مرثية سعدون العواجي.

ياونّتي ونّيتها تسع ونّات
مع تسع مع تسعين مع عشر الوفي
مع كثرهن باقصى الحشا مستكنّات
عداد خلق الله كثير الوصوفي
ونّة طريح طاح والخيل عجلات
كـسـرة حدا الساقين غاد له سعوفي
على سيفين بالملاقى امهمات
سيفين أغلى ما غدا من سيوفي
احشم بحشمتهن ولو هن بعيدات
وأنام الليل لو ان الضواري تحوفي
خليتني ياعقاب ما به مراوات
عيالك صغار والدهر به جنوفي
مرحوم يا نطّاح وجيه المغيرات
إن جن كراديس السبايا صفوفي
الخيل تدري بك نهار المثارات
ياللي على كل الملا فيك نوفي
والخيل تقفي من فعولك معيفات
تاطا شخانيب الرضم ما تشوفي
من عقبكم ما نبكي الحي لو مات
ولاني على الدنيا كثير الحسوفي

الضواري: السباع
مراوات : الشكوك والظنون
جنوفي : مال وجار
كراديس: يعني متكردسه مصتكه وصف للجيش
السبايا : الخيل
نوفي : نوف
تاطا : تدوس
الرضم : الحجر

على سيفين بالملاقى مهمات

شبه عياله بالسيوف ،
الملاقى اي تلاقي الفرسان