قصيدة علي الشيباني بعنوان

((بس ليك أحن))

منتدى العبار- بس ليك أحن
وبكه بغرامك ممتحن - هم تحن
وضحك ونه بثوب الحزن
بس ليك أحن
طوالك أشماعتك يحلالي ويونس الاذن
وعيونك اخيام البدوا لاهن وطن لاهن سجن
وشعرك حمامه توحشة ومتوني صارتلك غصن
وشفايفك تين وعسل وسوالفك سكته ودفن
دوس أعله كلبي بمشيتك واعجني بطرافك عجن
موا عاتي أشكيلك وون
بس راح أجن
مليان منك هل الوطن؟
متغاوي متروك بأسه ونه أشما تفتر أنفتن
أشبكني عريني الوكت؟ خلاني ثوب بلا ردن
دورت بحر وصحاري وجبال وسهول ومدن
ما شفت هيجي ترافه ولا مثل عودك مرن
زبده التموع التكضك موا طبك سن أعله سن
ترضه أنه أضرن جكاره ونعاس وأوعة هدم
ماتنكلب يامثكلك وشكد رزن
موا من تكضني أنه أبتسم
وجفي أحسن صم كطن ليش من أكضك تنهزم
شردة طفل مل وشبع منك حضن
امداري طيرأمداري روح
وألك جف ذليل وجف يطش عشك دخن
نام ألك عيني حصن ومهدك أفراش الجفن
ولن صعدت العش الكناري وطكتك حيت التبن
ولعبت امحيبس وكتنه ياسعد
المحبس بيا جف تظن
بيد علي الشيباني- بات بالعراقي من نلعب امحيبس
أخوك علي الشيباني- العراق - الديوانيه - ناحية الشنافيه