البارحه جني هجوسي مهاييف = وتليمن عندي جدادن ودراس
والنوم عني في بعيد المذاليف = ذلف وعني راح في قلع الارماس
اونست لي شي يحش السراجيف = ويروح بي ويجيبني كل هوجاس
بالوقت اورابعض الاحيان واعيف = وللموْمن يصيرالرجااقرب من الياْس
ورجيت من ينش النصوب المراديف = الي مطرها يذكره كل عساس
عساه من فضله يزيل التخاليف = ويرتاح طرف لازمه سهر وعماس
هيضتني يالوايلي با لمحاريف = الي تترجم صادق شعور واحساس
لاهنت يالي صفف النظم تصفيف = بجواهرفيها من اللول والماس
من روْس وايل نادرين التواصيف = قوم تفوق افعولهم كل مقياس
ذربين لكن غيضهم شين ومخيف = خص ليا ركبوا على قب الافراس
لانطلن بيض العذارا النفانيف = هل فزعة تثني والارياق يباس
صدقت في قولك وتكرم عن الزيف = بالصاحب الي صحبته ترفع الراس
معروف مايحتاجله زود تعريف = للحيل ذباحَ وللبن حماس
والطيبين اهل القلوب المواليف = اللي على عز ومعزه ونو ماس
لوكان كل من نحيه ومن قيف = دايم تواصلهم للامجاد نبراس
ويسلم وبا ذن امصرف الكون تصريف = تبدل ايام الكاَبه والاتعاس
بايام فيها للا حبه غطاريف = بسلامة الطيب يطيبن الاْوناس