صدام يوم العيد من الضحايا - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

07-24-2012, 04:56 PM

مع الشكر للأخ فواز العطيعط على أتحافنا بقصائد الشاعر الحكيم خليف بن سعيّد ونقول صح لسان الشاعر وإذا كان الشيء بالشيء يذكر فمن توارد خواطر الشعراء هذا مقطع من أحد قصائدي أقول :
والــلي يــغــرنــه خـيـالات الأوهـام *** سلم الغـرور بخاطـره صـار مطبوع
متكبر ويفخـر عـلى الناس بعظام *** يبى الصعب ينقاد له بالرسن طوع
كـن البـشـر عــنـده مـوالـي وخـدّام *** ما تـقـل فـي آدم لهـا جـذوع وفروع
وده يــدوس الخـلـق كـلـه بـالأقـدام *** ما يـدري الـدنيـا بهـا نـزول وطلوع
ما يفتكر وش صار مع شاة الأعجام *** أمسى ملك وأصبح عن العرش مخلوع
يـوم الـتجأ مطرود عن ديرته شـام *** عاف العـذارى والعـماهيج والخوع
نـكـبـات بـقـعا بـددت مجـد صـّدام *** عقب الفخامه صار بالسجن مجدوع
ما صح له عـن واقع الأمـر مهـزام *** ولا عاد لـه في عودة المجد مطموع
نـعــوذ بـالـلـه مـن تـقـالـيـب الأيــام *** دايـم تـقـلب كــل حــزة عـلـى نــوع
دنـيــا الـغـثـا تـشبـه تمـاثيـل الأفلام *** من هرّفت له يوم تطوي له اسبـوع
يــوم بـهـا تـصبح عـماليـق الأقـزام *** ويوم الشناح الهيلعي صار مربـوع
يوم بها تسمر عـلى صوت الأ نغام *** ويوم تبات من الغضب
تقل مفجوع
احـيـان يـدفــق فـائض الـزاد بـدرام *** واحيان يشوون القدايـد من الجوع
احـيـان تـلبـس شـال واشماغ بسّـام *** واحيان مـا تملك على ثـوب مرقوع
أن سانعـت لـك ترتـدي فـاخر الخام *** وأن عاضبت تلبس
درافيل وارثوع
عصر الفـرح والكيف والبسط مادام *** لابـد مـا تـشـرب مـن الـمـر قرطوع
والخاتـمه صلـوا عـلى خيـر الآنام *** اللي جعـل مبنى هـل الشرك مقشوع