السلام عليكم ..
كم يحز في النفس عندما يرى الشخص كلماته التي هي بمثابة سيفه السليط تبدو أقزاما صغيرة عندما تحتاجها للتعبير عما تريد قوله وبسؤالها تجيبك على خجل بأنها ليست على مستوي المقام .. فمن يراد التحدث عنه هامة تقصر كل الكلمات عن وصول أدنى أطراف شموخه .. نعم والله إنه ذلك الأمر فشاعرنا اليوم ليس ككل أحد ( شيخ وفارس وحكيم وشاعر .. وشجاع وراس قبايل فماذا عسانا أن نقول .. إني أجد عذرا لكلماتي عندما تعلن إنسحابها خوفا من التقصير وإلا فمقام شيخنا يجبر الكلمات على الإنسياب بسلاسه لخصوبة ميدان من ستتكلم عنه ولكن مهما جمعنا من أمهات الكلام فسيبقى قاصرا عما يستحق شيخنا وشاعرنا إنه باختصار الشيخ الفارس الشجاع الكريم .. محمد ابن شافي ابن طراد الجيهاني الأكلبي ...
يقول شاعرنا ..
بديت باللي ماتعدد فضايلـه *** الواحد الـلي كـل الامـه تـخايـلـه
رب مـخـالـيـقـه تكـفـل بـرزقـهـا *** وعلى البشر ماهيب تحصى فضايله
واعوذ بالله بعد قصدي وغايتي *** وكل ترى قلبه يبين دلايله
ودليل قلبي مجلس العز والشرف *** وسوالف ماهيب من الحق مايله
سوالف تصغي النشامى لسمعها *** ماهيب عن طاري هل الطيب عايله
في مجلس فيه المناره نشبها *** وبن اليمن والعود الازرق كمايله
وبه دلة من الجمر مايفهقونها *** وجمر القرض دايم توقدشعايله
يشفي لها الخرمان من ريح هيلها *** ويزل صافيها ويبقى حثايله
ونجر ينادي الجار مع هاشل الخلا *** مهواه عرقان على كف شايله
يشفيله الخرمان لاسمع صلتها *** اللي من الطرقه تعاب رحايله
ذا قول بن شافي وهذا مرامه *** الشاعر اللي ماتخوجل مثايله
ماياخد الامن بيوت عنيفه *** والقاف يحسب له على شان قايله
ورثت للوراث نجر ودله *** واسم مسمى ماتغير بدايله
وحق نعز الضيف والجار والخوي *** والرزق عند اللي ينشي مخايله
مانجمع الدنيا نبيها تجاره *** خسران جامعها وهي عنه زايله
لاصار ماحصل جميل بحياته *** فلابد من قبر تهايل نثايله
لالاالردى والطيب ماعرفوا العرب *** احد ردي واحد تعزه قبايله
قبايله في كل موقف تعزه *** وعند القبايل كاملات خصايله
ان جاك محتاج يبي منك حاجه *** حاول على انك تحتسيله كمايله
انو الجميله لجل ربي يعينك *** واللي يعذلك لاتسمع عذايله
خلك صبور عند وقت الشدايد *** مثل الجمل مايشتكي من عدايله
سمي جمل يصبر لهذي ومثلها *** ويصبرولو كان المسفات طايله
هذي من انواع الحكم والنصايح *** نتعب لها مثل العسل من نحايله
معروضة لاهل الكرم والشجاعه *** ومقصورة من دون شاير حلايله
وصلاةربي عد من طاف بالحرم *** وعداد نوٍ ساكبات همايله
على رسول شرف الله جنابه *** في موقف محد من الخلق نايله
وسلامتكم