هذه الأبيات وصلت من أحد الأخوة وقد نشرت باسم الوايليه يقول صاحبها :

بسم الله الرحمن الرحيم

أنا البارحه مانمت وتابع الاخبار + أتابع أمور والي العرش مجريها

مغير أتقلب كن بالصدر شبة نار + وراقب نجوم اليل وأسري مساريها

هنتك السلامه والعوافي يابن عبار + هنتك السلامه كل ماحل طاريها

عسى الله يجيرك من هل الشر والاشرار +ويكتب لك الصحه بكامل معانيها

لانك من أهل الخير وترافق الاخيار +تحب العلوم الطيبه وأنت راعيها

تعز الرفيق وتكرم الضيف ويا الجار +ولك كلمة مع باقي الناس توفيها

وأبا أستاذنك وأطلب تجي يمنا مسيار + أبي حفلتك بالوايليه تلبيها

جوابي على صاحب الأبيات :

سلام وتحيه عـدد مـا تورق الأشجار *** اليا علّها من هاشل المـزن يسقيهـا
سلامي لمن هـو بالتهاني يكز أشعار *** جزيل البيوت بصفحة النت قـاريهـا
لك الشكر والتقدير يامسجّل الأسطار *** مشاعـرك أقـدرهـا ووقـفتك أحييهـا
سلمنا بلطـف الخالق الـوالي القهـار *** وجميع العـباد رواحها عـنـد باريهـا
أنجاني ولي الكون من مقلب الفكسار *** بقـاع النفـود الـلي تـزاوم روابيهـا
دعولي رجال العلم والصفوة الأبـرار *** وكل الرجال الصيد أشكر مساعيها
تطمّن جـزيـت بخيـر أرقـد ولا تحتـار *** وأنـا وقـفت ألأحباب مـاني بناسيها