( من مدونات كتابنا قطوف الأزهار ) قصيدة الشيخ محمد بن عيسى الخليفه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

05-07-2018, 09:50 PM

تابع

* وهذه القصيدة من شعرعبدالله بن عباس بن دكنان الشعلان في نسب أسرة الشعلان مشايخ قبايل الرولة يقول :

مـبــداي بـالـرحـمـن ربٍ وحـيــدي *** خـلاق سبعٍ عـالـيـه دون عـمـدان

ومـن بعـد ذلـك نبـتـدي بالقصيـدي *** ولانـي عـلى نظم التماثيل شفقـان

لاشـك أنـا مـن واجـبي يا عضيدي *** قصدي أسجل شجرة لنسل شعلان

مـتـحـري الـدقـة بـكـل اتـعــديــدي *** عـن قولـةٍ بالشرح قاصر وطولان

شعـلان عـقـب سـبـعـةٍ بـتـحـديـدي *** غـريـر ودقـيـة وجـابـر وروضـان

وعـيـالـه البـاقـيـن جعـلـك تـفـيـدي *** سالـم ومعـه فنيخ وأيضـاً سليمان

وغـريـر ابـو عشره وميـة حفيـدي *** عـقب ابـطـالٍ باللـقـا شانهم شـان

منيـف ومعـبـهـل وأيـضـاً هـنـيـدي *** وصبيح وبـنـيـه ومعـهـم شبيعـان

ومنيف شيخ رويل باسـه شـديـدي *** شيخ لعموم رويل من قدم الأزمان

مـن عيالـه عبدالله ولا هو وحيـدي *** معـه جبـل والنعـم والله بالأخـوان

وعـيـال عبـدالـلـه رجـال الحميـدي *** نـايــف ومـجــول مـع زيــد الآذان

خيـولهـم عـن الخـطـر مـا تحـيـدي *** أبطـال نسـل أبطـال تـاريخهم بـان

نايف يروس رويـل رايـه سـديـدي *** صـاروا مواريثه مشايخ وشجعان

فيصـل ومعـه هـزاع مع الحفيـدي *** سـطـام لـطـام الـعـدا يــوم الأكـوان

وعـيـال جبـل هــم خـزام العـنيـدي *** وجبـل عـيالـه نجـم أيضـاً ودكنـان

ولا الـدريعي راح عـلـمـه بعـيـدي *** لا سار يتلونـه على الخيـل فرسـان

لعيـون حصـه مـا نطيحـه سعيـدي *** والخيـل ما تلاه مهـرة ولا حصـان
لعيـون حصه مـا يعـيش الـوليـدي *** عـافـوه لـو أنـه ســلايـل كـحـيـلان
نايف والدريعي ذكرهـم مـا يبيـدي *** شعـار شـمـر مـجـدوهــم بـقـيـفـان
ومجول مـن الفرسان فعـله فريدي *** زيـزوم ربعه يوم روغات الأذهان
وشـجـرة نسبـنـا جعـلهـا للمزيـدي *** نفخـر بها مـن دور وايـل إلى الآن
وغـايــة رجـايـه أن قـولي يـفيدي *** ولـف لنا الصايغ وموزل ورضوان

ومـولـفـيـن مـن زمـان بـعــيـــدي *** ولــف لـنـا ولـيـم ولا قـال بـهـتــان

وصلاة ربـي عـدد رمـل الصعيدي *** عـلى النـبي الهاشمي نسل عدنـان

* وهذه القصيدة من شعر الهجيني قالها حماد الوراد يرثا الفاضل وريد أبو صلعا العليمي الرويلي رحمه الله فيقول :

الله من يوم مضى يا أخوان *** حـط بضميـري تـلاهـيـدي
مـا مـر يـــوم عـلـيــه كــان *** أكـود مـن اليـوم تـنكـيـدي
مـن يـوم قـالـوا فقدنا فـلان *** صـارت حياتي تـزاهـيـدي
عـلـيـك يـا راعـي الإحسـان *** يا اللي لك الطيب تمجيدي
مرحوم جعـلك رفـيع الشـان *** فـي جـنـة الخـلـد تركيـدي
مرحـوم يـا مكـرم الضيفـان *** يا القـرم يا أبن الأجاويدي
مـرحـوم يا مسقي الظميـان *** يـوم الـدهـر يقطع الميدي
مرحـوم يا مسنـد الصلـعـان *** عساك ما تشوف تكويـدي
يبكونـك شيـبـه مـع الشبـان *** ومنهـم ابـيـتـك مـلابـيـدي
يبكون البدو مـع الحضـران ***مـع جمعهـم والمفـاريـدي
لـو تنشرى الروح بالأثمـان *** نـجـيـبـهــا لـك تــواريـدي
يا شـايليـن النعـش بـهـوان *** حـطـو لجسمـه مسانـيـدي
ورشوا على قبره الريحـان *** تـنـبـت عـليـه العـنـاقـيـدي
نطلب له العفوا والرضوان *** ياالـله عسى الخلد لوريدي
يـا مـا مضالك من الأزمـان *** سـفـره وجـيـه وتـفـريــدي
من طريف للريشه لحوران *** تمسي ورا الحير والحيدي
ترحـل وتـنـزل مع العـربـان *** بـيـن البـيـوت المشاييـدي
يا حلـوا صكت هاك القطعان *** على القرو جت مواريدي
بـيـتـك تشـرع بـه الضيفـان *** تلقـا الـبـدو بـه مقاعـيـدي
مـا فـيـه يــومٍ بــلا دخــــان *** تـلـقـا الـذبـايـح مشايـيـدي
ونجـرٍ لـكم يـقـعـد النعسـان *** لا قــام يـرعــد تـراعـيـدي
مـا قـلـت زور ولا بـهـتـــان *** كــلـه مــوكـد تـواكــيــدي

وصـلاة ربـي عـدد مـا كـان *** عـلى النبي لـه شواهيـدي

* وقال محترك بن وريد أبو صلعا العليمي هذه القصيدة من الهجيني :

مرضـان والجسـم متـعـافـي لمحـمـد نـعـد مـوضـوعـه
عـيني عـن النـوم يا كـافـي *** يا أبـو نايف تقـل ممنوعـه
لهـا عـن الـنـوم وقــافــــي *** وكبدي مـن البعـد ملقوعـه
ودمعـي عـلى الخـد ذرافـي *** ولا هـمـنـي كـل مـردوعــه
الا الغضي زيـن الأوصافي *** اللي سهـر لـي على كوعـه
قـلبي عـلى اثـنيـن ميلافـي *** واثنيـن ولفي من اربـوعـه
عـده عـلى راس مشرافـي *** لأولاد حسن نـوى الزوعـه
سلم على الربع يا اسنافي *** من غيرتخصيص مجموعه
وكبدي تشفشف تشفشافي *** عطشا على شوفت اربوعه
لـي لابـةٍ مـجـدهــم وافـــي *** هـداج مـا تـنشف انبـوعـه
انجورهـم ترجـف ارجافـي *** واربـاعـهـم دوم مرفـوعـه
ربـعـي إلـى جـاهـم الـلافـي *** يشبع ولـو صـوبـه جوعـه
ذبـاحـت الـحـيـل واخـرافـي *** حازواعلى المجد بفروعـه
لـجـوارهـم مـثـل الأريـافـي *** مسبـته مـا هـي مسموعـه
اقـروم وانفـوسها اخـفـافي *** حقـايـق مـا هـي مصنوعه

* وهذه الأبيات من شعر الشاعر محسن بن رقاد يثني على محترك بن وريد أبو صلعا العليمي الرويلي فيقول :

جبت القلم وايضاً مداده مع البـوك *** ودي سطـور البـوك تـكتـب قـوافي

أبسند سطـور القوافي بلا اشكـوك ***مـوزونـة مـن دون شـك اختـلافـي

لأهل الكرم والطيب والعـز مشبوك *** زبـن الـدخـيـل وللهـواشـل ملافـي

محترك بن وريـد طيبه به اصكوك *** ريف الفقير اللي من الوقـت شافي

الطيب من جدك معـقـب إلـى أبـوك *** معـروفكـم بالناس ما هـو بخـافـي

وقبل الختام أدعي لكم بألف مبروك *** وأعلم ترى اللي قلت ماهو بكافي

وهذه الأبيات من قصيدة للشاعر محمد بن جمعان الدوسري يثني على حامد بن رقاد العيلمي الرويلي :

حـامـد الـيـامـنـك جـلست بـمـحـلـه *** بيّـن له الدعـوى من اقصاه لأدنـاه
وعطـه الذي عندك من الهرج كلـه *** وأعرف ترى من قدم الطيب يلقاه
أبــوه حـاش الـطـيـب دقـه وجـلــه *** رجـل كـريـم وتـذبـح الحيـل يمنـاه

والهجينية لرجل يثني على قبيلة العلمة من المرعض من الرولة يقول :

كــان الـعـلامـيـن فــزاعــي *** نـطـيـحـهـم كـود يـرمـونـه
ربـع عـلى الهـوش بـتـاعي *** دار الـمـعــادي يـرودونــه

ويقول معزي العليمي من قصيدة هجينيـه :

أنـكـل عـن الـعـقـد يـا زايـد *** لـو الـحـويـطـات قـوم لــك
تركض على البيت وتحايـد *** وأعـجـلتـني لا اتـيـقـن لـك
يتبع