ياعــــــــــــنــــــــــــــــاز - موقع قبيلة عنزه الرسمي: الموقع الرسمي لقبائل ربيعه عامه و عنزة خاصه

10-21-2010, 09:54 AM

سلام الله على كل الحضور ومقصدي عناز *** سلام (ن) كل ماقوله تثنى لبن عــــــنازي
و بارك لك يبو مشعل على هذا على الأنجاز *** لأن انجازكم هذا أشوفه كنه انجــــا ز ي
اخصك لامنافق لك ولاني يارجل منحـــــاز *** ضميري لو نوى ينحاز أشوف العدل ونحازي
اونا للمنتدى ماجيت أدور منتدى معتــــــــاز *** عـلى قوقل اليا حتجته ابي القا...كل معتـازي
ولكن اكثره صورة قناع(ن)غشن البرواز *** وهذا المنتدى صوره حقيقه بصدق بروازي
وسلام الله على كل الحضور ومتجمع عنا ز *** وتحياتي لبومشعل سلايل جذر عنازي

الجواب
هلا يا مرحبا يا فهيد عدد من عاش بالأهواز *** قريت بيوتك العذبه مثل صوغت ذهب غازي
دخولك وسط نادينا لنادينا فخــر وأعــــــزاز *** لأن الـلي كتب بـه جـد أبد ما طبّه الهـــــازي
اللي شرواك نفرح به ولا نقبل خطو همّــــــاز *** الــلي يقدح بعرض الناس لخلق الـلـه لمّـازي
نحب العدل والأنصاف ولا نقبل رجل يجتــــاز *** حـدود الحـق طامرهـا أبد ما يدخل جهـــــازي
قـبـل ما نختـم الأبيـات هـلابـك يـا شبيـه الـبــاز *** شبيـه النـادر الصيـرم مقـرّه شامخ الـنـــازي
نسب عناز مثل طويق عظيم ولا اهقا ينهــــــاز *** ولا يخلـف نسب وايل اللي لحلم النسب حـازي