الإهداءات

 

 

   

 

    
  

 


    -  تعديل اهداء
العودة   موقع قبيلة عنزه الرسمي: الموقع الرسمي لقبائل ربيعه عامه و عنزة خاصه ركن الأدب الشعبي الركن الخاص بقصائد الشاعر حمد بن سالم الضوي
الركن الخاص بقصائد الشاعر حمد بن سالم الضوي كل مايخص قصائد شاعر قبيله عنزه الشاعر حمد بن سالم الضوي
 

إضافة رد
 
   
أدوات الموضوع انواع عرض الموضوع
 
قديم 02-25-2013, 10:50 PM   #1
المراقب العام
 
تاريخ التسجيل: Nov 2010
المشاركات: 605
افتراضي {{ منهج أجداد وحفظته مثل حفظي للعباده }}

أحبتي أضع بين أيديكم هذه القصيده والتي تشرفت بإلقائها بالحفل الذي
أقامه الشيخ/هزاع بن عايش أبالروس على شرف كلٍ من
الشيخ/ سعود الصباح و الشيخ/ مسلط الهذال

الذين قاموا له بزياره من دولة الكويت الشقيقه
وذلك في مزرعته الكائنه في منطقة القصيم





من هجوسٍ يوم ندعيها تجينا بالجدايد =ولاتجيب إلا البيوت اللي جديره بالإشاده
عودتنا بالجزايل والنوادر والفرايد =تستمر تجيب حتى تلحق الشاعر مراده
شاعر ٍ لاهد فكره مايعوّد غير صايد =مثل حرٍ هده الصقار وإعجب في هداده
شاعر ٍ واعي جنى من سالف أيامه فوايد=مايمر بيوم ٍ إلا أعطاه درسٍ وإستفاده
إن تكلم منطقه موزون وعلومه ركايد =مايجيك بعلم ٍ إلا ثابت ٍ عنده وكاده
جاء يسلم ويتشرف في لقى وساع البنايد= والأكيد اليوم هذا يعتبر ثالث عياده
مرحبا ترحيب حسب العُرف وسلوم وعوايد =منهج أجداد وحفظته مثل حفظي للعباده
بـ من تعنّا من قريب ديار وإلا من بعايد =مرحبا مايقبل التقليل قابل للزياده
في محلٍ يجمع الوافين من كل البدايد =حضرة أصحاب السمو وإلا المعالي والسعاده
عند داعينا رفيع الذات كساب المجايد =شيخنا هزاع ربه بالكرم والخير زاده
عنه أرحّب عد ماينشر بطيّات الجرايد =وماتبثه شاشة التلفاز بمباشر وإعاده
مرحبا بـ بن صباح اللي على الروّاد رايد= من الكويت يمثّل الحكّام ويمثل بلاده
مرحبابك يا سليل الجود كساب الحمايد =سعود من آل الصباح أهل الشيم وأهل الرياده
ذات جود لـ شعبهم مداتهم ماهن زهايد = دوّن التاريخ سيرتهم على طول إمتداده
والكويت بحكمهم متهنيه والخير سايد = شيوخ نسل شيوخ ومن أول زمن حكّام ساده
الصباح اللي يخلون الصّعَب معسوف هايد= كم عنيد ٍ طوعوه وحولوبه عن جواده
للصباحي منجزات عظام وأمجادٍ خلايد = ومركبه وسق الشداد ولايحول عن شداده
وفيه تربطنا القرابه والمذاهب والعقايد = والحكم يحتاج حزم وصبر وإصرار وجلاده
ومرحبا بالشيخ بن هذال حلال العقايد = شيخنا اللي في يديه الحبل حله وإنعقاده
شيخ ينطح للصعايب مايهمّه كل كايد = يوم بعض الناس لو حمله خفيف شوي كاده
مسلط اللي لاوعد يفعل ويافي بالوعايد = راس قوم وطول عمره ماتعرّض للنقاده
ذاخرينه للقبيله درع وحزام وسنايد = ينطح الجمع الكبير بكنّته وإلا براده
بـ كل قوّه لادعاه الزّام يقدم مايحايد = ولو عطاء أمر لـ عزوته عنّاز يبشر بإعتماده
فيه عزة نفس دمث أخلاق فيه اللين زايد= غير عند الحق حازم لاتغاضي لاهواده
في مثل شرواه نفخر ياعسى أيامه مدايد = لاغرابه يوم يفعل طيب فيه الطيب عاده
وعذروني جاركم ربي من صدوف ونكايد = وأختم الموضوع بعد ضهار فحواه ومفاده
مايوفيكم كلام ولاتوفيكم قصايد = والمقام أكبر من إطراء كل شاعر وإجتهاده
والنهايه كل رجّالٍ لـ صرح الطيب شايد = يستحق إنه يلبّس له على المتنين راده
__________________

نقره لعرض الصورة في صفحة مستقلة

التعديل الأخير تم بواسطة حمد الضوّي ; 02-27-2013 الساعة 07:43 PM
حمد الضوّي متواجد حالياً   رد مع اقتباس
قديم 02-26-2013, 04:18 AM   #2
شاعر
 
تاريخ التسجيل: Jul 2010
المشاركات: 667
افتراضي

الله الله تسلم والله يالشاعر حمــد الضوي صح لساانك !!
الرجال العنزي غير متواجد حالياً   رد مع اقتباس
قديم 02-26-2013, 06:28 AM   #3
صاحب الموقع
 
تاريخ التسجيل: Mar 2008
المشاركات: 10,236
افتراضي

صح لسانك يا أخ حمد وهؤلاء الرجال يستاهلون والحقيقة أن أبو فهد دعاني ولي الشرف أن احضر ولكن حصل مواعيد اضطريت أن لا احضر وأنت قمت بواجب كل عنزي نحو نجل شيخ الشيوخ وجزاك الله خير

التعديل الأخير تم بواسطة عبدالله بن عبار ; 11-09-2022 الساعة 04:45 AM
عبدالله بن عبار متواجد حالياً   رد مع اقتباس
قديم 02-27-2013, 10:24 AM   #4
فئه صاحب الموقع
 
تاريخ التسجيل: Aug 2008
المشاركات: 1,538
افتراضي



نعمٍ بك وبأهلك وأجدادك الكرام أخي العزيز حمد، وأنت ممن يمثلون القبيلة ونفخر بشخصك العزيز وبنهجك الكريم وفقك الله، وصح الله لسانك وبنانك على ما أبدعت وقلت في هذه القصيدة العصماء بمن يستحقها ممن نفتخر ونعتز بهم وبسيرتهم وبمكانتهم أجمعين ..

وقد أوفيت وكفيت بالترحيب بنجل شيخ مشائخ قبيلة عنزة الشيخ مسلط بن زبن الهذال أبو فهد حفظه الله ورعاه وصحبه الكرام أبناء الكرام، ونسأل الله أن يلبسه ثياب الصحة والعافية وأن يطيل بعمره ..
محمد بن دوهان متواجد حالياً   رد مع اقتباس
قديم 03-03-2013, 12:35 PM   #5
نائب صاحب الموقع
 
تاريخ التسجيل: Dec 2007
المشاركات: 1,258
افتراضي

صح لسانك اخي حمد الضوي على ماقدمت قصيده جميله رعاك الله وابقاك
متعب الفققي متواجد حالياً   رد مع اقتباس
إضافة رد

 
المواضيع المتشابهه
الموضوع كاتب الموضوع المنتدى مشاركات آخر مشاركة
أبو بكره الترباني....منهج ابن عبار في الأنساب سقيم..!!!! ولد عبد الرحمن الأنساب العام واستفسارات الأنساب 14 11-04-2013 06:34 AM
المدخل الى منهج الحمداني في علم الأنساب . للمؤرخ احمد ابوبكرة الترباني فيحان العنزي الأنساب العام واستفسارات الأنساب 1 02-08-2011 07:18 PM
منهج ( الـنـاقـد ) ..... ورد العاقل عليه ..! خالد الخرشاوي سوالف التعاليل 1 07-15-2010 12:55 PM
نقد منهج عبدالله العبار سلطان السلطاني الأنساب العام واستفسارات الأنساب 15 05-17-2010 08:45 AM
هل هذه سلسلة أجداد صحيحه ؟ العمارات الأنساب العام واستفسارات الأنساب 2 04-30-2010 10:13 AM
 

أدوات الموضوع
انواع عرض الموضوع

 
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

 
 
 

الساعة الآن 09:20 AM.


Powered by vBulletin® Version 3.8.8 Beta 3
Copyright ©2000 - 2024, Jelsoft Enterprises Ltd 
vEhdaa 1.1 by NLP ©2009