قال عبدالله بن دهيمش بن عبار هذه القصيدة عندما شاهد صاحب السمو الملكي الأمير محمد بن
نايف بن عبدالعزيز حفظه الله يقبّل أطفال الشهداء ويزور المصابين في المستشفيات :

أحـمـد الـلي تـرتـجي فـضلـه عـبـاده *** عـز حمـات الدين وانصـار العـقيـده
آل سـعـود مـلـوكـنـا لـلشـعـب قـــاده *** فـرحـت المـحـرج بـالأيـام الشـديـده
الفـخـر والمـجـد مـا نحـصي اعـداده *** عـزوة المـقـرن مـفـاخـرهـم تـلـيـده
هــم مـواريـث الـريـاسـه والـسيــاده *** مـن قـرونـاً مـاضيه مـاهـي جـديـده
أبـو تـركي شـاد صرح المجـد شـاده *** مـجـد جـدوده والـفـخـر قـرر يعـيـده
سار أبـو تركي على المولى اعتماده *** صـوب مشموخ الـعـلا وجّـه مـديـده
الـزعـيـم الـلـي الـوطـن وحّـد بــلاده *** بالـكـفـاح وطـوّع الـروس الـعـنـيـده
جـمّـع شعـوب الجـزيـره في جـهـاده *** والـبــدايــد كـلـهــا صــارت بــديــده
والـتـحـم شـعـب الجـزيـره بـأتـحـاده *** وكـل مـنـهـم سـار بـاريـاه السـديـده
وأحـمـد الـلـه نـنـعـم بـعـز وسـعــاده *** والحكـومـه مـن فـضل ربـي رشيـده
أبـو مـتـعـب حـقـق لـشـعـبـه مــراده *** يـرفـل بـنـعـمـه وحـصّـل مـا يـريـده
صفوة آل سعـود لـهـم الـطيـب عـاده *** هـم ذخـر شعب البـلاد وهـم رصيده
مـن يـخـون العـهـد لا يـأمـن هـجـاده *** ومـن غـدر كـل الوسايل مـا تـفـيـده
والـذي ضـد الـوطـن يحـمـل اعـتـاده *** أبـو مـتـعـب بالحـدب يـقطـع وريـده
مـن سلـك درب الخطأ واعـلن فساده *** لاعـه السيف الصقيل وقـص جـيـده
كـل مـن يقـرب عـريـن الليـث صـاده *** مخـلب الضرغام أقسى من الحديـده
والـعــنـيــد الـعـي مـا فــاده عــنــاده *** يـسـتـقـيـم ويـعـتـدل لـلـدرب سـيـده
مـن يـدور الـشـر يـبـشـر بـالأبــــاده *** والـمـعـادي بـالـنـحـر مـردود كـيـده
شـفـت مـنـظـر مـن يراه ابهج فـواده *** بـان بـالتـلـفـاز واصـفـاح الجـريـده
مـنـظـر الـلي نـال بالعـطـف الـريـاده *** هـو شبـل نايـف عسى أيامـه مديـده
بـاس راس الـلـي تـرقّـد بـالـعـيـــاده *** وبالتـعـازي يحتـظـن طـفـل الفـقيـده
يـمـسـح دمـوع الـيـتـامــا مـن وداده *** ولا يخيب الـلي ولـد نـايـف عـضيده
يـمشي محـمـد عـلـى مـنهـج اجـداده *** حيث عـطـف الجـد عـقّبهـا لحـفيـده
الـوطـن فـي أمـن ومـحـمـد اسـنــاده *** عـادل الـمـنـهـاج وأهـدافـه بـعـيــده
ويـوم عـلـم الجـعـفري جـاني وكـاده *** هـاض مكنـوني ونـظّـمـت القصيـده
شـاقـنـي نـظــم الـمـدايـح والأشــاده *** بالشـجـاع الـلـي يـشرفـنـي حـمـيـده
بـان عـلـمـه بـالشـجـاعـه والـجـلاده *** والأجــل بـكـتــاب ربــي لـه وعـيـده
حــاز نــوط الـعـز واوشـاح الـقــلاده *** الـنـقـيـب المـطـردي نـعـم الـولـيـده
باسـل وصنـديـد مـا يـعـرف الشراده *** فـعـل أبـو سلطـان تشهـد لـه بـريـده
من قضى دون الـوطن نـال الشهـاده *** جـاهـد محـمـد عسى روحـه شهيـده