وقال عبدالرحمن بن سودان الخمعلي رحمه الله هذا المقطع من قصيده :
وأنـا نصيـت الـوايـلي نسـل عـبـار *** عـبـدالـلـه الـلي لا نخيتـه يقـومـي
عز الصديق وعـز للضيف والجـار *** وبالطيـب طيـبـه للرفاقـه عمـومي
يضحـك حجاجـه لا لفـا البيت زوار *** ويؤدي الواجب إلـى جـاء لـزومي
نسمع عنـه بالطيب زينـات الأذكـار *** مـا يـذخـر المجهود جعـله يدومي
والـمـدح مـا يـرفـع ردي ومـثـبــار *** والسب مـا يـردي قـوي العـزومي
أفهم هدف معنـاي يا نسل الأخـيـار *** والحـر مثـلـك يفـتهـم بالـرقـومـي
أشـره عـلى مثـلـك بطيـب ومـقـدار *** ولا الـردي ماجيه لـو كـان يـومي
وقال غانم بن هادي أبو الشيوخ العنزي هذا المقطع من قصيدة :
مـد الصبـاح ولأبـن عبـار يمشـون *** والعصر في ستر الولي عـند بابـه
مـن دون بيـت الـوايلي لا تقيفـون *** راعـي الوفا والمعـرفـه والحبابـه
يـبي يـقـول اليـوم عـنـدي تقيمـون *** تـعـرفـوا بـاصـحـابـكـم والـقـرابـه
عطوه خطي وأرجعـوا لا تريضون *** قـل غانـم الهادي بعـث لـك جوابـه
ما دمـت قاضي بالقضية اتحكمـون *** واللي سبق ما قـلت لي مـا لنـابـه
عندك خبر ما قـلت وأنتم تعـرفـون *** الـمـلـح مـلـح ولا يــدانــا شـرابــه
ولا أنـت قرم من الولايد ولا تهون *** مـن لابــة مـا قـيـل حـقـه غــدابــه
أولاد وايــل بـالـلـوازم يــفـــوزون *** والقـص عندك يا عـريـب النسابـه
أطلعت فعل اللي ورا البوش يثنون *** ولا تقيت راسك يوم صارت طلابه
أنـت الـفـهـيـم وللمـعـانـي تحـلـون *** واليـوم صافي جوهـا عـن ضبابـه
وقال الشاعر محمد بن مقبل العنزي هذا المقطع من قصيده :
يمشي من الظهـران بين الصلاتين *** وأن يسـر الـمولى قـريب البعيـدي
ملـفـاه أبـن عـبـار قـرم الغـلامـيـن *** مـن لابـةٍ تـورث فخـرها الحفيـدي
لا جيت أبـو مشعـل لقيت البراهين *** وتـلـقـا الـمـهـيـّل بالبغـاديـد زيـدي
وتـلـقـا عـلـوم الباديـة والحكيميـن *** ومنـزه عـن قـول هـرج السريـدي
سـلـم عـلـيـه وقـل لـفـيتـك ابـيتيـن *** من قيـل أبن مقبل مبادي النشيدي
أنـت الفـهيـم ومـن رجـال فهيميـن *** من مصدر التاريخ رايـك سـديـدي
وقال الشاعر بشير بن مرهق بن محمد التمامي الجعفري هذا المقطع :
الجـمس حـرك وأبـن عـبـار ملفـاه *** عبـدالـله الـلي نـال عـلم الحميـدي
رجـل حكيـم وتـفـعـل الطيـب يمنـاه *** وعنـد اللوازم ما يعـرف المحيدي
يا الـلـه تحفـظ كـل مثـلـه وشـرواه *** حيـث الـذي مثـلـك جنابـه فـريـدي
الـلي مـثـل شـرواك نفـرح بلـقـيـاه *** والشاهـد الـلـه عندنا اليوم عيـدي
البـيـت يـفـرح يـوم شـرفـت مبـنـاه *** باسم التمام أهـلا هلابـك عـديـدي
أنـت الـذي مـجـد الـقـبـيـلـة تـبـنـاه *** وأنـت الذي لأمجـاد وايـل تعـيـدي
الطـيـب والمعـروف مـنـك انـتـلقـاه *** مـن قـافـك وتـالـيـفـكـم نستـفيـدي
وقال الشاعر قريان بن غبن الرويلي هذا المقطع من قصيدة :
سافرلأبو مشعل عسى الله يستـرك *** عسى الـولي ياقـاك عـن المهالـك
لا جيـت بالترحيب بالحـال باشـرك *** وعقب المهيّل طبت وأرتـاح بالـك
كـمـّل مـواجـيـبـك ولا هـو تـعـذرك *** والـيـا وصلـتـه فـز بـك وانـتبالـك
عطـه الكتاب اللي كتبتـه على أرك *** سلام مني عـد ما اخضر اسهالـك
قـلـه يا أبن عبـار نشكرك نشكـرك *** عـلى الكتـاب الـلي ولفـتـه لحالـك
وأنـا أذكـر الله كيف هـذا تصـورك *** فـخـذت وايـل بـدوهـا والـمـوالــك
مثـلـتهـا تمثيـل مـن يلعـب السـرك *** وصححتها حيثك صدوق ابمقالـك
ودونتها من غير ما أحدٍ يشاطـرك *** مـتـحـمـلٍ فـيـهــا عـذاب جـرالــك
دايم عـلى رقـي المعـالي مفاخـرك *** وبالطيب ترخص بالمواجيب مالك
وأقـبـل تحيـاتـي عسى الله ياجـرك *** وإلـى سـألـت الـلـه تقبّـل سـوالـك
عسى الولي يرفع مقامك ويظهرك *** وعلى طريق الرشد توصل حبالك
وقال قريان بن غبن الرويلي هذا المقطع أيضاً :
أن قـيـل منهـم قـلـت ربع مسافيـر *** أشبـال من نقـوة نضانيض عـبـار
حـيـث أنـهـم لهـم مـعـزة وتـقـديـر *** شيابهم والـلي بعـد منهـم اصغـار
وإلـى نـويتـوا للسفـر نـيـة الخـيـر *** خـوذوا سلامي والتحية بالأسطار
سـلام مـني عـدد مـا غـرد الطـيـر *** أوعدد ما جر اللحن فوق الأشجار
ألـذ وأحـلا مـن حـلـيـب المبـاكـيـر *** الـلي يقـطفـن الخـزامـى بالأقـفـار
يهدأ لأبـو مشعل عشير المنـاعيـر *** يفرح إلـى حّول على البيت خطـار
بقصد السلام ولا لنـا مقصـدٍ غيـر *** الله يفكـك مـن صواديـف الأشـرار
وقال الشاعـر جزاع بن مهدي بن شويطر الرويلي هذا المقطع من قصيده:
بالـلي لفـا زلـوم وصوير وهـديـب *** من الوفاء رحبت في نظم الأشعـار
الشاعر اللي ما فيه شـك ولا ريـب *** جزل المعاني صاغها صوغ محـار
يا مـرحبـا وألـف هـلابـه وترحيـب *** ترحيبـة من خـاطـري لأبـن عـبـار
يا مرحبـابـك يا عطيب المضاريـب *** يا شاعـر الويـلان وافيـن الأشبـار
يا مرحبابـك عـد صـب المـزاريـب *** وأعـداد ما ينبت على الأرض نوار
فرحت هـل العليا شبابه مع الشيب *** تسابـقـوا لمقـابلـك يا أبـن الأخيـار
حيثك ذرانـا عـن سموم اللواهيـب *** مـن أجـلنا عرضت نفسك للأخطـار
تشهد لـك الويلان شرق وتغـريـب *** البدو واللي سكنهم وسـط الأقطـار
أنا أشهد انك ماكر الجود والطيـب *** يضحك حجاجك لا لفا البيت خطـار
يلقى الوناسة والطرب والتعاجيب *** مـع دلـة صـفـرا بـهـا بـن وأبـهــار
من راس لابه تذبح الضان والنيب *** فـدعـان عـز الـلي نصاهم بمسيـار
مـن لابـة مـا يتركـون المـواجـيـب *** والـنعم بالفدعـان كـان الدخـن ثـار
والنعـم بالويلان ستـر الـرعـابيـب *** سجـل لـهـم التـاريـخ مجـدٍ وتذكـار
وقال الشاعرعازم بن طعيسان الرويلي هذا المقطع من قصيدة :
يـا مـرحـبـا اعـداد وبـل الـمـطـيـره *** من العاصمة يا مـا توصلت لصـويـر
الـلـه يـسـنـع مـبـتــداه ومــسـيــره *** والـلـه يـفـكـه مـن جـميـع العـواثيـر
تـرحـبـك الـعـلـيـا وتـرسـل بـشـيـره *** تـرحـيـبـة مـا هـي منـافـق وتقـميـر
حـيـث أن فـعـلـه مـا يـمـثـل بـغـيـره *** قـدره كبـيـر مـن الرجـال المشاهيـر
غـدالـنـا مـثـل الـعـلـم بـالـظــهـيــره *** نمشي عـلى تـاريـخ مـا هـو تفاكيـر
شعـره عـن التـاريـخ فـي كـل ديـره *** مـا هـو تـغـزل بـالـبـنـات الـغـنـاديـر
فـّرع لـنـا الـويـلان كـل الـعـشـيــره *** ولا مقصـده من شـان يجـمع دنانيـر
الا الحـمـيـه هـايـجـه فـي ضـميـره *** ويفخر بمجـد اللي مثـل سالم الـزيـر
مـن لابـة يـوم الحـروب الـخـطـيـره *** تشهـد لهم صلـب الرجـال المناعيـر
والـيـا تـلاقـوا بالسيـوف الشطـيـره *** صارت على العدوان كـون وعواثير
يتلون أخـو قـطنـه فـعـولـه عسيـره *** الـلـي يصـوت بالعـشاء للخـطـاطيـر
واعـلـومـكـم يـوم الـمـلاقى كـبـيـره *** تشهـد لـكـم شمـر وعـتبـان ومطيـر
وقال سالم بن معاشي النصيري هذا المقطع من قصيدة :
لنـا الفخـر بزيارتـك يـا أبـن عـبـار *** لك عنـدنا حشمه وشيمـه وتقـديـر
أهـلا هـلابـك عـد مـا هـل الأمـطـار *** وعداد ماهب الهوا ورفرف الطير
زيـارتـك عــنـد الـمـحـبـيـن تـذكـار *** زاورت أهل زلوم وهديب وصوير
لـك موقف وقفـت بالموقـف الحـار *** عاشت يمينك يا مهدي الشواعيـر
صدق الدلايل وضحت كـل الأخبـار *** كـل القـبـيلـة تـفـتخـر والمشـاهيـر
بـكـتـابـكـم وردت جـميـع مـا صـار *** مجـدٍ تـليـد وفـيـه لـلـدرب تـنـويـر
أنا أشهـد أنك يا فتى الجـود بيطـار *** بينـت حـالـك والبـواشـك مخـاميـر
ربعـك بني وايل عـلى العـز حضّار *** يـلـقـا بهـم شـرٍ ويـلـقـا بهـم خـيـر
حنـا فـرحنـا وأشرقـت كـل الأنـوار *** وتـفـتحـت زهـورهــا بـالـنـواويــر
تـرحيبـة يـقـولـهـا القـلـب بصخـار *** يا مرحبـا بكـل الضيوف المساييـر
أخـذت مـن جـزل التماثيـل وأختـار *** والهرج واجـد مـار يـبغي تفاسيـر
أبي السموحة منك وأطلبك الأعذار *** أسمح لنا وأن كـان بالقول تقصير
وقال ثامر بن راكد بن زيدي الرويلي هذا المقطع من قصيدة :
والخوال أن قلت وأمدح يا بشر *** الكتـب تـنبيـك عـنهـم والـرواه
نسل أبن عبار من خلفت خضر *** تاج راسي عـز راسي هم ذراه
وقال الشاعـر زكريا بن عبدالله بن فهد بن زيدان العيادة المعيقلي هذا المقطع:
لعـبـدالـلـه العـبـار حـرفـي ومـابـه *** وحـنـا تـلامـيـذه لـه الـلـه هـداهـــا
ويا سامعـين القـول قـولـوا هـلابـه *** فرحـت جميع ربوعـنـا يـوم جاهـا
مـركـاي وايـل وأفـتـخـر بـنتسابـه *** دواسـة الـعـايــل ألــد اخـصـمـاهــا
هـو قـدوتي ساس السعـد يقـتدابـه *** من صغـر سني خطوتـه ما عداهـا
أشرب شرابـه واكتسي مـن ثيابـه *** أسمع اقـوالـه وأكتسب مـن لغـاهـا
شـاعـر بـني وايـل عـزيـز جـنـابـه *** الصيرمي صوت المفاخـر شـداهـا
أنا أشهد أنه عـز مـن هـو غـزابـه *** بـالشعـر والتـألـيـف ربعـه كـفـاهـا
شاعـر أديب لصم الأصلاب جـابـه *** دم عـنـزه تـجـري بـجـوفـه دمـاهـا
الـغـالـب أبـيـات القـوافـي تـشـابـه *** لكن مـعـه عـن كـل شـبـه ايحداهـا
أنـا عـنـزي بالخيـر والشـر جـابـه *** وربـعـي بـنـي وايـل بـعـيـد مـداهـا
منهـم وفيهـم وأفـتـخـر فـي كتابـه *** شاعـر شـرب مـن ود ربعـه ولاهـا
وقال الشاعر سليّم بن كسار المضياني العنزي هذا المقطع من قصيدة :
نـرسـل لـكـم منـا تـحـيـه وتـقـديـر *** وأطلب من الله يجمعنـا الصواديف
الـلـه يعـزك يـا كـبـيـر الشواعـيـر *** يا عوق من تطري عليه العجاريف
لـك بالقبايـل يـا أبـن عـبـار تـأثيـر *** عـلم الفخـر نالـه دواوين وأرشيف
تفخـر بـوايـل ثـم عـدنـان والـزيـر *** أنت الذي معروف من غير تعريف
حـيثـك نزيـه ولا تحـب المـعـايـيـر *** وتحـط في قـلـب المعانـد رواجيـف
أنت الـذي ما فيك نقـص وتقصيـر *** وأنت الـذي تبقى عـليك التواصيف
وقال الشاعر سليّم بن كسار المضياني :
مـن دار عـرعـر للرياض العـفيفـه *** تحـمـل تـحـيـه للزميـل أبـن عـبـار
عبدالـلـه الـلي عـز جـاره وضيفـه *** يا ليـت مـن هـو كـان للوايلي جـار
ولا زمـيـلـه فـي اعـمـال الوضيفـه *** لا ضاق بالي رحـت للقـرم مسيـار
ونـاخـذ مع الشغموم لحظه لطيفـه *** حلـو الكلام اللي ينومس بالأشعـار
من الشام لأرض ديار وادي حنيفه *** تفخر بـك الويلان يا نسل الأحـرار
أنـت الـذي يالـقـرم تـرقـا المنيـفـه *** يوم أن خطواللاش عن واجبه بـار
ولا هي غـريبـة وقفـة لـك مخيفـه *** كل من سمعها قال من ينطح الطار
ولا أنت لك من جم فكري طـريـفـه *** لجل افتخاري فيك نظمت الأسطـار
وقال سليّم بن كسار أيضاً :
جيتك يا أبو مشعل مسيّر وأودعـك *** ما عاد بقالي غـير تالي السبوعي
عسى الولي يحفظك والرب يرفعك *** يـرفع مقـامـك يا حسين الطبـوعي
أنـت الذي يالقرم مـا قيـل يجزعـك *** حاشى لمثلـك بالخلايـق جـزوعـي
أدبـك طـبـعـك ثـم لـلعـرف طـبـعـك *** ومـتـعـلـم يـالـقـرم كـل الـسنـوعـي
يمدح جنابك كـل مـن كـان يسمعك *** ولا يـبـلغ الغـايـات كـود البتـوعـي
وكـم واحـدٍ يالقـرم بالجـاه فـزعـك *** والموجبـه تمشي لهـا دوم طـوعي
مـا قـيـل ضحضاح مـوارد منابعـك *** أنـت البحـر لا ماج يـنبع انـبـوعي
قلت القصيدة ياأبو مشعل انشجعك *** اقـولهـا مـانـي لـك الـلـه خـدوعـي
نـويـت أسافـر بعد ما زرت موقعك *** صـوب الشمال ديـارنـا والربـوعي
وأن يسر المعبـود مانـي امقاطعـك *** مـاني مـن الـلي كـل يـوم بنـوعـي
أمـا اتـصـال بـالـتـلـفـون نـسـمـعـك *** ولا رسـالـة بـالـبـريـد السبـوعـي
وقال الشاعـر سليّم بن كسـار المضياني أيضاً :
يا عـيال بالـلـه لا نويتـوا تروحـون *** يـم الـريـاض بحـفـظكم والسلامـه
لازم عـلـيـه يـا جـمـاعـه تــمــرون *** عـنـدي كـتـاب مـا يعـطـل ختـامـه
كـتبـت مكـتـوبٍ مسجـل ومضمـون *** ولا بـاقـي الا اسـلـمـه لأسـتـلامـه
لـعـبـدالـلـه الـعـبـار وأنـتـم تـدلــون *** خوذوا سلامي وأرجعولي سلامه
سـلام مـنـي عـد مـا هـلـت امـــزون *** وأعـداد نـجم شارق فـي ظـلامـه
الـوايـلي مـعـروف طـيـبه ومبخـون *** حـرٍ عسى المعـبود يرفع مقـامـه
قـولـولـه الـلي زارك العـام مشطون *** وده يـجـي لـك مـار حـده دوامــه
قالـوا سمعـنا مـا تريـده عـلى هـون *** قـلـت التحيـه مـرفـقـه لحـتـرامـه
لـك يـا عـزيـز بالمخـالـيـق مـامـون *** مـن زار بيتـك تـنطحـه بأبتسامـه
سجلـت مـن عـنـاز حاضر ومدفـون *** وبلمـت مـن وجـه عليهـم كلامـه
أنـت الـذي لا ناض حاسد وملسـون *** تـربـط لسانـه ثـم تـاضع خـزامـه
لـو قـال مهما قال مغضب ومطعـون *** من حيث جود على لسانه ابلامه
طـلبـت رب البـيـت بـاسـمـه يلـبـون *** يحفظك ربـي عـن جميع الملامـه
يا ليت نوبـه يا أبو مشعل تـزورون *** ولا بـرسـالـة خـطـكـم بـالـقـلامـه
وقال الشاعر سليّم بن كسار المضياني :
نـظـم بـديـته يـوم قـدرت الرسالـه *** للشاعـر اللي على القيفان سلطاني
عبدالله الـلي كامل الطيـب يزهالـه *** نال الفخـر غصب على كل زعلاني
ماحدٍ جحد فعله على طيّب أعماله *** الا الذي ماله عـلى الصح عـرفاني
الحمل باللزمات طير السعد شالـه *** مـا قـصر الـوايلي يـوم اللغـا شاني
ما بان غير الذي وقـف لها لحالـه *** فـعـايـلـه يـحـكي بـهـا كـل ديـوانـي
كـم شاعـرٍ لأجـل القبيلـة تصـدالـه *** خلاه يرجع عـقب زومه بخسراني
شمّات فعـل الـلي عظيمات افعـالـه *** عـز الـلـه أنـه تايـه الرأي غلطاني
من قال بـه لا قـابـله غـيـّر اقـوالـه *** قـولـه الأول ما يطابق على الثاني
أشوف نـاس تمـدح الرجـل بقبالـه *** وأن غاب حطوفيه عيب ونقصاني
تسلك طريق البطل والحـق تبرالـه *** ناس بها عـن كلمة الحـق نكـراني
من دس راسه لو حكا ماحد بحاله *** النمـر مـا يخشى حـيالات حصناني
هـذا يـا أبـو مشعل والأنذال عيّاله *** مـن ذمكم يخسى جـنـابـه وينهـاني
له انتصدى قـدر الأمكان بـرزالـه *** حكي القفا صاحبه خايب وخسراني
وصلاة ربـي عـدد مـا هـل هـمّالـه *** مهدي العصاة اليا تمادو بعصياني
وقال الشاعر سليّم بن كسار المضياني :
هذا وأبي أرسل ما كتبتـه بقرطاس *** لـلـوايـلي صخـار جـزل الـمـقـالـي
سيف القبيلـة يـوم سنن الأمـواس *** حـامى عـليهـا عـن عـيـال وميـالي
مـاني لعبـدالـلـه بالأشعـار جساس *** لكـن أبي أشرح ما ابديت وجـرالي