خوذو نصيحه يالقلوب اللبيبه
لو أن بعض الناس لاشاف عيبه
تكفيه عن سب الأوادم عيوبه
وش له بعرض الغافلين يحكيبه
هو ليه مايحسب عظايم ذنوبه
وهو يدري أن كل الخطايا محسوبه
هرج ٍ بلا فايده وش تبي به
الناس !! لاسمعوا كلام ٍ حكوو به
ياعاد تفرح للعرب بالمصيبه
لا بد من يومن تجيلك عقوبه
يا غافل بدنياك ترهاا مريبه
تصدق معك يوم ٍ ويوم ٍ كذوبه
ومرات في موج ٍ تصافق هبوبه
مايحصل له ملجأ ً يلتجي به
يترك أهله والحلال .. وقريبه
ولا يحصل الا خامة ٍ قدر ثوبه
وين السلف أهل الفخر والعروبه
والناس طينه والطبايع غريبه
لو هي جميع ٍ مايتوحد قلوبه
كل ٍ يحصل ما أكتب له نصيبه
والله غفور وقابل ٍ كل توبه