يالله يا مجري نهور تجــــــــــــارى
ــــــــــــــــــــــــــــ ياللي دبيب النمل بالرمل توحيــــــــه
تجعل لنا في جنة الخلد دارا= ياخير كل الملاء تلتجي فيه
سعود جاكم فوق قب المهارا= يشدا شعيب حدر السيل عاليه

يا زين يوم حل فيه المغارا
ــــــــــــــــــــــــــــ والحمد لله يوم حل القضى فيــــــــه
وصاح الصياح وزغردن(وهلهلن) العذارا = والمال هج وتشعث الخيل تاليه
وياسربتين(سبيع وعنزه)يوم جتكم تمارا = الكل منهم عند الاخر يماريه
في غارة يبغون فيها المثارا = كل يقول عطشان النمش غير نرويه
وامدح امير سبيع هاك النهارا = راعي المليحا اللي بعادا معاديه
وملفي(اخوه اكبرمنه سلامه شيخ الشيوخ في سبيع)عضيد الشيخ يومنه غارا = والكل منهم طوع اللي يواليه
ومشعان صيده يوم يدلي خيارا = وقع طريح (يجر)ومجند الحرب راميه
روايه ثانيه ومشعان صيده من الشوارب خيارا = ياويل جمع يضربه مع مثانيه
بيمناه كم رأس من المتن (الكتف) طارا = وكم شيخ قوم لحام الطيرراميه
واللي عرض بجديع ذيب المهارا = تراه ماهو انتم وباقه بناخيه

والبوق راعي البوق يصبح دمارى
ــــــــــــــــــــــــــــ غرة بيوق باق بأقرب بنيخيـــــــــــه
البوق عاق الخيل حدر النمــــــارى
ــــــــــــــــــــــــــــ كن الحديد امدورعن بين اياديــــــــه
وحنا خذينا قضاه ستر العذارا = غصب عليكم مقدم القوم نرميه
والحمد لله يوم حصل المثارا = واللي حصل لجديع شيخك ايلاقيه
ثلاثة الغلمان مثل الحرارا = كل يطيح ورايب (واحمر-وصاخن )الدم غاشيه
وسلومنا وسلومكم ماتبارا = تبوح (نبوح)في شئ والاسلام نافيه(ينفيه)

انشدك بالله وش جري للأســـــارى
ــــــــــــــــــــــــــــ وقدر على حامي اللهب وش هواديه؟
طريحكم يشرب حليب البكــــــــاري
ــــــــــــــــــــــــــــ وصويبكم ببيوتنا نعتني فيـــــــــــــه
والضيف نقدم له كبير الفقارا = والجار حنا اللي نعزه ونحميه
ماهو انت ياذباح ولد الحمارا = ذبيحتك للضيف(اسرى من عنزه)كر مربيه (مغذيه)

وحنا ماحنا اليهود النصــــــــــاري
ــــــــــــــــــــــــــــ نصوم ونصلي والفرض نديـــــــــــه
ونعطي زكاة المال ناس فقارا = ونطوف بيته والحرم نعتكف فيه

ونأتي علي وضح النقا لك اجهـــارى
ــــــــــــــــــــــــــــ وعدونا لمهرفل الذيب نرميـــــــــــه
وانشدك عن اللي تقوله اجهــــارى
ــــــــــــــــــــــــــــ تطلب عسى منديل شوقه ايلاقيــــــه
وركب على مثل الفهد يوم ســـارى
ــــــــــــــــــــــــــــ واطلق نشبها يوم بالخير تجزيـــــــه(تطريه)
وقطعانكم يامطيرجتناتبارا = واصبح فقير القوم يجنب لراعيه
وتقلعوا عن شوفنا صوب قارا = وعدونا لوهوبعيدنقزيه
هذي قديم فعولنا كان تارا = تدري بها العربان كان انت كاميه
روايه ثانيه هاذي قديم فعولناكان تارا = تشهد به المخلوق كانك مخفيه
حنا اليا ضدوك علوى السكارا = نقنيك لين الذيخ يرجع لمشليه