سبق وأن نشرت للشيخ زيد بن حسن المرتعد هذه القصيدة بكتابي قطوف الأزهار بهذه الصيغة
* وهذه القصيدة للشيخ زيد بن حسن المرتعد من شيوخ قبيلة اليمنه من الجعافرة من ولد سليمان من عنزة ينصح عن شرب الدخان ويوضح أن كيف النشاما القهوة وليس الدخان فيقول :
ياشاربين التتن جوزوا ماهـو كيـف *** تراه شغـل إبليس يـنفـاه الإسـلام
كبدك من الدخان تصبح تقـل حيـف *** وإلـى غـدا عـدك جريم مـن العـام
الكـيـف يـلـقـا بـالـدلال المـهـاديـف *** لا قـلـطـن فـي فـّيـت الـبـيـت قـّدام
يعبـالهـن مـع هـيـل بـن بـتـزريـف *** والـزعـفــران مـّـروك بـيــد خــّدام
وإلى ولم فنجال صبه على الضيف *** وأبـد بكبيـر السـن عـن لـوم لـّوام
سقه على اللي باللقا يروي السيف *** وأثـنـه عـلى اللي سيّح الـزاد بيدام
والثـالـث اللي بالفهامـه عـواريـف *** لا صـار بين الربع قالات واخصام
وعـده عن اللي خاملين وهـذاليـف *** لـو اعجبتك أزوالهم بـس الأجسام
وخلاف ذا يا يا راكب فوق زلغيـف *** يـفـوت صلـفـات الهبايـب بالأولام
يا راكبـه نصـه هـل العـز والـريـف *** أهـل الـربـاع مـدلهـت كـل مسنـام
الـلـي يـبـنـون الـربـاع المشـانـيـف *** يقسون فـي عـسر الليالي والأيـام
يا حـلـو صفـت خـيلهـم بالمساليـف *** أبن غبين وعـقـب جدعان ودهـام
يزهن بعينك مثل وصف المخاشيف *** عليهن الـلي لبسهم شغـل الأروام
وأن جـردوا علط المهار المزاغيف *** تـأمـن بـهــم لـو تـحـانـد بـالأزلام
يروون عطشان الغـلب بالتحاريـف *** والخيل من ضرب المداريع خـّرام
سلّم عليهم وأحرف النضو ياخليف *** وأخبر عن اللي مجلد عنـد غـنـام
محمـد كـما حـرٍ بروس المشاريـف *** صـوّاع لـّواع لـلأسـلاف خـمـّـــام
نكس هل المردود وأسند على السيف *** تـجمعـت لـه كـل حـمـرا بـني لام
وأقـفـوا كـما مـزن تحـده عواصيف *** اقفوا وخلوا لابس الخصر وزمام
ما هو ردى مار الضراغم حواذيـف *** نجم هـوى لمصلمخ الضلع هـّدام
أضحت قبائل عـقب كـونـه مواليـف *** أبـن سعـود ولـه تحـيـات واكـرام