الـلـه يجيـرك عـن بـلاء كل مـثبـور = وعن الهواء خلك بعيد وحيـــــــادي
وكم واحد من سبت الحب مجــرور= يـم المخـافـر جـلابـيـنـه يـقـــــــــادي
مسك طريق ً مظـلـم مـابـه الـنـــور= وللنفس خـلـك دايـم بالجـهـــــــــادي
ويعيضك الله في جنان بها الحــور= ويحشم جنابك عن طريق الفســــادي
وابعد عن الشبهات لاتقرب السور= ورأيك صحيح ولا أنت بالراي غادي
وعساك تبقى دايم الدوم مســـرور= وعـن الهـواء خـلـك بعـيـد احـتيـادي
وشكلك رزين وباين القلب معصور= يبيض وجهك ما يجيك الســـــوادي
ولا ترافق اللي عنده القول مكسور= لو الزمن يجبرك ويحديك حــــــادي
والبدو من بيوت الشعر صاروا بدور= ولا حد بقى ساكن بوسط الحمادي
اعجبت في شعرك وجاريتك اسطور= هيضتني والفكر جاه اشتـــــــدادي
يامحمد السوعان مشكور مشكـــور = ابديت رايك بالصحيح الســــدادي
يفداك من يمشي سفيهاً ومغــــــرور = يقضي حياته نـوم فوق الوسادي
واليوم كلاً عنده الخير مكثـــــــــــور = وكلاً مـلا مخبـاه وشبـعـان زادي
وكل ً ً يزين مسكنه صار مشهــــــور = وكل حارة ًتسمع المسجد ينادي
وعصر البدواه خابرينه به شــــــرور= لاتمدحـه يالقـرم تحـرق فـوادي
وراح الجهل والي يسموه ممــــــــرور= وحنا بحكم الشرع تطبيق هادي
ومن حاد درب الحق يسجن ومحشور= يسجن الحاله في سجن بأنفرادي
[/poem]
التعديل الأخير تم بواسطة عبدالله بن عبار ; 06-29-2012 الساعة 02:33 PM
سبب آخر: تنسيق
|