يعيش ابن عبار قرم المشاهير
ناجح وللناجح تساق النجايح.

من عزوة فيهم مثل سالم الزير
يوم القبايل بين غادي ورايح.

يصدح بصوت المجد بحثاوتقرير
والقافلة ما تلتفت للنبايح.

يسلم ولا يسلم ردي التدابير
اللي على سبل المهالك يصايح.

اللي يدق بنعش ربعة مسامير
وعلى خراب الدار يعطي فرايح.

ماهو بكفوا للرجال المناعير
مهما يلوح لوح ماهو بلايح.

اللي يريد لصرح الأمجاد تدمير
مجدا تليد جذور ماهو بزايح.

لاتسمع لغربانها والعصافير
أصوات شوما تنتظر للجوايح.

هذا زمانا بة تشيع وتنصير
عمت بة البلوى وبوح القراح.

علي الثاني الطويلعي


الجواب :
مشكور يا على عسى فالك الخيـر *** يفداك اللي حظّه من الخزي طايح
اشكر جنابك عدد مـا غـرّد الطيـر *** حيثك من أصحاب العلوم الملايـح
تعـيش يا نسل الرجـال المـغـاويـر *** مروين باللّقوات بـيض الصفايـح
تشهد قبايل حرب وسبيع ومـطيـر *** لأولاد وايـل كـاسبـيــن الـمـدايـــح
العزوه اللي ما هجوها الشواعيـر *** نـذود عـنـهـا كـل خـايـب وبــايــح
وش مقصد اللي يكتبون الاساطير *** بكذب العلوم اللي تجيب الفضايح
جد عنزه جابوه مـن عـزوة غـيـر *** وعن الخـطأ ما يقبلون النصايـح
عناز ما تقبل على الأصل تزوير *** ولا يـصـح آلا العـلـوم الصـحـايـح
اللي ضميره حي ما شاف تقصير *** ولا هـمـني منـطـوق فاسد ودايـح