قصيدة الشاعر منصور بن حواس الخضع والرد عليه

قال منصور بن حواس الخضع هذه القصيدة يسند على عبدالله بن دهيمش بن عبار :
مـن صـدّق الـتـايـه بـأنـه دلـيـلـــــــه *** يـبـي الـدليلـه تـايـه الـراي يـتـلـيـه
والصـاحـي ما هـو تـابـع لـه هـبـيلـه *** ومن يتبعـه يبشـر بقلعت مضاويـه
سـلـم عـلى حـبـس الضـعـن بالدبيلـه *** سيف ينومس عنـد الأجناب طاريـه
يـا عـنـك مـا هـو جـايـب لـلـفـشـيـلـه *** ولا عـلى الـلي يلمـزونـه مشـاريـه
ومدحه مع اصحاب السمو والفضيله *** ومع كل من يخشى من الظلّم واليه
ستيـن عـام ولا انقـطـع جـري سيلـه *** الـلـه وخـلـقـه خـابـر طـاش واديـه
مـانـي مـجـازي بـالمـسـبـه جـمـيـلـه *** ولانـي مـدوّر سـيتـه عـن حسانيـه
عـبـدالـلـه العـبـار راعـي الـجـزيـلـه *** الـلي حـفـظ ديـنـه ولا هـام بالتـيـه
ومن لا وفى عـلى النقى مع عميلـه *** مـثـلـه ومـثـل الـلـي يـبـادل اذانـيـه
ومن يرخص الأخلاق لأجل القبيلـه *** الأصـل مـا يـنفـع إذا خـاب راعـيـه
ومن لا نفـض جيبـه يطيـح بشليلـه *** لابـد ما تفـتـل هـل الصنع شاصيـه

قال عبدالله بن دهيمش بن عبار هذه القصيدة جواب لقصيدة الشيخ الشاعر منصور حواس الخضع :
مـبـداي فـي مجـري نـهـاره ولـيلـه *** الواحـد الـلي كـل مخـلـوق يرجيـه
وبعـد ذكـر الله خاطري هاض قيلـه *** منظـوم تنبـع من ضميري قوافيـه
جـواب شعـر الـلي اخـلاقـه نـبـيلـه *** القرم منصور الخضع عـز ناصيه
افخـر بالـلي شـرواه مـن بـد جـيله *** منصف وربه سامك العرش مهديه
عـوايـده يجـزع اليـا شـاف عـيـلـه *** والـلي تـلـفّـظ بالـردى مـا يـدانيـه
ما هـو رفيـق الـلي علومه رزيـلـه *** شين الضمير الـلي تفشّل مهاجيه
يـفـداه الـلـي لـه المـسبّـه وسـيـلـه *** بـارع بظـلم الناس وإبليس مغويه
البـاغـي الـلي ضـيّـع الـلـه دلـيـلـه *** وعن الحقايق داعي البغي معميـه
كـل المخـازي ضمهـا فـي شـليـلـه *** يشمت سواه ولا يراعـي مخازيـه
الـلـي جـداه الـسـب ربـه وكـيـلـــه *** حسيبه الـلـه في اعـمالـه يجازيـه
حـكي الغلـط مـا أظـن يبـرد غليلـه *** مهما هذر بالهرج ماني مجاريـه

قال الشاعر راضي المشني الغثيان السباحي الفريجي الرويلي هذه الأبيات يثني
على عبدالله بن دهيمش بن عبار الفدعاني :
مـني لأبـو مشعـل سـلام وتحيـات *** الـوايلي المطنـوخ قـرم العـيـالي
افـنى حياته في بحـوث وسجـلات *** واسس لوايـل مـرجعـاً بالعـدالي
يالقـرم لك عند الجميع احترامات *** وحياة رب الكون منشي الخيالي
مكـانتـك بـيـن السمـا والمجـرات *** تـاج الفخـر مثلـك عزيـز وغالي
ما همنا اهل الطهبله والأشاعات *** الـلـي سـوالـهـم بـلـيـا مـجـالـي
يشهد لكم غيـري اكابـر وسادات *** افـراد وأصحاب السمو ومعالي
تاريخـك مشـرف ولا فيـه شكات *** نفخـر بكم فخـرا يفـوق الخيالي

وقال عبدالله بن دهيمش بن عبار هذه الأبيات جواب لأبيات راضي المشني
الغثيان السباحي الفريجي الرويلي :
حيـيـت يا راضي عـلومك طريفـات *** اعداد ما يمطـر حقـوق الخيالي
ياراضي الغـثيـان يا سـامي الـذّات *** يانسـل ريـف الوانـيـات الهـزالـي
علـم الفخـر يشمل جميع الرويلات *** وأنـتـم فـخــر عــنّـاز أول وتـالـي
مجناك من اهـل الصدور الفضيات *** ولك قدر عندي يابن الأجواد عالي
أنصفت يالمنعور في معنا الأبيـات *** وأشـرت لـلي من المسفّه جـرالي
الـزمـره الـلي ينبشـون الحـزازات *** أهـل الظـلايـم جـعـلـهـم للـزوالـي
أهـل المخـازي والعـلـوم الـرديـات *** مـا عـنـدهـم ألا البلبـه والجـدالي