( من مدونات كتابنا قطوف الأزهار ) قصيدة الشيخ محمد بن عيسى الخليفه - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

05-04-2018, 06:21 AM

تابع

* أما الشاعر علي الدريعان المهيدي فهو شاعر له الكثير من القصائد ومن شعره هذه القصيدة قالها بالشيخ النوري بن مقحم بن مهيد :

أمس الضحى نطيت في راس مرقاب *** ورجلي تعدي فوق راس الطويله
أضحيت بالعبرات والصـدر مـا جـاب *** قامت تجارى من ضميري عويلـه
الـيـا كـبى حـظ الفـتى والسـعـد غـاب *** تاجب عـليـه مـن المناحـات ويلـه
فـكـّـرت بـالـدنـيــا تـقــل بــرم دولاب *** وذكـرتـهـا فـي كـل جـيـل بجـيـلـه
مـا دامـت لسلطـان وعقـاب وحجـاب *** مع نمـر أبن عدوان هو والحليلـه
صفـقـت بالكـفيـن وعـضيـت بالـنـاب *** عـلـى الـمـحـلا مـا يـحـلا بمثـيـلـه
يـوم أتـذكـّر باشقـر الأريـش حـطاب *** الصـارم الـلي مـا يصيـد الهجـيلـه
مـثـل القـطـامي لا سمع حـس نـعـاب *** يضـرب ضلاله بالبحر تستوي له
النوري ذرانا وسترنـا عـنـد الأجنـاب *** هــو الـذي عـنـا نـطح كـل عـيلـه
يزمر مثـل نمـر وراء الهيش بالغـاب *** نـمـرٍ بوسـط حمـاه محـد يجي لـه
شـيـخ ديـاره مـا عـطـاها هـل الـبـاب *** وزودٍ عـلى حمـل المقصّر يشيلـه
هي عشقته لو عرضت فيها الأسباب *** أيـضـاً ولا تـزهـى لـغـيـره حليـلـه
الله من راس عـذبه صفـق الأوجـاب *** وعـيـني الـلي صـايـبـتهـا غـليلـه
وجــر قـلـبـي جـرت الحـبـر بـكـتـاب *** عـود الـيـرا بخـط المعـلـم مشيـلـه
عيـا الطبيب يعالج أمـراض الأطبـاب *** دوّر دواه ولا لــقــا فــيـه حـيـلــه
الجرح لا غمض على الداي ما طاب *** طـول المـدى يلحـق ويقتـل عليلـه
الا عـن الـمـعـبــود فـتــّاح الأبــواب *** الـخـيـّر الـلـي كـلـنـا نـلـتـجـي لـــه
فـرحوا بنا شم العدا هـم والأصحـاب *** وصارت علينا يا أبو ثامر سحيلـه
جـرى عـلينا من عواريض الأسبـاب *** مـن ظيـم جـور مـولعيـن الفتـيـلـه
تـسـكـرت بـوجـيـهـنـا كــل الأبــواب *** ولا عـاد فـيهـا اليـوم حيـل وحيلـه
جانا خبركم من ورا المات وأصواب *** أيسـر مـن الـرطبـة محـاري أبيلـه
العين ترعى الشيوخ والشيوخ غيّاب *** أنـور ومقحم زبـن من طاح شيله
هـم خلـفتي بالصيرمي شاطـر النـاب *** الـشـبـل قـواد الـجـمـوع الثـقـيلـه
الـنـوري الـلـي لـلـمعـاديـن قـصّــاب *** تـاريـخ أربـع بـيـنـت لــه فـعــيـلـه

وقال علي الدريعان هذه الأبيات من قصيدة بالشيخ النوري بن مهيد :

يـا الـلـه يـا رفـاع سـبـع الـسمـوات *** يـا حـي يـا قـيـوم مـفـتـوح بـابـك
ضـاقـت عـليـنـا ولا بقـابـه مـراوات *** ولا خـيـّرٍ نـرجيـه سوى جـنـابـك
مـتى تـعـيـد سهـيـل زبـن الـونـيـات *** يا الـلي بـكـل الـواجبـات انهقابـك
الهـيـلـعي مهـدي الجمـال المنيبـات *** لا هـدت الـقعـدان تصـرك انيـابـك
يا النوري بن مهيـد نسيت مـا فـات *** وصار العـداوة من أداني احبابـك
حـزنت عليك البيض والدار وأبيـات *** وحتى السبايا حزنـت من غيابـك
ما هـو بشـوف العيـن ذكر امبـالات *** أحـذر تجـر العـود وأحفـظ كتـابـك
الـلـي يـسـجـل كـلمتـك بسطـوانـات *** واللي يذيع الراديـوا فـي خطـابـك
والـيـوم ضـيـف يـم بـلاد العـمـارات *** صرت بطريق الناس كلن حكابـك

ومن شعر علي الدريعان هذه الأبيات من قصيدة لم نعثر عليها كاملة يقول

دوره يـا عـقـوب بـبـلـوف المكينـه *** حـلـوا مـرواح البيوك بلا كـراسي
قـولـوا للفـدعـان يـالـلي نـاحـرينـه *** سولـفـوا للولـد وأحكـوا للرواسي
سولفـوا لـلي الحـرايـب مشتهـينـه *** صـابـريـن بـيـن شـمـّر والجلاسي
شيخـنـا يـوم اللـقـا عـاشت يمـينـه *** يرحم عـود عـقب الشيخ السياسي
بالـقبـايـل مـا أحـدٍ يـعـرف دفـيـنـه *** يـفهـم المقصـد ويكتـب بالطـلاسي

ومن شعر علي الدريعان هذه الهجينية يتوجد على الشيخ خليل بن حاكم المهيد بعد أن رحل من ديرته وسكن في دومه حيث يقول :

قـمــت اتــلـزى ولانــي لازي *** ورقيت أنا راس مرجومه
وجدي على القرم أخو جازي *** عمّر قصور وسكن دومه
يـا زبـن مـن جـاه مـتـــوازي *** طيبـه مـع البدو وحكومـه
لــه هــدة هــدهــا غــــــازي *** وأن فـرعـت كـل شغمومه
مـتـفـهــق كـنــه الــبـــــازي *** عـلـيـه حـلـيـاه ورسـومـه
يتبع