 |
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
 |
 |
 |
 |
|
|
|||
|
|
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
||||
 |
 |
|||||
 |
|
 |
|
|
|
|
||||
 |
|
|||||
|
|
|
|
 |
|
 |
|||||||||||||||||||||||||
- تعديل اهداء
|
|||||||||||||||||||||||||||
 |
|
 |
|||||||||||||||||||||||||
 |
|
|
|
|
||||
|
||||||
|
|
|
|
|
|
04-30-2022, 12:31 PM
|
#1 |
|
صاحب الموقع
تاريخ التسجيل: Mar 2008
المشاركات: 10,251
|
قصايد في المدح والشكر والثناء والإسناد والمناسبات العامة
قصائد من شعر عبدالله بن دهيمش بن عبار في مدح رجال نبلاء عرفهم في مشواري الشعري أثنيت على عدد كبير من الرجال الذين لهم مواقف أو حضرت مناسبات تخصهم أو زاروني وكتبت قصائد ترحيب بهم وقد احتفظت بكل ما قلت من الشعر ومن عادتي أن احتفظ بالقصيدة حتّى لو لحقني أذا فيما بعد من الرجل الذي مدحته حتّى لو أساء لي لست من أخلاقي أن أبدّل القصيدة بشخص آخر أو احذفها لأني قلتها وهذا عدد من القصائد : * قال عبدالله بن دهيمش بن عبار هذه القصيدة يسند على حمود بن عنيزان بن ناجم العريفي ويثني على الشيخ راضي بن عبدالرحمن الراضي البسي الحبلاني أمير قصيبا سابقاً حيث كان رحمه الله هو معزبي عندما أزور القصيم وكان من الرجال الذين يثمنون جهدي ويشيدون به وبيني وبينه قصائد مساجلات مطوله ضمنتها ديواني المطبوع ديوان الوائلي وكذلك أثني على الشيخ صالح بن عثمان بن شتيوي الرميح المصلوخي أبو رميح صاحب الصياني المشهورة بالقصيم وذلك بعد زيارتي لهم عام 1418هـ يصف كرمهم : 1 يا حمـود طـاروق الخواطـر لفاني *** هام الفكر والبال هاضت اشجونـه بديـت اعـبـر مـن غـزيـر المعـاني *** ونظمت قـافـي مـن روايع افـنونـه ما قـلت قـولي في رهيـف الثماني *** لوهن مثل وصف الزمرد اسنونـه مـا قـلتـهـا بصخـيـفـات الـمـثـانـي *** ولا همني يالقـرم ناقـض اقـرونـه مـا ولـف غـضات الصبايـا بـلانـي *** ولا انغـر باللي يسبي العـقل لونـه يا حمود ما اقـلـد صـريع الغـواني *** خـليـت شـعـر الوجـد لـلي يـبـونـه ربـي عـلى الطرق القـديـه هـداني *** والهـرج من غير الحقايق مهـونه هذا الجـواب الـلي لفـظ بـه لساني *** وأهـل الفـهـامـة قـولنـا يفهمـونـه لا شـك أنا يـا حمـود يغـمـر كياني *** حـب الكـرام الـلي الفخـر يفعلونـه اعـلـن محـبـتـهـم وربـي عـطـاني *** ومن شاف عد اللي تشوفه عيونه زرت القصيم بعيد فطر ارمضاني *** وأنا من اللي حق الثناء يظهرونـه مـالي لـزوم لمـاكـر الجـود عـاني *** أبـو دحيـم الـلي النـشـامـا يجـونـه وعايدت لابه شوفهـم عـيـد ثانـي *** الـلا بـة الـلي ضيـفهـم يـكـرمـونـه حبـلان نسـل معـربـيـن المـجـانـي *** فعـل الفخـر والطيـب مـا يجهلونـه من روس وايـل مطلقين اليمـانـي *** يـوم الـمـراجـل حـقـهـم يـدركـونـه ديـرة قـصيـبـاء شيـدوبـه مبـانـي *** وارض القوارة والجواء ينـزلونـه يـوم النخـل يسـقى بـكـد السواني *** احيـوا غـرايسـهـم ويـثـنـون دونـه صـانـوا بلدهـم واحمـر الـدم قانـي *** مبطـي شتـيـل جدودهـم يحتمونـه يذكـر ثـنـاهـم عـنـد قاصي ودانـي *** عـاداتهـم عـرق الـرحـم ياصلونـه واخـص فـي قـولي رفيع المكـاني *** راضي حجأ من يلتجي له وعونـه شهـم وكريم وشاعـر ومعشرانـي *** وحكيـم راي وبالصخى يـذكـرونـه وإلى برك بالشيل زمـل الصخـاني *** لـو ثـقـل حـملـه يـنقـلـنـه امتـونـه ثـم اشكـر الـلي للـكـرامـة دعـاني *** صالح عسى رب الخلايـق يصونـه أبـن رمـيـح الـوايـلي عـز شـانـي *** المـكـرم الـلي بـالـكـرم يـمـدحـونـه ما دك بـه عـرق البخيـل الهـداني *** جـده هـواشيـل العـرب يـقـصدونـه من قبل اشوفه صادق العلم جاني *** وحكـوا لـي الـلي بالكـرم يبخنونـه قـالـوا تـرى مـن الا ريحية ايعاني *** لوعارض المدعو تصيبه صخونه حاولت ارده عـن هـواه وعصاني *** ولا طـاوع الـلي حاولـوا يقنعـونـه جـوده مـحـيـط ولا لـحـده مـوانـي *** ولا خـالـف المعهـود لـو تمنعـونـه مـا يذخـر الماجـود والعـمـر فـاني *** مـا يـمتـنع مـهـمـا تـراثـت ديـونـه فصـل لتـقـليـط الـذبـايـح صيـانـي *** تـنـدا من شحـوم الهرافي صحونه يـذبح عـناتيـت الكبـاش السمانـي *** كـل يـوم تـجـّار الغـنـم يـحـتـرونـه قالولـه اقبض راحتـك قـال مـانـي *** من شح في مالـه تـزاود اغـبـونـه أبـن شـتـيـوي لـلـردا مـا ايــدانـي *** طاهـر ضمير وصاحبه ما يخـونـه من روس لابه يوم عسر الزماني *** يـوم السنيـن الـلي بهـا قـل مـونـه زبن الدخيل اللي به الوقـت وانـي *** عـز القـصيـر وضيفهـم يشبعـونـه نسل النجيدي ما مشوا بالطمانـي *** شـم الجـبـال الشـامخـه يصعـدونـه في ما مضى عـلم المصاليخ باني *** قـفـر الحـمـاد بـذودهـم يـرتـعـونـه منـابهـة وقـت الـقسى والليـانـي *** ضـد العنيـد الـلي بـراسـه خشـونـه والمعذرة عن كـل مقـصد خـفاني *** والـلي قـصـر عن مدحكم تعذرونـه * وقال عبدالله بن دهيمش بن عبار العنزي يسند على ابنه نزار ويثني على الشيخ صالح بن شتيوي بن رميح المصلوخي رحمه الله : 2 يا نـزار الخـط وضـح لـي نقـوشـه *** بالقريض الـلي القريحه تحتويهـا من معاني صافيه ماهي مغشوشه *** هـام فـكـري والقـوافي مهتـويـهـا راكـب الـلي تـايـره مـا دار بـوشـه *** بـنـز لـبـعـاد الـمـاشـي نـعـتبـيهـا ما دخل ورشه ولا سمكر ادقـوشه *** الشبح يـفخـر بـهـا مـن يـقـتـنيهـا كنها اللي من وحي رمي مخروشه *** شـافـت القـناص واختفـت ايديهـا أو كما الـلي جابـه الصيرم يروشه *** مـن غـلاة الـروح وده يـحـتـميهـا أو كما اللي روحت تبغي اعشوشه *** حـادهـا الـلي بالمخـالـب مطبـيهـا مـن يـسـابـقـهـا تـعـداه وتـطـوشـه *** منـوت الـلي سـار منهاتـه يجيهـا ساقها الـلي للسفـر جهـز اقشوشه *** جـاهـز ولبـس المسافـر مرتديهـا يا نديـبي مـن قبـل بنصـه تـنـوشـه *** أذكـر الـرحـمـن حـزت تـعـتـليـهـا خذ كتابـي وصلـه مكـرم اطروشـه *** يـفـتخـر فـي جابـتي مـا يـزدريهـا أبن شتيوي عسى تفـداه الدحوشه *** يفتهـم قـصـد العـلـوم الـلي نبيـهـا صالح اللي بالصخى نفسه بشوشه *** والهواشـل فـي مضيفـه يحتريهـا حيـث عـلم الطايله صالح يحـوشـه *** الـمـراجـل دوم صـالـح محتسيهـا يذبح من العيت لضيوفـه رشوشـه *** سلـم عـادات الحمـايـل مـا نسيهـا والشريطي كان شافه عند حوشـه *** زاد سعـر الحـيـل حـيثـه يشتريهـا ليت اللي شرواه ما اتكمل قـروشه *** ودك أبـو رمـيح دايـم مـرتـهـيـهـا يوم اضافير الزمن تجرح اخموشه *** ما حسب ميلات بقعـا ولا خشيهـا جرب اللي راس من يجزع يدوشه *** لـو ظـروفـه قـاسيـه مـا يشتكيهـا بالسنيـن الـلي بهـا شح المعـوشـه *** يـوم مـن صـاد الجـراده يشتويهـا ومن تفكـر بالزمن شابت ارموشه *** يسهـر وساعـات ليله مـا ايغفيهـا كـم طـيـّب خـربـت دنـيــاه كـوشـه *** عـز نـفسه والمهـونـه ما رضيهـا بالتعـب والكـد يجمع قـوت غوشه *** يـبـغـي الطـولـه ولا يـقـدر عـليهـا كـل مـا جـاء خايعٍ لجـت اوحوشه *** مـا يطـيـق الـدار والحـقـران فيهـا واستوت لـلي مثـل خطـو اللكوشه *** يمـدح المخلوق واحيـان ايهجيهـا تسري وتجـري مع البيـدا جيوشه *** غـرتـه نـفسه عـسى الله ايهـديهـا صوب منحر صاحبه ذبت اقفوشه *** والأعادي لـو تدوسه مـا ايغـزيهـا كـل فـتـنه كـل طـوشه كـل هـوشه *** يصطنعـهـا ويـبتـدعهـا ويفتـريهـا يلتقط عوج السوالف في ادشوشه *** ويخترع مظمونها لـو مـا وعـيهـا ما خبـرت الحنظله قيـل امعـروشه *** مـن مـرارت لـبـهـا مـا نـشتهـيهـا والحدج لب الحناضل في اشروشه *** ما تغـيّـر لـوعـلى الشط اتغـذيـهـا * قال عبدالله بن دهيمش بن عبار العنزي يثني على الشيخ راضي بن عبدالرحمن الراضي أمير قصيبا سابقاً رحمه الله بمناسبة زيارته لمدينة قصيبا ومشاهدة قصر المشقوق وهو قصر لأسلاف آل راضي الكرام : 3 فاح القريض وجاش الأفكار هاضي *** وعبرت من نظم القوافي والألفاض إلى قلت نبع القاف ناضب وقـاضـي *** قراح عذب القيل من خاطري هاض نـقـطـف زهـر نـوار ورد الـفـياضي *** يـنفـح عبيـره من بساتين واريـاض دوجت بالمشقوق قصر ابن راضـي *** شفتـه وهيضني اطلالـه والأنقـاض قصر الفخـر ينبيك عـن كـل ماضـي *** يـوم الزمان الـلي بالأنياب عضاض قصـر الفضيلـة يـوم شح المقاضـي *** فيـه الذرى عن السمايم والأرماض راعـيـه جـاد وحـاش عـلم البياضي *** عن واجبه ما قيل يغضي بالألحاض نـاره سنـاهـا لهاتـش الليـل يـاضي *** مثـل البـروق اللامعة ضوحها نـاض لا جاه اللي خرجه من الـزاد فاضي *** بالكيل يملأ مزهب الضيف لا غـاض في وجه ضيفه ما عبس بمتعاضي *** بشوش ماغظلم حجاجه ولا اغتاض عـنـده يـقـيـن أن الليـالـي تمـاضي *** ما جض من جايـر زمانـه ولا جاض يـوم الـرخـوم يخـدمـون الحيـاضي *** بيـره سبيـل لمـن ورد جـمته خـاض عسى الحمايل ما يجيهـا انقـراضي *** حمـايـة السـاقـة نـزيهين الأعـراض رحل دحيم وجاب اللي عـنه عاضي *** النـادر الـلي لسلم الأجـواد حـفـاض الشيخ اللي عن واجبه ما يضاضي *** كريم مايعرض عن الواجب اعراض عن ملـزماتـه مـا يعـرف التغـاضي *** وأن زاره العجـلان ملـزوم يـرتـاض الباسـل الحلحيـل مـا هـو اعـكاضي *** الله يفـكه مـن صـواديـف الأمـراض من جـاه صدره مـا يجيـه انقباضي *** يفدونه اللي علومهم عوج واغلاض راضي على العليا سبـوقٍ رياضـي *** من شبته يجري على الطيب ركّـاض أبـو دحيـم الـلي لضيـفـه ايحـاضي *** كـفـه نـدي مـا هـو لـلأمـوال قـبـاض الـوايـلي مـا صـار للشمـل شـاضي *** ولا هـو بغـرة صاحبه تقـل مقـراض مـيـراث جـده مـا عـليـه اعتراضي *** ولا ينخدع بأهل المقاصد والأغراض لـو تلقـح الفتنـه يجيهـا المخـاضي *** قبـل تـتم شهـورهـا صابهـا اجهـاض والـلي اعترضكم قيمته بانخفاضي *** ما ينجح الـلي لعهـد الأجـواد نقـاض حـق القضاء مفهوم مع كـل قاضي *** والـلي تنـويـم يلـزمه نـده وايـقـاض من يعتدي ينجض ضميره نجاضي *** ويـكـوى أن كـانـه للتعـالـيـم رفـّاض ومن خالف السنة بحلقه أشضاضي *** وصلواعلى اللي لراية الحق نهّاض أبيات من شعر عبدالله بن دهيمش بن عبار تهنئة لمعالي الشخ إبراهيم ابن راضي الراضي بمناسبة ترقيتة وزير مفوّض بوزارة الخارجيه : 4 عـيّـن إبراهيم في منصب وزيـر *** من زعيم المملكة جت له أراده صاحب المعروف يفعل كل خـيـر *** حتى جتـه الترقيه بامر القياده من اخلاصه صار لـه قـدرٍ كبيـر *** حصّل المنصب بجـده واجتهاده منصب مفوّض ولبـلاده سفـيـر *** نـال تلـقيـب المعـالي والسعـاده نـعـم بإبراهيـم بالمنصب جـديـر *** الـلـه يعـينـه عـلى خدمـة بلاده حضرة إبراهيم فهمان وخـبـيـر *** وأحمد الـلـه يوم حقق له مراده لا غـرابـه والـده شـيـخ وأمـيـر *** الفخر والمجد يورث من اجداده المراجل دربهـا صعـب وعسيـر *** لكن أبو دحيم لـه عندي شهاده يسري ويجـري ويـدلج بالمسير *** صوب علم الطايله يلكد جـواده مـا تـهـنـا فـي رقـوده بالسـريـر *** ولا تكاسل مقصده لين الوساده هوسليل دحيم وهوريف القصير *** ساد بقصيبا وقصر العـز شاده وجدهم عـلمه كما البـدر المنيـر *** اشتهر بالمرجله والطيب عـاده عـزوة الراضي لهم علـمٍ شهير *** من نسل هدلان من أهل الرياده في حكـم الـلي دوم للسّنه نصير *** الحكام الـلي لكـل الشعـب ساده المـلـوك الغـر زبـن المستجـيـر *** أمـرهـم نـافـذ ونفخـر باعتمـاده يـوم مقباس الحرايب لـه سعيـر *** بالمعامع والوغى يـقـدح زنـاده ما ربح من عال وأغواه المشير *** مـن يـدور الشّـر يبشر بالأبـاده قال عبدالله بن دهيمش بن عبار العنزي هذه الأبيات تهنئة بمناسبة ترقية الشيخ رميح بن صالح الشتيوي الرميح بالمرتبة الرابعة عشرة وتعيينه محافظ لمحافظة البكيرية في منطقة القصيم : 5 يا رميـح فـي منصب محافـظ ترقـيت *** مبـروك لـك يـا عـل تسعـد بمنصبك كـتبـت منظـوم التهـانـي ولـك جـيـت *** عسى المعـانـي والتعـابـيـر تـعجبـك رقـيـت فـي بـرج الـعـلا واستعـزيـت *** حـيثك بـذلت الجهـد وأديـت واجـبـك الحـظ طــاب وصـح لـك مـا تـمـنيـت *** فـعـل الجمايـل هو رصيدك ومكسبك وفـيـّت بـافـعـال الـمـراجـل وكـفـّيـت *** ورقـي المعـالي مـا يـكـودك ويتعـبك للـمـجـد حـثّيـت السرى مـا تـونـيـت *** ويـاثـق بـك الـلي للمهـمـات ينجـبـك وأنت الـذي وقـت الـلـزم مـا تخفيّت *** شلت الحـمـول الكـايـده فـي منـاكبـك وأنـت الـذي بعـلـم الفضيلـه تكنيـت *** ربـك حباك بحسن الأخلاق واوهـبـك يـا عـل مـا تشمت عليـك الشواميت *** ويـخـيـبّ ظـن الـلي يـدوّر مـعـايـبـك لـك الفخـر بالـلي عـملـتـه وسويـت *** في مسلك الطـولات سلمك ومـذهبـك مــا دام فـي بـيـت الكـرامـه تـربيـّت *** صالح أبوك الـلي عـلى الطيب دربّك أبـوك يـرحـمه الـولي حـامي البيـت *** مرحوم عـودٍ يا أبن الأجواد عـقـبّـك أبــوك يـلهـج بـالهـلا وقـول حيـيـت *** يا رميـح نـفخـر بـك ونفخـر بشايبك أبـوك عنوان الصخى طـيّـب الصيت *** عـرق النـدى يا ماكـر الجـود يجذبك أبـوك ذبّـاح الـكـبـاش الـعـنـاتـيـــت *** يفـرح بـه الـلي يـربـط الحيل بالشبك أبـوك ذكـره حـي لـو كـان هـو مـيت *** لا جيب طـاري سمعته طـال شاربـك أبـوك سـاس الجـود لـه مـا تناسيت *** عـلـمـه يـسـرّك بالمـكـارم ويطـربـك أبـوك صيته بالكرم نعـم مـا اطريـت *** بالطـيـب فـعـلـه تفـتخـر بـه قـرايبـك أبـوك ريـف الجـار بـاسمـه تسميّت *** هـو الـذي نـدعـوك باسمـه ونـنـدبـك أبـوك نـسـل رمـيـح بـه لا تعـزويـت *** الـكـل مـن روس المشاكيـل حـاسبك واخـوانـك الـوافـيـن فـيهـم تـقـويـت *** لا حـل بـك ظيم الـزمـن هـم جلايبـك مصقر حـرار أن كـان للصيد هـديّـت *** أدنـاهـم الـلي بـالـمخـالـب ايـشـبـبك ولك عـزوة يوم الحداء والمصاويت *** فـوق السبـايـا والحـوافـر لـهـا دبـك عـزوة نـجـيـد لفـعـلهـم مـا تحاصيت *** الربـع الـلي منهم عـموقك ومنسبك وأن هاجـت الهيجا تهجـد العـفاريـت *** عـليـه مـردود الـنـقـا مـن يحـاربـك من افاضل الحمادى من الحمد من الرباع وذلك لمواقفه الطيبه ويمجد عزوته الحمادا : 6 قـال ابـن عـبـار في منـظـوم قـيـل *** يبـدع القيـفـان مـن مـكـنـون بالـه فاض نبع القاف من فكـري يسيـل *** حيث هيض خاطري طاري طراله قـلت من عـذب القـراح السلسبيـل *** ناخذ الصافي ونعـرض عن حثاله زبـدت المنطـوق بالـقـول الـذبـيـل *** وعـن كثيـر الهـرج يكفينا صمالـه اكـتـب المكـتـوب لـلـقـرم الـنـبـيـل *** بالثناء وضحت مضمون الرسالـه أبو صالح شـوق منسوع الجـديـل *** شوق هنوف كما وصـف الغـزالـه تعجـب المنعـور بالطـرف الكحيـل *** من بني عـمه مثـل خطـو السلالـه حـظـوتـه مـا دورت غـيـره حـليـل *** مـا تـبـي غـيـره ولا دوّر بــدالــه قـلـت مـردود النقـا عـقـب الجميـل *** صاحب المعروف سوابـي جمالـه والحسب ما يجحـده غـيـر الرزيـل *** ماكـر الخـسـة وعـنـوان الـنـذالـه لـو مدحـت المـدح فـي حـقه قـليـل *** أبـو صـالح لا نـصيتـه حـي فـالـه افـتخـر بـه واشكـره شكـراً جـزيـل *** واذكـره بالـنعـم في حـزت مجالـه مـا نـسينـا مـوقـفـه عـنـد الـوكـيـل *** ما حصل بالجـاه عـده مـن حلالـه عـن طـريـق الحـق دايـم مـا يمـيـل *** مقتدي درب العواجـة مـا مشالـه مـا غـدر صاحـب ولا بـاق العـميـل *** ولا تـعـامـل بالـدجـل ولا الحيـالـه الخـوي يشـكـر جـنـابـه والـزمـيـل *** مـا تـكـبـر كـل مـن جـاه وانـتبالـه مـن سبب طيبـه غـدا قـدره جـليـل *** أبـو صالح كثـر الـلـه مـن امثـالـه نشكر اعمالـه عسى عمـره طويـل *** مشتهر بالطيب محموده اخصالـه جـاه عـرق الطيب من جـده عقيـل *** وينتـبـه بالمـرجـله عـمـه وخـالـه منسبه ساسه مـن الفـرع الأصيـل *** وايلي منجوب من عـرق الأصالـه لابـتـه بـالـكـون هـم زبـن الدخيـل *** عـزوتـه تعـزا مـن رجـال الشكالـه الـحـمـادا سـلـمـهـم عـز الـنـزيــل *** نجـدت الـواني إلى شانت احـوالـه يـوم عصر الجوع مع قـل المكيـل *** من يـدور الطيـب يبـذل حـر مـالـه غـرسهـم للضيـف منتوجـه سبيـل *** وجـارهـم بـديـارهـم بـالـعـز دالــه يـوم عصر الجـوع ما فيهـم بخيـل *** يرخصون المال عن عـلم الرزالـه وجمعـهـم بالكـون نـطـاح القـبـيـل *** يقحمـون الحـرب لا شب اشتعالـه مجـدهـم مـوروث من وايـل سليـل *** بـالـمـراجـل والـحـمـيـة والبسالـه فعـلـهـم بالطيـب وصفـه مستحيـل *** ومـن فعـل لا بـد تشهـد لـه افعالـه قـلتـها وعـندي عـلى قـولـي دليـل *** لا بـتـك رجـالـهـم يـسـوى عـدالـه وقال عبدالله بن عبار هذه الأبيات تهنئة لسعادة الدكتور عبدالعزيز بن صالح العقيل بمناسبة تعيينه وكيل لوزارة الثقافة والإعلام : 7 جيت أبارك لأبو صالح يـوم عـيّـن *** أفخر بنسل الحميدي وأعتزيبـه طـاع ربّـه طـاهـر النـفس وتديّـن *** أبن عقيـل التـقي مـاداس ريـبـه عـن طواريـق الـردى طعّـم وتيّـن *** اشتهـر عبدالعـزيز وبـان طيـبـه محـتـرم للنـاس مـتـواضع ولـيّـن *** وأبتع من السيف لاشاف الغليبه أبـو صالح في مجال العـلـم بـيّـن *** كان نـال الجايـزة مـاهي غـريبـه مـن يـدور العـز للفـرصـة تحـيّـن *** يغـتـنم وقـتـه قـبـل يـبـدأ مشيبـه عالي الهمّات خلا الصعـب هـيّـن *** عادتـه يصعد على راس الجذيبـه كـل مـا جـاء دائـرة رتّـب وزيّــن *** من اخلاصه كل مخـلص يقتديبـه من حمايل حيـروا عـقـل الذهيّـن *** بالحجـج رجـالهـم يـفـلـج طـليبـه طبعهم كان الزمن وجهـه تشيّـن *** دارهـم لضيـوفهـم دايـم خصيـبـه يوم ينضب مبهل الضّرع المحيّن *** يلتقون الضيـف بصدور رحـيبـه يتبع التعديل الأخير تم بواسطة عبدالله بن عبار ; 06-25-2022 الساعة 04:10 PM |
|
|
|
05-01-2022, 04:15 PM
|
#2 |
|
صاحب الموقع
تاريخ التسجيل: Mar 2008
المشاركات: 10,251
|
تابع
هذه عدد من القصائد مدح وثناء وشكر للرجل الفاضل الدكتور حسين بن علي العطالله الطويلعي مدير الأستقدام بالمنطقة الشرقية سابقاً هذا الرجل الذي ما تأخذه بالحق لومة لائم ولا يعرف الرياء والمجاملة ولا يحب المدح ويتصف بجميع الصفات الحميدة ومنها الكرم والعفة والشهامة والصّدق والحمية والوقوف مع الحق وله مواقف لا تنسى منها تصديه للذين ينهشون في عرضي والذين يجحدون جهدي ومهما قلت من المدح ما أوفيه حقّه وهذه القصائد لأن الشكر لمثل هذا الرجل واجب ومن لا شكر الناس ما شكر الله وإضافة إلى هذه القصائد فأن بيني وبينه عدد من القصائد مساجلات منذ أن عرفته وسوف أنشر قصائد المساجلات في باب المساجلات : قال عبدالله بن دهيمش بن عبار العنزي هذه القصيدة يثني على حسين بن علي العطيل العنزي لمواقفه الطيبه : 8 يا راكـب الـلي يـوم تـنظـر لميـصـه *** مثـل الجواهـر لـون بديـه وشاصه جيـبٍ اليـا شغـّل تـقـل بـه رعيـصـه *** واليا انطلق بالقار مثـل الرصاصه ما بيـن سعـد وبين رمـلـة خـريصه *** يا زيـن مع هـاك الطريق ارتقاصه سار الفجر والنور يومض بصيصه *** لحسين بـالـدمـام وجهـت منـاصـه في مجلسه تلـقـا ونـاسه وهـيـصـه *** مجلس شـرف مـابـه كلام للواصـه أبـو عـلـي حـرٍ يـشـبـب قـنـيــصــه *** وكـره رفـيـع ولا يـطـب القـفـاصـه نـفسه بجـزلات المـراجـل بخيـصـه *** وصنع الجمايل مهنته واختصاصه رجلـه عـلى رقي المعالي حـريصـه *** يـوم الـردي عنهـا سريعٍ محاصـه يـعـبـا لحـل الـمعـضلات العـويـصـه *** عون الرفيق الياشكا من خصاصه نـزه الشوارب مـا تـدنس قـمـيصـه *** ولا صـار عرضه تقل منديل ماصه شام وشمخ عـن العـلـوم الرخيصه *** ولا يقـترب من كـل عيـب ونقاصـه عسى الـولـي يكـفيـه شـر النقيصـه *** حيثه عـلى المجـد التليد احتراصه هـو محزمي عنـد أرتعـاد الفريصه *** والرجل تعرف سيرته من اخلاصه ولا الـردي لـو هـو سـلايـل قبـيصه *** تـاريخ ربعـه مـا يهـمـه اقصاصـه عفن اللغى يا حسين عـقلـه مليصه *** مشغـول فكره مـع سبيته وهاصـه الـلاش مثـل الـداب يعطـب قـريصه *** عـن سـم نـابـه مـا تـفيـد القراصـه هـذا زمـانٍ تـّرك الـهـدر حـيـصـــه *** خـارت قـواه ولا بعـظمـه مصاصـه والـلي تميّـز لهجتـه مـن وصيصـه *** كـلـن يـقـول الـيـوم دنـّق وقـاصــه دنيـاك يا مشكـاي صـارت خبيصـه *** يقـولـه الـلي غـبت المـوج غـاصـه وعند الولي رزق الطيور الخميصه *** تـمسي زواحنهـا سوات القـلاصـه قال عبدالله بن دهيمش بن عبار العنزي هذه القصيدة يثني على الشيخ حسين بن علي بن عطالله الطويلعي أشادة بمواقفه المشرفّه : 9 بـديـت أسجّـل ما طـرالي مـن القـاف *** شكـر وثـناء لأهـل الوجيه السفيره أمدح رفيع الجاه من بيض الأصحاف *** الـلي عـلومـه بالمـراجـل شـهـيـره الـلي حـوا مـن المرجله كـل الاصناف *** الـصافي الـوافـي نــقـي السـريـره أعني حسين الـلي بعـلـم الفخـر نـاف *** مـن طيب فعـله تفتخـر بـه عشيـره حسين أبو علي على الطيب مزهـاف *** طيّـب ولـه فـي طـيّب الـذكـر سيـره حـسـيـن شـاد الـوايـلـيـه لـلأضـيـاف *** مــن زار ديــوانــه يـشـرّع بـمـيـره حـسيـن ديـوانـه مـثـل بـرد وارواف *** بـه ضـل عـن لفح السموم وهجيـره حسين لـضيـوفـه يـرحّـب ويـحـتـاف *** والـبـن الأشقـر فـي مضيفـه يـديـره حسين ممدوح الخصايـل والأوصاف *** وقـت اللّـزم عـون الـرفيق ونصيره حسين الـلي شـال المحامـل بالاكتاف *** شـهـم وكـريـم ولـلـرفـاقـه ذخـيــره حسين ينفـق جـود مـا قصده اسراف *** مـن فـضـل ربّـه كـثّـر الـلـه خـيــره حسيـن مـا طـبـعـه مـخـادع وبــلاف *** ولا هو من أصحاب النفوس الكبيره حسين مـنـجـد مـن تـهـلـفـا بميهـاف *** حـلال صـعـبـات الأمـور الـعـسـيـره حسين دايـم منهجـه عـدل وأنـصاف *** يـمـتـاز بالحـكـمـه وفـهـم وبـصيـره حـسيـن مـتـعـلـّم وصـاحـي وعـّراف *** مـن تـاه عـن درب القـدى يستشيره حسين تـمـدح سيرتـه كـل الأطـيـاف *** راعـي الجمايـل لـه فـضايـل كـثيـره حـسيـن بـعـيـد الـمـرامـع والاهـداف *** دايـم عـلى طـرق الفضيـلـه مسيـره حـسـيـن مـا جـامـل عـّدوه ولا خـاف *** ضفر وشجاع وبـه حميـه وغـيـره حسين اللي في حّزت الضيق ينشاف *** بعـيد عـن عـلـم الـرّدى والمـعـيـره حسين الـلي للهـون والمدنقـه عـاف *** الـولـدعـي مـا مـل قـربـه قـصـيــره حسين من روس الحمايل والأشراف *** مـن ساس لابـه بالمـراجـل جـديـره حسين مـن عـزوه يـقودون الأسلاف *** يـوم الحـرايـب يـنطحـون المغـيـره حسين لـه مـن طـيّـب الفـعـل ميقـاف *** مـا يجـحـده لـكـود خـايـن ضمـيـره حسين مـا اعلومه هزيلات واضعاف *** يشـوم عـن لفـظ الهـروج الحـقيـره حسين ضـد أهـل الـدعـايـه الأرجـاف *** الـلي يـغــرون الـعـقـول الـغـريــره حسين ما يقبل على الصاحب اجحاف *** مـن شـد بـاسه مـا يطيق الكسيـره حسين حـر وماكـره روس الأشعـاف *** مـا يـسكـن ألا بـالـجـبـال الـوعـيـره حسين مـثـل الـنيـل بـه در واصـداف *** والياطمى بـالـمـوج يرهـب هـديـره حسين عون اللي شكا سنينه اعجاف *** يـنصونـه النـاصيـن مـن كـل ديـره حسين جـعـلـه دوم مـا يشكي خـلاف *** عسى الولي مـن كـل عـايق يجيـره هذه القصيده من شعر عبدالله بن دهيمش بن عبار العنزي مسنده على الرجل الفاضل صاحب الحميه والغيره الوايليه الشيخ الدكتور حسين بن علي بن عطالله الطويلعي من رجال عنزة الذين على مستوي القبيله في كل المقاييس وهذا القصيدة تدور حول أهم موضوع يهم قبيلة عنزه في هذا العصر وهو تزوير نسبها والحاقها بجد ليس جدها ونفي وجود وائل من ذرية عنزة وتلفيق أباطيل تزوّر لها جد بالأعارة فقلت : 10 مبـداي في عـالـم خـفي السرايـر *** الواحـد الـلي ارزاق خلقه كتبها مـولاي غـفّـار الـذنـوب الكـبـايـر *** فـراج كـربـات العـبـاد ونصبهـا نعـوذ بالـلـه مـن لهيـب السعـايـر *** نـار الجحيم الـلي تـوقّـد لهـبهـا ومن بعد ذكر الـلي يسن الشعاير *** قـلـت لنديبي عـدّة السفـر جبهـا أبـي إندب الـلي للسفـر دوم هاير *** قـرم الـيـا لاح النجـيبـه صلـبهـا ألبـنـز جـهـزهـا ولـلـزيـت عـايـر *** تبهـج صـدر سـواقـها لا ركبهـا ما تغـرس برمل الطعوس التواير *** وقاع المواحل ماتغوص بخلبها خذ قاف قلته من صميم الضماير *** الـلي سلوم الطيب فكـره رغبها أبـو عـلـي يـفـرح اليا جـاه زايـر *** ويدي لدسمين الشوارب وجبهـا يحجي ويـذري بالسنين العسايـر *** منصى الرجال اللي زمنها نكبها كم جاه من يشكي به الوقت جاير *** هـواشله عـلـم الفضيله جـذبهـا فرحت ضمير الـلي جراله جراير *** عقب الكدر نفسه تزاود طـربهـا يستـاهـل التمجـيـد عـز القصايـر *** نفسه عن الطرق الرديه حجبها مـا سار بدروب الغـوى والنكايـر *** وكـل العلـوم العايـزه مـا قـربها أعـمـال عـظمى يعتبرهـا صغايـر *** يرفض ينوه عن مواهب وهبها بالجود مـا تشكل عـليه الخساير *** فضايله تصعب عـلى من حسبها يا مكثر اللي منك يا حسين غاير *** لك سمعه الحسّاد تحرق عصبها تعيش يالـلي بنهج الأجواد ساير *** نلت الفخر والحقت نفسك طلبها مـن طـاب مثـلـك للقبيلـه ذخـايـر *** هـم الكنوز وهـم خـزاين ذهبهـا وأن جـاك من لـه لازمه بالدواير *** المعـضلـه تسعى لحـلّـت نشبهـا يـفـدا جنـابـك كـل مسرف وبـايـر *** الـلي على الكوبه عباته سحبها ويفداك من يصغي على كل شاير *** الـلي الكـرامـه بالدراهـم جلبهـا يا أبو عـلي محتار فكـري وحايـر *** مـن واقـع راع القلوب ورعبها كسـر الـقـزازه مـا تـفـيـده جبايـر *** أمثال يفهـم قصدها من ضربهـا الخـيـل مـا تـرهـم عليها الوثايـر *** والكدش يفشل باللزز من هذبها أن صارت العـزوه خبّـر وحضاير *** من عقب جمعاها تفرّق شعبهـا يا أبـو عـلي مـاريد حـل الصراير *** لوكان بعض القوم جروا سببها الـلي عـن جـدود القبيلـه مخايـر *** خالـف نـبـيـه والـذنوب ارتكبهـا جـد عـنـزه مافيـه عيـب ومعايـر *** بـان الدليل وصارت القـوم نبهـا عزوة ضنا عـناز يا أهل البصاير *** عشريـن قـرن ولا تغـيّـر لقـبهـا أنـشـد مـن بـلاد اليـمـن للجزايـر *** وأنشد عواين تركها مع عـربها بشر وضنا مسلم فخوذ وعشايـر *** من سجّل الأنساب وضح نسبها تـعـرف بـدايدها بطـون وعمايـر *** عـرق الحمايل من ربيعـه نـتبها يـوم الحـرايب بين نصـر وكساير *** من فـاز بالهيـه خصومه سلبها يـوم الفشق بـيـن القبيليـن ثـايـر *** والـكـل نـادى للجـمـوع ونـدبهـا الـلي يـلاقـي جـمعهـم هـج نـايـر *** يلقا الهزيمه بالوغى من حربها كم راس فارس من علابيه طايـر *** عـنـد البكـار اليـا تناخـوا جنبها لا طـار ستـر مجـدلات الضـفـايـر *** عدوانها تخشى عواقب غضبها عـزوة ضنا عـنـاز ستـر الحراير *** مـا تاجـد الـلي بالفعـايـل هـزبها وصلوا على الـلي كل دينه بشاير *** أهـل البدع وأهل الخرافه غلبها قال عبدالله بن دهيمش بن عبار هذه القصيدة بمناسبة تكريم الدكتور الشيخ حسين بن علي بن عطالله الطويلعي الرجل الذي يستحق التكريم لمواقفه المشّرفه : 11 يـا مـرحـبــا بـالـلـي لــقـاهــم نــوده *** يا مـرحـبـا بكـل الـرجـال الحشيمين يـا زيـن سـاعـات اللقاء عـقـب مـدّه *** عزالـلـه إنا لشوف الأقراب شفقين قــولــت هــلا لــو ألــف مــرّه نــردّه *** مـا أظـن نـوفـي حـقكـم يالعـزيزين يـوم جــمـعــكـم يـالأجــاويــد عــــدّه *** عـيد الفطـر بوجودكم صار عيـدين عـلى شـرف مـن حـصل المـدح قـدّه *** تكـريم عنوان الكـرم حضرة حسين أبـو عـلي مـالـه عـن الـطـيـب صـدّه *** عز الرفيق وريف من جـوه عانين عـن الـفـخـر مـا جــاه عـايــق يـلـده *** فيه السطـروالجود والعطف واللين مـا يـوم صـعّـر نـسـل الأجـواد خــدّه *** رايـه قـدي مـا طاع قول المشيرين طـيبـه بـحـر مـا يكتشف غيـب سـدّه *** وشرواه نفخر به عـلى فعلـه الزين الــكـل يــفـخــر فـي مــواريـث جــدّه *** وحنّـا نـطـول ونـفتخـر بالعنـزتيـن مـسـلـم وبـشـر مـجـدهــم مـا يـهــدّه *** هـوج الـريـاح العـاتيـه والبـراكيـن أحــفــاد وايــل يــوم بـالــوقـت شّـده *** لأفـعالـهـم عـنـد الـقبـايـل بـراهـين لـهـم الـمـثـل مـعـروف مـع كـل بـّـده *** أهـل الـرباع الشامخـه والـدياويـن الجـمـع الـلي جـمع المعـادي يـضـدّه *** فـوق السبـايـا يـقحـمـون المياديـن والــيــوم كــلــن يـلـتـزم راس حـّـده *** من فضل ربـي كلنا أخـوان بالديـن مـصـدر فـخـرنـا وعـزنــا نـسـتـمّـده *** مـن عـدل حـكـم مطبقيـن القـوانين بـعـض الشعـوب حكـومـتـه مستبـده *** وحـنـا بضـل مـلـوكـنـا مـطـمئـنيـن الـلي قـضايـا الشـعـب حـلـوا اعـقـدّه *** نـرفـل بأمـن وخيـر والكل راضيـن مـجـهـودهـم غـرسـه اثـمـاره نـجـّده *** خـلـوا وسيعات الصحاري بساتين مـهـمـا حـسـبـنـا فـضـلـهـم مـا نـعـدّه *** نـبـقى لـهـم طـول الليالي مـدانيـن قال هذه الأبيات من شعر عبدالله بن دهيمش بن عبار العنزي مهداه للرجل الفاضل الشيخ حسين بن علي الطويلعي : 12 عـاش من شيّـد مضيف الوايليـه *** النبيـل حسين محمود الخصايـل المضيف الـلي مـثـل قـارة طميـه *** يـزمي وحولـه بساتين وخمايـل عن هجيرالقيض به للضيف فيّه *** مزبن الملهوف في حمو القوايل الـبـخـور يـسـاق بـه والشاذلـيـه *** والصياني وسطها كـوم الجلايـل وكـل ليـلـه مجلسه مـثـل الحنيـه *** يجمع الأصحاب من كل الفصايل يلتقي مـن جـاه في نفس رضيـه *** يجذب الـّزوار في شتّى الوسايل يـلتقـيـهـم بالـبشـاشـه والتـحـيـه *** وبالكرامه راس من يآتيه طايـل الكـرم والجـود مـا جـالـه حـذيـه *** ورث جـدانـه عـريبيـن السـلايـل ورثـّه عـوداً ربـى بـديرة ضريـه *** ولا تناسى عزوته نسل الأصايل إشهـد أنـه عـقّـب لـربـعه شفيـه *** أنجب اللي لصعب الاحمال شايل صاحب المعروف عنوان الحميه *** أشهـد أنـه مفـخـره لعيـال وايـل فـي عـلـومه تفتخـر كـل السميّـه *** شـرّف الـويـلان مع كـل القبايـل نفتخر في كـل صاحب جود زيـه *** ونعتـزي في كـل نـادر لـه فعايـل نـال عـلـم الغـانـمـه بالمـعـنـويـه *** كـل يـوم الـوايـلي يكسب نفـايـل مـا تـدنّـي لـلـدحـاويـس الـرديـه *** يدرك الجـزلات ويعاف الهـزايـل يـبـذر الحسنى ويـكـره كـل سّيـه *** طيّب ويحسب من كـرام الحمايل عن مجال الطيب ما يخلف نـويه *** حيث فعـلـه بالمراجـل لـه دلايـل مـا يعاشر بالعـرب عفن السجيه *** ولا يحـل بمجلسه سود الفـوايـل ياعسى يـفـداه مـن نـفسه دنـيـه *** العـفـون الـلي يجيبـون الفشايـل ما تسود أهـل الفشل والمحقريه *** ولايحـوش الطايله شين الدغايل الــردي لـو كـان عـنــده مـاديــه *** خاب سّده ما يحوش الا الرزايـل يـدرك الطـولـه مـن يـدينه نـديـه *** الكـريـم حـسيـن كـريـم السبـايـل الكـرم والجـود وأيضاً طيب نيـه *** تحتـوي شخصيتـه كـل الفضايـل مـا سهج واجـب ولا يقبل خطيه *** ولا تحمّل بالخطأ من كـان عايـل لـه مكـارم عـدهـا يصعـب عـليـه *** من مزايا حسين عـديت القلايـل أطـلـب المـنعـور يـقبلـهـا هـديـه *** مـن مّـود لحضرته والشك زايـل صاحب المعروف له حـقً عـليـه *** من عـرفته عادته فـعـل الجمايل عبدالله بن دهيمش بن عبار العنزي هذه القصيدة مسنده على الرجل الفاضل الدكتور حسين بن علي الطويلعي صاحب المواقف المشّرفه : 13 يـا ولـي الـكـون عــفـوك يـا لـطـيـف *** أنت اللي لطفك على المخلوق ضافي أنـت الـلـي مـالـك مـثـيـل ولا وصيف *** وأنـت يـا مـولاي تـعـلـم كـل خـافـي يالـلـه أنصـر صاحب الجيب العـفيـف *** يا مغـيـث القـاع مـن بـعـد الجفـافي كـان بـعـض الـنـاس للظـالـم سعـيـف *** استعـيـن بـخالـقي واطـلـب انصافي ومن تكاسل عن حقوقه شاف حـيـف *** وكـل ظـالـم فـيـه مـيـلـه وانـعـطـافي ولا نـدور الـحـق مـن لجـنـة جـنيـف *** لـو حـفـظ حـق المـؤلـف والصحافي مـا انـتـحـاكـم فـي سـجـل اليونسيف *** حـكم شرع الـلـه عطانا الحـق وافـي والـعـدل والـشّـرع كـنّـه حــد سـيـف *** طـبّـق بـعـدل المـلـوك وقـلـت كـافـي في حكـم من خـلوا المصعـب عسيف *** ومـن تـجـبّـر يـدعسونـه بالخـفـافـي مـن تـعـرّض للـبـري حـظّـه ضعيـف *** ولا يـذم أهـل الفـضيـلـه كـود هـافي ولا يـبـور بـصـاحـبـه رجـل شـريــف *** ولا يجيـك الكيـد مـن عـال الهـدافي ولا يـغـثـك صاحـب القـلـب النضيـف *** والنقيـصه مـا تجـيـك مـن السنـافي وأن بـدأ خـطـو المهـرفل لـه هـريف *** مـثـل مـومي بالـدجى والنـور طـافي الـلـجـاجـه بالـمـجـالـس مـا تـخـيـف *** وأحـمـد الـلـه عصرنا سلـم وعوافي يـجـرف التـيـار مـن وزنـه خـفـيـف *** ولا يـهـز الحـيـد عـاصـوف السوافي والـحـمـايـل مـا تـصـدّق كـل هـيــف *** والـصـمـال الـواقـعـي لـلـكـذب نـافـي كيف الـلي يطمر عـلى جال الرصيف *** بـالمسيـر يـشجـعـه خـطـو الهـلافـي وكـيـف رواد المسـارح بـالـمـصيـف *** مـنـهـم الـلي يـفتـخـر والفعـل مـافـي مـن نـزل عـن الشـداد أصبـح رديـف *** ولا يسود الـلي عن الطولات غـافي والثـنـاء يـرهـم لـمـن شـاد المضيف *** بـالـكـرم والـجـود مـقصـد كـل لافـي أبـو عـلـي شـايـل الـحـمـل الـكـليـف *** أفـتـخـر بـه وامدحـه بحـروف قـافـي عـادتـه يصعـد عـلي الضلـع المنيـف *** مـا يـلـوبــد بـالـطـمـانـه والـمهـافـي الـنـبـيـل حسيـن مـن طـبـعـه يـقـيـف *** مـع طلاب الحـق يـجهـر بـه كشافي قال عبدالله بن دهيمش بن عبار العنزي هذه القصيدة شكر وثناء مسنده على الرجل الفاضل حسين بن علي الطويلعي ومهداه إلى حمد بن محمد الوقيت الربشاني القعيقعي الرويلي بمناسبة عفوه عن أبن جاره الشمري: 14 يابو علي مشكور مشكور يا حسين *** أشكـرك فـي مـبـدأ الكـلام وختـامـه من طيب فعلك نلت شكر العنـزتيـن *** شبحك بعـيـد وفيك عـرف وفهـامـه أولاد وايـل كـلـهـم عـنـك راضـيــن *** كـرمّـت قـرم يـسـتـحـق الـكـرامـــه أبـو رعـد من ساس ربع عـزيزيـن *** حـمـد بـن مـحـمـد عـدتـه الـمـلامـه حيثـه مـن قـروم الـرجـال المسمين *** مـا دك بـالمنعـور عـرق الـرخـامـه حشيـم ويحشـم الـرجـال الحشيمين *** والجـار واجب حشمتـه واحتـرامـه يستاهـل التمجيد مـن يفـعـل الـزيـن *** الـلي بـذل لـلـجـار جـل اهـتـمـامــه مـا يقبل أن الجـار ضمن المساجين *** يـبشـر قـصيـره بالهـنـا والسـلامـه عفى لوجه الـلـه ولا مقـصده شيـن *** أجـر وغـنـيـمه مـا بـعـفــوه نـدامـه حـمـد حمـد يـلـوق لـه قـول نعـمين *** عـفـى ولا دار الـطـمـع والـغـرامــه يجبر نصابه خالق الخلق من طيـن *** رب الـعـبـاد يـعـوضـه عـن غـلامـه شـادوا بمـدحـه فـي جميع الدياوين *** عـسى ولـى الكـون يـرفـع مـقـامـه الـعــفـو وصّـى بـه خـتـام النبـيـيـن *** شـفـيـع الأمـة فـي نـهـار الـقـيـامـه والعـفـو من طبـع الـرجال الميامين *** أهـل الـمـروة والـوفـاء والشهـامـه مشكـور يا نسل القـروم العـزيزيـن *** الطـيـب تحـمـل يالـوقـيـتي وسـامـه مـن لابـة مـاهـم عـلـيـنـا خـفـيـيــن *** هم عـز من وقتـه غـدربـه وضامـه أعـني هـل العـلـيـا قـديـم وهـلحيـن *** بـهـم عـلى حسن الطـبـايـع عـلامـه مبطي مقـادمهم شخوص الشعالين *** شيوخ الجلاس الـلي تقود الجهامـه وليـم وصفهـم في أثبـات وبراهيـن *** وموزل صـدح بافعالهـم فـي كلامـه حـمـايـة الـعـلـيـا كـعـام الـمـعـاديـن *** شجعـان يـوم العـج يـسمـك كـتـامـه عـوق الضـديـد ومـلتجـأ للمجـلـيـن *** يـوم الـعـرب كـلآ حـلـيـفـه حسامـه واليـوم حـنـا بضـل حـمـايـة الـديـن *** الـلي الفخر والمجد وصلوا سنامـه الـلي حكمـوا من حـد جـده ليبـريـن *** ومـن ديـرة الجوبـة لشرقي تهامـه قال عبدالله بن دهيمش بن عبار هذه الأبيات يثني على الدكتور حسين بن علي الطويلعي : 15 يا ابـو عـلي يا حسين في كل جمعه *** ترسل رسايل كل ما يمضي اسبوع يا حسين لـك مـن طيّب الفعل سمعه *** يامن بفكرك سلـم الأجـواد مطبوع شمـل القـرايـب دوم تـسعى لجـمعـه *** ما تستريح وبينهـم وصـل مقطوع تـبـقى لـنـا سراج ومـنـاره وشمـعـه *** مـثـل العلـم بالساريه فـوق مرفوع مـثـل القمـر يضوي شعـاعـه بلمعـه *** دايم على بروج الفلك يصعد طلوع ريـف الـذي لـه بـك هقـاوي ورمعـه *** كانه نظر وجه السعد يذهب الروع والـلـي تـهـل أمـه عـلى الخـد دمعـه *** غارم ولدها بداخل السجن مجدوع مرسالها يصعب على حسين صمعه *** تبـرعـه غـطّى عـلى ريـع مشروع غـيـر الأجـر مالـه مقـاصد وطـمعـه *** حـيثـه لبيـب ويفتهـم كـل موضوع ديـوان قصره مـا يـدانـيــه الأمـعــه *** على الـردي الهيس والنـذل ممنوع أبـوك عـصيـب الـهـرافـي يـخـمـعـه *** يوم الزمان الـلي به العوز والجوع قال عبدالله بن دهيمش بن عبار هذه لأبيات يسند على الدكتور الشيخ حسين بن علي الطويلعي : 16 يـا أبـو عـلي يـا حسين أقـر كتابـتي *** أبيـات مـن شعـري نـويـت أرسلهـا يا أبـو عـلي يا محـزمي يا عصابتي *** أنـت الـقـبـيـلـه كـلـهـا مـجـمـلـهـــا دوم افـتـخـر بـك مـن نـوادر لابـتـي *** وأنـت الجـمـايـل عـادتـك تـفـعـلهــا أعـدك الـدانـى مـن أدنــى قـرابـتـي *** وأنـت الـحـمـول الـكـايـده شـايـلـهـا أشـعـر بـتقـديـري وتكـبـر مهـابـتي *** حـيـثـك عـلـي الـعـوج مـا تـقـبـلـهـا لـك مـوقـفـاً مـا أنسـاه يـوم طلابتي *** تـفـرح صـديـقـك والـعـدا تـزعـلـهـا قال عبدالله بن دهيمش بن عبار هذه القصيدة يسند على سعادة الشيخ الدكتور حسين بن علي الطويلعي : 17 أكـتـب رسـالــه بـالـوسـايـل تــودّى *** للفاضل الـلي بالفخر بان له صيـت حـسـيـن أبـو عـلـي مـديـحـه يـبـدّى *** لا جيب علمه قيل يا نعم ما أطريت مـن جـود كـفّـه بـالصخّى دوم نـدّى *** عـلى الفضيله والكرم يشمخ البيت يـا مـا تـعـشّـى مـن لـفــاه وتـغــدّى *** وياما قلّط ضيفه عـلى مفطّح العيت مـا يـوم مـمـدوح الـسـجـايـا تــردّى *** ينفـق ولكـن مـا لفـظ كلمة اعطيت كـم جـاه مـغـرم يـلـزمـه دفـع مــدّى *** مـن جـاه قـال ابشـر هلابك وحييت حـيـث الشبيـه الـلي بوصفه يشـدّى *** حـيـد الجبـال الـلي بضلعه تـذريـت كـم مـرّه لـمـن غـّره إبلـيـس هــدّى *** وكم قيل لـه مشكور للخيـر سويـت تـعـــيـش يـالـلـي لـلـمـواجـيـب أدى *** بي يحتفي وجه السعد كل ما جيـت يالمنصف الـلي لكـل عـايـل تصـدّى *** وفـّيـت يـا فـخـر القـبـيلـه وكـفّـيـت يفداك الـلي قـلبـه مـن الـرّان صدّى *** بالكيـد بـاح وشتـت الشمـل تشتيت مـن عـال واجـتـاز الحـدود وتـعـدّى *** ياجـب عـلـيـه يـثبـت القـول تثبيـت وأن كـان مـا دل الـطـريـق وتـقـدّى *** غـرّه كـلام الـقـادحيـن الشـوامـيـت أجـهـر بصـوتي وأعـتـزي واتحـدّى *** وأريـد تفنيـد الخـطأ كـاني اخطيـت فـي ضـل عاهـلنا المـلـيـك المـفـدّى *** الـحـمـد لـلـه جـت عـلى مـا تمنيـت قال عبدالله بن دهيمش بن عبار هذه القصيدة يثني على الرجل الفاضل الدكتور الشيخ حسين بن علي الطويلعي : 18 يـا حسيـن مـا نـقـدر نعـدد مـزاياك *** بـك مـن علوم الطيب كل الخصايـل الأولــه خـوفـك مـن الـلـه وتـقـواك *** تطلب رضى ربّـك بـفـرض ونفـايـل والثانـيـه يـا حسيـن بـشّـت محيّـاك *** للجـود فـي وجـهـك رسـوم ودلايـل والـثـالـثـة لـلـمّـد عـودت يــمـنـــاك *** تـنفـق وتـبـذل بالـكـرم مـا تسـايــل والـرابعـه خصمـك يهابـك ويخشـاك *** مـا تـقبـل الـعيـلات مـن كـل عـايـل والـخـامـسـه دايـم تـروف بـدنـايـاك *** حيـث أنـت متعـّود لفـعـل الجمـايـل والسادسه مـا تـلفـظ القول مـن فاك *** الا الـعـلـوم الـصـادقـه والـصمـايـل والسابعه مـا ينوجـد شخص يشناك *** عـلمـك يشـرّف مـع جميع القبـايـل والـثـامـنـه يـعـتـز مـن كـان خـاواك *** وبالشيمـه الشّـمى اشباهـك قـلايـل والتاسعـه فيـك الـوفـاء لا عـدمنـاك *** وفيك التواضع نلت بـه عـلم طايـل والعاشره هـمّتـك مـن فـوق الأفلاك *** مـن قـو عـزمـك دوم للحمـل شايـل وحادي عشر دايم على العزممشاك *** مـا درت عـن علم الفضيلـه بـدايـل وثاني عشـر ضيفـك يكـرّم اليا جاك *** يقلط عـلى عيت الخـراف الجـزايـل وثالث عشر يلقـا الفـزع من تنصّاك *** تـجهـد بمطلوبـه بشـتّى الـوسـايـل ورابع عشر يا حسين تعرف حميّاك *** ولاهـي غريبه من عـريب السلايل وخامس عشر يـدوم مجدك وعلياك *** حيثـك مـن الـلي مابهـم قـول قـايـل وسادس عشريانسل الأجوادمجناك *** من ساس عزوه من عزاز الحمايل وسابع عشـر والـدك للطيـب ربّـاك *** وعـذّاك عـن درب الـردا والـرذايــل وثامن عشر مـن عفّتك ربّك اغناك *** ولا خادعوك أهـل الدّجـل والتحايـل وتاسع عشر يامسندي كيف ننساك *** يـا ذخـرنـا حـزّت تـضـيـق المحايـل وعشرين نلت المدح والمدح يزهاك *** حيثـك فـخـر يا حسين لأولاد وايـل والخاتمه نطلب عسى الـرّب يرعاك *** فـي حفظ مـن نـزل مـزون المخايل قال عبدالله بن دهيمش بن عبار هذه القصيدة بالرجل الفاضل الدكتور حسين بن علي العطالله الطويلعي مدير عام الأستقدام بالمنطقة الشرقية سابقاً وصاحب مضيف الوائلية بالدمام وهو رجل توفر بشخصه جميع الأخلاق الفاضلة من الرجوله والكرم والنبّل والرصانة والفهم والأدراك ولا تأخذه بالحق لومة لائم ومثله تفتخر به القبيلة وكل من يعرفه من أصدقاء وأقارب من شعر الثناء الذي يستحقه هذه القصيدة أقول : 19 أبـي أطـلـب الـلي مالـنـا رب غـيـره *** يـا عـل عــنـده دعـوتـي مـستجـابـه أنــه يـحـفـظ الـلـي نـعـز ويـجـيـــره *** يـعـلـي قـدر شـانـه ويـرفـع جـنـابـه أعـنـي حسيـن الـلي تـوجّـه مسيـره *** صـوب الـعـلا وبالـلاّزمـة يـعتـزابـه مشهـور مـن صفوة رجـال العشيرة *** تـفـخــر بـعـلـمـه كـل عــزوه ولابـه بالطيـب لـه فـي طيّـب الـذّكـر سيـره *** ومن شاف فعله صار يبدي اعجابه أبـو عـلـي مـعـروف فـي كـل ديــره *** صـيـتـه ظـهـر بالنـاس كـلـن درابـه هـو مسند الصاحب وهـو لـه ذخيـره *** محزم ضهر وأيضاً لـراسه عصابه يـجـود مـن مـالـه احـسـان وبـريـره *** الـمـال طـبـعـه مـا يحـسّـب حسـابـه شـهـم وكـريـم ولـه جـمـايـل كـثيـره *** مهمـا عـمـل مـن طايـلـه لا غـرابـه صاحب وفاء وعنده حميـه وغـيـره *** ومحـبـوب عـنـد الأجـنبي والقـرابـه وبالموقـع الـلي كـان يعـمـل مـديـره *** مـا رد خـايـب مـن نـصـاه وهـقـابـه يـحـل صـعـبـات الأمــور الـعـسـيـره *** الـيـا حـصـل بـيـن الـرفـاقـه طـلابـه شـاد المضايـف فـي مـبـانـي كبـيـره *** ومـن زار قـصـر الـوايـلـيـه هـلابـه ديــوان بـالـدمـام شـرق الـجــزيــره *** يلقـا الكـرامـه والـوجـب مـن لفـابـه الـبـن يـسـكـب لـلـوجـيـه السـفـيـره *** وتمـر الحسا يحضر مطايب ارطابـه والـعـود الأزرق بالـمـداخـن يـديـره *** والكبش مـرسالـه مـن الشبك جـابـه هــذي ســواتــه كـثّــر الـلـه خـيــره *** يميـنـه أكـر م مـن هطـول السحابـه مـن عـوده يـا رب تـجـعـل مـصيـره *** مـع الرسول المصطـفى والصحابـه * وقال عبدالله بن دهيمش بن عبار هذه القصيدة تهنئة للأخ نواف بن علي العطيّل بمناسبة زواجه : 20 نبـدي بـذكـر الـلـه ولـي المـقـاديـر *** الـواحـد المعـبـود خـلاق الأرواح بسـم الكـريـم الـلي عـليـه التياسير *** علام سـر الغيـب فـلاق الأصبـاح سـرنـا بتـيسر الـولي نـدلـج السيـر *** عـانيـن للـدمـام سـجـة ومسـراح صوب الذي ما عن وصوله معاذير *** لو كان يعذرمن له الوقت ما تاح يـسـرنـا نـأتـي عـلـيـهـم مـسـايـيـر *** من شافهم يدلـه ضميره ويرتـاح لنـا الفخـر بأهـل الوجـيه المسافيـر *** العـزوة اللي علمهم تقـل مصباح نـواف عـسى مـا تـجـيـه العـواثـيـر *** عسـاه دوم بـعـز والـبـال منساح جـينـا نبـارك لـه عسى فالـه الخيـر *** وعساه ينعـم بالسعادة والأفـراح اهـدي سلام اعـداد مـا غـرد الطيـر *** البلبل الـلي بعالي الغصن صـداح مع فوح نفحات الـزهـر والنواويـر *** ينفـح شذاهـا مع ذعـايع الأريـاح كتبـت من فيض العـواطف تعابـيـر *** يهدا على اللي ما بهم هرج قـداح نسـل العطيـل من سلايـل مشـاهيـر *** هل الكرم ما هم بخيلين واشحاح من صلب ذربين الرجـال المناعيـر *** طـوالـعـة يـفـخـر بـهـم كـل مـداح من صلب لابـة بالحـرايـب مغاويـر *** لا ثارت الملحا تـرى ضدهم طـاح من ولـد عـلي داحريـن الطـوابـيـر *** شجعـان يـوم الجمع للجمع نطـاح قطعانهـم ترعـى من اردام لضميـر *** يـرعـون بالقـفـر الذي بارقـه لاح عـدوهـم عـشـوه عـكـف المناقـيـر *** جاه المصيراللي كتب له بالألواح نفخـر بهـم ما هي مهونة للي غـير *** والطيب مبطي وضحه قبلنا بداح * هذه القصيدة من شعر عبدالله بن دهيمش بن عبار يثني على الشيخ الأدهم بن عبدالعزيز القعيشيش : 21 هاض مكنون فكري وابتدا بالقـوافـي *** طاب نظم القصيد وزان بدع المثايل فاض نفح القريحة من نقاريح صافي *** وفاح عاطر شذاها مع عبيرالخمايل قلت واهـديت قـولي للعـديم السنافي *** نسنده لبـو باسل حيث لـه باع طايـل مـا مـدحـته نفـاق ولا بقـولي هيـافي *** كـل قولي وكاد وكل هـرجي صمايـل يستحـق المدايح لـه مواقـف اتشافي *** لابـتـه يـزبنـونـه عـنـد قـل الوسايـل شفت فعـله بعيني واكتبـه باعتـرافي *** مـن شيـوخ القبـيلـة طيبـين الفعـايـل يحتمي دون ربعه ما غبط كـل غافي *** عنـده اهل القضايا بالمساء والقوايل الثـناء يستحـقـه كـل عـالـي اهـدافي *** يستحـق المدايح من يحوش الجمايل يبتهج بالهواشل ريف من جـاه لافي *** عـلم الأمجاد يبقـا لكـن العـمـر زايـل لـك نقـدم تهـاني والضمايـر انظـافي *** يـا رفيـع المقـام ويـا كـريـم السبايـل من يدور النفايل بـان عـلمه كشافـي *** والشهامة غـريزة من طباع الحمايل حيث مجد القبيلة ماحصاها صحافي *** فـعـل الأمجاد يذكر في زمان الهوايل لـو نعد المفاخر ماضي المجـد كـافي *** والفـعـول القدايـم مـا بهـا قـول قايـل وكان فعـل الحفيـد لفعـل جـده اينافي *** مـا تفـيـد المفاخـر بالسنين السمايـل لابتي نسل مفدع ما بهم عرق هـافي *** بالمنـاسب صليبة من اعزاز القبايـل يوم كانت للأيـدي نالـوا الحـق وافي *** يـوم عصر الحرايب هابهم كل عايـل مجدهم نفتخر به يوم طعـن الشلافي *** يـوم خوض المعامع واقتحام الدبايل حقهـم يـدركونه بالسيوف الـرهافي *** يجلـبـون الغوالي فوق سرد السلايـل يـلكـدون السبـايـا مـقـبلات ومقـافي *** وينطحـون السرايا واحمر الدم سايل وزادهـم يبـذلـونه بالسنين العجـافي *** في جـفـان الصياني مثـل تـل النثايـل يدخلون الدخيل ويحتمـون الضعافي *** ويلتقـون الهواشل يـوم شح المكايـل يذبحـون الردوم ويذبحـون الهرافي *** ويذبحـون المدرع في حـدودالصقايل يوم عصرالظلام ومشعل النورطافي *** يقحمـون العـنيد ويـرملـون الحـلايـل فعلهم له شواهد ماعلى الناس خافي *** مـن قديم العصور وفعلهم لـه دلايـل بالفخر منزلتهم فوق روس الشعافي *** مـن سلايل عبيـد ومن صناديد وايـل ومن يقـود السفينه يوصلـه للمرافي *** ما ينـال المكارم كـود وافي الخصايل كان مالحيد يذري عن لفيح السوافي *** ما نطيق السموم وعندنا ضلع حايل يـوم حمـلي ثـقيـل ولا قـونه اكتـافي *** شـالـوا الحـمـل عـني شايلين الثقايـل الشدايـد تـزول وثـم تصبح عـوافـي *** واقـع الصـدق يذكـر ما تفيـد التحايـل بامـر حكامنا اللي خلوا العـز ضافي *** سـاس حكم العـداله واعتدل كل مايـل قبل ختم القصيدة قصد منظوم قافي *** مـوعـظة للـرفـاقـة كـاسبيـن النفـايـل بين شمل القبيلـة لا يصيـر اختلافي *** تفـرح أهـل البلابل والحسد والدغايـل لوتطق الأنوف الشم سال الرعـافي *** دمنـا من فصيلة من صريح الفصايـل التعديل الأخير تم بواسطة عبدالله بن عبار ; 06-25-2022 الساعة 05:19 AM |
|
|
|
|
05-09-2022, 08:55 AM
|
#3 |
|
صاحب الموقع
تاريخ التسجيل: Mar 2008
المشاركات: 10,251
|
تابع قصائد شكر وثناء بالرجل الفاضل هزّاع بن عايش أبا الروس المطوطح رجل الأعمال المعروف قلتها من خلال معرفتي الطويله بهذا الرجل حيث أنه يتصّف بالكرم والنبل وحسن الأخلاق وكان يصير عنده مناسبات معظمها في مزاين الأبل وقد شاركت بالكثير من مناسباته وهذه عدد من القصائد في مناسبات شتّى : * وقال عبدالله بن دهيمش بن عبار هذه القصيدة ترحيب بمناسبة زيارة بعض رجال الأعمال لهزاع بن عايش المطوطح : 22 قـال ابـن عـبــار مـنـطـوق الـكـلام *** يصخـر المنظوم لـو بدعـه عسيـر هـام فـكـري مع بـديع الـقـاف هـام *** مـن مشاعـر خاطـري ما يستعـيـر كـنـه النـقـروح مـن مـزن الـغـمـام *** صافي الشهلول من عـذب الغـديـر صغـت شعـري مـع تحيـة واحترام *** مع شـذا الـريحان مع نـفح العـبيـر ابـذل الـتـرحـيـب وابـدي بـالسـلام *** قـلتها مخلص من اعماق الضميـر مـرحـبـابـك يالـنـبـيـل يابـو هشـام *** ومـرحـبـابـك يـابـو خـالـد يالحكيـر واجمـل التـرحيـب بالـربع الـكـرام *** كـل مـنـكـم عــنــدنـا قــدره كـبـيــر حـل ضـوح النـور وانـزاح الظـلام *** اسفـرت ثـم انـجـلا الـبـدر المـنـيـر مـرحـبـا اعـداد مـا نـاح الـحـمــام *** أو عـدد ما حـام فـوق الـجـو طـيــر بـاسـم مـن لـه عندنا قـدر ومـقـام *** أبـو فـهـد ريـف ضيـفـه والقـصـيـر مـا مـشـى هـزاع بـدروب الـمـلام *** للـردى والعـيـب رجـلـه مـا تـسـيـر يـا رجـال الـعــز لـكــم الـعـــز دام *** كـل مـنـكـم صــار لـبـلاده ســفـيـــر مـن يـدور الرزق يسعى بأهـتمـام *** ومن يدور الهـون ما دربـه حـريـر والكسـول الـيـوم مـا نـال الـمـرام *** والـعــمـل لا بـد يـحــتـافـه خـبــيــر من يـدور الفـود يقـتـدي بـعـصـام *** والمراجـل دربهـا صـعـب وخـطيـر مـالـكـم مـا تـصـرفـونـه بـالحــرام *** للوطـن مشـروع والمنـتـوج خـيـر مخـلـصـيـن ولا تـعـدون الـنـظــام *** ومـن مـشى بالحـق للسنـة نـصـيـر مـع مشـاريـع الـبـلـد فـي كـل عـام *** تـبـذلـون الجـهـد والعـقـل البصيـر وآخـر المنطـوق يـالـربـع الحشـام *** قـلتهـا تشـريـف مالي قـصـد غـيـر مـرزقـي مـظـمـون مـن رب الأنـام *** مـن فضـل رب المـلأ مانـي فـقيـر وقال عبدالله بن دهيمش بن عبار هذه الأبيات يثني على هزاع بن عايش أبا الروس المطوطح : 23 هاضت روابع خاطري يبدع القـول *** والفكر يملي صادق الهرج صامل قـلته ورزقـي عنـد مـولاي مكفـول *** مـا قـلـت لي مقصد ولاني مجامـل أثني على اللي بالمفاخر له افعـول *** معـروف ما علمه مع الناس خامل نـبـراس صيتـه بالدياويـن منـقـول *** بـسـّاط كـفـه مـا يـضــب الأنـامــل النـادر الـلي بالفخـر يـرتـفـع طـول *** شبحـه بـعـيـد وللـردي مـا يـزامـل ينقـل عـلى متـنه قناطيـر واحمـول *** اليـا بركـت عـنها زمـول المحامـل الشاهـد الـلـه غيـبـتـه كـنـهـا حـول *** عشريـن يـوم وعـدهـا عـام كامـل له مجلس ننصاه عن ضيقة الجول *** مجلس كريم لكـل الأطيـاف شامـل ديـوان بيتـه عادتـه يجـمع الضـول *** مع خف نفسه جاد حسن التعامـل أنا أشهد أن الوايلي عـقـب اشبـول *** انجـال مـا فـيهـم لـك الـلـه هـامـل جعله بعطف مكوّن الكـون مشمول *** حيثـه لجـرح مصوّب الوقت دامـل أطلب عساه مـن الولي يـبلغ النـول *** يـنـال مـقـصـوده ومـا كـان يـامـل من ساس لابه باللزم تحمي الشول *** عـنـد المـنـاخ يـحـددون الـزوامـل دهـامشه تـاريخهـم لـيس مجهـول *** تـاريخهم من عصر الأجداد سامـل يوم الفخر في حد صارم ومصقـول *** مـن هازهـم خلـوا حـريمـه أرامـل كم خفرة قصت على الزوج مجدول *** صاحـت وناحـت والمدامع تهامـل قـبـل يـصـيـر مـدوّر الشـر مكـبـول *** بجهود مـن قطب فجـوج الدمامـل أوجـد لصعبات القضايا لهـا حـلـول *** العادل الـلي بمنهج الشرع عامـل وحـد جزيـرتنا عـلى هجـن وخيـول *** واليـوم عصـر محكمـات الفرامـل واليـوم حنـا بخـيـر والحـق مقبـول *** شدنـا المباني والمجالس مخـامـل قال عبدالله بن دهيمش بن عبار هذه القصيدة يثني على الرجل الفاضل هزاع بن عايش أبا الروس المطوطح الدهمشي لمواقفه المشرفه : 24 يـا أبـو فـهـد بـالجـمـايـل لـك قـدايـم *** تشمل الأجنـاب وعـيـال العـمـومـه بـك خـصـال تحـيّـر عـقـول الفهـايم *** مـثلـك الـلي تـفـتخر بـه كـل قـومـه تمشي اركابـك عـلى الجودا هـمايـم *** والصخي شرواك نفخر في علومه حيـد يحجي عـن لـواهـيب السمايم *** وعـن هجير القايلـه تـذري حزومـه صيرمي مجنـاك مـن ماكـر صرايـم *** يرتجى صيده ويخشى من هجـومـه لـك عـوايـد تـحتسب للـطـيـب دايـم *** أنـت الـلي تـبـذل يمينه طـول يومـه كـم مـعـوز جـاك وأفـلـح بـالغـنـايـم *** مـن ثـقـيل الـدين قــّزنـه اهـمومــه ويا كثـر مـن لاذ بك يشكى الهظايم *** ومن نصاك بحاجتـه تقضي لزومـه ويا كثـر مـا صار عندك مـن ولايـم *** تـشري الجـزل السمين ولا تسومـه ريف من جولك من العيمـه وخايـم *** بالأشاتي والسماء تـلـمـع انجـومـه يالـمـنـزه عـن كـلام أهـل اللـوايــم *** فيك طيـب وفيـك جـود وفيـك شومه يا أبـو فهـد لـو شنوك أهل الظلايم *** مـن حسدك بـطيب عـلمك لا تلـومـه اسهـج أهل القول وأصحاب النمايم *** التقي منـصـور وأعـداه امـهـزومـه الولـي يكـفـيـك شـر أهـل الـجـرايـم *** الخـبـاث الـلي يـدورون الخصومـه مـا وصـل مجـدك رديـيـن الـعـزايـم *** ما رضيت الهون وأحـوال النعومـه مـن جنـوب اللـيـث لحدود التهـايـم *** ومـن تبـوك إلـى الدمـام لدار دومـه لـك بـهـا لـوحات ورسـوم وعـلايـم *** كـل رمـز مـن المعـزة فـي رسومـه شـق طـرق ومـهـّد فجوج الخـرايـم *** والطعوس العـاليـة سهّـل اعـقومـه ينـدم الـلي عـن بـلـوغ المـجد نـايـم *** مـا يهمـه بـس لـو يكـوي اهـدومـه مـن فضل رب المـلأ وضعـك ملايـم *** مسلـك الطـولات بـالعـالي تـهـومـه للفـخـر والـعـز والـطـولات شـايـــم *** والـعـلا والـمـجـد وجهـت ليـمـومـه نـظـرتـك صوب الـثـريـا والـنعـايــم *** مانت اللي يشبح على موطا قدومه بـك مديـحـي لا خـيــال ولا وهــايـم *** نـلـت بـافـعـالـك شهادات مختـومـه نـلـت فـعـل الغـانـمـه والـحـظ قـايـم *** حـافـظ ديـنـك ومخلـص للحكـومـه مـا يكـلـّف بـالمـعـاضيل العـظـايـم *** كود من نفسه عن العيب معصومه لـك لسـان عـن كـلام الـزور صـايـم *** تـستـر الغـايـب ولا تذكـر اثـلـومــه يـا أبـو فـهـد عسى تفداك الـهـلايـم *** خطو هيس كبر ضلع طويق زومـه يـفـخـر الـمـثـبـور بـعــظـام رمـايــم *** مــاكــره عــقــبــان صــار بــومــه الفـخـر والـمـجد مـا طـالـه خـمـايـم *** وعن فعـول المرجله بادت عزومـه والمـرازق مـثــل تـوزيـع الـقسـايم *** والشقي نفسه مـن الخير محرومـه وأنـت فـايـز قـبـل فـوزك بـالبـهـايم *** يالكـريـم الـلي المكارم مـن سلومـه قال عبدالله بن دهيمش بن عبّار العنزي هذه القصيدة بمناسبة دخول أبل الرجل الفاضل هزاع بن عايش أبا الروس الدهمشي مزاين الأبل : 25 أبـدي كـلامي بالدعـاء وقـول آميـن *** أن الولي يحمي بلـدنـا مـن الأنـذال وأنـه يعـز الدين والـلي حمى الديـن *** حكامنا الشجعان مـن نسل الأبطـال حـكامـنـا عشنـا بـذراهـم عـزيـزيـن *** أهـل الجمايـل والفضايـل والأنـفـال الجاش هـاض ودوّن القـاف تدويـن *** أبيات شعري قلتها ضمن مـن قـال يا أبو فهد نطلب عسى الله لك يعين *** يا من يمينك في مجـال الفخـر طـال عساك تـنـجـح فـي جـميع المياديـن *** وعسى تـنال الفـوز يـا طيّـب الفـال عـن شـف بالك ما ثـنوك المشيرين *** من عادتك تصعد عـلى نايف الجال مكـّنـك ربـك والـي الكـون تـمـكـيـن *** ونفذتّ كـل الـلي طرالك على البـال أرخصـت مـالـك بالنيـاق المـزايـيـن *** وأنت الذي من عادتك تـبـذل المـال مـا هـي خسـارة لـو ثمنهـا ملايـيـن *** تـبـارك الـلـه وافـيـه كـلـهـا أجـلال يـذكـر فحـلهـا قيمتـه حـول عشرين *** شيخ الفحول ولا وجد مثله أجمال وضح تـلالا شـوفهـا يـطـرب العيـن *** على الرحول مطبعه ما بهـا اجفـال يزهى عليها بشامخ العنـق حـرفيـن *** الشاهد المطرق عـلى الخـد وهلال عـليـهـا وسـم أولاد عـلي المسميـن *** عزوة محددت الجمل يـوم الأهوال البـل عطايـا الـلـه حظايـا الغـلاميـن *** سفن الصحاري تقتنى عبر الأجيال هي مقصد العـربان مبطي وهلحيـن *** مـن دور عـصـر الجاهليـة ولا زال الـبـل وصفهـا الـلـه بخير البراهيـن *** مذكـور مـن صفاتها حمـل الأثـقـال يا مـا أدلجوهـا بالمساري مسيريـن *** بديار يزمي في رباهـا أشهب اللال باجوا عليها الغرب والهند والصين *** الـلـي فـعـايلهـم عـظيمـات واجـزال يـوم الحـروب الطاحنـة والأكـاويـن *** تلقى الجنب من دونها خيل ورجال ألـلي أحتموهـا من الغزاه المغيرين *** لباست الجوخ الحمـر وأشقـر الشال فـتـخـان الأيـدي ملحقيـن المخـليـن *** مثل أخو جحلة والشجاع أبن هـذال وأسمح لنا يا ريف من جوه عانين *** عن وصف زينات الهياكل والأزوال المعـذرة مـا أجيـد وصـف البعاريـن *** أجيد وصف أهل المراجل والأفعال شـرواك يـا ريـف الـبـداه المـقـلـيـن *** حيثك سعيف اللي عليه الدهر مـال معـروف عنـد الحاضرة والبداويـن *** العـلم بـان وصرت مضرب للأمثـال مـا فـات يـوم ألا استقبلـت نـاصيـن *** ويـمـنـاك تـنـفـق كـنهـا ديـم هـمـّال بالطيـب تـذكـر فـي جميع الدياويـن *** ولا كـل صاحـب مـال للطـايـلـه نـال وغيـر الكرم والجود لك عدة سنين *** تفرى الديار الـلي بها جبال ورمـال تعـمـل ومخـلص للمعازيـب والديـن *** وأنجزت بجهودك مشاريع وأعمال والـلـه مـا قـلـت المدايح أبـي شيـن *** وأنت اتعرفني ما اتملّق ولا أحـتـال قال عبدالله بن دهيمش بن عبّار هذه القصيدة بمناسبة تكريم قبيلة الرولة للشيخ هزّاع بن عايش أبا الروس بعد فوزه في مزاين الأبل : 26 مبـداي بـمغـيـث الـديـار الممـاحيـل *** من هاشل ينـزل عـلى القاع هملول بسم الـلـه الوالي بديـت أنظم القيل *** في حفل اللي يزهاهم المدح والقول ساس الشهامة والفخرعزوة رويل *** حـمايـة الساقـة الـيـا درهـم الشـول نـعـم بـهـل العـليـا قـروم الرجاجيل *** مـن زايـد الأول لهـم مجـد موصـول دخيـلهـم يحشم عـن الظيم والميـل *** وقصيرهم عـن جايـر الوقـت مكفول والضيف ما يجفى ولو طوّل الطيل *** مـا مـل لـو يبقى فـداوي إلى الحـول أهـل الربـاع الـلي كسوره مشاويل *** فـوق النبـاه وبـيـت الأجـواد مدهول يوم الزمان اللي به الهجن والخيل *** والفعـل في شلفا وحـربـه ومصقول مع بيرق الشعلان يـوم المصاويل *** أباالظهوراللي عـلى الحيص محمول جـحـافـٍل مـثـل الـغـيـوم المضاليـل *** خمس الجموع خلافهم خمسة نزول وأن صـار للعليـا حـنيـن وتعـاويل *** وتـناخـت الفـرسان فـي كـل مجمـول خصيمهم شـقـوا صميـلـه بـتنكيـل *** صالـوا وخلوا ساعـد الخصم مشلول ما أجيد وصف أفعالهم حيثها تهيل *** في مـا مضى لهـم بطولات وأفعـول رضـوان دونـهـا وولـيـم ومـوزيـل *** والطيـب غـرسـه بالأجاويـد مشتول أمدح هل العليا شخوص الحلاحيل *** وأثـني عـليهم وأبدي الشكر مدبـول بالمحفـل الـلي ضـم كـل المشاكيـل *** تكريـم قـرم طـال صرح الفخر طـول أبـو فـهـد منصى البـداة الهواشيل *** مـا يسهج الماجوب لـو كان مشغول يـستـقـبـل الـزوار بـالصبـح ولليـل *** بالمجلس الـلي بالكرم يجمع الضول الضيف يبشر فـي كرامـه وتبجيـل *** يبـذل لـه الترحيب في هـرج معسول عـوايـده ذبـح الخـراف المهـاجيـل *** وأن جالـه المنيوب ما عـاد مخجول يـذبـح مفـاريـد الدبـش والمخاليـل *** وتلقا الصحون الواسعه فوقها اتلول مثـل البليهي يـرتكي لأثـقـل الشيل *** يـنقـل عـلى متـنـه قـناطيـر واحمول أبـو فـهـد هـزاع اشهـر من سهيل *** عـلمه ظهـر بالنـاس ما قيل مجهول مبطي عـلى طيـبه شهود ودواليـل *** رام العـلا قصده يـنـول الفـخـر نـول جـزم وشـام وذلـل الـظـرف تذليـل *** وربـه جعـل دربـه سماهيد واسهـول علم الفخر هو مكسبه والمحاصيل *** نـجـح وفـاز وحـاسـده عـاد مخـذول أنـا اشهـد أنـه جمّـل الربـع تجميل *** والـلي يـدور العايـزة مـا لـقـا اخلول والخاتمه صلوا عـلى مهدي الجيل *** المصطفى الـلي للمخاليـق مـرسـول قال عبدالله بن دهيمش بن عبار العنزي هذه القصيدة بمناسبة شفاء الشيخ هزاع بن عايش أبا الروس من الوعكة الصحية ونسأل الله أن يديم عليه لباس الصحّة والعافية ونحمد الله على أن من عليه بالشفاء : 27 يـالـقـاف طـوّع بالـمـعـاني عـسيـرك *** الفكـر كـان أعرض مجالك يصخّرك يفيـض من نـفـح الخـواطـر عـبيـرك *** أبـدع وعـبّـر عـن كـوامن مشاعرك يا أبـو فهد تسلم عسى الـلـه يجيرك *** عسى الولي يا نسل الأجواد ياجـرك عـزّاه مـن طـول المكـوث بسـريـرك *** يا كـثـر وجـد الـلـي تـشّوق يخابـرك رب الـمـلأ يـشـفـيـك مـمـا يـضيـرك *** نشدت عنـك وقيـل لـي طـاب أبشّرك فــي كــل مــرّه أتـصـل فـي مديـرك *** خـلـف عـلـى طـول الليـالي يسامـرك نـدعـي ونـعـلـم عـنـد ربـك مصيرك *** ينجـيك مـن كـل المخاطـر ويظـهـرك يامـن عـلى درب الفـضيلـه مسيـرك *** مـاشي عـن كسـب المعـالي يحـيّـرك أبيض مـن الشاش المعقّـم ضميـرك *** وأصفى من العـذب الزلالي سرايرك وافـي ولا غـشـيـت مـن يـستشيـرك *** نصوح واشخوص الحمايل تشاورك مـن حسـن ذاتـك كـثـّر الـلـه خـيـرك *** وأنـت الذي ما شان للضيف ناضرك مـن جـاك كـنّـه في حـلالـك خشيـرك *** ربك عـلى المعروف والخيـر يامرك مـا مـل مـن قـرب المجـاور قصيـرك *** دايـم سعـيـد بـجـيـرتـك من يجاورك الجـود يـا ريـف الهـواشـل عـشيـرك *** صحبة عمر بالجود والبخل هاجرك دايــم تــقــلّــط لـلـمسـايـيـر مــيــرك *** بالمـرجـلـه ماضيك يشهـد لحاضرك طيبـك هـو الـلي للخـلايـق سفـيـرك *** وعـلى الشهامه راسخ الطبع جابرك ينعـتـك فـي طـيـب الفعـايـل خبـيـرك *** كـم واحـد يا فـاعـل الخـيـر يـشكـرك يـامـا عـقـب مشروع سبـّلـت بـيـرك *** تـبـي الـثـواب ولا يـهـمّـك خسايـرك الـلـه عـلى كـل المـصـاعـب نصيـرك *** رب الخـلايـق مـالـك الملـك ناصرك تـدحـم عـلى الصعـبـه وربـك دبيـرك *** ونـفـذت كـل الـلي تـريـده بـخاطـرك مـا أقـول يـنـدر بالحـمـايـل نـظـيـرك *** لاشك يوجـد بالصخّى مـن يشاطـرك لـكـن مـكـانـك فـيـه مـا سـد غـيــرك *** تـبـقّى لـنـا عسى الـولي مـا يغـيّـرك وقال : عبدالله بن دهيمش بن عبار هذه القصيدة يثني على رجل الأعمال هزاع بن عايش أبا الروس المطوطح : 28 الصخي نـثـني عليـه بكـل حـزه *** نمدح اللي نال بالطيب امتيازي أمدح الطيّـب عـلى عـز ومعـزه *** في مدح هـزاع يزداد اعتـزازي النزيه الـلي عـن الشينـه مـنـزه *** أبو فهد ما سلك درب المخازي مـا يـهـم الـوايـلي مـن يستفـزه *** ولاكسب رزقه بحيلات انتهازي الجبل هوج العواصف ماتهـزه *** وأبو فهد مثل ضلع طويق لازي صفوة كحيلان يعرف من ملـزه *** والصقر مجناه من مصقاربازي كـم فـرّج للنـفـوس الـمشـمئـزه *** ويا ما حفـر للبداه من ارتوازي وياكثر من يدعي أن اللـه يعزه *** النبيـل الـلي بعـلـم الطيب فـازي ويـوم ينال الخزايـز مـن يخـزه *** مـن قبيلـة ما قـربها كـل غـازي الجمل حـدوه فـي بـيشـه ورزه *** يوم سرد الخيل تطمـر بالنوازي قال عبدالله بن دهيمش بن عبار العنزي هذه القصيدة يثني على الرجل الفاضل هزّاع بن عايش أبا الروس العنزي بمناسبة فوز أبله : 29 قلت افرحوا واحتفلوا اليوم ياعنـوز *** بالـلي بطيـبـه تـفـتخـر كـل عـنّـاز هـزاع مبـطي عـادتـه يـدرك الـفـوز *** ولا هي غـريبة بالمزايـن إليا فـاز زايـن بـذود مـن المغـاتـيـر مـفـروز *** ترجح على الراعي الياطوّح العاز وأن هاز قعدتها براس العصى هوز *** تـأتـيـه دكـلـه كنهـا الخـيـل بـلـزاز يـستـاهـلـه حـيـثـه مكـرّم ومعـزوز *** مجناه مـن لابة حشيمين واعـزاز مـا دوّر الشهـره ولا قـصـده بـروز *** سهل الجناب بحسن الأخلاق يمتاز ولا كـل مـن يملك عقـارات وكنـوز *** مثلـه عصامي للوطن يعـمل انجـاز مـهـد طعـاميـسٍ بطـانيجهـا حـزوز *** من عقب ما كانت مهالش ومغراز بـه همـة الواثـق وبـه ثقلت الـروز *** اشـم وأشمـخ مـن شواميـخ خـّزاز كالحيـد يحجي عن هـواجيـر تمـوز *** مـا حـركه هوج العواصف ولايهاز يا ما نصاه الـلي شكاله مـن العـوز *** ويـا مـا تبـّرع مـن حـلالـه لمعـتـاز يلجـأ لـه الـلي مـن الديـايين ملـزوز *** والشايب الـلي ثالث الرجـل عـكّـاز شـهـم ويـتـلـه لـلـجـمـالات حـافـوز *** مـثـل القطـامي كـل مـا تـندبـه نـاز حيثه شبيه الـلي لـه الوكـر مركوز *** صقـر الحـرار الصيرم النادر البـاز هـزاع رمـز وكـل عـزوه لها رموز *** صيته شهر بالطيب في نجد وحجاز هـزاع عن فعـل الفخـر قـال ماجـوز *** الدهمشي للطيب والمـرجلـه حـاز حـاز النجـاح وحاسده بـات منحـوز *** وأهل الحسد بعيونهم شك مخـراز لـه السـلام مـن الشغـاميـم مـكـزوز *** رمز الوفاء منقوش أسمه أبـرواز نمدح جنابه والـردي بالـف هامـوز *** ولاني بحال الـلي من الناس همـّاز وقال عبدالله بن دهيمش بن عبار هذه القصيدة في حفل الشيخ هزاع بن عايش أبا الروس الدهمشي : 30 سجلت منظومي مـن الفكـر يملـيـه *** والهرج مـا يلفظ على غيـر معنـاه قـال الـذي بــدأ أيـتـضـّرع لـبـاريـه *** أن المـلـك الـلـه يحفـظـه ويـرعـاه جميع شعـب المملكة يـرفـع ايـديـه *** يخشع ويطلب والي الكـون مـولاه يدعي لأبو متعب عسى الله يعافيـه *** وعسى الولي من كل عاثور ياقـاه حـاكـم وطـنـا الـلي نـعـزه ونغـلـيـه *** العـاهـل المحبـوب بالـروح نـفـداه نـعـتـز بـافـعـالـه ونـفخـر بطـاريـه *** حـكـم شعـوب المملـكـة بالمسـاواه شهم وكريم وخالـق الخلق مهديـه *** عـدل وحليم الله عـلى الحق يـقـداه مهـمـا حسبـنـا مـا نـعـدد حسانـيـه *** عـم الـبـلاد بـمـد جـوده وحـسنــاه نطلب عسى الله مالك الملك ينجيـه *** يلطف به الرحمن وايـزيـل شكـواه وسلطان سلطان السعد نعتزي فيه *** عضيد أبـو متعـب سنـاده ومـركاه ولـي عـهـد المملكـة ريـف ناصيـه *** ذخـر المواطن والوطن لا عـدمناه نطلب من المولى عسى الله ايقويه *** والحمد لـلـه عـاد يـوم الـلـه اشفاه بالجود ينـدر بالعـرب مـن يضاهيـه *** كم من فقير أغناه يوم اللـه أغناه رب الملأ من حسن الأخلاق معطيه *** يضحك حجاجه ما يغـظلـم محيّـاه لـو نمدحـه ماظـني المـدح يـوفـيـه *** فعـلـه تعـدى المـدح مهما مدحنـاه وسلمان أبو فهـد عسى الله يـبـقيـه *** نـور الـبـلاد الـكـل يـفـرح بـلقـيـاه عـاد الزعيم وعاصمة نجـد ترجيـه *** والكـل يـرجـي عـودتـه وايـتـمنـاه سلـمـان تسـمي للفضـايـل مـبـاديـه *** المكـرم الـلي تـبـذل الجـود يمـنـاه وأثـني على اللي سلم الأجداد يحييه *** ثبّت قواعد ماضي السلم وأرساه عـاش الأمير اللي يفاخـر بمـاضيـه *** عهـد المؤسس بالفخر عاد ذكراه مشعل عـلى درب الفضيله مماشيـه *** رمز الشهامة عـالي القدر والجاه نسل الـزعيـم الـلي عـريبـه مجانيه *** نال الفخـر والمجد أصله ومـربـاه مشعل عـطأ مـن يقتـني ذود توجيـه *** الباسل الـلي بالفخر طـاب مسعاه من أجـل شعبـه نـادر الـذود يقـنيـه *** سن المزايـن والـولي سدد اخطاه والـيـوم جـيـنـا لـلـقـرابـه أنـهـنـيـه *** أبــو فـهـد هـزاع نـفـخـر بـشرواه رفـيـقـنـا الـلي لـه عـليـنـا مشاريـه *** الـيـا بـدت لـه لازمـه مـا نـسيـنـاه قـرم العـيـال الـلي بـعـيـده هقـاويـه *** يلقـا الحفـاوة والكرم كـل من جـاه الـلي بمـالـه نـقـوة النـوق يـشريـه *** كنـز الذهـب بالمشترى مـا تـغـالاه وضـحً لميـع أوبـارهـا كـنهـا جنيـه *** مالوم من يرخصبها حوش مخباه مـنـقـيـتـه مـالـه حـلايـا وتـشـابـيـه *** الا الـوضيحي بالوصايف حـلايـاه الـلـه مـن عـيـون الحواسيد يحميـه *** وعسى ينال الفوز وقـت المبـاراه قال عبدالله بن دهيمش بن عبار العنزي هذه القصيدة في حفل هزاع بن عايش أبا الروس المقام في أم رقيبة عام 1433هـ يقول : 31 بـدع القوافي طـاب نظمه ومعنـاه *** أبيات من فكري ضميري بداهـا لي الشرف بالمحتفل قـافي اقـراه *** بوجـود سمحين الوجيه ولقاهـا في مهرجانٍ مشعـل الليث يرعـاه *** ذكـرى زعيـم المملكة ما نساهـا صقر الجزيرة عـاد سلمه وذكـراه *** عـلى النضا بيد الفيافي طـواهـا مشعل أبوفيصل عسى الرب ياقاه *** والـلـه يـعـز المملكة وازعماهـا اللي اعتنا بالنوق بالخيـر نـجـزاه *** البـل رفع عنـد العـرب مستواها وأبي اختصر قافي بحفل حضرناه *** الحفلة الـلي ما حضرت لسواها هــزّاع يـخـتـار الـنـوادر ويـنـقـاه *** نوقه من النخبه نـقاهـا وشراها بالوضح لو غـلي الثمن ما تغـالاه *** عنـد المزاين يفتخر مـن قـناهـا الـوضح نـقـوة والملايـين تسـواه *** هي شف غايات النفوس ومناها الوضح كنـه عفـري الصيد حلياه *** تـبـارك الـلـه يبتهـج مـن يـراهـا الوضح من غيرالظبا مالها شبـاه *** وأن درهمت بالريع مثل التياهـا الوضح في زيـن الطبايع مـربّـاه *** تصـف بكنـاف الـرحـول اوراهـا الـوضح لا صـاح الـمـدوّه ونـاداه *** تقبل عـلى صوتـه تراقـل ذراهـا الوضح مجنا ساسها نـجـد منشاه *** تـشرب مناهلها وتنشق هـواهـا الوضح مـن نبـت المزارع مغّـذاه *** حتى شمخ مثل الصوامع قراهـا الوضح عسى مرتع القفـر تـفـلاه *** وعسى جـزيرتنا تـربّـع عساهـا الوضح تـرتـع بالفيـاض المعّـذاه *** بأرض قـفـر ما طبها من رعاهـا الوضح عربهّا التقي عالي الجـاه *** الـلـه من عيون الحسود يحماها أبـو فهـد معـتـز من فضـل مـولاه *** عـاف الطمانـه والمعالي رقـاهـا يستاهـل التمجيـد والمـدح يـزهـاه *** الـلي المضايف للهواشل بنـاهـا تلـقـابهـا القـعـدان ومفـّطح الشـاه *** بالنعـمة كـبـار الصياني مـلاهـا طبعه يـكـرّم بالشبب كـل مـن جـاه *** شاد المباني والمضايف بـنـاهـا أبـو فـهـد حـاش المـراجـل بيمنـاه *** يمناه فاضت بالكرم من صخاها المكـرم الـلي يدرك الطيب شـرواه *** القرم الـلي كل الفضايل حواهـا شهم وكريم ولاتجد شخص يشناه *** شـام وشهـل للطايلات ونـواهـا هـزاع نفخـر بـه اليا جيب طريـاه *** نفخـر بفعـلـه بالكـرم وانـتبـاهـا والشاهـد المـو لى بطيـبـه مـدحنـاه *** نال الفخـر والمرجله ما رماهـا قال عبدالله بن دهيمش بن عبار العنزي هذه القصيدة بمناسبة تكريم الشيخ محمد بن عبدالله الحجاج لرجل الأعمال هزاع بن عايش أبا الروس بعد عودته من رحلته العلاجيه ونجاته من الوعكة التي ألمت به : 32 يا بو فهد تسلم عسى الله يشافيك *** والحمد لـلـه يـوم مولاي عـافـاك من قـلب سجلت القـوافي أهـنيـك *** أطلب عسى رب المخاليق يرعاك يا أبو فهـد والـلـه نعـزّك ونغليـك *** حيـث أنت غالي عندنا لا عدمناك يسرنـا عـلـمـك ونفخـر بـطاريـك *** ونعتـز دوم بفاعل الخيـر شرواك أنـت الـذي يالـوايلي نفتخـر فيـك *** وأنت الذي بالطايله طـاب مسعاك عـساك يـا هـزاع تـبـلـغ أمـانـيـك *** وياعل خـلاق المـلأ يقهـر أعـداك الكل يشكر يا ابن عايش حسانيك *** يا كثر الـلي غمرتهم في عطاياك لـك الشكر يا عـز ضيفك وناصيك *** كم معوزً تفرح ضميره اليا جـاك ربّك على أعمال الفضيله يجازيك *** يا مكثر الـلي دخّـل السجن لولاك عادتك توقف باللّـزم دون عـانيك *** مثل المزون الهاشله كـف يمنـاك فعلك هـو الـلي بالمراجل معـليـك *** مـا كـل مـن يقـدر يسوي سواياك يـا نـادي الكـفيـن خسران شانيـك *** حيث المراجـل كلها من مـزايـاك على الكرامه نسل الأجواد داعيك *** الفاضل أبـو سعـود يفـرح بلقياك يـقـول أبـن حـجـاج ربـي يحيـيـك *** بقدومك أبـو سعود رّحـب وحيّاك تعيش يا محمد عسى الرب يبقيك *** وعسى يعـزك مالك الملك مولاك يامن على الطولات طالت يمانيك *** جعل الردي واللاش والنذل يفداك كـل الحمـايـل عـدهم مـن بنيخيك *** أقصى العـرب كنّه من أدنا دناياك عـادتـك يالمنعـور حـل الشرابيـك *** يا فـزعـة الـلي بالملازيـم ينخـاك أما الكرم ما أقول ماأحد يضاهيك *** يـوجـد من الأجواد مثلك وحليـاك لاشك أقول الله على البذل مهديك *** تنفق حلالك مـا أنـت للمال مسّاك أنت الكرم واسم الكرم به نسميّك *** تـكـرم ولا هـمّـك تـقـاليـب دنـيـاك تكرم وربّك سامك العرش يعطيك *** دوم أيـتبـهلـل للهـواشـل محـيـّاك الحشو والحيـل السمان بصيانيـك *** شوفي بعيني جاثمه فوق مقراك يا محـمد الحجـاج هـذي مـبـاديـك *** على الكرم والجود والدك وصّاك أبـوك عـبـدالـلـه لـطبـعـه مـربـيك *** ما تستمع لـلي عـن البـذل ينهاك مهما مـدحتك هـقوتي مـا نـوفيـك *** تستاهل التمجيد والمدح يـزهـاك وهذه أبيات من نوع الحداء شعر عبدالله بن دهيمش العبار في أبل رجل الأعمال هزاع بن عايش أبا الروس : 33 عـاش الملـك عـز الجـمـيع *** حـاكـم وطـنــا وعــاهـلــه سـلايـل الـبـطـل الـشـجـيـع *** مـا ضـام حــمـلـه كـاهـلـه الـلي أودع العاصي مطـيع *** يـوم الـسـبـايـا صــاهــلــه خـلا الـوطـن قـدره رفـيــع *** بالـمـجـد عـلـمـه شـاهـلـه وأصبح كما الحصن المنيع *** والـعـز الأقـعـس واهــلــه سـلـم الـمـوحـد مـا يـضيـع *** الـلــيـث مـشـعـل زاهــلــه الــطـرش بـالـبـر الـوسيـع *** دون الـحــفــر مــداهــلـه وأثـني على راعي القطـيع *** الـلـي الـثـنـاء يـسـتـاهـلـه هــزاع مـشـكـور الصـنيـع *** عـذب الـمـكـارم نــاهــلــه للوضـح يشـري مـا يـبـيـع *** والعـرف مـا هـو جـاهـلـه خـلـفـاتهـا بـوقـت الـربـيع *** تــروي الـعــرب مـبـاهـلـه عسى المطـر يأتي سريـع *** يـسـقـي الـعـلا ومسـاهــلـه وهذه أيضاً أبيات من نوع الحداء شعر عبدالله بن دهيمش العبار : 34 هــزاع يـا الـقــرم الـلـبـيـب *** عـلـم الـفـضـيـلـه حـايـزه الـطـيـب لـو فـعـلـه صعـيـب *** عـنـدك شـمـخ ركـايــــزه مـن عـادة الـطـيّـب يـطـيـب *** والـمـرجــلـه خـزايـــــزه يا أبـو فـهـد ذودك عــريــب *** يـستـاهـل أخــذ الـجـايـزه وضـحٍ مـثـل لـون الحـلـيـب *** فـيـها الـوصـوف العايـزه تـشدى الوضيحي بـالكثيـب *** يـقـطـف زهــر مـحـايــزه تسلـم من عيـون الغـضيب *** وأهـل الـنـفـوس الـبـايـزه مـن حـاز نخـبـه مـا يخيـب *** عــنــد الـمـزايـن فــايــزه قال عبدالله بن دهيمش بن عبار العنزي هذه القصيدة بمناسبة حصول الرجل الفاضل الشيخ هزاع بن عايش أبا الروس على شهادة الدكتوراة الفخرية من كلية اكسفورد في بريطانيا بسبب أعماله الجليلة وعصاميته : 35 قـال الـذي قـافـه بـذكر الـولـي قـالـه *** مولاي خـلاّق الـخـلايـق ومعـبـوده الفكـر يملي جـزيـل الشعـر وأمثالـه *** أبـيات مـن صافي المنظوم معـدوده مـن لا تـجـهّـد لـنيـل الـعـز مـا نـاله *** الـعـز كـايـد يـبـيـد الـعـزم مـن كـوده ولا كـل مـن شـام لـلعـلـيـا تـهـيالـه *** ومن يجتهد حصّل مرامه ومقصوده من يفعل الطايله يجـزأ عـلى افعاله *** والطايـلـه دربـهـا يـا مبـعـد احـدوده نـعـتـز بالـلي سنـام المجـد منـزالـه *** هـزاع أبا الروس نـال العـز بجهوده أبـو فـهـد مـرتـبـت دكتـور تزهالـه *** يصعـد بروج العـلا مـا كلّت عضوده مخلص لقائد عموم الشعب وأنجالـه *** عـاهـل وطـنـا ملكـنـا وكلنـا جـنـوده أبـو فـهـد طبعـه الأخـلاص بأعمالـه *** أصعب عمل ينجزه كان أبرم عقوده مهّـد روابي عـفـاش القـاع ورمـالـه *** وسهّـل مواعـر تلاع البيـد وحيـوده جاهد وكافـح وشق الطـرق باشغالـه *** وسابق ونجح ونـال الفوز في ذوده أطلب عسى ذوده المحروس يبقالـه *** نخبه ويسوى الثمن جلّـه ومفـروده من شاهد المطرق الممدود وهـلاله *** وضح وسيمة غـريـب الـدار بخدوده أقبـل عـليه السعـد والوقـت غـنالـه *** وحظوظ حساده عـلى الفـوز مقروده أمـا الكـرم وارثـه مـن عـمه وخاله *** طبع الكرم والوفا من عادت اجدوده مـا غـلّق الباب دون الضيف بقـفالـه *** مـن جـاه مـا ياجـد الأبواب مـردوده مضافـتـه ملـفى الهـواشل ومـدهاله *** وبالمحتفل يزخـر الصيوان بحشوده لـه مجلس مـن يـزوره ينشرح بـاله *** بخـيـام تشبـه للشـواهـيـق مشيـوده فـي مجـلسه رايـب الفنجـال وبيـاله *** وانتاج غيد النخـل من قطف عنقوده عـلى الكـرم تشهـد صيانـيـه ودلالـه *** والسفـره الـلي طـول الأيـام ممدوده يا كثـر ما يكسب المعـروف بأموالـه *** الـمـال مـا حسّـب لنقـصـه ولا زوده ينفـق لكسب الفخـر مـا شح بـريـالـه *** يـبـذل عـلى لازمـه مـا وفّـر نـقـوده كـم مـعـوزٍ صـكـه زمـانـه تـعـنـّالـــه *** جزل العطا يطمع المحتاج في جوده وكم واحـدٍ كاهلـه عـنـه الحمل شاله *** اعـمـالـه الطيبـه بالـنـاس مشهـوده المكـرم الـلي على الإحسان يدعـالـه *** ما هـو من الـلي يمينه تقـل مجبوده الـمـال مـا غّـره ولا غـيّـر أحـوالـــه *** تعب عـلى المرجله مع هبت سعوده حـيـد شمـخ يـوجـد المقيـال بضلاله *** الـلي يـكـنّـه مـا شـكـى حـر وبـروده هـزاع بـه تـفـخـر الـويـلان ورجاله *** أوصاف طيبه بقول الصّدق مسنوده بالمرجله ساروا عـلى سلمه عـيالـه *** سلم الذي غايته كسب الثناء وفـوده عـديت لمحـه من مـزايـاه واخصالـه *** كـل الصفـات الـلي بهـزاع محـموده * وقال عبدالله بن دهيمش بن عبار هذه القصيدة يثني على هزاع بن عايش أبا الروس المطوطح : 36 فاض القريض وباح مكنون جاشي *** وهاض الفكروالقاف بالصدرجايش قـلـت الصحيح وعـنـد ربي معاشي *** ولا خـيـر بالـلي مـرزقـه بالقرايـش أثـني على الشغموم مـاني مخـاشي *** أبـو فـهــد هــزاع لـلـمـجـد حـايـش ضميره أبـيض من جديـد القمـاشي *** ما هو خطات اللي من الكبر طايش قـرم الـعـيـال بمـوقـع الجـود نـاشي *** نـال المفـاخـر والمـراجـل غـبـايش دايـم يسيـر بمسلك الطـيـب مـاشي *** وقـلبـه على كسب الجمالات شايش أمـا الكـرم والجـود مـابـه نـقـاشـي *** مـفـتـوح بـابـه لـلـنــدا والـدرايــش يـا أبـو فهـد اغـليت سعـر المواشي *** وأفنيت جزلات الغنم يا أبن عايـش مـا تذبـح إلا مـربـيـات الـكـبــاشـي *** ولا سمـان العـيـت مـا هـن قـلايـش ولا سد ذبح الحيل عـن ذبح حـاشي *** كـل يـوم عـنـدك لـلنشـامـا رشايش مـن عـزوةٍ تـروي حـدود النمـاشي *** دهـامـشـة لا صـار لـلـحـق نـايـش أولاد عـلـي جـمـعـهـم كـان هـاشـي *** خصيمهـم شـاف النـكـد والبـلايـش والـلي بـتـهـديـده عـلـيهـم ايـلاشي *** يسقـونـه الـعـلـقـم وسـم الهـوايـش وأن طارسترالبيض سود المغاشي *** هـنـف العـذارى لابـسـات الغوايـش عـاداتـهـم بالكـون جـدع اللشـاشي *** يـرمـون لوحوش البـراري ولايـش * قال عبدالله بن دهيمش بن عبار العنزي يثني على رجل الأعمال هزاع بن عايش أبا الروس المطوطح صاحب المواقف والأفعال الطيبه : 37 مـبـداي بـالـلـي لـلـسـمـاوات رفـّاع *** رب الـعـبـاد مـكّـون الـكـون قـدوس عـز الجـلال بـقـدرتـه مهّــد الـقــاع *** وجعـل بهـا وديـان وجبال وطعوس والشمس سيـرهـا بهـا النور لمـّاع *** والبـدر ضوحه بالسماء تقل فانوس وبث الكواكب بالدجا مثـل الأشمـاع *** يجـرى منازلها بها فصول وطقوس ومن بعـد ذكر اللي له الخلق ركـاع *** الخالـق الـلي كـون جـماد وانـفـوس بـديـت والخـاطـر بـالأشعــار نـبـّاع *** مـن عيلم ما هـو ثمايـل ولا رسوس من ريهجان القاف ما كيـل بالصاع *** غـرفـت مـن جـم القوافـي بلا قـوس الفكـر يمـلي والقـلم بـيـن الأصبـاع *** روابـع الخـاطـر دواكيـك واهجـوس روابـعي بـاجـت سمـاهـيـد الأريـاع *** تـهـيـم بالبـيـداء رواويـد واعسوس اسهـر مع المنظـوم والناس هجّاع *** مضيـت ليـلي فـي تواقيـف وجلـوس أعـوذ بالـلـه مـن تقـاليب الأطـبـاع *** وعسى لساني عـن الزلات محروس نظـم الشعـر ملـزوم للمـدح ينصاع *** لأهـل الفخر من دور قيصر وقابوس والطيـب من دونـه عراقيل واتـلاع *** مـثـل السراة الـلي بديـرة بني دوس بالناس من وده على الطيب مطلاع *** وبـهـم الـذي دوبـح ولقـّاه فاعـوس بالمـرجـلـة مـالـه هقـاوي ومرمـاع *** وطأ الجبـاه اللي خساره بها البوس الطيب والمعروف من مذهبه ضـاع *** مابـه صخى عده على دين هندوس الـلـي الـيا جـيـتــه بـلازمـك يـلـتـاع *** عابس وعقدة ناظره تقل مضروس قـلته وخلـق الله بهـا اشكال وانـواع *** كل العباد الوان واصناف واجنوس والذيـب ياكـل من ذراعـه إلـى جـاع *** سرحان نابه يـوم يدلي تقـل مـوس والحمل ما تشيله مهاضيم الأضـلاع *** كـل ما ثقـل كنه على المتن كابوس واسند على اللي يفتهم كل الأوضاع *** جـرب مـن الدنيـا تعـاليـم وادروس اللي الزمان اليوم لـه صـار مطـواع *** وزانت ظروفه عقب تنكيد وتعوس أبـو فـهـد صـيـتـه بـكـل الـملأ شـاع *** يفداه من علمه مع الناس مطموس شـكـر الـثـنـا يستاهلـه طـايـل البـاع *** أبـو فـهـد عنـده شهـامـه ونامـوس وافي الخصايل صاحب الجود هزاع *** قالوا كفولا جيب طاري لبا الـروس كـريـم وابـوابـه عـلى الخيـر شّـراع *** جعـل الـولي يحماه من كل منحوس أبــو فـهـد طـبـعـه لـلأقــراب نـفــّاع *** حتى مع الأجناب لـه جهـد ملموس شكيت مـن شـارع بـه السيـل نقـّـاع *** الـلي غدا لجدار حوشي تقل سوس راجعـت لكـن قيـل لـي مالـك اسنـاع *** وجميع ما قدمـت بالـدرج مدسوس وقـال أبـو فهـد نوجـد الحـل بسراع *** بشـراك كانـك تشتكي ظيم حاسوس حصل على ترخيص ترميم وارقـاع *** وتبرع المنعـور في خمسة اسكوس حـضّـر مـعــداتـه ولا دار الأطـمــاع *** ما يعـتـذر لـو كـلـفـه جهـد وفلـوس * وقال عبدالله بن عبار يسند على هزاع بن عايش أبا الروس : 38 القـاف من فيض العواطف صخرتـه *** مـن جـم فكـري كـنـه المـزن هامـر مـنـظـوم بسطـور السجـلـة نشـرتـه *** مثـل النـفـل ينبـت عـلى جـال حامـر يـا راكـب الـلـي تـو دارت اكـفـرتــه *** ونـيـت بـالـقـاع الجـلـد لـه مـطـامـر يـفـرح ضميـرك منظـره لا نـظـرتـه *** بــديـه يشـوق العـيـن مثـل المرامـر يلفـي عـلى الـلي بالقـوافـي ذكـرتـه *** مـانـي منـافـق فـي مـديحـه وقـامـر أبـو فـهـد مـن عـرفـتي لـه خبـرتــه *** ما هـو عـن الماجـوب ملبد وخامـر يا أبـو فهـد مـا يـوم جهـدك ذخـرتـه *** أنـت الـذي عـن ساعد الجـد شامـر يا من عـلى الطولات مالـك خسـرتـه *** دايـم عـلى كسـب الجمايـل اتغـامـر قـرم العـيـال الـلي تسلسـل اشجـرتـه *** مـن راس لابـة عـذبـوا كـل ضامـر هـزاع بـن عـايـش بـطيـبـه شـكـرتـه *** ديـوان بـيـتـه بـالـرجاجيـل عـامـر بالمجـلس الـلــي تبتهـج كـان زرتـــه *** ما طـبـه آلات الـطـرب والمـزامـر مجـلس فـخـر تعــتـز بـه لا حضـرتـه *** ينطحـك ريح العـود وسط المجامر لا جـيـت عـنـده كـل لـيـلي سـهــرتــه *** نسمع بـديـوانـه سوالـف وسـامـر المجـلس عـلـوم النشـامـى اثـمــرتــه *** إلـى ضم ذربـين الرجـال الغشامـر وبعض المجالس لو دعـاني هـجـرتـه *** مجـلاس ذل وللـرجـاجـيـل دامـــر سير القدم عن خطـو مجلس قـصرتـه *** واصدرت للنفس العـزيـزة أوامـر اقـولـهـا والـلي خـصـرنـي خـصـرتــه *** لو هو من الباشات ولا ابـن ثامـر * وقال عبدالله بن دهيمش بن عبار هذه القصيدة موجهها للشيخ عبيد بن خلف الحريميس شيخ العقاقرة وعبيد بن ثاني الضبيب :39 سميت وادنـيـت القـلـم والقـراطيس *** وعبرت عـن الـلي لفظ بـه لسانـي اسند على الـلي يكسبون النواميس *** مقدم هل العشوى بماضي الزماني عبيـد أبـن خلـف سلايـل حـريميس *** وعـبيـد منعـور الرجـال أبـن ثانـي سـلايـل الـلي للعـجـاجـة مـدابـيـس *** مـرويـن شـذرات القـنـا والسنـانـي صافين من صفوة حمايـل وفريـس *** أهـل الـوجـاهـه والبـيـوت المعاني عـاداتـكـم حـل العـقـد والـلـوالـيـس *** ولا يفـرق اللابـة عـريب المجانـي تـرى الشمـل مـا يجمعونه هلابيس *** وتفـريـقـت الشوفـة تـذل العـوانـي لا تسمعـون المغرضيـن المناحـيس *** نـقـالـت الـنـمـة قـصـار الـيـمـانـي بعـض الـرخـوم المخبثـن البلالـيس *** يمشون بالتحريض والقصـد دانـي دنـيـاك لـذتـهـا عـلـوم وتـوانـيـــس *** وجمع الشمل به عـز والعمر فاني والمرجلة ما حاشها النذل والهيس *** ولا نـالهـا الهـلـبـاج ولـد الهـدانـي يحوشها بالطيب من يرخـي الكيس *** راعي الكرم مندي جبين الصيانـي ويحوشها اللي عادته يرذي العيس *** مرخي على السربة جرير العنانـي ومن كان جده أسس المجد تأسيس *** يجمع شمـل ربعـه بـرفـق وليـانـي يتـرك مجـال الدنـفسه والدحاويـس *** وبعض العلـوم الـلي تهـدم المباني الشيـخ يطـلـب منـه فـك المحـابيس *** وقت اللـزم يفـزع لمن جـاه عانـي ما يرجعـون الـلي يجـونـه مفـاليس *** شبحـه بعـيـد ولا يحـب الطمـانـي تـم الجـواب الـلي نظـمتـه بـتقيـيس *** وأرجو السموحة عن كلامٍ خفـاني يتبع التعديل الأخير تم بواسطة عبدالله بن عبار ; 06-26-2022 الساعة 05:13 AM |
|
|
|
|
06-24-2022, 05:31 PM
|
#4 |
|
صاحب الموقع
تاريخ التسجيل: Mar 2008
المشاركات: 10,251
|
هذه القصائد بالديوان المطبوع
* هذه القصيدة مسنده على معالي الأمير الشاعر محمد الأحمد السديري رحمه الله قيلت عام 1392هـ شعر عبدالله بن دهيمش بن عبار العنزي : 40 سر يا قلم واكتب من الشعـر مبـداه *** واخـتـار من جـزل المعاني سمانـه خط البيوت الـلي لأ بـو زيـد مهـداه *** حيث أبـو زيـد القاف يفهم اوزانـه الـزايـدي يـفـهـم رمـوزه ومـعــنـاه *** الـلي حفـظ لحـن البـوادي وصانـه اعـني محمد صاحـب القـدر والجـاه *** يسـتاهـل التمجيـد مـن كبـر شانـه النـادر الـلي منهـج الـمـدح يـزهــاه *** فيه الصخى والمرجـله والرصانـه الباسـل الـلي ترهب الخصم شلـفـاه *** ما دك بالـصنـديـد عـرق الجـبـانـه اليا غضب صيـد الرجاجيـل تخشـاه *** صلب وشجاع وبالمناصب تـقـانـه اشم من صرح الجبـل يذري احمـاه *** هوج العواصف ما تضعضع كيانـه الـد من الزيـر المهلهل عـلى اعـداه *** واعـز مـن كليب الشهيـر بـزمانـه عـدت خصايـل حطهـن فـيـه مـولاه *** كـنـه ضمـن كـل الـنفـايـل ضمـانـه شهـم وشجـاع ولا يعـرف المحابـاه *** شاعـر ويوصف بالذكاء والذهانـه اخـذ مـن الـفـاروق عـدلـه وتـقـواه *** واخـتـار مـن لقـمـاه حكمـة بـيانـه ومـن حاتـم الطـائي طلاقـة محـيـاه *** ومـن عـنتـر المذكـور قـوة جنـانـه وبالحلم الأحنف صار مثله وشرواه *** واخذ من الأعشى فصاحت لسانـه أن كـان كـلـن قـام يـفـخـر بـمـربـاه *** مربـاه في بيـت الشـرف والأمـانـه وأن كـان كلـن قـام يـفـخـر بمجنـاه *** مجنـاه صافـي مـا ذكـربـه اهـدانـه وأن كـان كـلـن قـام يـفـخـر بعـليـاه *** عـلـيـاه مـن فـوق الـثـريـا مـكـانـه وأن كـان كـلـن قـام يـفـخـر بـيمنـاه *** يـمـنـاه سـيـف ولا تـثـلـم أسـنـانـه عـديـت لـمحه مـن جـوانـب مزايـاه *** ولا هـن اكـثـر مـن نـبـات الشنانـه وصـلاة ربـي عـدد مـزنٍ نـثـر مـاه *** عـلى الـذي حـطـم مـعـابـد اوثـانــه * قصيدة مسندة على معالي الشيخ عبدالعزيزالعبدالمحسن التويجري النائب المساعد لرئيس الحرس الوطني رحمه الله وقد نشرت بجريدة عكاظ سابقاً شعر عبدالله بن دهيمش بن عبار : 41 يا شيخ بلسـان الفصاحة انخاطبـك *** يا النـادر الحلحيل وافي الخصايـل أنـت الـذي يا شيخ يزهـاك منصبك *** وأنـت الـذي تتعـب عـلى كـل طايـل بالصـدق والإخلاص أديـت واجبـك *** بـك تـجـتـمع يـا شـيخ كـل النفـايـل يا مطيب اخلاقـك ويا طيب مذهبـك *** فـعـلـك حـمـيـد وبـايـنٍ لـه دلا يـــل ما سمعت أذني واحدٍ يـوم عـذربـك *** مـن عرفـتي لـك يـا ذريـب الفعايـل تذكـر عيـوبـك كـان عـدت معـايبـك *** الجـود والـعــفـة وصنـع الجـمـايـل الـكـل مـثـل الـوالـد الـبـار حـاسبـك *** عـدلـك يـعــدل كـل مـن كـان مـايـل والله مـا اخطى باخـتيارك معـزبـك *** شخصك تـوفـر بـه جميع الوسايـل دايـم تـبـهـلـل للهـواشـل حـواجـبـك *** تصون عـز النفس عن قـول قايـل ربـك عطاك الخير يا شيخ وأوهبـك *** كـل الـعـلـوم الغـانـمـة والفـضـايـل طير السعد من وكر الأحرار ناجبـك *** عـادات مخلابـك يـصيـد الـجـزايـل يا النادر اللي يعطـب الصيد مخلبـك *** صيـدك سمين ولا تصيـد الهـزايـل عسى السعد طول الليالي مصاحبك *** حـيـث الـذي مـثـلـك امـثالـه قلايـل يعتـز مـن صادقـك والخصم هـايبـك *** ظلـك يظـلـل عـن سمـوم الـقـوايـل يا قـو باسـك للمعـانـد ومـا اصعبـك *** ويا رفع شأنك عـن علـوم الرذايـل ويا ليـن للصاحب جنـابـك وجـانبـك *** لا شـك يـا كـودك عـلى كـل عـايـل أنـت الأصيـل الـلي عـريبه مناسبك *** نسل الـتـواجـر مـن صناديـد وايـل عرق النـدى يا ماكـر الجـود ينتبـك *** صفـوة حمايـل مـن سلايـل حمايـل وعرق الردى يا شيخ ماظن يقربك *** وبالطيب تشهـد لـك جميع القبـايـل قـلـتـه ولا جـيتـك مـن الـمـد طالبـك *** ولا لي مقاصـد يـوم اقـول المثايـل * وقال عبدالله بن دهيمش بن عبار العنزي يسند على معالي الشيخ عبدالعزيز العلي التويجري وكيل الحرس الوطني سابقاً : 42 فاض القريض وخاطري هاض باله *** والقـاف يكـفـي عـن كثيـره قـليلـه اسند عـلى الـلي بالفخر طـاب فـالـه *** مـن راس لا بـه يقحمون الدبـيلـه هـو الـوكـيـل الـلي زهـتـه الـوكـالـه *** أبـو عـلي راعـي الهـداف النبيـلـه عـبـدالعـزيـز الـلي عـمامـه خـوالـه *** نسـل التواجـر مـن اعـزاز القبيلـه تــوارثــوا مـجــد الأوايــل ســلالــه *** عـاداتـهـم بالطـيـب كسـب النفيلـه صيـد الرجال أهـل الفخـر والشكالـه *** بهم الصخى والجود بهـم الفضيله أبـو عـلي مـرقـاه يـصـعـب مـنـالــه *** رام الـعـلا والـطـايـلـه تستـوي لـه عـوايـد الـطـيـب يـحـوش الجـمـالـه *** ولا الـردي مـا لـه عـليهـا وسيلـه مـا يـبـخـل بـجـاهـه وحـالـه ومـالـه *** وفهـمـه ومعروفـه وجهـده وحيلـه عـز الرفيـق وريـف من هـو عنالـه *** ماهـو من اصحاب النفوس الثقيله مـن زار بـيـتـه فـز بـه وانـتـبـالـــه *** وأن جـالـه المنـيـوب يشفي غليلـه أبـو عـلي يمـدح إلـى جـاء مجـالـه *** ومن يصنع المعروف يشكر جميله حيـثـه ثـقـيـلات الحـمـول ارتـكـالـه *** يـشيـلهـا بليـهـان لـو هـي ثـقـيـلـه وصلواعلى المبعوث بافضل رساله *** عـدد هـمـالـيـل المـزون المخـيـلـه * وقال عبدالله بن دهيمش بن عبار هذه القصيدة يثني على الشيخ أحمد ابن دهش التويجري : 43 زرت المضيف اللي تجيه الهواشيل *** المجلـس الـلي للمساييـر مـدهـال ديـوان أبـو خـالـد مـلـم الـرجـاجيـل *** النافـل الـلي مجـلسه يشـرح البـال يـأتـيـه ذربـيـن الـرجـال المشـاكيـل *** لا شـك مـا طـبـه هـذاليـف الأنـذال تـلـقـا الـعـلـوم الغـانـمـه والتعـاليـل *** تقلـط عـلى بـراد شـاهـي وفـنجـال وعقب العلوم الغانمة واشقر الهيل *** قـال اقـلطـوا حياكم الله عـلى الفـال أحمـد تجي لـه من بعيـد المحاويـل *** حيثـه كريـم وبالصخى يبـذل المـال عـذب النبـا يـنطـح قـبـال المقـابيـل *** سـفـر الـمحـيـا بـاسـط الكـف بـذال ما غظلم حجاجه ولـو طّـول الطيـل *** جـوده يـقـول لـطـارق البـاب تعـّال والبـاب مـفـتـوح نهـاره مع اللـيـل *** ما صك بـيبانه عـن الضيف بقـفـال أبـن دهـش يستاهـل المـدح بالقيـل *** و لا يمدح الا بالعـرب ذرب الأفعال سمعـت مـدحـه بالمجالس بتفصيـل *** الكل قال وقـلت من عرض من قال ولا لي مقاصد يوم صغت التماثيـل *** قلت افتخـر في زاكي الجـد والخـال من حمد رب الكون ما نشتكي ميل *** حـنـا بخيـر وحـالـنـا باحسن الحـال * قال عبدالله بن دهيمش بن عبار يشيد بالشيخ يوسف بن عبيد الهذال ومحمد بن ضيف الله القحص وصالح بن نومان المطوطح رحمه الله : 44 قـالـوا تـكـلـم قـلـت مـامـن كـلـوفـه *** لا جـاء مجـال القـيـل نظمـت قـافـه نظـم القـوافـي ما عسرني حـروفـه *** والشعـر لتـراث القـبـايـل صحـافـه احسـن مجـالـه والربـوع امحفوفـه *** هـذا الـذي زاد الـقـوافـي طـرافـــه هـذا هـوا قـلبي ومقصـد اشـفـوفـه *** وهذا اللي من اجله طويت المسافه سجـلـت مـن لفـظ المعـاني بـروفـه *** آخـذ صمال الهـرج واتـرك عـذافـه اللي عرف قصد الهـدف ما يطوفـه *** ومن يفهم المضمون يدرك اهدافه لـعـل خـطـوتـنـا تـكـون مـخـلـوفــه *** والخـط يـقـرأ مقصـده مـن غـلافـه قال الذي ينصح من اعماق جـوفـه *** قـلبه نصوح وفـي ضميـره نظـافـه عـنـدي نصيحـة للجـميع معـروفـه *** حـاذور تشتـيت الهـدف واخـتلآفـه مهـديـه لـلي عـنـدهـم بـعـد شـوفـه *** وضع العــباد الـكـل بالعيـن شـافـه الـيـوم كـلـن قـام قـرصـه يـحــوفـه *** ومن لا يحـوفـه يحـرقـنـه ارضافـه اعصـوا كلام اللي يفـرق اصفـوفـه *** الـجـمع قــوه والـتـفـرق ضـعـافــه من شذ ما سوى مع الناس صوفـه *** ومن عـاف ربعه ما عليه الحسافه وقـت للـزم ربع الرجل هـم سيوفـه *** والـلي يـبـور نـفـوس ربعـه تعافـه والـلي عن الأقـراب تكثر اصدوفـه *** مـا يـفقـدونـه لـو يطـول انصـرافـه والشكـر لـلي فعــلـهـم فـيـه نـوفـه *** فـي وقـت ميـلات الزمـن وانعطافـه ومشكور من نفسه لربعه عطوفـه *** أهـل الفخـر والطيب وأهـل اللطافـه يوسف وقف بالطيب نشكر اوقوفه *** فعل الفخـر والمرجله من اوصافـه نسل الشيوخ اللي اعداها معسوفه *** من ينعـوج سيـف المحـزم عسافـه الـنـادر الحلحـيـل مـكـرم ضـيـوفـه *** الـوايـلـي قـصـره لـربـعـه مضـافـه وصالح رفيقـه ما تجـيـه الحفـوفـه *** دايـم عـن الصـاحب يشيـل الكلافـه من ينصى أبن نومان يبلغ اشفوفه *** حيثه عمل معروف واجب انصافـه والقحص محمد دوم تـندا اكفـوفـه *** فيه الصخى وعنـده من الله مخافـه لـه نفس عن كـل الهزايـل عزوفـه *** الـكـل يـشـهـد فـي نـقـاه وعـفـافــه وأن جـاه اللي غبـر الليالي تلـوفـه *** حـطـه زمـانـه فـي حـيـاة الكسـافـه فـزع لـه محـمـد وزانـت اظـروفــه *** وحـقـق مطـاليـبه وقـصـده مـرافـه عاد الأسامي عقب ماهي امحذوفه *** عسى الـولـي يحـميـه مـن كـل آفـه والـلي حـمـوله مـا قـونـه اكـتـوفـه *** شالـه ومن بـه قيـد يطلـق اكـتـافـه * وقال عبدالله بن دهيمش بن عبار العنزي هذه القصيدة يثني على الشيخ حمود بن عبدالرحمن الشبيب محافظ الخرج سابقاً : 45 سار القلم يكتب على بيض الأوراق *** وسجلت من نظم القـوافي صفايـح مـا قـلـت منظومي منـافــق ومـلاق *** لا شـك اعـبـر بالعـلـوم الصحـايـح ولانـي لمعنـا صاحـب السبق بـواق *** والقـاف بـه عبـره وفـن ونصايـح قـلـته وعـنـد الـلـه تقاسيـم الأرزاق *** وعرف الرجال الصيد فود وربايح الـلي نـوده صـوبـه الـرجـل تنسـاق *** لـو حـال من دونـه جبـال وبطايـح يـا أبـو فهـد والـلـه نـودك ونشتـاق *** كـمـا تـشـوق لـلـمـزون الـفــلايـح إلـى علهـا مـن ناشي المـزن بـراق *** ديـم جـعـل بـيـد الـفـيافـي سـفـايـح يا شيـخ نهـديـك التحيـة والأشـواق *** ولا فــلا تـوفـي ثــنــاك الـمــدايـح شعـر المـديح بغـيـر الأفعـال ما لاق *** ومـدح الحمايل بـه طرايف ملايـح فيـك الشهامـة والمكـارم والأخـلاق *** ما تنوصـف مهمـا تفيض القرايـح مجنـاك من ربـاع يا زاكي الأعـراق *** حمايـة السـاقـة إلـى صـاح صايح نهدي عليك من الضماير والأعماق *** سـلام مـثـل الـورد زاكـي الروايـح وأنـت الـذي فعـل المكارم بهـا فـاق *** والطيـب مبطي لـه نظـام ولـوايـح شلت الثقل يا حمود لو كان مايطاق *** إلى ماج عن شيل الثقل كـل طايـح والـلي يروم المرجـلـه دربهـا شـاق *** مـن صعـبهـا مـا رامهـا كـل دايـح حصلتهـا يا حمـود عساك ما اتعـاق *** ويـعـل مـا تـنـدب عـليـك النـوايـح دون الدنس والعيـب حطيت مغـلاق *** تـرفـا الخـمـال ولا تـدور الفضايح مفـاخـر اجدودك قـديمـات واعـتـاق *** امجـاد ورث اللي برمس الضرايح يا حمود عاداتك على الطيب سبـّاق *** بـيـتـك يـروده كـل غــادي ورايــح وأنت الذي يا حمود للطيـب عشّـاق *** رمـت الفـخـر قـبـل تبـين اللـوايـح عـن الكرم ما بك تكاسل ولا ارهـاق *** مـن عـادتـك تقليط عـيـت الذبايـح وإلـى نصاك الـلي لمـر الشـري ذاق *** يشكي عـليك المعضلات الجوايـح يـعــود كـنـه لاعــقٍ شـهــد تـريــاق *** يضحك طرب عن قلبه الهم زايـح تأتي هـل الحاجات من كـل الأشنـاق *** وينصاك من قـلبه من الغبن فايـح وتـحـل بـالحـكمـة مبـاهيـم الأحـلاق *** والـطيـب بسلـوم الحـمايـل منايـح * قال عبدالله بن دهيمش بن عبار هذه القصيدة من الشعر المروبع يثني على الشيخ عبدالله بن عبدالمحسن الماضي : 46 ابـتـدي بالقـيـل بسـم الـلـه بـديـتـه *** خالـق المخلوق ما غـيـره رجيتـه صامـل المنطوق من فكـري نقيتـه *** من صميم الجاش نظمت القريض لـو بـغـيـت اقـول بـدع القيل كـافي *** هـام فكـري مع عـذيـات القـوافـي فاض نبع القاف من مجراه صافي *** الـقـراح العـذب ما نبعـه خـويـض لو نويت اعلن عن الشعـراعتزالي *** بالحلـوم العـابـرة يطـفـح خـيـالـي بـاح سـدي وانكشف مكنون بالـي *** من مشاعرخاطري شعري يهيض الكـلام الـلـي مـن لسـاني لـفـظـتـه *** مـا رسـخ بالـذاكـره لكـن حفـظتـه والمجال اللي على الفاهم عرضته *** ما حسبت حساب من قلبه مريض والمـراجـل دربـهـا مـا هـو مبـلـط *** مـا كسبهـا كـل مـن شـاخ وتـقـلـط الـتـكـبـر والـتـجـبــر والــتـسـلــط *** منهج الطاغـوت والفـض الغليـض واخبـر الـلي يكتـم الحـق ويـغـطـه *** العــلا مـا كــل مـن يـقــدر يـنـطـه مـن دنـا شانـه عسى بقعـا تـلـطـه *** منـوتـه لـو لابتـه تذهـب شضيض ما نقول القول في مهـروج فاضي *** نسنـده للوايـلي من صلـب ماضي كل من هو جاه يمشي منه راضي *** ومـن تواضع بالعرب ما له بغيض الفخـر والطيـب والعـفـه اشهـوده *** بالكـرم والجـود سيرتـه امحمـوده قـلتهـا واشهـد بعيني شفت جـوده *** كـن نـبـع الجـود مـن كـفـه يفيض ا لمـراجـل مقـصـده والطيـب شفـه *** ما طلـب عن منهج الطولات عـفه دوم يبـذل مـا نضـب يـنبـوع كـفـه *** كـنـه الـهـداج جـمـه مـا يـغــيـض طيـب عبـدالله سليـم مـن التـصّنع *** دوم يـسـعـى لـلمـراجـل مـا تـمـنـع مـن بغى الطـولات عنهـا ما تقـنع *** ومن يـدور الهون ينزل للحضيض عاش عنوان الصخى نشكر جنابه *** مـا يـكـن الـوايـلـي دون الـقـرابـه ينفق من المال ما ايحسب احسابه *** يـوم خطو اللاش لأموالـه حفيض كـل يـوم الـوايـلي عــنـده كـرامـه *** سار بسلوم الجـدود أهـل الشهامه اعـتمـد يـدرك مـن العـليـا مـرامـه *** يـرتـقي للعـز والـمجـد الـعـريـض أبن ماضي عادتـه كسب الجمـالـه *** والفـخـر ما كـل مـن يجـهـد ينـالـه ما بخـل بالجـاه مـن جالـه مشالـه *** تـرتـفـع لــه بـالعـلا رايـات بـيـض اشكـره وأهـل الضماير يشكرونـه *** وامدحـه والنـاس مثـلي يمدحونـه ما تغـيّب عـن قبـال الـلي يـجـونـه *** وأن لفـاه المعـتجـل لا زم يـريـض أبـن مـاضـي للصـديـق وللقـرايـب *** عـادتـه بالمعـضـله حـل النشايـب مزبن الملهوف في صلـو اللهايـب *** عـن سمـوم القايله والوقت قيض مشتهـر بالطيـب واهـدافـه نبـيـلـه *** فـاز بـافـعـال الفـضيلـة والنفـيـلـه من ثقـل حمله عن اكتوفـه يشيلـه *** كنـه بليهـان ما ايعـرف الجضيض أبن ماضي مـن صناديـد العشيـرة *** في زمـان الضيق ربعـه تستشيـره صـافي النـيـة ومامـون السـريـرة *** ما عقد قلبه على الأصحاب غيض أبن ماضي من صناديـد الحـمـايـل *** اشهد أنه وايـلي مـن روس وايـل كاسـب الطـولات طيـبـه لـه دلايـل *** ما عـن سلـوم الحمـايـل يستعيض أبن مـاضي ما تـنـاسى سلـم جـده *** يـوم بعـض الـناس ما ينظـر لـبـده من يكب السلم ضاع وخـاب سـده *** نـور عـلمـه طـافـيه مالـه وميـض مـن قبـيـلـه مجدهـا مبـطي قـديـم *** مـدلـج بـن حسيـن مـا كـاده خصيم سـادوا احـفـاده بحـرمـة والتويـم *** يـوم عـبـرود الـبـنـادق لـه نـفيـض عـنهـم التـاريـخ يخـبـر مـن قـراه *** فـي زمن عصر الحرايـب والغـزاه محـتـمـيـن الـدار عـن الـلي بـغـاه *** ومن يناطح جمعهم يذهب فضيض يتبع التعديل الأخير تم بواسطة عبدالله بن عبار ; 06-25-2022 الساعة 05:36 AM |
|
|
|
|
06-25-2022, 06:02 AM
|
#5 |
|
صاحب الموقع
تاريخ التسجيل: Mar 2008
المشاركات: 10,251
|
تابع قصائد في رجال من أسرة آل هذال شيوخ مشايخ قبائل عنزة :
قال عبدالله بن دهيمش بن عبار العنزي هذه القصيدة بمناسبة الحفل الذي أقامه الشيخ علي بن كريّم بن طواري في حايل على شرف الشيخ مسلط بن زبن بن محروت الهذال أحد أنجال شيخ مشائخ عنزة : 47 للمنتـوي بـعـد المسافات مـا أيـعـيـق *** الـدّرب سـهـل ويسلـكـه كـل سـايـق دعـانـي الـلـي والـده حـزّت الـضيـق *** يلجـالـه الـلي مـن زمـانـه تـضـايـق مـن جـاه مـا يـاجـد أبـوابـه مغـاليـق *** سـفـر الـمـحـيـا دوم والـفـكـر رايـق أبـن طـواري حـقـق القـصـد تحـقيـق *** يـوم عـنـزة تـطلـب كـفيـل البطايـق أقـولـهـا ولا الـفـّق الـهـرج تـلـفـيـق *** مدحي لأبـو نـواف صـدق وحقايـق أقـولـهـا وأدعـي لـنـجـلـه بـتـوفـيـق *** عـلـي عـسى يـرعـاه رب الـخـلايـق دعـى ولـبـّى دعـوتـه خـلفـة الـبـيـق *** مسلـط مـن إحـفـاد الشيوخ العتايـق أبـن زبـن ربـعـه لـشـوفـه مشافـيـق *** الـكـل مـتـشـوّق لـشـوفـه وشـايـــق شيخ عنـزه مـا فـرّق الشمل تفريـق *** عسى الـولـي يحميه مـن كـل عايـق الشامـخ الـلي قـامتـه تشبـه طـويـق *** شيخ الشيوخ الـلي بـه المـدح لايـق أبـو فـهـد مــا دنّـق الـراس تـدنـيـق *** يـبعـد اشبوحـه فـوق والفعـل فـايـق فـاز وتـفـوّق طـايـل الـبـاع تـفـويــق *** سـاس الـعـلـوم جـلالـهـا والـدقايـق أجهـد ونسّق صـايـب الـراي تنسيق *** حيثـه عـلى أوضاع القبيلـه تهايـق وأن طاح ستر البيت يحتـاج ترويـق *** حـيـث الأخـلـه تـشبـكـه بـالشـقـايـق وكان المنيب لكايد الحمل مـا أيطيـق *** شـال الحـمـول الباهضه والـوسايق مـثـل القـطـامي مـا تعـوقـه مسابيق *** الـنـادر الـصـاروم لـلـصـيـد تـــايــق نسـل المحّـزم لا نشّف ذابـل الـريـق *** تصبح معه عصم الشوارب عـلايـق أخـوان بـتـلا حـافـظـيـن الـمـواثـيـق *** مـابـه مــن الـهــذّال غــادر وبـايــق ومـا عـقـبـه هـذال مـتواضـع وليـق *** ونـفسـه عـفـيفـه مـا يـدور اللقـّايـق وصـدورهـم بالسـر مـثـل الصناديـق *** مـاهـم مـن أهـل الثـرثـرة والهلايـق الصيت عـلمه شاع غرب وتشاريق *** وتـشهـد سجـلات الـدول والـوثـايـق هـم ريف من قـلّـت عـليـه المرازيق *** ومـلاذ مـن شـاهـد زمـانـه يـوايـــق وأن حـلـوا بـديـره حـزوم وصعافيق *** لا جـولـهـا الـهـذّال صـارت حـدايـق لـهـم الفخـر يـوم اليمـاني مطـالـيـق *** ولهـم عـلى كسـب النـفايـل طـرايـق مـرويـن لـدنـات الـرمـاح المـزاريـق *** الـيـا تـنـاخـوا دون شـقـح الأنـايــق قطعـانهـم بالـريـف ترعى الـزماليـق *** بيـن الحـمـاد وبـيـن زور الحـوايـق عـاداتهـم ردع العـصـاه المـطـافـيـق *** والــلـي غـزاهـم عـاد لـلـسّـم ذايــق كم شيخ لابـه عافهم عـقـب مـا سيق *** بـعـود القـنـا والمـرهـفات الـرقايـق وكـم عـايـل خـلـوه مـن غـيّـه أيفيـق *** كـن بـضمـيـره مـوقـدات الـحـرايـق مهما مدحت لوصف الأجواد ماطيـق *** وأرجـو السّمـاح وللقـوافـي لحايـق هذه القصيدة من شعر عبدالله بن دهيمش بن عبار العنزي بمناسبة تكريم الشيخ مسلط بن زبن بن محروت الهذال من قبل الرجل الفاضل محمد بن صالح بن معتق الشملاني في قرية قليب الترمس بالقصيم : 48 يـا حـي شـيـخ لـه كـرامـه وتـبـجـيـل *** عـند الشملان أهـل الفعـال الجزايـل في بـيت أبن معـتـق تطيـب التعـاليـل *** بـوجـود أخـو بـتـلا كـريـم السبـايـل أبـو فـهـد يـغـلـونـه الـربّـع بـالحـيـل *** حيثـه من الشيخان بـيـض الفـوايـل أبـي أمـدحه مـاهـو تـمـلّـق وتضليـل *** ولا درت مـن شعـر المدايح وسايـل مـا يـرفـع الطـامـن مهايـط وتطبـيـل *** ولا يـطـمـن الـعـالـي كـلام الـرذايــل الـمـدح مـاهـو لـلعـفـون الـدعـابـيـل *** كـبـار النفـوس أهـل اليدين البخايـل الـمـدح يـزهـى لـلـرجـال الـبـهـالـيـل *** هـم الحـجـأ حـزّت تضيـق المحـايـل أمـدح مـنـاعـيـر الـقـروم المشاكـيـل *** أقــولـهـا وأفــخـر بـكـل الـحـمـايــل أمـدح جنـاب الشيخ قـرم الرجاجيـل *** مسلـط نـسـل شيـخٍ يـقـود الـقـبـايـل زبـن الحريج الـلي جـرالـه غـرابيـل *** مـثـل البلـيهي لأثـقـل الحـمـل شايـل ما شيخت الهـذال بـس لضنا سهيـل *** لاشــك شـيـخـتـهـم عـلـى كـل وايــل شيـخ الشيـوخ مخصصّـه للهـذاليـل *** لقـب عـلى الـلي يـدركـون الجـمايـل هـذال هـو شيخ الشيوخ الحـلاحـيـل *** نــال الـلـقّـب والـشـيـخ لـلـعـز نـايـل نـال اللقـب هـذال من ماضي الجـيـل *** وأنـجـب مشايـخ طـيـبـيـن الفـعـايـل صـفـوة نـوادر يـكـرهـون الأبـاطـيـل *** امـثـالـهـم بـيـن الـمـشـايـخ قـلايــل مـن نسل عبدالله ومـن نسـل منـديـل *** شيخـة فعـل مـا جـت لهـم بالتحايـل شيخان من قـدم العصور المسامـيـل *** بسيـوفهـم يرعـون ريـف الخـمـايـل مـن ديـرة الشنبـل الـى ديـرة ثـمـيـل *** ومن ديـرة الجوبه إلى حدود حـايـل وأن حل ضرب المرهفات المصاقيـل *** يـوم القـبـايـل بـيـن جـايـل وصـايـل طعناتهـم تـشـفي القـلـوب المغـالـيـل *** ضـد العـدى بالمـعـضـلات الهـوايـل وإلـى حصـل يـوم نهـاره تـقـل لـيـل *** وحـمي الوطيس وثـار ملـح الفتايـل كان انتخوا بتلا ولاحوا عـلى الخيـل *** صارت عـلى جـمع المعادي سحايـل أمـا الكـرم وقـت السنيـن الممـاحيـل *** هـم ريف من غاله من الجوع غايـل مـا وفـروا غـلاّت جـني المحـاصيـل *** ريـف الهجافـا والضعـوف الهـزايـل بصحـونهـم تلقـا عصيـب المهاجيـل *** وحـدره مـن الـتّـمـن سـوات النثايـل أهـل الصّخى ريـف البداه الهواشيـل *** خـيـراتـهـم عـاشـت عـليهـا عـوايـل سجّـل فـخـرهـم بالـدياويـن تسجيـل *** ولـهـم بـسجـلات المفـاخـر سجـايـل قال عبدالله بن دهيمش بن عبار العنزي هذه القصيدة يسند على الشيخ جدعان بن زبن بن محروت الهذال أحد أنجال شيخ مشائخ عنزة تحتوي على ما وعد الله به من أجابة دعوة المظلوم والله حسيب لكل ظالم : 49 يالـلـه يا محيي العـظـام الـرمايم *** يالواحـد الفـرد الصمد حـي قيوم يا رب يا مجـري هبـوب النسايم *** يامنزل السحب الثقيله من غيوم يا مـوفـّر ارزاق البشر والبهايـم *** قدّرت لعبادك من الرزق مقسوم أدعـوك بأسماك الجـلال العظايـم *** يامن خلقت من العدم كل معدوم أدعي بدعـوة كـل خاشع وصايم *** واللي تهجد بالدجا هجعت القـوم بـك يستغيث اليـا هجـد كـل نـايـم *** يدعي وعـينه حاربت لذّت النوم الطف بحال الـلي شكالك هضايم *** يشكي عليك الظّلم والقلب مكلوم يا رب تنصفني مـن أهـل الظلايم *** يامجيب دعوة بالملأ كـل مظلوم الظلم ظلما ومـن كـبـار الجـرايـم *** والله جعل عقـوبـة الظلـم زقّـوم الظـلّـم يـرمي صاحبـه بالجحايـم *** عن حامي اللاّهب تظلّل بيحموم لاصارت الأجساد تحـت الـردايـم *** مـا قيـل للظالم محالـل ومرحـوم بالموقف الـلي بـه تشيب اللمايم *** الـرب يقضي بين حاكم ومحكوم دام الحكـم بالعـدل والشرع قـايـم *** كلي أمل ماني من الحق محروم الشرع من هدي النبي له دعايـم *** والحـاكـم العـادل أقـره بمرسـوم لاشك كان الوضع ما هـو ملايـم *** الظالم أرغد والبري صار متهوم جـلاّب حـظّـه بيـن بـايـع وسايـم *** يا للعجب أصبح مشجع ومدعوم يـقـدح ومنطوقـة لـعـان وشتايـم *** أسبابها قـلبـه من الحقد مسموم الـلي بهـرج الزور شامت ولايـم *** يـدور بالصاحب نقيصه ومثلـوم مـا يـدوّر الـغـرّات كـود الهـلايـم *** ولا يفعل الهزله صناديد وقـروم الـلـه حسيب الـلي جـداه النمـايم *** مهمته بيـن العـرب ينقـل عـلـوم الـلي عن الماجوب والحـق نايـم *** يكتب ولا عنده من العلم معـلـوم حتى الرضيع الـلي عليه التمايـم *** يبي الحقايق مايبي قول مزعوم ركـّزت لأنساب القبـيلـة رسـايـم *** انا بشر ماني عن العيب معصوم نكتب حقـايـق مـا نـوهـم وهـايـم *** ولا يغيّـر الـواقع تواقيع وختـوم أسم عنزة عبـر العصور القدايـم *** سجل بتاريخ العرب ليس مكتوم لـهـم مـعـالـم بـالـديـار وعـلايــم *** بالحـرّة السمـرا مراسيم ورسوم ما تنجحد يا أهل القلوب الفهايـم *** لاشك قصد مزوّر الأصل مفهوم هـرج المـزوّر نجـدعـه بالقـمايم *** مالـه سنـد كـلّـه خيالات وحـلـوم مجد عنزة من فـوق نجم النعايـم *** ولا يختلف بنسابهم كود منجوم عـزوة ضنا عـنّـاز ماهـم خمايـم *** لهـم بفعـل الطيب عادات وسلوم أولاد وايـل يـتـعـبـون الـهـمـايــم *** عز الخوي والجار ذباحت الكوم أولاد وايـل يـوم جـدع الـعـمـايـم *** أفعالهم شهد لها الفرس والروم كان اعتلوا بكوار عـوج القـوايـم *** باجوا من البيدا رهاريه وحزوم عـوق الـذي للشّر راغـب ورايـم *** يقـفي ذليـل مخبّث البـال مهموم ضـد الـذي كبـده بهـا المـر زايـم *** ردع العنيد اللي تجبّر من الـزوم يـوم المـغـازي يكسبون الغنـايـم *** عدوهم يرجع من الغلب مصدوم مدحي لهم ماهو حسوف وندايـم *** من فن قافي سجل الفكر منظوم وأسندتـه لنسل الشيوخ الحشايم *** الشيـخ الـلي جـدّه لعـنّاز زيـزوم جدعان نجل الشيخ للطيب شايم *** عليه يسند كـل من كـان مـلـزوم شيخ الشيوخ لمركز المجد هايم *** الوايلي منعـور من عقب شغموم كالحيد يذري عن لهوب السمايم *** هجيـر وأيـامه نحيسات وحسوم مثل المحيط اللي به الموج عايم *** اليـا طمى يقشع دراكيل وعـقـوم تـرثـت مشايخ تـدرك النعـم دايـم *** مشايخ الويـلان بالأمس واليـوم بـربـاعـهـم يـلـقـا المسّيـر ولايـم *** وكيـف الرجال مفوّحينه بقمقوم هذال ريف أهـل الركاب الوخايـم *** منصى الوفود الياهبأ كل مكعوم أخـوان بـتـلا بالـمـراجـل عـدايـم *** زبن الدخيل وملتجأ كـل مضيوم ودنياك هـذي بين نصر وهـزايـم *** هـذا بهـا كاسب وهـذاك مهـزوم دنيـا الشقا تـرمي قـوي العـزايـم *** كثير اللي من جور دنياه مغموم والحر الـلي يرمي جزيل الحوايم *** اليوم زال وصار في ماكره بـوم نـوادر صقـور الحـرار الصرايـم *** بوكارها يا حيف سمقان ورخوم وزعّـت لشخوص القبيلـة قسايم *** أقـولـهـا ولا هـمني كـل مـذمـوم من الرجال المنصفين الذين يرون بعين العدل الشيخ جدعان بن زبن بن محروت الهذال أحد أنجال شيخ مشائخ عنزة من الرجال الذين يهمهم شأن القبيلة وله مواقف لا تنسى وقد أشاد بجهدي لقبيلة عنزة من خلال تأليف أنسابها وجمع تاريخها وتراثها وتمجيد القبيلة والذود عنها بشعري وقلمي وقد بلغه أن هناك من بدأ يشجع بعض الجهلاء بأن يكتبون بالنت ضد ما بذلت من جهد وساءه التنكّر والجحود وقال أن لك علينا الثناء والشكر والأشادة وأنك قمت بعمل تستحق الشكر عليه ومن تعرّض لك فلا يمثّل ألا نفسه ونحن معك قلباً وقالباً وسوف نتصدى لكل محاولات الذين يحاربون النجاح ومن له ملاحظة على كل ما أصدرت فأننا ندعوه لتخصيص ما يعتقده من خطأ وسوف يعدل الخطأ أن وجد ونحن نثمّن جهدك ونكرر شكرك ونقّدر مواقفك للقبيلة ولا نجحد ونحن معك بالحق في كل ما يترتّب وحيث أن هذا الرجل من طبع آبائه وأجداده الوقوف مع الحق ونقاء السريرة وبعد النظر وبذل الجهد لجمع شمل القبيلة فأنني لم أستغرب منه هذا الموقف كيف لأ وهو نجل شيخ مشائخ عنزة وفاضت قريحتي بهذه القصيدة شكر للشيخ جدعان على ما بدر منه لأنه يمثّل كل عنزي شريف يهمه شأن عنزة وهو من أهل العز والشرف وعزه وشرفه بالأفعال وليس بالأقوال وقد أستنكر ما سمع من بلبلة بالمجالس عن أخطاء وهمية لفقها بعض أصحاب الأهواء والغايات وهذه القصيدة قلتها اثني على الشيخ جدعان بن زبن بن محروت الهذال حفظه الله فأقول : 50 أسنـدت منظـومي لـصفـوة كحـيـلان *** جدعان نسل الشيخ محمود الأفعـال حيثـه شجاع ومـن مواريث شجعـان *** عـاداتـهـم يـثـنـون كـان أدبـر الـذال وأن أنـتـخـوا بـتـلا بحـزات الأكـوان *** وحمي الوطيس وصار للخيل زلزال بالـكـون يسقـون العـدا سـم ثـعـبـان *** وبـيوتـهـم للجـار والضيـف مـدهـال كـل الثناء لأهـل الفضايل والإحسان *** الـلـي بـحـزات الـقـصـا تـبـذل المـال ولا تاجد الـلي حصّل المجـد مـجّـان *** لاشـك مـن دار الـعـلا يـجـهـد الحـال يــوم الجـفـا لهـم مضايـف وديـوان *** فرحت ضمير اللي حداه أشهب اللال مـضـايـف يـشـبع بـهـا كـل جـيـعـان *** يـوم الـبـداوى مـا تـجـد كـيـل تكتـال فيها عصيب الحيل وفطـاح خـرفـان *** وفـيـهـا روايـح فـايـح الـبـن بـــدلال وفيها سوالـف مـن مهاريج شيبـان *** يصـغـي لهـرجـتهـم مسنيـن وعـيـال شيخ عـنـزة تتليـه دكـلات الأضعـان *** قـايـد جـحـافـل بـيـن رجـلي وخـيـال جـدّه أخـو بـتـلا ســلايـل عـديـنـــان *** شـيـخ الـمشايـخ مـن قـديـم ولا زال مجـده تسلسل مـن جـعـيثن لحبـلان *** أبطال نسل أبطـال من تـرثـت أبطـال شيخان وايـل مـن منـاسيب شيخـان *** شيخه مـن الـوالـد تعـقّـب لـلأنـجـال شيخ الشيوخ الوايلي ذرب الأيمـان *** الليث الأروع بالعـرين أنجـب أشبـال قلته واللي من مدح الأجواد زعـلان *** يضرب براسه ما تطرّف مـن الجـال يا أبن زبن مشكور يالشيخ جـدعـان *** ما هي غـريبـه منك وأنت أبن هذّال ثمنـت جهـدي فـي تشّكـر وعـرفـان *** ومن لا عمل معروف للمدح مـا نـال تـشيـد بالمـجهـود يـا عـالـي الشـان *** يـوم أنكروا مجهودنا بعـض الأنـذال يـالـوايـلـي لا هـنـت يـفـداك كـوبـان *** الـلي جـداه الـقـول والـقـيـل والـقـال يا شيخ يا خلفـت مـدابـيس الأكـوان *** بـك يعتدل كـان أنـعـوج شايـن الفـال الـلي مـرامـه يـودع الـربـع عـدوان *** يشضى الشمل بتصرفاته والأعـمـال خطو الـذي قلبـه من الحقـد مرضان *** وسـط المجـالـس مـلسنـه تـقـل دلاّل يرمي عـبـاريـده عـلى غـيـر نيشان *** ويغـتـر بـه مـن سايـر النـاس جهّـال الـيــا بــدأ لازم دوانـيــه مــا بـــــان *** لكـن بـحـزات الفـضـا خـوش رجـّال وضحّـت للـويـلان عـن كـل مـا كـان *** وسجلت ماضي مجدهم عبر الأجيال مصـادر التاريخ مـن عصر عـدنـان*** تـروي قـديـمـات الفضـايـل والأنـفـال سجـلـت واقـع دون زايـد ونـقـصـان *** بأمجـاد لابـه شامـخـه كـنـهـا جـبـال مجـد عـنـزة مذكور في كـل الأحيـان *** مبطي لهـم في عـالي المجـد منـزال مـن يـوم كـانـوا بالمـجـازه ومـاوان *** حـتى ضعنهم مـن بـلـد جـدهـم شـال عـيـن التمـر لـهـم مـرابـع ومسكـان *** ومـن بعدها خيبـر وهـذيـك الأطـلال ورديت عن هرج الخطأ كل غـلطـان *** ولانـي مـجـامـل كـل هـايـف ودجّـال والحمـد للرحمن لـي قـلـب والسـان *** لاشـك مـا ودي تـشـاحـن ولا جــدال ألا الـيـا زادوا تـمـادي وطـغـيـــــان *** عـنـدي حقـايـق دامغـه تردع الضـال وقال عبدالله بن دهيمش بن عبار هذه القصيدة يثني على الشيخ جدعان بن زبن الهذال لمواقفه المشرفه : 51 المهـونـه تعـتبـر غـلـب وهـزيـمـه *** وكان صح العـلم يا كبـر المطمّـه رمز وايل حجـزته أكـبـر جـريـمـه *** نطـلـب الـرحمن يجـلي كـل غـمّـه عاش أبو تركي عسى ربي يديمـه *** شيخـنـا جـدعـان وقـفاتـه مهـمّـه شيخ نسل شيوخ به عـفّـه وشيمه *** وان تـفـوّه بـالـوعـد لازم يـتـمّــه أبـو ثـامـر لـه مـع الـويـلان قـيمـه *** النبـيـل الـلي شمـل ربـعـه يـلـمّـه بالكـرم معـروف واكفوفه كـريمـه *** عـز نـفس وجود والأخـلاق قـمّـه نـعـم فـي جـدعـان قـوي العـزيـمـه *** بالمراجل فيـه عـزم وفـيـه هـمّـه شيخنـا المحبوب غـايـاتـه سليـمـه *** حب عنزة عـزوته يجـري بـدمّـه يوم خطو الشيخ ما فارق حريـمـه *** له شخير وحط راسه وسط كمّـه أبـو ثـامـر عـادتـه حـث الهـميـمـه *** لأجـل ربعـه يـتجـه فـي كـل يـمّـه مقصده يرفع عـن الربع الهضيمه *** عـزوتـه موضوعهـم لازم يهـمّـه تـرثـت شيـوخ فـعـايـلـهـم قـديـمـه *** عـز وايـل بالسنيـن الـمـدلـهـمّــه أخـو بـتـلا شيـخ عـنـاز وزعيـمـه *** ولا يقيف الوايلي دون أبن عـمـّه أخـو بـتـلا لـه وقـار ولـه حشيمـه *** أفتخـر بالشيخ وأشتم مـن يـذمّـه عسى يفـدا الوايلي خطـو اللخيمـه *** الـلي يفخر بالجدود وهـو مـقـّمـه يمتـدح والـنـاس بأفعـالـه عـليـمـه *** ومن عمل معروف ينفـاه ويـدمّـه حاشيته أهل الرياء وأهـل النميمـه *** وكل سافل مجلس الخايب يضمّه الكبـر يـرسم عـلى وجهـه وسيمـه *** مثل الأرقـط يصطلق بالناب سمّه ما كسب طولـه ولا حـاش الغنيمـه *** ولا مـنع شـرّه عسى بقعـا تخّمـه المكرم الشيخ جدعان بن زبن الهذال حفظك الله يسرني أن أهدي لك هذه الأبيات وأعتذر عن إقامة حفل تكريمي وفقك الله ورعاك وسدد خطاك : 52 يوم أنت يا شيخ المشايخ توضح لي *** لي الشرف لا قـلـت جدعان كلمني تبغي من العيت والحشوان تذبح لي *** كيف أتعـذّر وأبن الأجـواد عازمني لاشـك باغـيـك تعـذرني وتسمح لـي *** جـمالتـك وصلـت وعـدّك مكـرمـني يا شيخ عند الردي ما انوخ الرحّلي *** لاشـك الـلي مثلـك سنافي يحشمّني العـاقـل يـثمـن جهـودي ويشبح لـي *** بشعـوره يشجّع وبالفكـر يـدعـمني مـادام شـرواك يشكـرني ويمـدحـني *** يا شيخ ما هـمني من كان يظلمني أخـوان بـتلا ما غشى قلوبهم دحلي *** أمدحهم ولا أحـدٍ من الناس لايمني تاريخهم عن سابق العهـد يشرح لي *** بمجادهم بيض الصحايف تعلمني يتبع |
|
|
|
|
06-25-2022, 11:09 AM
|
#6 |
|
صاحب الموقع
تاريخ التسجيل: Mar 2008
المشاركات: 10,251
|
تابع
* هذه القصيدة من شعر عبدالله بن دهيمش بن عبار العنزي يثني على زايد بن فهد السكيبي أمين مدينة الدمام سابقاً ويسند على سعود بن مشاري الهزاني 53 فاض القريض وطاب بـدع القصايـد *** مثل الجواهـر خاطري يسبكه سبـك فـكـري تهـيـض بـالبـيـوت الجـدايـد *** مـن فن بدعي واضحه مـا بهـا لبـك عذيـت لـفـظ الـقـاف عـن كـل مـايـد *** الـلـي يعـبـك السالفـه هرجـته عبـك قـافي بموقـف صاحب الفضل شايـد *** الـلـي بـمـدحـه مـا تجـد مـن يكذبـك يستـاهـل التـمـجـيـد والـمـدح زايــد *** أبـو فـهـد صـيتـه مع الناس يجذبـك يـوم أبـو خـالـد عـرقـلـوه الضـدايـد *** قال اسع لي بالواسطة عند صاحبك قلـت امـش للدمـام نطـوي الوهـايـد *** يـوم الخـميس الوايلـي هـو معزبـك تـقـلـط عـلى زيـن الـنبـا والـمـوايــد *** ريـف الهواشل طايـل الباع يعجـبـك أبـو فـهـد مـنـصـاك قــرم الــولايـــد *** الهـقـوه أنــه مـا يـقـصـر بـواجـبـك خـلـه ذخـر عـنـد اكـتـراب الشــدايـد *** عـن الخـطـأ بالحق يـوقـف بجانبـك يكفـيـك شـر أهـل الطـمـع والمكـايـد *** ويكـبح جـماح اللـي تبلواك وانشبك وإلـى نـصيـتـه مـا تـطول الـوعـايـد *** قـال انتهـت ما عاد خصمك ايطالبك وأن مـا قـضى لازمك تجني فـوايـد *** مـربحـك عـرفـك للسنافـي ومكسبك أبـو فـهـد يا سعـود صافـي الحدايـد *** شهم وكريم ومذهـبه مثـل مـذهـبـك لـو تـلتـزم لـه عنـك ما لـه صـدايــد *** اصـلـه وفـصله من مجاذيب منسبك حـيـثـه معـرب مـن خـيـار الـبـدايــد *** الـوايـلـي من روس عصبت قرايبك مـن ساس لابـة يـوم نـقـل الجـنـايـد *** إلـى سمعــت علومهـم طال شاربـك مـن رامـهـم بـالـكـون خـلـوه بـايـــد *** عقـب العيـا والزوم يجفل من الدبك شـبحـه بـعـيـد لعـالـي الـمـجـد رايــد *** مـا عـوقـه عن رقيهـا قـول تـتعبـك أبـو فـهــد بـالـغـانـمـه لــه عــوايــد *** نـفخـر بـه وطـيـب القـرابـة يطيّبـك أبـو فـهـد عـن واجــبـه مـا يـحـايــد *** عنـه الـردا بعـد الوديعـة عـن النبك أبـو فـهـد راعـي العــلـوم البـعــايــد *** الـلـي مـفـاعـيـلـه تسـرك وتطـربـك الصيـرمـي مـن نـادر الـصيـد صايـد *** طـيـر السعـد حـزت هـداده ايشببـك يـا بــو فـهــد يـا ذخــرنـا والسـنايـد *** اللـه يعـز الـلي عـلى الـطيـب درّبـك جـملتـنـا حــيثـك عـلى المجـد سـايـد *** بالمـرجـلة والطيـّب عـودك شايبـك تنشـر لـك البيـضا بـروس الجــرايـد *** قـمت بـلزوم الـوايلـي يـوم جـربـك نـظـهــر ثـنـاك ولا نـكـن الشـهـايــد *** قـلـتـه ويشهـد لك مضيفك ومكتبـك تحمـل مـن وشـاح المفـاخـر قـلايــد *** ولـو ما تروم المجد ما نلت منصبك وأن بـاد حـيـل أهـل العــزوم البلايـد *** عـرق الفخـر للطايله ساس مجذبك عـسـاك دوم لـعـزوتــك بـالـوجـايــد *** وعسى فـداك الـلـي يـدور مـعـايبـك وصلوا على مـن جاب خيـر العقايـد *** المـصطـفـى المختـار للديـن رغبـك * وقال أيضاً عبدالله بن دهيمش بن عبار العنزي يثني على معالي الشيخ زايد ابن فهد السكيبي أمين مدينة الدمام سابقاً :54 قـال مـن عبـر عـن شعـوره لسانــه *** يـنظـم الـقيفـان لا جـاء لـه مجـالـي يفتخـر بـالـلي ارتـفع قـدره وشانــه *** بـان عـلـمـه لـلبـعـيـد ولـلـمـوالـــي بـالـفـخـر فـي قـمـة الـعلـيـا مـكـانـه *** شـاد مـجـده فـوق شمـاخ الجـبالـي الأمـيـن الـلـي نـقـل حـمـل الأمـانــه *** اجتهد واصبح من اصحاب المعالي أبـو فـهـد ريـف مـن ضــده زمـانــه *** زايـد الـحـتـام صـنـديـد الـرجـالـــي مخلص ولا سـار بـدروب الخـيـانــه *** مـن إخـلاصـه للوطـن نـال المدالـي الـبـــلـد خـلاه مـثــل الــديــدحــانــه *** كـل شـارع حـط بـه منـظـر جمـالـي طــور الـدمــام يــوم الــرب عــانــه *** فـي أمـر شبـل الـفهـد ذرب الفعالـي فعــلـه الـلـي قــدمـه وابـرز كـيـانـه *** الأمـيـن الشـهـم والـرجـل الـمثـالـي اوهـبـه رب المـلأ عـقــل ورصـانـه *** مـع نـقـاوة نـيـتـه طيـب الخـصـالـي زاكـي المـذهـب مـن خيـار البطـانـه *** صافي المهجـة كما العـذب الزلالـي ما مشت رجـله عـلى درب المهـانـه *** مـن عـدل ممشاه عند الناس غالـي مـن شكـالـه ظـلـم يشملـه بحـنـانــه *** فـي سبيـل الحـق يـصمـد ما يـبالي والـمـراجـل دوم ضـامنهـا ضـمـانـه *** مـا وهـن عـزمـه ولا صـار اتكـالـي والــده ربــّـاه بـالـعــفـــه وصــانـــه *** وعـوده لـلطـيـب بـعــيـد الـمـدالــي الـفـخـروالـمجـد يـجـتـاز امـتحـانــه *** حيـث مجـده واقـعي ما هـو خيـالـي فـوق صفحـات الفخـر ينشر بـيـانـه *** اسـمـه البـارز عـلى اللـوحـه يلالـي وايـلي مـا دك بـه عـرق الـهــدانـــه *** صافـي المعـدن مـن اعمام وخوالي مـن سـمـيـة مـا يعـرفـون الـجـبـانـه *** لابـتـه عـنـاز حـامـيــن الـتـوالــــي لابـتـه معـروفـهـم يـشـكـر احسانــه *** فعلهـم معـروف في شـرق وشمالي والخـوال سـيـوفهـم تـروي سنـانــه *** شـمـر الـغـلـبـا شـغـامـيـم العـيالــي حـصـل الـطـولات بـادراك وفـطـانـه *** مـن تـوافـيـق الـولـي عـز الجـلالـي والـمـراجـل مـا تـجـوز بـلا ذهــانــه *** والـقـسـاوه يـوم تـشـتـد الـحـبـالـي من عمل معـروف فعـل الطيب زانـه *** والـردي مـا نـال غـيـر الـهــملالـي قـلـتـهـا والـقـاف يـنبـع ريـهـجـانــه *** فـي مديـح الـوايلـي طـاب المقـالـي قال عبدالله بن دهيمش بن عبار هذه القصيدة يثني على الشيخ طراد بن راكان المرشد : 55 سيّـرت يـم الشيـخ مـن نسـل ثـلاب *** مالي مقاصـد جيـت بالخيـر أمسيه الشيخ اللي يلقـا الهـواشل بترحاب *** طـبـعـه إلـى جـاه المسيـّر أيـحيـيـه والـقهـوجي تـلـقـاه للهـيـل صـبـّاب *** واللي قلط من حين يجلس يقهويه مـن دلـةٍ فـنـجـالـهـا كـنـه اخـضـاب *** عده على توصيف هايس امسويه مـن كـيـس قـرم دوم للـنـار شبـّـاب *** كيف النشاما بغالي السعـر يشريـه ما مقصـدي بالكيـف سـايـز وقـلاب *** هـذاك ترتكته عسى الهجـر يلويـه الـكـيـف فـنجـال المـهـيـّل الـيا راب *** مـر وحلـوا يـنـدار والـعـود قـافيـه ومن عقبهن قـلـط مفاطيح الأذنـاب *** عـيت الهـرافي ما تفـارق صيانيـه أبـوه قـبــلـه كـان لـلحـيـل قـصــاب *** طبعـه ولـو شان الزمن مـا يخـليـه يـمـنـاه تـبـذل كـنـهــا ديـم سـحــاب *** ينفـق وربه سامك العـرش يعطيـه حـيثـه تـعـّود للمـكـارم وهـو شـاب *** نفسه عـلى فعـل المراجل اتهقويـه يـقـود داهـوم مـثـل ضـلـع ديــراب *** هاك الجموع الـلي إلـى سـار تتليـه الحـر ينجب حـر مـا ينجـب غـراب *** حيث الذهب من معدنه يسبك جنيه جيت أخو عشواعنده الربع حضّاب *** والكل يمشي فـي لـزومه ويقضيـه نعـتـز بالـطيـب ونـفـخـر إلـى طـاب *** ونجزع إلى شفنا الجفاء والمزاليه ولا نقـرب اللي دوننـا يغـلـق البـاب *** ومن لا يقـدرني تـوقـفـت ما جـيـه والبيت بلا عمدان وأوتاد واطـنـاب *** مخطر من العاصوف يقشع مبانيه تـحـرصـوا عـن كـل نـاقـد وهــزاب *** ومن بـه حميـه واقـع الأمـر يعنيـه ومن يقطع الغبه عـلى لوح اجـراب *** لا زم عـلى الجـزره يعـبّـر دوانيـه أقـولـهـا ولا نـي حــراوي وشــلاب *** ما غير ربي سامك العرش راجيـه * وقال عبدالله بن دهيمش بن عبار هذه القصيدة يثني على الشيخ طراد بن راكان المرشد : 56 فـاض عـذب القـافـيـه ما بـه لـواث *** صـافـي المنـظـوم مـا طبـه بحـيـث نـصـه الـلي بالـفـخـر مـجـده وراث *** ريـف لأصحابـه ولخصامه غـثيـث قـاد ربـعــه بـاهـتـمـام وبـاكـتـراث *** سـار صـوب العـز والعـلـيـا حثيـث أبـو مطشـر يـبعـث الـمجـد ابـتعـاث *** وأحمـد الله في عـرين الليـث ليـث صـفـوة الـلـي صـادقـيـن بـالحـنـاث *** نسـل أخـو عشوى ملاذ المستغيث فـعـلهـم بـاقـي وهـم تـحـت الجـداث *** ومـجـدهـم قــديـم مـا تـوه حـديـث فعـلـهـم عصـر الحـرايـب والحـداث *** يدركـون الطـايـلـه مـن يـوم حيـث مـا يصوغ السـاس بالـقـاع الدمـاث *** ولا يطيب الغرس غير من الجثيث ومـن طـمـن فعـلـه لمجـد الجـد داث *** لـو تسلسل منسبه مـن دور شيـث به رجل محسوب من عرض الأثـاث *** لـو جـدوده دمهـم يـبـري الغـليـث ومـن تـسـمع لـلمـناحيـس الـخـبـاث *** يـنبـث ويـرجع عـلى راسـه نبيـث ومـن أيـفـرق لابـتـه مـثـنــا وثـلاث *** كــنـه المـلـهـوف دايـم لـه لـهـيـث والـنـقـيـلي كـان بـيـن النـاس عـاث *** بالعـرب يفتـك كـما الـداي الخبيـث وقال عبدالله بن دهيمش بن عبار هذه القصيدة عندما فصّل الشيخ طراد بن راكان المرشد رحمه الله صينية طولها ثمانية أمتار وعرضها أربعة أمتار وهي على كفرات وطلب مني بعض الرجال الحضور عند الشيخ أن اتوقع كم تاخذ من الطعام والذبيائح وهم يريدون أن اقول قصيدة بالصينية فقلت اسند على الشيخ سلطان بن راكان المرشد رحمه الله وأثني على الشيخ طراد وأصف الصينية : 57 جينـا نبـارك لأخو عشوى بالأعيـاد *** عـسـاه يـنـعـم بالهـنـا كـل الأحـيـان أبـو مـطـشـر دوم جـعـلـه بـالأوجـاد *** تـوازنت لـه وأستوت والسعـد زان شاد الخيـام الـلي مثـل شـم الأطـواد *** شرق الثمامه شامخه تقـل ضلعـان مضايفـه لأجـل المـراجـل لـهـا شـاد *** مـلـم لشخـوص الـرفـاقـه وديــوان مجلس شرف ما داج بـه كل سرماد *** يجمع نوادر من شغاميـم الأعـيـان مجلس فخر به ينشرح صدر وافواد *** فـواد من قلبـه عـلى الربع شفقـان وشاهـدت جفـنـه بارزه كنهـا احفـاد *** ما مثـلهـا بكـل الصياني والأجفـان صينيتـه فيحاء لـهـا أطـوال وابـعـاد *** ثـمـان بـأربـع دون زايـد ونـقصان تاخـذ قـدر خمسين فـرده مـن الـزاد *** ومن الغنم خمسين مع عشرقعـدان قالـوا تخيـّـل وصفها بعـض الأفـراد *** واجـب تقـول بجفنـة الشيخ قيفـان قلت اسمعوا منظوم شاعـر وقصّـاد *** يفخر بطاري مفني الحشو والضان نـعـتـز بالطـيـّب ونـفـخـر الـيـا جـاد *** والجود يضهـر لـه دلايـل وبـرهـان فصلها أخوعشوى وله شف ومراد *** قـصـده يـبي ينهـج مناهيـج راكـان أبـوه قـبـلـه كـان لـلـطـيـب مـعــتـاد *** لو شان وقته خاطره دوم مـا شـان حيثـه تسلسل من صناديـد الأجـواد *** شيـخ وتحـّدر مـن نحانـيح شيخـان لهـم الفخـر من دور مرشـد وعـواد *** ومن مضحي وثلاب وأبنه سليمان وبشير ابن مرشد عـلى لابتـه سـاد *** ومـا عـقبـه مرشـد كـرام وشجعـان حفيدهـم يـمشي عـلى سلـم الأجـداد *** حاشى تزول أمجادهم مع خبر كان واليوم ما حاش المفاخـر والأمجـاد *** لكـود مـن يسعى لـربـعـه بالإحسان الشيخ ما يحـمل ضغاين ولا أحـقـاد *** ويبـذل جهود لعـزوته قـدر الأمكان عـصـر التسلـط راح دوره ولا عـاد *** والـلي تـكبّـر يـفـقـد القـدر والشـان علم الفضيله بان في روس الأشهاد *** ومن رام فعـل المرجله بالفخر بان من طاب يستاهـل بـه المـدح يـنشاد *** ولا الردي يقصر عن المدح كوبان ضرب المثل به للملأ نصح وأرشـاد *** والخط ما يرسل على غيـر عنـوان مثـايـل مـن الـقـاف نـظـمتها اجـداد *** ولا لـي هـدف بفـلان وفلان وفـلان أسندت منظومي لأبـو فيصل اسنـاد *** أهـدي جـديد القـاف للشيخ سلطان واختـام قـولي يـفـعــل الـلـه مـا راد *** والمعـذره كـاني بالأقـوال غـلـطـان وهذه الأبيات من شعر عبدالله بن دهيمش بن عبار قالها بالشيخ طراد بن راكان المرشد عندما أصدر بيان ينفى اشتراكة مع الشيوخ الذين وقعّوا ضدي واهدا لي درع وهو من الذين يثمنون جهدي للقبيلة : 58 أشكـر الشيـخ الكـريـم أبـو مـطشّـر *** أخـو عشوى بالفخـر نجمـه تعـلى درع ربـعـه كـان نـاب الوقت كشّـر *** لـلـرفـاقـه كـنـه الـشـهـد المـحـلّـى مـن نصى بـلازم سمع قـولـه تبشّر *** وأن لفـاه الضّيف رحّب بـه وهـلى يا عسى عـمـره طويـل ولا ايتقشّر *** شيـخ لابـة بالظـفـر زبـن المجـلـى مـا ذكـر رجـالـهـم لـلـطـيـب دشّــر *** يكسبـون الطـايـلـة خـلـفــة مـعّـلى هـل العـرفاء كـان جاهم دايـر الشر *** شاف مـا يرعـب ضميره ثـم ولـى يكعـمـون الـضـد والعـايـل ايـهـشّـر *** مـن يـناطح جـمعهـم راسـه تـدلـى لـلـمـجـاور مـا أحـد بـالـقـول فـشّـر *** جـارهـم يـدلـه ضمـيـره وأيـتسلى * وقال عبدالله بن دهيمش بن عبار العنزي يبارك للشيخ نواف بن فواز الشعلان بمناسبة توليه رئاسة قبائل الجلاس : 59 زان المجال وفاض بالصدر منظـوم *** وتهيّض الخاطر من شعور وحساس حقـك عـلينـا يـا ابـن فــواز مـلـزوم *** حيثك شفيه ما أنت من سايـر الناس جينـا نبارك لك عسى العـز لـك دوم *** مبـروك لـك والله يجيـرك مـن الباس يا الوايلي ما شيختـك تـوهـا اليــوم *** شيختك يا نـواف مبـطـي لهـا سـاس انا اشهد أنك مـن مواريث شغـمـوم *** والطيب ورث اجداد والعرق عسّاس من ساس ماكر كل مـا هـد صـاروم *** مصقـر صيارم بـيـن نـادر وقـرنـاس تاريخ مجـد بزاكي الصدق مدعــوم *** مـن جــدك محـمـد مـقـاديـم لـجـلاس تـاريـخ مـاضيكـم شهـادات وخـتـوم *** شعـلان راس وكـل مـا عـقـبـه راس شعلان عـلمـه بـالتـواريـخ مـعـلــوم *** مثـل العلـم فـي شامخ الحيد نبـراس وغريــر بن شعلان لـرويـل زيــزوم *** شيخ الجهـام وللـوغـى دوم مدبـاس ضد العنيد الـلي مـن الغبـن بـه زوم *** سـقـم الحريـب وللمـنـاعـيـر طساس يـوم الحرايب يضرب القـوم بالقـوم *** فـوق النضى ولا عـلى قـب الأفراس إلـى ركـب يـتـلـيـه دكــلات داهــــوم *** عـلى هـوا العـليا يبوجـون الأرماس أن غـربـوا مـدهـالهـم ديـرة الـكــوم *** وأن شرقـوا منزالهـم نفـد الأطعـاس مـن ديـرة النقـرة إلى شـرق زلـــوم ** بالخـوف ترعـى بظلهم كل الأونـاس وأن شدوا اللي عندهم غالي السـوم *** أبو الظهور إن عمّـد العـج واحتاس ما يربح الـلي لديرتـه شنـوا هـجـوم *** ولا يـمنعـه لو يلبس الدرع والطاس شـق الصميل بغـاطي الرمـز مفهـوم *** بـه ردع لـلجانـي وبـه حـل لـولاس حتى الذي من طـاري المنع محـروم *** كـب العناد وطاع عـن قطع الأنفاس يـوم الـبـوادي بـيـن هـازم ومهــزوم *** شعلان ما يوطأ حماهـم ولا ايـداس ويوم الجزيـرة شعبهـا صـار محكوم *** بالحكم اللي زال الدياجي والأغلاس بـايـع وسلـّم ديـرة الجـوف تـسـلـوم *** بـالـصـدق خـلا رويـل للحـد حـراس بخلاصهـم بـانـت عـلامـات ورسـوم *** ولا يخسر الـلي كـان للخيـر غـّراس ولو ابي اعـدد مـن صناديـد وقـروم *** باح المداد ولا حصى المجد قرطاس يـا بعـدكم يـا شيخ عــن كـل مـثـلـوم *** ويا قربكم يا شيخ مـن كـل نـومـاس اقـولهـا وعيـن المعـادي بهـا هـزوم *** ولانـي مـداري كـل هـايــف وبـلاس من حاش فعـل الطيب ما يلحقه لـوم *** والجـد مـا يـرفـع حفيـده إلـى خـاس مـن خاب فعـله خامـل الذكـر مكتــوم *** وش عـاد لو جده سليل ابن عـباس ومن طاب فعله عند الأجواد محشـوم *** وصيد الحمايـل مـا تدانت للأدنـاس وكل المشايخ ما بهم شخص مـذمـوم *** امجـاد فعـل جدودهـم ما لها قيـاس الشيخ أنور بن فواز الشعلان كان رحمه الله ساكن في عمّان وكل ما أزور الأردن ازوره وكل ما زرته يسوي مناسبة خاصه لي ويدعي كبار الحكومة ومشايخ القبايل ويشيد في جهدي للقبيلة ولهذا فقد قلت عدة قصائد شكر وثناء ومدح : * وقال عبدالله بن دهيمش بن عبار العنزي هذه القصيدة يهني الشيخ أنور بن فواز الشعلان بقدوم نجله نواف ويثني على مواقفه المشرفة : 60 يا شيخ في نجـل الصوارم انـهنيـك *** ونقـول لـك مبـروك بـقـدوم نـواف عسـاه فـي طيـب الفعايـل ايحالـيـك *** ويصير مثلك بالطبايع والأوصـاف يا لوايلي يا ريف من سـار ناصيـك *** يلوذ بك وقـت اللـزم كـل من خـاف علمك شهير ويرفع الراس طاريـك *** وأنـت الـذي فعلك بالأعيان ينشاف علمك ظهـر عـند البعـيـد ودوانـيـك *** جدك حفظ سلم الحمايل والأشراف صـرحٍ بـني بـافـعـال جـدك يعـلـيـك *** ماضي مفاخركم تسجل بالأصحاف موزيـل سجل من مفاعيـل ماضيـك *** امجاد وزنه راجحهٍ فـي جبل كـاف لـو مجدهـم عن باقي الفعـل يكفيـك *** المجد امانـه وأنـت شلته بالأكتـاف أنتـم هـل الطـولات مـا هـي دباليـك *** وأنتـم تقـودون الجهامة والأسلاف وأنت العريب اللي عريـبه مجانيـك *** نسل الشيوخ مروية علط الأسياف شيخ زهاك اسم الفخر يوم اسميـك *** منزلك بالعليا على روس الأشعاف كــم واحــدٍ وده يــقـلـد مـمـاشـيــك *** ويحول دونـه صعبهـا تـقـل وقّـاف أمـا الشجاعة مـا ربـح من يعـاديك *** وأما الكـرم طبعـك كريـمٍ ومضياف وأما الحمية ما وجد من يضـاهيـك *** حيثك سليل الـلي بعلـم الفخـر نـاف بالطيـب تشهـد لـك مفاعيل اياديـك *** يـفـداك يـا ريـف النـضى كـل بـلاف والشاهد اللـه يـا أبـن فـواز نغليـك *** وعن ما يكنه خاطـري عبـر القـاف لك موقف ماني على الـدوم ناسيك *** تلك الحفاوة يـوم زرتك مع خساف غيـر الكـرامـة قـول يا الله اتحييـك *** ارسلت حتى الكدلك الخاص زفـاف ساروا معه مثـل المواكـب بنيخيـك *** البنز والصالون والجمس والهـاف امدحك يالصنديد بالصدق واهديـك *** ابيـات شعـر ولا لنـا قصد واهـداف ولا لي جـدا لغيـر بالشعـر اجازيـك *** يقـولـه الـلي بطيبكم عـد مـا شـاف * وهذه القصيدة أيضاً قالها عبدالله بن دهيمش بن عبار يمدح الشيخ أنور ابن فواز الشعلان لمواقفه المشرفة : 61 بديت اسجـل مجمـل الشعـر بأيجـاز *** ونظـم القـوافي ما عسـرني مشـده واهديـت عرفـان الثنـاء لأبـن فـواز *** انــور فـعــولـه مـا قــدرنـا نـعــده مـدحـت أبـو فـواز والمـدح بـه جاز *** مـدحـه زهـاه وكـل مـا قـيـل قـــده عـن الفـخـر مـا عـوقـه زل شـيـراز *** ولا يـغـري المنـعـور نعـم المخـده نفخـر بطاري ريـف من جـاه معتـاز *** الـشـيـخ بـابــه عــادتــه مـا يـرده للطيـب واعـمـال الفخـر دوم ينحـاز *** الـوايـلي مـالـه عـن الطيـب صـده لـه بالفخـر مبـطي مشاريع وانجـاز *** ويـمـنـاه عـودهـا عـلـى بـذل مـده يـسيـر ودروبـه شـريـفـات واعـزاز *** مـا يحـتـذي يكسـب حـلالـه بـكـده الشيمـة الشـمـاء بـهـا الشيخ يمتـاز *** ومن خف نفسه كل صاحب يـوده اشـم مـا دور عـلـى الـربـع مـهـمـاز *** ولـو شاف خملات الرفاقـه يسـده البـاسـل الـلي مـن ثـقيـليـن الأ رواز *** عند اللزم ياخذ عـلى الخصم هـده ابتع مـن الصنديد بالكـون مـا ايهـاز *** ينحى خصيمه عـن حمـاه ويحـده انـور مـفـاعـيـل المـراجـل بـهـا فـاز *** يـمشي عـلى مسلـك مناهيج جـده نـسـل الـمشـايخ مـن مقـاديـم عـنـاز *** ستر الهنوف اللي كما البدر خـده سـقـم الحـريـب إلـى حـدا كـل رجـاز *** فـوق النضى مجلاسهـم بالأ شـده مـرويـن حـد الـلـي للأ رقـاب جـزاز *** ومـن هـازهـم رب الخلايـق يـلـده طيـر السعـد منجـوب من ماكر البـاز *** والطيـب جالـه مـن مواريـث بـده ولا الردي لو هو ولـد شـاة الأهـواز *** مجـد الجـدود الـلي بـنـوهـا يهـده قـلـتـه ولا نـي لـلـمـخـالـيـق لـمـّـاز *** لا شـك مـن شـاف الحقـايـق يعـده * وقال عبدالله بن دهيمش بن عبار العنزي هذه القصيدة يثني على الشيخ انور ابن فواز الشعلان مشيداً بكرم اخلاقه وتواضعه : 62 قال الـذي يبـدع إلى طـاب لـه كيـف *** البـال يـمـلي والـقـلـم دوم مطـواع اثـني عـلى اللي بالفخر له مواقيـف *** فعايـلـه مـا هـي تخاميـن وارمـاع المكرم الـلي عـادتـه يكـرم الضيـف *** يـوم البخـيـل لغـالـي المـال جمّـاع لطـف النبا غـيث الكبـود الملاهيـف *** مثل الحيا يحيي هـواميـد الأجـذاع عـنـده لمن ضافـه كرامـة وتلطيـف *** ينصاه هتـاش الهـواشل إلـى جـاع كريـم سبـلا لعـزوتـه بالمحـل ريـف *** إلى هب لهاب الهوا وايبس القـاع معروف فعـله ما يـبي قـول تعريـف *** والطيـب والمعـروف للقـدر رفـاع الطيـب حاطـه من جـميع الأطاريـف *** ما عاد له من خطة الطيب مطلاع طيبك يا أبـو فـواز مـا جـاك تسليـف *** ميـراث جـدك وأنـت للسلـم تـبـّاع نلـتـوه بالمنسف وحشتوه بالسيـف *** مـا جـاكـم بحيلة ولا مكـر واخـداع شعلان ساق المجـد لغرير ومنيـف *** وسلسـل لعبـداللـه ونايـف وهـزاع واستـلمه النـوري وشالـه بتكـليـف *** وتـكـيـلـه نـواف بالـوزن والصـاع ثـم اورثـه فـواز مـهـنـة وتـوظيـف *** وصار الفخر تعويد ما بينكـم شـاع وأنـتـم كـذلـك مثـلهـم بالتـواصيـف *** رضيعكم يطلـب عـلى المجـد فـزاع تدون غالي الروح عن كلمة الحيف *** لـو كـان عـنـكم دونهـا حـال منـاع عنيت ابي شوفـك محبة وتشريـف *** ما مقصدي رفدة ولا دور الأطماع ولا قـلت مدحي لـك تملـق وتزييـف *** لا شك علمك بالفخر ملي الأسماع مـدح الـذي شرواك مابـه تحـاسيف *** تدرك من علوم الفخر كل الأنـواع المـدح مـا يرهـم لبعـض الهـذاليـف *** الـلي تدنـوا للردى وسلمهم ضـاع * وقال عبدالله بن دهيمش بن عبار العنزي هذه القصيدة يثني على الشيخ انور بن فواز الشعلان ويسند على غصاب أبو رعد : 63 بـديـت واسنـدت القـوافـي لغـصـاب *** منظـوم قافـي فـاض صافي مجمـه أبو رعد يثني على الشيخ باعجـاب *** عنـده وفـاء وعـنده شهامة وذمـه الـوايلي مـا هـي غـريبه إلـى طـاب *** الـطـيـب مـن جـده وخـالـه وعـمـه ماله عن الطولات والطيـب مجنـاب *** مجـد الجـدود الـلي فخـرهـم يتمـه مجـناه أبن شعـلان والعـرق جـذاب *** تـشهـد لـهـم بـالـطـايلـة كـل الأمـه مجـده تسلسل من مـناعـيـر شيّـاب *** يجـري فخـرهـم فـي شـرايين دمـه المرعضي ساسه معـرب بالأنساب *** قـدره كـبـيـر ومسكـنـه راس قـمـه الوايـلي يصعـد عـلى راس مرقـاب *** يـوم المـراجـل فـاز بـه مـن يخمـه جده وأبوه إلى اعتلوا علط الأرقاب *** كـتـر الجـمـوع خلافـهـم مـدلهـمـه إلـى مشوا معهـم هـل القـود تنساب *** صافـيـن مـابهـم الـردي والمخمـه تـرعـابـه العـليـا زماليـق الأعشـاب *** ورد الفـياض الـلي عـبيـره تشمـه انـور فعولـه مـالهـا عـدد واحسـاب *** من طيـب فعـله مـا تجـد من يذمـه المكـرم الـلي عـادتـه يفـتـح الـبـاب *** ومن يشتكي جور الزمن سار يمـه ما مل من كثر المشاغل والأوجـاب *** يـرفع مـقـامـه عـن كـلام الـمـذمـه مـا يستمـع منطـوق حاقـد ومغتـاب *** الـلـي كـلامـه بـس غـيـبـه ونـمــه ولا هـو زبـون لكـل فـاسد ونصـاب *** اذنـه عـن اقـوال الفواحش يصمـه يروم عسرات المراجـل وهو شـاب *** عـن الفخـر مـا حـط راسـه بـكـمـه عزيـز شان وحاش رزقه بالأتعـاب *** ودنـيـا الغـرور الفـانـيـه ما تهـمـه مـن دون ربـعــه دوم للجـاه جـلاب *** جـاهـه يحـل المعـضـلات المـطـمـه انـور ملاذ الملتجي ريف الأصحاب *** يجـهـد يـبي شـمـل الـرفاقـه يلـمـه ما خص بالمعروف دانين الأ قـراب *** لـكـن بـطـيـبـه كــل وايــل يـعــمـه البـاسـل الشغمـوم نطـاح الأصعـاب *** يعـبـأ لعسيـرات الأمـور الـمـهـمـه أمـا الكـرم جـوده كما غيث سحّـاب *** مـن جـود كـفـه مـا تـمـكـن يضمـه بـالـبـر والإحـسـان لـلـمـال وهــاب *** يا مـا جلا عن صاحب العسر غمـه وأن كـان ودك تفتخر عند الأجنـاب *** اعـرض مجـالـه بالمجالس وسمّـه ولا هو من اللي غرهم كبر الألغاب *** يـفـداه مـن زومـه بـصـدره يـزمــه الـلـي يـزوم وبـالـمـلازيـم مـا ثــاب *** وامـجـاد جـده طـشـهـا بـالـمـقـمـه قـلـتـه ولا نـي لـلأ جـاويـد سـبــاب *** اسـب من شال الخـزاء فـي معـمـه واللي يقول الحق والصدق ما خاب *** نظهـر ثناء راعي الفخـر ما ندمـه * وقال عبدالله بن دهيمش بن عبار هذه القصيدة بالشيخ النوري بن فواز الشعلان بمناسبة اطلاق عدد من السجناء بوجاهته : 64 زان المجـال وصـار للقـول ماجـوب *** ونويت اساهم في مجال اختصاصي امدح جناب اللي مديحه على صوب *** ومدح الرجـال بدون فعـل انتقـاصي النـوري الـفـواز بـالـفـعـل مـنجـوب *** زبـن الـدخـيـل وملـتجـأ كـل نـاصـي عـوايـد الـنـوري إلـى جـاه مـنيـوب *** عـانـيه يـبشـر بـالـفـرج والخلاصي من لاذبه لو هو على العمر مطلوب *** يطلق صراحـه لـو عـليه القصاصي الوايلي مـن روس عـنـاز محسـوب *** عـلمـه يشـرف عـنـد دانـي وقاصي ما هـو عشير لكـل من فيـه شاذوب *** ولا هـو لعـفـنيـن المشاور ايقاصي حيثـه شجاع وجـانبـه دوم مرهـوب *** يرهب عدوه يوم ضرب الرصاصي كل ما ينال مـن الفخـر يطلب النـوب *** مخلص وعـنـده للقـبـيـلـة اخلاصي مثل الجبل يذري عن البرد والشوب *** وبـالـعـز ربـعـه رافعـيـن النـواصي عذروب النوري كان به عد عذروب *** سـم عـلى كـبـد الـمعـادي ايماصـي عـلى عـدوه كـنـه الـشـري بالـكـوب *** وللصاحب احلا من العسل بالقلاصي الـوايـلي مـن صـلب فـواز منسـوب *** مـا داس عـيب ولا مشى بالمعاصي امـجـاد جـده بـالـسـجـلات مـكـتـوب *** ما اظن يحصى سابق المجد حاصي ودرب المفاخر لـه مسارات ودروب *** لا شك من دونه عراض الشواصي رامـه ولـد فـواز لـو كـان مـهـيــوب *** ياخذ عـلى المجـد التليـد احتراصي الـحـر وكـره بـالـعـلا دوم منـصـوب *** والكوخ مأوى حاضيات الصواصي ومن يتـرك الماجـوب لا بـد مسبوب *** ولا تنفع الهقـوات هـي والخراصي *وقال عبدالله بن دهيمش بن عبار العنزي هذه القصيدة يثني على الشيخ النوري بن فواز : 65 يا قـلم سجـل عـلى صفاح السجلـه *** اكـتـب المـكـتـوب وابـده بـالـتحـيـه مـدح أبـو دحـام خـطـه بـالـمـجـلـه *** الـثـنـاء يـسـتـاهـلــه زبـن الـونـيـه دون تـمـجـيـدي افـعـالـه يشـهـدلـه *** شيخ من صلـب الشيـوخ العدمليـه يـا سمي الـلي يـروس رويـل كـلـه *** جـد أبـوك اللي أنت مثـله بالحميـه مـن وكـر هـزاع مـنـزالـه بـتــلــــه *** راس عيطـا ما نـزل وسـط الهبيـه جـدك الـشـغـمـوم للـعـدوان عــلـّـه *** يوم عصر السيف وعصر البندقيه اشـهــد أنـك بـالـمـراجــل جــايـلــه *** طيـر شلـوى مـن مواكـر صيرميـه الـفـخـر والـمـجـد طـاروقـه تـدلــه *** مجـدكـم مـوروث مـا اخـذتـه حذيـه مـجــد جــده مـن قـديـم امـعـقـبـلـه *** عـقـبــه فــواز لـلـنــوري حــلــيــه سـاطـي وبـاتع ولا اتعـرف المـذلـه *** مـا تهـاب الخصـم واسبـاب المنيـه حـشـت كـل الـمـرجلـه دقـه وجـلـه *** ويـوم اشـيـد بفعـلكـم واجـب عليـه وأنـت عـقـد المعـضله تنـدب لحلـه *** يـوم خطـو اللاش مـا ينفـع خـويـه وأن سنح ظرف المراجل تستغـلـه *** بـالـجـهـد والـجـاه حـليـت القـضيـه لا نصـاك الـلي اشتكى ظيم ومملـه *** مـا اعـتـذرت وقـلـت مالي مقدريـه تحتفـي بـه والحـواجـب مسفـهـلـه *** وتبـدي الترحيـب فـي نفسٍ رضيـه من شرح لك عن سجينه قـلت قلـه *** بـشـره يـطـلع ولـو جـرمـه خـطيـه وأنـثـنـا يـدعـي الكـريـم ويـبـتهـلـه *** دعــوتـه يـحـفـظـك خـلاق الـبـريـه كـم شـيـخٍ رام فـعـلـك مـا حـصـلــه *** اعـتـفـر يـبي الفخـر واخلـف نويـه مـن تـكـاسـل عـن لـزومـه فـدوتلـه *** نشمـت الـلي شوفـته صارت دنيـه مـا نـفـع منيـوب لـو جـاه بـمـحـلـه *** مسلـك الـطـولات مـالـه بـه دعـيـه ساكـن ومـرتـاح فـي مشـراق فـلـه *** قـد حالـه عـاش فـي عيشـه هـنيـه وأن نـخـيـتـه لـلـقـرابـة قـال خـلــه *** مـا لـنـا مـقـدور والـعــلـة خـفــيــه مـا قـضى لا زم ولا يـنفعـك ل لـلـه *** ولا ايـحـامـي دون ربـعـه قـيـدنـيـه مـن تـفـاخـر بالسنيـن المضمحـلـه *** مـا تــفــيـده كـان شـوفـاتــه رديــه مـن تسـمـى شيـخ يـنـفـع لا بـتـلـه *** كـيـف شـيـخ ولا يـحـامـي للسـميـه كـان مطـلـوب الرفـاقـة مـا وصـلـه *** شيخـتـه مـا غـيـر نبـقـه بـالهـويـه جعـل قـصـرٍ مـا يـكـن الـربـع ظـلـه *** يا عـسى تـالـيـه سـهلـه جـرهـديـه جـعــل مـا قـال السـديـري جـاريـلـه *** عـسى تـقضـه صـواعـق وبـرديـه والـسـمـوحـة كـان بـالمنظـوم زلـه *** قـلـتهـا يـا شـيـخ واقـبـلـهـا هـديـه * وقال عبد الله بن دهيمش بن عبار العنزي هذه القصيدة يسند على خلف بن زعل الصلهام العنزي ويثني على الشيخ النوري بن فواز الشعلان : 66 سميت بسـم اللي لـه الخـلـق صـيـام *** يرجون عـفـوه دوم سجّـاد وركـوع وبديـت نظـم القاف مـن لـب الإفهـام *** فيض القريحـة من نقاريح يـنبــوع نفح المشاعـر صوغها فهـم وإلهـام *** وفن القريض بجوهر الفكرمصنوع القصد ما يخفى على الشاعـر الفـام *** السد بـاح وهيّض الجـاش موضوع حاولـت اكنـه والضرورة لها احكـام *** وكشف المغطا بسلم الجواد ممنوع لا شــك فـي مـنهــج تـعـاليم الإسلام *** الذود عن حـد الحمى حـق مشروع حسّـان ابـن ثابـت تصـّدى للأخـصام *** رد الهجاء ومن سيّد الخلق مدفوع شـذرة لسـانـه كـنـهـا شـذرة حســام *** كافح وعدوان النبي صاعهم صوع مـا هـمـنا مـن ذمـنا يا أبـن صـلهـام *** لـو طـال حبـل الكـذب لابـد مقـطوع مـا ضـرنـا تـلفـيـق هـلبـاج واخـمـام *** لو قال ما قـولـه مصّدق ومسموع يـا مـا سـمعـنـا مـن هـرابـيـد حـّـوام *** ويا ما سكتنا عـن هـذاريـم منـزوع الـخـائـب الــلي بـالـديـاويـن عـّــذام *** طاشت سهومه والهدف بعد ميقوع الـحـاقـد الــلي صـال بالكـذب هجّـام *** شين الضمير بقـلبـه الحقـد مزروع الــلي لعـرض الـغـافـل الغـار شّـتـام *** جلاب حظه بارخص السعـر مبيوع وش عـاد فـاد مـرّوج الـهـرج نـمّـام *** يـدور بـالغـيـبـة مـصالـح ومنفـوع يـبحـث عـن الغـرات والـقصـد هـّدام *** صابـه كمد قـلبه من الحقـد ملقـوع راعـي البلايس طـاح حـظـه ولا قـام *** اصبح قـناعه كاشف الستر مجلوع وأظــن مـا حـصّـل مـرامـه ولـو زام *** يعود مثل اللي عـلى الوجه مقموع من فضل والي العرش ملجوم بلجام *** ما يـبلغ المقصود لو يشخف الكوع المنسعـر بـالغـلث لـه عـوق واكعـام *** حيـث الحنش نابه عن السم مقلوع ونـقـل الكلام لشمـل الأ قـراب قسّـام *** يـا مـا ويـا ما فـّرق نزول وانجـوع حكي النقـيلي سوس يفتك بالأجسام *** مبـطي لـك الله للـمخـالـيـق راثــوع والـلي زعـل مـن مدحنـا لـبـو دحـام *** يـفـعـل فعايـل طائـل الشـبر والبـوع شـفع لـربعـه يـوم حكمـوا بـالإعـدام *** وافـرح عوائلهم عقب نوح ودموع ابـي امـدح الـنـوري ولا اطـيع لـوام *** بـه نفتخر والقول بالصدق مشفوع عـلم الـفخـر يسـتـاهـله كل ضرغـام *** سلايـل اللي لبسهـم طـوس ودروع راس العرب بـالمعـضلة موقفـه هام *** ما يخـتفـي مقـدم طوابـيـر وجـموع والـلي جـداه النوم عـن واجـبـه نـام *** خـلـه بـراحـة بـال ورقـود وهجـوع والـيـوم حـنـا بـزود خيـرات وانعـام *** نـنعـم بحكم الحـق والشمل مجمـوع الحـمـد لله جـت عـلى خـيـر ما يـرام *** زال وتبـدد واهس الخوف والـروع نمشي على وضح النقا نشمخ الهام *** نسلك طـريق العـز والراس مرفوع عـند الكرام إكـرام وإعــزاز وحشام *** والحـر مـا يقبـل مـذلـه ولا اخضوع الـحـر مـا يـصـبـر عـلـى ظـلم ظّـلام *** والجـور مـا ينطـاق والحـق متبـوع تـلاشـت الأوباش وانـصاب الأ زلام *** وعصرالتسلط زال ما يرجع رجـوع وبعض الرموز الباليه مثـل الأصنام *** يـغـتـر فـيـهــا كـل جـاهـل ومخدوع والــلي يــغــرنــه خـيـالات الأوهـام *** سلم الغـرور بخاطـره صـار مطبوع متكبـر ويـفخـر عـلى الناس بعظـام *** يـبى الصعب ينقاد له بالرسن طـوع كـن البـشـر عــنـده مـوالـي وخـدّام *** ما تـقـل فـي آدم لهـا جـذوع وفروع وده يــدوس الخـلـق كـلـه بـالأقـدام *** ما يـدري الـدنيـا بهـا نـزول وطلوع مايفتكر وش صارمع شاة الأعجـام *** أمسى ملك وأصبح عن العرش مخلوع يـوم الـتجأ مطرود عن ديرته شـام *** عاف العـذارى والعـماهيج والخوع نـكـبـات بـقـعـا بـددت مـجــد صـّدام *** عقب الفخامه صار بالسجن مجدوع ما صح له عـن واقع الأمـر مهـزام *** ولا عاد لـه في عودة المجد مطموع نـعــوذ بـالـلـه مـن تـقـالـيـب الأيــام *** دايـم تـقـلب كــل حــزة عـلـى نــوع دنـيــا الـغـثـا تـشبـه تمـاثيـل الأفلام *** من هرّفت له يوم تطوي له اسبـوع يــومٍ بـهـا تـصبح عـماليـق الأقـزام *** ويوم الشناح الهيلعي صار مربـوع يومٍ بها تسمر عـلى صوت الأ نغـام *** ويـوم تبات من الغضب تقل مفجوع احـيـان يـدفــق فـائض الـزاد بـدرام *** واحيان يشوون القدايـد من الجـوع احـيـان تـلبـس شـال واشماغ بسّـام *** واحيان مـا تملك على ثـوب مرقوع أن سانعـت لـك ترتـدي فـاخر الخـام *** وأن عاضبت تلبس درافيل وارثوع عصر الفـرح والكيف والبسط مادام *** لابـد مـا تـشـرب مـن الـمـر قرطوع والخاتـمـه صلـوا عـلى خيـر الآنـام *** اللي جعـل مبنى هـل الشرك مقشوع يتبع التعديل الأخير تم بواسطة عبدالله بن عبار ; 06-25-2022 الساعة 12:04 PM |
|
|
|
|
06-25-2022, 04:05 PM
|
#7 |
|
صاحب الموقع
تاريخ التسجيل: Mar 2008
المشاركات: 10,251
|
تابع * وقال عبدالله بن دهيمش بن عبار هذه القصيدة يسند ويثني على الشيخ مهرب بن راكان المرشد : 67 راكب الـلي مع طريق البيـب غـرّب *** منـوت المشتـاق فـوقـه راح زايـر مـن وقـود النـار في جوفـه مشـّرب *** كنـه الـلي فـي محيـط الجـو طـايـر يـا نـديـبي هـات الـلي للـبـعــد قّـرب *** من حفيزه ما انكسر زرع التوايـر عن عواريض الملأ محروس بالرب *** يوصـل الـلي مـا يحسب للخسايـر سـافـر الـمنـدوب مقـصـوده مهـرب *** أخـو عشوى الليث قحـام الدوايـر صيـرمـي مضـراب كـفـه مـا تـتـرب *** يعـطـب الصيـدة مخـاليبـه شطايـر فرحت اللي عـن حمى ربعـه تغـرب *** مزبـن الـلي جـاه فيه الوقت جايـر الـعـديـم الـوايـلـي سـاسـه مـعـــرّب *** الشجـاع الـلي مـثـل سبع الجزايـر لا نـصـيـتـه بـالـلــوازم مـا تـهـــرب *** حـيـن مـا تـأتـيـه يعطيـك البشايـر نـسـل شيـخ بـالـلـزم فـعـلـه مجـرب *** وأن جـزم بالـرأي مـا يثنيه شايـر مـن صغـر سنـه عـلى العليـا تـدرب *** يـنـصـره مـولاه عـلام الـسـرايـــر اشـتـكـي لـلـوايـلـي قـلـبـي تـخــرب *** مـن غـزال شـب في قـلبي سعايـر عيـن عـانـود بثـرهـا الصيـد سـرب *** شـافـت الـقـنـاص يـدرق بالحفايـر وأن طـرالـي صاحـبي قـلبي تطـرب *** ومن فراقـه هـلـت عيونـي عبايـر وكـان محبـوبـي ولـي أمـره تـكـرب *** اشتكي للشيخ وأن صارت جرايـر * وقال عبدالله بن عبار هذه القصيدة يرحب بالشيخ سليمان بن مرضي الرفدي وأبن عمه الشيخ رجاء بن فهران الرفدي : 68 يا مرحبـا براعـي البويضا سليمـان *** يا مـرحـبـا بالشيـخ يـا مـرحـبـابـه ويا مرحـبـا يـوم لفـانـا أبـن فهـران *** والـلي حضرنا مـن الرفاقه هلابـه يـا مـرحــبـا اعــداد مــا سـال ودان *** مـن هاشـل مزنـه تـدارج اشعـابـه واعـداد مـا هـلـت همـاليـل الأمـزان *** وبل المطر وأن هل هاشل سحابـه واعـداد مـا يزبـر من الرمـل كثبـان *** واعـداد ذرات الثـرى مـن تـرابــه اخـن وانـوج مـن نـفـانيف ريضـان *** في روضة فيحاء تخالـف اعشابـه تحـيـة المشتـاق مـن قـلـب والسـان *** قـدمـتـهــا يـا شيـخ قـدر اوجـابــه لـو الـقـدر يـا شيـخ تـقـديـم خـرفـان *** مـا اديـت قـدرك يا كبيـر المهابـه لا شـك قـدرك يـا سـلايـل كـحــيـلان *** وسـط الصدور اللي تكن الرحابـه أنـتـم سـلايـل مرويـت شـذرة الـزان *** يذكـر فخركم يـوم عصر الحرابـه أنتم هـل الطولات مـن قـدم الأزمـان *** عـاداتـكـم يـا شـيـخ فـك الـطـلابـه تاريخ ساجـر صـدق مـا فيـه بهتـان *** من يسمع بطاريـه يبـدي أعجابـه لا زال يدعابه عـلى النيـب والضـان *** يـوم المـغـازي مـا تـبـرك اركـابـه ولا زال مجـده في حواضر وبـدوان *** حـتى السديـري سجلـه فـي كتابـه امـجـاد مـاضـيــكـم دلايـل وبـرهـان *** نبـراس فـي راس العـلا يـقـتـدابـه ينـتـبـك شيـخ كـان تـتـلـيـه سلـفـان *** الـلي حـيـاتــه دون ربـعـه جـلابـه أنت الوريث لسابق المجـد والشـان *** ميـراث جـدك مـا نـهـبـتـه نـهـابـه جـدك عـلى السلقـا قبـايـل وعربـان *** ولا خاب من فعـل المراجل مشابـه يـوم العـرب كانت حناشل وغـزوان *** مـا قصروا يـوم الفخـر بـالمجـابـه واليـوم دور السلـم يا ذرب الإيمـان *** وخيـر الرجـال الـلي يعـز القـرابـه شمـل القبـيلـه صـار يا شيخ شتـان *** ومـن شاف ملجـأ يالسنافي لجابـه مـا تـستعـز الـدار مـن غـيـر سكـان *** والحيط يهـدم كـان ساسه خـرابـه يالوايـلي مـا عـزوتـك بـس شـملان *** عـنـد الـلي مثـلك كـل عـنـاز لا بـه وأخـو ذكـر ما بار يـوم الزمن شـان *** جـمع العبيـدي هـو عـنـه بالنيابـه والشيخ محمد ما ذخـر نسل فرحـان *** حـيـث المـراجـل كـلهـا تـلـتـقـابـه ويا مـا بـوايـل من مقـادم وشـيخـان *** يصعب فخـرهـم ما نعـدد احسابـه والخاتمه صلـوا عـلى نســل عدنـان *** وصلوا عـلى آل النبي والصحابـه أبي أشكر اللي بالفخر نال الإحسان *** القـرم متعـب طلعـته طلعت سهيـل أمـدح نـدي الكـف ما قـلـت بهـتـان *** ولا قصد مـدحي لـه تملـق وتمثيـل اشيـد فـي مدحه ولا كنـت غـلطـان *** امدح جناب القـرم ريـف الهواشيل أبـو فهـد منصى حمـايـل وشيخـان *** فتخان الأيـدي من صلايب حلاحيل أبـوه مـدبغ فـي قـديـم الـزمـن كـان *** يحسب إلـى عـدوا قروم المشاكيل من روس لابـة بالملازيـم شجـعـان *** تاريخهـم معروف ما هـي دهاويـل بالطيب مدبغ ريف من جـاه جيعـان *** ما يذخر الماجود لـو نوشح الكيـل وأن كبرت القالات بالعـرف فهمـان *** يحـل صعـبـات العـقـود المعـاضيـل فهـيـم وجـدوده عـوارف وفـرسـان *** يوم الفخر والمجد بالهجن والخيل اقـولـهـا وامـدح سـلايــل كحـيــلان *** مثل القمـر عـلمه جلا داجـي الليـل أبـو فـهـد نرفع لـه الشكـر عـرفـان *** كفـه يفيض مـن الكـرم كنـه الـنيـل مكارمـه تـشمـل حـواضـر وبـدوان *** تـجـيـه مـن كـل الـقـبـايـل تحـاويـل يزبن عليه الـلي من الوقـت بلشان *** حـملـه ثـقيـل ولا قـدر ينقـل الشيـل حيص الزمل يشيل حملـه بالأمتـان *** لا بركـن حشـو الـزلـق والمخـاليـل الشيـل يـعـبـالـه غـوارب بـلـيـهـان *** ينقل ثقيل الشيل والصبـرمـا عـيـل عـلمه طلع بالمرجلـه والفخـر بـان *** الـنـافـل الـلي حـاش عـلـم التنافيـل من جـاه مـا يلقـا مهـونـة وحقـران *** يلقا الوقار بمجلسه واشقـر الهيـل ما عنكض حجاجه ولا ناظره شـان *** دايـم يـهـلـي بـالـوفـود المـقـابـيــل مـن قـو بـاسـه ما ذكـر يـوم زملان *** طيبه شمـل ما جودتـه بس لرويـل ياللي بذرت الغانمه ما نـت خسران *** تبقـا فخـر عبـر السنين المساميـل حصلت علم الطيب والحـظ لـك زان *** ما نالـوا اللي نلت بعـض الزناقيـل قلته وشوف العين هو خير برهـان *** متعـب ملاذ الـلي جـرالـه غـرابيـل غـمـر بمعـروفـه ضعـافي ويتـمـان *** والعاجـز الـلي يشتكي قـلـة الحـيـل ويا ما تحمـل من تكاليـف مرضـان *** قـدر ضروفـه يـوم شـاف التحاليـل لـو الـكلايـف بـاهـضـه قـال مجـان *** أخـو سعـد مـا مـل لـو طـول الطيـل أطلب ولي العـرش خـلاق الأكـوان *** عسى الولي يجعـل بعمـره تماهيـل حيثـه سنـدنـا نـزبـنـه كـل مـا حـان *** وقت اللوازم هـو ذرانا عـن الميـل فـضـلـه عـلـينـا مـا نـعـده بحسبـان *** نوجز مديحه بالفخـر دون تفصيـل وصلوا اللي سار في هـدي الأيمـان *** الهـادي الـلي جـاه بالـوحي جبريـل *وقال عبدالله بن عبار هذه القصيدة مجاراه لقصيدة الشاعر سعود بن قيران العنزي الذي يثني بها على متعب بن مدبغ الكويكب : 70 قـريـت منـظـوم الـبـيـوت العـذيـات *** منطـوق يـبهـج كـل سـامع وقـاري منطـوق لفـظ سعـود كـنـه جنيهـات *** مثل الذهب يرجح بوزن المصاري نسل الفهيم الـلي عـلومه غـريبـات *** الشـاعـر الـلي ما هـرج بالمـزاري غيـر الشعـر من طيبين الجميشـات *** قـيـران ابـن هنـدي بـه الكـل داري مشكـور يـا مـادح زبـون الـونيـات *** أبـو فهـد طيـبـه نشـوفـه اجـهـاري طيبه مع الأجناب وايضا القـرابـات *** وحنـا باللي مثلـه لك الـلـه نمـاري سـلايـل الـطـيـب يـعــاف الـرديــات *** يمشي عـلى منهاج جـده اجـبـاري أبـوه مدبغ كان بالعصـر الـلي فـات *** للطيـب يسعـى بالضحى والغـداري يوم الفخر يطلب على اكوار زرفات *** يشهـد عـليه الماطـلي والسـواري مدبغ كسب جمـلة مفاخـر وطـولات *** يـوم السيوف اللي تقص العـتاري بالـقـول تـذكـر بـه ثـلاث الأشـارات *** فيه الشجاعة يوم دوس الخطاري وفيه الكرم ريف الركاب المجيعـات *** الـلي لفـنه مـن فجـوج الصحـاري وبالـفـهـم مـدبـغ كـان حـلال قـالات *** عـنـده عـلى حـل القـضايا خبـاري واليوم في عصر الرخـا والسلامات *** مـجـده عـريـق وعـقـبه لـلـذراري متعب سلك مع منهجه سامي الذات *** وسعد سعد عسى السعد له يباري وصلوا على اللي نذكره كل الأوقات *** الـلي حـديثه في صحيح البخـاري قصائد في رجال من أسرة المهيد ذرية الشيخ ( مصّوت بالعشاء ) مشايخ الفدعان : * وقال عبد الله بن دهيمش بن عبار هذه القصيدة يسند على عبيد بن ثاني الضبيب ويذكر بعض مآثر مشائخ آل مهيد القديم فيقول : 71 قـم يا النديب اركـب بعـيد المراويـح *** ونـيـت هـاف لنـازح الـبـيـد جـمّـاح إلـى مشى يطـوي بعيـد الصحاصيح *** يـلـفـي عـلى الـلـي للمهاجيـل ذبـاح يلفي لأبو متعـب عـلى هبـت الريـح *** الـلـي ابـيتـه خاطـر الضيـف ينساح تقلط عـلى عـذي الكنـب والطراريح *** فـي مجـلسه يـنسـر بـالـك وتـرتـاح خـذ لـه جـواب منقح القـاف تـنقـيح *** مـن خاطـري مـا هـي هذاريـم ذراح صرحت بـه من غاية الفكر تصريح *** اعرض مجال وصـار للشعـر ميلاح قـلـت الـكلام بجـد مـا هـو تـمـازيـح *** كتبت عـذي القاف بخلاص ونصاح مهـديـه لـلي فـاهـمـه دون توضيـح *** حـيثـه فهـيم ويفهـم القصد والـنـاح جاك الجواب وزبـدة الهـرج تـلميـح *** والقـول واضح ما يبي شرح شراح مـا قـلتهـا قـصدي شماتـه وتجـريح *** افهم كلامي واعرف القصد يا صاح يا صاح ما ناخذ عن الحق تصفـيـح *** نسلك طريـق الحـق والسـد مـا بـاح الـمـدح يـزهـا للشيـوخ الـزحـازيـح *** يـا مـا بهـم مـن كـل صنديد واشناح الـلي يحـوشـون الـثـنـا والتـمـاديـح *** الـلي زهـاهـم بالفخـر قـول الأمـداح الـلي منـاديهـم يـنـادي عـلى شبيـح *** كم قلطوا للضيف من كبش مصـلاح عـاداتهـم تـقـليط عـيـت المـفـاطيـح *** سـمـن وسـميـن ودلـة هـيـلهـا فـاح مـا تنسي عبر الزمـن كلمـت رميـح *** يوم الجفا والجوع بالدور الـلي راح كـلـن يـبي مـثـل الـوجـيـه المفـاليح *** يــجــود مــره ثـم يـنـكـل إلــى طـاح ما هم عن فعـول المراجـل مدابـيـح *** ولا هـمهـم كثـر الخسـارة والأربـاح يوم الزمان اللي على الكبد مرزيـح *** الـلـي بـه العيشة عـلى شاح مـا لاح فـازوا بـهـا يـوم المـرازق شلافيـح *** غـيـر الكرم بالكون يهـدون الأرواح فازوا بهـا يـوم المراجل على الفيح *** يـوم الفخر بالشلف وسيوف ورماح فـازوا بـهـا يـوم الركايـب مشاويـح *** يـوم الغــزاه بخـيـل ورجـال وسلاح فازوا بهـا يـوم السرى والمصابيـح *** يـوم النجايـب قافـلـه مثـل الأشباح فازوا بها ونالوا من المجـد ترشيـح *** مـن طاب فعله بالفخر يلبس وشاح والـلي يـبي عـز ومـعـزة وتـنجـيــح *** يعـتـز فـي ربعـه ويسعـي بالأصلاح أنور بن ثامر بن النوري المهيد شيخ قبيلة الفدعان : 72 يا مقـدم الفـدعـان نشكـر تـواضعـك *** لـي الشّـرف يا شيخـنـا باهـتمامـك الياهرجت شخوص الأجواد تسمعك *** وأنـا افتخـر يا أبـن الكـرام بكلامـك اقسم بالـلي كـوّنك يا شيخ وابـدعـك *** أنك يا أبـو تركي فرضت احترامك وأنـا فـخـور بشوفتـك يـوم اطـالعـك *** الطيب طبعـك والكـرم مـن نـظامـك أنـت الـذي ربـك عن العـيب رافـعـك *** وأن هـمت لصعود المعالي هيامـك وأنـت الـذي في قـمّة المجد موقعـك *** تـشـوم لـلـعـلـيـا وتـتـعــب اقـدامـك وأنـت الـذي ياشيخ للطيـّب شجّعـك *** أفـعـال مـاضين الـجـدود وعـمامـك وأنـت الـذي مـن منبع الجود منبعك *** نسل الجدود الـلي بهـم رفع هـامك وأنـت الوقـور الـلي بعـيده مرامعـك *** تصـون نامـوسك وسلـمك ونـامـك وأنـت الـذي بـواجـت الـدار تـتبعـك *** حـمـر النواظر عـزوتك هـم حزامك وأنـت الذي يا شيخ تعرف صنايعك *** قدرك عـرف عـنـد الرجال ومقامـك وأنـت الـذي وقـت اللـوازم نفـزّعـك *** مـا دام لـنـا سـامـك الـعـرش دامـك وأنت الحليم وصايب الشور يقـنعـك *** عسى ابـواب الخيـر تفـتح أمـامـك وأنت الذي سلمك عن الكبـر يمنعـك *** تقي ونقي ما يـوم طاشت اسهامك الكـبـر مـاهـو مـن خصايـل طبايعـك *** والـكـل شـاد بـعـفتـك واحتـشـامـك ربـّك عـلى درب الهـدايـه يـسـنّـعـك *** الواحـد الـلي لعالي العـرش سامـك يلقى التجاوب من بظـرفـه يراجعـك *** ولا سمعت أذني بالمجالس مـلامك وأن جـاك ناصي ما تفتّخ بأصابعـك *** تجـود في خـتمك وبصمت ابهـامـك اللي اشتكي من ظيم شكواه توجعك *** وياكم شاكي قـلت لـه وش عـلامـك يـامـا شفعـت لـمـن عـنالـك يشفّعـك *** ما تـذخـر الواجب لـو الوقت ظامك نـدري لـو ظـروف اللّيالي اطاوعـك *** تـقـدم وربـعــك كـلّـهــم بـلـتـزامــك صديقـك الـلي حـزّت الضيـق ينفعـك *** هـذاك لاحـل القـضاء هـو حسامـك والخـاتـمـه يا شيـخـنـا قـبـل أودّعـك *** أرفـع جـزيـل التهـنيـة في صيامك هذه الأبيات أهداء للشيخ سلطان بن خالد بن النوري بن مهيد لموقفه المشّرف في شرح معاناة بعض أفراد القبيلة لولاة الأمر : 73 شيخنا سلطان مـن عـزوه عـريـبـه *** نسـل مصوّت بالعشا وقت المجاعه أخـو قـطنـه وقـفته مـاهـي غـريبـه *** وصّـل ولـي العهـد صوت الجماعـه الوضع اللي الشيخ سلطان يحكيبـه *** حانـت الفـرصه ولا ياجـب ضياعـه وضّـح المقـصـد لحـلاّل الصـعـيـبـه *** وشـرح أوضـاع القبيلـه باجتماعـه أبـن خـالـد مـا طـلـب مبـلـغ لجـيبـه *** هــمّـه الـعـزوه ولا دار الـطـمـاعـه يطـلـب الـلي بالجزيـره بـان طـيـبـه *** حـاكـم وفـيـه التـواضع والشجاعـه فـزعـت الـلـي بالـلـوّازم ينتخي بـه *** كان نادى بصوت يصغي لأستماعه الـحـلـول أن يسّـر المـولى قــريـبـه *** بأمر محمد تنتهي في ظرف سـاعه ذخـرنـا محـمـد عـسى ربّـه يـثـيـبـه *** هوعضيد اللي جميع الشّعب طاعه المـلـك سلمـان نـجـلـه يـعـتـزي بـه *** منـزلـه راس العـلا فـوق الـرفاعـه أبـو فـهـد عـادتـه يـفـلـج طـلـيـبــــه *** ومن تمـادا وأعتدى بالكف صاعـه هـم مـراجـعـنـا اليـا شفنـا الغـليـبـه *** المـلـوك الـلي يحـفـظـون الـوداعـه هـم مـلاذ وملتجـأ مـن شاف ريبـه *** وهم حجى المظيوم كان الضد راعه فـرحـت الـلي يشتكى وقع المصيبه *** بالفـرج نـور الأمل يضوي شعاعـه الفجـوج الضيـقـه تـصبـح رحـيـبـه *** كان فسحات الفضاء ضاق اتسّاعـه قال عبدالله بن دهيمش بن عبار هذه القصيدة يثني على الشيخ إسماعيل بن خليل الحاكم المهيد : 74 يا أبـو خليل أقبـل هـديـه مـن الـقيـل *** من فـن بـدعي صادق الشعـر جاكـم يا شيخ مـع مـثـلـك تـزيـن التعـالـيـل *** سـعـدت يـالـشهـم الـكـريـم بـلـقـاكـم كـل القـبـيلـة تفتخـر فـي إسمـاعـيـل *** خـلـيـل أبــوه وجـدّه الـشـيـخ حـاكـم نـعـم بـسـلايـل طـيـبـيـن المـفـاعـيـل *** مـن عــزوةٍ عــاداتـهـم قــول هـاكـم يـا نسـل مـرويـن الحـراب المنـابـيـل *** عسى الـولي من كـل عـوق يحماكم مـن عـفـتـك يا شيخ نغـلـيـك بالحيـل *** حسـن الطبايـع مـن دواعي غـلاكـم مـن عـادتـك لـفـظ الهـلا بالمـقـابـيـل *** بالـجـود خــلاّق الـخـلايـق حــبـاكـم جمّلـت ربـعـك يا أبن الأجـواد تجميل *** وافـي ويبشـر بالـفـزع مـن نخـاكـم عـلـيـك مـن تـوصيـف جـدك دوالـيـل *** وأبـوك مـن أقـرب قريـب اشبهاكـم مـاكـر صـوارم مـا تصيـد المهـازيـل *** مصقـر نـوادر مـا خسر من غـذاكـم جـدك رفـيـع الشان لـه موقف ايهيـل *** وقـت الشتاء وجلغيف فلجـه تراكـم بـالـمـال وفـرّ لـلـجـيـاع الـمـواكـيـــل *** ونادى بـعـال الصوت حاكـم دعاكـم الشيخ ريـف أهـل الـركاب المراميـل *** لاجـوا هـجافـا يـشـعـفـون الـعـلاكـم تـرثـت حمايـل مـن خـيـار الرجاجيـل *** بـيـن الـقـبـايـل مـرتـفـع مـستـواكـم عـز الـذي شـاف الـكـدر والغـرابـيـل *** زبـن الـدخيـل الـلي يـلـوذ بحـمـاكـم علم الفخـر باقي عـلى الـدوم مازيـل *** وأنـتـم هـل الـعـلـيـا بـعـيــده مـداكـم مقحـم جعـل كـل المصاعـب مساهيل *** عـنـده صـنـاديـد الـقبــايـل تـحــاكـم ما منكم الـلي لـه عن المجـد تـبديـل *** ولا يـوجـد الـلـي بـالـمـذمـّه شـنـاكـم لـولا المكـارم ذايـع الصيت مـا نيـل *** رب الــمـلأ لـعـلـم الفـضـيـلـه هـداكـم مـنـوت هـواتيش الـبـداه الهـواشيـل *** لـو كـان يـكـفي عـن قـراهـم نـبـاكـم عـصر المجاعـه وانعـدام المحاصيل *** مـن حـدتـه غـبـر اللـيـالـي نـصـاكـم الهـيـل والـبـن الخـضـر بالمـعـامـيـل *** يـنـسـاق فـال لـكـل مـن هـو لـفـاكـم ومـن بعدها فطاح الخراف المهاجيل *** يقـلط عـليهـا ضيوفـكـم واقـصراكـم بكم المثل يضرب عـلى ماضي الجيل *** مجـد الـجـدود تـورثـونـه ضـنـاكــم فـزتـوا بـهـا بعـصـور شـح المكاييـل *** في كـل يـوم تـصـوتـون بـعـشـاكــم من عـصر تركي بالسنين الممـاحيـل *** يـغـني محـاويـج الفـقـارى عـطـاكـم وغيـر الكرم فـوق المهار المشاويـل *** يـوم الـمـعـامـع تـرهـبـون اقـبـلاكـم يـوم الـركايـب بالصحـاري جهـاجيـل *** ينحـون حـمـران النـواظـر اعـداكـم بـواجـت الــديــره بـعـاد الـمـراحـيـل *** رجـالـهـم يـرخـص بـروحـه فـداكــم قال عبدالله بن عبار ينني على الشيخ حمود بن صخيل المطرفي رحمه الله : 75 سار القلم يكتب من اشعاري ابيـات *** من خاطري يملي على كل مسحوب أهـديت لأ بو صخيل جـزل التحيـات *** تسلـوم بـالـيـد مـا يـبي كـز منـدوب واجب ثناء لحمود راعي الجمـالات *** نسل الكرام الـلي لـه الطيب منسوب اسمـح لـنـا تـقـصيـرنـا بـالـزيـارات *** وزيـارتـك يا شيـخ حـق ومـا جـوب حـيـثـك حـلـيـم ولا تـواخــذ بــزلات *** أنت الذي في حسن الأخلاق موهوب يـزول شـرك يـا زبــون الـونـيـــات *** ويـاقـاك ربـك يـا ذرى كـل مـنـيـوب الـلـه يجيـرك من عواريض الآفـات *** في جـاه من عـاد النواظـر ليعـقـوب والحمـد لـلـه يـوم صـارت سلامـات *** وما قدر المولى على العبـد مكتـوب تعيـش يا راعـي الكـفـوف النـديـات *** يا ملتجأ ربعـك عـن البـرد والشوب حـيثـك مـن الـلي يـنـصي بالملمـات *** لاجيب علم الطيب ياحمود محسوب عـزيـت ربعـك بالسنيـن الصعـيبـات *** وكم شيخ لابه بالعرب فيك مهزوب من جاك يسمع هاك ما قلت له هات *** عـنـد الرفـاقـه والأجـانيـب محبـوب يا حمـود طيبك لـه براهيـن واثبـات *** تشفق لفعل الغانمه ما أنت مسبوب نشكـرك يا راعي الفعـول الحميدات *** ونثني عليك بدون مقصد ومطلـوب * وهذه الأبيات أيضاً من شعر عبدالله بن دهيمش بن عبار يثني على الشيخ حمود بن صخيل المطرفي رحمه الله : 76 بالشيمـة الشمـاء تبيـن الرجـاجيـل *** بفعـل اليمـانـي ثـم بأفـعـال الأجـداد عاش الكريم الوايلي خلفـة صخيـل *** النـادر الـلي من صماصيم الأجـواد حلحيـل من نسل القـروم الحلاحيـل *** نـال المـدايـح والفخـر فـيـه ينشـاد الـمـدح والتمـجـيـد يـزهـاه بالـقـيـل *** قـلـتـه ولا نـي لـلأجـاويــد حــمـاد لا شـك نـفـخـر بالـرجـال المشاكيـل *** شروى جنـاب حمود للطيب معتـاد وحـمـود طيبـه لـه شهـود ودواليـل *** الوايلي علمه على روس الأشهـاد * قال عبدالله بن دهيمش بن عبار يسند على الشيخ هايل السرور شيخ المساعيد من اهل الجبل رحمه الله : 77 اهـديـت لـك يـا شيخ ديـوان وايـل *** قيفـان ما تنقـد عـليهـا القـواصيـد ديـوانـنـا نـهـديـه لـلـشـيـخ هـايـل *** الفارس المشهور شيخ المساعيـد وندعيـك للمنزل عـلى راس حايـل *** وفـنجـال بـن مـجـهـزاً بالبـغـاديـد حـيثـك مسمى مـن شيوخ القبـايـل *** تـروس لابـة يـدركـون الـتحـاميـد ساسك عريب ومن خيار الحمـايـل *** الـلـه لا يـقـطـع ذراري الأجـاويـد ولا أنـت شيخ وماضي لـك فـعـايـل *** تـثـني خـلاف الـذاليـن الـرعاديـد * قال عبدالله بن دهيمش بن عبار العنزي يشكر الشيخ بندر بن عادل الفقير بمناسبة اشادة الشيخ بندر بجهد المؤلف : 78 مشكـور يـا شيـخ وصلـنـا حـميـده *** بـنـدر بـفـعـل الطـايـلـه لـه فـوايــه عـسـى تـدوم ايــام عـمــره مـديـده *** وعسى الـولي ياقـاه من كـل سايـه فـعـايـلـه بـالطـيـب مـا هـي جـديـده *** مستورثه من سـاس جـده وصايـه امـجـاد ورثـهـا الـحـميـدي حـفـيـده *** مـن جـاد منهـم شـال للمجـد رايـه مـن لابـة تـروي رهـيـف الـحـديـده *** زبـن الـمجـنى وللجـلاوي حـمـايـه المـدح والـتمـجـيـد يـزهـا الـولـيـده *** مـن يمدح المنعـور مـا قـيـل تـايـه الـلي لـه شخوص الحمايـل شهيـده *** الـلي لـه العـلـيـا مـقـاصـد وغـايـه اذكـر فـعـال الـلـي فـعــالـه وكـيــده *** ولا الـردي طـاريـه يبحـث خـفـايـه يا الـوايـلي لقيـاك فـرصـة سعـيـده *** وقـولـك رفـع بالـعـز مـن مستوايـه سـرت بطريـقـي والمسـافـة بعـيـده *** ولا زلـت أنـا يـا مسنـدي بالبـدايـه يـوم أنظـر المـشـوار يـا بعـد مـيـده *** وارجـو عسـانـا نـوصلـه بالنهايـه بـذلـت مـجـهــودي لـكـل الـبـديـــده *** وحـاولـت اوثـق مجـدهـا بالروايـه لا شــك مـالـي مـن وراهـا مـفــيـده *** اتـعـب عـلى تاريخهـا مـن عـنايـه أهـل الحسد ضـدي سعـوا بالمكيـده *** الـلي عـلى البـاطـل تـبـث الـدعايـه والـلي يقـول القصد يجـني رصيـده *** والـلي بهـرج الـزور بـث الوشايـه وحـرف الغـلـط يالقـرم لازم نعـيـده *** وأن كنت أنا المخطي اعدل خطايه نـاخـذ بـقـول الـلـي ريـاهـم سـديـده *** والمخلص المنصح مشينـا بـرايـه والحـاسـد المـلعــون نـلـعـن كـديـده *** مـا اقـدره كـوبـان كـنــه احــذايــه وبعـض الرجال بدون واقـع عـنيـده *** يـلـقـف ولا لـه بالسـوالـف درايـه * وقال عبدالله بن دهيمش بن عبار هذه القصيدة مجاراه لقصيدة الشيخ ممدوح بن سليمان الأميّر رحمه الله : 79 بـديت بالـلي يبـدي الخـلـق وايعـيـد *** مـرسي رواسيهـا وباسـط وطـاهـا نكتـب جـواب مفـنـد القـاف تـفـنـيـد *** ابيـات يعجـب صوغهـا من قـراهـا ممـدوح نسـل محـرقـيـن الـبـغـاديـد *** أبـو فـهـد يـدرك مـعـانـي نـحـاهــا ولـد الأمـّيـر يـوم عصـر المجـاريـد *** افـعـال لـو طـال الـزمـن مـحـاهـــا ما شفـت فـي دنياك مكتـوب بالقيـد *** يجـري عـلى كـل الخلايـق سـراهـا دنيـاك لـو كـانـت مـثـل ليلـة العـيـد *** عقـب الفـرح لا بـد تـكـدر صفـاهـا ولا أظن به مخلوق ما جـرب الكيـد *** الـكـل يشـكـي مـن بـلاوي غـثـاهـا يا أبو فهد جار الزمان بضنـا عبيـد *** الـوقـت الأ قشـر يالسنافي رمـاهـا يشيب من جور الزمن راضع الديـد *** ولا تـاجـد الـلي لـه حوايج قضاهـا يا أبـو فهـد ما فـاد عـض النواجيـد *** ايـضا ولا فـاد الـنـواظـر ابـكــاهــا يا شيخ مـا ينـفع كـثيـر الـتـواجـيـد *** ربعـك تـقـاليـب الـزمـن هـو بـلاهـا اللابـة الـلي طبعهـا تـطـوي الـبـيـد *** تـتبع مـديـد شيـوخـهـا واعـقـداهـا اللابـة الـلي تـكـبـد الخـصم تـكبـيـد *** سقـم الحريـب الـلي بعيـد امغـزاهـا اصـبـر ولا يـغـريـك كثـر المواعيـد *** عسى الحمـايـل يـرتـفع مسـتـواهـا عند اللزوم ازبن عـلى شامخ الحيد *** حيـود الجبـال الـلي يزبـن حجاهــا ملـوك لمـن خانـه زمانـه عـواضيد *** يلقـا الكـرامـة والفخـر من نصاهـا عـنـد الـلـوازم يـبـذلـون المجـاهيـد *** نعــم الكفـوف الـلي غزيـرٍ عطاهـا سيوف على من خانهـا تقطع الجيد *** يـاويـل مـن نـفسـه تـزاود غـواهـا عـز الصـديـق وللـمـعـادي جلالـيـد *** بـالحـق مبـداهـم على شرع طـاهـا وصلوا على اللي وحد الرب توحيد *** الـلي ارشـد الأمـة لشرعـه هـداهـا * قال عبد الله بن دهيمش بن عبار هذه القصيدة بمناسبة شفاء الشيخ فائز بن عبيد بن غبين والشيخ فرحان بن هجرس الديدب : 80 الشكر لله منشي الخلـق مـن طـيـن *** رب العـبـاد مكـوّن الأنـس والجـان خـلاقـنـا نسجـد لـوجـهـه مـصـليـن *** ونشكـر فضائـل نعمته كل الأحيـان لطـفـه شملنـا فـي نجـاة العـزيزيـن *** انجاهـم الرحمن مـن سقـم الأبـدان اعتـق لنا من صيـد عنـاز شيخـيـن *** فـائـز سليل عبيد والشيخ فـرحـان فـائـز سليـل عـبيـد زبـن المجـلـيـن *** خلايـف الذيـب العرج طير حوران نسل العديم اللي تسلسل من غبيـن *** من صلب مبرك من سلايل دخيلان من مارثـت شيخـان بشـر القديمين *** تاريخهم مشهـود مـن دور فدعـان حـدا الثـلاث الـلي بـوائـل مسـميـن *** اللي لهم فـي سابق المجـد عنـوان هـل الذبـيحـة عـنـد كـل العنـزتـيـن *** هـل الفخـر والجاه والقـدر والشان مبطي من العصر القديم معروفيـن *** كـانـوا ولا زالـوا يروسون عـربـان بالسلم مجلسهم بصـدر الـديـاويـن *** وبالحـرب تتبعهـم بـيـارق وسلفـان امجـاد ماضيهـم عـليهـا بـراهـيــن *** وعـلم الفضيلة له مـواري ونيشان واليـوم زاكيـن الضمائـر حشيميـن *** والحـمـد للـه مجـدهم مثـل ما كـان فازوا بخف النفس والرفق والليـن *** ما منهـم اللي بـه ضغينة وعـدوان للصاحب الداني كما الشهد حلويـن *** لكـن عــلى مـن يعـتـدي سم ثعـبان وأثني عـلى نسل الرجال العـريبيـن *** ديـادبــه مـبـطـي مقـادم وفـرسـان فرحان بن هجرس سطام الحريبين *** إلـى ثـار بالبيداء عجـاجه ودخـان سـلايـل الـلـي مـا يهـاب المعـاديـن *** الشيـخ هجـرس يـوم للخيل ميـدان من صلب أخو نجمه عقيد الغلامين *** يـا ما من ديار العـداء شل قطعان مـن دور اهـلهـم بالمراجـل معـييـن *** بحقوقهم يـوم المغـازي والأكـوان وإلى انتشر عـلم النذر بالمـقـاطيـن *** مـن هازهم يلقى بواسل وشجعـان تقفي اعـداهـم مـن لقاهـم معـيفيـن *** ضـد العنيد اللي بعهد العـرب خـان عــاداتـهـم مـا يـاخـذون المغــريـن *** ايـضـاً ولا كـانـوا للأصحاب بوقان عدوهـم لا قيـل لـه جـوك غـازيــن *** عاف الحلال إلى سمع قول عوجان حماية الساقـة على الطيب ضارين *** يتلـون نسل غنيم برجس ومشعـان هذي علوم اللي تشافوا على الزين *** يـوم السنيـن الماضيـة فعـلهم بـان قــلته وكـل الربـع مـا هـم رديـيـن *** نـفخـر بـطـاريهــم إلـى قيـل ويـلان افخـر بطاريهـم ولا مقصـدي شين *** ولا قصـدي لباقي الأجاويـد حقـران والخاتـمه صلوا عـلى ناصر الدين *** الهـادي المبعـوث رحـمة للإنســان يتبع التعديل الأخير تم بواسطة عبدالله بن عبار ; 06-25-2022 الساعة 09:55 PM |
|
|
|
|
06-25-2022, 10:09 PM
|
#8 |
|
صاحب الموقع
تاريخ التسجيل: Mar 2008
المشاركات: 10,251
|
قال عبدالله بن دهيمش بن عبار هذه القصيدة يثني على الشيخ فهد بن محمد العويضة رجل
الأعمال المعروف لتكرمه بطباعة الطبعة الثانية من كتاب أصدق الدلائل والطبعة الثانية من كتاب ديوان الوائلي والطبعة الثانية من كتاب قطوف الأزهار وشجرة قبيلة عنزة الطبعة الأولى والثانية دون طلب مني ومن لا شكر الناس ما شكر : 81 بـديت في مشفي الجسام المريضه *** محيي العظام البالية تحت الأنقاض مد الوطا وأرسى الجبال العريضـه *** وجعـل بها وديان واسهول وفياض عـلام فـي سـود الـليـالـي وبيـضـه *** الـرزق مـن مـده ولـلـروح قـبّـاض باسمه بديت القاف وانظم قـريضه *** من خاطري يملي عـذيات الألفـاض حـيـث الضمايـر للقـوافي حفيضـه *** نفحات من مكنون فكري إلى هاض آخـذ قـراح القـاف واترك خويضه *** واسنـد عـلى الـلي للمباهيـم نقـّاض فهـد أبـو محمـد سلـيـل العـويضـه *** المكرم الـلي لسلم الأجـواد حفـاض مدح الـذي شرواه ما هـو غميضه *** يستاهله حيثه عـلى الطيب ركـّاض المـرجـلـه والطـيب عنـده فريضـه *** يعـدها الـلي في حديث الكرم خاض والنعم بصحاب البخوت الحضيضه *** كسابت المعروف زاكين الأعراض ومن يتصف بالجـود يكـره نقيضـه *** ما ينـثـني لـو ياعضه كـل وعـاض راعـي الأهـداف العاليات النهيضه *** مثـل البليهي شال حمله إلـى نـاض زبن المنيوب إلـى تزاود جضيضه *** أن عض به من ناب الأيام عضاض من جاه يشرح له سبايب فضيضه *** مصايبه عوج وطويلات واعـراض لفـح الهجيـر الـلي يسوقـه نفيضه *** يلفـح عـليه من السمايم والأرماض فـهـد مـلاذه عـن لـواهـيب قيـضـه *** عـن ملزماتـه ما تضجـر ولا جاض عقـب الحيـاة الـلي تفرح بغـيضـه *** يـرجع بـعـز وحاسده بـات مغـتـاض هـداج تيماء اسقاه من جـم فيضـه *** لو يدهج القاع المحل صارت رياض يبذل وله من والي العرش عيضـه *** غير الأجر ماله مقاصد ولا اغراض من عـزوة صلب العـزايـم تريضـه *** اللي نهار الكون تورد على حياض عناز عـوق أهـل النفوس الغليضه *** ضد العـدا لا صار للغوش نضناض *- وقلت أيضاً هذه القصيدة اثني على الشيخ فهد بن عبدالله العويضة رحمه الله بعد أن تبرع بطباعة كتاب وشجرة قبائل عنزة : 82 يـا أبـو محـمـد يـا ربـيـع المـقـلـيـن *** يـا ريـف ربعـه بالسنيـن العصيبـه تفـرح ضمايرهم إلـى جـوك عانيـن *** تـنـفـق وربـك مـا دفـعـتـه يجـيـبـه تـنـفـق ملايـيـنٍ وتـكسـب ملايـيــن *** يـوم الـردي خـاب وتـردى نصيبـه كـن اليـتـامـا فـي حلالـك خشيـريـن *** وكـن الضعافـي يدعـونـك ضريبـه حيثـك كـريـم مـن الرجـال المسمين *** وأنـت الـذي بالغـانـمـة ينهـقي بـه كم واحدٍ جاء يشتكي لك من الديـن *** محتاج ما يوجـد بـه القـرش جيبـه ومديـت لـه مـدة للأوضاع تحسيـن *** وفرجت كرب اللي ظـروفه صعيبه شهـم وكريـم وتبـذل المـال واتعيـن *** نلـت المراجـل والمـراجـل تعـيبـه عـن جـود كفـك مـا ثـنـوك الردييـن *** مـا تـعـتـذر والـلي عـنـالـك اتثيبـه من جاك عاني تنطحه بالنبـا الزيـن *** تصـون عرضك عـن كلام المعيبـه يا شيخ تستـاهـل من النعـم تسعيـن *** ولا هي على مثلك لـك الله غـريبـه والـلـه مـا قـلـتـه هـقـاوي وتخميـن *** لكـن بقـول الصدق وصفـت طيبـه الشيخ اللي طيبه ظهـر لـه براهيـن *** الطيـب سلمـه والـردا هـو حـريبـه خلفـت غـريب الـدار مابـه تضانيـن *** مـن صلب وايـل من قبيله عـريبـه مشكـور شجعـنـا بـطبـع الـدواويـن *** واشجـار وايـل طبعـهـا يعـتـني بـه مـا دام هـو في عـز حنـا عـزيزيـن *** لـولا جـنـابـه جـهـدنـا راح سـيـبــه يـوم أن بعض الناس بالمال لاهيـن *** أبــو مـحـمـد مـا اهــدافــه قـريـبـه *- وقلت أيضاً أثني على رجل الأعمال المعروف فهد بن عبدالله العويضة رحمه الله لتفضله عام 1411هـ بطباعة مشجر قبائل عنزة والطبعة الثانية من كتاب أصدق الدلائل وديوان الوائلي وقطوف الأزهار : 83 من صميم الجاش نظمت الجوابـي *** بالـقـوافي خـاطـري بـيّـح كـنيـنـه أرسلـه للشيخ واسنـد لـه خطـابـي *** أبـو محمـد قـافـنـا يفـهـم يـقـيـنـه مـع جزيـل الشكر نبدي له اعجابي *** ما تردى ريف من شانت اسنينـه قـام فـي طبـع المـشجـر والكتـابـي *** واحتمـل طبعـه ولـو كلّـف خزينـه مـا طلبـت الـوايـلي زاك الجـنـابـي *** هو اللي بادر عسى المولى يعينـه ما نبيـع العـز لـو تفضى المخـابـي *** الشـرف موفـور والشيمـة ثمينـه فضل جـوده ما حصيته بالحسابـي *** والجمايـل تـودع الـوافـي رهـينـه نرفع البيضاء على روس النوابـي *** والجـمـالـه تعـتبـر بالعـنـق ديـنـه والفضل ما انساه لو شاب الغرابي *** والعـلاقـة مـن فضـل ربـي متينـه امـدح الـلي في مقـام المجـد رابـي *** شاد قصر العـز واقلاعـه حصينـه يـوم شح الـزاد مع قـل الـزهـابـي *** جرب ظروف الزمن شينه وزينـه يقطع البيداء عـلى عوص الركابي *** فوق اللي بالبر للصحراء سفينـه بالسـنيـن الـلي بهـا يبـس العـلابـي *** مـن تـراشيح العـرق ينـدا جبينـه ما تكاسل دوم عـن نطـح الصعابـي *** ينطح الصعبـة ويودعهـا هـوينـه ما تجر بالسحت ولا بـاع الشرابـي *** ولا يبـيـد المـال بالطـرق الـلعـينه أبـو محـمـد مـن مشيـبـه للشبـابـي *** رام فعـل الطيب وعلـومه سمينـه يزرع المعروف حتى الغرس طابي *** نـال عـز وحـاسـده نـال الغـبـينـه سار في نهجه على نهج الصحابي *** ما عقد قـلبه عـلى حقـد وضغينـه يكفـل الأيتـام فـي رجـوى الثـوابي *** ويمسح الدمعة عن العين الحزينه وكـم مهـد مـن صعيبـات الـروابـي *** كـل مـنـا شـاف مجهـوده بعــيـنـه مـد خـط الـقـار يـنسـاب انـسيـابـي *** مـن الرياض لحـد جـده والمدينـه مـجـد عـزه مـا يطـولـه كـل هـابـي *** بالمـراجـل والفـخـر طالـت يمينـه وقال عبدالله بن دهيمش بن عبار هذه القصيدة يثني على العمدة قيران بن مسدح الشملاني الرجل الكريم المشهور : 84 حـر شهل مجناه من ساس عـقبـان *** طير السعد ياخذ على الصيد هدات مثـل القطامي من صواريم حـوران *** عـوايـده دايـم يـصـيـد الـجـزيـلات يـرمي الحوايـم يـوم يكفخ بجنحـان *** ويشبع حواويم النسور المجيعـات الحر الأشقـر يعطب الصيد ضرمان *** مخـالـبـه مثـل الخنـاجـر شطيـرات عنيت في وصفي على الحر قيـران *** رام الـدروب الكـايـدات العسيـرات ربـه فـتح مـن وافـر الـرزق بيبـان *** واصبح يبيد المال لأجل الجمـالات مذكـور فعـلـه بالفضايل والإحسـان *** ومن الشهامة به مواري وصيفات قـيـران فـعــلـه لـه دلايـل وبـرهـان *** وعليه من حاتـم رسـوم وعلامـات الـكـل بـالـمـعـروف يمـدح كحيـلان *** وفي طلعته تفخـر جميع العمـارات من يفعل المعروف بالناس له شان *** نـال الـمـدايـح بالـفـعـال الحميـدات فعـل أبـو حامـد شايفينه بالاعـيـان *** ريف الذي جاله من الوقت عـازات المدح يزهى الوايلي ذرب الأيـمـان *** قـرمٍ بـنـالـه لـلهـواشـل مـضـافـات ولا الردي يقصر عن المدح كوبـان *** وش عاد لو يملك خزين وعقارات مـا يـنـفـع الهـلـبـاج لـو جـده فـلان *** لا صار مـا يحـيي الفعول القديمات ولا أنت من لابـه بالأكوان شجعـان *** يشهد لهـم عصر الجياد المغيـرات شملان نعم الحي وأن قيـل شمـلان *** سقـم المعـادي باللقـاء والحرابـات اشكـر جـنـاب الـلي تـعـمـد بـويلان *** ولا قلت تمجيدي على شان غايات من خاطري سجلت بالشعـر قـيفـان *** واهـدي لبـو حامـد جزيل التحيـات *- وقال عبدالله بن دهيمش بن عبار هذه القصيدة بالعمدة قيران بن مسدح مسنده على دهش بن رداد الجهران أحد كتّابه : 85 يا دهـش بلغ عـذرنـا نسـل الأجـواد *** قـيـران ريـف الهاشلين الضيوفـي أن كـان تسمـح بـلـغـه يـا أبـن رداد *** ودي ازوره مـار عـيـت ضـروفـي حيثـه شمخ بالطيب وادرك للأمجاد *** فـي ربعـتـه تلقـا النشاما صفـوفـي حيثـه تعلا فـوق صـرح الكـرم غـاد *** المكرم الـلي بالمكـرم فـيـه نـوفـي كـريـم وافـعــالـه قـديـمـات واجـداد *** الصـافـي الـوافـي نـدي الكـفـوفـي يـا ما ويـا مـا بالصحـن قـلـط الـزاد *** ويـا مـا ويـا مـا للمهـيّـل يـحـوفـي نال المفاخـر غصب عـن كـل حسّاد *** نالـه عيـان وعين خصمه تشوفـي واصبـح بفعـلـه يمـدحـه كـل قصـاد *** ولا ظـنتي لأفـعالـه الـمـدح يـوفـي يـمنـاه عـودهـا عـلى جـزل الأمـداد *** يعـطي ولا يلحق عـطاه الحسوفـي قيران أبـو حامد عن الطيب ما حاد *** لو حـال من دونـه شطير السيوفي والمرجلـه مـن رامهـا سـار مسنـاد *** رقـط الأ فاعـي دونهـا والحضوفي مـا يشتهـر مـن كـان لـلـمـال عـبـّاد *** بالناس لا عارف ولا هو امعروفي كب البخيـل الـلي مـن المـال ما فـاد *** مـا ينفـعـه كـنـز الـذهـب والألوفي ولا أبو حامد بالصخى يجهد اجهـاد *** شـال الحـمـول الكـايـدة بالكتـوفـي المـدح يـزهى الـوايـلي قـرم الأولاد *** الـلـه يفـكـه مـن سهـوم الحتـوفـي وحيث أن قيران بن مسدح من كرماء الرجال الذين رفعوا رأس عنزة فقد و قال عبدالله بن دهيمش بن عبار هذه الأبيات يثني على العمدة قيران رحمه الله : 86 يا نـادي الكفيـن لـو كنـت مـن طـي *** لا قـول لـك من صلب حاتـم سلالـه ولا هي غريبة حيث يالقرم لك حـي *** أولاد وايــل مـدركـيـن الـجـمـالـــه معـن نـبـغ بالجـود فـي ديـرة الـري *** وعليك مـن وصفـه رمـوز ودلالـه ما تستمع لأرشـاد من قـال لـك عـي *** نلـت الجميـل وهـو عـليه الرزالـه يمنـاك لـو هـي فاضيه ما بهـا شـي *** كنك من الـلي ما عـرف عدد مالـه خـل الـبـخـيـل وثـروتـه جـعـلهـا لي *** شـقـيـان بـالـدنـيـا يـنـمـي حـلالــه * وقال عبدالله بن دهيمش بن عبار العنزي هذه القصيدة يسند على عبيد بن ثاني الضبيب ويثني على الشيخة نورة بنت سلطان الطيار رحمها الله بعد أن تجملت وسعت في اطلاق سجين : 87 يـا عـبـيـد شـوقـني مـجـال تجـيـبـه *** عنـدك عـلى تمجيـد نـوره براهيـن مـن يـوم فـارس فـكـتـه مـن طليبـه *** تظـهـر ثـناهـا فـي جميع الدياويـن يـا عـبـيـد نـوره لا تـهـول بـطـيـبـه *** عـادات اهلهـا يطلقـون المساجيـن الـغـانـمـة مـا هـي عـليـهـا غـريبـه *** ما دام يـنتـبهـا مـن الأصـل جـديـن أن جـت عـلى الطيـار مـا ينهـويبـه *** سلطان أبـوهـا والخـوال الشعاليـن شيخان من عقب الشيوخ الصليبـه *** صفـوة حمايل من حمايـل مسميـن شيـخـان وايـل بالمنـاسـب عـريبـه *** شيخان من عقب الشيوخ القديمين مبطي لـك الـله ينطحـون الصعيبـه *** طـيـايـرة مـا هـم عـلـيـكـم خـفـييـن يـذكـر فـخـرهـم بالسنيـن العصيبـه *** فـازوبها يا عبيد يـوم الزمن شيـن زبن الدخيـل الـلي دهـتـه المصيبـه *** عـاداتهـم يرسـون بالعسـر والليـن ادنـاهـم الـلـي بالـلـزم تـحـتـمي بـه *** يـوم الحرايـب يودع الخيـل خيليـن والكـل منهـم بالـفـخـر يـنهـقـي بـه *** يستاهلـون المـدح والنـاس داريـن معـروفـهـم بـالـطيـب كـلـن دريـبـه *** يذكـر مع الأقصين والربـع الأدنيـن مـثـل العلامـة فـوق راس الجـذيبـه *** كلـن يشوفه شـوف بمجـرد العيـن والطيب علمـه بالعـرب لـه ضريبـه *** صعـيـب مـا قـدروا عـليه الردييـن ما حصلـوه اهـل النفوس الغـضيبـه *** علـم الفخـر ما يدركـه كـل مسكين مـا يـدركـه الا الـلي يـحـث النجيبـه *** مسعاه فـي درب العـلا والله ايعيـن مـالـه سـواهـا حـاجـة يـلـتـهـي بـه *** وعـن نـو دربه ما ثـنوه المشيرين ولا الـردي شـوفـات شبحـه قريـبـه *** ما حصل الطوله ولا جـوه ناصيـن زرع الجمـايـل بالـردي راح سيـبـه *** والطيب مالـه عـنـد الأنـذال تثميـن من طاب يمدح والردي وش نبيبـه *** قـلتـه ولا لـي بالـردي جعـله البيـن الـمـدح بـالأ نـذال غـبـن وغــليـبـه *** ولا يمدح الهلباج كود أبـو وجهين هـذا وتـمـام الـقـاف جـاكـم نــديـبـه *** وأنـتـم عـن اقـوال المدايح غنييـن * وقال عبدالله بن دهيمش بن عبار العنزي هذه القصيدة يثني على الشيخ زيد بن عليق الرويضان رحمه الله : 88 بـديـت مـن شهـد الكـلام الـرحـيقـي *** مثـل العسل يعجبك ذوقه إلى ذيـق من قـاف أبـن عـبار نطقـه يشيـقـي *** الـذ مـن در الـبــكـار الـمـفــاهـيـق قـلـتـه عـلى مـعـنـا وسـدي غميقـي *** يهدى عـلى اللي يفتهم بالطواريق يهدى عـلى المنعـور ساسه عريقي *** الـوافي الشغموم زيـد أبـن عـليّـق نسـل العـديـم الـلي يـفـك الـوسيـقي *** عليق أخو سلمى إلى نشف الريق خـلا الغشيـم الـلي تغـيشـم يـفـيـقـي *** شره على اللي ينقضون المواثيق امجـاد تـذكـر بـالـزمـان العــتـيـقـي *** اشـم واشمخ مـن ابانـات وطـويـق نـعـتـز بـالـلـي للـقـرايـب شـفـيـقـي *** جافي على العدوان ولصاحبه ليـق مـالـه عـلى درب المـلامـة طـريقي *** اخـرس لسان اللي يـدور التعاليـق فيـه الكـرم والجـود طـبع وحقيـقـي *** مبخون ما عـرف الريـا والتنافيـق الـنـادر الـحـلـحـيـل ريـف الـرفيقـي *** الوايلي مذخور في ساعـة الضيق الـوايـلي عـز الـخـوي والصـديـقـي *** إلـى بـار بالصاحب قليـل التوافيـق والطيـب مـا هـو بالقـوام الـرشيقـي *** ولا تنفع اللمعة وصبغ المساحيق الـلاش الـلي للـغـانـمة مـا يـطيـقـي *** وش عاد لو ماله كثر رملة ابقيـق خـلـه عسى مـالـه عـطـاه الحـريقي *** ورزقـك على رزاق كـل المخاليـق يـا أبـو محـمـد لـلـثـنـاء مـا نطـيـقي *** وأنت الذي بالمرجله نلـت تفويـق وافطـن تـرى معـناي غمـق ودقيقي *** ماني من اللي يلفق الهـرج تلفيق الصـاحـب الـلي مـا يشجـع فـريـقـي *** كان انتحى مغـرب تنحيت تشريق شفـت السـراب وغـرني بالـبـريـقي *** اتـبع لـميع الـلال فـوق الصعافيـق * وقال عبدالله بن دهيمش بن عبار هذه الأبيات أيضاً يثني على الشيخ زيد بن عليق الرويضان رحمه الله : 89 قـال الـذي بـالـقـاف يــبــدي اشـاده *** باللي شهد لي من كبـار القواصيـد وحـنـا كـذلـك عـنـدنـا لـك شـهـــاده *** شـهـادتـي دونـتـهـا فـيــك يـا زيـد فيـك الصخى والمـرجـلـة والجـلاده *** خصـايـلٍ مـا نـالـهـا كـود صـنـديـد والـشـيـمــة الـشـمـاء وقــو الأراده *** اشم واشمخ من قرى عالي الحيـد قـاسي عـلى الخصـم العـنيـد بنكـاده *** وأمـر مـن لـب الشـري للأضاديـد والطيـب مبـطي لـك وسيلـه وعـاده *** تـبـي المـعـزة والفخـر والتحـاميـد وأنـت الـذي فـعـل المـكـارم امـراده *** والجـود مـن عادات سلم الأجاويـد والحـر لا صـرد عـلى الصيد صـاده *** فرخ القطامي مخلبه يعطب الصيد الـلي بفعـل يـمـنـاه يـكسـب امجـاده *** زيـد الكـريـم الـلي لـربعـه مسانيـد التعديل الأخير تم بواسطة عبدالله بن عبار ; 06-26-2022 الساعة 05:41 AM |
|
|
|
|
06-26-2022, 05:59 AM
|
#9 |
|
صاحب الموقع
تاريخ التسجيل: Mar 2008
المشاركات: 10,251
|
تابع * قال عبدالله بن دهيمش بن عبار العنزي هذه القصيدة يثني على الشيخ زيد بن ناصر المليحي السبيعي شيخ قبيلة مليح من سبيع: 90 سـار القـلم يكتب من الشعـر بالقيـد *** والفكـر يملي من قـرايض قـريحـي نقطف زهر نوار من صحصح البيد *** شـذا عـبـيـره بـالـنـفـل لـه نـفيحـي بديـت واسنـدت القـوافي عـلى زيـد *** الشـهـم منعـور الـرجـال المـلـيحـي الحـر الأشقـر مخلبه يعطـب الصيـد *** شنكـار كـفـه مثـل رمـح السـريحي يشـوم عـن فـرق الحـمـام الملابـيـد *** هـيـق النعامة صيـدتـه والوضيحي يا ستر ملهوف الحشى ناسع الجيـد *** الـلي زهـا بصـدره مصاغ الفتيحي شمـا عفيفة تستوي لـك مـن الغـيـد *** كـريـمـة الـلـي يحـتمـون الطريحـي الشيخ أبو ناصـر سـطام المعـانيـد *** ريف الصديق اللي ضميره نصيحي زرنـاك يـالمـنعـور فـي سنـة العـيـد *** يا صاحب الوجه البشوش الفليحي وقالوا طلع عنده اشغـال ومواعـيـد *** قـلـنـا عـسى رب الـملأ لـه يـبيحـي مجناك من صلب الرجـال الصناديـد *** من راس لا بـه ينطحـون النطيحـي سبعان يسقـون المعـادي من الكيـد *** غـلـبـا إلـى حـل الـنـهـار الـقـبيحـي وأن صار بالسربة نخاوي وتهـديـد *** نـطـيحـهـم بـالـكـون لا زم يطـيحـي يـوم الـسبـايـا حـادرات ومـسـانـيـد *** هـذا صـويـب وذاك خـلـي ذبـيـحــي تـعـاقـبـوا بـمشــوكـات الـعـبــاريــد *** وحس الفرنجي باللحم لـه ضبيحـي خـصيمهـم يـلـقـا خـسـاره وتـكـبيـد *** كـان اعتدى خلـوا حريمه تصيحـي ما احصى فخركم يا سليل الأجاويـد *** يالماجـد الـلي بالمنـاسب صـريحـي تـقصـر عـن افعالـك قـروم الأواليـد *** وأنـت الـذي طيبـك مجالـه فسيحـي يـا زيـد مـا طيـبـك تصـنع وتـقـلـيـد *** تبـذل إلـى كـن البخـيـل الـشحـيحـي من شح ما حاش الفخر والتحاميـد *** لـو حـاز كنـز الراجحي والجميحـي حـاتـم بـجـوده بــدد الـمـال تـبـديــد *** ولا زال له طاري وهـو بالضريحي وكـم راسمـالـي مـا لمـالـه تـعـاديـد *** وصـدره يفوح من الشقا له فحيحي عـلـم الفخـر تاريـخ بالمجـد تخـليـد *** والمـال يـذهـب مع هبـوب اللفيحـي أن سانعت دنياك تضفـر بمـا اتريـد *** وأن عـاضبت لـلي ملـكـتـه تـزيحـي راعي الفخر يصعـد على قمة الحيد *** ومـن دور الطـولات مـا يستريحـي علمـك ظهـر يا زيـد بالطيب تـوكيـد *** من شاد في مدحك كلامه صحيحـي وأنـت الـذي تـثني عليـك القواصيـد *** كـلـن يـعـبـر بـالـلـسـان الـفـصـيحي يا من خذيـت الطيب منهج وتعـويـد *** ينبـوع كفـك سيل مـا هـو نضيحـي يكفيك فخـر أنـك تغيض الحـواسيـد *** ومن فعلك الحاسد ضميره جـريحي ما دحـك فعلـك ما تـبي قـول تمجيـد *** قـلتـه ولا اظـنـك بحـاجـت مـديحـي وصلوا على اللي زال دين الملاحيد *** اعـداد مـا طـب الكنـايـس مسـيحـي * قال عبدالله بن دهيمش بن عبار يثني على أبو سلطان مزعل بن لافي الجعفري العنزي لما له من مواقف لا تنسى : 91 الشكـر يرفـع والثـنـاء لبـو سلطـان *** مزعـل زبون الـوانيات ابـن لا في عـزالله أنـه عـند الأجـواد لـه شـان *** حـيثـه مـن قـروم النشامـا سنـافـي وعـزالله أنـه مـن طويليـن الأيمـان *** وعـز الـلـه أنـه يحـتـفي بالـملافـي يجهد على المعروف ما قـال تعبـان *** فيـه الصخى والمرجلـة والعـفافـي الحسـد مـا دب بـضـميـره ولا خـان *** قـلبـه مـن الأحـقـاد والغــل صافـي كسب الفخـر حطه وسيله وعنـوان *** الصـادق الـلـي بالـمـواعـيـد وافـي مـا قـلـت تـمجـيـده تـملـق وبهـتـان *** سجلـت من مـدح اللبيب اعـترافـي ربعه هل الجدعاء مدابيس الأكوان *** عـدوهـم بـالـكـون مـنـهـم يـخـافـي من فضـل بن عـلي سلايل سليمـان *** افعالهم عـن وصف الأقـوال كافـي وش قـال عـنهم بالكلام أبن هـبدان *** جعـافـرة مـا يـشـتـهـون الـعـوافـي بالكـون يسقـون العـدو سـم ثعـبـان *** ويـروون حـد مصقـلات الـرهافـي لأ صحابهـم أحلا من الشهد بدهـان *** لـكـن عـلى الـعـدوان سـمٍ زعافـي والنعـم فـي مزعـل سلايـل كحيـلان *** دايـم نـقـولـه بـالـخـفـا والـكشافـي القـرم أبو سلطان يمـدح بالإحسـان *** يتعب على الطولات والنـذل غافـي المكـرم الـلي عـادتـه يذبـح الضـان *** عيـت الربايط والخـراف الهـرافـي بشوش ما غضلم حجاجه ولا شـان *** ولا بـار بالصاحـب بعـيد الهـدافـي مـواقـفـه مـا تـنسي عـبـر الأزمـان *** وقـف بصفي فـي لـزومي اوقـافـي ترفع له البيضاء على راس ما بان *** فـوق الروابي شامخـات الشعـافـي عـنـدي عـلى طيبه دلايـل وبـرهـان *** واظن ما علمه عـلى الناس خافـي اظهـر ثـنـا فضـله ولا قـول جحـدان *** واشيد باسمـه وامدحـه بالقـوافـي مزعل سعى بالطيب والحظ لـه زان *** ما يذخـر المجهود ريـف الضعافي وقـت اللـوازم يجتهـد قـدر الإمكـان *** ويتعب على كسب الجميل الخفافي عسى يـفـداه اللاش والنـذل كـوبـان *** الـلي عـن علـوم المراجـل مقافـي يفـداه الـلي ما فـاد ربعـه والأخـوان *** حـليـف عـدوانـه ولـلـربـع جـافـي خطو الرزيل اللي من الـزاد شبعـان *** ولا ينظر الصاحب ولو سار حافي كـب الـردي مالـه مع النـاس خـلان *** ما يعمـل المعـروف والحـظ هافـي * وهذه القصيدة قالها عبدالله بن دهيمش بن عبار وارسلها إلى الشيخ صياح بن سعد بن غنيم شيخ قبائل جهينة عندما بلغه أن شعراء من جهينة اشتبه عليهم المثل القائل ( عند جهينة الخبر اليقين ) وقد ورد هذا المثل في احد قصائد ابن عبار مما اوهم ذلك الشعراء أن الموضوع يعني قبيلة جهينة مع أن المثل العربي المشهور يطلق على رجل اسمه جهينة الأخبار لذلك ارسلت هذه القصيدة للشيخ صياح لتوضيح الأمر : 92 شديت لـي هافٍ على الكيف ممتـاز *** إلى مشى يطـوي بعيـد المـراميس حافة خبير الجمس مـا مثلـه طـراز *** تـوه ورد بمـواصفـات ومـقـايـيس إلى دعست البنص مثل السهم نـاز *** كـنـه ظـليم وخـارشينه هـل العيس يطوي الفيافي في مسيره و يجتـاز *** يجتـاز بطنـاج السهـل والطعاميس عـنـاه أبـن عبـار مـن نجـد لحجـاز *** يلـفي جهـينـة كـاسبين النـوامـيس ينصى جناب الصيرمي خلفت الباز *** صقر الحرار اللي يفـوق القرانيس الشيخ أخـو سنيدا بعلم الفخـر فـاز *** مـودع عـراجيـد السبـايـا كـراديس مقدم جهينة ريـف مـن جـاه معتـاز *** نسـل الغـنيـم مطلـقيـن المحـابـيس نسل الغنيم اللي شريفيـن واعــزاز *** ريف الهواشل محرقين المحاميس صيتـه وصـل للهنـد وبـلاد شـيـراز *** للـصـيـن لـلـيـابـان لـديـار باريـس مـا اسبكـم بالقيـل يـا ثـقـال الأرواز *** لا واللي انجا نوح وشعيب وإدريس ماني كما الـلي يشعـم النـار بالـقـاز *** الـلي لـنـار الشـر صـاروا مقابيس مـا اسبكم يا شيخ والسـب مـا جـاز *** واللي يسب الناس هيسٍ ولد هيس والـحـمـد لـلـه مـا نجـح كـل لـمــّاز *** والظلم حطم عرش قيصر وبلقيس والقصـد يـا حـلال صعبـات الألغـاز *** كلمة مثل تضرب بوسط المجاليس نخبرك بالموضوع يا شيخ بإيجـاز *** واللي فهـم قصـد المثل قال لا بيس نسهج جواب اللي بقولـه استفـزاز *** اسند على الطيب واعاف الهلابيس رد اللنقـا مـا هـو مطـارد بـجـنبــاز *** وعـلم الفخـر للمدرعين الملابيـس قـلته وأنا يا شيخ مـن صلـب عنـاز *** اللي حموا ديرة بنو طسم وجديس يـشـهـد لـهـم ذيـقـار وجبـال خـزاز *** يذكر فخـرهم يوم عصر المتاريس من راس لابة ما بها ثلـوم واعـياز *** تشهد لهـم كنده وتشهـد لهـم قيس وتشهد لهـم لا بت قضاعـة ومعـاز *** وبني صخر تشهدلهم والسناعيس من قبـل عصر جديع والشيخ فـواز *** من وايـل الكبـرى حمايـل وفـريـس والناس مثل الزرع به قطف وفراز *** غـرسه ولا بد الغـرايس بها خيس والـلي يـقـول أنـه لكـل الفخـر حـاز *** غلطان وهروجه على غير تقييس وصـلاة ربـي عـدد مـا قـال رجـــاز *** عـلى النبي عـدد هبـوب النسانيس * قال عبدالله بن دهيمش بن عبار هذه الأبيات يبارك لعلي بن محمد المنديل الزناتي التويجري احد وجهاء مدينة رفحاء ومن أفاضل أسرة التواجرة بمناسبة افتتاح قصره العامر في مدينة رفحاء حيث وجه دعوة لحضور هذا الحفل ولم يتسنى الحضور فأرسلت هذه القصيدة بالفاكس : 93 من عـلي بن محمد لفاني مراسيـل *** وجـه لـي الـدعـوة وخطه قـريتـه يـبي اتـوجـه بالعـجـل دون تمهيـل *** والسفـر صـوبـه يعـلم الله نـويتـه جـهـزت كـامـل عـدتـي بأول الليـل *** واحضرت جمسي والتوانك مليته لولا الظروف الطاريـه قاسيه حيـل *** حاولـت ظـرفي ينتهي مـا قـويتـه وأن يسر الـلـه بالسنين المقـابـيـل *** لازم نزورك والـوعـد مـا نسـيتـه يا عل رفحا بارضها يـدرج السيـل *** يفـرح ضميـري بـرهـا لا مشيـتـه حيث أن اهلها يكرمون الهواشيـل *** الـكـل يـدي واجـبـه كــان جـيـتـــه عساه عامر قصركم يا أبن منـديـل *** الـلي بـرفـحا يـالـسنـافـي بـنـيـتـه قصـر الزنـاتي بـه ملـم الرجـاجيـل *** ما صك عـن ضيفـه دراويـز بيتـه قـصـر التواجـر طيبيـن المفـاعـيـل *** ادناهـم اللي بالعـرب شاع صيتـه مـن نسـل جـبـارة نـوادر مشـاكيـل *** والكـل منهـم يـنـتـخـي لا نخـيـتـه ولادعـة تشهـد لـهـم سبـق الخـيـل *** يـوم المـغـازي والـقبـايـل فـلـيتـه مقـدمهـم الطيـار شيـخ الحـلاحـيـل *** ومقدمهم ابن سمير ما هو نبيتـه والشيخ مدباس الوغى خازم الفيل *** يـديان مـن اهـل الحظوظ البخيتـه الشيخ أخـو بقشه تجيـه المحاويـل *** ولو ابي اعـد افعالهم ما حصيتـه قـلـت الصحيح ولا بقـولي ابـاطيـل *** ومن غير خلاق الـملأ مـا رجيتـه لثم اصلاة عـلى النبي نختـم القيـل *** وبسم الـولي رب الخلايـق بديتـه ا* قال عبدالله بن دهيمش بن عبار هذه القصيدة يثني على علي بن منديل الزناتي التويجري أحد وجهاء مدينة رفحا للمجلس البلدي 94 بالقـاف جـودي يالقـريحـه وهـاتي *** نظـمٍ مثـل نحـت الحجـر بالمنـاجـر قـلتـه ثـنـاء فـي كـاسـب الطايـلاتي *** حيثـه عـلى درب المكـارم مهاجـر الـقـرم ابـن منـديـل نسـل الـزنـاتي *** علي وجيه ومن شخوص التواجر نـزه الشوارب مـا يطـولـه شمـاتي *** عـن الـدنس والعيب للنفس زاجـر مـن صلـب لابـه ذلـلـوا كـل عـاتـي *** عوق المعادي يوم طعـن الخناجـر أولاد وايــل يـرخـصـون الـحـيـاتي *** يا ما اعتقوا محجورة عقب حاجر فـوق المهـار معسكرات الحـذاتـي *** بالسيـف الأملح يقطعـون الحناجـر شجعـان يـثـقـل روزهـم بـالـثبـاتي *** اليـا ثـار مـلـح مفـوهـات البنـاجـر وكـل الـقـبـايـل تـفـعـل المكـرمـاتي *** يوجد بهم مـثـل الدريعـي وساجـر يـوم السنين مـن الجهـل مظلمـاتي *** عصر الظـلام ودامس الليـل داجـر واليوم عصـر مطوعيـن العصاتي *** عـاد لصـوابـه واهـتـدى كـل فاجـر في حكم أبـن مقـرن مبيـد الجنـاتي *** كـم واحـدٍ عـقب الحفـا صار تاجـر والـشكـر لـلـه خـالـق الـكـايـنــاتـي *** رب الـمـلا يـرحـم عـبـاده ويـاجـر وارجو السموحة كان قلّت ابـياتي *** القاف صعـب وكنت للشعـر هـاجـر واجب عـلينـا لـدعـوة الشيخ نـاتي *** لـو حال من دونـه جبـال ومحاجـر بالـديـرة الـلي يكـتسيهـا الـنـبـاتـي *** فيهـا الخـزامـا والبختـري مشاجـر شوف الربيع وشوفكم هـو شفاتي *** من قبل يصبح منظر العشب باجـر وعلى النبي ازكى السلام وصلاتي *** اعـداد مـا هبهـب هبـوب الهواجـر * قال عبدالله بن دهيمش بن عبار هذه القصيدة يثني على العميد المتقاعد أبو علي عبدالله بن خشان المصلوخي العنزي : 95 سـار القـلم يكتب من الشعـر قيفـان *** خـطه عـلى بيض الصحايـف كتبـه ما دام فكـري هاض للقـاف شفقـان *** يالجاش هـات الزيـن والشين كبـه إلى ضاق بالي زرت ذربين الأيمان *** سـجـه لدسميـن الشـوارب وعـبـه اشفق على الطيب ولا احب كوبـان *** الـلاش لاش وخـاطـري مـا يـحـبـه اللاش قـربه بالعـرب قـرب ثعـبـان *** ومـن قـارب الأفـعـي بـنـابـه يـلـبـه سيّرت صوب الوايـلي نسل خشـان *** أبـو عـلي كيـف الـنـشـامـا يـصـبـه الـقـرم عـبـدالـلـه سـلايـل كحـيـلان *** ساس الفخر من شاف طيبه عجبه مفتـوح بـاب الـوايـلي كـل الأحيـان *** والـنـار لا جـاه الـمـسـيــّر يـشـبــه أبـو عـلي من عادتـه يذبح الضـان *** جـزل الـربـايـط مـع وريـده يـجـبـه أبـو علي يحمل عـلى المتن تيجـان *** وصرح الفخر مبطي اشداده ركبـه شـال الحمول الكايده بأمـر سلطـان *** يـسـتـاهـل المـنعـور عـالي ارتـبـه الفاضل اللي ما مشى بدرب حقران *** عسى عـن المـكـروه يحـميـه ربـه حيثه بفعل الغانمه حـاش الإحسـان *** ومن يزرع المعروف يحصد مغـبه يفداه من ينسى صديقـه والأخـوان *** عـّـبـاد مـال وعـلــتــه كــاد طــبــه ويـفـدا جـنـابـه كـل مـن كـان منـان *** الـلـي عـلـى المحـتـاج مـده يـنـبـه الـمـال مـا يـرفـع تـقـاديـر الإنسـان *** كـم واحـدٍ حـصـل بـمـالـه مـسـبــه ولا أبـو عـلي ريف من جـاه بلشان *** عـون الـرفـيـق الـلي زمانـه لعـبـه أبـو عـلي مجـنـاه من ساس ويلان *** من صلب وهـب من سلايـل مـنـبـه * قال عبدالله بن دهيمش بن عبار العنزي هذه الأبيات يثني على الشيخ فلاح أبن ذيب الكبرى من كبار قبيلة الجميلات من البجايدة في ليلى : 96 الجاش هاض ورتـب القـاف ترتيـب *** كـزه مـع الـلي سـار للشيخ نـهـاج إلى ضاق بالي رحت سجه لبو ذيـب *** لولا عريب الساس ما جيت الأفلاج الشيخ الـلي يمشي بـراي المعازيـب *** الـوايلي ذخـر القـرابـه إلـى احتـاج النـادر الـلي بالـفخـر يـفـعـل الـطيـب *** حـيثـه كـريـم وربعـتـه مـثـل هـداج يفـداه من يقـدم عـلى العـار والعيـب *** خطو الرزيل اللي من الناس هلباج ولا فـلاح الـلـي عـلـومـه تـعـاجـيـب *** بيـن القـبايـل شهـرتـه كنهـا سـراج فـي مجـلسه صفـر الـدلال المحاديب *** عن صدر ضيفه واهس الهم ينفاج عـوايـده بـالـمـوس جـذ الـلـغـابـيـب *** يا ما قصب به من مهاجيل وانعـاج الـقـرم وافـي فـي جـميع المـواجيـب *** يجهد لكسب الغانمه لو بها احـراج من ساس لابه ينطحون المصاعـيب *** نعـمٍ بـهـم لا صـار للخـيـل مسهـاج لابـت جميلـة عـزوتـه ما بهـم ريـب *** عـوق العديم اللي عن الدرب ينعاج من فضل رب الكـون مـالي مطاليـب *** ولا ني مـن الـلي بالمخاليـق هـراج لا شـك نـفـخـر بالـقـروم المنـاجيـب *** أولاد وايـل بـالـفـخـر لبسـوا الـتـاج تشهـد لـهـم بالـطيـب كـل الأجـانيـب *** من غوطة الفيحاء إلى بـاب فرتـاج * قال عبدالله بن دهيمش بن عبار يثني على محمد المتعب العجمي : 97 يـا أبـو عبدالله طيـبـكـم مـا نسـيتـه *** راعي الجمايـل كيف يالقـرم ننساه أنـت الصديق الـلي لزومي قضيتـه *** ومعروفكم طول الزمن مـا جحدنـاه مـا يـوم بـار بـواجـبي كـان جـيـتـه *** القـرم لـي عـنـده كـرامه ولي جـاه يـا مـا ويـا مـا بـالـلـوازم نـصـيـتـه *** من طاب ينصى والردي ما اترجاه ويا مـا نخـاني من رفيـق ونخـيتـه *** حيثـه من الـلي تفعـل الطيب يمنـاه مـا مـل لـو بأهـل المشاغل بـلـيتـه *** يصبـر ولا يغـضب رفيـقـه ويـجفـاه النـادر الـلي يرفـع الـراس صـيتـه *** نـعــتـز بـمحـمـد ونـفـخـر بـطـريـاه الطيـب وفعـل الغـانـمة بـه هـقيتـه *** وإلى التزمت ازبـن لمثـله وشـرواه ولا الـردي كـوبـان مـا ازور بـيتـه *** ساس الردا لو كنت ملزوم ما ايتـاه انـصى الـذي حـزت لزومي لقـيتـه *** الـلي بوقـت المعـضـلـه دوم نـلـقـاه لـيـتـه تـعـذر صـاحـب الجـود ليتـه *** مشغول واشغلته عسى النذل يفـداه الـلاش كـن إلـى مـدحـتـه هجـيتـه *** لـكـن محـمـد يـمنـعـه طيـب مجنـاه من يصنع المعروف عرفه شريتـه *** ولا الردي في بخس الأثمان بعـنـاه ورد الجـمـايـل كـادنـي لـو بغـيـتـه *** عسى ولـي الكـون بالخـيـر يجـزاه * وهذه القصيدة من شعر عبدالله بن دهيمش بن عبار العنزي يثني على الشيخ حزام بن معضد الخرصان من مشائخ قبيلة آل شامر من العجمان: 98 المـدح والـتمجيـد يـزهـا الأجـاويـد *** ولا الـردي واللاش مدحـه خسـاره يـسـتـاهـل التـمجـيـد قـرم الأوالـيـد *** حـزام الـلـي بـالطيـب يـرفع وقـاره الشـامـري لأفـعـال جـده شـواهـيـد *** إلـى تـطـاروا فـي مـجـال افـتـخـاره يا حـزام كسبـت الثنـاء والتحـاميـد *** أنـا اشـهـد أنـك تـستـحـق الإ مـاره صنديد تنجب من صماصيم صنديـد *** صفـوة سلايـل عـز ضيفـه وجـاره لو كان دورك في عصور المطاريد *** إلـى ثـار من وقع الحوافـر غـبـاره مالـك شبيـه باللقـاء كـود أبـو زيـد *** يضرب على الكايد إلى صار غـاره من لابة تدحم على الجمع ما تحيـد *** عجمـان سـاس المرجله والجبـاره يتلـون أبـن حثـلين سقـم الأضاديـد *** عـوق الحـريـب وبالـملاقـى دمـاره أنتـم هـل الطولات رغـم الحـواسيد *** عـدوكـم مـا يـهـتـنـي فـي ديـــــاره امجـادكـم مـا تـنحـصي بالـتـعـاديـد *** والمعـذرة يا أهـل الفخـر والنمـاره مـدحـتكـم يـا حـزام مالـي مقـاصيـد *** والشـاهـد الـلـه مـا بـقـولي قمـاره لـكـن نـعـزك والـضمـايـر مـواديــد *** ولـولا المعـزة مـا نجـي لـك زيـاره قـلتـه وأنـا من ساس لا بـة معانيـد *** تـاريخـهـم مشهـور مـثـل المـنـاره وأن قيل منهم قلت ربعي ضنا عبيد *** مـن صلـب وايـل باللوازم اسعـاره مـن حـد تـيـمـاء للغـزالـة إلى فـيـد *** ومـن قـبلي الحرة إلى غـرب قـاره ومـا حـدتـه خـيـبر لحـزم الجلاميـد *** ومـن الـزبيـر إلـى شمـال العشـاره ربعـي لـهـم فـي كـل ديـره مـواريـد *** وتـاريخـهـم مـا ذوبـتـه الحـضـاره أولاد وايــل حـافــظـيـن الـتـقـالـيــد *** مـا منهـم الـلي ضاع سلمه وكـاره * وقال عبدالله بن دهيمش بن عبار بالشيخ حزام بن معضد الخرصان : 99 يا راكـب الـلي مـن مديـل الثمـانيـن *** ونـيـت تـوه مـا مـشى بالـتمـاريـن صنع الخبير الـلي يعـرف القـوانيـن *** من مصنعه تفقده جرج ابن جـرج ونـيـت هـاف وللـسـريـعـات سـبّـاق *** يركـب عـليه من الشغاميم سـواق قـم يـا نديـبي مـد عسـاك مـا اتعـاق *** هاك الرسالـة حطها داخـل الـدرج سافر بحفظ الله عسى الرب يرعاك *** ود الـرسالـة بالـعـجـل لا عـدمنـاك ملـفـاك بـيـت العـز والـمجـد ملفـاك *** بيت الندى شيّد على مدخل الخرج تلقـا مضيـف الشامـري بالـرفـيـعـه *** بيـت ابن معضـد للهواشل شريعـه مـن لا بـة العجمـان ما هـم نـزيـعـه *** من روس يام ودونهم يقصر الهرج ملفـاك شيـخ مـن مشايـخ بـني يـام *** ساس المروة والفخر حضرة حزام عـاداتـهـم بـالـكـون يـمـشـون قـدام *** وعـن الهزيمـة خيلهم كنهـا عـرج عجمـان نعـم الحي لا قـيـل عجمـان *** الـلا بـة الـلي بـالـملازيـم شجعـان وأن جالت الخيلين بالكـون فرسـان *** يـوم المعـارك ضربهـم للعـدا زرج واخـص فـي مـدحي صناديـد شامـر *** ادنـاهـم الـلـي فـي حيـاتـه ايغامـر شروى حزام إلى اعتلا سرج ضامر *** قـرم نطيحه باللقـاء يخلي السرج سليـل ابن خرصان راعـي الركايـب *** حـامي ونـيـات النضى بالحـرايـب حافظ على الزرفات عوص النجايب *** لماسمع حس المنادي على البرج اللي رقى مـن فـوق صرح المعـالي *** سامه بغالي الروح والعمر غالـي الـعـز الأ قـعـس عـقـبــه لـلعــيـالـي *** صـوارم يثـنـون بالموقـف الحـرج والخـاتـمـه يـا سامعيـن ابـن عـبـار *** صلـوا على اللي للمخاليق مختـار عـد الغصون وعـد شتلات الأشجـار *** واعـداد مـا تثمـر بساتين بالمـرج * وهذه الأبيات أيضاً قالها عبدالله بن دهيمش بن عبار العنزي يسند على الشيخ حزام بن معضد الخرصان : 100 قـال الـذي شـال الـقـلم بـيـن انـاملـه *** سجـل قريح القول واختار صامله منظـوم مـا قـالـه عـلى شـان غـايـه *** ومن لا طلب مولاه ما العبد دام له قـم يـا نديـبي فـوق مـا يبعـد المـدى *** هـافٍ مـعـداتـه لـلأسـفـار كـامـلـه مـن نـوع فـرت الـلي قـليلـه مثايلـه *** خطـرٍ يطيـر الهـاف لـولا فـرامـلـه هـاف نجـبتـه نـاجـبـه شـف غايتـي *** سافـر يخـم القـاع والخـط حـامـلـه مرسول صوب حـزام مقـدام شامـر *** يلقـاك بالترحيـب مـا هـي مجاملـه صـنـديـد بـاسـل بالـلـوازم مـجـرب *** كنـه هـديـب الشـام يـنقـل محـاملـه عوص النضى تعرف مفاعيل جـده *** تسـرح بظلـه شمخ النيـب هـامـلـه راعي الركايب يوم عصر النجايب *** مـا حـاول الطـمـاع يـقـرب زواملـه إلى هاجت الهيجـا وكتـم غـبارهـا *** خاب العذول وصارت الحرب شامله من لابة العجمان في حامى الوغى *** نـطـيحهـم بـالـكـون تـكـثـر ارامـلـه * قال عبدالله بن دهيمش بن عبار هذه القصيدة يشكر ناصر بن صالح العرق المري حيث له مواقف تستحق الثناء والعرفان : 101 بديـت بسـم الـلي تعلا عـلى الكـون *** رب العباد أمره على الكاف والنون ادعيه باسمه خالقي واطلب العون *** وارجي الولي ما غيـر ربي رجيتـه ومن بعد ذكرك يالولي نبدع القاف *** امـثـال مـا هـي مـن هـذاريـم بـلاف مثل الجواهر صوغها عند صـراف *** نيـروز مـن كـل الشـوايـب نـقـيـتـه مـا قـلـتـهـا طـلاب بـلـغــه ولا مـال *** الرزق عند اللي على الكون متعـال قـلتـه فخـر بامجـاد ذربيـن الأفعـال *** ولا الـردي مـذمـوم حـيــه ومـيـتـه ولا قلت مقصودي على شان غايـه *** اسند عـلى الـلي ما يحـب الدعايـه ناصـر بفعـل الطيـب فـيـه الكـفـايـه *** سـوى جـميـل وبالمـدايـح جـزيـتـه يستاهل التمجيـد مـن يفعـل الطيـب *** اللي حفـظ سلم العـرب والمواجيب قـرم العـيال الـلي مضالـه تجاريـب *** نـادر صوارم يـرفع الـراس صيتـه نـاصـر ابـن صالـح زبـون الـونيـه *** ساس المكـارم والصخـى والحميـه ربـعـه بـني مـره عـريـب السـميـه *** الـعـرق بـاشـعـار المـدايـح عـنـيتـه ناصـر بتمجيـده تفيـض القـريـحـه *** شـرواه يـشـتـاق الضميـر لمـديحـه نسل العروق أهـل الوجيه الفليحـه *** مجـده عـلى بيض الصحايف قريتـه منجوب ساسـه مـن صواريم مـره *** ريـف الصحيـب وللمـعـادي مضـره الصيرمي صـرح الشـوامخ مـقـره *** روس العـوالي يا أبن صالح رقيتـه ناصر جمع بين الشهامة والأخلاق *** يسعى عـلى العـليا وللمجـد عشّـاق من عصـر جـده كان للطيب سبّـاق *** ويشهد عـلى ما قـلت من زار بيتـه جمالته طـول الزمن دوم ما انسـاه *** اطلـب لـه التوفيـق من عـند مـولاه عـلى خـويـه مـا يـغـظـلـم امحـيـاه *** ويفـزع إلـى منـك زهـمـت ونخـيتـه نـقـلـت عـنـده حـيـث قـربـه نــوده *** الـقـرم ذخـر الـلـي ظـروفــه تـحـده الـظـرف لشخـوص الحمـايـل نعـده *** ولا عـلى الخـايـب سكـت و كميتـه الـلاش مـا نشكي عـليه الظـروفـي *** نشكي عـلى الطيـب إلـى قال يوفـي الـلـه يفـكـه مـن جـميع الصـدوفـي *** حـيثـه إلـى حـدن زمـانـي نـصيـتـه عـز الرفيـق الـلي تراثـت اشغــالـه *** من يـزبـنـه ملـزوم يـلطـف بحـالـه الـشـاهـد الـلـه لـه عـلـيـه جـمـالـه *** فضـلـه ولـو طـال المـدا مـا نسيتـه شكيـت لـه مابـي مـن المـال عـازه *** لـكـن حسـب ظـرفي طلبـتـه اجـازه عنـدي عمـل مطلوب مـني انجـازه *** وضحـت مطلـوبـي وسـدي بـديـتـه قال ابـرك الساعات يأتيـك ما تريـد *** يالوايلي مرخوص من دون تحديـد وأن كـان ما تكفيـك نعطيـك تجديـد *** ولا ترجع الا أن كان شغلك قضيتـه واخـبـرك يا سـامع كلام ابن عـبـار *** بسم الكريم ختـام منظـوم الأشعـار وصلوا على الـلي للمخاليق مختـار *** الـهـادي الـلـي سنتـه مـا عـصيتـه * وقال عبدالله بن دهيمش بن عبار هذه الأبيات أيضاً يشكر ناصر بن صالح العرق على معروفة : 102 يستـاهـل التمجـيـد والـمـدح ناصـر *** الـبـاسـل الـلي بـالـمـعـالـي مـقــره مـن روس لا بـه طيبيـن العـنـاصـر *** منجـوب ساسه من صواريـم مـره من عصر يام إلى الزمان المعاصـر *** خـويـهــم نـال الـفـرح والـمـســره ستـر العـذارى هـايفـات الخـواصـر *** في ما مضى لهم عـلى الخيل كـره من رفقت الشغموم ما شفت قاصـر *** دايـم خـويـه مـا تـجـيـه الـمـضـره غديـت من كثـر المشاغـل محاصـر *** لـكـن كـفـاني طـيـب السـاس شـره * وقال عبدالله بن دهيمش بن عبار هذه الأبيات تهنئة بمناسبة ترقية الرائد ناصر بن صالح العرق المري إلى رتبة مقدم : 103 انـسـر بـالـي يـوم قـالـوا تـرقــيــت *** مـبـروك تـرفـيـعــك بـرتـبـة مـقـدم تسـتـاهـل الترفيع يا طيّـب الصيـت *** ومـن جـاد سـاد ولـلـمعـالـي تـقـدم لا جيب ذكرك قيل يا نعم ما اطريت *** والـلـي عـنـالـك خـاطـره مـا تخـّدم يـعـل مـا تشمـت عـليك الشواميـت *** شـروى جـنـابـك مـادحـه مـا تـنـّدم من روس لابه بالسنين الشحاتيـت *** أهـل صـيـانـي بـالـمـفـطـح اتـيـــدم تسقي اعداها من شراب الحلاتيـت *** وقـت اللـقـاء بأيـمانهـم ينـثـر الـّدم واظـن بليـا الساس ما يبـتني بـيـت *** لـو طـال حـيـطـه يالسنـافـي تـهـّدم وختامها على اشرف الخلق صليت *** عـد الـمـزون الـلـي خـيـالــه تـّردم * وقال عبدالله بن دهيمش بن عبار العنزي هذه القصيدة يثني على أهل مدينة حرمة في سدير : 104 سر يا قلم واكتب عـلى كيف ماريـد *** مـن قـاف ابن عبـار سجـل مثـايـل امثـال مـا تـنقـد عـليهـا القـواصيـد *** انـظـم عـذيـات الـبـيـوت الـجـزايـل مـن خـاطري سجلتهـا عقـب تأكيـد *** اثني على اللي مـا بهـم قـول قـايـل الربع أهـل حرمـه قـروم الصناديـد *** عـزوة عـقيـل النـافـليـن الحـمـايـل والمـدلـج الـلي يـدركـون التحاميـد *** عـاداتـهـم بالطيـب حـوش النفـايـل اخص عقب حسين من دون تفـنيـد *** واعــم بـالـتـمـجـيـد كـل الـعــوايـل ربـعٍ لـهـم بالـطيـب عـاده وتعـويـد *** ريـف الهـواشـل مكـرميـن النزايـل مضيـت مـدة بـيـنهـم تـشبـه العـيـد *** بيـن الفيـاض المعـشبة والخـمايـل وسـط الصياويـن الكبـار المشـاييـد *** فـيهـا النشـامـا كـاسبيـن الـنـفـايـل يا بـعـدهـم عـن الـردى والـمنـاقـيـد *** ويا قـربـهـم للمـوجـبـه والفضايـل نـعـم بأهـل حـرمـه قـروم الأوالــيـد *** تاريـخـهـم مشـهـور والـجـد وايـل يوم السيوف ويوم عصـر البواريـد *** يـروون حـد المـرهفـات الصقـايـل هـم لبعـضهـم بالـلـوازم عـواضـيـد *** يا ما نحـوا عـن دارهـم كـل عـايـل لـهـم بمنظـوم الشـويعــر تـمـاجـيـد *** موروث من عبـر السنين السمايـل أبـن بشـر يـذكـر صحيـح الأسـانيـد *** وتاريخ أبن عيسى يوضح سجايـل وتاريـخ ابـن لعبـون يـذكـر بتحديـد *** سجـل نسبهـم بالعـلـوم الصـمـايـل مـا مـنهـم الـلي قيـل مجـنـاه تقـليـد *** من روس وايل من إعـزاز القبايـل يـوم الظعون اتسيد في نجد واتميـد *** يـوم العـرب ما بيـن صايل وجايـل حمـوا شتيـل غـروسهم والمعـاويـد *** ولا ساقـوا الخـوات لـو هـم قلايـل امجادهم مبـطـي عـليهـا شـواهــيـد *** يـوم المراجـل حصلـوا عـلم طايـل امجـاد ماضيهم مثـل شـامـخ الحيـد *** والـيـوم لا زال الـفـخـر بـالسـلايـل نفخـر بهـم لـو يزعلـون الحواسيـد *** والـنعـم والـلـه فـي كـرام السبـايـل مـجـدتـهـم بـالـقـاف مالي مقاصيـد *** إلا الـفـخـر فـي طـيـبيـن الخـصايـل ثـم اسمحو لي كان للوصف ماجيـد *** والـمـعـذرة يـا كـاسبـيـن الجمـايـل وصلوا على اللي زال دين الملاحيد *** مرسل من البـاري بخيـر الرسايـل يتبع
التعديل الأخير تم بواسطة عبدالله بن عبار ; 06-29-2022 الساعة 08:06 PM |
|
|
|
|
06-26-2022, 07:08 AM
|
#10 |
|
صاحب الموقع
تاريخ التسجيل: Mar 2008
المشاركات: 10,251
|
تابع
* قال عبدالله بن عبار يثني على دميثير بن عجاج الحبلاني : 105 راكـب الـلي كـنـهـا هـيـق الـنعـامـة *** من طـراز الجمس توي له شريـت جـمس شكـمـانيـن تلـقـابـه عـلامـه *** تـفـتخـر بـه كـل ما لأسمـه قـريـت وأن مشى يشبـه لعاصوف الغمامـه *** وأن ركبت الهـاف للهاجس نسيت سافـر المندوب مـن شـرق الثمامـه *** بـيـن خـط مغــرزات وبـيـن هـيـت سـافـر المنـدوب مـن دار اليـمـامـه *** مـن الرياض العاصمة يبي الكويت مع سـمـاهـيـد الـوطى ثـور كتـامـه *** أضبـط السـكـان يـالـسايـق عـليـت ادلـج الـممـشى ولـيـلـك لا تـنـامـه *** وانـتـبـه لـلـمـاشيـة كـانـك سـريـت مـع تياسيـر الـولي يوصـل مـرامـه *** عـنـد ابـن عـجـاج بالـليـل المبيـت ود مـكـتـوبـي ولا تـفــتــح بـلامـــه *** مـا يـفـكـه كـود الـلي يـمـه عـنيـت خـذ كـتـابـي سـلـمـه لأ بـو سلامــه *** حـضـرة دميـثيـر ذخـرك لا نصيـت سـلـمـه سـلـيـل حـمـاي الـجـهـامـه *** خلفت اللي بان لـه بالطيـب صيـت كاسـب المعـروف عنـوان الشهامه *** يـبـدي الـتـرحيـب حـزت لـه لفيـت قبـل ذبـح الحـيـل يقـريـك بـكـلامـه *** والـمهـيّــل يـتـبـعـه تـقـلـيـط عـيـت الـكـرم والجـود هـو جـل اهتمـامـه *** ابـشـر بعـزك يـالـلي صـوبـه بديـت يعلـم الـلـه مـا دخـل عـرقه رخامـه *** مـا يخيـب الظـن كانـك بـه هـقـيـت يـوم خطـو اللاش والعفـن الهلامـه *** لا هي ومشغـول فـي لعـب السبيت يـفـتخـر بـالـجـد وايـنـقـل عـظـامـه *** ما دري أنه صار تحت القاع ميـت يحسـب أن المرجـله كبـر وفخـامـه *** مـن ثـقـل نـفسه يـزوم ولـه قـنيـت خـاضع ومطـواع لأشـوار المـدامـه *** يستـمع لقـوالـهـا سـمـعـه صـنيـت مـن تـردى مـا عـلى فـراقـه نـدامـه *** لـكـن الطـيـب إلـى جـيـتـه رضيـت ولا أبـن عجـاج فعـل الطيـب هـامـه *** هـو غلي عندي وأنا عنـده غليـت والـمـراجـل مـا تجـوز بـلا غـرامـه *** واستعـن بالـلـه كـان أنـت ابتلـيـت أحمـد الـلـه ما نجـي درب المـلامـه *** قـلـتـهـا ولـغـيـر ربـي مـا شـكـيـت وأحمـد الـلـه هـمنـا حفـظ الكـرامـه *** من فضـل رب الخلايـق مـا سعيـت كيف نسعى والمصير قماش خامـه *** ومن يلـح النـاس مـا حظـه بخيـت * وقال عبدالله بن دهيمش بن عبار العنزي يثني على خلف بن دميثير الحبلاني عضو مجلس الأمة الكويتي : 106 يا أبو حبيب إلى مشيتوا على خيـر *** من دار اخـو نـوره لـدار الصباحي ود السلام أهـل الـوجـيـه المسافيـر *** من حين تلـفي في هذيك النـواحـي وصـل تحيـاتـي عـشيـر المـنـاعـيـر *** خلـف سلـيـل مخضبين الـرمـاحـي خـلـف أبـو مشعـل سلايـل دمـيثيــر *** فهيم راي وحاضر الذهـن صاحـي وده سلامـي عـدد مـا غـرد الـطـيـر *** واعـداد ما يكفـخ طليـق الجـناحـي ودي يـا أبـو مشعـل نجيكم مساييـر *** مـا يمـنع المشتـاق بعـد المشاحي شـرواك لـو دونـه بعـيـد المشاويـر *** شـوفـه مناي وبهجتي وانشراحـي ولا الردي صوبـه لـك الـلـه ماسير *** ما يـوم لـه يممت وجهـت مـراحـي اشفق على اللي يقبل الشورويشير *** الـلي لـه بجـلي القـلـوب اقـتراحـي عـنـدي لـلي مثلك حشيمة وتقـديـر *** أهـل الفهامـة والعقـول الرجـاحـي حيثـك من الـلي لـه كرامـة وتوقيـر *** ولا الـردي كـوبـان سـده مـبـاحـي أبـوك وجـدك مـن طـوال الأشـابيـر *** فتخان الأيدي يـوم حمـل السلاحـي واذكـر عزيز الجار ريف الخطاطير *** إلى بار بالصاحب خطات الشناحي أبـو سلامـة مـا يـهـاب الـمخـاسيـر *** كـان اشلهبـت والمكايـل شحـاحـي للصاحـب احلا مـن حليب المباكيـر *** لـكـن عـلى العـدوان سـمٍ اذحـاحـي ولا لي مقاصـد يـوم قـلـت التعابيـر *** لا شك احب امـدح طيـور الفلاحـي ربـعـي بـني وايـل كـعـام الطـوابيـر *** عوق المعادي يوم عصر الكفاحـي نفخـر بطـاريهـم ولا نشمـت الغـيـر *** ومجد الفخر ما اظـن يمحاه ماحـي ثـم اسمحولي كان بالقـول تقصيـر *** وآخـر ختام القيـل نرجي السماحي * وقال عبدالله بن دهيمش بن عبار العنزي يهني عبدالعزيز بن إبراهيم العقيل بالسلامة بعد تعرضه لحادث ويثني على مواقفه الطيبة : 107 يا أبن عقيل الله عن العـوق يا قـاك *** ويضفـي عليـك العافـية والسلامـه وعسى عن العاثـور يحميك مـولاك *** ويكفيك مـن شـر العنـاء والندامـه حـيـثـك كـريـم ولـلـشـرابـيـك فـكاك *** ترفع لـك البيضاء بـراس العـدامـه تـذكـر نـهـار الـلازمـة لا عـدمـنـاك *** مثـل القـمـر نـوره يـزيـل الظلامـه تقـوم بالواجـب عسى اللاش يفـداك *** فيك الصخى والمرجله والشهامـه الـلاش يقـصـر مـا يسـوي سوايـاك *** سرت بنظام أهل الفخر والزعامـه الغـانـمـه يـقـدر لـهـا مـثـل شـرواك *** حـيثـك طـريـق الحـق تتبع نظامـه وأنت الذي للضيف يضحك امحيـاك *** من جاك يبشر بالرضى والكـرامـه والـلـه يـا لــولا الــولـي ثـم لــولاك *** كـود الـردي يمـلـي عـلينـا مـرامـه تتعب على الطولة ولو دونها دراك *** والشاهـد الـلـه مـا تطـولـك ملامـه ولا هي غريبـه حيث ينتبك مجنـاك *** وأنت العريب اللي خوالـه عمـامـه وأنت الذي معروف اصلك ومرباك *** صفـوة عـقـيـل الـلي رفيـع مقـامـه من دور وايـل شامخ المجد منشاك *** بعـيـد عـن عـرق الـردا والرخامـه والكـل يشكـر وقـفتـك مـع دنـايــاك *** الـلـي بـحـزات الـلـزم لـك دعــامـه عسى الولي يا شيخ بالخير يجزاك *** طـوقـتـنـا بالطيـب طـوق الحمـامـه وصـلاة ربـي عـدد مـا يثمـر الـراك *** على الرسول اعـداد نبـت الثمامـه * وقال عبدالله بن دهيمش بن عبار يسند على الأستاذ عبدالعزيز بن عقيل مدير الأحوال المدنية بالرياض يابقاً : 108 يا أبـو عبدالله يـا ذرى كـل محـتـار *** يا ريـف ربـعـه بالسنيـن العـسيـره جيتك اريد الشور يا صلب الأشوار *** وأنـت الـذي بالمـلـزمـة نستـشيـره واخبرك يا مشكاي عن كل ما صار *** وأنـت الـذي تـبـدأ عليـك السريـرة يا مسندي يا مكرم الضيف والجـار *** الـلـه يـفـكـك مـن لـهـيـب السعيـره ناصيك ما قصـدي من المـال دينـار *** ولا ريـد مـن مالـك ولـو ربع نيـره ولا أنـت تذخـر ما بهـا شك وانـكـار *** كان انعـقـد لـولاس حبـل الجريـره حيثـك عـريب ومن طويلين الأشبار *** وعـلى القرايب بـك حميـه وغيـره وأنت الـذي ننصاك بالموقف الحـار *** مشكـور يا عضـد الرفيق ونصيره ولا ردي الـشـان عـن واجـبـه بــار *** كـوبـان مـا هـو بالـلـوازم ذخـيـرة يالنـادر الـلي من صـواريـم سنجـار *** شـرواك تفخـر بـه جميع العشيـرة عـزوتك من وايل هـل السلم والكـار *** نـطاحـت الـكـايـد اسـود الجـزيـرة عـدوهـم مـا يـمـرح الـلـيـل سـهــار *** ونطيحهم بالـكـون يلـقى مصيـره شاهدهم التاريخ في مـاضي الأدوار *** وامجـاد وايـل والمفـاخـر كـثـيـره أولاد وايـــل كــل ديـــره لــهـــم دار *** طالـوا سنـام المجـد في كـل ديـره تـم الجـواب الـلـي بـداه أبـن عـبــار *** عسى يكـون بتـالـي الأمـر خـيـره * قال عبدالله بن دهيمش بن عبار هذه الأبيات يثني على الأخوين الأفاضل مشعان وفرحان ابناء عبر الشديد ابن معقل لما لهما من مواقف طيبه : 109 قـال الذي صاغ المعـاني والأوزان *** وعـذاه عن حكي الخطأ والمناقيد من قاف ابن عـبـار ما فيـه بهتـان *** منطوق قـولي له دلايـل واسـانيـد سجـلت منظومي تشكـر وعـرفـان *** اشكر هل المعروف نسل الأجاويد يستاهـل التمجيـد والشكر مشعـان *** ويزهاه من مدح الفخر كل تمجيـد الـلي بعـلم الطيـب والمرجلـه بـان *** الـنـادر الـلي جـدد المـجـد تجـديـد مشعـان نال الطيب وأخـوه فرحان *** ابـن معـقـل مـن طيبيـن العـواويـد الكـل مـنهـم لـه مكـانـه ولـه شـان *** حـازوا عـلى العليا قـروم الأواليـد شالوا علامات الفخر فوق الأمتان *** وفقهـم الله في مخـاوى الصناديـد الليـث عبـدالـلـه نجبهـم وسلطـان *** نـالـوا رفـقهـم فـي قـرار وتعـاميـد من فضل خلاق المـلأ حـظهـم زان *** بالعز الأقعس رغم انف الحواسيد ما فيه داعي نذكر الدور اللي كان *** منـزالهم في حاضر الوقـت بالحيد يسعـون للطـولات ذربيـن الأيمـان *** والـطيب مـا حـدد للأجواد تحـديـد افخـر بهم ما اجامـل فـلان وفـلان *** واشيـد بالطـيـّب ولالـي مـقـاصيـد واليوم للمعروف والفضل جحدان *** عنـد الرجال أهل الحظوظ المقاريد لـو طبت بالحساد يبقـون عـدوان *** ولا تكترث بأهـل النفوس المحاقيد اعتز وافخـر في مشاهير الأعيان *** واغتـم من عـلم العفـون الرعاديـد افرح إلى مدحوا من الربع فدعان *** واعـد بالماضي حمايـل ضنا عبيـد وامجـد الـويـلان حضره وبـدوان *** مـا عـقـبـه عـنـاز مـن دون تفـنيـد اقـولهـا ولاني بمـا قـلت غـلطـان *** والشـاهـد التاريخ والسجـل والقيـد ولا يفهم المكنون والقصد كوبان *** الخـايـب الـلي مـا يـعـرف التقـاليـد هذه أبيات مسندة على العميد مشعان بن عبر بن معقل العوادي من شعر عبدالله بن دهيمش بن عبار : يا ابـن معقـل بالفخـر لـك بـاع طايل *** الفـخـر والمـجـد يـا مشعـان نـلـتـه يا أبـو عبدالـلـه تـرى ينخاك هـايـل *** يـنتـظـر تـنجـز وعـدك ولا نـقـلـتـه وأنـت دايـم عـادتـك تـفـعـل جمايـل *** مـا أحـد يـنـسى الجميل الـلي فعلتـه تـبـذل المجهـود في شتّى الوسايـل *** ومـن نصاك بـلازمـه جهـدك بـذلتـه * قال عبدالله بن دهيمش بن عبار هذه القصيدة يثني على خالد بن حمود السبيعي أبو سلطان : 110 بسـم الـذي شـاد الجـبـال الطـويـلـه *** رب الـمـلأ بـاسـط سمـاهيـد قـاعـه كـل العــبـاد رقـابـهــم لـه ذلــيـلـــه *** تـبي العفـو تـرفع اكـف الضـراعـه مـولاي مـالي غيـر لطـفـه وسـيلـه *** يا رب عفـوك لا تحرمنـا الشفاعـه يوم الحصاد ويوم حوش الحصيلـه *** نعـوذ بـالـلـه مـن بـوار البضـاعـه باسمه بديت وخاطري هاض قـيلـه *** والقـاف من فكري يطيب استماعه والشعـر فـي معـنـاه نظمـه فضيلـه *** ويعـد فعـل أهـل الكـرم والشجاعـه والشعـر بـه يحفـظ تـراث القـبيـلـه *** ومجـد الحمايل خلـده عـن ضياعـه ابـي اسنـده لـلـي عـلـومـه جـليـلـه *** خـالـد بعــلـم الطـايـلـه طـال بـاعـه اثني على ابن حمود واشكر جميله *** خـالـد عـرفـته واعجبـني اطبـاعـه أبـو سلطـان الغـانـمـة تستـوي لـه *** غيـر الكـرم والمـرجلـة فيـه طاعـه حـيثـه عـلى دروب المكـارم دلـيلـه *** علمه ظهـر بالطيب عنـد الجماعـه يتعب عـلى حوش الفخـر والنفيلـه *** عـاف الطمان وهـام راس الرفاعـه قـلتـه ولا عـنـدي لـزوم اشتكي لـه *** لا شك اللي شرواه عـرفه اطماعـه والمـال مـا عـز الـنفـوس البخـيلـه *** العـز الأقـعس والـفـخـر بالـقـناعـه والمـرجلـه عـلى الـردي مستحيلـه *** وش عـاد لـو غش العـباد بخداعـه وقـلبي يا أبـو سلطان زاود غـليلـه *** شفت الزمان اللي تكشّف اقـناعـه اشـوف نـاس من الطغى مستزيلـه *** من عـقب ما كانـوا بفقـر ومجاعـه جـانـا زمـان مـروجـيـن الـرذيـلـــه *** وضع الخلايق هـال فكـري وراعـه العـصر الأول راح يا القـرم جـيـلـه *** واليـوم عصـر الخنفسه والميـاعـه خطـو الغلام الـلي عسى الله يزيلـه *** راسه صديع ولا بري مـن صداعـه يمشي مع المخلوق مثـل الهبـيـلـه *** وسـايـل الألـحـاد عــبـت انـخـاعـه يـعـق ابـوه ويـحـتـفي فـي زمـيـلــه *** ويجهر بمفعول الـردى والقطاعـه حـتى امـه الـلـي بالكـواهـل تشيـلـه *** وتـكـفـلـت بـغـذاوتـه والـرضـاعـه كـوبـان يحـرق كـبـدهـا بـالـمـلـيـلـه *** والقـلب تكتـم حسـرتـه والـتيـاعـه ملـزوم نـتـرك كـل شخص بسبـيـلـه *** نطلب ولي الكون يصلح اوضاعه وصلـوا عـدد ما هـل مـزن المخيلـه *** على النبي في كل لحضه وساعـه * قال عبدالله بن دهيمش بن عبار يسند على عيفان بن خضير المصربي : 111 سميت بسم مكون البيض والسود *** مجـري الفلك علام في كل ما كـان مولاي بساط الوطـأ شامخ الطـود *** مروي محيل القاع من غرالأمزان أدعيه والجأ له عـن الكيد والكـود *** واعوذ به من كل مغوي وشيطان بسم المهيمن مطلع القاف مشدود *** من خاطـري سجلت بالبوك قيفـان سلام يهـدى بعـاطـر الـنـد والعـود *** ينفح عبيـره مع شـذا ورد ريحـان الـذ واعـذب من لبـن شمخ الـقـود *** واحلا من السكر مع الشهد بدهان مني سلام اعـداد مـا هبهب النـود *** مهـديـه مع جـزل التحـيـة لعـيفـان قـرم العيال الوايلي صاحب الجـود *** والنعـم والله في جناب أبو سلمان ما بار بالواجب لـو الدخل محـدود *** يفـرح اليا جوله هواشل وضيفـان عيفـان طيبه لـه براهين واشهـود *** المكـرم الـلي عادتـه يذبح الضـان يفداه مـن هـو ناظـره دوم معـقود *** دايم معنكض حاجبـه تقـل زعـلان ولا ترى ابن خضير ماداس منقود *** وعن واجبه ما هو لك الله كسلان ساسه عريب ولا بتـه خلفة العـود *** اللابـة الـلي يـوم الأكـوان فـرسـان مجده تسلسل من معلا إلى حمـود *** مـن عـيد عـزيـز الطنـايب كحيلان قـلته ولالي عنـد الأجـواد مقصود *** لكـن معـزه فـي مدايح هـل الشـان اعتـز بالـلي لـه بالأمجـاد مجهـود *** ولا امجد الهلبـاج والنـذل كـوبـان عـلم الفضيله غايـة الربح والفـود *** ومن لا يفـوز بطيّب العلم خسران ودنياك تأتي دوم بالنقص والـزود *** ومن يسعـد بدنياه كاسب وربحـان بالناس من دايم زمانـه فـري قـود *** وبهم الذي مع الزمن دوم جنجـان وصلوا على من سنته قول مسنود *** اللي ارسله مولاه للأنس والجـان * وقال عبدالله بن دهيمش بن عبار هذه القصيدة يثنى على حمد بن منصور المالك رحمه الله : 112 سار القلم يكتب مـن الـزاج بسطـور *** ابيات في صفحات بيض القراطيس فيض القريحة من شذا ورد وازهور *** ينفح عبيـره مـع هـبوب النسانيس يـفـوح كـنـه ريـح عـنـبـر وكـافــور *** ولا كـمـا عـطـر الحـدايـق ابـاريـس مثـل النفـل ينبت على جال أبا القور *** بـيـن الحـزوم النـايفـة والطعـاميس روضه خصيب وبه زماليق واقفـور *** باول شهر نيسان والعشب ما ديس منه اقتطفت القاف بحساس وشعور *** من جوهرالخاطرمشاعروأحاسيس ذكـرت فعـل الـلي لـهـم بالفـخر دور *** نفـخـر بطـاريهـم وهـم بالـرواميس الـلي لمـن يزبـن عليهـم تقـل سور *** يوم الفخريطلب على الخيل والعيس منهم حمد علمه مع الناس مشهور *** صيتـه ظهـر بالمـرجـلة والنواميس حمد رفيع الجاه من عـقب منصـور *** من مالك ومالك تسلسل من رسيس يوم الزمان الشين بالطيـب مـذكـور *** ريـف الهواشـل بالسنين المناحـيس من ضاف بيته قـال بالخيـر مذكـور *** نبـاه عـن ضيفـه يـزيـل الهـواجيس وإلى مضى من مقـدم الليـل داجـور *** بـابـه مشرع للطـروش الـمـراويس فـي مجـلسه تلـقـا معاميـل وانجـور *** والبـن الأشقـر ينحمس بالمحاميس والهـيـل بالفـنجـال للضيـف مـديـور *** مع القـدوع اخلاص طلع المغاريس ومن بعـدها قـدم مـن الـزاد ميسـور *** عـيت الغنـم فـوق الصياني مفانيس ومن قبـل لا يمشون مع فجـة النـور *** يملأ المـزاهـب مـا تـركهم مفاليس حـمـد ابـو إبـراهيـم بالبـذل مـاجـور *** على الفضايل كرس الجهـد تكريس غيـر الكرم والجـود فاضـل ومنعـور *** نـفسه رفيعـه مـا مـشى بالـدنافيس من يقصـده في لازمـه راح مسـرور *** والمال ما همه ولـو يفـرغ الـكـيس غيـر الغـنم يـذبـح من الكنس الخـور *** يـوم الرخـوم يوفـرون الحراسيس وأن كن عـن عـلم الفخـر كـل مثبـور *** يجزم على الطوله إلى دوبح الهيس نال المفاخـر صايـب الـراي والشـور *** حلال عسرات العـقـود واللـواليس من طـاب فـعـله بالتـواريـخ منـشـور *** وحمـد فعـالـه بالفخـر مالهـا قـيس والفعـل كـل الـلي يخبرونـه احضـور *** صحيح ما قـلتـه هـقاوي وتوهيس وأيضاً أخـوانه ما بهم شك واقصـور *** عبـدالـلـه ودخـيـل مـاهـم هلابـيـس وانجـال مـالـك كـلهـم مـاكـر اصـقـور *** ماكر صوارم مـن نـوادر قـرانـيس اغـلـبـهـم الـلي صـار بالعـلـم دكـتـور *** ولهم على صرح المعالي مجاليس والشاهـد الـلـه ما ممـاشيهـم احـدور *** مـا اقولهـا قصـدي تملـق وتدليس واطلب عسى ذنب الذي مـات مغفـور *** وعساه يسكن عاليـات الفـراديس وصلـوا عـلى المختار بالحـق مامـور *** هوالذي كافح هوا النفس وإبليس * وقال عبدالله بن دهيمش بـن عـبـار هذه الأبيات من قصيدة يسند على سالم بن سويرح العنزي : 113 يـا نـديـبي شـد لـي مـن فـوق هــاف *** مـن طـراز الفـرد بـالممشى هـميـم كـن صبـغــت بــويـتـه دم الـرعـــاف *** أو شفـاق الشمس لـو تسطع بغيـم يـوم تـلــه مـن غـبـاره مـا أيــشــاف *** كـنـه الـصاروخ تـوحـي لـه رزيــم مع سماهيـد الفـلا يـوهــف أوهـاف *** راج بـالبـيـداء مـثـل روج الـظـليـم للشفـر والجمـس والمـورات طـــاف *** سـار تـقـل مكـلـفـه رتـبـت زعـيــم شــال خــط مـزرفـيـنــه بـالـغــــلاف *** دون سـالــم مـا يــبــات ولا يـقـيــم بـه سـلام وفيـه شكـوى وفيـه قــاف *** مـن صميـم الجاش مـا قالـه غشيم * وقال عبدالله بن دهيمش بن عبار يثني على هليل بن فرحان بن خلاف الغضوري العنزي : 114 يـا أبـو جـزأ كـل القـصائـد قـريـتـه *** نـوادر الـشـعـار بـالـمـدح يـثـنـون من جـاد كفـه يشهـر المـدح صيتـه *** ولا اخبر اللي ينظم المدح بعـفون أنـت الـذي بالطيـب مدحـك شريتـه *** نفخـر بفعلـك ما بها شك واظنـون اللي فـتح لشخوص الاجـواد بـيتـه *** هو الذي عرضه عن الذم مصيون اعـتـز فـي عـلمـه ولا يـوم جـيـتـه *** واعتـز باللي فـي مديـحه يشيدون مشكـور حـيثـه زارنـي والتـقـيـتـه *** فرحت في شوفه وأنـا منه ممنون أبـو جـزء عـلى الكـرامـة دعـيـتـه *** وتكريم اللي شرواه واجب وقانون لكـن يقـول أن الوعـد مـا عـطـيتـه *** عندي مشاغـل والرفاقه يخبرون يـقـول لـيتـه يسـمح الـوقـت لـيتـه *** فنجـال والتقـديـر بالصـدر مكـنـون وطاوعت شور الوايلي ما عصيته *** أبو جزء ما هـو مـن اللي يشكون * وقال عبدالله بن دهيمش بن عبار هذه الأبيات يسند على ضامن عبيد : 115 راكب اللي مـن مصنعـه له ضمانـه *** شـد الجـميح مـن الـوكـالـه كفـلهـا مـا دخـلـت تـصليـح ورشة صيـانـه *** شحـن التريـله مـا تحـرك عجـلهـا يـا سعـد من هي بـالسفـر سبرمانـه *** ركـابـهـا إلــى راد ديــره وصلـهـا وأن سـار بالـقـاع الـدمـاث الليـانــه *** يجـتـازهـا مـا هـو بحاجـت دبلـهـا تـلفي عـلى الـلي بـان بالناس شانـه *** الـلـي جـزيـلات الهـرافـي جطلهـا وأن غـاب تـلـقـا مـن يـسد بـمكـانـه *** قـرم العـيـال الـلي المراجـل فعلهـا أبـوه بـالـتـرحـيـب يـلـهـج لـسـانـــه *** كـلمـات تـرحيـبـه تـنـاقـط عسلهـا ومن حيـن تـلـفـي يلتقـونك أخـوانـه *** وينزال عن نفسك غلايـل زعلهـا عـطـه الـجـواب الـلي يـميّـز أوزانـه *** ما قلـت منطوقي تـقـل خبـط بلهـا كيـف الـوعـد يـالـقـرم طـول زمـانـه *** بالباء هـو والكاف والـراء وألهـا مـن شـام يصعـد ما نـزل بـالطمـانـه *** يرقى بعـوالـي شـم شـامخ جبلهـا وأهـل الـضـلالـة والـردا والـلعــانـه *** تحيـد عـن منهـج تـقـاليـد أهـلـهـا ومن كـف شره مـا تبي من أحسانـه *** والـناس بـالـبـاطـل تـزاود جهلهـا الـنـاس تـاقـت لـلـردا والـخـيـانـــــه *** سـود القـلـوب الـلي خبيث عملهـا وبعض العرب تمسك طريق المهانه *** ممشى الدروب العايزة مـا خجلها وبعـض العـرب عـنده تضيع الأمانه *** كـم واحـد شـال الأمـانـة وأكـلـهــا عـنـد الـحـمـايـل لـلأمـانــه مـكـانــه *** حطت على راس الجبل مـا حملهـا التعديل الأخير تم بواسطة عبدالله بن عبار ; 06-29-2022 الساعة 09:10 PM |
|
|
|
|
«
الموضوع السابق
|
الموضوع التالي
»
|
|
|
|
||||||||||||||||||||
|
||||||||||||||||||||||
|
|
|
|
||||||||||||||||||||
العرض المتطور
|
|
الساعة الآن 02:22 AM.
 |
|
 |
