لاهنت يابومشعل ، ولاهنت على التعقيب

انا ماصيدي القصايد ذيلن بس ، بس عاد يوم انك وردتهن اشوا ، عطيتنا عنهن علم ،، حنا نخم العلم خم ، العلم كله عندك ،
في اشياء كثيره ، وقصيدة وارد العواجي انا مدري يوم تقول مااجازوه ولا انت من عندك متوقع انهم يحذفونه ، يعني صيدهم كلمة الحشايش ؟؟ هذا اللي فهمته ووردت نشايش بعد ، وبعدين هنيا بيوت ناقصه لانه ذكر بها الاخوان اللي يلبسون العمامه اخوان من طاع الله، وهزبهم لانه توافق هو واياهم عند واحد من ولدسليمان هاللي هو قلط عنده واثنين من الاخوان عنده قبل وارد وهم متقهوين ، وعقب سوا القهوه مدري ثنا الاوله وتعدى وارد وصب للاخوان وعقب ساقها لوارد ، وناس تقول ماصب له مار خير شر ، عاد العلوم تفاخت ،

اما كم واحد داجن عليه العوادي ورد اسم شخص وهو من الزيد من الشعلان قريب لخلف

وانا مااقول خذ روايه واحد اخلف القافيه ، الاخذ بالصحيح هو الامر المطلوب ، ماهو انا اللي اعلمك ، بس المساله مهي بس ضمن الاطار هذا ، لو انها على الاختلافات بالقافيه تهون ، مثل يعني قصيدة سليمان اليمني
موردين بيت يوم يرد على هاني الدوامي يوم هاني يرد عليه ويذكره باحداث وبها ذكر لساجر الرفدي والاخوان في منتدى السبعه ومنتدى عنزة مورديناه من كتابك وهي مغيره ،
اما قصيدة سليمان يوم يقول امشي مع العربان واجمع من الربد
مزودين عليها بيتين مايصحن يوم يقول انشهد انه ملكني مثل ملكة العبد ، وبها مثل الشمري قطع ظهيري وهم كاتبينها ظهري لكن ظهيري اسلم للوزن وهن مكسرات وملعن جدفهن الجدف يبي لهن ترصيص وتلميع
خص البويتين اللي بهن العبد واللي بها الشمري
واللي بها زاني ، انا مبطي مااطلعت عليها مار اظن اللي يصح منها ثلاث ابيات اللي بها ياما لقاني من ضنا عبيد هاني ، والثانيات على ايرداهن مايصحن مزودات او انهن مغيرات وخابصينها خبص ،
اما قصيدة نعامان بين اليمني والدوامي وكذلك وردت بمنتدى السبعه وعنزة وهي تخالف القصيده الحقيقيه ، وهي ماخوذه من كتاب قطوف الازهار الله اعلم ، لانها مغيره .