|
|
|
 |
 |
|
 |
الإهداءات |
|
 |
 |
 |
 |
 |
 |
 |
 |
 |
|
|
|||
|
|
|||
 |
|||
|
|
|||
|
|
|||
|
|
|||
|
|
|||
 |
 |
 |
 |
 |
|
|
|
 |
|
 |
 |
 |
|
 |
|
 |
 |
 |
|
 |
|
 |
 |
|
 |
 |
-
تعديل اهداء
|
 | |||||||||||||||||||||||||
 |
|
 |
|
|
|
|
|
|
|
|
|
|
|
|
07-04-2022, 11:13 AM
|
رقم المشاركة : 11 | |||||
|
تابع *- وقال مدرهم بن رزيق العضيلة المطيري يسند على ماجد بن بجد الحربي عند ما سمعه يتغنى بأحد قصايد عبدالله بن عبار : 224 يا أبـن بجـد هيـضتني يـوم غـنيـت *** من شعـر ابـن عـبـار بأولاد وايـل في راس خشم العان يالقرم عديـت *** وفطنـن عـليـه نـاقـضات الجـدايـل في كـل بيـتٍ ينـتهي غصب ونـيـت *** والدمع من عيني على الخد سايـل مـا فـادني لـو قـلـت يا ليـت ياليـت *** ما جـابتـه يا ليـت مـن دون حـايـل أربـع سـنيـن يـا زمـيـلي تـرجـيـت *** واشغلت فكري بالرجاء والرسايـل من خلقتي ما يـوم والـلـه تفدويـت *** والـيـوم يـا مـاجـد أدور الـعــدايـل لا تنزعج يا مسنـدي لـو تشكويـت *** مـا فـاد يـا مـاجـد جميـع الـوسايـل من دونها يا مسنـدي يقـفـل البيـت *** ومن دون شف البال شبك الحبايل ما فـادني يا عـزوتي لـو تعـزويـت *** ولا فـادت العشـرة وكثـر الجمايـل ولا فـادني عـن دارهـم لو تـنحيـت *** أيـضـاً ولا عـنـهـا رحـيـل وبـدايـل من طيب أبن عمي بطيبه تهقويت *** أعرفه أنا من قبل عـرف الهوايـل من صـد عني عنه يالقـرم صديـت *** ومن جـالنـا بالطيـب جالـه سهايـل مـاني بحـاجـة ميـر معهـم تسليـت *** لو كان ما ارخصها ولا الحب زايل عـبـداللـه العـبـار رايـك إلى جـيـت *** حسبي على اللي يفرقون الحلايـل لا زرتـهـا قـالـت هـلابـك وحـيـيـت *** ومـن بيـنـنـا شبـت لهيـب الفتـايـل خمسة عشر عام ولا فيهن اخطيت *** ولا نيب أجـاري بالردى والرذايـل وصلوا على من الدرن طهر البيـت *** المصطفى المختـار نـال الفضايـل *- قال الشاعر ماجد بن بجد الحربي هذه القصيدة رداً على الشاعر مدرهم ابن رزيق العضيلة المطيري : 225 جـتني رسالـة مـن زميـلي ورديـت *** الـلي شكـالـي مـرمسـات الغـلايـل مالـه جـدا غـيـر العـبـر والتناهيـت *** والصبر طيّب من عصور الأوايـل وكـم واحـد مـثـلـه تـجـرع حلاتيـت *** شاف النكد لـو كان مـا هـو بعايـل تـعـاون الأشـرار هـي والعـفـاريـت *** عـلى الطـريـق يجهـزون الحبايـل أهـدافـهـم للنـاس فـرقـه وتـشتيـت *** مثـل الحصـانـي تـنجحـر بالنثـايـل يضحك اليا جيته ويطعن اليا أقفيت *** طبعـه مـع الأجـواد معـوج ومايـل أشكال واجـد لـو حرصت وتقصيت *** نـاسٍ سعـت مـا بيـن قـول وقـايـل وشربت من الجم القـراح وترويـت *** ولا يـنفـع الظـميـان ورد الثمـايـل هـذا ولأجـلـك يـالـسنـافـي تـعـنيـت *** ولا خـيـر فـي هـرج بلـيا صمـايـل الصبح نمشي حزت الفجرمن هيت *** متنحـريـن الـدار غـرب وشـمـايـل وإلـى وصلـت الـدار يالـقـرم هليـت *** تفـرجت من عند معـطي الجـلايـل كـان أنـهـا فـي جـاهــنا ما تخـفيـت *** وأن عـودت للمـال للحـمـل شـايـل أيضـاً ولا تنسى الـرجـال العناتيـت *** أهـل الـعـقـول الـنـادريـن الـقـلايـل أمـثـال عـبـدالله إلـى قـلـت وأبديـت *** أولاد وايــل نـعـم ذيـك الـسـلايـــل * قال عبدالله بن دهيمش بن عبار العنزي هذه القصيدة رداً على مدرهم بن رزيق العضيلة المطيري وماجد بن بجد الحربي : 226 قبـل الكـلام بخـالـق الخلـق سميـت *** وأعـوذ بـه من شر سـود الفوايـل ومـن بعـد ذكـر الله للقـيـل سـويـت *** نـبـداه جــد ولا نـقــول الـهــزايــل جـاني مـن مدرهـم رسالـة ورديـت *** يشكي عـلى ماجـد ذريب الفعـايـل أبـو بجـد كـان أنت للقـرم خـاويـت *** تعتـز فـي خـوت عـريـب الحمـايـل حيثـه شجـاع من الرجال الزناتيـت *** صبيان حـرب مهـديـت كـل عـايـل نعـم بهـم وأقول يا حي مـا أطريـت *** خـوال أبـويـه بالسـنيـن السمـايـل يامدرهم كان انك من الحب جضيت *** عـزاه لـك من كيـد غـلـب الغلايـل مني طلبت الـراي مـار أنـت كفيـت *** كـلامـك أحـلا مـن دريـر المشـايـل من شكـوتـك يا مسنـدي ما تهنيـت *** لا زلـت أحـاول يالسنافي وأحـايـل فكرت كيف الحل والـراي وأبـديـت *** وش حيلـتي يالقـرم كيـف العمايـل بالقاله اللي قلت لك شوري أهديت *** قـدم عـلى شكواه صـدق وصمايـل ما دام بيديـك الرسن كيـف خـليـت *** نـّوخ ذلـولـك وأثـنـهـا بـالـعـقـايــل دام أبـو مـاجـد شـد يالقـرم وانيـت *** يـم الـرجـال الـلـي تـعــز الـنـزايــل عساه يجمع شملكم عـقـب تشتيـت *** حيثـه يحـاول فـي جـميع الوسايـل وأن كان ما فادت مساعيه وأبليـت *** أشـتـك وحـقـك تـاخـذه بالـكـمـايـل وأن كان تبي اللي يحشر العفاريت *** نسل الدويش اللي يحوش النفايـل أزبن عـليه وتاجـده حي مـا الفيـت *** زيـزوم لابـة مـا بـهـم قـول قـايــل مطران سلـم جدوهـم تذبح العـيـت *** حمـر النواظـر مـن كـرام السبـايـل وآخـر ختـام القـاف يالقـرم صليـت *** على الرسول اعداد مزن المخايـل *- قال الشاعر ناصر العاصم من أهالي ثادق يثني على الشيخ فهد بن عثمان بن حمد السناني أبو عبدالإله من وجهاء اهل المجمعة: 227 زان الـشعـر والـقـاف هـذا مجـالـه *** وفاضت من الخاطر جميع المعاني في مـدح مـن لاق الفخـر والثنـالـه *** فـهـد أبـو عـبـدالإلـه الـسـنـانــــي حـرٍ شـمخ بالـمـرجـلـه والشـكـالـه *** من نسل وايل من عريب المجاني ريف الرفيق وعون من هو شكاله *** يا سعد من له وقت الأزمات عاني لا جاه من يشكي ضروفـه وحـالـه *** أو قـسـوة أيـام الـدهـر والـزمـانـي حـيـثـه كـريـم ولا يـشـح ابـحـلالـه *** رفـيـع قـدر ولا يجـي بـالـطـمـانـي لأهـل الحـوايج كـن مـالـه اسبـالـه *** وللمعسرين أن جوه مثل الضماني هش وبشوش لمـن لفـاه وعنـالـه *** طـلـق الحجـاج وبالكـرم مرحبـانـي وفيه الفضايل والشرف والجمـالـه *** وفيـه المـروة والوفـاء والحساني وإلى ذكـر وسـط المجالس مجـالـه *** قيـل ونعـم مـن كـل قـاصي ودانـي وعلى الصخى والطيب ربى اعياله *** للكـل منـهـم فـي المـراجـل مكانـي هـذا القـلـيـل ولـو أعـدد اخـصـالـه *** طـالـت عـليـنـا القـافـيـة والبيـانـي * قال عبدالله بن دهيمش بن عبار مجاراة لقصيدة الشاعر ناصر بن عاصم ويثني على الأستاذ فهد بن عثمان السناني العنزي : 228 فـاض القـريض وهيضتني رسالـه *** رد الجواب الـلي من القـرم جـانـي ناصـر بـدأ بـرد الـثـنـاء حـي فـالـه *** تشكر يابن عاصم بمـدح السنـاني مـبـداك ثـار بـخـاطـري مـا طـرالـه *** ما حاك في صدري لفظ به لسانـي مـن طـاب منـا نفتخـر فـي افـعـالـه *** ونزعل إلى قيل ابن عمك أهـداني ولا فـهـد تـمـجـيـد مـدحـك زهـالــه *** يقدم عـلى الطولات والعمـر فانـي منجوب ما هو من رواسب احثـالـه *** من لابـة الـربـاع طـلـق اليـمـانـي والطيب مـا حـاشه لـك الله اعتـالـه *** نـال الفـخـر والمجـد مابـه مثـانـي مـن دور جـده سـلـم الأجـواد نـالـه *** عـلمه تبـيـّن مـن زمـان السوانـي عـلى الفخـر يرخص حلالـه ومالـه *** والطيب صعـب ولا يجي بالتمانـي وأن كـان ربـى لـلـمـكـارم أنـجـالـه *** مـا ذكـر مـنـهـم واحـد قـيـل وانـي ما ذكـر شبـل الليـث عـقـب اثعـالـه *** يحشـم عـرينـه مـا يطبـه حصـاني قـلتـه جـواب الـلي بقــولـه جـزالـه *** مـن دون عـلمي بالمخطط كـفـاني *- قال الشاعر عوده بن ناصر يسند على عبدالله بن دهيمش بن عبار : 229 يا الله يا عـالـم خـفي سـر الأكـوان *** يا معيـد جسم الآدمي مـن ذهـابــه يا معيد للمخلوق مـن بعـد ما كـان *** تـحـت اللحـد مطمـور كـلـن درابـه يا خالق المخلوق والجـن وأنسـان *** والكـل مـن خلقـك مـقـدر احسـابـه يا مذهب فرعون من عقب طغيـان *** ومنجي سفـينـة نـوح ممـا أبتلابـه يا مصخـر ريحـك لعبـدك سليـمـان *** يا محتمي يوسف من الـلي حكابـه يالهادي المهدي على رشد رحمـن *** يا النـاهـي الآمـر لطـرق الصوابـه أنـك تـثبتـنـا عـلى خـمس الأركـان *** وبحماك عبدك من قواسي عـذابـه يا الله تامرنـا عـلى خيـر الإحسـان *** يا الـلـه تجـعـل طلـبتي لـه مجـابـه يا فـارج الشـدات عـن كـل بـلشـان *** تـقـبـل دعـات المـدعـي بـالأجـابـه يـارب يـا معـبـود يا عـالـي الشـان *** بـأمـره وتـدبـيـره يـنـشي سحـابـه ومن بعد ذكـر الله أبـديـت الألحـان *** وسجـلـت قـافـي بالـقـلـم والكتـابـه مثايـل مـا أخـذتهـا بغـالي الأثمـان *** أتـرك هزيـل القـاف وآخـذ صوابـه وأهـديـتهـا لقـرم بالأشعـار فهمان *** يفـهـم معـانـي القـيـل لامـن بـدابـه عبدالله المعروف من ساس ويلان *** القـرم اللي ياقـف بوقـت الصعابـه يـفـهـم جـواب واضعـينـه بعـنـوان *** بـمـشاكـل الـدنـيـا كـتـبـت الأجـابـه أشوف بيـن الناس ناصح وخـوان *** وهـراجـت الـنـمـة تشـب الحـرابـه أسبـاب نـمـام مـن الـنـاس تعــبـان *** يحـط مـا بـيـن الـقــرابــه حــزابـه يحـط بيـن النـاس بغـض وعـدوان *** وكلـن يـدور فـي رفـيـقـه عــيـابـه نـمـام مـا بيـن القـرابـة والأخـوان *** وا خـونـت الـدنـيـا كـفـانـا عـقـابـه يا حيف يا دورٍ مضى ما تقـل كـان *** ويـن الرجـال أهـل الـوفى بكترابـه أهل الفعول الطيبة ماضي الأزمان *** ويـن الـوفـي الـلي يـزكـي جـنـابـه الـلي فعـايلهـم لهـا الفـعـل بـرهـان *** وشـاهـدهـم التـاريـخ كـلـن قـرابـه عنهم سألت وقالوا النـاس غلطـان *** كـود النصايـب بـاقـيـه فـي تـرابـه الدور دور العـلم ويـن أنـت سكـان *** عصـر الجهـل رحـل وقفت أركابـه قلت أحمد المعبود مهـدي للأيمـان *** الـلـه يـعـز اهـل الـوفـى والمهـابـه يحمي حمـاة الديـن مـن كـل فـتـان *** ويغفـر ذنـوب الـلي لجـأ والتجابـه يا أبو مشعل بذلت جهدك بعـرفـان *** وعلـومكـم بـهـا الفـخـر والطـرابـه مـوقفـك معـروف مسجـل بـديـوان *** ولـنـا الفخـر بـك يـا معـز القـرابـه نـبـغـي مـردك يـا سـلايـل كحيـلان *** الـفـكــر هـايـم والـروابـع تـشـابــه ترجم حروف القيل بشعور ولسان *** وعـجـل مـرده لا يـطـول البـطـابـه * وقال عبدالله بن دهيمش بن عبار رداً على الشاعر عودة بن ناصر : 230 بـديـت بالـلي نطـلبـه كـل الأحـيـان *** خـلاقـنـا الـرحـمـن نـرجـي ثـوابـه عـز الجلالـة خالق الأنس والجـان *** مـد الوطا وأرسى شوامخ هضابـه سبحان ربي سامك العرش سبحان *** عرشه سمك فـوق العـلا واعتلابـه ومـن بعـد ذكر الـلـه سجلت قيفـان *** أبيـات من صـدري لسـاني هـذابـه جواب اللي وجه لي القاف لا هـان *** عـوده بـن نـاصـر نسـجـل جـوابـه مجـدتـنـا مشكـور يا طيـر حـوران *** تعـيش يا مـبـدي بجهـدي أعجـابـه نعـتـز فـي تشجـيع ذربين الأيمـان *** ولا همنـا يا الـقـرم مـن بـه خنـابـه اهل الحسد دايم عن الحق طرشان *** عـوج المقاصد قولهـم ما انعبـابـه والخـايـب الـلي بالمعـاييب شقيـان *** مات بغـليلـه جـايح الغـلـب صـابـه مـادام يـشـكـر جـهـدنـا كـل ديـقـان *** مالي ومـال أهـل الـردى والخيابـه الـلاش لـو قـلبـه من الحقـد مليـان *** هرجه مع المخلوق عـزف الربابه والـلي يلـوم من المناحيس نغـران *** قصده على الصاحب يسوي طلابه على القرابـه يرفع الصوت كوبـان *** وأن جت من القاصي يبور الزلابه يلـدغ كـمـا يلـدغ بالأنـيـاب ثعـبـان *** عـربـيـد حـره يـقـذف الـسـم نـابـه والحـمـد لـلـه كـل مـا قـال بـهـتـان *** الحـاسـد الفـاسـد ضعيـف الجلابـه وحنـا أخترنـا من الشغاميـم خـلان *** مـيـقـافـهـم مـوقـف قـرايـب ولابـه نكسب من خيار الرجاجيل صدقـان *** يدون قـول الحـق ما هـم اعصابـه ومن لا زعل عندك إذا كنت زعلان *** ما هـو قـرابه كـان غلبـك رضابـه واليوم كلن صـار يا القـرم سلطـان *** مبسوط واللي ترغب النفس جابه راح الظفر راح الفخر والقوي لان *** مـا يـنـفـرق شيـابـهـا مـن شبـابـه الذيب عقـب يا فـتى الجـود طليـان *** والكبش الأرخـم قـام ينجـب ذيابـه وأشكرك ياللي تعتزي من سليمـان *** مـن لابـةٍ تـلقـا الـعـدو بـالمـجـابـه يـوم السنين اللي بهـا شـل قطعـان *** جابـوا مـن اذواد المعـادي كسابـه مقدامهم في ساعة الضيق عوجان *** نـعـم بـهـم يـوم الـمـرازق نـهـابـه مبطي لهم صولات بسنان واعنـان *** تروي شبات سيوفهم مع انصابـه قـلته وأنا يا القرم من نسل فدعان *** حـمـرالنـواظـر ما يجـون المعـابـه تشهـد لهـم دولـة سلاطين عثمـان *** نـمـر الأسـود ايـبـاغـتـونـه بغـابـه لهـم الثلاثـة ثـابتــه صـدق وكـدان *** بـوج الـديـار الـلي تـزاوم سـرابـه والصوت للي من المخاليق جيعان *** يغنـون طـراش الخـلا عـن زهـابـه وشقير يوم اعطاه بالطيب حمـدان *** رده عـلى المـرسـال يـوم أنثـنـابـه والرابعة شرب المغر دون جحدان *** تـثبيـت حـق ودون هاشـل اطنـابـه واختامها صلوا عـلى نسـل عدنـان *** على النبي المختار هو والصحابه *- قال الشاعر إبراهيم بن علي بن نزال الصقري هذه القصيدة يسند على عبدالله بن دهيمش بن عبار : 231 حـمـدت رب البـيـت ســر وجـهـارا *** الـواحـد الـمـعـبـود بـالـسـر عــلام يـا واحـدٍ نـرجـيـه لـيــل ونـهــــارا *** لـك الفضـل يا رب منعـم بالإسـلام ويا راكـب الـلي يـوم حـرك وسـارا *** مثل الصقـر لا هد من بعد ما حـام صبـغ الـوكـالـة معــتـلـيـه الغـبـارا *** تـوه جـديـد ولا جسـر فـيـه سـوام يـلـفـي لأبـن عـبـار وافـي الشبـارا *** اللي على المجهود يستاهل وسـام مـثـل العـلـم لا صـار بالحـيـد نــارا *** براس النبا مرفوع تنظر له اشمام وإلـى لفـيـت الـلي يـعـرف العـبـارا *** يـفهـم بـلا تـوضـيح للهـرج فـهـام ثـوب لـبـستـه مـن ثـيـاب الـوقــارا *** بـالـك تـقـضـه بـالـلـيـالـي والأيـام ودرب مـشـيـتـه لا يجـيـه العــثـارا *** لوبه نبات الشوك وأدمس بالأظلام وبـيـت بـنـيـتـه يـا رفـيـع العـمــارا *** لا يـقـربـه يالـقـرم مـن كـان هـدام راعـي الصبـر لابـد يـجـني اثـمـارا *** ومثلـك فهيم يجيـد تفسير الأحـلام مـوضـوع واحـد يا دلـيـل الـحـيـارا *** تـلعـب بـه الألـوان بـيـديـن رسـام ولا أنـت سـرت محـددٍ لـك مـسـارا *** وعن خط سيـرك ما يعـوقـك نمـام أمـراً بـدالـي يـا جـبــار الـكـســـارا *** من حيث أخبـر دوم مركضك قـدام وصـلاة ربـي عـدد مـا طـيـر طـارا *** واعداد ماطافوا على البيت بحرام عـلى الرسول الـلي طـريقـه منـارا *** صلواعدد ما صار من خير وأنعام * قال عبدالله بن دهيمش بن عبار رداً على الشاعر إبراهيم بن علي بن نزال الصقري : 232 سميـت بـسـم الـلـه مغـنـي الفـقـارا *** الـلي رحـم حـال الأرامـل والأيتـام خـلاقـنـا الـرحـمـن يـسـمـع ويــارا *** خلقه خلقها أنواع وأشكال واحجام جـاني جـواب الـلي بيـوتـه اغـزارا *** ورديت لإبراهيـم فـي عـز وأكـرام جاني جـوابـه فـوق صنع النصـارا *** شـد الجـمـيح مـورده بـآخـر العـام إلـى تـحـرك لـلـشـيـاهـيــن بـــــارا *** أرفق عـلى بنصـه بتخفيف الأقدام جـاني جـوابـك يـا عـزيـز الجـوارا *** من صلب لابه كلهم عـقب ضرغام اهـل الـبـويضـا فـي زمـان المـثـارا *** تاريخهم معـروف في نجـد والشام خلفت صقـر مـا مجـدهـم مستعــارا *** ومن صار بين بيوتهم يرفع الهـام حـمـايـة الـزلـبـات سـتـر الـعـــذارا *** نـعـمٍ بـهــم مـا لامـهــم كــل لــّوام أفـعـالـهـم يـوم الـفـعـايـل اخــيــارا *** لهم على الطولات مسرى ومجهام والـيـوم كـلـن بـالـقــديـم ايـتـطــارا *** والشعر دوره بالعرب مثل الأعلام نـفـخـر بـفـعـل الغـانمـيـن أفـتخـارا *** ومـن بـان علمه له حواسد وظلام والـنـاس فـي جمع الـدراهـم تمـارا *** كلـن يـقـول الفـود بالشاعـر الفـام وبعـض البشر بالقـاف بايع وشـارا *** جلابـة الشيمة عـلى كـل من سـام وعـن واجـب اللابـة تخـفـا وتـوارا *** يجهـد على البلغة وعن واجبه نام يـلـبـد عـن العـدوان مـثـل الحـبـارا *** وعـلى القـرابـه ملسنه كنه حسام * وقال إبراهيم بن علي بن نزال الصقري أيضاً هذه القصيدة يسند على زميله عبدالله بن دهيمش بن عبار : 233 يا الله يا المولى على الباب نوخـت *** طـالبـك ترحـمني وتلطـف بحـالـي مما جـرالي يا فتى الجـود صّرخـت *** دنـيـا تـبـي صبـرٍ وقـو أحـتمـالـي قـالـوا يـا أبـن عـبـار أنـك تشيخـت *** قـلت الفضل لـلـه عـزيـز الجلالـي كانك قصرت الثوب استقعد البخـت *** تسلـك طـريـق الخيـر أول وتـالـي قـلت الشكـر لله يـوم أظهـر الفخـت *** بين الشيطان وبين من طاع والي أنـا أشـهـد أنـك للتـواريـخ تـرخـت *** فعلك على غـيرك صعـيب المنالـي مشيت بدروب الفضيلة ولا أرتخت *** واللي أعترض لك قل مالك ومالي قـل أعتـدل يا الـلي بدينك تفصخـت *** وأشرب قـراح السلسبيل الـزلالـي ولا يـنـفع التكشيخ يامـن تكـشخـت *** لـو كنت فـوق الخيل مثـل الهلالي لا صار مابك دين ما صار بك بخت *** بـالآخـرة نـدمـان وقـت السـوالـي وأرجو السموحه كان بالقول لبخت *** بعض الحكي لا زاد جاب الخمالي ختام قولي من أوضاع البشر دخت *** وصلوا على المختار بآخـر مقالي * وقال عبدالله بن دهيمش بن عبار هذه القصيدة رداً على الشاعر إبراهيم ابن علي الصقري : 234 يا الجاش هات القافيه وأنخته نخت *** للشعـر مخـزن بالضمير ومشالي قـلتـه ولاني بنظـم الأشعـار لطخـت *** سجلت قـولي حيـث جالـه مجالـي كـتبـت مكـتـوبـي وللـقـيـل نسـخـت *** رداً على الصقري عريب الخوالي من عزوة كان أنتخا الخصم بالأخت *** عاداتهم جـدع الشجـاع المـوالـي أهـل البويضـا خصمهم قـال كمخـت *** يـوم المـراجـل بالنمش والسلالي قالـوا علامـك قـال بالشلـف نجخـت *** مالح سيوف أولاد صقـر المدالـي قـالـو عـداك اللوم لـو كـان فـرخـت *** حـلـوبـك الـلي يحتـمـون التـوالـي عـذره لـربـعـه قـال بـالـدم مصخـت *** والـدم غـطى جـوخـتـه والبـدالـي واليـوم يـا إبراهـيـم كـاني تشيخـت *** أطلب عسى الرحمن يقبل أعمالي ركـعـت لـلـمـولـى ولـلـرب طـوخـت *** عسـاه يغـفـر خـالـقي ما مضالـي قـلته ولا ني يا فـتى الجـود مطخـت *** أخـتـار زيـنـات البيـوت الجـزالـي ومن طـاوع الشيطان قـلـه تـنفخـت *** دنيـاك يالمخلـوق جـرف هـيـالـي مهما ضحكت من العجـب أوتكلخـت *** دمـع الندم لا بد على الخـد سالـي * وقال إبراهيم بن علي الصقري هذه القصيدة بعد أن أكل لسان الذبيحة وطلب منه قصيده فقال يسند على عبدالله بن عبار : 235 لسـان أكلـتـه صـار حـقـه قـصيـده *** ونظـم القـوافي مهنتي وأحتـرافـي عـقـد القـصايـد يـوم ننظـم نجـيـده *** والقول دون أفعـال مـا هـو بوافـي سلوم العـرب عندي سلـوم مجيـده *** ومن يخلف العـادات يسفيه سافـي مـا خـالـفـت للـديـن طـاويـن قـيـده *** ورجـل يحـل الديـن ممشاه حـافـي قـلـتـه وأنـا مجـنـاي ذيـك البـديـده *** صقـور ولهـم عـاده بقطع الفيافـي عـدوانهـم بالكـون راحـوا سـريـده *** وكـم فـارس بالـكـون خلـوه هافـي صقور الحـرار اللي اعـداها تبيـده *** وكـم مشـعـل للـقـوم خـلـوه طـافـي مقيـولتـن مبـطي وبالـيـوم أعـيـده *** أهـل الـربـاع ولـلمـسيـّـر مـلافـــي أفـعـالـهـم يصعـب عـلـي أتـعـديـده *** وعندي على ما أقول برهان كافـي وكـل عنـزة عـلى المعـادي شديـده *** تاريخهـم معـروف مـا هـو بخافـي أنـشــد أبـن عــبـار ذاك الـولــيــده *** ينبيك عـن ما صار في قـول كافـي بـمـولـفـه تـلـقـا العـلـوم الـوكـيـده *** وأنا أشهـد أنـه يا جماعـه اسنافـي لو كان بعض الناس ما هو مريـده *** ومـن ما قـدر للضلع قوله عوافـي ما غـيـر يـرغـي بالمجالس نقـيـده *** ولا ظنـتي فـي يـوم للمجـد حـافـي حيـث الشراشف يالسنافي عـديـده *** ولا يـدفـي الـبـردان كـود اللحـافـي من يصنع المعروف يرفع رصيـده *** وحـقـه يمجـد فـي جـميع القـوافـي وفعل عنـزه معروف مابـه جحيـده *** يـوم الـبـنـادق والـمـطـايـا أردافـي هـذا مضى واليـوم عيشـه جـديـده *** أمــن وأمـان ولـلحـرايـق مـطـافـي محكوم في حكمت حكومـه رشيـده *** والخيـر وافـي في ذراهـا وضافـي قال عبدالله بن دهيمش بن عبار هذه القصيدة رداً على إبراهيم بن علي : 236 بسـم الـذي يبـدي العـبـاد ويـعـيـده *** رب الملأ فضله على الخلق ضافي محصي سجـلات الخـلايـق بـقـيـده *** مـولاي يعـلـم فـي كنيـن الخـوافـي نـعـوذ بـه مـن حـر نـار الـوقـيــده *** ونـلـوذ بـه مـن سـؤ كـيـد التجافـي ومن بعـد ذكـر الله نسجـل جـريـده *** من جـوهـر المكنون سجلـت قافـي من خـاطـري نظـمـت رد القصيـده *** بـديـت بالقـيـفـان والفـكـر صـافـي جاني جـواب الـلي علـومه حميـده *** إبـراهيـم بـن عـلي بعـيـد الهـدافـي راعي البويضا اليوم جـاني بريـده *** وأنـا عـلى الـرد الـقـديـم أمتشافـي كـل الـلـسـان ولا تـخـلـي شـريــده *** عـليـك يا راعـي البويضـا عـوافـي ما دمـت شاعـر والقـوافي تجـيـده *** سجلت لـك يا القـرم جـل أعتـرافـي وكـلـن عـلى مـا قيـل يـدي جهيـده *** وكلـن يعـبـر من حسين الـوصافـي كان الدبش والطرش عرجد مديده *** ربعـك جنـب بالكـون حـم الشعافـي يـردون غـدران الحـمـاد الصميـده *** يـوم المحول ويوم عصر الجفافـي أولاد صـقـر نـعـم بـذيـك الـفـنـيـده *** مرذيـن سنـم مقـولمـات الخـفـافـي ناضـوا من العـقـلـة بـديـرة بـريـده *** يرعـون قفـر الـدار قـبـل القطافـي مبـطـي مـداليهـم لـك الـلـه بـعـيـده *** يرمون غـالي ارواحهـم بالمهافـي قـطعـانهـم بـالـسيـر يعـجـل فـديـده *** عـلى الـقـفـاري مقبـلات ومقـافـي والـيـوم حـنـا بـالحـيـاه الـسـعـيـده *** مـن فضـل ربـي مـا عـلينـا خلافـي حـنـا بـنعـمـة والـمـبـانـي نـشـيـده *** حـيـث أستـقـرت سفنـنا بالمـرافـي والخـتم أصلي فـي خـتـام النشيـده *** عـلى النبي المختار بالفضـل نافـي * قال الشاعر إبراهيم بن علي الصقري هذه القصيدة يعاتب عبدالله بن دهيمش بن عبار على تأخير رد القصائد فيقول : 237 يا أبـو مشعـل ليـه تـبخـل بالـردود *** رد جـمسٍ جـاك عـانـي مـن بعـيـد من مزاجـه جـاك ما جـاك امحـدود *** يـوم وصّـل خـطنـا ساعـي البـريـد ليـه تحجـز جمسنا يا أبـن الأسـود *** غـايـة المقـصـود هـو رد القـصيـد كـان قصـدك طـولهـا مثـلـك يجـود *** كـم سمعـنـا بالـقـصايـد لـك رعـيـد وكـان وضعـك مختلف حاول يعود *** حيـث نبعـك ما ختلـف نبعـه يــزيـد يـا أبـو مشـعـل مـا بـنيـنـا لمهـدود *** كيـف تنقـض بيننـا عـقـب الجهيـد لـو تـصّـرف كـل كـلـمـة بـالـنـقـود *** مـا رضينـا لـو تسـوي لـي رصـيـد يا أبو مشعل ما تقصّر لـك اجهـود *** مـار حـاول والـتـعــذر مـا يــفــيــد مـا طـلـبـنــا قـبـلـهــا ردٍ يــكـــــود *** بـس هـذي مسـنـده مـا مـن محيـد يا أبو مشعـل ما رضينـا بالصـدود *** ولا رضي بـه بالعـرب كـود البلـيـد طـال لـيـلـي يالـسنـافـي وأنـا أنـود *** رد عــلـــمٍ يــحــتــوي ردٍ وكــيـــد قال عبدالله بن دهيمش العبار رداً على الشاعر إبراهيم بن علي الصقري : 238 مـرحـبـا حـيـيـت يـا نسـل الفـهـود *** حـي شـبـلٍ لابـتـه تـزهـى الـحـميـد عشت ياللي بالعلا تصعــد اصعـود *** أطلـب المولى عسى عمـرك مـديـد عشت يا إبراهيـم جعلـك بالوجـود *** يا شوق الـلي كـنهـا الظبي الفـريـد ربـنـا يحميـك مـن عـيـن الحسـود *** أفـتـخـر فـي مـثـلكـم والـلـه شهـيـد وأعتذر لك صار في فكري جمـود *** العـفـو يـا صـاحـب العـقـل الـرشيـد الخـطـوط الـوافـده عـنـدي شهـود *** كــل مــا رديـــت لـلـوارد تـــزيــــد لـو نهيـل القـاف مـن رمـل النفـود *** كان صارت مثل صحصاح الصعيد والمـشـاغـل تـندبـل منـهـا الكبـود *** كـل مـا أنـهـيهـا يجـي شغـل جـديـد أجـتـهـد لا شـك كـلـن الـعـضــــود *** والزمن يا الـقـرم يسطـي بالحـديـد الفـتى لـو كـان فـي عـمـر الـورود *** بـاد يا إبـراهـيـم مـن كـثـر الفـديـد مـا نـبي يـا القـرم تـبـيـيح السـدود *** كـلـنـا مـخـلـوق لـلـخـالـق عـبـيــد يتبع آخر تعديل عبدالله بن عبار يوم 07-04-2022 في 12:47 PM.
|
|||||
|
«
الموضوع السابق
|
الموضوع التالي
»
|
|
|
|
|
|
|
| ||||||||||||||||||||||||||||||
|
|
|
|
العرض الشجري
|
|
الساعة الآن 10:28 PM.
 |
|
 |
