـن مايح عـويجان قافـه معـذيـه
مكتوب أبن مضعـان زاد أرتـيـاحي *** منظـوم لفظـه يبتهـج بـال قـاريـه
أنا أشهد أنـه حاضر الذهن صاحي *** النـادر الـلي طيّـب المـدح زاهيـه
أرجـوك يـا قـرم العـيـال السماحـي *** بحـر المفاخـر ما لحقـنا شواطيـه
والنيل مـا هـو كالسراب الضياحـي *** والناس كلـن موقفـه دون عانيـه
اقـولـهـا وأدرى الـكـلام الإبـاحـــي *** أدرك مرام الهرج من دون تنويه
واللي بفعل الطيب لبس الوشاحـي *** هذاك أخو قطنه على دور ماضيه
ذبـاح كـوم الحيـل معـطي اللقاحـي *** يـجـود مـا وفـر حـلالـه أيـنـمـيــه
كـل يـوم في بيته سوات الأضاحـي *** وأن جاله المحتاج يالقـرم يعطيـه
وقـت الغـلا مناديـه بالردن شـاحي *** اللي بعالي الصوت تسمع مناديـه
ولا الـذي عـلمـه بـعـيـد المشاحـي *** قيـران ابن مسدح زبون المداليـه
طـبعـه كـريـم ولا يـدينـه اشحـاحي *** يصعب على غيره سواته ايسويه
زوار بـيـتـه مـن جـمـيع الـنـواحـي *** الـوايلي عصم الشـوارب أداريـه
المـال زال ولا محـى المجـد ماحـي *** بـدد حـلالـه ثـم فضيـت مخـابـيـه
علـم الفخـر باقي لـو المـال راحـي *** والرزق عند الله ولا خاب راجيـه
والمـدح يزهى مخضبين الرمـاحي *** يوم المغازي والسرى والمناويـه
ولا زمـيـلـك لـو يـدور الـنـجـاحــي *** مـا يدرك المقصود لو كان باغيـه
مجهـد يـلـح مـن المـذارع لحـاحـي *** ولواجتهد ما ظني الخلق يرضيه
من بان علمه واشتهر مااستراحي *** ولا كل واجب يقدر الشخص يديه
ما أطيـق ذل السعسعـة والمـراحي *** ومن عـز نفسه ما يطمن علابيـه
وأطلب من الـرب الكريم الصلاحـي *** يا رب عـبـدك لا تخيّـب هقـاويـه
ودنيـا الشقـا مثـل هبـوب الرياحـي *** يصفق هـوا هيفه إلى هب ذاريـه

* وقال الشاعر مايح بن عويجان المضعان أيضاً هذه القصيدة يسند
على زميله عبدالله بن دهيمش بن عبار : 446

يا راكب اللي ضف جنحانـه وطـار *** مـن سرعـتـه يسرع بـرد الأجابـه
وإلى صعـد ياخـذ مع الجـو مشوار *** سافـر لأبـن عـبـار يحمـل خطابـه
مع السماء ماله عجاجة ولا غبـار *** يلـفي عـلى شخص عـزيـز جنابـه
يا مسندي مليـت مـن مسكن الـدار *** وأجـاوب الـلي يلعـبـون الـربـابـه
والفكـر يـا مشكاي حايـر ومحتـار *** والقلب يشكي من جوايح صوابـه
عـلى الـذي من دونهـا حالت ديـار *** وإلى أرسلت الخط ما جاء جوابـه
مضن ثمان شهـور مـا رد الأخبـار *** والله ما أدري يا ملأ وش جرابـه
وش حيلتي يا مسندي يا أبن عبار *** بالـلي تـوالـي الليـل قـلبي سرابـه
صبرت أنا عدي عـلى واهج النـار *** باقصى الضماير زاد حـر التهابـه
أسوج يا مشكاي من غـب ما صار *** وأقـنـب كمـا يقـنب جويع الذيابـه
وإلى طلعت أخاف يدري بي الجـار *** والجـار عنـد الناس مثـل القرابـه
الـعـيـن كـن بـوسـطـهـا ذر جنـزار *** والقلب عقب الزين غادي خرابـه
فكري غـدا من بعـد الأحباب فـّرار *** والهـم والهـوجـاس قـلبي سطابـه
والكبد فيها يا فـتى الجـود مسمـار *** وسـط الضمايـر ساطيـات حـرابـه
على الذي ما هو من البيض غـدار *** غـرو من الخفرات ما أحدٍ حكابـه
وش حيلتي يالقرم يا حـر الأحـرار *** بالصاحـب الـلي مستمـر بـعـذابـه
الـلي سقـاني مـن قـراطيع الأمـرار *** وجـروح قـلبي مـا يفيـد الـدوابـه
غرو لعب بي لعبت الغوش باقمـار *** والكـل منهـم قـام يضبـط احسابـه
عنـق الغـزال اللي تـربى بالأقـفـار *** ما حط فوق الراس سود العصابه
عـلمي بهـا يالقـرم فـي هـلـت آذار *** واليوم ما أدري وين قفت أركابـه
أرسـلـت للمجمـول خـمسيـن دوّار *** ولا فيهـم الـلي كامـل العـلـم جابـه
أبي الفزع يا مسندي مابها أعـذار *** أنـخـاك والـطـيـب لـربـعـه جـلابـه
أفـزع معي يا طيّـب الفعـل والكـار *** حيثك من أهـل المرجلة والمهابـه
خـتمـت قـافي وأشتكي لأبـن عبـار *** عـدي صـويـب ما تشافى صوابـه

* وقد رد عبدالله بن دهيمش بن عبار على مايح بن عويجان المضعان : 447

سر يا قـلم وأكتب بديعات الأشعـار *** منظوم أبن مضعان نرسل جوابـه
خطك وصل جابه من الغوش طيار *** الخـط والـمـرسـال يـا مـرحـبـابـه
حـي الكتاب الـلي لفـاني بالأسطـار *** وحـي الـذي بالقيـل سجـل كتـابـه
مايـح بن عويجان ممدوح الأذكـار *** الـنـادر الـلي مـن نضـانيض لابـه
مـن لابـة السلـقـا شغـاميـم عـمّـار *** ضد المعادي يـوم عصـر الحرابـه
يـتـلـون ساجـر دوم للخيـل سجـار *** سيفـه نهـار الكـون يدمـي اذبابـه
يا مايح كانك تشتكي ظيم وأضرار *** من الصاحب المجمول قلبك دوابه
الـوجـد مفعـولـه عظيمات وأكـبـار *** وجـد الغـرام اللي ضميرك شقابه
أن كان خلك من بني جنسها اخيار *** وكـل الأوصـاف الطيـبـه تلتقـابـه
أصبـر ولا تجهـر بمكنونك اجهـار *** وأجعـل بصدرك يالسنـافي رحابـه
مـا دام لـه كـزيـت خـمـسـيـن دوار *** ولا فيهم اللي صادق العـلم جابـه
وأنا بعـد جهزت من أجـل الأسفـار *** خمسين ما فيهـم لـك الـلـه خنابـه
ساروا وداروا في بوادي وحضّـار *** للـديـرة الـلي صـاحـبـك يلـتـقـابـه
وراحوا يحثون السرى كل الأنفـار *** وكـلـن لـزومـه بالمهـمـة مشـابـه
جالوا من الحله إلى حدود سنجـار *** والغـوطـة الفيحـا تمثـنـوا أبـوابـه
وجـوا للحماد ودوجوا فيه مشـوار *** وعـادوا وجابولي من العـلم ثابـه
وجبت الخبر لاشك كتمت الأسـرار *** راعي الحسد مـا ودي أنـه درابـه
مار أستمع قولي وخذ مني اشـوار *** أن كان صلب الراي تقبل صوابـه
هيـا مشينـا بالعجـل مـا بهـا أعـذار *** ومن كـن عنكم يقصف الله شبابـه
نـنخـا شغـاميـم المشـايـخ والأمـار *** زوره لأبـوهـا كـان عنـده صعابـه
ننجب من شخوص القبيلة ونختـار *** جميع الـلي علـم الفخـر ينهقابـه
صيد الرجال من الحمايل هل الكـار *** هم فرحت المضهود وقت الطلابه
وندفع مهرهـا لو يقول ألف مليـار *** مهـمـا طلـب عنـاز تدفـع احسابـه
أطلب عسى لك يقسمه وال الأقدار *** مظـنـون عـينـك بالحـلال أتعـثـابـه
ومن يطلب الرحمن مسعاه ما بـار *** والـلي يجـي مـن عنـد ربـك هلابـه
وصلاة ربـي عـد هـطـال الأمـطـار *** عـلى النبي المصطفى والصحابـه

* وقال الشاعـر مايح بن عويجان بن مضعان هذه القصيدة يسند
على زميله عبدالله بن دهيمش بن عبار : 448

أبـتـدي باسـم الـلـه الـرب الكـريـم *** خـالـق الإنسان فـي أحسـن صـور
محـيي الأمـوات لـو كـانـت رمـيـم *** باعـث الأمـوات مـن وسـط القـبـر
مـرجـع للعـود لـو عـرقـه هـشـيـم *** بعـد موتـه يـودع أغصانـه خضـر
منـشي الأمـطـار مـن سحـاب ديـم *** الـلي بـأمـره منـزل وبـل الـمـطــر
مـنـزل الـقـرآن فـي شـهـرٍ عـظيـم *** برمضان الـلي قـبـل شهـر الفـطـر
هـو ولـي العـرش دايـم مـسـتـديـم *** جامـع المخلـوق فـي يـوم الحشـر
خـالـق الـجـنـة ونـار لـه حـطـيـــم *** وبـالـقـيـامـة جـامـع كـل الـبـشـــر
واضـع المـيـزان فـي أمـره حكـيـم *** يـا الـلـه الـنـجـاة يـوم الـمستـقــر
يـا رفـيـع الـشـان بـعـبـادك رحـيـم *** بـالـخـلايــق خـالــق أنـثـى وذكــر
مدخـل مـن ترضـاه في دار النعيـم *** مـكـرمـه بـالخـلـد وجـنـات ونـهـر
لـك نـفـوض أمـرنـا وأنـت العـليـم *** عـالـم بـالـلـي نـكـنـه بـالـصــــــدر
وبـعـد ذكـر الـلـه أكـتـب يـا فهـيـم *** عـن حـيـات المجتمع عـلـم وخبـر
أكـتـب المكـتـوب بـالـخـط الـسليـم *** نحمـد الـلـه عـلى مـا جـاء بالقـدر
للرسالـة جهـز الجـمـس الهـمـيـم *** سـايـقـه صنـديـد مـا هـاب الخـطـر
حـركـه مـن عـنـدنـا بـعـد العـتـيـم *** يــم أبــن عـبـار جـاهــز لـلـسـفــر
تلـفي الـلي منـزلـه وسـط النـظيـم *** بـيـن كـل المجتـمـع عـلـمـه ضهـر
أبـو مشعـل لابـتـه عـوق الخصيم *** والـمـعــادي دوم مـنـهـم فـي حـذر
لابـتـه بالكـون مـا تخشى الغـريـم *** مـن نطحهم شـاف لـوعـات وقهـر
كـم طفـل من ضربهـم يصبح يتيم *** وكــم شـيـخ سـيـلــوا دمــه هــــدر
وكـم قـوم جنـدلـوا مـنهـا الزعيـم *** وخلـوا قـومـه بعـد فـقـده فـي كـدر
وكـان سـرد الخيـل غـدالـه رهيـم *** شـلـفـهـم بالـكـون تـقـص الضهــر
مـا بـديـت القـيـل بالغـرو الوسيـم *** لـو جـبـيـنـه سـاطـع مـثـل الـقـمـر
يا أبو مشعـل أنـت فهمـان وحليـم *** تفهـم الموضوع فـي لـمح البـصـر
المـزون الـلـي رعـدهـا لـه رزيــم *** هـقـوتـك تـنبـت زمـالـيـق الـزهــر
رودمـت يـا مسنـدي بـالجـو غـيـم *** غـيمـت والـنـاس يشكـون الـدهـر

* قال عبدالله بن دهيمش بن عبار هذه القصيدة رداً على الشاعر مايح بن عويجان المضعان : 449

قـال أبن عبـار مـن لفض الصميـم *** وأفـضـل المنطـوق قـول مختصـر
عـذت بالرحمـن مـن كـيـد الرجيـم *** وأستلمـت البـوك وأدنـيـت الشفـر
جاني المكتـوب مـن فـوق الهميـم *** وأنـتـدبـت بـساقـتـه جـمس حـمـر
منتـقـيـه مـن المعـارض بالـنسيـم *** مـن الـوكـالـة مـا تـعـلـواه الـنـفــر
تـونـي شاريـه مـن معـرض تميـم *** ميـم تسعـة مـا انكسـر زرع الكفـر
لا دعس بنصـه تقـل نوضت ظليـم *** كـنـه الـعـبـرود حـذفـه لـلـحـجـــر
عـاني وملـفـاه للشخـص الحـمـيـم *** مـايـح عـويجـان قـرم بـه سـطــر
أبـن سـايـر مـا بـدأ الهـرج العقيـم *** قاف ابن مضعان مضمونـه عـبـر
مــا يـسـب ولا تـغــزل بـالـحـريــم *** ولا مـرامـه فـي هوا بـيض النحـر
مـار قـلـبـه بـالـروابـع مـسـتـهـيـم *** يـوم فـكـر بـالـبـوادي والـحـضــر
لا تـفـكـر بـالـمـواطـن والـمـقـيـــم *** وساكـن البلـدان وأصحاب الهجـر
كـل جـمـع يـالـسـنـافـي لـه زعـيـم *** وش عـلينـا مـن ربيعـة مع مضـر
وكـان تـنشـد عـن خيـال لـه رزيـم *** هـقـوتي مـا بـان وسمـه بالشجـر
كـنـه الـسـراي بـالـلـيـل الـعــتـيــم *** تــاه دربــه تـاه والــديــره وعـــر
يا أبن سايـر مـا نجـد حـل البـريـم *** والـقـطـن مـا هـو شـبـيـه لـلـوبــر
أمــا حــل مـا تــدخــل بــه لــئـيــم *** فـي شهـر شعبـان أو مطلع صفـر
أو مـسـيـر بـيـن عـنـقـا والـهـزيـم *** تـسـلـك الـمـورات مع تـل الهـبــر
مـن عـلـوم شفتـهـا شـاب الفـطيـم *** وأنـت تـدري ويـن مقصود الـدور
أصبـر وعنـد الـولي جبـر الكصيـم *** بـأمــر ربـك كـم مـكـسـور جـبـــر
والـقـضـايـا حـلـهـا تـبـغــي عـديـم *** مثـل كون دهـام فـي وقعـت عفـر
الـزمـان أن جـار لـلـبـاسـل يـظـيـم *** والـحـداة الـيـوم تـحـدى الـصـقـر

* وقال مايح بن عويجان المضعان هذه القصيدة يهني زميله
عبدالله بن دهيمش بن عبار بمناسبة حلول العيد : 450

عيـد سعيد وكـل شخص فـرح فيـه *** يـعــود عـيـدك يـا زبـون الـونـيـه
الـلـه يـديـم البيـت بوجـود راعـيـه *** ويـديـم عـزك يا راعـي الغايـريـه
أنـت القـمـر وحـنـا نجـوم تـبـاريـه *** يا عـز مـن صارت عليـه الـدعيـه
علمك صعد يالقـرم فـي كـل تاجيـه *** ورفـعـت ذكـر الـعـزوة الـوايـلـيـه
ونعـم بأبو مشعل إلـى حـل طـاريـه *** والحـق كـلـن يـذكـره مـع خـويـه
يا أبن المعـنى فعـلكـم نفتخـر فـيـه *** طيبك غدا يالقرم شمس أضحويه
الـلـه يـعـزك يـا بـعــيـد الـمنـاويــه *** ودربـك عسى ربـي يسهـل نـويـه
أنت الـذي يالقـرم تعجـب مساريـه *** بالطيـب والنخـوة وفعـل الحـمـيـه
شمخـت بـيـت مـشيـدات رواسـيـه *** بـحـي الـنـظـيـم مشـيـدٍ بـالـركـيـه
دار نزلتـوبـه عسى السيل يسقيـه *** ويسقي أركـان الـدار مـن كـل فيـه
بيـت يـرحـب بالـمسـايـيـر بـانـيـه *** اليا شافـه الخاطر فـرح في مجيـه
يلفي عـلى اللي حين يلفي يحيـيـه *** يـذبـح لـه الحـايـل ومـعـهـا تحـيـه
مـع دلـة صفـرا عـلى النـار ماليـه *** دايـم يـصبـه لـلـوجـيـه الـرضـيــه
النجـر يضـبح والسوالـف اتلاديـه *** مـن واحـدٍ مـا قـيـل هـرجـه رثـيـه
هرجـه مثل نقـد الذهب بيد شاريه *** مثـل الجواهـر يـوم تلفض اشفيـه
عـلى النـبي نخـتـم صـلاتي ونـديـه *** عـلـى مـحـمـد سـيـد كـل الـبـريـه

* قال عبدالله بن دهيمش بن عبار هذه القصيدة رداً على الشاعر
مايح بن عويجان بن ساير المضعان : 451

حي الجواب اللي لي القـرم مهديـه *** مـن مـايح عويجـان مهـديـه لـيـه
شكـر جـزيـل بمـا ورد في معـانيـه *** جـزل المعانـي مـا علـومـه رديـه
أنـت الزميـل الـلي تشـرف مبـاديـه *** جتنـا التهـاني مـع جزيـل التحيـه
شـروى جنابـك نفتخـر بـه ونغـليـه *** وتشجيعكم يالـقـرم أعظـم هـديـه
نعـتـز بالـلي مـوقـفـه دون عـانـيـه *** ومصـدر فخـرنـا طيبيـن السميـه
والنـاس مبطي كـل شخص اتحليـه *** بـالـفـهـم ولا بـالـنعـوت الـغـبـيـه
والناس كلن صوب ساسك أتنـزيـه *** وتطلع مضامين الصـدور الخفيـه
مدحـتـني يـا عـز ضيـفـه ونـاصيـه *** أشكـر جـنـابـك يـا زبـون الـونيـه
الطيـب صـرحـه عـاليـات مـراقـيـه *** والسمعة الزينـة مـن الـله عطيـه
مدح الرجل من غير الأفعال تشويه *** والطيب مثل الحيد يصعب أرقيـه
الطـيـب صعـب ولا يـقـرب حـواليـه *** غيـر الثلاث أهـل العزوم القويـه
الـلي جلـب عمـره وباعـه لشـاريـه *** يورد على اللقوات حوض المنيه
واللي أرخص أمواله يبيده ويفنيـه *** تـبـذل يـمـينـه بالضحى والمسيـه
ولا الـذي نـال المنـاصب بـتـوجـيـه *** يحشم وعنـد النـاس لـه مقدريـه
وأن كان سمعتنا مع الناس توحيـه *** أجهد عسى شرواك يرضى عليه
حيثك من الـلي يفتخـر فـي دوانيـه *** وأشكرك يا مهدي البيوت العذيـه
مـن لابـة دخـيـلـهـا دوم تــذريـــــه *** يـوم الزمن يالقـرم روحـه وجيـه
يـتـلـون قـايـدهـم بـعـيـد الـمـدالـيـه *** ساجر زبـون الحـرد هاك الشفيه

*- قال سعود بن عويد الفرحان الجعفري يسند على عبدالله بن دهيمش بن عبار : 452

قـم يا نديبي فـوق منعـوبـة الساس *** أبـوهـا تيـهي وأمهـا بنـت أصيلـه
حمراء حماره يشتعـل تقـل مقبـاس *** صـم العضـود اكـواعهـا مستقيلـه
طويلت النسنوس مرفوعـة الـراس *** خـدمـن منـاكبـهـا فخـوذه جـليـلـه
تقـطع مهـاميـه الفيـافي والأرمـاس *** وتجفـل إلى شافت مع الـدو زيلـه
عرندسه حايل من الهجن عـرماس *** مـنـوة غـريـبٍ للقـرابـه ابـدي لـه
ركابـهـا يحمـل كتـابي عـلى سـاس *** يوصل جوابي شوق ناقض جديله
يوصل كتابي شوق مدقوق الألعاس *** القـرم أبو مشعـل عـريب القبيلـه
حيثـه فهيـم ومنهجـه كـل نـومـاس *** ربـه عـلى طـيـب الـنـوايـا دلـيـلـه
أشكي لأبن عـبـار من بـدت النـاس *** حيثـه من الـلي باللـزم ينشكي لـه
عزي لقلب هام من عقب هوجـاس *** وقامـت عواصيف الروابع تشيلـه
عـلى وليفي صار بالقلـب وسواس *** وش حيلتي يالقـرم كيف الوسيلـه
الصاحب اللي منزلـه يـم الأطعـاس *** لـه منـزلٍ بـيـن الجـلـد والـرمـيلـه
عـساه مـا يـقـطع رجـايـه بالأيـاس *** الصاحب الـلي مثـل ظبي الخميلـه
كم واحدٍ ربحه ضهر عقب الأفلاس *** ويـبـرد فـواده عـن لهايـب غليلـه
الغـرو الـلي يزهـاه جـديـد الألبـاس *** الـيـوم مـن دونـه مسافـه طـويلـه

* قال عبدالله بن دهيمش بن عبار هذه القصيدة رداً على الشاعر سعود بن عويد الفرحان : 453

مـبـداي بـالـرحمن خـلاق الأجنـاس *** رب الملأ مشـفي الجسـام العليلـه
ومـن بعـد ذكـر الله دنيـت قـرطـاس *** وسجلـت قيـل مـا كسبتـه هميـلـه
ردٍ على من يشكي شعور واحساس *** سعـود يشكي مـن مفـارق خليلـه
يا مسنـدي لا بـاس لا باس لا بـاس *** أصبـر عـسى تـنـال شفـك حـليلـه
ملزوم نرسل يا فتى الجـود عساس *** مرسول صوب الزين حتى يجيلـه
ولا تـرى طـرد الهوى بذر غـراس *** ولا كـل من يبـذر يحصل حصيلـه
الحـب دق بثـومـة القـلـب مـهـراس *** والكـل يشكي مـن غـرام الجميلـه
عنتـر لحومات الـوغى دوم مدبـاس *** وعقـاب خيال الطحوس الكحيلـه
وقيس شكي وجد الهوا وأبو نواس *** وتـوبـه ابـن حمير بعـد زاد ويلـه
وجميل عـلى صاحبه فكـره أنحـاس *** وأبـن الخفاجـي نـايح طـول ليلـه
ومحسن تعـذب بالهـوا وأبن دواس *** يـا مـا وقـفـوا بدروبهـن بالثميلـه
وبحر الهوا يا سعود يحتاج غطاس *** قعـره غميـق ولا لنـا فـيـه حيـلـه
ودنيـاك بـاقـت بالمهلهـل وجسـاس *** وكثر الطنا يا سعود مابـه وسيلـه
أنظـر تشوف رسـوم الأطلال دراس *** ما عاد لهـم فـي خايع الـدو زيلـه

* وقال سعود بن عويد يسند على عبدالله بن دهيمش بن عبار : 454

يـامـل قـلـب هـيـضـه كـثـر الأفـكـار *** من غب هاجس بالضماير مفاجي
أودع بمعـلـوق الضمايـر تـقـل نـار *** عنده مرض قـلبي وعنده علاجـي
لولا ضلوعي فـر قلب الشقا وطـار *** وأخشى يروح القلب مني هجاجي
من صاحبي جاني مراسيل وأخبار *** يـقـول هـمـه بـالـمـعـالـيــق لاجـي
قلت الخبر يا زين وش الذي صـار *** قـال أنت دالـه يـوم عـني أتجاجـي
أنـا أشهـد أن مـاني كـذوب وقمـار *** والمسعـد الـلي مـن بلاويـه ناجـي
عـزالـلـه أنـي يـا الأجاويـد محتـار *** والـيـه عـزانـي وأنـا كـنـت راجـي
وأنـا كما الـلي طفيت عنـه الأنـوار *** ما عـاد أوجه وين مسلك خراجـي
نويت أشاور من صليبين الأشـوار *** بالنـاس من يشبه فهـود الزراجـي
من روس لابه ما يهابون الأخطـار *** مـثـل نـمـر ولا عـقـاب الـعـواجـي
أشكي من فراق الغضي ريم الأقفار *** عـزاه يا قـلبي عـلى الزين ساجي
غديت كني قيس فـي ماض الأدوار *** سبـب بلاي أبـو الثمـان اللعـاجـي
أبـي أشتـكي للوايلي عـقـب عـقـار *** فـرقـا ولـيـفـي دونـه الـبعـد باجـي
يا بعد ديرت صاحبي يا أبـن عبـار *** دونـه جبـال ومـن وراهـن هباجـي
علمي بشوفـه يوم شلنا عن الـدار *** يـوم الـوداع بمسـفـهـل الحجـاجـي
قلت أنتظر خلك عـلى البعـد صبـار *** حيث أن مالي عنـد غيـره مزاجـي
لا بـد مـا نـأتـي عـلـى خـيــر زوار *** لازم نـزورك يـا ظـبـي الـنـبـاجــي
يـا أبـو جـديـل فـوق الأمـتـان نثـار *** بالصدر عنهن مقرن الثوب ماجي
يـا عـود ريـحـان تـغــذيـه الأنـهــار *** مـا لفحـه بـرد الشتاء والعجاجـي

* قال عبدالله بن دهيمش بن عبار هذه القصيدة رداً على الشاعر سعود بن عويد الفرحان : 455

حـي الكتـاب الـلي لفـاني بالأسطـار *** من قاف قـرم ما بهـرجه سماجي
الـوايـلي طـبـعـه بـعــيـد عـن العـار *** سعود زبن اللي عـن الظيم لاجـي
تشكي هوى اللي دونها حالت ديـار *** جهرت في شكواك ما هي مناجي
طلبت مني شـور وأعطيك الأشـوار *** عـسـاك بـالسنـة تـنـالـه زواجــي
أرسل لأبوهـا من طويليـن الأشبـار *** أزعق بعال الصوت وانخ العواجي
بالجـاه خلـك يـدركـونـه هـل الـكـار *** ولا بـد عقب الضيق يأتي افراجي
الـلـه يفكك مـن صواديف الأضـرار *** ويكفيك رب الكون شـر الخلاجـي
أصبر لتدبير الولي يا أبـن الأخـيـار *** وأشرب قراح الما وخل الهماجي
الـلـه يخـون الحـب لـلـقـلب سحـار *** مثل السهم صاب الضماير مفاجي
لا شفت اللي عضده تقل لون جمار *** هاج الضمير وكامن الفكر هـاجي
أن كـانـه أقبـل يـزهـر القـلـب نـوار *** وأن صد عني خلفه الخف ساجي
وأنـا بـعـد خـلي كـوانـي ابـمسـمـار *** خـلي شقـاي وفـرحتي وابتهـاجي
من البيض غيـره ما لـك الله نختـار *** ولا طيع لوم اللي بهرجه عفاجي
لولاي أبشع بـه من الناس وأغـتـار *** لا أقـول خـده مثل لـون السراجي
والحـب مبطي يفجـع الغـافـل الغـار *** ولا تاجد اللي منـه يالقـرم نـاجـي
كم واحـدٍ من وجدهـن ذاق الأمـرار *** يقـدح بقـلبـه مثـل قـدح البـواجـي
الـلـه يصـفي جـوكم عـقـب الأكـدار *** وتذهب أيام الوجـد مثـل الأحاجـي
أطـلـب لـك الـخـلاق عـلام الأسـرار *** الـلـه لا يـقـطـع رجـاء كـل راجـي
ودنـيـاك هـذي يالسنـافي لهـا أدوار *** مثل السراب إلى تبعـتـه هجاجـي
وختامهـا صلـوا عـلى سيـد الأبـرار *** عـلى الـذي نـور دجى كـل داجـي

* وقال سعود بن عويد أيضاً هذه القصيدة يسند على عبدالله بن دهيمش بن عبار : 456

عــزي لـعـيـن مـا تـريـد الـنـــوادي *** عـيـّت تـذوق النـوم بالليل ساعـه
رقـيـت فـي تـل طـويـل الـتـمــــادي *** يجـوز للقـلـب المشـقـا أرتـفـاعـه
وأخـيـل بـراق تـكـاشـف سـنـــــادي *** بـرقـه بعيد وقـام يوضي شعاعـه
خـلـتـه عـلى عـرنـان يـم الـشـدادي *** وعلى العماير والسطيحة وقاعـه
نـشـدت وقـالـوا جـاك عـلـم وكـادي *** عـرنان والمسمى تملت اقصاعـه
والـحـمـد لـلـه سـايـــلٍ كـــــل وادي *** لا شـك حـاول تـيـة لـلـجـمـاعـــه
وابـيـوتـهـم لـلـي يـبـيـهــم تـنــادي *** بـيـوت بـدو مـشـيـدات بـرفـاعــه
قـلت أشهـد أن أوتيهـم هـو مـرادي *** قـلبي عـليهـم دوم يكفخ اشراعـه
نـوب بـيـات ونـوب كونـه هـجـادي *** وأتلا زمـاني خايـف مـن ضياعـه
ربعـي بـني وايـل سطـام الـمـعـادي *** ضد العنيد الـلي فسر عـن ذراعـه
لا جـاهـم الـعـايـل يـقـولـون غـادي *** بهـم عـلى جـمع المعـادي قطاعـه
كـم عـايـل جـاهـم ولا عــاد عــادي *** خلـوا على الجثة تهارش اضباعه
بحدب السيوف المرهفات الهنـادي *** يرمون لمجيع البـواهـش متـاعـه
أشـكي لأبـو مشعـل بعـيـد المعـادي *** بعـد القرايب صـار مثـل الخداعـه
معـهـم ولـيـف مـا تركـتـه أعمـادي *** حطـيت لـي عنـد الحبيـّب اوداعـه
وش رايـكـم عـطـنـي كـلام رشـادي *** أنـا انـتـهـي ولا بـلاش الـقـنـاعـه

* وقال عبدالله بن دهيمش بن عبار رداً على سعود بن عويد : 457

أبـدي بـذكـر الـلـه قـبـل الـمـبـــادي *** اللي رفع صرح السما ومد قاعـه
ومن بعـدها اسجـل بيـوت اجـدادي *** قـيـل عـلى السـامع يلـذ استماعـه
جـاني جـواب سعـود حـر الهـدادي *** الـوايلي راعـي الكـرم والشجاعـه
يـبــدي وجـوده لـلـديـار الـبـعــادي *** دار الـرفاقـة بيـن طـي وقـضاعـه
يـبـي التمـشي فـي هـذيـك البـلادي *** متشـوق ومشتـاق يـبي الجمـاعـه
يشكي فـراق الزيـن ريـم الحمـادي *** قـلبـه عـلى المجمـول زاد التياعـه
أبي انصحك وأسمع كلام المنـادي *** كـلام ابـن سـبـيـّل يـفـيـد أنتـفـاعـه
يقطعـك مـن نقـل الصميل البـرادي *** لا تاخـذ الدنيـا خـروص ورمـاعـه
يا سعـود لـو شكيت عبـر الروادي *** وسجلـت قـافـك فـي محطـة أذاعـه
مـا ينفـع الهـيـمـان كـثـر الـدوادي *** خـل الـتـوجـد والـغـلا والـبـشـاعـه
مـا أظـن والـلـه تهتـني بالـرقـادي *** مـا دام خــلــك مـا تــوسـد ذراعــه
وأن كان تبي أعطيك رأي سـدادي *** شم للعـلا وأصعـد بـراس الرفاعـه
الحـر لا صـرد على الصيد صـادي *** الـريـش مـن كـفـه تطايـر ذعـاعـه
والنمـر الـلي عـزمه يهـد الجمـادي *** تـلـوذ بـه عـنـد اللـوازم اسبـاعـه
أزبن عـلى قـروم الرجـال النـوادي *** عـليـك بـأهـل المرجلـة والبتـاعـه
أصبـر كمـا صبر الشجاع المهـادي *** أصبـر ومـن راعاك يالقـرم راعـه

يتبع

تابع
*- قال الشاعر عازي بن سليمان الجعفري هذه القصيدة يسند على عبدالله بن دهيمش بن عبار : 458

راكب الـلي مـن ركوبـه مـا تـملـه *** دق لـه رقـمـيـن والـعــداد قـامــي
دق لــه رقـمـيـن قــرم عـارفــلــه *** ساقهـا الملاح من فـوق الغمامـي
يـوم صـمـم كـل شـي مــدبــل لــه *** كـل عـازه ضـامنينـه بـالـتـمـامـي
بـه جـهـاز مـواصـلات مضبط لـه *** وكمرات الأكتشاف عـن الزحامـي
خـارج التـصميم كـلش جـاهـزلـه *** هو هواي وهو مناي وهو مرامي
يـم أبـن عـبـار مـنـي عـانـيـن لـه *** وأن وصلتـه بـلغـه زاكـي سلامـي
فـي قـدومك كبش وامنعـنع ودلـه *** وخـاطـر يقـريك عـن لـذ الطعامي
لـو تـحـجـج مـا لقـيـت أيـات زلـه *** مـن ورد لـلعـد مـا جـاه الحيـامـي
يا أبو مشعل عيني دموعـه تهـلـه *** بـت ساهـر مـا تهنيـت ابـمنـامـي
مـن سبـايـب صاحـبي قـلبي يتـلـه *** تـل قـلـبي بـالمـحـبـة والـغـرامـي
راسـخ حـبـه مـثـل كـتـب المجـلـه *** أو كمـا رسخ الحديـدة باللحـامـي
شيب عازي كان خلـه مـا حصلـه *** أنتحوا بـه وأنقطع وصل العـلامي
أنتحوا في شوف غـرو صافي لـه *** مثـل كتب المطبعـه دق الوشامـي
الهـوى كلن شكى مـن ظيـم غـلـه *** الخـفـاجـي عـذبـه كـثـر الهيـامـي
ولغزك اللي بالمجلـه جـاك حـلـه *** حـلـه الخـزان يمـلأ مـن الجمـامي
يا أبو مشعل وش بنات بهن أهلـه *** هـولــنـي دارسـات بـالـنـظــامــي
حاكـمـات وحكـمهـن للشعـب كـلـه *** لو ما تطيع أمرهن جاك المحامي
ويش رجـل ما ايتحـرك من محلـه *** مـا يجـاوب لـو زهمتـه بالكلامـي
هـو طويل وهالني ما تشوف ظله *** ما يجي الجيران لو كانوا حشامي

* قال عبدالله بن دهيمش بن عبار رداً على عازي بن سليمان الجعفري العنزي : 459

قـال أبـن عـبـار فـي خـط السجلـه *** من صميم الجاش نظم لـه نظامي
قـاف عـازي يـوم جانا نحتفـل لـه *** مرحبـا بـه عـد مـا نـاح الحمـامي
مـن يوجـه لي رسايـل مرسـل لـه *** جـاك رد القـاف يالحـر القطـامـي
خطك الماضي زميلك ما وصل لـه *** لا ورب الـبـيـت خـلاق الأ نـامــي
لـو وصـل يالقـرم كان اقـراه كـلـه *** ثـم أسـجـل رد فـي كـل أحتـرامـي
والـسـمـوحـة كـان بـالأمـثـال زلـه *** يا عـريب الخال يا زاكي العمامي
وكان تشكي حب من تنقض اقذلـه *** أصبـر لما جاك يا نسل الحشامي
كم واحد ما حصل لـه شوف خلـه *** مكسبه عـض النـواجـذ والبهامـي
لـو يـجي بالـمـال جعـلـه فـدوتـلـه *** ومـن بـذل مالـه بخـلـه ما يلامـي
ولو يجي بالجاه نمشي لـه ارضلـه *** ما أنتعذر دونكـم يا أبن الكرامي
وكـانهـا بفـزعـات نـأتـي فـزعتـلـه *** ما نكن يالقرم لـو نذهب عدامـي
عـازي سليمـان نـطـلـب لـه لـعـلـه *** يدرك المنعـور مقصود المـرامي
ولغـزي اللي شفت منشور بمجـلـه *** أشهـد أنـك جبـت حلـه بالتمامـي
ولغـزك الـلي تـذكـره حاولـت حلـه *** والخـبـايـا مثـل تفسيـر الحلامـي
البنـات الـلي مـثـل وصـف الأهـلـه *** كـل مـا أجي شارع لاهـن أمامـي
بالـتـقـاطـع مـا يـزولـن عـنـه لـلـه *** لو يزولن صار بالناس ازدحامي
والرجـل الـلي تـذكـره حـلـه نـدلـه *** أنتـل الأرسال فـوق الـريح زامـي
شيّـد برجـه فـوق كـانـك فـاطـنـلـه *** شغـلـه مـن قـبـل بالمذياع طامـي

* وقال الشاعر عازي بن سليمان الجعفري هذه الأبيات يتشره على زميله
عبدالله بن دهيمش بن عبار حيث قد أرسل القصيدة السابقة ولم تصل وقد
أرسل هذه الأبيات يعقب على قصيدته : 460

يا راكب اللي لا مشى يطوي القـار *** ونـيـت يـنجـب لـلـديـار البـعـيـده
ونيـت شكمـانيـن يعـجـل إلـى سـار *** يهوي كما الشيهان عجل بفديده
لا جيـت أبـن عـبـار لا تقبـل أعـذار *** سـلـم وقـلـه ويـن رد الـقـصيـده
هات الخبر يالقرم من حـر الأوكـار *** الوايلي راعـي الخصال الحميـده

* قال عبدالله بن دهيمش بن عبار من المساجلات القديمه رداً على الشاعر عازي بن سليمان : 461

سر يا قلم وأكتب جوابي بالأسطار *** ردٍ عـلى قـرم الـعــيـال الـولـيــده
يا مرحبا في قيل عازي والأشعـار *** وملـزوم مـردود القـوافي نعـيـده
جـوابـكـم يـالـقـرم نـولـيـه تـعـبـار *** لحظة وصول الخط عندي سعيده
مبطي بعثت الـرد مع طارش سـار *** لا شـك أظنـه مـا وصلكـم بـريـده
وكتبتـهـا بكتابنـا قـطـوف الأزهـار *** وإلـى طبع نعطيك نسخة جـديـده
ما نهمـل المكتوب يا حـر الأحـرار *** لا والـذي يـعـلـم خـوافـي عبـيـده
حيثك من اللي ما يتغالون الأعمار *** تاريخهم كتـب السديـري شهيـده
الطيب مبطي عندهم سلم واشعـار *** من دور أهلهـم وارثـينـه عـقيـده
اليا جاهم الطرقي ولـو كـان مـرّار *** ملـزوم يـاخـذ لـه لـيـالي عـديـده
تـفـارزوا عـنـد الـمـعـزب بالأدوار *** والكـل منهـم ما ذخـر من جهيـده
شوفي بعيني بالصحن يـوم تنـدار *** مثـل الطعوس فطاح حيلٍ مشيـده
إلـى بـار بـيـاع الـكـرامـة بـديـنـار *** الـلي جـلـب عـزه يـدور المفـيـده
عن الطفاس نفوسهم شـم وأكبـار *** رجـالهـم غـيـر الفخـر مـا يـريـده
رجالهـم مـا همتـه غـلـوا الأسعـار *** يبي الفخـر لـو كـان دينـه يـزيـده
مـن قـو عـز نفوسهـم تـقـل تجّـار *** مـا حسبـوا للمـال يـنـفـد رصيـده
ضعيفهم يصبر عـلى العـوز جبـار *** ويلقا المصاعب بالعزوم الشديده
نعـم بهـل الجدعـا شغاميم الأخيـار *** بالمـدح ما يحصي ثناهم جـريـده
من روس وايل مابهم قول شبشار *** من مارثـة عنـاز صافي الحديـده
وصفـهـم النجـدي بتـدليهت الجـار *** فـي مـا مضى والجـد بـلغ حفيـده
يـقـول حـنـا مـن قـديـم لـنـا كــــار *** حـرام مـا نخفي عن الجار صيـده
نـرفى خمالـه رفيـت العـش بالغـار *** ونودع لـه النفس القويه هويـده
ودخيلنا نصون عرضـه عـن العـار *** الا ونـعـده مـن حسـاب الـبـديـده

* وقال عازي بن سليمان العنزي رداً على عبدالله بن دهيمش العبار : 462

يا راكب اللي حـرك العصر مشوار *** ما غيـر تسمع يـوم حـرك جليـده
ونـيـت يخـوي كـنـه الطيـر لا طـار *** ولا الغمام اللي العواصف تحيده
هومنوت اللي عادته قطع الأخطار *** آخـر مديل من المعارض جـديـده
من عندنا حرك قبل وقـت الأسفـار *** وإلى مشى يدني الديـار البعـيـده
فـي حفظ رب الكون عـلام الأقـدار *** رب المـلأ محيي العظـام الهميـده
يلفي عـلى قـرم العيـال أبـن عبـار *** الـوايـلي راعـي العـلـوم المجيـده
من الربع اللي رجالهـم دوم جبـار *** يرسي كما ترسي الجبال المشيده
يرسي كما ترسي قويات الأصخار *** قـرم يـعـاضـد بـالـلـوازم عضيـده
مجذوب ساسه من صناديـد عقـار *** شاهـدهـم التاريخ غيـر القصيـده
يـوم الهيـاهـي مـا يولـون الأدبـار *** إلـى صار يـوم فيـه قـص الفنيـده
لا صـار يـوم فيـه عـج الرمك ثـار *** كـم فارس مشهـور بـتـوا وريـده
اللابـة الـلي فعلهـا مـاضي الأدوار *** تركي عـلى كبـد المعـادي وقيـده
عـز الـله أنك قـلت قـول لـه أثمـار *** مثـل اللـوالـو مـا عـليـهـا نـقـيـده
وأنـت الـذي لـو فيـه للشعـر تجـار *** أستاردت كـل الـدول مـن قصيـده
أستاردت لـو كان غـالي بالأسعـار *** حيثـك مرشح عـن جميع البديـده
يا شوق اللي قرنـه بالأمتان نـثـار *** خطـك وصلـني واضح لـي بنيـده
يـا مـرحبـا بـه عـد مـا سايـر سـار *** وأعـداد ما ترجف مزون برعيده
وأعداد ما هلت من المزن الأمطار *** وأعـداد من هـو للحرم لاح بيـده
ساعت وصلني خطكم مثل الأزهار *** الشـاهـد الـلـه كـنهـا يـوم عـيـده
وختامها صلوا عـلى سيد الأبشـار *** أعـداد مـا هـلـت شـهـور عـديـده

*- قال علي بن قعود بن ذريب يسند على عبدالله بن دهيمش بن عبار : 463

البـارحـة بالليـل شفـت التهـاويـل *** كـني مع المجمول زين الطبـوعي
كني مع المجمـول بأحـلا التعاليـل *** أسهر معه وموسد الزيـن كوعـي
أصبحت مثل أهل العقول المهابيل *** عـدي أسيـر وحاكـم فيـه شوعـي
عـلى الـذي حبـه بقـلبي غـرابـيـل *** أرسـل عـليه ولا يجيني رجـوعي
عزي لحالي يا أريش العين عزيل *** عقبك عـلي اليوم كـنـه اسبـوعي
أشقيتني يا أبو العيـون المضاليـل *** يـا صاحـبي عـلام قـلبك قطـوعي
أقسمت باللي صان مكة عن الفيل *** قـلبي غدا من وجـد حبك مزوعي
حبـك شبكني يالغـضي بالمحابيـل *** والحـر مـا يرضى بذل وخضوعي
يا زيـن مـا وطيـت راسي بتنزيـل *** وشعاد لو تكسر جموعك جموعي
وجروح قلبي يا عشيري مساميل *** عالج فـوادي كان عندك اسنوعي
وش نيتـك يا داعج العيـن بالميـل *** وش ما حصل منك تراني قنوعي
قربك يعزيني عـن الشاي والهيـل *** وبعدك حرمني من لذيـذ المتوعي
العـيـن غيـرك مـا تـريـد الأزاويـل *** وعليك قـلبي لاج بيـن الضلـوعي
يا صاحبي عقـبك جـرالي بهاديـل *** سهران أنا والخلق كلـه اهجوعي
لـولا كلام النـاس والقـول والقيـل *** لا جاورك يازين وأرفض طلوعي
هـمي يزيـد إلـى ذكـرت المعاميـل *** والسد بـاح وهـل ذارف ادموعـي
خـلي بعـيـد ولا تجـيـه المـراسيـل *** يا بعد نزل نجوعهم عن أنجوعي
أشكي لأبن عبـار ريـف الهواشيل *** لا روحـوا بالليل يشكون جـوعـي
شف لي يا أبن عبار للحل تسهيل *** غيرك يا أبن عبار مالي افـزوعي
مـن دون خـلي يالمعـنى مشـاكيـل *** لا زلت صابر مار مامن اسنوعي
عـسى يجـيهـم يـالـمعـنى همـاليـل *** يمطـر عـلى وديـانهم والفروعـي
بسبـوع تشـبع جـلهـا والمخـالـيـل *** وتلقـا الـزبيدي بادي بالطلـوعـي
عسى نشوف الترف زين التعازيل *** أمـا مـع الكشتـات ولا الفقـوعـي

* وقال عبدالله بن دهيمش بن عبار هذه القصيدة رداً على علي بن قعود : 464

بديـت فـي منشي ثـقيـل المخاييـل *** اللي الخلايق سجـداً لـه أركوعـي
محي الهميد البالية غصنها محيل *** عقب التلف يعود رطب الجذوعي
ومن بعـد ذكـر الله بديت التماثيـل *** روابعـي تطـري عـلى كـل نوعـي
رداً عـلى نسل الرجـال الحلاحيـل *** عـلي عـزيـز الجـار قـرم بتوعـي
عـلي عـليـه يسنـد القـاف والقيـل *** ويشكي وقـلبـه بالمحبـة ولـوعـي
يرجي خليله رجـوت البدو لسهيل *** والحـب للقـلـب المشقى يـلـوعـي
عـزاه شاف مـن المحبـه هرافيـل *** على عشيره راح عقـلـه امزوعي
خله لعب بـه مثـل لعب المصاقيـل *** كل ما طرالـه من منامـه يثـوعـي
وعندي لحلمك يافتى الجود تأويل *** معناه واضح ما يبي لـه رموعـي
الخفـرة الـلي كنـهـا بـكـرة عـقيـل *** تلـك التي قـلبك عـليها امهلـوعي
يا عـلي يا مشكـاي لا تـندفع حيـل *** كان انت واثـق بالعهود مخدوعي
يا عـلي مـا ينفعـك كـثـر الولاويـل *** اليا صار ما تجني بذار الزروعي
أقـدم عـلى شفـك وكـب العـواذيـل *** الـلي شواربهـم عـليهـا القموعـي
ربـك يسهـل كـايـد الأمـر تسهـيـل *** ما فاد اللي من دون شفه يقوعي
أرسل لأبوها من قروم الرجاجيـل *** الـلي عـلى الشدة طـويلين بوعـي
عـليـك بالـلي لـه كـرامـه وتبجيـل *** شهم ويعـز النفس ما هو دنوعي
وأحذر تكز من الختوش الدعابيل *** بعض المخمة مثل خطو الرثوعي
أن طعـتني يالقـرم كـب الدهـاويـل *** خذ بندقك وأرع الجوازي رتوعي
سدد على الصيدة قبل يدمس الليل *** قبـل عـن المرتع تجول وتزوعي
أن صـدتـهـا أفـرح وكبّـر ابتهلـيـل *** وقـل أحمـد الله طيبـات أوقوعـي
ولا تـنحـر وادي الأمـيـاه والـهـيـل *** وتلقـا بـدالـه مـن دنايـاك دوعـي
وحـنـا معـك يالقـرم مـابـه تماهيـل *** حيثك رفيق ومن نوادر أربوعـي

* قال عبدالله بن دهبمش بن عبار يسند على الشاعر علي بن قعود بن ذريب : 465

سر يا قـلم وأكتب عـذيات الأمثـال *** أمثـال ما تنقـد عليهـا العـواريـف
أمثـال مـن يـوزن كلامـه إلـى قـال *** عـذا جوابه ما لقي بـه عجاريـف
روابـع تطـري عـلى غـايـة الـبـال *** قيفـان من نبع الخواطـر تصانيف
قـم يا نديبي سافـر اليـوم مرسـال *** دونك كتـابي خاتـمه بالمضاريـف
وإلى وصلت الوايلي ذرب الأفعال *** علي زبون الجاذيه مكرم الضيف
نطلـب لـه التوفيـق والعـز باقـبـال *** الله يفـكـه مـن جميع الصـواديـف
أدحم على المجمول يا طيّب الفـال *** لا تنثني لو عـاد غـزوك مناكيـف
وحنا معـك يالقـرم بالجـاه والحـال *** حتى يطيع الـلي براسه زعانيـف
كان اتحصل بالمال ما نذخر المـال *** مهمـا طلـب ماهـم كثـر التكاليـف
الـلـه كـريـم ولـلـصـعـيـبـات حـلال *** والسفـن مـا تمشي بليا مجاديـف
من يجد حيلة ياأبن الأجواد يحتال *** والفود تجنيه الرجـال المزاهيـف
ولا تنفع الأقوال من دون الاعمال *** أظن ماصيب الهدف دون تهديف
ما كل من حاول على مقصده نال *** هيّد وخفف لوعـت الوجـد تخفيف
الشخص قـلبه يا فتى الجـود دلال *** قـل للرميثي يا عـلي وأبلغ خليـف
اللي بنى حيطه على الرمل ينهال *** وأحـذر تـدلى بالهبـايـا المهاييـف
أوصيك ثم أوصيك لا تطـرد الـّلال *** سراب ما يروي الكبود الملاهيف
أن كان خلك طاع بـك قـول عـذال *** خلـه ولا تكـثـر عـليـه التحـاسيف
ما دام خـلـك يـا عـلي قـيـد بحبـال *** وش عاد تبغي دام جـوه زوافيف
ما دام خـلـك يا فـتى الجـود دجـال *** مالك باللي باداك بالكذب والهيف
أن كان مالك في حما الـدار منزال *** مالك بها يالقرم لوهي غدت ريف
كب المعاضب وأجلبـه بس بريـال *** رزقك على رزاق عمي الزواحيف
يا علي تاريخ الهوى عبر الأجيال *** سوالفـه مثـل الحلـوم الخواريـف
عامر وقع بالحب يالقـرم وأهـتـال *** غـدن بـه بـني الهلالي ولا شيـف
وقيس الملّوح هام ما بين الأطلال *** بدوالفلا يلعـب به البـرد والصيف
البيض يـا مـا لـوعـن قـلب رجـال *** الفـاتنـات المغـويـات الغطـاريـف
لو عاشرن من جملة الناس عقال *** خلنهـم عـقـب الـرصانـه ملاقيـف
يا بن قعود القلب من وجدهن ذال *** طرادهن يجلب على حاله الحيـف
البيض يغرن بالمضاهر والأشكال *** الله عطاهن من جمـال التواصيف
لبسهن المولى من الحسن تفصال *** حـتى جعلهـن للضماير خواطيـف
مالوم الـلي غنى من الوجد مـوّال *** قـلبه غدن بـه ناحلات السراجيف
حب العذارى يرعب القـلب بهبـال *** عزي لكم ياأهل القلوب المواليف
لا شفـت غـرو زاهي الـدل مختـال *** زولـه كما غصن تهزه عواصيف
رمشـه ضليل وحاجبـه كنـه هـلال *** وإلى نظر بالعين نظراتها اتخيف
يـطعـن بسيـف شاطـر الحـد قـتـال *** طعـن النوظر كنها طعنت السيـف
يبسم بغـر مـن تحـت ملـفع الشـال *** يركن على قلب المشقا مراضيف
كـنـه يـقـول بحـاجـب العـيـن تعّـال *** يتـل قـلبـي والضلـوع المهاديـف
وأن غـاب خيـالـه تصـور بتـمثـال *** يلوح لي طول الليالي مع الطيـف

* قال علي بن قعود بن ذريب رداً على عبدالله بن دهيمش بن عبار : 466

بديـت فـي منـزل تبـارك والأنـفـال *** باسم الكريم اللي عبدناه ما شيف
الـواحـد الـمـاحـود قـلاب الأحـوال *** اللي الهميد بقدرته يصبح مريف
ومن بعـد ذكـر الله بدينـا بالأمثـال *** من خاطري رتب جوابـه بتعريف
أكتب جوابي وأنخله نخـل منخـال *** أمليه من فكري اليا طاب لي كيف
نظمت قـاف مفصله فصـل فصّـال *** ما ينقده من كان بالشعـر حـريّـف
من صافي القيفان ما طبها احثـال *** تهدى لأبن عبار ذيب المشاريـف
أبن المعنى ريـف من جـاه هشّـال *** عبدالله العـبـار شـوق الغـطاريـف
من لابـة تكدي المعادي اليـا عـال *** الوايلي مـا ياخـذ الشعـر تسليـف
كانك يا أبن عبار تنشد عن الحـال *** فرقا عشيري حرف الكبد تحريف
وأن كنت عني يا فتى الجود سعال *** خلي تقـلع وأنقـلع ذلفـت الضيف
فرقا صخيف اللون للقـلب غـربـال *** الفوت فات ولا نفع كلمة الحيـف
الصاحـب الـلي بالـمـواثيـق دجـّال *** باق العهد عقب الوعد والمحاليف
خان الوعـد غـرو تنـوع بالأشكال *** عجاج صيف وقافياتـه عواصيف
ما عـاد باقي غيـر رسمه ابتمثـال *** بالحلم يظهر لي خياله مع الطيف
والقلب ما هوعن هوا الزين نكـال *** وشعاد لـو أبلغ سويلم مع خليـف
ما جيت لـه بـدروب خاتـل وختـال *** الحـب بلـوى والمحـبـه تصاديـف
ولانـي عـلى خلي لعـوب ومحتـال *** لاشك خـلي صار طير الخطاطيف
ما نقبـل الفضلة ولا نشرب احثـال *** دلـوي تطول الجـم بليـا مغاريـف
ولا كـل رجـل يركب الخيـل خـيـّال *** ولا ينفع الهيمان كثـر الخواريـف
مبطي يا أبـن عبـار ما ينفع الـذال *** راحـن عـلـيـه ناعمات الأطاريـف
حيث المرض يقتل عليله إلى طال *** لكن أن كانه ما قتل يصبح مخيف
وأصبحت أنا ما بين راحل ونـزال *** وامحول قـلبي كنها وقـت جلغيف
يا سعد اللي من حبهن خالي البال *** قـلبـه هبيل ولا يعـرف التصاريف
حـبـه بقـلـبي كـنـهـا حـبـة الـخـال *** هـو مطلبي مـن بـد كل الغطاريف
ومن باعـنا بعـناه يا شبل الأشبـال *** لـو هو حسين وله ثمان مراهيف
ضلي تلاشى مـا بقـي فيـه مقـيـال *** داري محل وديارغيري بها ريف
خـلي نـزل وأنـا عـن الـدار رحّـال *** ما كن لي بالـدار ناس ومعاريـف
مالـي بهـا يـا طيّـب الفـال محـوال *** وعـن العلاقـة ودنـا غسل تنظيف
خرجـت لـه يالقـرم تخـريج عمّـال *** تلقـا ملـفـه طايح عـنـد الأرشيـف
حـيـثـه تسمع قـول عـاذل وعّـذال *** سـود القـلوب مروجين السواليف
أهـل الرذايـل مـا يحبـون الأنـفـال *** هدوس الرجال الدالهين الهذاليف
اللي مشاف جسامهم بس الأزوال *** ما هم على حب العـذارى مواليف
أجسامهـم منفـوخـة تـقـل طـربـال *** خيوط خيش وناسجينه من الليف

* وقال عبدالله بن دهيمش العبار يسند على علي بن قعود الذريب : 467

يا علي وينك غايب يا فـتى الجـود *** أشـوف مـنـك الـدو يالقـرم قـافـر
نشدت عنك وقيل لي ليس موجود *** صوب الحفـر قالولي أنك مسافـر
احسبك رايح تعـتمـر تطلـب الفـود *** مـن ربـك الرحمن للذنـب غـافـر
لاشك ظني رحت تبحث عن الخود *** تـبغـي تـزوج تعـتـفـر تقـل طافـر
يا علي سفراتك لها أثبات وشهود *** لا زلـت لحمـول الـمحـبـة أتعـافـر
عندك اثنين وغيرهن تطلب الزود *** والهقوه أنك بأريش العيـن ظافـر
وأنت الذي طلبك لـو دونـه حـدود *** تـأتـيـه لـو بـينـك وبـينـه مخـافـر
قلبك يحب اللي هدب رمشها سود *** مثل الغزال اللي مـن الرمي نافـر
من دور قيصر يا أبو خالد ودايود *** جـرب هواهـن كـل مسلـم وكـافـر
لعبن على قلب العواجي وصاهـود *** مـع ذيب أبن شالح عقيد الخنافر
فرسـان والـلـه تـودع الخيـل يبّـود *** إلى ثـار عـج القاع وقع الحوافر
الـلـه يخـون البـيض قـادنهـم قـود *** لوهم شخوص رجال والعز وافـر

* وقال علي بن قعود رداً على عبدالله بن دهيمش بن عبار : 468

يا راكب مـن عندنـا فـوق مشـدود *** مالـه خفـاف ولا لـقي لـه حوافـر
جمس جديد إلى انطلق تقل عبرود *** ولا كما الصاروخ من دسك كافر
يلـفي لأبـن عـبـار عـاني وناشـود *** وش لونكم ياشوق بيض المقافر
أبي أخبـرك يالقرم ما رحت للخود *** ولا رحت أدور صابغـات الأظافـر
كيف العمل يالقرم والدرب مسدود *** طـول الحـدود محـفـرة بالمحافـر
من دون شفي يا فتى الجود لادود *** شف البياض بعارضي صار وافر
اللي كما الغزلان وعيونهـن سـود *** هيـف لخواصر جادلات المضافـر
الغرو اللي يغريك في ثغر و ..... *** يفتـن عـبـاد الـلـه لـو بـان سافـر
تشـدا عنـود جفـلـه صـوت بـارود *** مـا وقـفـت تمـلأ القـرب بالنوافـر
وجدي عليها وجـد غـازان لخلـود *** عسلوجة ما تعرف وضع الكوافر
هذا الخبر من عندنـا جـاك مـردود *** أسمح لنـا ومولاك للذنـب غـافـر

* وقال مشعل بن عبدالله العبار مجاراة لقصيدة علي بن قعود : 469

سميت بسم الله وهـو خيـر معبـود *** وبديت أعبـر مـن جزيـل المثالـي
مهديه لـلي يفهـم النقـص والـزود *** الـلي إلـى جيتـه يجيـب الجـزالـي
لا جيت بيتـه تنطحك ريحـة العـود *** ودلال صفـر مثـل عنـق الغـزالـي
عطه الرسالة وأرجع الخط مردود *** وهات الخبر من عندهم بالعجالي

* وقال علي بن قعود رداً على مشعل بن عبدالله العبار : 470

يا مشعـل العـبـار يا خـلفـت العـود *** جـانـي جـوابـك يا كريـم السبالـي
جاني جوابك ما حصل فيـه منقـود *** عجيب قـولـك مثـل نقـد الـريالـي
الـلـه يفكـك مـن حسد كـل حاسـود *** وياقـاك ربـك شـر سـود الليـالـي
حيث الأسود الضارية تنجب أسود *** وفـرخ القطامي ماكـره بالمعالـي

* وقال عبدالله بن دهيمش بن عبار يسند على علي بن قعود : 471

يـا مـل قـلـب كـاثــرات طـواريـــه *** روابـعــه بـانـت كـوامـن خـفـاهــا
يا علي يا مشكاي يا ريف ناصيـه *** شـف الأمـور الـلي بعينـك تـراهـا
يا أبن قعـود الهـرج فسـر معانيـه *** حيثـك معـاني القيـل تفهـم لغـاهـا
يا أبن قعود أبديت بالشعـر تنويـه *** أنشدك بعض النـاس وشـو بلاهـا
يغتاض من مدح القرابـه وطاريـه *** وإلـى سمع بـه عايـزه مـا كماهـا
مـدح القـرابه مـا تبي دوم توحيـه *** ومسبـتـه بـالـزور غـايـة مـنـاهـا
ومن طال شبحه ودها دوم تعميـه *** ولا تكتـرث بالـلي يسيـر بعـمـاهـا
تصـد عـن فعـل اللنقا مـا تـراعيـه *** أنـذال تـتـبـع بالـمشـاور نـسـاهـا
تعـرض عـن الـلي طيبات مبـاديـه *** وأهـل الحسد حسناه تجحد ثناهـا
سود الضماير شاين الحقد تخفيـه *** لـو كـان بـاقـبـالـك لطيـف نـبـاهـا
أهـل الريا تخفي اسلوب المكاريـه *** لا شـك تـبـدي بـالمخـادع غـلاهـا
والـلي إلـى جـالك لزومـه امعـنيـه *** دوار حــاجــه مــا يـدور سـواهـا
كـان انـتهـت لقـاك مقـرن علابيـه *** تـنهي العـلاقـة حاجتـه لا قضاهـا
ولا ينـفعـك لـو تلتـزم لـه وتـأتـيـه *** ولـو تنشـده عـن الجمالـه نفـاهـا
وقت اللزوم أنص الرجال المداليه *** صـيـد القـروم الـلي كـرام لحـاهـا
عـليـك بالـلي غايـة البـال يشفـيـه *** الـلي صعـيبـات المـراجـل نـواهـا
الـلي إلـى غـظـلم رفـيـقـه ايسليـه *** سـهـل جـنـابـه والمكـارم حـواهـا
قـرم العيـال الـلي بعـيـده مـراميـه *** يصعـد وصعـبات المـراقي رقاهـا
ولا الردي حـذراك تـقـرب لواديـه *** كـب العـفـون الـلي قـريـب مداهـا
أبـعـد نـحـاك ولا تـقـرب حـوالـيـه *** مالك بقـرب أهـل الردى وزملاهـا
كـلـن يـدور الـلـي يـوده ويـبـغـيـه *** ولابـد مـا تلقـا الطيـور اشبهـاهـا
الـلاش خـلـه يـنـقـلـع قــل والـيــه *** كوبـان مثـل أخـتـه يـعـلـه فـداهـا
اللاش وأبن اللاش ودك اتـهـبـيـه *** عفـون الرجـال الـلـه يبعـد نحاهـا
راعي النميمة نبغضه مـا أنـدانيـه *** واللاش مـا نمشي دروب مشاهـا
الطيب أرغب سيرته وأفتخـر فيـه *** والـلاش فـي نـار تـوقـد سـنـاهــا
الطيّـب الـلي بأيـده المجـد يـبـنيـه *** ويعـز نـفسـه عـن دواعـي رداهـا
والـلي يـبي ربـعـه تـعـزه وتـغـليـه *** يـجهـد بـلازم لابـتـه وايـحـمـاهـا
يـشـوم لـلعـلـيــا ويـنـفـع دوانـيــه *** وأن هـام هـوماتـه بعيـد مغـزاهـا
ومن قـال جـده كان يقهـر معاديـه *** عـوق الخصوم اليا تعاظـم عياهـا
أن كـان مـا يسلـك طريقـه ويتليـه *** وش عـاد لـو بأفعـال جـده تبـاهـا
مـا فـات مـات ولا تـفيـد المداويـه *** ذكـر العـلـوم الفانية وش جـداهـا
كانه محى طيب الجدود بمخـازيـه *** كيـف ايتفاخـر والمفاخـر محـاهـا
ولا كل من سمي تطولـه مشاريـه *** بعض الرجال الوقت غيـّر ضناهـا
والناس كلـن يا عـلي دون عانيـه *** والمرجلـة تصعب على من بغاهـا
قـلتـه وفعـال الـردى مـا انخاويـه *** والناقصة تحسب على من سداهـا
أشوف ناس صاحب المال ترجيـه *** تـدوس عـز نفـوسهـا فـي حذاهـا
واللي جداه السعسعه نـال تشويـه *** والشيمـة الشمـا برجـلـه وطـاهـا
عـن الطفـاس انـزه النفس تنزيـه *** ومن عـز نفسه شيمته مـا رماهـا
مـن يطلب الله والـي الكون يغنيـه *** والخلق ما تغـني الفقيـر بعـطاهـا
ولا خيـر باللي زايـد المال يغـريـه *** لـو البـنـوك مـن الـدراهـم مـلاهـا
يجمع ومن حـظ المـورث يخـلـيـه *** قـارون زال وثـروتـه مـا كـلاهـــا
هـذا جـواب الـلي تـفـقـد مهـاجيـه *** عـن الخطـأ عـذا العـلـوم وقـداهـا
وأستغفـر الله مبـدع الكـون باريـه *** يـوم الحشر والنفس تلقـا جزاهـا
ونعـوذ بالمولى عـن الغي والتيـه *** ربـي يـرد نـفـوسـنـا عـن غـواهـا
تمت بذكر اللي على الرشد هاديه *** وصلـوا عـلى ختـام النبييـن طاهـا

* وقال علي بن قعود هذه القصيدة رداً على عبدالله بن دهيمش بن عبار : 472

يا مرحبـا بالقاف والـلي بـدأ فـيـه *** يا مرحبابـه عـد مـا أمطر سماهـا
الـلـي بـدأ بالـقـيـل يـمـي مـعـنـيـه *** أبـيـات مـن زيـن المـثـايـل بـداهـا
الـلي ذكـرتـه يـا المعـنى أنعـانيـه *** شكـيـت أمـور الـكـل مـنـا شكـاهـا
الـلـه يـكـافـيـنـا تــوالـي بــلاويــه *** مـا ينعـرف صدقانها من اعـداهـا
هـرج النقيلي عايش فيـه راعـيـه *** بالهـرج يقـضي حاجتـه لا بغـاهـا
وإلى قضى مـن حاجتـه مـا تثبيـه *** وإلـى طـلبـتـه حاجـة مـا عـطـاهـا
يعـد عيـوب الناس وعيبـه يخفيـه *** وأن أعرضت له مخطيه مانساها
يضحـك وحـقـده بـيـنـات مـبـاديـه *** هـمــاز لـمــازٍ حـيـاتــه هـبــاهـــا
خطو الهريـد الـلي قريبـه معاديـه *** يبحث عن الغرة ويكشف اغطاهـا
مطـواع لأشـوار الحليلة اتوصيـه *** دايـم يـسيـر بـأمـرهـا مـا عصاهـا
تبغـي عـن الأدنين تقـلع مضاويـه *** كـل ما تقـول ايصدقه مـن غلاهـا
مثـل الهديفة يوم بالصوت تشليـه *** لـو سـيـرت يـم الـربـايـع تـلاهـــا
سـراي لـيـل ولا يـقـدي مـواطـيـه *** قـليـل مـيـز وكـلـمـتـه مـا قـداهــا
وإلى نصيتـه ما أنت بالبيت لاقيـه *** وإلـى لـقـيـتــه لا يــذ فـي ذراهــا
وإلى طرقت الباب قالوا ماهو فيه *** يسمع كلامـك جـالـس مـن وراهـا
ويضيق صدرك يوم بالبيت تأتـيـه *** ضـم الـوجيـه الـلي قـليـل حيـاهـا
فعـل الثعـل كـوبـان دايـم ايسـويـه *** ويقصر عن اللي غالي مشتراهـا
يقصرعن الطولات وإبليس مغويه *** ممـات عنقـا يـوم تـنقـل أجـراهـا
ومـن الـولايـم وارامـات ثـنـاديـــه *** ريـف الحـليـلـة دايـم مـا أيعـداهـا
الطيب والمعـروف والمجـد ناسيـه *** وأمه على الجيران تشكي عزاها
عـن مـثـلـه الفنجـال ودك اتعـديـه *** كـب العـفـون الـلـه يقـطع نـمـاهـا
الـلاش خـلـه يـنقـلع مـا لـنـا فـيـه *** الهيس الـلي نـفسه كثيـر غـبـاهـا
والـلـي بـغــانـا بـيـنـات مـواريـــه *** ترخـص عـلينـا حاجتـه لا بغـاهـا
وترى العـدو لو كان يخفي أثاريه *** لا زم تـبـيـّـن عـلـتـه لـو غـشـاهـا
وتـرى الصديـق مبينـات مماشيـه *** يستـر عـليـك بخمـلـتـك لا لـقـاهـا
والـحـر حـر وعـالـيـات مـجـانـيـه *** والـبـوم بالجـيـلان تـسـمع نـداهـا
يـالـوايـلي كـب الـردي لا تـبـاريـه *** يا شوق من زين الملابس زهاها
رافـق هـل الطوله بعـاد المنـاويـه *** ولا ارذال الـقـوم خـالـف هـواهــا
وأن جاء لنا شرواك يا الله اتحييه *** تـحــيــة مـنـي بــزاكــي نــبــاهــا
الـضـيـف لا جـانـا نعـزه ونـقـريـه *** وجيـراننـا نتعـب لكسبت رضاهـا
بالجـار وصانـا النبي بأمـر باريـه *** وكـل الحمـايل تحتـفـل بقصـراهـا
ولا أنت قـرم وعـارف كـل تاجيـه *** تعـرف دروب المخطية مع قـداهـا
اقـولهـا والقـيـل تـفـهـم مشـاحيـه *** والمعـذرة يا مسندي عـن خطاهـا
الوايلي أطلب عسى الـرب ينجيـه *** وأن كـان بـه زلات مثـلـك محاهـا
وصلوا عـلى المختار تبـّاع واليـه *** الـلي نهـى كـل البشر عـن غواها

*- وقال الأديب سليمان بن فليّح الباطح هذه القصيدة مجاراة لقصيدة
الشاعرين علي بن قعود الذيب وعبدالله بن دهيمش بن عبار : 473

يا راكـب الـلي أطلقـتـه السيـا أيـه *** يكشف أفـلاك مـا عـرفـنـا مـداهـا
إلـى انطـلـق دخـان نـاره اتغـطيـه *** عبر الفضاء يصعـد بعالي سماهـا
فوقـه غـلام نـبـه وأن قـال أوكيـه *** دار الكـرة واعلمـك بالـلي وراهـا
يلفـي لأبـن عـبـار يـا جاهـل فـيـه *** خـل الخـبـر فـي الجـمـل مبتـداهـا
الشاعـر المبـدع بلـيـغ التشـابـيـه *** الـلي المعـانـي والبـلاغـه حـواهـا
سمعـت نظمـه واعجـبني معـانيـه *** جـزل العـلـوم الـلي بـقافـه بـداهـا
لو كان في عصر الخليل وسيبويه *** الـنحـو حـطـه والـقـواعـد بـنـاهـا
مـا ظني الـلي قـلت يحتـاج تنويـه *** يالـنـابـه الـلي فـي ذكـاه انتـبـاهـا
أشـكـي لأبـن عبـار مـمـا أنعـانـيـه *** ضاقـت بنـا كـل البـلاد وفـضـاهـا
يالقرم كم سجت القدم دون توجيه *** والرجل حارت مـا تقـدي اخطاهـا
لأجـل الـذي مهـمـا تـفـكـر اتـلبيـه *** وتـقـول قـيـلي عـن أمـور تـراهـا
ولا حـد منشدني ولا قيـل لـي ليـه *** ولا حـد سـأل النفس وشـو بلاهـا
الـكـل منهـم زايـد الجهـل معـمـيـه *** يعـمـه بجـهـلـه مقـتـدي بالتيـاهـا
حاولت ثم حاولت عن فعلـه اثنيـه *** والنفس عن غي الجهل ما نهاها
مـن زايـد الـنـعـمـة كبـار ثـنـاديـه *** الـقـرم أبـو خـالـد بـقـافـه عـناهـا
من عندهم لا قمت شوهت تشويه *** وأن جيتهـم كـلـن أقـوالـه نـفـاهـا
جـربـت أنـا مـر الزمـان وحلاويـه *** ولـو تشمت الأنـذال مـاني وراهـا
واليـوم عـادت للزمن قصـة التيـه *** تاريخ مصر اللي الجبرتي رواهـا
والخاتـمـه مـن لا أنتبـه لا تنـاديـه *** تـنـدب وقـومـك لا تـزال بـكـراهـا

* وقال عبدالله بن دهيمش بن عبار هذه القصيدة رداً على سليمان بن فليّح الباطح القماصي : 474

يا راكب اللي مـا تكـوده ممـاشيـه *** بالجو يجـري في سحايب فضاهـا
إلـى تـحـرك والـكـواكـب اتـبـاريـه *** خطـم عليها عقـب ما هـو وراهـا
مالـه شبيه مـن المراكـب ايشاديه *** سفن الفضا ما هو على مستواها
مثـل الشهاب الثـاقبـة يـوم أحلـيـه *** لمع البروق اللي الدياجي غشاها
بـالـثـانيـة يقـطع بعـيـد المهـامـيـه *** رام الـديـار الـلـي بـعـيـدٍ نـحـاهـا
يحمـل كتـاب مـن المعـنى امعـنيـه *** صوب أبو سامي رحلته منتهاهـا
القـرم يـدي واجبـك حيـن تـلـفـيـه *** جاب السمين اللي عريض قراهـا
سلـم عـلـيـه وسلـم الـخـط بـيـديـه *** وقـل القـضيـة نفـتهـم محـتـواهـا
صرحت لـك يالقـرم بالتيـه والبيـه *** والـلـي رئـيـتــه كـل مـنـا رلآهـــا
اللي من أول ما تزن شلن واجنيه *** الـيـوم نجـامـلـهـا نـدور رضـاهـا
كـم واحـدٍ وقـت اللزم مثـل أناثيـه *** لـو كان توخـذ حصتـه مـا حماهـا
واليـوم يـزمـر وأيتهـدد بـنـيخـيـه *** مغـرور وايحسب العبـاد ابغـبـاهـا
كـن الخلايق عايشـه مـن صيانيـه *** يتـلي رغـب نـفسه ويتبع هـواهـا
عـنـد المـدامـة كنـه الذيـخ تشليـه *** مـجتهـد بـخـدمـتهـا وكنـه فـتـاهـا
والمشكلـة من عايلـه يـوم اسميـه *** نسل الرجال اللي تشرف اسماهـا
منسـوب لـلي فعـلـهـم مـا يسـويـه *** وفعايلـه بالخـزي ما احـدٍ سداهـا
هلباج وأن شاف العصامي يناحيه *** وينـدب رمـوس باليـة فـي ثراهـا
فيه الحسد والحقد وإبليس مطغيه *** وكـل الرذايـل والمخـازي جنـاهـا
واليـوم كـلن واقـع النـاس تشكيـه *** مـا ينفـرق عـقالها مـن أسفهاهـا
وأعداد ما هل المطر مـن مناشيـه *** صلوا على اللي سيرته في هداها

*- قال خليف بن محمد يسند على عبدالله بن دهيمش بن عبار : 475

قـلـبي همـومـه يـالمعـنى تـلـوفـه *** لـوف النبـات الـلي تلوفـه ريـاحي
يكـفخ كـمـا طـيـر يطـالع بـشوفـه *** شاف الحبارى وهوكسيرالجناحي
يكـفـخ ولكـن مـاسكـاتـه اكفـوفـه *** كـل ما شهـل سبقه يتـلـه وطـاحي
على الوليف اللي ابعـدنه ظروفـه *** عـنـي نحـاه البـعـد والبعـد نـاحـي
عـلى الـذي ينقض جدايـل زلوفـه *** ما ذقت نـوم ولا أهتني بالمراحـي
الصاحب الـلي عايـزات أوصوفـه *** خـلي حسين الـدل سيـد المـلاحـي
خـلي يا أبن عبـار عـلمي بشوفـه *** من عام يوم أنـه قـريب المشاحي
واليـوم صـارت جيـتي لـه كلوفـه *** عـني يا أبـو مشعـل تبعـد وراحـي
وش عاد لو قالولي أنسه وعوفه *** حلفت مانسى الزين ظبي البراحي
غيره من الخفرات نفسي عيوفـه *** وعـليه سـدي يا فتى الجود باحـي

* قال عبدالله بن دهيمش بن عبار هذه القصيدة رداً على خليف بن محمد : 476

حي الجـواب وحي كاتب حـروفـه *** مهديه قـرم حاضر الذهـن صاحي
يشكي علينا خليف مكرم ضيوفـه *** بعـد الـذي من دونـه الياس لاحـي
أطلب من المولى عساها مخلوفه *** وعسـاك تـنعـم بالهنـا والفـراحـي
وكانك عـلى خلك بديت الحسوفـه *** الـحب يطعن مثـل طعـن الـرماحي
حـاول تسـوي يالسنـافـي بـروفـه *** حتى لـك الفـرصة تحين وتتـاحـي
وأفطن ترى كـل العلـوم معـروفـه *** لاشك لا تطـرد سـراب الضحـاحي
أن كان ما يوجـد بجوفـك بجـوفـه *** والحـب مـا يمحـاه يالقـرم مـاحي
أصبر لعل الغـرس تجني اقطوفـه *** وجمع الشمل يزداد فيه أنشراحي
والغرس يبي اللي يحماه ويحوفه *** ولا ينصـر الفـرسان كودالسلاحي
ومن لا يـودك مثـله عـذق صوفـه *** والخاتمة يالقـرم نرجي السماحي
يتبع